लूका 20
20
यहूदी लोगौ का यीशु कैईंदा सवाल
(मत्ती 21:23-27; मर 11:27-33)
1ऐक दूस ऐशै हौ, कै जोबै तैणै मन्दिर दा लोगौ खै उपदैश दैय लौआ थिया, औरौ सुसमाचार प्रचार कौरे लौआ थिया, तौ मुख्य यहूदी पुरोहित औरौ यहूदी शास्त्री, किछै बुड़ेईक तैसकै धोरे ओऊवे। 2औरौ बौलदै लागै, “आमु बोता, कै तू ऐजै काम कोसके औधिकार शै कौरे औरौ सैजा कुण औसौ, जैणै ताखै ऐजा औधिकार दैय राए?” 3तैणै तिनु जोवाब दिया, “हांव बै तुंआदै ऐक बात पूछु मुखै बौतांव। 4जोबै यूहन्नाए लोगौ खै बपतिस्मा दिया, तौ तैसीखै ऐजा कौरणौ का औधिकार पौरमेशवरे दिया, या लोगै।” 5“तोबै सै आपी मुंजी चौर्चा कौरदै लागै कै जै आमै जोवाब दियु, ‘स्वर्गो कै ढौबौशै,’ तौ सै बौलदा, ‘कै तोबै तुऐं हौजौ तैसका बिशवाश किथुखै ना की?’ 6औरौ जै आमु बुलूबे, ‘ऐजा औधिकार आदमियों कै ढौबौशा,’ तौ सौबै लोग आमु पांदी पथराव कौरदै, जिथुकै सै सौथीखै जाणौ थिए, कै यूहन्ना पौरमेशवर कै बातौ बौताणौवाल़ा थिया।” 7औरौ तिनुऐ जोवाब दिया, “आमु ना जाणु कै सै कोसके औरौ शा थिया।” 8यीशुए तिनुखै बौल़ौ, “हांव बै तुऔं खै ना बौतांदा कै हांव ऐजै काम कोसी औधिकार शै कौरु।”
दुष्ट किसानो का उदारण
(मत्ती 21:33-46; मर 12:1-12)
9तोबै यीशुए लोगौ कै ऐक उदारण दिया, “ऐकी आदमीए अंगूरो का बाग लौआ, औरौ किसानो खै तिथकै ओधयाल़ी दैयौ बौहितै दूसौ कारिए प्रदेश हौटै गौआ। 10जोबै सौमय ओऊवा, तौ तैणै किसानो कै धोरे ऐक नोकरो खै छाड़ा, कै अंगूरो कै बागड़ी पौरैशै किछै हिस्सा तैसकै धोरे लियांव, पौरौ किसाने तैसी पीटैयो खाली हाथ छाड़ै दिया। 11तोबै खेतौ कै मालिकै ऐक ओका नोकर छाड़ा औरौ तिनुऐ तैसी पीटैयो औरौ तैसकी बैज्जती कौरेयौ खाली हाथ पाछु भैजा। 12तोबै तैणै तीजा छाड़ा, औरौ तिनुऐ तैसीखै घायल कौरेयौ निकाल़ै दिया। 13तोबै अंगूरो कै बागो कै मालिकै बौल़ौ, ‘कै हांव का कौरु? हांव आपणै लाड़कु बैटै कै छाडुबा, जौरुर सै ऐसका आदर कौरलै।’ 14जोबै किसाने तैसी दैखा तौ आपी मुंजी सुंचदै लागै, ‘ऐजाई तौ वारिस औसौ, चालौ, आमै ऐसीखै बै मारै दियुंबे, औरौ जमीन-जायदात अमारै हौए जालै।’ 15औरौ तिनुऐ तैसीखै अंगूरो कै खेतौ कै बायरै लाएबा मारै दिया। इथकारिए ऐबै अंगूरो कै खेतौ का मालिक तिनु किसानो कै साथै का कौरदा? 16सै आयौ तिनु किसानो कै मारै दैंदा, औरौ अंगूरो कै बागड़ी ओकी कै दैय दैंदा।” ऐजौ शोणेयो तिनुऐ बौल़ौ, “पौरमेशवर ऐशै ना कौरौ।”
17तैणै तिनकै ढौबौ दैखैयो बौल़ौ, “हौजौ पवित्र शास्त्र दौ ऐजौ लैखै राए:
‘जैसी पाथरो कै मिस्रिए फेरकाए दिया थिया,
सैजा पाथर कोंड़ियारा बौणै गौआ।’
18जू कुणिए तैसी पाथरो पांदी रिड़लु सै चकनाचूर हौए जांदो औरौ जिथपांदी सै रिड़ल़ा तिथुखै पिशै दैंदा।”
यहूदी शास्त्रीयों औरौ मुख्य यहूदी पुरोहित की चाल
19तैसी सौमय यहूदी शास्त्री औरौ मुख्य यहूदी पुरोहित यीशु खै थामणा चांव थिए, जिथुकै सैजै सौमझै गौवै थिए, कै यीशुए तिनकै खिलाफ उदारण बौल़ै राए पौरौ सै लोगौ दै डौरे। 20औरौ सै तैसकै ताको दै रौवै औरौ आपणै भेदिए छाड़ै, कै सै धरम का भैष बौदल़ैयो तैसकी कुणजै ना कुणजै बात पाकड़ो, ताकि तैसी राज्यपाल कै हाथौ औरौ औधिकार दा सौंपै दैंव। 21तिनुऐ तैसीयांदो ऐजौ पूछु, “ओए रै गुरुजी आमु जाणुए कै तू ठीक बौल़ै, औरौ शिखाए बै औसौ औरौ कोसीआरी भैदभाव ना कौरे; औरौ पौरमेशवर कै बाट सौचाई सै बौताए। 22का रोम कै महाराजा (कैसर) खै मूसा कै कानून कै हिसाब शै आमुखै कर दैणौ चैंई या ना दैणा चैंई?” 23तैणै तिनकै चलाकी कै जाणैयौ तिनु बौल़ौ, 24“मुखै ऐक रोमी सिका दिखाव। जिथकै धियाड़ी ऐकी दूसौ कै धियाड़ी कै बोराबर थै। इथपांदी कोसके छाप औरौ नांव औसौ?” तिनुऐ बौल़ौ, “रोम देश कै महाराजा (कैसर) कै छाप औरौ नांव औसौ।” 25यीशुए तिनुखै बौल़ौ, “तौ जू महाराजा को औसौ, सैजौ महाराजा खै दैव, औरौ जू पौरमेशवर कौ औसौ सैजौ पौरमेशवर खै दैंव।”
26तिनकै लोगौ कै सामणै इनु बातौ दै तैसी पाकड़ी ना, औरौ तैसकै जोवाब लैई हैरान हौयौ चुपी रौए गौवै।
मौरेयो जियुंदी हौणौ औरौ बैयाव
(मत्ती 22:23-33; मर 12:18-27)
27तोबै सदूकी लोग जू बौल़ौए, कै मौरेयौंदे मुंजीदै जियुंदी हौणौ आथी ना, तिनुमुंजी कुणिए यीशु कै धोरे आयौ पूछु। 28“ओए रै गुरुजी, मूसाए आमु कारिए पवित्र शास्त्र दो ऐजौ लैख राए, ‘जै कोसी का भाई आपणै घोरवाल़ी कै रौंदै बैई बिना ओलाद कै मौरे जांव, तौ तैसका भाए तैसकै घोरवाल़ी आरी बैयाव कौरे पाव औरौ आपणै भाई कारिए ओलाद पौयदा कौरौ।’ 29ऐक बैई ऐकी कुड़बे दै सात भाए थिए। जैठा भाईड़ी बियाव कौरेयौ बेओलाद मौरे गौआ। 30तोबै दूजै औरौ तिजै भाईए तियौंआरी बियाव बाणा। 31ऐशैखैई सात कै सात भाए बेओलाद मौरे गौए। 32आखरी दी सैजी बैटमाणिश बै मौरे गौए। 33ऐबै, आमुखै बोता जै मौरेयौंदे का जियुंदी हौणौ पांदी सैजी विधवा बैटमाणिश, जू साती भाईड़ीआरी बियाए रौए थै, सै तिनुमुंजी दै कोसके घोरवाल़ी हौलै?” 34यीशुए तिनु बौल़ौ, “ऐसी जमाने कै ओलादै मुंजी तौ बैयाव-शादी हौंव। 35पौरौ जू लोग ऐसी लायक हौंदै, कै सै ऐसी जमाने दै औरौ मौरेयौंदे मुंजीदै जियुंदी हौए जालै, तौ तिनुमुंजी बैयाव ना हौंदै। 36तोबै सै कौलोंई ना मोरदै, जिथुकै सै स्वर्गदूतौ कै जैशणै हौंदै औरौ मौरेयौंदे कै जियुंदी हौणौ पांदी नानड़िया हौणै शै सै पौरमेशवर कै बै नानड़िया हौंदै। 37पौरौ इयौं बातौ खै कै मौरेयौंदे जियुंदी हौंव, मूसाए बै जोल़ेयौंदे झाड़ी कै कथा दो बौताए राए, कै सै प्रभु कै, ‘अब्राहम, इसहाक औरौ याकूब का पौरमेशवर बौल़ौ।’ 38पौरमेशवर तौ मौरेयौंदे का नी, पौरौ जियुंदै का पौरमेशवर औसौ, जिथुकै तैसकै नेड़िक सौबै जियुंदी औसौ।”
39तोबै ऐजौ शोणेयो यहूदी शास्त्रीयों मुंजीदै कुणिए ऐजौ बौल़ौ, “ओए रै गुरु तुऐं आछौ बौल़ौ।” 40औरौ इथकै बाद तिनु यीशु शै किछै पूछणो कै हिम्मत ना होई।
मसीह राजा दाऊद का बैटा या दाऊद का प्रभु औसौ?
(मत्ती 22:41-46; मर 12:35-37)
41तोबै तैणै तिनुवांदो पूछु, “मसीह कै राजा दाऊद का बैटा कैशै बौल़ौ? 42राजा दाऊदे तौ आपणै भजन संहिता कै किताबो दो लैखै राए,
‘प्रभुए मैरै प्रभु कैंई बौल़ौ,
मैरै सोऐं ढौबौ बौठ,
43जांव तौड़ी कै हांव तैरै बौयरी कै हराए ना दियु।’
44ऐशैखैई राजा दाऊद तैसीखै प्रभु बौल़ौ, तौ सै तैसका बैटा कैशै बौणा?”
यहूदी शास्त्रीयों कै खिलाफ चैलै कै चोकशाणै
(मत्ती 23:1-36; मर 12:38-40; लूका 11:37-54)
45जोबै लोगै शौणै लौ थियु, तौ यीशुए आपणै चैलै खै बौल़ौ, 46“यहूदी शास्त्रीयों कैईंदै चौकश रौया, जिनुकै लाम्बै-लाम्बै खोटणो बाम्बणै आछै लागौ, औरौ जू बाज़ारो कै लोगौ कैईंदै इज्जत पाणै चांव। औरौ तिनु यहूदी सभा-घोर दै खास-खास ठाँव औरौ बोईदुत मुंजी बै आदर दैणौ वाल़ी जौगैह दौ बोठणौ बोड़िया लागौ। 47सै विधवाओं कै घोरो पांदी कब्जा कौरणा चांव, औरौ देखाणौ कारिए बौड़ी बार तौड़ी प्रार्थना कौरदै रौंव। पौरमेशवर जौरुर तिनुकै कौड़ै सौजा दैन्दा।”
Currently Selected:
लूका 20: SRXNT
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
लूका 20
20
यहूदी लोगौ का यीशु कैईंदा सवाल
(मत्ती 21:23-27; मर 11:27-33)
1ऐक दूस ऐशै हौ, कै जोबै तैणै मन्दिर दा लोगौ खै उपदैश दैय लौआ थिया, औरौ सुसमाचार प्रचार कौरे लौआ थिया, तौ मुख्य यहूदी पुरोहित औरौ यहूदी शास्त्री, किछै बुड़ेईक तैसकै धोरे ओऊवे। 2औरौ बौलदै लागै, “आमु बोता, कै तू ऐजै काम कोसके औधिकार शै कौरे औरौ सैजा कुण औसौ, जैणै ताखै ऐजा औधिकार दैय राए?” 3तैणै तिनु जोवाब दिया, “हांव बै तुंआदै ऐक बात पूछु मुखै बौतांव। 4जोबै यूहन्नाए लोगौ खै बपतिस्मा दिया, तौ तैसीखै ऐजा कौरणौ का औधिकार पौरमेशवरे दिया, या लोगै।” 5“तोबै सै आपी मुंजी चौर्चा कौरदै लागै कै जै आमै जोवाब दियु, ‘स्वर्गो कै ढौबौशै,’ तौ सै बौलदा, ‘कै तोबै तुऐं हौजौ तैसका बिशवाश किथुखै ना की?’ 6औरौ जै आमु बुलूबे, ‘ऐजा औधिकार आदमियों कै ढौबौशा,’ तौ सौबै लोग आमु पांदी पथराव कौरदै, जिथुकै सै सौथीखै जाणौ थिए, कै यूहन्ना पौरमेशवर कै बातौ बौताणौवाल़ा थिया।” 7औरौ तिनुऐ जोवाब दिया, “आमु ना जाणु कै सै कोसके औरौ शा थिया।” 8यीशुए तिनुखै बौल़ौ, “हांव बै तुऔं खै ना बौतांदा कै हांव ऐजै काम कोसी औधिकार शै कौरु।”
दुष्ट किसानो का उदारण
(मत्ती 21:33-46; मर 12:1-12)
9तोबै यीशुए लोगौ कै ऐक उदारण दिया, “ऐकी आदमीए अंगूरो का बाग लौआ, औरौ किसानो खै तिथकै ओधयाल़ी दैयौ बौहितै दूसौ कारिए प्रदेश हौटै गौआ। 10जोबै सौमय ओऊवा, तौ तैणै किसानो कै धोरे ऐक नोकरो खै छाड़ा, कै अंगूरो कै बागड़ी पौरैशै किछै हिस्सा तैसकै धोरे लियांव, पौरौ किसाने तैसी पीटैयो खाली हाथ छाड़ै दिया। 11तोबै खेतौ कै मालिकै ऐक ओका नोकर छाड़ा औरौ तिनुऐ तैसी पीटैयो औरौ तैसकी बैज्जती कौरेयौ खाली हाथ पाछु भैजा। 12तोबै तैणै तीजा छाड़ा, औरौ तिनुऐ तैसीखै घायल कौरेयौ निकाल़ै दिया। 13तोबै अंगूरो कै बागो कै मालिकै बौल़ौ, ‘कै हांव का कौरु? हांव आपणै लाड़कु बैटै कै छाडुबा, जौरुर सै ऐसका आदर कौरलै।’ 14जोबै किसाने तैसी दैखा तौ आपी मुंजी सुंचदै लागै, ‘ऐजाई तौ वारिस औसौ, चालौ, आमै ऐसीखै बै मारै दियुंबे, औरौ जमीन-जायदात अमारै हौए जालै।’ 15औरौ तिनुऐ तैसीखै अंगूरो कै खेतौ कै बायरै लाएबा मारै दिया। इथकारिए ऐबै अंगूरो कै खेतौ का मालिक तिनु किसानो कै साथै का कौरदा? 16सै आयौ तिनु किसानो कै मारै दैंदा, औरौ अंगूरो कै बागड़ी ओकी कै दैय दैंदा।” ऐजौ शोणेयो तिनुऐ बौल़ौ, “पौरमेशवर ऐशै ना कौरौ।”
17तैणै तिनकै ढौबौ दैखैयो बौल़ौ, “हौजौ पवित्र शास्त्र दौ ऐजौ लैखै राए:
‘जैसी पाथरो कै मिस्रिए फेरकाए दिया थिया,
सैजा पाथर कोंड़ियारा बौणै गौआ।’
18जू कुणिए तैसी पाथरो पांदी रिड़लु सै चकनाचूर हौए जांदो औरौ जिथपांदी सै रिड़ल़ा तिथुखै पिशै दैंदा।”
यहूदी शास्त्रीयों औरौ मुख्य यहूदी पुरोहित की चाल
19तैसी सौमय यहूदी शास्त्री औरौ मुख्य यहूदी पुरोहित यीशु खै थामणा चांव थिए, जिथुकै सैजै सौमझै गौवै थिए, कै यीशुए तिनकै खिलाफ उदारण बौल़ै राए पौरौ सै लोगौ दै डौरे। 20औरौ सै तैसकै ताको दै रौवै औरौ आपणै भेदिए छाड़ै, कै सै धरम का भैष बौदल़ैयो तैसकी कुणजै ना कुणजै बात पाकड़ो, ताकि तैसी राज्यपाल कै हाथौ औरौ औधिकार दा सौंपै दैंव। 21तिनुऐ तैसीयांदो ऐजौ पूछु, “ओए रै गुरुजी आमु जाणुए कै तू ठीक बौल़ै, औरौ शिखाए बै औसौ औरौ कोसीआरी भैदभाव ना कौरे; औरौ पौरमेशवर कै बाट सौचाई सै बौताए। 22का रोम कै महाराजा (कैसर) खै मूसा कै कानून कै हिसाब शै आमुखै कर दैणौ चैंई या ना दैणा चैंई?” 23तैणै तिनकै चलाकी कै जाणैयौ तिनु बौल़ौ, 24“मुखै ऐक रोमी सिका दिखाव। जिथकै धियाड़ी ऐकी दूसौ कै धियाड़ी कै बोराबर थै। इथपांदी कोसके छाप औरौ नांव औसौ?” तिनुऐ बौल़ौ, “रोम देश कै महाराजा (कैसर) कै छाप औरौ नांव औसौ।” 25यीशुए तिनुखै बौल़ौ, “तौ जू महाराजा को औसौ, सैजौ महाराजा खै दैव, औरौ जू पौरमेशवर कौ औसौ सैजौ पौरमेशवर खै दैंव।”
26तिनकै लोगौ कै सामणै इनु बातौ दै तैसी पाकड़ी ना, औरौ तैसकै जोवाब लैई हैरान हौयौ चुपी रौए गौवै।
मौरेयो जियुंदी हौणौ औरौ बैयाव
(मत्ती 22:23-33; मर 12:18-27)
27तोबै सदूकी लोग जू बौल़ौए, कै मौरेयौंदे मुंजीदै जियुंदी हौणौ आथी ना, तिनुमुंजी कुणिए यीशु कै धोरे आयौ पूछु। 28“ओए रै गुरुजी, मूसाए आमु कारिए पवित्र शास्त्र दो ऐजौ लैख राए, ‘जै कोसी का भाई आपणै घोरवाल़ी कै रौंदै बैई बिना ओलाद कै मौरे जांव, तौ तैसका भाए तैसकै घोरवाल़ी आरी बैयाव कौरे पाव औरौ आपणै भाई कारिए ओलाद पौयदा कौरौ।’ 29ऐक बैई ऐकी कुड़बे दै सात भाए थिए। जैठा भाईड़ी बियाव कौरेयौ बेओलाद मौरे गौआ। 30तोबै दूजै औरौ तिजै भाईए तियौंआरी बियाव बाणा। 31ऐशैखैई सात कै सात भाए बेओलाद मौरे गौए। 32आखरी दी सैजी बैटमाणिश बै मौरे गौए। 33ऐबै, आमुखै बोता जै मौरेयौंदे का जियुंदी हौणौ पांदी सैजी विधवा बैटमाणिश, जू साती भाईड़ीआरी बियाए रौए थै, सै तिनुमुंजी दै कोसके घोरवाल़ी हौलै?” 34यीशुए तिनु बौल़ौ, “ऐसी जमाने कै ओलादै मुंजी तौ बैयाव-शादी हौंव। 35पौरौ जू लोग ऐसी लायक हौंदै, कै सै ऐसी जमाने दै औरौ मौरेयौंदे मुंजीदै जियुंदी हौए जालै, तौ तिनुमुंजी बैयाव ना हौंदै। 36तोबै सै कौलोंई ना मोरदै, जिथुकै सै स्वर्गदूतौ कै जैशणै हौंदै औरौ मौरेयौंदे कै जियुंदी हौणौ पांदी नानड़िया हौणै शै सै पौरमेशवर कै बै नानड़िया हौंदै। 37पौरौ इयौं बातौ खै कै मौरेयौंदे जियुंदी हौंव, मूसाए बै जोल़ेयौंदे झाड़ी कै कथा दो बौताए राए, कै सै प्रभु कै, ‘अब्राहम, इसहाक औरौ याकूब का पौरमेशवर बौल़ौ।’ 38पौरमेशवर तौ मौरेयौंदे का नी, पौरौ जियुंदै का पौरमेशवर औसौ, जिथुकै तैसकै नेड़िक सौबै जियुंदी औसौ।”
39तोबै ऐजौ शोणेयो यहूदी शास्त्रीयों मुंजीदै कुणिए ऐजौ बौल़ौ, “ओए रै गुरु तुऐं आछौ बौल़ौ।” 40औरौ इथकै बाद तिनु यीशु शै किछै पूछणो कै हिम्मत ना होई।
मसीह राजा दाऊद का बैटा या दाऊद का प्रभु औसौ?
(मत्ती 22:41-46; मर 12:35-37)
41तोबै तैणै तिनुवांदो पूछु, “मसीह कै राजा दाऊद का बैटा कैशै बौल़ौ? 42राजा दाऊदे तौ आपणै भजन संहिता कै किताबो दो लैखै राए,
‘प्रभुए मैरै प्रभु कैंई बौल़ौ,
मैरै सोऐं ढौबौ बौठ,
43जांव तौड़ी कै हांव तैरै बौयरी कै हराए ना दियु।’
44ऐशैखैई राजा दाऊद तैसीखै प्रभु बौल़ौ, तौ सै तैसका बैटा कैशै बौणा?”
यहूदी शास्त्रीयों कै खिलाफ चैलै कै चोकशाणै
(मत्ती 23:1-36; मर 12:38-40; लूका 11:37-54)
45जोबै लोगै शौणै लौ थियु, तौ यीशुए आपणै चैलै खै बौल़ौ, 46“यहूदी शास्त्रीयों कैईंदै चौकश रौया, जिनुकै लाम्बै-लाम्बै खोटणो बाम्बणै आछै लागौ, औरौ जू बाज़ारो कै लोगौ कैईंदै इज्जत पाणै चांव। औरौ तिनु यहूदी सभा-घोर दै खास-खास ठाँव औरौ बोईदुत मुंजी बै आदर दैणौ वाल़ी जौगैह दौ बोठणौ बोड़िया लागौ। 47सै विधवाओं कै घोरो पांदी कब्जा कौरणा चांव, औरौ देखाणौ कारिए बौड़ी बार तौड़ी प्रार्थना कौरदै रौंव। पौरमेशवर जौरुर तिनुकै कौड़ै सौजा दैन्दा।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.