मरकुस 16
16
यीशु का जियुंदी हौणा
(मत्ती 28:1-8; लूका 24:1-12; युहन्ना 20:1-10)
1जोबै विशांव कौ दूस बीतै गौ, तौ मगदेला गांव कै मरियम, औरौ याकूब कै माँ मरियम, औरौ सलोमी बोड़िया बांसोवाल़ौ तेल मोलै लोयो आई, तोबै यहूदी भोवार कै हिसाब शै यीशु कै लाशो पांदी मुल़ौ। 2औयतवार कै झीशो जोबै सुरज निकल़ै ही रौआ थिया, सैजी कब्रो पांदी ऐई,
3औरौ आपी मुंजी बौल़ौ थी, “आमु कारिए कब्रो कै दवारो पांदी दा पाथर कुण हौटालै?” 4जोबै तिनुऐ गुफा कै ढौबौ दैखौ, तौ बौड़ा पाथर आगैई दवारो पौरैशा हौटाएयौंदा थिया। 5जोबै बैटमाणिशौ कब्रो कै भीतरै जाऐबा दैखौ कै ऐक जवान कै चोमकैयौंदे चिटै खोटणो बाम्बैयौंदा सोऐं ढौबौ बौठेयौंदा दैखा, औरौ सै बैजाए हैरान होई। 6तैणै तिनुखै बौल़ौ, “हैरान नी हौया, तुऐं यीशु कै जू नासरत गांव का औसौ, जू क्रूसो पांदी चौढ़ाया गौआ थिया, जैसी तुऐं जौए लौआ। सै मौरेयौंदे मुंजीदा जियुंदी हौए गौआ, सै इथै ना आथी; दैखौ, ऐजाई सैजा ठाँव औसौ, जिथै तिनुऐ तैसीखै धोरे राए थिया। 7ऐबै तुऐं जाव, औरौ तैसकै चैलै औरौ पतरस खै बौल़ौ, कै यीशु जियुंदी औसौ, सै तुऔं दा आगै गलील जिले खै जांदा लागै रौआ। तुऐं तैसीखै तिथै दैखदै जिथै तैणै मौरणौ दो औगौड़ियौ बौल़ै राए थियु।” 8औरौ सै निकल़ैयो गुफा कैईंदी दौड़ै गोई; जिथुकै कामणा औरौ घबराहट तिनुखै हौए गौआ थिया। औरौ कोसी कैंई बै किछै नै बुली, जिथुकै सै डौरे गोई थी।
मरियम मगदलीनी कै यीशु दैखिया
(मत्ती 28:9-10; युहन्ना 20:11-18)
9 # 16:9 ऐसी पद दै ऊबै बीस पद तौड़ी कैई हस्तलेखो दै ऐजै सौबै पद ना आथी। औयतवारे झीश हौंदै बैई जोबै यीशु मौरेयौंदे मुंजीदा जियुंदी हौए गौआ, तौ सौबिदा औगौड़ियौ मगदेला गांव कै मरियम खै दैखिया जियौं पौरैशी यीशुए पाछै सात दुष्टआत्माएं गाड़ै रैई थी। 10तियैं जाऐबा यीशु कै साथी खै जू शोक दै डोबै रौवै थिए, समाचार दिया। 11जोबै मरियमे तिनुखै बौल़ौ कै “यीशु जियुंदी होई रोआ, औरौ मोऐं इबी तैसीखै दैखै राए!” तिनुऐ तियांरी बातौ पांदी बिशवाश ना की
दु चैलै कै यीशु खै दैखिया
(लूका 24:13-35)
12तैसी दूसै कै बाद दै यीशु आपणै दु चैलै कै तिनुकै ओकी भैषो दा दैखिया, जौल़ौ सै गांव कै ढौबौ जांदै लागै रौवै थिए। 13जोबै तिनुऐ तैसीकै पोछाणै पाए, तोबै सै तावल़ै पाछु जाऐबा ओकी चैलो खै बोतांदै लागै, पौरौ कोसीए बै तिनु पांदी बिशवाश ना कौरी।
महान आदैश
(मत्ती 28:16-20; लूका 24:36-49; युहन्ना 20:19-23; प्रेरि 1:6-8)
14इथकै बाद यीशु गयारो चैलै कै दैखिया, जोबै सै खाणौ खांदै बौठै रौवै थिए, औरौ तैणै तिनुकै ताडै़ जिथुकै सै ऐतरै जितकुरे थिए, कै तिनुऐ लोगौ की गवाही पांदी बै बिशवाश ना कौरी, जिनु लोगै यीशु कै मौरणौ कै बाद जियुंदी दैखा थिया। 15तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ। 16जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला। 17औरौ बिशवाशियौं खै चौमत्कार कौरणौ कै शौकतै दै जांदी औरौ तिनुमुंजी ऐजै निशान हौंदै कै, सै मैरै नांव शै दुष्टआत्मा खै बाईंडी गाड़लै; औरौ हांव तिनु नुई-नुई भाषा बौलणौ कै लायक बौणाऊंबा। 18जै सै ऐक विषाल़ा दानो खै ऊबा टिपलै तौ हांव तिनुखै बौचाया कौरदा, औरौ जै सै जोयर बै पिलै, तौ हांव तिथलैई तिनका नुकसान ना हौणौ दैंदा। जै सै मैरै नांव लोयो बीमार लोगौ पांदी हाथ राखलै, तौ सै ठीक हौए जालै।”
यीशु कौ स्वर्ग कै जाणौ
(लूका 24:50-53; प्रेरि 1:9-11)
19चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।
20औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।
Currently Selected:
मरकुस 16: SRXNT
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
मरकुस 16
16
यीशु का जियुंदी हौणा
(मत्ती 28:1-8; लूका 24:1-12; युहन्ना 20:1-10)
1जोबै विशांव कौ दूस बीतै गौ, तौ मगदेला गांव कै मरियम, औरौ याकूब कै माँ मरियम, औरौ सलोमी बोड़िया बांसोवाल़ौ तेल मोलै लोयो आई, तोबै यहूदी भोवार कै हिसाब शै यीशु कै लाशो पांदी मुल़ौ। 2औयतवार कै झीशो जोबै सुरज निकल़ै ही रौआ थिया, सैजी कब्रो पांदी ऐई,
3औरौ आपी मुंजी बौल़ौ थी, “आमु कारिए कब्रो कै दवारो पांदी दा पाथर कुण हौटालै?” 4जोबै तिनुऐ गुफा कै ढौबौ दैखौ, तौ बौड़ा पाथर आगैई दवारो पौरैशा हौटाएयौंदा थिया। 5जोबै बैटमाणिशौ कब्रो कै भीतरै जाऐबा दैखौ कै ऐक जवान कै चोमकैयौंदे चिटै खोटणो बाम्बैयौंदा सोऐं ढौबौ बौठेयौंदा दैखा, औरौ सै बैजाए हैरान होई। 6तैणै तिनुखै बौल़ौ, “हैरान नी हौया, तुऐं यीशु कै जू नासरत गांव का औसौ, जू क्रूसो पांदी चौढ़ाया गौआ थिया, जैसी तुऐं जौए लौआ। सै मौरेयौंदे मुंजीदा जियुंदी हौए गौआ, सै इथै ना आथी; दैखौ, ऐजाई सैजा ठाँव औसौ, जिथै तिनुऐ तैसीखै धोरे राए थिया। 7ऐबै तुऐं जाव, औरौ तैसकै चैलै औरौ पतरस खै बौल़ौ, कै यीशु जियुंदी औसौ, सै तुऔं दा आगै गलील जिले खै जांदा लागै रौआ। तुऐं तैसीखै तिथै दैखदै जिथै तैणै मौरणौ दो औगौड़ियौ बौल़ै राए थियु।” 8औरौ सै निकल़ैयो गुफा कैईंदी दौड़ै गोई; जिथुकै कामणा औरौ घबराहट तिनुखै हौए गौआ थिया। औरौ कोसी कैंई बै किछै नै बुली, जिथुकै सै डौरे गोई थी।
मरियम मगदलीनी कै यीशु दैखिया
(मत्ती 28:9-10; युहन्ना 20:11-18)
9 # 16:9 ऐसी पद दै ऊबै बीस पद तौड़ी कैई हस्तलेखो दै ऐजै सौबै पद ना आथी। औयतवारे झीश हौंदै बैई जोबै यीशु मौरेयौंदे मुंजीदा जियुंदी हौए गौआ, तौ सौबिदा औगौड़ियौ मगदेला गांव कै मरियम खै दैखिया जियौं पौरैशी यीशुए पाछै सात दुष्टआत्माएं गाड़ै रैई थी। 10तियैं जाऐबा यीशु कै साथी खै जू शोक दै डोबै रौवै थिए, समाचार दिया। 11जोबै मरियमे तिनुखै बौल़ौ कै “यीशु जियुंदी होई रोआ, औरौ मोऐं इबी तैसीखै दैखै राए!” तिनुऐ तियांरी बातौ पांदी बिशवाश ना की
दु चैलै कै यीशु खै दैखिया
(लूका 24:13-35)
12तैसी दूसै कै बाद दै यीशु आपणै दु चैलै कै तिनुकै ओकी भैषो दा दैखिया, जौल़ौ सै गांव कै ढौबौ जांदै लागै रौवै थिए। 13जोबै तिनुऐ तैसीकै पोछाणै पाए, तोबै सै तावल़ै पाछु जाऐबा ओकी चैलो खै बोतांदै लागै, पौरौ कोसीए बै तिनु पांदी बिशवाश ना कौरी।
महान आदैश
(मत्ती 28:16-20; लूका 24:36-49; युहन्ना 20:19-23; प्रेरि 1:6-8)
14इथकै बाद यीशु गयारो चैलै कै दैखिया, जोबै सै खाणौ खांदै बौठै रौवै थिए, औरौ तैणै तिनुकै ताडै़ जिथुकै सै ऐतरै जितकुरे थिए, कै तिनुऐ लोगौ की गवाही पांदी बै बिशवाश ना कौरी, जिनु लोगै यीशु कै मौरणौ कै बाद जियुंदी दैखा थिया। 15तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ। 16जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला। 17औरौ बिशवाशियौं खै चौमत्कार कौरणौ कै शौकतै दै जांदी औरौ तिनुमुंजी ऐजै निशान हौंदै कै, सै मैरै नांव शै दुष्टआत्मा खै बाईंडी गाड़लै; औरौ हांव तिनु नुई-नुई भाषा बौलणौ कै लायक बौणाऊंबा। 18जै सै ऐक विषाल़ा दानो खै ऊबा टिपलै तौ हांव तिनुखै बौचाया कौरदा, औरौ जै सै जोयर बै पिलै, तौ हांव तिथलैई तिनका नुकसान ना हौणौ दैंदा। जै सै मैरै नांव लोयो बीमार लोगौ पांदी हाथ राखलै, तौ सै ठीक हौए जालै।”
यीशु कौ स्वर्ग कै जाणौ
(लूका 24:50-53; प्रेरि 1:9-11)
19चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।
20औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.