मरकुस 14
14
यीशु कै मारणौ कै चाल चाले
(मत्ती 26:1-5; लूका 22:1-2; युहन्ना 11:45-53)
1दु दूसौ कै बाद फसह को तैयार#14:1 ऐजौ तैयार यहूदी लोगौ खै तैसी सौमय कै याद कौरांव जौबै पौरमेशवरे तिनकै बुड़ेईको खै मिस्र देश कै गुलाम शै आज़ाद कौरे राए थिये औरौ अखमीरी रोटी को तैयार#14:1 यहूदी लोग आई बोशो साती दूसौ तौड़ी ऐसी तैयारो खै मोनांव औरौ इनु दूसौ सैजै लोग बिना खमीर कै बाणैयौंदी रोटी खांव थिये। शुरु हौणौवाल़ौ थियु। मुख्य यहूदी पुरोहितो औरौ यहूदी शास्त्री इयौं बातौ की ताको दै थिए कै यीशु खै कैशैखै धौखै शै उंढा पाकड़ैबा मारै दीं। 2पौरौ बौल़ौ थिए, “कि आमुखै तैयारो कै दूसै ऐशै नी कौरणौ चैंई, कोदी ऐशै नी हौंव कै लोगौ मुंजी खून-खोराबा हौंव।”
कीमती इत्र
(मत्ती 26:6-13; युहन्ना 12:1-8)
3तौदी कै दूसै, जोबै यीशु बै बैतनिय्याह गांव दा तैसी शमौन कै घोरे खाणौ खांदा बौठै रौआ थिया, जैसीखै लोग कोढ़ी शमौन कै नांव शै जाणौ थिए औरौ यीशुए तैसीखै कोढ़ शै ठीक कौरे राए थिया, तोबै तिथै ऐक बैटमाणिशै संगमरमर कै पाथरो कै बासणौ दो जटामांसी को मौंगौ, औरौ शूचु औरौ खुशबूदार इत्र लियोऊ, औरौ बासणौ को बील तौड़ेयो इत्र खै तैसकै मुंडौ पांदी रिताए दियु। 4पौरौ किछै लोग आपी मुंजी रिशाऐबा बौलदै लागै, “जै तियैं ऐतरो मौंगौ इत्र यीशु पांदी पैरियों बोरबाद कौरौ। 5जिथुकै ऐजौ इत्र तौ ऐकी सालो कै कमाए कै बोराबर औसौ जू ज्यादा कीमतौ दु बैकेबा कंगालो खै बांडै जाए सौकौ थियु।” औरौ सैजै तियौंखै बैजाए झिड़कदै लागै। 6यीशुए बौल़ौ, “इयौं छोड़े दैव; औरौ इयौं पौरैशान नी कौरौ, मुं पांदी इत्र पायौ इयैं आछै टोल सांडी राए। 7कंगाल तौ तोंवारै साथै सौदा रौंव, औरौ तुऐं जौल़ौ चांव तोलो तिनुआरी भोलाए कौरे सौकौ, पौरौ हांव तोंवारै साथै सौदा ना रौंदा। 8इयैं मैरै मौरणौ शै औगौड़ियौ, मैरै मुंडो दो इत्र रितोऊ, कै मैरै शोरीर कै दफनाणो का संस्कार कौरा जांव, बस जू काम तियौं कारिए आसान थिया, सैजौ तियैं कौरौ। 9हांव तुऔं खै साचौ बुलू कै सारै दुनिया दा जिथै कौथी सुसमाचार प्रचार कौरा जाला, तिथै इयौंकै औरौ ऐसी कामौ कै चौर्चा बै याद कौरे जालै।”
यहूदा का यीशु कै साथी धौखा
(मत्ती 26:14-16; लूका 22:3-6)
10तोबै यहूदा इस्करियोती जू बारौ चैलै मुंजीदा ऐक थिया, मुख्य यहूदी पुरोहित कै धोरे हौटा, औरौ बौतौऊं कै सै यीशु थोम्बाणो खै तिनकी मौदद कौरदा। 11सैजै ऐजौ शौणैबा खुशी होवे, औरौ तैसीखै पोएसै दैणौ खै राजी होवे, औरौ सै धौखै शै यीशु कै थोम्बाणो कै ताको दा थिया।
आखरी भोज
(मत्ती 26:17-25; लूका 22:7-14; 21-23; युहन्ना 13:21-30)
12अखमीरी रोटी कै तैयारो कै आगलै दूसै, जिथै सै फसह कै मेम्ने कै बल़ि कौरौ थिए, यीशु कै चैलै तैसी कैईंदु पूछु, “तू आमुखै कुकै भैजणौ चांए, कै आमै फसह कै खुशी मोनाणौ खै खाणौ बौणाणौ कै तैयारी कौरु कै आमै इथु खाए सौकु?” 13तैणै आपणै चैलै मुंजीदै दु खै ऐजौ बौलेबा छाड़ै, “यरूशलेम नोगरो दै जाव, औरौ ऐक आदमी पाणी का घोड़ा टिपेबा तुऔं भैटदा, तैसकै पौछौड़ियौ हौए जाया। 14औरौ सै जैसी घोरो दा जाला, तैसी घोरो कै ठोगड़े खै बौलेया ‘गुरु बौल़ौ, कै मैरै पोऊंणै को घोर जिथपुंडा हांव आपणै चैलै कै साथै फसह खोऊं कुकै औसौ?’ 15सै तुऔं खै शोहे-लैबेंयौंदा, औरौ तैयार कौरेयौंदा उपला बौड़ा कमरा दिखाला, तिथै आमु कारिए तैयारी कौरौ।” 16दो चैलै निकल़ैयो नोगरो दै आए औरौ जैशैखै तैणै तिनुखै बौल़ै राए थियु, तैशैखैई पोऊ, औरौ तिनुऐ फसह का खाणा तैयार कौरा।
17जोबै बैल़खै हौ, तौ सै बारौ चैलो कै साथै तैसी घोरो दा ओऊवा। 18जोबै तिनुऐ बौठैबा खाणौ खाए लो थियु, तौ यीशुए बौल़ौ, “हांव तुऔं कैंई साचौ बुलू कै तुऔं मुंजीदा ऐक, जैणै मैरै साथै खाणौ-खाए लो, मुखै थोम्बाला।” 19जोबै तिनुऐ ऐजी बातौ शुणी, तौ सैजै दुखी हौवे औरौ तिनुऐ तैसी शै एकेक कौरेयौ सवाल पूछै, “का सैजा हांव औसौ?” 20तैणै तिनुखै बौल़ौ, “सै बारौई मुंजीदा ऐक औसौ, ऐक आदमी जैणै आपणै रोटी मैरै साथै तैसी पोकवानो दै डुबोए लोए जिथमुंजी दु आमै सौबीए खाए लो। 21हांव, आदमी का बैटा मोरी जोऊंबा जिथुकै ऐजै बात शास्त्रो दै लैखै राए। पौरौ तैसी आदमी कै सख्त सौजा भैटदी जू मुखै धौखै शा थोम्बाला। जै सैजा आदमी पौयदा नी हौंदा तौ तैसी आदमी कारिए आछै बात थी।”
चैलै कै साथी प्रभु भोज
(मत्ती 26:26-30; लूका 22:15-20; 1 कुरि 11:23-25)
22जोबै तिनुऐ खाए ही लोव थियु, यीशुए रोटी कौरी, औरौ पौरमेशवर कै धन्यवाद कौरेयौ तुड़ी, औरौ आपणै चैलो खै दी, औरौ बौल़ौ, “लौ औरौ खाव, ऐजा मैरा शोरीर औसौ।” 23तोबै तैणै अंगूर कै रस शै भौरेयौंदा छाना कौरेयौ पौरमेशवर कै धन्यवाद कौरा, औरौ आपणै चैलो खै दिया; औरौ तिनु सौबीए तिथ पौरैशौ पियु। 24औरौ तैणै तिनुखै बौल़ौ, “ऐजौ अंगूर को रस मैरै लोऊ कै जैशणौ औसौ। मैरौ लोऊ लोगौ कै ढौबौशौ बलिदान कै भैषो दो पैरो जांदो। इयौं बात लैई सैजी कौरार साबित हौलै जू पौरमेशवरे आपणै लोगौ आरी बाणै लोए। 25हांव तुऔं कैंई साचौ बुलू, कै अंगूर का रस तैसी दूसौ तौड़ी हौजौ कौलोंई ना पींदा, जांव तौड़ी पौरमेशवर का राज्य दा नौवाँ अंगूरो का रस ना पियुं।”
26तोबै यीशु औरौ तैसकै चैलै पौरमेशवर कै गीत गाऐबा यरूशलेम शहरो शै बायरै आयौ जैतून कै धारो पांदी हौटै जू नेड़िक थियु।
पतरस कै बारै दी भविष्यवाणी
(मत्ती 26:31-35; लूका 22:31-34; युहन्ना 13:36-38)
27जोबै सै धारो पांदी जांदै लागै रौवै थिए, तोबै यीशुए तिनुखै बौल़ौ, “ऐलो रातै ही तुऐं सौबै मुखै छोड़ेयौ भागी जालै, जैशैकै पवित्र शास्त्र दो मैरै बारै मुंजी लैखै राए: ‘हांव आपणै लोगौ कै रोखवाल़ै खै मारै दियुबा, औरौ भेड़ो उंढी-पुंढी बैखरै जाली।’ 28पौरौ हांव आपणै जियुंदी हौणौ खै बाद तुऔं दा औगौड़ियौ गलील जिले खै जांदा औरौ तिथै भैटदा।” 29पतरसे तैसीखै बौल़ौ, “जै बैशक सौबै ताखै छोड़ेयौ भागी जालै पौरौ हांव ना भागदा।” 30यीशुए तैसीखै बौल़ौ, “हांव ताखै कै साचौ बुलू, कै ऐलोई रातै कै कुकड़ै कै दो बैई बांक दैणौ दै औगौड़ियौ तू तीन बैई भाजै जांदा, कै तू मुखै ना जाणै!” 31पौरौ तैणै हौजौ बै जोर देएबा बौल़ौ, “जै मुखै तैरै साथै मौरणौ बै पोड़लो तौ हांव ऐजौ कौलोंई ना बौलदा कै हांव ताखै ना जाणु।” ऐशैखैई सौबी चैलै बै बौल़ौ।
गतसमनी बागो दै यीशु कै प्रार्थना
(मत्ती 26:36-46; लूका 22:39-46)
32तोबै यीशु औरौ तैसकै चैलै गतसमनी नांव कै ऐकी बागो दै पौऊंचै; औरौ तैणै आपणै चैलै खै बौल़ौ, “इथै बौठै रौया, जांव तौड़ी हांव पौरमेशवर शै प्रार्थना कौरु। 33औरौ सै पतरस औरौ याकूब औरौ यूहन्ना खै आपणै साथै दैणी औगौड़ियौ लौए गौआ; औरौ यीशु बौहिता दुखी औरौ व्याकुल हौंदा लागा।” 34औरौ तैणै बौल़ौ, “हांव ऐतरा दुखी औसौ कै मैरै ऐशैखै जाणियौ कै हांव मौरणौ पांदी औसौ: तुऐं इथै रूको, औरौ बिजेयोंदे रौया।” 35तोबै यीशु दैणिक औगौड़ियौ हौटा। औरौ आपणै घुंडू नियुड़ाएयो आपणा मुँह जोमीनो ढौबौ कौरेयौ पौरमेशवर शै प्रार्थना कौरदा लागा, जै हौए सौकौ तौ ऐजा दुख का सौमय मुं कैईंदा टोल़े जांव। 36औरौ बौल़ौ, “ओए रै पिता, ओए रै पिताजी, तू तौ सौबै ठुँ कौरे सौकै; मुखै ऐसी दुखो कैईंदा बौचाए दै: तोबै बै जैशैखै हांव चोऊं तैशैखै नी, पौरौ जू तू चांए तैशैखैई हौंव।”
37जोबै यीशु पाछु ओऊवा औरौ तीनै चैलै कै सौतेयौंदै दैखैयो शमौन पतरस खै बौल़ौ, “का तू सोतै रौआ? का तू ऐक घड़ी बै ना बिज़ सौकी? 38जागदै औरौ प्रार्थना कौरदै रौंव कै जोबै तोंवारै परीक्षा हौलै तोबै तुऐं मुं पांदी बिशवाश कौरणा बंद नी कौरौ। तोंवारा दिमाक ठीक कौरणा चांव, पौरौ तोंवारै शोरीरो दै ताकत कै कमी औसौ।” 39यीशु हौजौ तिथैदा आगु हौटा, औरौ तियौंई बातौ कै प्रार्थना कौरदा लागा। 40तोबै आयौ तैणै तिनुखै सौतेयौंदै दैखै, जिथुकै सै निंदराल़े रौवै थिए; औरौ ना जाणौ थिए कै तैसीकै का जोवाब दैणा।
41तोबै तिजाल़ियों आयौ तिनुखै बौल़ौ, “ऐबै सौतेयौंदै रौया औरौ बिशांव कौरेया, बस ऐबै सौमय आए गौआ, दैखौ हांव आदमी का बैटा पापियों कै हाथ थोमाए जांदा। 42बिजौ, औरौ चालौ! दैखौ, जैणै मुखै थोम्वाणौ कै मौदद कौरे लोए, सैजा नेड़िक पौंचै गौआ।”
गतसमनी बागो दा यीशु कै धौखै दा थोमाणा
(मत्ती 26:47-56; लूका 22:47-53; युहन्ना 18:3-12)
43यीशुए ऐजौ बौल़ै ही लौ थियु, कै यहूदा इस्करियोती जू बारौ चैलै मुंजीदा ऐक थिया, औरौ सै तिथै ऐकी बौड़ी भीड़ौ आरी ओऊवा जिनुवै तलवार औरौ हथियार आपिआरी लाए राए थिए। इनु कै मुख्य यहूदी पुरोहित औरौ यहूदी शास्त्री औरौ बुड़ेईके भैजै राए थिए। 44यीशु कै पाकड़णौवाल़ै यहूदाए भीड़ौ खै ऐजौ औगौड़ियौ ही बौताए राए थियु, कै जैसीखै हांव प्यार शै हौंगटा दियुंबा सैजाई औसौ, तैसी पाकड़ैबा सोंवा कौरेयौ लोए जाए। 45औरौ यहूदा ओऊवा, औरौ तौलोंई यीशु कै धोरे जाऐबा बौल़ौ, “ओए रै गुरुजी!” औरौ तैसीखै हौंगटै लौआ। 46तोबै तिनुऐ तैसी पाकड़ेयो बोन्दी बाणा।
47तिनु चैलै मुंजीदै जू नेड़िक खौड़ै थिए, ऐकीए तलवार खिंचेबा महायहूदी पुरोहित कै नोकर पांदी चौलाए, औरौ तैसका कान काटै दिया। 48यीशुए तिनुखै बौल़ौ, “का तुऐं डाकू जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? 49हांव तौ हर दूस यरूशलेम मन्दिरो दा तोंवारै साथै रौयौ उपदैश दियु थिया, औरौ तोबै तुऐं मुखै बोन्दी ना बाणी: पौरौ ऐजौ इथकारिए हौए रौ कै पवित्र शास्त्र की बातौ पूरी हौंव।”
50ऐशैखैई सौब चैलै तैसीखै छोड़ेयौ भागै गौवै। 51ऐक जवान आपणै नांगै शोरीरो पांदी चादर ओढ़ेयो तैसकै पौछौड़ियौ हौए गौआ; औरौ लोगै तैसीखै उंढा थामणा चोऊवा। 52पौरौ सै चादर छोड़ेयौ नांगा ही दौड़ै गौआ।
यीशु महासभा कै धोरे
(मत्ती 26:57-68; लूका 22:54-55,63-71; युहन्ना 18:13-14,19-24)
53तोबै सै यीशु खै महायहूदी पुरोहित कै घोरे लोऐ गौवै; औरौ सौब मुख्य यहूदी पुरोहित औरौ बुड़ेईक औरौ यहूदी शास्त्री तेसकागी कौठै हौए गौवै। 54पतरस दूर ही दूर यीशु कै पौछौड़ियौ-पौछौड़ियौ महायहूदी पुरोहित कै घोरो कै आँगणो कै भीतरै तौड़ी हौटा, औरौ मन्दिरो कै रोखवाल़ै आरी बौठैबा आग सेकदा लागा।
55मुख्य यहूदी पुरोहित औरौ यहूदी महासभा कै सौब खुमल़ाटू यीशु खै मारै दैणौ कै तैसकै विरोध दै गवाही कै ताको दै थिए, पौरौ कुणिए गवाही ना भैटी। 56जिथुकै बौहितै तैसकै खिलाफ झूठी गवाही दैय लोए थी, पौरौ तिनकी गवाही ऐकी दूजै आरी ना मिलो थी। 57तोबै किछै लोग ऊबै बिजैबा तैसकै विरोध दै ऐजै झूठी गवाही दैय, 58“आमै ऐसीखै ऐजौ बौलदै शौणै राए ‘हांव ऐसी हाथौ कै बाणैयोंदै मन्दिरो खै ढाल़ै दियुंबा, औरौ ती दूसौ दा ओका बाणुबा, जू हाथौ लैई ना बाणै रैली।’” 59इयौं बातौ पांदी बै तिनकै गवाही ऐकी दुजैआरी ना मिलो थी।
60तोबै महायहूदी पुरोहित महासभा कै सामणै खौड़ै हौयौ यीशु कैईंदु पूछु, “तू जोवाब काए ना दैय? इनु लोगै तैरै खिलाफ दै गवाही दैय लौए?” 61पौरौ सै चुपी खौड़ा रौआ, औरौ किछै जोवाब ना दी। महायहूदी पुरोहिते तैसीखै हौजौ पूछु, “जैसी पौरमेशवर कै आमै आराधना कौरु का तू तैसी पौरमेशवर का बैटा मसीह औसौ?” 62यीशुए बौल़ौ, “हौर हांव औसौए: तुऐं मुखै, आदमी कै बैटै खै सौबिदा शौकतीशाली पौरमेशवर कै सोऐं ढौबौ बौठेयौंदा राज कौरदै दैखलै, औरौ तुऐं मुखै स्वर्गो शा गौयणी कै बादल़ौ पांदी आन्दै बैई दैखलै।” 63जोबै महायहूदी पुरोहिते यीशु कै ऐजै बात शौणै तोबै तैणै इयौं बातौ शै गुस्सा हौयौ आपणै खोटणो चिरेयौ बौल़ौ, “ऐबै आमु हौजौ गवाहो कै का जौरुरत औसौ? 64तुऐं यीशु खै पौरमेशवर कै नेंदैया कौरदै बैई शौणै राए, इयौं बातौ पांदी तोंवारा का फोएसला औसौ?” तिनु सौबीए फौसला कौरा जै यीशु पौरमेशवर कै बैज्जती कौरणौ का दोषी औसौ, इथकारिए ऐसीखै मौरणौ कै सौजा दैव।
65तोबै कुणिए तौ तेसपान्दी थुकदै लागै, औरौ कुणिए तैसकौ मुं खोटदे लागै औरौ तैसदै घूसै मारदै रौवै, औरौ तैसीखै बौलदै लागै, जै तू पौरमेशवर कै बातौ बोताणौ वाल़ा औसौ तौ बोता तावंदी कुणै लाए। औरौ मन्दिरो कै रोखवाल़ै तैसीखै पाकड़ैबा तैसदै पोटाकै लाए।
पतरस को भाजै जाणौ औरौ रुणु
(मत्ती 26:69-75; लूका 22:56-62; युहन्ना 18:15-28)
66जोबै पतरस धैनै आँगणो दा आगी कै धोरे थिया, तौ महायहूदी पुरोहित की नोकरानीयो मुंजी दी ऐक तिथै आए। 67औरौ पतरस खै आग तापदै दैखा औरौ तैसीखै ढौबौ टकटकी लाएबा बौलदै लागी, “तू बै तौ तैसी नासरत गांव कै यीशु आरी थिया।” 68सै भाजै गौआ, औरौ बौल़ौ, “हांव ना जाणु औरौ ना सौमझु कै तुऐं का बौल़ै लौ।” तोबै सै तिथै बायरै आँगणो कै दियौल़ी दा हौटा; औरौ कुकड़ै बांक दैय दै।
69सैजी दासी तैसी दैखैयो तिनुकैईं जू तिथै ही थिए, हौजौ बौलदै लागै, “ऐजा आदमी बै तिनु यीशु कै चैलै मुंजीदा ऐक औसौ।” 70पौरौ सै हौजौ बै साचा बौणा। औरौ बिस्तौड़ी तिनुऐ जू तैसकै नेड़िक खौड़ै थिए हौजौ पतरस कैईंदु पूछु, “जौरुर तू यीशु कै चैलो मुंजीदा ऐक औसौ; जिथुकै तू गलील जिले का औसौ, औरौ तैरी भाष गलील जिले कै जैशणी औसौ।” 71तोबै पतरस बार-बार शौं खान्दा लागा, औरौ ऐजौ बौलदा लागा, “जै हांव झूठा हौऊंबा तौ पौरमेशवर मुखै जौरुर सौजा दैला हांव तैसी आदमी कै ना जाणु जैसकै बारै मुंजी तुऐं बौल़ै लौ।” 72तोबै तौलोंई दुजाल़ियो कुकड़ै बांक दै औरौ पतरस खै सैजै बात जू यीशुए तैसीखै बौल़ै राए थै याद आए, “कुकड़ै कै दो बैई बांक दैणै दै आगै तू तीन बैई मुखै भाजै जांदा।” पतरस इयौं बातौ सोंचैयो बैजाए दुखी हौआ औरौ जोर-जोर शै रुन्दा लागा।
Currently Selected:
मरकुस 14: SRXNT
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
मरकुस 14
14
यीशु कै मारणौ कै चाल चाले
(मत्ती 26:1-5; लूका 22:1-2; युहन्ना 11:45-53)
1दु दूसौ कै बाद फसह को तैयार#14:1 ऐजौ तैयार यहूदी लोगौ खै तैसी सौमय कै याद कौरांव जौबै पौरमेशवरे तिनकै बुड़ेईको खै मिस्र देश कै गुलाम शै आज़ाद कौरे राए थिये औरौ अखमीरी रोटी को तैयार#14:1 यहूदी लोग आई बोशो साती दूसौ तौड़ी ऐसी तैयारो खै मोनांव औरौ इनु दूसौ सैजै लोग बिना खमीर कै बाणैयौंदी रोटी खांव थिये। शुरु हौणौवाल़ौ थियु। मुख्य यहूदी पुरोहितो औरौ यहूदी शास्त्री इयौं बातौ की ताको दै थिए कै यीशु खै कैशैखै धौखै शै उंढा पाकड़ैबा मारै दीं। 2पौरौ बौल़ौ थिए, “कि आमुखै तैयारो कै दूसै ऐशै नी कौरणौ चैंई, कोदी ऐशै नी हौंव कै लोगौ मुंजी खून-खोराबा हौंव।”
कीमती इत्र
(मत्ती 26:6-13; युहन्ना 12:1-8)
3तौदी कै दूसै, जोबै यीशु बै बैतनिय्याह गांव दा तैसी शमौन कै घोरे खाणौ खांदा बौठै रौआ थिया, जैसीखै लोग कोढ़ी शमौन कै नांव शै जाणौ थिए औरौ यीशुए तैसीखै कोढ़ शै ठीक कौरे राए थिया, तोबै तिथै ऐक बैटमाणिशै संगमरमर कै पाथरो कै बासणौ दो जटामांसी को मौंगौ, औरौ शूचु औरौ खुशबूदार इत्र लियोऊ, औरौ बासणौ को बील तौड़ेयो इत्र खै तैसकै मुंडौ पांदी रिताए दियु। 4पौरौ किछै लोग आपी मुंजी रिशाऐबा बौलदै लागै, “जै तियैं ऐतरो मौंगौ इत्र यीशु पांदी पैरियों बोरबाद कौरौ। 5जिथुकै ऐजौ इत्र तौ ऐकी सालो कै कमाए कै बोराबर औसौ जू ज्यादा कीमतौ दु बैकेबा कंगालो खै बांडै जाए सौकौ थियु।” औरौ सैजै तियौंखै बैजाए झिड़कदै लागै। 6यीशुए बौल़ौ, “इयौं छोड़े दैव; औरौ इयौं पौरैशान नी कौरौ, मुं पांदी इत्र पायौ इयैं आछै टोल सांडी राए। 7कंगाल तौ तोंवारै साथै सौदा रौंव, औरौ तुऐं जौल़ौ चांव तोलो तिनुआरी भोलाए कौरे सौकौ, पौरौ हांव तोंवारै साथै सौदा ना रौंदा। 8इयैं मैरै मौरणौ शै औगौड़ियौ, मैरै मुंडो दो इत्र रितोऊ, कै मैरै शोरीर कै दफनाणो का संस्कार कौरा जांव, बस जू काम तियौं कारिए आसान थिया, सैजौ तियैं कौरौ। 9हांव तुऔं खै साचौ बुलू कै सारै दुनिया दा जिथै कौथी सुसमाचार प्रचार कौरा जाला, तिथै इयौंकै औरौ ऐसी कामौ कै चौर्चा बै याद कौरे जालै।”
यहूदा का यीशु कै साथी धौखा
(मत्ती 26:14-16; लूका 22:3-6)
10तोबै यहूदा इस्करियोती जू बारौ चैलै मुंजीदा ऐक थिया, मुख्य यहूदी पुरोहित कै धोरे हौटा, औरौ बौतौऊं कै सै यीशु थोम्बाणो खै तिनकी मौदद कौरदा। 11सैजै ऐजौ शौणैबा खुशी होवे, औरौ तैसीखै पोएसै दैणौ खै राजी होवे, औरौ सै धौखै शै यीशु कै थोम्बाणो कै ताको दा थिया।
आखरी भोज
(मत्ती 26:17-25; लूका 22:7-14; 21-23; युहन्ना 13:21-30)
12अखमीरी रोटी कै तैयारो कै आगलै दूसै, जिथै सै फसह कै मेम्ने कै बल़ि कौरौ थिए, यीशु कै चैलै तैसी कैईंदु पूछु, “तू आमुखै कुकै भैजणौ चांए, कै आमै फसह कै खुशी मोनाणौ खै खाणौ बौणाणौ कै तैयारी कौरु कै आमै इथु खाए सौकु?” 13तैणै आपणै चैलै मुंजीदै दु खै ऐजौ बौलेबा छाड़ै, “यरूशलेम नोगरो दै जाव, औरौ ऐक आदमी पाणी का घोड़ा टिपेबा तुऔं भैटदा, तैसकै पौछौड़ियौ हौए जाया। 14औरौ सै जैसी घोरो दा जाला, तैसी घोरो कै ठोगड़े खै बौलेया ‘गुरु बौल़ौ, कै मैरै पोऊंणै को घोर जिथपुंडा हांव आपणै चैलै कै साथै फसह खोऊं कुकै औसौ?’ 15सै तुऔं खै शोहे-लैबेंयौंदा, औरौ तैयार कौरेयौंदा उपला बौड़ा कमरा दिखाला, तिथै आमु कारिए तैयारी कौरौ।” 16दो चैलै निकल़ैयो नोगरो दै आए औरौ जैशैखै तैणै तिनुखै बौल़ै राए थियु, तैशैखैई पोऊ, औरौ तिनुऐ फसह का खाणा तैयार कौरा।
17जोबै बैल़खै हौ, तौ सै बारौ चैलो कै साथै तैसी घोरो दा ओऊवा। 18जोबै तिनुऐ बौठैबा खाणौ खाए लो थियु, तौ यीशुए बौल़ौ, “हांव तुऔं कैंई साचौ बुलू कै तुऔं मुंजीदा ऐक, जैणै मैरै साथै खाणौ-खाए लो, मुखै थोम्बाला।” 19जोबै तिनुऐ ऐजी बातौ शुणी, तौ सैजै दुखी हौवे औरौ तिनुऐ तैसी शै एकेक कौरेयौ सवाल पूछै, “का सैजा हांव औसौ?” 20तैणै तिनुखै बौल़ौ, “सै बारौई मुंजीदा ऐक औसौ, ऐक आदमी जैणै आपणै रोटी मैरै साथै तैसी पोकवानो दै डुबोए लोए जिथमुंजी दु आमै सौबीए खाए लो। 21हांव, आदमी का बैटा मोरी जोऊंबा जिथुकै ऐजै बात शास्त्रो दै लैखै राए। पौरौ तैसी आदमी कै सख्त सौजा भैटदी जू मुखै धौखै शा थोम्बाला। जै सैजा आदमी पौयदा नी हौंदा तौ तैसी आदमी कारिए आछै बात थी।”
चैलै कै साथी प्रभु भोज
(मत्ती 26:26-30; लूका 22:15-20; 1 कुरि 11:23-25)
22जोबै तिनुऐ खाए ही लोव थियु, यीशुए रोटी कौरी, औरौ पौरमेशवर कै धन्यवाद कौरेयौ तुड़ी, औरौ आपणै चैलो खै दी, औरौ बौल़ौ, “लौ औरौ खाव, ऐजा मैरा शोरीर औसौ।” 23तोबै तैणै अंगूर कै रस शै भौरेयौंदा छाना कौरेयौ पौरमेशवर कै धन्यवाद कौरा, औरौ आपणै चैलो खै दिया; औरौ तिनु सौबीए तिथ पौरैशौ पियु। 24औरौ तैणै तिनुखै बौल़ौ, “ऐजौ अंगूर को रस मैरै लोऊ कै जैशणौ औसौ। मैरौ लोऊ लोगौ कै ढौबौशौ बलिदान कै भैषो दो पैरो जांदो। इयौं बात लैई सैजी कौरार साबित हौलै जू पौरमेशवरे आपणै लोगौ आरी बाणै लोए। 25हांव तुऔं कैंई साचौ बुलू, कै अंगूर का रस तैसी दूसौ तौड़ी हौजौ कौलोंई ना पींदा, जांव तौड़ी पौरमेशवर का राज्य दा नौवाँ अंगूरो का रस ना पियुं।”
26तोबै यीशु औरौ तैसकै चैलै पौरमेशवर कै गीत गाऐबा यरूशलेम शहरो शै बायरै आयौ जैतून कै धारो पांदी हौटै जू नेड़िक थियु।
पतरस कै बारै दी भविष्यवाणी
(मत्ती 26:31-35; लूका 22:31-34; युहन्ना 13:36-38)
27जोबै सै धारो पांदी जांदै लागै रौवै थिए, तोबै यीशुए तिनुखै बौल़ौ, “ऐलो रातै ही तुऐं सौबै मुखै छोड़ेयौ भागी जालै, जैशैकै पवित्र शास्त्र दो मैरै बारै मुंजी लैखै राए: ‘हांव आपणै लोगौ कै रोखवाल़ै खै मारै दियुबा, औरौ भेड़ो उंढी-पुंढी बैखरै जाली।’ 28पौरौ हांव आपणै जियुंदी हौणौ खै बाद तुऔं दा औगौड़ियौ गलील जिले खै जांदा औरौ तिथै भैटदा।” 29पतरसे तैसीखै बौल़ौ, “जै बैशक सौबै ताखै छोड़ेयौ भागी जालै पौरौ हांव ना भागदा।” 30यीशुए तैसीखै बौल़ौ, “हांव ताखै कै साचौ बुलू, कै ऐलोई रातै कै कुकड़ै कै दो बैई बांक दैणौ दै औगौड़ियौ तू तीन बैई भाजै जांदा, कै तू मुखै ना जाणै!” 31पौरौ तैणै हौजौ बै जोर देएबा बौल़ौ, “जै मुखै तैरै साथै मौरणौ बै पोड़लो तौ हांव ऐजौ कौलोंई ना बौलदा कै हांव ताखै ना जाणु।” ऐशैखैई सौबी चैलै बै बौल़ौ।
गतसमनी बागो दै यीशु कै प्रार्थना
(मत्ती 26:36-46; लूका 22:39-46)
32तोबै यीशु औरौ तैसकै चैलै गतसमनी नांव कै ऐकी बागो दै पौऊंचै; औरौ तैणै आपणै चैलै खै बौल़ौ, “इथै बौठै रौया, जांव तौड़ी हांव पौरमेशवर शै प्रार्थना कौरु। 33औरौ सै पतरस औरौ याकूब औरौ यूहन्ना खै आपणै साथै दैणी औगौड़ियौ लौए गौआ; औरौ यीशु बौहिता दुखी औरौ व्याकुल हौंदा लागा।” 34औरौ तैणै बौल़ौ, “हांव ऐतरा दुखी औसौ कै मैरै ऐशैखै जाणियौ कै हांव मौरणौ पांदी औसौ: तुऐं इथै रूको, औरौ बिजेयोंदे रौया।” 35तोबै यीशु दैणिक औगौड़ियौ हौटा। औरौ आपणै घुंडू नियुड़ाएयो आपणा मुँह जोमीनो ढौबौ कौरेयौ पौरमेशवर शै प्रार्थना कौरदा लागा, जै हौए सौकौ तौ ऐजा दुख का सौमय मुं कैईंदा टोल़े जांव। 36औरौ बौल़ौ, “ओए रै पिता, ओए रै पिताजी, तू तौ सौबै ठुँ कौरे सौकै; मुखै ऐसी दुखो कैईंदा बौचाए दै: तोबै बै जैशैखै हांव चोऊं तैशैखै नी, पौरौ जू तू चांए तैशैखैई हौंव।”
37जोबै यीशु पाछु ओऊवा औरौ तीनै चैलै कै सौतेयौंदै दैखैयो शमौन पतरस खै बौल़ौ, “का तू सोतै रौआ? का तू ऐक घड़ी बै ना बिज़ सौकी? 38जागदै औरौ प्रार्थना कौरदै रौंव कै जोबै तोंवारै परीक्षा हौलै तोबै तुऐं मुं पांदी बिशवाश कौरणा बंद नी कौरौ। तोंवारा दिमाक ठीक कौरणा चांव, पौरौ तोंवारै शोरीरो दै ताकत कै कमी औसौ।” 39यीशु हौजौ तिथैदा आगु हौटा, औरौ तियौंई बातौ कै प्रार्थना कौरदा लागा। 40तोबै आयौ तैणै तिनुखै सौतेयौंदै दैखै, जिथुकै सै निंदराल़े रौवै थिए; औरौ ना जाणौ थिए कै तैसीकै का जोवाब दैणा।
41तोबै तिजाल़ियों आयौ तिनुखै बौल़ौ, “ऐबै सौतेयौंदै रौया औरौ बिशांव कौरेया, बस ऐबै सौमय आए गौआ, दैखौ हांव आदमी का बैटा पापियों कै हाथ थोमाए जांदा। 42बिजौ, औरौ चालौ! दैखौ, जैणै मुखै थोम्वाणौ कै मौदद कौरे लोए, सैजा नेड़िक पौंचै गौआ।”
गतसमनी बागो दा यीशु कै धौखै दा थोमाणा
(मत्ती 26:47-56; लूका 22:47-53; युहन्ना 18:3-12)
43यीशुए ऐजौ बौल़ै ही लौ थियु, कै यहूदा इस्करियोती जू बारौ चैलै मुंजीदा ऐक थिया, औरौ सै तिथै ऐकी बौड़ी भीड़ौ आरी ओऊवा जिनुवै तलवार औरौ हथियार आपिआरी लाए राए थिए। इनु कै मुख्य यहूदी पुरोहित औरौ यहूदी शास्त्री औरौ बुड़ेईके भैजै राए थिए। 44यीशु कै पाकड़णौवाल़ै यहूदाए भीड़ौ खै ऐजौ औगौड़ियौ ही बौताए राए थियु, कै जैसीखै हांव प्यार शै हौंगटा दियुंबा सैजाई औसौ, तैसी पाकड़ैबा सोंवा कौरेयौ लोए जाए। 45औरौ यहूदा ओऊवा, औरौ तौलोंई यीशु कै धोरे जाऐबा बौल़ौ, “ओए रै गुरुजी!” औरौ तैसीखै हौंगटै लौआ। 46तोबै तिनुऐ तैसी पाकड़ेयो बोन्दी बाणा।
47तिनु चैलै मुंजीदै जू नेड़िक खौड़ै थिए, ऐकीए तलवार खिंचेबा महायहूदी पुरोहित कै नोकर पांदी चौलाए, औरौ तैसका कान काटै दिया। 48यीशुए तिनुखै बौल़ौ, “का तुऐं डाकू जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? 49हांव तौ हर दूस यरूशलेम मन्दिरो दा तोंवारै साथै रौयौ उपदैश दियु थिया, औरौ तोबै तुऐं मुखै बोन्दी ना बाणी: पौरौ ऐजौ इथकारिए हौए रौ कै पवित्र शास्त्र की बातौ पूरी हौंव।”
50ऐशैखैई सौब चैलै तैसीखै छोड़ेयौ भागै गौवै। 51ऐक जवान आपणै नांगै शोरीरो पांदी चादर ओढ़ेयो तैसकै पौछौड़ियौ हौए गौआ; औरौ लोगै तैसीखै उंढा थामणा चोऊवा। 52पौरौ सै चादर छोड़ेयौ नांगा ही दौड़ै गौआ।
यीशु महासभा कै धोरे
(मत्ती 26:57-68; लूका 22:54-55,63-71; युहन्ना 18:13-14,19-24)
53तोबै सै यीशु खै महायहूदी पुरोहित कै घोरे लोऐ गौवै; औरौ सौब मुख्य यहूदी पुरोहित औरौ बुड़ेईक औरौ यहूदी शास्त्री तेसकागी कौठै हौए गौवै। 54पतरस दूर ही दूर यीशु कै पौछौड़ियौ-पौछौड़ियौ महायहूदी पुरोहित कै घोरो कै आँगणो कै भीतरै तौड़ी हौटा, औरौ मन्दिरो कै रोखवाल़ै आरी बौठैबा आग सेकदा लागा।
55मुख्य यहूदी पुरोहित औरौ यहूदी महासभा कै सौब खुमल़ाटू यीशु खै मारै दैणौ कै तैसकै विरोध दै गवाही कै ताको दै थिए, पौरौ कुणिए गवाही ना भैटी। 56जिथुकै बौहितै तैसकै खिलाफ झूठी गवाही दैय लोए थी, पौरौ तिनकी गवाही ऐकी दूजै आरी ना मिलो थी। 57तोबै किछै लोग ऊबै बिजैबा तैसकै विरोध दै ऐजै झूठी गवाही दैय, 58“आमै ऐसीखै ऐजौ बौलदै शौणै राए ‘हांव ऐसी हाथौ कै बाणैयोंदै मन्दिरो खै ढाल़ै दियुंबा, औरौ ती दूसौ दा ओका बाणुबा, जू हाथौ लैई ना बाणै रैली।’” 59इयौं बातौ पांदी बै तिनकै गवाही ऐकी दुजैआरी ना मिलो थी।
60तोबै महायहूदी पुरोहित महासभा कै सामणै खौड़ै हौयौ यीशु कैईंदु पूछु, “तू जोवाब काए ना दैय? इनु लोगै तैरै खिलाफ दै गवाही दैय लौए?” 61पौरौ सै चुपी खौड़ा रौआ, औरौ किछै जोवाब ना दी। महायहूदी पुरोहिते तैसीखै हौजौ पूछु, “जैसी पौरमेशवर कै आमै आराधना कौरु का तू तैसी पौरमेशवर का बैटा मसीह औसौ?” 62यीशुए बौल़ौ, “हौर हांव औसौए: तुऐं मुखै, आदमी कै बैटै खै सौबिदा शौकतीशाली पौरमेशवर कै सोऐं ढौबौ बौठेयौंदा राज कौरदै दैखलै, औरौ तुऐं मुखै स्वर्गो शा गौयणी कै बादल़ौ पांदी आन्दै बैई दैखलै।” 63जोबै महायहूदी पुरोहिते यीशु कै ऐजै बात शौणै तोबै तैणै इयौं बातौ शै गुस्सा हौयौ आपणै खोटणो चिरेयौ बौल़ौ, “ऐबै आमु हौजौ गवाहो कै का जौरुरत औसौ? 64तुऐं यीशु खै पौरमेशवर कै नेंदैया कौरदै बैई शौणै राए, इयौं बातौ पांदी तोंवारा का फोएसला औसौ?” तिनु सौबीए फौसला कौरा जै यीशु पौरमेशवर कै बैज्जती कौरणौ का दोषी औसौ, इथकारिए ऐसीखै मौरणौ कै सौजा दैव।
65तोबै कुणिए तौ तेसपान्दी थुकदै लागै, औरौ कुणिए तैसकौ मुं खोटदे लागै औरौ तैसदै घूसै मारदै रौवै, औरौ तैसीखै बौलदै लागै, जै तू पौरमेशवर कै बातौ बोताणौ वाल़ा औसौ तौ बोता तावंदी कुणै लाए। औरौ मन्दिरो कै रोखवाल़ै तैसीखै पाकड़ैबा तैसदै पोटाकै लाए।
पतरस को भाजै जाणौ औरौ रुणु
(मत्ती 26:69-75; लूका 22:56-62; युहन्ना 18:15-28)
66जोबै पतरस धैनै आँगणो दा आगी कै धोरे थिया, तौ महायहूदी पुरोहित की नोकरानीयो मुंजी दी ऐक तिथै आए। 67औरौ पतरस खै आग तापदै दैखा औरौ तैसीखै ढौबौ टकटकी लाएबा बौलदै लागी, “तू बै तौ तैसी नासरत गांव कै यीशु आरी थिया।” 68सै भाजै गौआ, औरौ बौल़ौ, “हांव ना जाणु औरौ ना सौमझु कै तुऐं का बौल़ै लौ।” तोबै सै तिथै बायरै आँगणो कै दियौल़ी दा हौटा; औरौ कुकड़ै बांक दैय दै।
69सैजी दासी तैसी दैखैयो तिनुकैईं जू तिथै ही थिए, हौजौ बौलदै लागै, “ऐजा आदमी बै तिनु यीशु कै चैलै मुंजीदा ऐक औसौ।” 70पौरौ सै हौजौ बै साचा बौणा। औरौ बिस्तौड़ी तिनुऐ जू तैसकै नेड़िक खौड़ै थिए हौजौ पतरस कैईंदु पूछु, “जौरुर तू यीशु कै चैलो मुंजीदा ऐक औसौ; जिथुकै तू गलील जिले का औसौ, औरौ तैरी भाष गलील जिले कै जैशणी औसौ।” 71तोबै पतरस बार-बार शौं खान्दा लागा, औरौ ऐजौ बौलदा लागा, “जै हांव झूठा हौऊंबा तौ पौरमेशवर मुखै जौरुर सौजा दैला हांव तैसी आदमी कै ना जाणु जैसकै बारै मुंजी तुऐं बौल़ै लौ।” 72तोबै तौलोंई दुजाल़ियो कुकड़ै बांक दै औरौ पतरस खै सैजै बात जू यीशुए तैसीखै बौल़ै राए थै याद आए, “कुकड़ै कै दो बैई बांक दैणै दै आगै तू तीन बैई मुखै भाजै जांदा।” पतरस इयौं बातौ सोंचैयो बैजाए दुखी हौआ औरौ जोर-जोर शै रुन्दा लागा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.