Záan 9
9
Zozíi yalɩma yɩ́cucúkanyɔ
(Málɩ́kɩ 8.22‑25; 10.46‑52)
1Zozíi kʋ plɩ́ɩda lé ɔ yɩ́ bhli yɩ́cucúkanyɔ jɩ̀. Ɔ́mɔ́ nyɔɔ́, ɔ tʋ́ yà ɔ nɛ́ sɔ́ valɔɔ́ a, ɔ nɩ́ yɛ́ kʋ́. 2Lé Zozíi a kʋjɩ̀nyʋ̀àà yrɔ́ɔ́ mà: «Kanyɔɔ̀, ɛ̀kʋ̀ʋ lé nyɔɔ́ lɩ̀à á valɔɔ́ a, ɔ nɩ́ yɛ́ kʋ́ à? Nyumoé ɔ́ nɩ a, ɛ́mɛ́ nií? Mà ɔ tʋ́ yà ɔ nɛ́ sɔ́ a nyumoé nii?» 3Zozíi anɩ́: «Ʋ́nn, ɛ̀ nɩ́ cémʋ́ ɔ yà ɔ tinyʋa sɔ́ ká nyumoé nɩ a, zà ŋwɔ́ɔ, mà kɔ́ a nyʋa ká Lagɔ a zrɩzrɩnɔnʋɔ́ yɛ́ a ɩ́zà nyɔɔ́ lɩ̀à kʋ cúcú a mnɩ́. 4Dɛ́ zrɩ gà àyɩ a, à kà lé à zrɩ nyɔɔ́ ɔ̀ cíe mɔ́ɔ a, ɔ nɔnʋ. Mà cúcú nɩ ya pla a, nyɔ nɩ́ ka yɩ́ lɛ ʋ́ zrɩzrɩɛ míi. 5Dɛ́ ɩ́ kʋ àyɩ zɩkpa zɔ̀ a, mɔ́ ŋwɔ́ɔ zɩkpa zɔ̀ a nápɛ.»
6Tányɩɛ́ mʋ́ ɔ́ cí sɩ́tɛ̀ a, ɔ́ pá dàdɩ dʋdʋ̀ kʋ́, lé ɔ́ cráka lé ɔ́ nɩ plaplɩ, lé ɔ́ bhá plaplɩɛ́ lé ɔ́ tɩ́ɩ́ yɩ́cucúkanyɔɔ́ a yɩ́ɛ́ jɩ̀ 7lé ɔ́ srʋ ɔ́ mà: «Mʋ nyíé á wlele Silowée#9.7 Silowée nyíplʋɔ́, ʋ́mʋ́ ŋwɔ́ɔ gbùgblùò kʋ̀ Zelízalɛ́mʋ yɩ́ kʋ́ a, mɔ̀ɔ bhʋ́anɩ nyiplʋɔ́ kʋ wá. A zɛlɩɩ sáà 2 Léyuo 20.20; Eza 8.6. a mnɩ́ kà klʋ́ wɔlɔɔ̀!» Silowéeŋnɩɛ́ a gba ŋwɔ́ɔ ciecú. Lé nyɔɔ́ mʋ mɔ̀ɔ lé ɔ́ wɔlɔɔ̀ klʋ́. Ɔ́ yrɩ́bha lé ɔ́ yi a, ɔ́ yɛ́ yɩ́ kʋ́.
8Nyʋaá ɔ yàsɔ́ sí dáamúó lé nyʋaá fɩ́ɛ́ yìi ɔ́ zrazra wɔlɩ́ɛ́ a, yráyralɛ, áa nie: «Nyɔɔ́ lɩ̀à, ɔ́mɔ́ ɔ̀ nɩ́ bɔ́ɔ lɛ́ ɔ̀ crɩ́kpaá a mnɩ́ ɔ̀ nɩ́ zra lɛ́ɛ?» 9Lé bhlɔ̀bhlɔ̀nyʋa àna nie: «Ɔ́mɔ́ kʋ̀ʋ!» Lé àna nie: «Ʋ́nn, ɛ̀ nɩ́ ɔ́mɔ́ ŋwɔ́ɔ, ɔ wlʋ́ʋnyɔ kʋ̀ʋ!» Bhè ɔ́mɔ́ mɔ̀glʋ̀ ɔ́ nie: «Mɔ́ɔ kʋ̀ʋ ya!» 10Bhʋ́ á yrɔ́ɔ́ mà: «Bhè cégbá ɩ́ nɩ lé nà yɩ́ɛ́ wlelo a?» 11Ɔ́ anɩ́: «Nyɔɔ́ á wlele Zozíi a, ɔ́mɔ́ bhá plaplɩ lé ɔ̀ susuo ná yɩ́ jɩ̀ lé ɔ̀ srʋ mɔ́ɔ mà ɩ mʋ Silowée a nyíé mnɩ́ ká klʋ́ wɔlɔɔ̀. Ɩ́ mʋ mɔ̀ɔ lé ɩ́ wɔlɔɔ̀ klʋ́ a, bhʋ́ ná yɩ́ wlelo.» 12Bhʋ́ áa yrɔ́ɔ́ mà: «Dɛ́gbá ɔ́ kʋ a?» Nyɔɔ́ anɩ́: «Nɩ́ ʋ́ yì.»
Falizɩ́ɛnyʋa yrá nyɔɔ́ ɔ̀ kɔɔ yɩ́ wlelo a
13Lé á fa nyɔɔ́ Falizɩ́ɛnyʋa drɩ̀. 14Mà, yruó kʋ́ Zozíi nɩ plaplɩɛ́ lé ɔ́ wle nyɔɔ́ yɩ́ a, ʋ́ ŋwɔ́ɔ Zúfʋnyʋa a nyɔbhleyru. 15Ɩ́mɩ́ kà ŋnɩ́ a zà Falizɩ́ɛnyʋaá a sɛ́fʋ yrá nyɔɔ́ mà: «Cégbá mʋ́ ɩ́ nɩ lé ɩ̀ yɛ́ lɛ́ kʋ́ a?» Lé ɔ srʋ á, ɔ́ anɩ́: «Ɔ́ bhá plaplɩ lé ɔ́ susuo mɔ́ɔ yɩ́, lé ɩ́ mʋ lé ɩ́ wɔlɔɔ̀ klʋ́ a, ɩ́ yɛ́ yɩ́ kʋ́.»
16Falizɩ́ɛnyʋa àna dʋdʋ̀ wɔlɩ́ɛ́ a mnɩ́ a, áa anɩ́: «Nyɔɔ́ ɔ̀ nɩ wɔlɩ́ɛ́ a, ɔ nɩ́ Zúfʋnyʋa a nyɔbhleyruó kpá ŋwʋ́ lé ɔ nɩ́ sáà Lagɔ̀nyɔ ŋwɔ́ɔ!» Lé àna nie mà: «Cégbá mʋ́ nyɔɔ́ ɔ̀ nie nyumosa a, ɔ́ yi míi lé ɔ́ yi sɩ́tɛ̀ a lɛ̀wɔ̀lɩ nɩ a?» Ɩ́ kà ŋnɩ́ lé á pʋpʋ dúlo mʋ́. 17Falizɩ́ɛnyʋaá yi lé áa yrá sɔ́kʋ́ yɩ́bhlanyɔɔ̀ yalɩmaa mà: «Bhè mɔ̀ɔ, cégbá mʋ́ ɩ̀ cíe nyɔɔ́ ɔ̀ wle mɔ̀ɔ yɩ́ a, zà a?» Nyɔɔ́ anɩ́: «Lagɔ a nékʋ́cinyɔ kʋ̀ʋ.»
18Mà, yɩ́cucúkanyɔɔ́ a yalɩmɛɛ́ Zúfʋnyʋa a cífɩnyʋaá nɩ́ bhɛ́ɛ́ cɩ́cása kʋ́. Ɩ́ ka ŋnɩ́ lé á wle ɔ tʋ́ yà ɔ nɛ́ sɔ́, 19lé á yráa mà: «A yʋ́ɔ́ ɔ̀ kɔ̀ɔ̀ wɔlɩ́ a cíé wá lé a nie wá mà tányɩɛ́ mʋ́ a valɔɔ́ a, ɔ nɩ́ yɛ́ kʋ́ a, ɔ́mɔ́ lɛ̀ɛ̀? Bhè cégbá ɩ́ kʋ lé ɔ́ yɛ́ yɩ́ cɩɩ kʋ́ a?» 20Yʋ́ɔ́ ɔ tinyʋaá anɩ́: «À yʋ́ kʋ̀ʋ lé à nɩ̀ kɔ̀ɔ̀ wá va a, ɔ nɩ́ à zà kʋ́ yɛ́, à yì saá. 21Mà cémʋ́ ɩ́ plɩ́plɩ mʋ́ lé ɔ́ yɛ́ yɩ́ lɛ́ kamnɩ́lɛ́ kʋ́ a, à nɩ́ɩ yì. Lé nyɔɔ́ kà lɛ́ sáà nɩ lé ɔ ká lɛ́ kʋ́ yɛ́ a, à nɩ́ ɔ́ yì. A yrɔ́ɔ́ mà cɩ́cányɔ ɔ́ ŋwɔ́ɔ ɔ́mɔ́ mɔ̀glʋ̀ ɔ ká amɔ wɔlɩ́ mʋ́ sɩsa à.» 22Mà cɩ́cása a mnɩ́, yʋ́ɔ́ ɔ tinyʋaá Zúfʋnyʋa a cífɩnyʋa ámá á gúle kʋ́ a, ɩ́zà á cí saá. Wɔlíɛ́ Zúfʋnyʋa a cífɩnyʋa ŋwʋ́ʋ kʋ́ a, ɩ́mɩ́ ŋwɔ́ɔ mà, ɔ̀ nɩ̀ cí mà Zozíi ŋwɔ́ɔ Kláyɩ́sɩɛ́ a, á yio zúfʋcɛcɩwlʋɔ́ a mnɩ́ jɩ́ɩ. 23Ɩ́mɩ́ kà ŋnɩ́ a zà ɔ tinyʋa cí lɛ́ mà, ɔ́ ŋwɔ́ɔ cɩ́cányɔ a, a yrá ɔ́mɔ́ mɔ̀glʋ̀.
24Lé Falizɩ́ɛnyʋaá wle sɔ́kʋ́ nyɔɔ́, lé áa srʋ ɔ́ mà: «Cí nà cɩ́cása Lagɔ a drɩ̀ɩ! Àmɔ̀, à yì saá cémʋ́ bhàlʋ̀nyɔ yalɩma mɔ̀ɔ a.» 25Bhʋ́ nyɔɔ́ srʋ á mà: «Ɔ́ ŋwɔ́ɔ bhàlʋ̀nyɔ ò! Ɔ nɩ́ bhàlʋ̀nyɔ ŋwɔ́ɔ ò! Nɩ́ɩ yì, wɔlɩdrè kà a múó coco ɩ́ yì a, ámá ŋwɔ́ɔ mà, yɩ́cucú bhlá wá mɔ́ɔ, lé ɩ́ yɛ́ yɩ́ kakamnɩ́lɛ́ lɩ̀à kʋ́.» 26Á anɩ́: «Bhè cégbá mʋ́ ɔ́ nɩ mɔ̀ɔ a? Cégbá mʋ́ ɔ́ nɩ nɩ mʋ́ lé nà yɩ́ɛ́ wléelo a?» 27Nyɔɔ́ anɩ́: «Yáa wá amɔ srʋ, lé a nɩ́ wá mɔ́ɔ nyúkwlí pʋ. Ɛ̀kʋ̀ʋ̀ lé a yrá sɔ́kʋ́ mɔ́ɔ a? A ká la sáà ná kʋjɩ̀nyʋ̀àà plɩ́ɩ?» 28Mà ɔ́ cí saá, áa bháa ʋ́ ɔ trʋlɛ kʋ́ lé á srʋ ɔ́ mà: «Mɔ̀ɔ ŋwɔ́ɔ ɔ kʋjɩ̀nyɔ, mà àmɔ̀, Moyízɩ a jɩ́ɛ́ kʋ́! 29Moyízɩ Lagɔ cíi gɔ̀, ɩ́mɩ́ àa yì, mà ɔ̀lɩa lɩ̀à, àa nɩ́ dɛ́ ɔ́ wlʋ́ a yì.» 30Nyɔɔ́ anɩ́: «Ɩ́mɩ́ mna lɛ́ mɔ́ɔ neé! A nɩ́ dɛ́ nyɔɔ́ wlʋ́ɛ́ a yì, mà sɩ́tɛ̀ ɩ́ kʋ lé ɔ́ wlée mɔ́ɔ yɩ́. 31À yì saá cémʋ́ Lagɔ nɩ́ ŋwnʋ́ wɔlɩ́ɛ́ bhàlʋ̀nyʋa yrálɔɔ́ mʋ́ a, kʋ́ à, mà nyɔɔ́ ŋwʋ́ɛ́ Lagɔ kpá, lé ɔ̀ nie wɔlɩ́ɛ́ ʋ́ yrá a, ɔ́mɔ́ ɔ́ pʋɛ nyúkwlí. 32À nɩ́ à zà sáà nú mà nyɔɔ́ á va lé ɔ̀ nɩ́ yɛ́ kʋ́ a, ɔ liyʋ yɔɔ́ yɩ́ wléè. 33Nyɔ lɩ̀à nɩ nɩ́ la Lagɔ̀nyɔ ŋwɔ́ɔ a, ɔ nɩ́ ka la míi lé ɔ ká la lɛ́ nɩ.» 34Ɔ́ cí saá a, bhʋ́ nyʋaá srʋ ɔ́ mà: «Mɔ̀ɔ á va bhàlʋ a mnɩ́ lé nà lɔ̀fɩ́ɛ́ ŋwɔ́ɔ bhàlʋ a pʋpʋ a, mɔ̀ɔ yrá ɔ̀ kà àmɔ̀ cɩ́a a?» Ɩ́ ka ŋnɩ́ lé, á jɩ́lɔɔ́ Lagɔ̀wlʋ̀ a mnɩ́.
Zozíi yà nyɔɔ́ ɔ́ yalɩma lɛ́ a, sɔ́ gbɩ́dà
35Tányɩɛ́ mʋ́ Zozíi nú mà Falizɩ́ɛnyʋa ya nyɔɔ́ Lagɔ̀wlʋ̀ a mnɩ́ jɩ́ a, ɔ́ mʋ lé ɔ yɔ̀sɔ́ gbɩ́dà, lé ɔ́ yrɔ́ɔ́ mà: «Mɔ̀, ɩ̀ tɔ̀ Nyɔɔ́ a Yuwliyʋɔ́ duoo?» 36Nyɔɔ́ anɩ́: «Kanyɔɔ̀, nyɔ gbá kʋ̀ lɛ́ fɩ́ɛ́ ʋ́ bhè ná kɔ́ɔ́ lɛ́ duo tɔ̀ a?» 37Zozíi anɩ́: «Ɔ́mɔ́ ɩ̀ dʋdʋɛ lɛ́ dɛ́ yɩ́, nyɔɔ́ yɔ̀sɔ́ a cíé lɛ́ a, ɔ́mɔ́ kʋ̀ʋ.» 38Nyɔɔ́ anɩ́: «Ɩ́ tɔ̀lɔ̀ɔ̀ duo Kanyɔɔ̀.» Lé ɔ́ sra Zozíi a drɩ̀ koti sá.
39Lé Zozíi srʋ ɔ́, ɔ́ anɩ́: «Náa yi lé ká zɩkpaá lɩ̀à zɔ̀ a nyʋa a tɩ́tɩ́ plɔɔ̀, nyʋaá à nɩ́ yɛ́ kʋ́ a, á ká kʋ́ yɛ́, lé ànàà yɛ́ kʋ́ a, a ká cúcú tuò.» 40Mà Falizɩ́ɛnyʋaá kʋ̀ la mɔ́ gɔ̀ lé a pʋ wɔlɩ́ɛ́ ɔ́ cí a nyúkwlí a, á yrɔ́ɔ́ mà: «Naa, à sɛ́fʋɔ́, à nɩ́ yɛ́bhlɛ́ɛ sáà kʋ́ʋ?» 41Zozíi anɩ́: «A nɩ nɩ́ la kʋ́ yɛ́ a, a nɩ́ ka la bhàlʋ ka à. Mà cémʋ́ a anɩ́ a yɛ́ kʋ́ a, ɩ́zà a nɩ́ ka kɔ́ɔ̀kɔ́ a bhàlʋ̀ɔ̀ a gbʋ́ wlʋ́.»
Currently Selected:
Záan 9: NEY
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Záan 9
9
Zozíi yalɩma yɩ́cucúkanyɔ
(Málɩ́kɩ 8.22‑25; 10.46‑52)
1Zozíi kʋ plɩ́ɩda lé ɔ yɩ́ bhli yɩ́cucúkanyɔ jɩ̀. Ɔ́mɔ́ nyɔɔ́, ɔ tʋ́ yà ɔ nɛ́ sɔ́ valɔɔ́ a, ɔ nɩ́ yɛ́ kʋ́. 2Lé Zozíi a kʋjɩ̀nyʋ̀àà yrɔ́ɔ́ mà: «Kanyɔɔ̀, ɛ̀kʋ̀ʋ lé nyɔɔ́ lɩ̀à á valɔɔ́ a, ɔ nɩ́ yɛ́ kʋ́ à? Nyumoé ɔ́ nɩ a, ɛ́mɛ́ nií? Mà ɔ tʋ́ yà ɔ nɛ́ sɔ́ a nyumoé nii?» 3Zozíi anɩ́: «Ʋ́nn, ɛ̀ nɩ́ cémʋ́ ɔ yà ɔ tinyʋa sɔ́ ká nyumoé nɩ a, zà ŋwɔ́ɔ, mà kɔ́ a nyʋa ká Lagɔ a zrɩzrɩnɔnʋɔ́ yɛ́ a ɩ́zà nyɔɔ́ lɩ̀à kʋ cúcú a mnɩ́. 4Dɛ́ zrɩ gà àyɩ a, à kà lé à zrɩ nyɔɔ́ ɔ̀ cíe mɔ́ɔ a, ɔ nɔnʋ. Mà cúcú nɩ ya pla a, nyɔ nɩ́ ka yɩ́ lɛ ʋ́ zrɩzrɩɛ míi. 5Dɛ́ ɩ́ kʋ àyɩ zɩkpa zɔ̀ a, mɔ́ ŋwɔ́ɔ zɩkpa zɔ̀ a nápɛ.»
6Tányɩɛ́ mʋ́ ɔ́ cí sɩ́tɛ̀ a, ɔ́ pá dàdɩ dʋdʋ̀ kʋ́, lé ɔ́ cráka lé ɔ́ nɩ plaplɩ, lé ɔ́ bhá plaplɩɛ́ lé ɔ́ tɩ́ɩ́ yɩ́cucúkanyɔɔ́ a yɩ́ɛ́ jɩ̀ 7lé ɔ́ srʋ ɔ́ mà: «Mʋ nyíé á wlele Silowée#9.7 Silowée nyíplʋɔ́, ʋ́mʋ́ ŋwɔ́ɔ gbùgblùò kʋ̀ Zelízalɛ́mʋ yɩ́ kʋ́ a, mɔ̀ɔ bhʋ́anɩ nyiplʋɔ́ kʋ wá. A zɛlɩɩ sáà 2 Léyuo 20.20; Eza 8.6. a mnɩ́ kà klʋ́ wɔlɔɔ̀!» Silowéeŋnɩɛ́ a gba ŋwɔ́ɔ ciecú. Lé nyɔɔ́ mʋ mɔ̀ɔ lé ɔ́ wɔlɔɔ̀ klʋ́. Ɔ́ yrɩ́bha lé ɔ́ yi a, ɔ́ yɛ́ yɩ́ kʋ́.
8Nyʋaá ɔ yàsɔ́ sí dáamúó lé nyʋaá fɩ́ɛ́ yìi ɔ́ zrazra wɔlɩ́ɛ́ a, yráyralɛ, áa nie: «Nyɔɔ́ lɩ̀à, ɔ́mɔ́ ɔ̀ nɩ́ bɔ́ɔ lɛ́ ɔ̀ crɩ́kpaá a mnɩ́ ɔ̀ nɩ́ zra lɛ́ɛ?» 9Lé bhlɔ̀bhlɔ̀nyʋa àna nie: «Ɔ́mɔ́ kʋ̀ʋ!» Lé àna nie: «Ʋ́nn, ɛ̀ nɩ́ ɔ́mɔ́ ŋwɔ́ɔ, ɔ wlʋ́ʋnyɔ kʋ̀ʋ!» Bhè ɔ́mɔ́ mɔ̀glʋ̀ ɔ́ nie: «Mɔ́ɔ kʋ̀ʋ ya!» 10Bhʋ́ á yrɔ́ɔ́ mà: «Bhè cégbá ɩ́ nɩ lé nà yɩ́ɛ́ wlelo a?» 11Ɔ́ anɩ́: «Nyɔɔ́ á wlele Zozíi a, ɔ́mɔ́ bhá plaplɩ lé ɔ̀ susuo ná yɩ́ jɩ̀ lé ɔ̀ srʋ mɔ́ɔ mà ɩ mʋ Silowée a nyíé mnɩ́ ká klʋ́ wɔlɔɔ̀. Ɩ́ mʋ mɔ̀ɔ lé ɩ́ wɔlɔɔ̀ klʋ́ a, bhʋ́ ná yɩ́ wlelo.» 12Bhʋ́ áa yrɔ́ɔ́ mà: «Dɛ́gbá ɔ́ kʋ a?» Nyɔɔ́ anɩ́: «Nɩ́ ʋ́ yì.»
Falizɩ́ɛnyʋa yrá nyɔɔ́ ɔ̀ kɔɔ yɩ́ wlelo a
13Lé á fa nyɔɔ́ Falizɩ́ɛnyʋa drɩ̀. 14Mà, yruó kʋ́ Zozíi nɩ plaplɩɛ́ lé ɔ́ wle nyɔɔ́ yɩ́ a, ʋ́ ŋwɔ́ɔ Zúfʋnyʋa a nyɔbhleyru. 15Ɩ́mɩ́ kà ŋnɩ́ a zà Falizɩ́ɛnyʋaá a sɛ́fʋ yrá nyɔɔ́ mà: «Cégbá mʋ́ ɩ́ nɩ lé ɩ̀ yɛ́ lɛ́ kʋ́ a?» Lé ɔ srʋ á, ɔ́ anɩ́: «Ɔ́ bhá plaplɩ lé ɔ́ susuo mɔ́ɔ yɩ́, lé ɩ́ mʋ lé ɩ́ wɔlɔɔ̀ klʋ́ a, ɩ́ yɛ́ yɩ́ kʋ́.»
16Falizɩ́ɛnyʋa àna dʋdʋ̀ wɔlɩ́ɛ́ a mnɩ́ a, áa anɩ́: «Nyɔɔ́ ɔ̀ nɩ wɔlɩ́ɛ́ a, ɔ nɩ́ Zúfʋnyʋa a nyɔbhleyruó kpá ŋwʋ́ lé ɔ nɩ́ sáà Lagɔ̀nyɔ ŋwɔ́ɔ!» Lé àna nie mà: «Cégbá mʋ́ nyɔɔ́ ɔ̀ nie nyumosa a, ɔ́ yi míi lé ɔ́ yi sɩ́tɛ̀ a lɛ̀wɔ̀lɩ nɩ a?» Ɩ́ kà ŋnɩ́ lé á pʋpʋ dúlo mʋ́. 17Falizɩ́ɛnyʋaá yi lé áa yrá sɔ́kʋ́ yɩ́bhlanyɔɔ̀ yalɩmaa mà: «Bhè mɔ̀ɔ, cégbá mʋ́ ɩ̀ cíe nyɔɔ́ ɔ̀ wle mɔ̀ɔ yɩ́ a, zà a?» Nyɔɔ́ anɩ́: «Lagɔ a nékʋ́cinyɔ kʋ̀ʋ.»
18Mà, yɩ́cucúkanyɔɔ́ a yalɩmɛɛ́ Zúfʋnyʋa a cífɩnyʋaá nɩ́ bhɛ́ɛ́ cɩ́cása kʋ́. Ɩ́ ka ŋnɩ́ lé á wle ɔ tʋ́ yà ɔ nɛ́ sɔ́, 19lé á yráa mà: «A yʋ́ɔ́ ɔ̀ kɔ̀ɔ̀ wɔlɩ́ a cíé wá lé a nie wá mà tányɩɛ́ mʋ́ a valɔɔ́ a, ɔ nɩ́ yɛ́ kʋ́ a, ɔ́mɔ́ lɛ̀ɛ̀? Bhè cégbá ɩ́ kʋ lé ɔ́ yɛ́ yɩ́ cɩɩ kʋ́ a?» 20Yʋ́ɔ́ ɔ tinyʋaá anɩ́: «À yʋ́ kʋ̀ʋ lé à nɩ̀ kɔ̀ɔ̀ wá va a, ɔ nɩ́ à zà kʋ́ yɛ́, à yì saá. 21Mà cémʋ́ ɩ́ plɩ́plɩ mʋ́ lé ɔ́ yɛ́ yɩ́ lɛ́ kamnɩ́lɛ́ kʋ́ a, à nɩ́ɩ yì. Lé nyɔɔ́ kà lɛ́ sáà nɩ lé ɔ ká lɛ́ kʋ́ yɛ́ a, à nɩ́ ɔ́ yì. A yrɔ́ɔ́ mà cɩ́cányɔ ɔ́ ŋwɔ́ɔ ɔ́mɔ́ mɔ̀glʋ̀ ɔ ká amɔ wɔlɩ́ mʋ́ sɩsa à.» 22Mà cɩ́cása a mnɩ́, yʋ́ɔ́ ɔ tinyʋaá Zúfʋnyʋa a cífɩnyʋa ámá á gúle kʋ́ a, ɩ́zà á cí saá. Wɔlíɛ́ Zúfʋnyʋa a cífɩnyʋa ŋwʋ́ʋ kʋ́ a, ɩ́mɩ́ ŋwɔ́ɔ mà, ɔ̀ nɩ̀ cí mà Zozíi ŋwɔ́ɔ Kláyɩ́sɩɛ́ a, á yio zúfʋcɛcɩwlʋɔ́ a mnɩ́ jɩ́ɩ. 23Ɩ́mɩ́ kà ŋnɩ́ a zà ɔ tinyʋa cí lɛ́ mà, ɔ́ ŋwɔ́ɔ cɩ́cányɔ a, a yrá ɔ́mɔ́ mɔ̀glʋ̀.
24Lé Falizɩ́ɛnyʋaá wle sɔ́kʋ́ nyɔɔ́, lé áa srʋ ɔ́ mà: «Cí nà cɩ́cása Lagɔ a drɩ̀ɩ! Àmɔ̀, à yì saá cémʋ́ bhàlʋ̀nyɔ yalɩma mɔ̀ɔ a.» 25Bhʋ́ nyɔɔ́ srʋ á mà: «Ɔ́ ŋwɔ́ɔ bhàlʋ̀nyɔ ò! Ɔ nɩ́ bhàlʋ̀nyɔ ŋwɔ́ɔ ò! Nɩ́ɩ yì, wɔlɩdrè kà a múó coco ɩ́ yì a, ámá ŋwɔ́ɔ mà, yɩ́cucú bhlá wá mɔ́ɔ, lé ɩ́ yɛ́ yɩ́ kakamnɩ́lɛ́ lɩ̀à kʋ́.» 26Á anɩ́: «Bhè cégbá mʋ́ ɔ́ nɩ mɔ̀ɔ a? Cégbá mʋ́ ɔ́ nɩ nɩ mʋ́ lé nà yɩ́ɛ́ wléelo a?» 27Nyɔɔ́ anɩ́: «Yáa wá amɔ srʋ, lé a nɩ́ wá mɔ́ɔ nyúkwlí pʋ. Ɛ̀kʋ̀ʋ̀ lé a yrá sɔ́kʋ́ mɔ́ɔ a? A ká la sáà ná kʋjɩ̀nyʋ̀àà plɩ́ɩ?» 28Mà ɔ́ cí saá, áa bháa ʋ́ ɔ trʋlɛ kʋ́ lé á srʋ ɔ́ mà: «Mɔ̀ɔ ŋwɔ́ɔ ɔ kʋjɩ̀nyɔ, mà àmɔ̀, Moyízɩ a jɩ́ɛ́ kʋ́! 29Moyízɩ Lagɔ cíi gɔ̀, ɩ́mɩ́ àa yì, mà ɔ̀lɩa lɩ̀à, àa nɩ́ dɛ́ ɔ́ wlʋ́ a yì.» 30Nyɔɔ́ anɩ́: «Ɩ́mɩ́ mna lɛ́ mɔ́ɔ neé! A nɩ́ dɛ́ nyɔɔ́ wlʋ́ɛ́ a yì, mà sɩ́tɛ̀ ɩ́ kʋ lé ɔ́ wlée mɔ́ɔ yɩ́. 31À yì saá cémʋ́ Lagɔ nɩ́ ŋwnʋ́ wɔlɩ́ɛ́ bhàlʋ̀nyʋa yrálɔɔ́ mʋ́ a, kʋ́ à, mà nyɔɔ́ ŋwʋ́ɛ́ Lagɔ kpá, lé ɔ̀ nie wɔlɩ́ɛ́ ʋ́ yrá a, ɔ́mɔ́ ɔ́ pʋɛ nyúkwlí. 32À nɩ́ à zà sáà nú mà nyɔɔ́ á va lé ɔ̀ nɩ́ yɛ́ kʋ́ a, ɔ liyʋ yɔɔ́ yɩ́ wléè. 33Nyɔ lɩ̀à nɩ nɩ́ la Lagɔ̀nyɔ ŋwɔ́ɔ a, ɔ nɩ́ ka la míi lé ɔ ká la lɛ́ nɩ.» 34Ɔ́ cí saá a, bhʋ́ nyʋaá srʋ ɔ́ mà: «Mɔ̀ɔ á va bhàlʋ a mnɩ́ lé nà lɔ̀fɩ́ɛ́ ŋwɔ́ɔ bhàlʋ a pʋpʋ a, mɔ̀ɔ yrá ɔ̀ kà àmɔ̀ cɩ́a a?» Ɩ́ ka ŋnɩ́ lé, á jɩ́lɔɔ́ Lagɔ̀wlʋ̀ a mnɩ́.
Zozíi yà nyɔɔ́ ɔ́ yalɩma lɛ́ a, sɔ́ gbɩ́dà
35Tányɩɛ́ mʋ́ Zozíi nú mà Falizɩ́ɛnyʋa ya nyɔɔ́ Lagɔ̀wlʋ̀ a mnɩ́ jɩ́ a, ɔ́ mʋ lé ɔ yɔ̀sɔ́ gbɩ́dà, lé ɔ́ yrɔ́ɔ́ mà: «Mɔ̀, ɩ̀ tɔ̀ Nyɔɔ́ a Yuwliyʋɔ́ duoo?» 36Nyɔɔ́ anɩ́: «Kanyɔɔ̀, nyɔ gbá kʋ̀ lɛ́ fɩ́ɛ́ ʋ́ bhè ná kɔ́ɔ́ lɛ́ duo tɔ̀ a?» 37Zozíi anɩ́: «Ɔ́mɔ́ ɩ̀ dʋdʋɛ lɛ́ dɛ́ yɩ́, nyɔɔ́ yɔ̀sɔ́ a cíé lɛ́ a, ɔ́mɔ́ kʋ̀ʋ.» 38Nyɔɔ́ anɩ́: «Ɩ́ tɔ̀lɔ̀ɔ̀ duo Kanyɔɔ̀.» Lé ɔ́ sra Zozíi a drɩ̀ koti sá.
39Lé Zozíi srʋ ɔ́, ɔ́ anɩ́: «Náa yi lé ká zɩkpaá lɩ̀à zɔ̀ a nyʋa a tɩ́tɩ́ plɔɔ̀, nyʋaá à nɩ́ yɛ́ kʋ́ a, á ká kʋ́ yɛ́, lé ànàà yɛ́ kʋ́ a, a ká cúcú tuò.» 40Mà Falizɩ́ɛnyʋaá kʋ̀ la mɔ́ gɔ̀ lé a pʋ wɔlɩ́ɛ́ ɔ́ cí a nyúkwlí a, á yrɔ́ɔ́ mà: «Naa, à sɛ́fʋɔ́, à nɩ́ yɛ́bhlɛ́ɛ sáà kʋ́ʋ?» 41Zozíi anɩ́: «A nɩ nɩ́ la kʋ́ yɛ́ a, a nɩ́ ka la bhàlʋ ka à. Mà cémʋ́ a anɩ́ a yɛ́ kʋ́ a, ɩ́zà a nɩ́ ka kɔ́ɔ̀kɔ́ a bhàlʋ̀ɔ̀ a gbʋ́ wlʋ́.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.