Mark 8
8
Jesus in Mihing Tulli Anvaak
(Matthew 15:32-39)
1Tuazawk khuangei ngawlin mihon dang khat hong kikhawm hi. Tua mihingte anneak tu bangma a nei nawn ngawl uh ciangin, Jesus in a nungzuite a kungah sam a, 2“Hi mite khuangai huai ka sa hi, banghang ziam cile amate in ni thum tawntung kei taw hong omkhawm a, tu in bangma neak tu nei nawn ngawl hi. 3An ne ngawlin ciasak leang, lamkaal ah pukhong siat tu hi, banghang ziam cile pawlkhatte a khuala pek pan hong pai ahi hi,” ci hi.
4A nungzuite in, “Hi sung sennealngam ah koisung panin, mihing hi za ii anneak tu mu tu hi ziam?” ci uh hi.
5“Anluum bangza nei nu ziam?” ci in Jesus in dongh hi.
“Luum sali” ci in zo uh hi.
6Ama in mihonte lei ah to tu in sawl hi. Tua zawkciang ama in anluum sali teng la in, Pathian tung lungdamko in, balneen a, nungzuite ii mihonte a hawmsak tu in pia hi; tuabang ma in nungzuite in hawm uh hi. 7Amate in ngasa no pawlkhat zongh nei uh hi. Jesus in hite atu lungdamko a, nungzuite tungah hawm vun ci hi. 8-9Mihing sim in ne uh a, kham tek uh hi — an ne mihing theampo 4,000 bang pha hi. Tua zawkciangin nungzuite in an neakmong a khop ciang khum sali dim pha hi. Jesus in mipite ciasak a, 10thakhat thu in nungzuite taw ngunkuang tung zuanin Dalmanutha ngam ah pai uh hi.
Phariseete in Nalamdang Lakna Ngen
(Matthew 12:38-42; Matthew 16:1-4)
11Phariseete pawlkhat Jesus kungah pai a, ama taw kam kinial uh hi. Amate in Jesus thaangsia bangin sia nuam ahikom Pathian lungkimpuina a om le a om ngawl a tel nopna in, nalamdang lakna khat ngen uh hi.#Mt 12:38; Lk 11:16 12Ahihang Jesus phiing vahumin, “Banghangin tu lai mihingte in nalamdang lakna veu hong ngen ziam? Hong pia ngawl tu khi hi kong ci hi! Hi mihingte tungah tuabang laknate kipia ngawl tu hi!” ci hi. #Mt 12:39; Lk 11:29
13Amate nusia in ama ngunkuang tung zuan kik a, tuili ngalkhat ah pai tu in kipan hi.
Phariseete le Herod ii Tol
(Matthew 16:5-12)
14Nungzuite in anluum a kicing a ken tu mangil a, ngunkuang sungah luum khat bek nei hi. 15“Kidawm vun a, Phariseete le Herod ii tol panin, kikeam tavun,” Jesus in ci hi.#Lk 12:1
16Amate sung teng tua thu kikum uh a: “Hi bang a hong ci sia anluum ih nei ngawl hang a, hong ci hi vak,” ci uh hi.
17Jesus in amate kikup tuamna teng tel paih ahikom, “Banghangin anluum nei ngawl huvau kikum nu ziam? Tel ngawl lai, he ngawl lai nu ziam? Na thin uh kiphel ngawl het ziam? 18Mit nei napi — mu thei ngawl nu ziam? Bil nei napi — za thei ngawl nu ziam? #Jer 5:21; Eze 12:2; Mk 4:12 19Anluum nga taw mihing tulnga ka vaak lai in, a khawn laak uh bangza khawm kana nu ziam? Ciamtee nawn ngawl nu ziam?” ci hi.
“Khum sawm le khum nii,” ci in zo uh hi.
20“Tuaciang anluum sali taw mihing tulli ka vaak lai in a khawn laak uh khum bangza khawm kana nu ziam?” ci hi.
“Khum sali,” ci in zo uh hi.
21“Tua hi napi tel ngawl lalai nu ziam?,” ci hi.
Bethsaida ah Jesus in Mittaw Pasal khat Damsak
22Amate Bethsaida khua hong theng a, ama ii tham tu in mittaw pasal khat mihing pawlkhat in Jesus kungah hong paipui hi. 23Jesus in mittawpa ii khut pan len a, khua pua sangah paipui hi. Pasalpa mittang ah a cilphii zawkciang Jesus in ama tungah a khut nga a, “Khua na mu thei ziam,” ci in dongh hi.
24Pasalpa in khuadak a, “Mihingte mu thei khi hi, ahizong amate thingkung lampaite taw kibangin ka mu hi,” ci hi.
25Jesus in pasalpa mittang tungah a khut nga kik hi. Tuasia ciang pasalpa in khua pha tatak a et le, khuamu thei kik a, na theampo thiang takin mu thei hi. 26Jesus in a inn ah ciasak a, “Tua khuano sungah pai kik nawn heak in,” ci in thupia hi.
Peter in Jesus Thu A Pualaakna
(Matthew 16:13-20; Luke 9:18-21)
27Tua zawkciang Jesus le a nungzuite Caesaria Philippi khua hui khuanote ah pai uh hi. A pai kawmin, “Ngual in kei akua hi hong ci ziam,” ci in dongh hi.
28“Pawlkhat in Tuiphumpa John hi hong ci hi, a dangte in Elijah hi hong ci a, kamsaang sung pan khat hi hong ci zongh om hi,” ci in zo kik uh hi.#Mk 6:14-15; Lk 9:7-8
29“Note in kei akua hi nong ci uh ziam?” ci hi.
Peter in, “Nang sia Messiah ni hi,” ci hi.#Jn 6:68-69
30Tuasia ciang Jesus in, “Kei huvau kuama munah son heak vun,” ci in thupia hi.
Jesus in A Thuak natu le A Thi natu Sonkhol
(Matthew 16:21-28; Luke 9:22-27)
31Tua zawkciang Jesus in a nungzuite hilna nei tu in kipan hi. “Mihing Tapa in nasia takin ngimna thuak tu a, upate, thiampi liante le Thukham hil syate in nial tu uh hi. Ama thatlum tu a, ni thum zawkciang nuntakna sungah tho kik tu hi,” ci hi. 32Ama in hi thu amate tungah thiangson mama hi. Tua ahikom Peter in ama sam tuamin teih hi. 33Ahihang Jesus hong kingeilee a, a nungzuite en in, Peter teih hi. “Kei kung pan tai in Satan awng, na khua ngaisutna Pathian kung pan hong pai hi ngawlin, mihing pianzia sung pan hong pai ahi hi!” ci hi.
34Tua zawkciang Jesus in mihonte le a nungzuite ama kungah sam a, “Mihing khat po in kei hong zui nuam le, ama le ama kinial in, a thinglamtee pua in hong zui tahen.#Mt 10:38; Lk 14:27 35Banghang ziam cile a nuntakna a huu nuam sia in a nuntakna taan tu hi; ahihang kei hang le Lungdamna thu hang a nuntakna a taan sia in a nuntakna huu tu hi.#Mt 10:39; Lk 17:33; Jn 12:25 36Mihing khat in simlei bup a nga hangin, a nuntakna a taan le meetna nei tu ziam? Meet ngawl tu hi! 37A nuntakna a nga kik natu in, a piak thei tu bangma om ngawl hi. 38Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.
Currently Selected:
Mark 8: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Mark 8
8
Jesus in Mihing Tulli Anvaak
(Matthew 15:32-39)
1Tuazawk khuangei ngawlin mihon dang khat hong kikhawm hi. Tua mihingte anneak tu bangma a nei nawn ngawl uh ciangin, Jesus in a nungzuite a kungah sam a, 2“Hi mite khuangai huai ka sa hi, banghang ziam cile amate in ni thum tawntung kei taw hong omkhawm a, tu in bangma neak tu nei nawn ngawl hi. 3An ne ngawlin ciasak leang, lamkaal ah pukhong siat tu hi, banghang ziam cile pawlkhatte a khuala pek pan hong pai ahi hi,” ci hi.
4A nungzuite in, “Hi sung sennealngam ah koisung panin, mihing hi za ii anneak tu mu tu hi ziam?” ci uh hi.
5“Anluum bangza nei nu ziam?” ci in Jesus in dongh hi.
“Luum sali” ci in zo uh hi.
6Ama in mihonte lei ah to tu in sawl hi. Tua zawkciang ama in anluum sali teng la in, Pathian tung lungdamko in, balneen a, nungzuite ii mihonte a hawmsak tu in pia hi; tuabang ma in nungzuite in hawm uh hi. 7Amate in ngasa no pawlkhat zongh nei uh hi. Jesus in hite atu lungdamko a, nungzuite tungah hawm vun ci hi. 8-9Mihing sim in ne uh a, kham tek uh hi — an ne mihing theampo 4,000 bang pha hi. Tua zawkciangin nungzuite in an neakmong a khop ciang khum sali dim pha hi. Jesus in mipite ciasak a, 10thakhat thu in nungzuite taw ngunkuang tung zuanin Dalmanutha ngam ah pai uh hi.
Phariseete in Nalamdang Lakna Ngen
(Matthew 12:38-42; Matthew 16:1-4)
11Phariseete pawlkhat Jesus kungah pai a, ama taw kam kinial uh hi. Amate in Jesus thaangsia bangin sia nuam ahikom Pathian lungkimpuina a om le a om ngawl a tel nopna in, nalamdang lakna khat ngen uh hi.#Mt 12:38; Lk 11:16 12Ahihang Jesus phiing vahumin, “Banghangin tu lai mihingte in nalamdang lakna veu hong ngen ziam? Hong pia ngawl tu khi hi kong ci hi! Hi mihingte tungah tuabang laknate kipia ngawl tu hi!” ci hi. #Mt 12:39; Lk 11:29
13Amate nusia in ama ngunkuang tung zuan kik a, tuili ngalkhat ah pai tu in kipan hi.
Phariseete le Herod ii Tol
(Matthew 16:5-12)
14Nungzuite in anluum a kicing a ken tu mangil a, ngunkuang sungah luum khat bek nei hi. 15“Kidawm vun a, Phariseete le Herod ii tol panin, kikeam tavun,” Jesus in ci hi.#Lk 12:1
16Amate sung teng tua thu kikum uh a: “Hi bang a hong ci sia anluum ih nei ngawl hang a, hong ci hi vak,” ci uh hi.
17Jesus in amate kikup tuamna teng tel paih ahikom, “Banghangin anluum nei ngawl huvau kikum nu ziam? Tel ngawl lai, he ngawl lai nu ziam? Na thin uh kiphel ngawl het ziam? 18Mit nei napi — mu thei ngawl nu ziam? Bil nei napi — za thei ngawl nu ziam? #Jer 5:21; Eze 12:2; Mk 4:12 19Anluum nga taw mihing tulnga ka vaak lai in, a khawn laak uh bangza khawm kana nu ziam? Ciamtee nawn ngawl nu ziam?” ci hi.
“Khum sawm le khum nii,” ci in zo uh hi.
20“Tuaciang anluum sali taw mihing tulli ka vaak lai in a khawn laak uh khum bangza khawm kana nu ziam?” ci hi.
“Khum sali,” ci in zo uh hi.
21“Tua hi napi tel ngawl lalai nu ziam?,” ci hi.
Bethsaida ah Jesus in Mittaw Pasal khat Damsak
22Amate Bethsaida khua hong theng a, ama ii tham tu in mittaw pasal khat mihing pawlkhat in Jesus kungah hong paipui hi. 23Jesus in mittawpa ii khut pan len a, khua pua sangah paipui hi. Pasalpa mittang ah a cilphii zawkciang Jesus in ama tungah a khut nga a, “Khua na mu thei ziam,” ci in dongh hi.
24Pasalpa in khuadak a, “Mihingte mu thei khi hi, ahizong amate thingkung lampaite taw kibangin ka mu hi,” ci hi.
25Jesus in pasalpa mittang tungah a khut nga kik hi. Tuasia ciang pasalpa in khua pha tatak a et le, khuamu thei kik a, na theampo thiang takin mu thei hi. 26Jesus in a inn ah ciasak a, “Tua khuano sungah pai kik nawn heak in,” ci in thupia hi.
Peter in Jesus Thu A Pualaakna
(Matthew 16:13-20; Luke 9:18-21)
27Tua zawkciang Jesus le a nungzuite Caesaria Philippi khua hui khuanote ah pai uh hi. A pai kawmin, “Ngual in kei akua hi hong ci ziam,” ci in dongh hi.
28“Pawlkhat in Tuiphumpa John hi hong ci hi, a dangte in Elijah hi hong ci a, kamsaang sung pan khat hi hong ci zongh om hi,” ci in zo kik uh hi.#Mk 6:14-15; Lk 9:7-8
29“Note in kei akua hi nong ci uh ziam?” ci hi.
Peter in, “Nang sia Messiah ni hi,” ci hi.#Jn 6:68-69
30Tuasia ciang Jesus in, “Kei huvau kuama munah son heak vun,” ci in thupia hi.
Jesus in A Thuak natu le A Thi natu Sonkhol
(Matthew 16:21-28; Luke 9:22-27)
31Tua zawkciang Jesus in a nungzuite hilna nei tu in kipan hi. “Mihing Tapa in nasia takin ngimna thuak tu a, upate, thiampi liante le Thukham hil syate in nial tu uh hi. Ama thatlum tu a, ni thum zawkciang nuntakna sungah tho kik tu hi,” ci hi. 32Ama in hi thu amate tungah thiangson mama hi. Tua ahikom Peter in ama sam tuamin teih hi. 33Ahihang Jesus hong kingeilee a, a nungzuite en in, Peter teih hi. “Kei kung pan tai in Satan awng, na khua ngaisutna Pathian kung pan hong pai hi ngawlin, mihing pianzia sung pan hong pai ahi hi!” ci hi.
34Tua zawkciang Jesus in mihonte le a nungzuite ama kungah sam a, “Mihing khat po in kei hong zui nuam le, ama le ama kinial in, a thinglamtee pua in hong zui tahen.#Mt 10:38; Lk 14:27 35Banghang ziam cile a nuntakna a huu nuam sia in a nuntakna taan tu hi; ahihang kei hang le Lungdamna thu hang a nuntakna a taan sia in a nuntakna huu tu hi.#Mt 10:39; Lk 17:33; Jn 12:25 36Mihing khat in simlei bup a nga hangin, a nuntakna a taan le meetna nei tu ziam? Meet ngawl tu hi! 37A nuntakna a nga kik natu in, a piak thei tu bangma om ngawl hi. 38Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016