Pianciilna 28
28
1Isaac in Jacob samin a nukset zawkciang, “Canaan numei peuma teenpui heak in. 2Tua sangin Mesopotamia ngam na pupi Bethuel inn ah pai in, na pu Laban tanute khat teenpui in. 3Minam tam te ii pa na sua natu in Vaanglianbelpa Pathian in na mopoai ah thupha hong pia hen a, ta tam mama hong pia tahen! 4Pathian in, Abraham thupha a piak bangin nang le na suan na paalte thupha hong pia tahen a, Abraham tungah a piak, na teenna leitang sia nang neisa hisak tahen!” ci hi. #Pian 17:4-8 5Isaac in Laban teenna Mesopotamia ah Jacob paisak a, Laban sia Arameante Bethuel tapa hi a, Jacob le Esau te ii nu, Rebecca suapuipa ahi hi.
Esau in Zi dang Nei
6Isaac in Jacob thupha pia a, Mesopotamia ah zi zong tu in a paisakna thu Esau in he hi. Isaac in Jacob thupha a piak ciang Canaan numeite a teenpui ngawl natu in a thupiak zongh ama in he hi. 7Jacob in a nu le a pa thu ni in Mesopotamia ah a paina thu Esau in tel hi. 8Tua zawkciang Esau in a pa Isaac ii Canaan numeite a lungkim ngawlna thu tel hi. 9Tua ahiciang ama in Abraham tapa Ishmael kungah pai in a tanu Mahalath, Nebaioth ii suapuinu teenpui hi.
Bethel ah Jacob Mangman
10Jacob in Beersheba nusia in Haran sang zuan hi. 11Nitum ciang mun thiangtho khat theng a, tua munah ngiaphual saat hi. Ama mu tu in, suang khat khamhin lumsuk hi. 12Ama in mangman a, keallei khat leitung pan vantung dong kidawto in, vantunglalangte tua keallei ah a tuaksuk a kaato mu hi. #Jn 1:51 13Tuaciang ama kungah Topa ding hi. Ama in, “Keima in Abraham le Isaac te ii Pathian, Topa ka hi hi. Nang le na suan na paalte tungah na lupna hi leitang kong pia tu hi. #Pian 13:14-15 14Amate leitung ah leivui za in tam tu hi. Amate in mun theampo ah ngamkeak tu uh a, nang le na suan na paalte tungtawnin minamte theampo thupha ka pia tu hi. #Pian 12:3; 22:18 15Ciamtee ta'n, na paina po ah nang taw om in, kong dal tu a, hi leitang ah kong thet pui kik tu hi. Kong kamciamsa teng ka vawt siat mateng in, nang kong nusia buatu hi,” ci hi.
16Jacob khanglo in, “Topa hi sungah om hi! Ama hi munah om hi, keima in hi thu ka he bua hi,” ci hi. 17Ama lau in, “Hi mun bangza in lauhuai ziam! Hi sia Pathian inn hi nanak tu hi; hi mun in vantung tum natu kongpi hi nanak tu hi,” ci hi.
18A zing ciang zingtuungin Jacob tho a, a suang lukham la in khansuang khat in phut hi. Tua zawkciang ama in khansuang sia olive thau buakin Pathian tungah aap hi. 19Ama in tua mun sia Bethel ci hi. (Nidangin tuak ah om khua sia Luz kici hi.) 20Tua zawkciang Jacob in Pathian tungah kiciamna khat vawt a: “Nangma in kei taw nong om a, ka khualhawna ah hong dalin, an le puan nong pia a, 21tuaciang ciidam in ka pa inn ah ka cia kik le, tuasia ciang nangma in ka Pathian na hi tu hi. 22Hi khansuang ka phuna sia nangma hong kibiakna mun hi tu hi, tuaciang nong piak theampo sung pan sawm a khat, nang kong pia tu hi,” ci hi.
Currently Selected:
Pianciilna 28: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Pianciilna 28
28
1Isaac in Jacob samin a nukset zawkciang, “Canaan numei peuma teenpui heak in. 2Tua sangin Mesopotamia ngam na pupi Bethuel inn ah pai in, na pu Laban tanute khat teenpui in. 3Minam tam te ii pa na sua natu in Vaanglianbelpa Pathian in na mopoai ah thupha hong pia hen a, ta tam mama hong pia tahen! 4Pathian in, Abraham thupha a piak bangin nang le na suan na paalte thupha hong pia tahen a, Abraham tungah a piak, na teenna leitang sia nang neisa hisak tahen!” ci hi. #Pian 17:4-8 5Isaac in Laban teenna Mesopotamia ah Jacob paisak a, Laban sia Arameante Bethuel tapa hi a, Jacob le Esau te ii nu, Rebecca suapuipa ahi hi.
Esau in Zi dang Nei
6Isaac in Jacob thupha pia a, Mesopotamia ah zi zong tu in a paisakna thu Esau in he hi. Isaac in Jacob thupha a piak ciang Canaan numeite a teenpui ngawl natu in a thupiak zongh ama in he hi. 7Jacob in a nu le a pa thu ni in Mesopotamia ah a paina thu Esau in tel hi. 8Tua zawkciang Esau in a pa Isaac ii Canaan numeite a lungkim ngawlna thu tel hi. 9Tua ahiciang ama in Abraham tapa Ishmael kungah pai in a tanu Mahalath, Nebaioth ii suapuinu teenpui hi.
Bethel ah Jacob Mangman
10Jacob in Beersheba nusia in Haran sang zuan hi. 11Nitum ciang mun thiangtho khat theng a, tua munah ngiaphual saat hi. Ama mu tu in, suang khat khamhin lumsuk hi. 12Ama in mangman a, keallei khat leitung pan vantung dong kidawto in, vantunglalangte tua keallei ah a tuaksuk a kaato mu hi. #Jn 1:51 13Tuaciang ama kungah Topa ding hi. Ama in, “Keima in Abraham le Isaac te ii Pathian, Topa ka hi hi. Nang le na suan na paalte tungah na lupna hi leitang kong pia tu hi. #Pian 13:14-15 14Amate leitung ah leivui za in tam tu hi. Amate in mun theampo ah ngamkeak tu uh a, nang le na suan na paalte tungtawnin minamte theampo thupha ka pia tu hi. #Pian 12:3; 22:18 15Ciamtee ta'n, na paina po ah nang taw om in, kong dal tu a, hi leitang ah kong thet pui kik tu hi. Kong kamciamsa teng ka vawt siat mateng in, nang kong nusia buatu hi,” ci hi.
16Jacob khanglo in, “Topa hi sungah om hi! Ama hi munah om hi, keima in hi thu ka he bua hi,” ci hi. 17Ama lau in, “Hi mun bangza in lauhuai ziam! Hi sia Pathian inn hi nanak tu hi; hi mun in vantung tum natu kongpi hi nanak tu hi,” ci hi.
18A zing ciang zingtuungin Jacob tho a, a suang lukham la in khansuang khat in phut hi. Tua zawkciang ama in khansuang sia olive thau buakin Pathian tungah aap hi. 19Ama in tua mun sia Bethel ci hi. (Nidangin tuak ah om khua sia Luz kici hi.) 20Tua zawkciang Jacob in Pathian tungah kiciamna khat vawt a: “Nangma in kei taw nong om a, ka khualhawna ah hong dalin, an le puan nong pia a, 21tuaciang ciidam in ka pa inn ah ka cia kik le, tuasia ciang nangma in ka Pathian na hi tu hi. 22Hi khansuang ka phuna sia nangma hong kibiakna mun hi tu hi, tuaciang nong piak theampo sung pan sawm a khat, nang kong pia tu hi,” ci hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016