Matíe 13
13
Lɛglɩ̀nyɔ a núnúó
(Málɩ́kɩ 4.1‑9; Lúkɩ 8.4‑8)
1Bhʋ́ a yruó kʋ́, Zozíi flʋ zɔ̀ lé ɔ́ mʋ jie gɔ̀ sa bɔ̀ ka. 2Bhè nyʋa kɔ́kɔ́mnɩ́ yi lé á glalɔɔ́ klʋ́, ɩ́ nɩ lé ɔ́ sú gɔ́lʋ́ jie klʋ́ lé ɔ́ plɩ́ɩ mɔ̀ɔ lé ɔ́ bɔ́ɔ sá, bhè nyʋaá kʋ nyígbʋ̀gbʋ́ jɩ̀.
3Mà ɔ́ bhá níní lé ɔ́ srʋ á wɔlɩ́ kɔ́kɔ́mnɩ́. Ɔ́ anɩ́: «A lɛ́bhɛɛ, nyɔ a múó mʋ ɔ lágba glɩ ka. 4Ɔ́ kʋ glɩ da lé lɛyʋ ànʋ bhli nyúzɔ̀kɩ̀kèlí gɔ̀, lé nimni yi lé ɩ́ li bhʋ́anɩ yʋ́ɔ́. 5Lɛyʋ ànʋ bhli cɔ́kpalɩ́dʋ̀dʋ a mnɩ́, bhʋ́ a dʋ̀dʋ nɩ́ zù, lɛyʋɔ́ wlʋ́ sɩsɔɔ́, mà cémʋ́ dʋ̀dʋ̀ɔ̀ nɩ́ zù a, 6tányɩɛ́ mʋ́ yrʋ́ tɛ́ma mʋ́ a, ʋ́ sie lɛyʋɔ́ á kwálɩ́ɛ́, ɩ́ nɩ lé bhlíkpié nɩ́ dʋ̀dʋʋ́ pla. 7Lɛyʋ ànʋ bhli nyníci a mnɩ́ lé nynícié bhɔ́ɔ kʋ́ lé ɩ́ gbíi wlú. 8Ànɩ bhli náma dʋ̀dʋ a mnɩ́ lé ɩ́ trʋ bhí, vó trʋ bhí gwlɩ̀ gbɩ́, àna trʋɛ bhí gwlɩ̀ ta, àna trʋɛ bhí a glʋ̀ lé kʋ́gbá.» 9Lé Zozíi srʋ á mà: «Ɔ̀ nɩ ka nyúkwlí ɔ̀ kà nú a, ɔ nú!»
Zozíi pálɛ nyʋa níní gɔ̀
(Málɩ́kɩ 4.10‑12; Lúkɩ 8.9‑10)
10Lé Zozíi a kʋjɩ̀nyʋ̀àà yio gɔ̀ lé áa yrɔ́ɔ́ mà: «Ɛ̀kʋ̀ʋ̀ lé ɩ̀ bhá níní lé ɩ̀ cíle nyʋa gɔ̀ a?» 11Zozíi anɩ́: «À nɩ̀ ŋwɔ́ɔ amɔ a, Léyibhlɩɛ́ a mnɩ́ a wɔlɩ́ɛ́ fɩ́ɛ́ kʋ̀ mɔ̀ɔ lé ɩ̀ zúzùò a, Lagɔ ɔ́ pápa amɔ ɩ́ gba, mà ámá, ʋ nɩ́ á wɔlɩdrè a múó pápa. 12Nyɔɔ́ ɔ̀ kà a, á yió sɔ́kʋ́ nyɛ́ lé ɔ́ yi kɔ́kɔ́mnɩ́ ka, ɔ̀ nɩ́ kà a, tòyipɛɛ́ ɔ́ kà a, á yió mɛ́ gɔ̀ bhá. 13A lɛ́bhɛɛ wɔlɩ́ɛ́ kà ŋnɩ́ lé nɩ cílaá gɔ̀ lé ɩ́ pá lɛ́ níní a, ɩ́mɩ́ lɛ̀: Á dʋdʋɛ lé a nɩ́ yɛ́ kʋ́, á pʋɛ nyúkwlí lé a nɩ́ nú wɔlɩ́ɛ́ ɩ́ cíé a mnɩ́. 14Lagɔ a nékʋ́cinyɔ Ezayíi a cícíwɔlɩɛ́ ɩ́mɩ́ ɩ̀ sralɔ lɛ́ sɩ́tɛ̀ neé. Ezayíi anɩ́,
Lagɔ cí wá mà:
A yi wɔlɩ́ nyúkwlí pʋ,
Mà a nɩ́ ka ɩ mnɩ́ nú!
A yi dʋdʋ̀,
Mà a nɩ́ ka kʋ́ yɛ́!
15 Ɛ̀kʋ̀ʋ̀ a?
Nyʋaá lɩ̀à, á di ya sú.
Á ya a nyúkwlíé bhleè,
Lé á ya a yɩ́ɛ́ kʋ́ múmuò.
A nɩ́ yrá yɩ́ dʋdʋ̀ɛ,
A nɩ́ yrá yɩ́ nyúkwlí pʋpʋ́ɛ́,
A nɩ́ yrá yɩ́ sáà mɩ́ á di a mnɩ́,
Bhʋ́ a tányɩɛ́, a nɩ́ ka yɩ́ yrɩ́bha
Lé a ká yi a ká á yalɩmaà. #13.14‑15 A zɛlɩɩ sáà Eza 6.9‑10.
16Mà amɔ pʋ́pʋ́ɛ́ mʋ́ a kʋ, máà a yɛ́ kʋ́, lé a núé. 17Náa srʋɛ yɩ́ lɛ́ amɔ cícása, Lagɔ a nékʋ́cinyʋa kɔ́kɔ́mnɩ́ lé nyʋa fɩ́ɛ́ kà a nɩnɩgbɩ sri wá Lagɔ á drɩ̀ sá a, wɔlɩ́ɛ́ fɩ́ɛ́ a dʋdʋɛ lɛ́ dɛ́ a, á yrá wá sáà yɩ́ dʋdʋ̀ɛ, mà a nɩ́ɩ́ yɛ́. Wɔlɩ́ɛ́ a núé lɛ́ a, á yrá wá sáà ɩ núnúé, mà a nɩ́ɩ nú.
Zozíi sa mɔ̀ɔ lɛglɩ̀nyɔ a núnúó a gba
(Málɩ́kɩ 4.13‑20; Lúkɩ 8.11‑15)
18A pʋ lɛglɩ̀nyɔ a núnúó a gba nyúkwlí. 19Nyɔ nɩ pʋ Lagɔ a Léyibhlɩɛ́ a mnɩ́ a wɔlɩ́ nyúkwlí lé ɔ nɩ nɩ́ ɩ́ nú a, ɔ́ wlʋ́ mànɩ́ glɩglɩlɩɛ́ ɩ̀ bhli nyúzɔ̀kìkèlí gɔ̀ lé Dɩ́blʋ̀ɔ̀ yi lé ʋ́ sa ɔ̀ mɩ́ duo kʋ́. 20Glɩglɩlɩɛ́ bhli cɔ́kpalɩ́dʋ̀dʋ̀ɔ̀ mnɩ́ a, ɩ́mɩ́ ŋwɔ́ɔ nyʋaá núé Lagɔ̀wɔ̀lɩ̀ɛ̀ lé ɩ́ ka lɔlɔ kʋ́ a, 21mà a nɩ́ cíe Lagɔ̀wɔ̀lɩ̀ɛ̀ sá lé ɩ ká sikpli ŋwʋ́, a nɩ́ gwlɛ Lagɔ̀nyùzɔ̀ɔ̀ kʋ́. A nɩ yɛ́ kalɩmɛ tòyipɛ Lagɔ̀wɔ̀lɩ̀ɛ̀ a mnɩ́ a, ɩ́ kalɛ ŋnɩ́ lé á wlʋ́ɛ́ sɩsɔɔ́ Lagɔ̀nyùzɔ̀ɔ̀ kʋ́. 22Glɩglɩlɩ ànɩ̀ɛ̀ bhli dʋ̀dʋ̀ɔ̀ mnɩ́ nynícié kʋ a, ɩ́mɩ́ ŋwɔ́ɔ mà nyʋaá núé Lagɔ̀wɔ̀lɩ̀ɛ̀, mà zɩkpa zɔ̀ a lɩ́ a mʋ́mɔ kalɩmɛ lé mɔ̀ɔ a sɩsɩ́ leyrié a lilíé gbíé Lagɔ̀wɔ̀lɩ̀ɛ̀ wlú lé ɩ nɩ́ mʋ dá. 23Glɩglɩlɩ ànɩ̀ɛ̀ bhli náma dʋ̀dʋ̀ɔ̀ a mnɩ́ a, ɩ́mɩ́ ŋwɔ́ɔ nyʋaá nɩ̀ pʋ Lagɔ̀wɔ̀lɩ̀ɛ̀ nyúkwlí lé à núí a, bhʋ́anaá trʋɛ bhí, àna trʋɛ bhí a gwlɩ̀ gbɩ́, àna trʋɛ bhí a gwlɩ̀ ta, lé àna trʋɛ bhí a glʋ̀ lé kʋ́gbá.»
Nyumo pití a núnúó
24Lé Zozíi pá sɔ́kʋ́ núnúó àna lé ɔ́ srʋ á mà: «A lɛ́bhɛ Lagɔ a Léyibhlɩɛ́ wlʋ́ mànɩ́ cémʋ́ nyɔ glɩ náma lɩ ɔ lágba a. 25Lé dɩ́bɩ nyʋa kʋ yrá lé ɔ́ gblɩ̀nyɔ yi lé ɔ́ glɩ lágbàà a mnɩ́ nyumo pití ɔ náma lɛyʋɔ́ a mnɩ́ lé ɔ́ mʋ. 26Lɩ́ɛ́ ɔ́ glɩ a, ɩ́ wlʋ́ lé ɩ́ trʋ a, nyumo pitíé wlʋ́ sáà lé ɩ́ trʋma kʋ́. 27Bhʋ́ ɔ́mɔ́ gbikanyɔ a cóyuó yi lé á srʋ ɔ́ mà: Kanyɔɔ̀, náma lɛyʋ nɩ́ nà lágba gblɩɩ? Bhè dɛ́gbá nyumo pitíé wlʋ́ lé ɩ́ kʋ mɔ̀ à? 28Bhʋ́ ɔ́ srʋ á mà: Ná gblɩ̀nyɔ nɩ saá. Lé cóyuó srʋ ɔ́ mà: Ɩ̀ yrá lé à mʋ lé à sɩsa nyumo pitɩ́é glù? 29Gbikanyɔ anɩ́: Ʋ́ʋ̀n! A ná nɩ saá, a nɩ ka nyumo pitɩ́é kʋ́ máa lé a nɩ ka glɩglɩlɩɛ́ glù sa à. 30A cíi sá, ɩ lɔ̀fɩ́ɛ́ ká gá kʋ́ bhálɔɔ̀, tányɩɛ́ mʋ́ lelilɩɛ́ ya lɛ fáàda ŋnɩ a, ɩ́ yi ɩ́ nɔnʋzrɩ̀nyʋa srʋ mà: A sa fɩ́ɛ́ nyumo pitíé glù lé a gʋ́gwlàlɩ̀ɩ̀ kʋ́ a kɩ́ɩ́ sesiè, bhʋ́ a tányɩɛ́ a yi cásɩ yɛ́ lé a yi lelilɩɛ́ a nɔnʋ zrɩ lé a yii wlʋ kʋ́ ŋwʋ́.»
Mutádɩ̀yie a núnúó
(Málɩ́kɩ 4.30‑32; Lúkɩ 13.18‑19)
31Zozíi srʋ sɔ́kʋ́ má mà: «Lagɔ a Léyibhlɩɛ́ wlʋ́ mànɩ́, cémʋ́ nyɔ bhá lɛ́ mutádɩ̀yie lé ɔ́ glɩlɛɛ́ ɔ lágbaá a. 32Ɛ́mɛ́ ŋwɔ́ɔ lɛyʋɔ́ fɩ́ɛ́ a glɩɛ a, ʋ́ nyièdɩ a lɛsʋsʋ́ʋ́, mà ʋ nɩ wlʋ́ a, ʋ́ zie glɩglɩlɩɛ́ fɩ́ɛ́ trʋmɛɛ́, ʋ́ plɩ́ɛ́ suú, ʋ wlú a lábhɩɛ́ a mnɩ́ nimni pálɛ níní.»
Flɔ́ɔ pʋ́ a bháabháagɔ̀zɩ a núnúó
(Lúkɩ 13.20‑21)
33Zozíi pá sɔ́kʋ́ núnúó àna, ɔ́ anɩ́: «Lagɔ a Léyibhlɩɛ́ wlʋ́ sɔ́kʋ́ mànɩ́ levɛ́ɛ: flɔ́ɔ pʋ́ a bháabháagɔ̀zɩ̀ɛ̀#13.33 flɔ́ɔ pʋ́ a bháabháagɔ̀zɩ̀ɛ̀: Gɔ́zɩ a múó kʋ ʋ́ lé á ŋwʋ́ɩ́ flɔ́ɔ pʋ́ a mnɩ́ lé ɩ nie lé flɔ́ɔ pʋ́ɔ́ bháalɛ., ɩ̀ kɩ̀ɩ tòtòyipɛ ŋwná ŋwʋ́ɛ́ flɔ́ɔ pʋ́ kɔ́kɔ́mnɩ́ a mnɩ́ lé ɩ́ nie lé flɔ́ɔ pʋ́ɔ́ bháalɛ a.»
Ɛ̀kʋ̀ʋ̀ lé Zozíi cíle lɛ́ níní mʋ́ a
(Málɩ́kɩ 4.33‑34)
34Wɔlɩ́ɛ́ fɩ́ɛ́ Zozíi cíi nyʋaá gɔ̀ a, níní kʋ́ ɔ́ pálɩɩ́, ɔ nɩ́ wɔlɩdrè àna cí ɛ̀ nɩ̀ nɩ́ níní mʋ́ ŋwɔ́ɔ a. 35Ɔ́ nií lé wɔlɩ́ɛ́ fɩ́ɛ́ Lagɔ ŋwʋ́ wá ɔ nékʋ́cinyɔ neé lé ɔ́ cí wá a, ɩ ká neé sralɔɔ̀. Lagɔ a nékʋ́cinyɔɔ́ cí wá mà:
Níní mʋ́ nɩ cíi kɛ́zɔ̀ má gɔ̀.
Kɔ́ nɩ ka wá wlʋ́ a,
Ɩ́ wɔlɩ́ɛ́ fɩ́ɛ́ ɩ̀ zúzùò wá a,
Lé nyɔ nɩ́ à zà nú a,
Ɩ́ cíí. # 13.35 A zɛlɩɩ sáà Lɔlɔ 78.2.
Zozíi sa mɔ̀ɔ nyumo pitíé a núnúó a gba
36Lé Zozíi wlʋ́ nyʋaá gɔ̀ lé ɔ́ mʋ gbó. Lé ɔ́ kʋjɩ̀nyʋ̀àà mʋ ɔ́ gɔ̀ lé á srʋ ɔ́ mà: «Nyumo pitíé á glɩ lɛ́ lágbàà a mnɩ́ a, ɩ núnúóó, sa mɔ̀ɔ àmɔ̀ á gba!» 37Zozíi anɩ́: «Nyɔɔ́ ɔ̀ glɩ náma lɛyʋɔ́ a, ɔ́mɔ́ ŋwɔ́ɔ Nyɔɔ́ a Yuwliyʋɔ́. 38Lágbàà, zɩkpa zɔ̀ kʋ̀ʋ, náma lɛyʋɔ́, Lagɔ a Léyibhlɩɛ́ a mnɩ́ a nyʋaá má kʋ̀ʋ. Nyumo pitíé, Dɩ́blʋ̀ɔ̀ a nɩ nyʋa kʋ̀ʋ, 39nyɔɔ́ ɔ̀ glɩ nyumo pitíé lágbàà a mnɩ́ a, Dɩ́blʋ̀ɔ̀ kʋ̀ʋ, lágbàà a fáfá tanyɩɛ́ ɩ́mɩ́ ŋwɔ́ɔ zɩkpa a zɔ̀ bhɩa yru. Nyʋaá à fá lágbàà a, kplɔkplɔzìzi kʋ̀ʋ. 40Cémʋ́ á sa lɛ́ lágbɩ̀pìtí lé á ŋwʋ́ɩ́ lɛ́ kosu a, sɩ́tɛ̀ mʋ́ zɩkpa a zɔ̀ bhɩa yruó na ká kʋ̀ʋ. 41Zɔ̀ bhɩa yruó, nyʋa fɩ́ɛ́ à sa a lía Lagɔ̀nyùzɔ kʋ́, yà kàpàkápányʋa a sɔ́, Nyɔɔ́ a Yuwliyʋɔ́ yi ɔ kplɔkplɔzìzìè cíe lé ɩ́ yi á ɔ Léyibhlɩɛ́ a mnɩ́ jɩ́ɩ, 42lé ɩ́ yi á kosugàlàà à nɩ́ bhɩa kʋ́ a mnɩ́ páa, a mnɩ́ á na ká kʋ lé a ká kalɩmɛ yɛ́ lé a ká ŋwí. 43Ɩ́zà nyʋa ànàà à srí sá a, á yi a Tʋ́ Lagɔ a Léyibhlɩɛ́ a mnɩ́ kʋ lé á yi yrʋ́gàvlà bhísakʋ́ lʋ. Ɔ̀ nɩ̀ kà nyúkwlí lé ɔ̀ kà nú a, ɔ ká nú!»
Sìkàbhùò zúzùò a, a núnúó
44Lé Zozíi srʋ á sɔ́kʋ́ mà: «Lagɔ a Léyibhlɩɛ́ wlʋ́ mànɩ́ nyɔɔ́ vú lágba a mnɩ́ sìkàbhuo zɔ̀, ɔ vú á zɔ̀ a, ɔ́ zízìè à sɔ́kʋ́ lágba a mnɩ́, lɔlɔɔ́ nió lé ɔ́ sa ɔ kakalɩɛ fɩ́ɛ́, lé ɔ́ kla lágbàà.
Nyɔɔ́ ɔ̀ mʋ́mɔ náma jinynu a, ɔ núnúó
45Lagɔ a Léyibhlɩɛ́ wlʋ́ sáà mànɩ́ pɛ́lʋ́panyɔ mʋ́mɔ náma jinynu a. 46Ɔ́ yɛ́ dìèpàjìnynu a múó a, ɔ́ɔ ŋwʋ́ʋ ɔ kakalɩɛ fɩ́ɛ́ pɛ́lʋ́ lé ɔ́ klʋʋ́.
Kplayɩ a núnúó
47Lagɔ a Léyibhlɩɛ́ wlʋ́ sɔ́kʋ́ mànɩ́ kplayɩ á páa lé á bhlá zrìi a cícící a. 48Kplayɩ nɩ pla zrìi a, áa jrileé kíké wlú, lé á pálɛ duo sá lé á gbázɩɛ zrìè mʋ́, lé á ŋwʋ́ɩ́ pápɩ́ a mnɩ́ ànɩ̀ɛ̀ zɛ́ a á pɩ́ɩ́ klá. 49Zɩkpa a zɔ̀bhɩayruó kʋ́, sɩ́tɛ̀ mʋ́ ɩ́ na ká sáà plɩ́ɩ, Lagɔ a kplɔkplɔzìzi yi bhàlʋ̀nyʋ̀àà mʋ́ gbázɩ̀ lé ɩ́ yi á nyʋa à srísá a nyièdɩ sa à 50lé ɩ́ yi á kosugàlàà a nɩ́ bhɩa kʋ́ a mnɩ́ páa. A mnɩ́ á na ká kʋʋ, lé a ká kalɩmɛ yɛ́ lé a ká ŋwí.»
Lɛyalɩ Lé bhlagɔ̀gɔ̀lɩ
51Zozíi bhɩa cícíé zɔ̀ a, ɔ́ yrá, ɔ́ anɩ́: «A nú wɔlɩ́ɛ́ fɩ́ɛ́ ɩ́ cí lɛ́ a?» Á anɩ́: «Aan, à núí.» 52Lé ɔ́ srʋ á, ɔ́ anɩ́: «Ɩ́mɩ́ kà ŋnɩ́ a zà lɔ̀ a másɛ nɩ plɩ́ Lagɔ a Léyibhlɩɛ́ a mnɩ́ a nyɔ lé ɔ nɩ yì mɔ̀ a wɔlɩ́ a, ɔ́ wlʋ́ mànɩ́ gbikanyɔ bhá ɔ gbakalɩmalɛ a mnɩ́ wɔlɩyalɩ yà bhlagɔ̀gɔ̀wɔ̀lɩ sɔ́ a.»
Zozíi kʋ Nazalɛ́tɩɩ́
(Málɩ́kɩ 6.1‑6; Lúkɩ 4.16‑30)
53Zozíi bhɩa níní a pápʋ́ zɔ̀ a, ɔ́ɔ wlʋ́ dɛ́ɛ́ ɔ́ kʋ la a, lé ɔ́ mʋ. 54Ɔ́ ŋnɩ dúó mnɩ́ ɔ́ nyni a, ɔ́ɔ cɩ́a mɔ̀ɔ a zúfʋcɛcɩwlʋɔ́ a mnɩ́ a nyʋa, mà nyʋaá, neé mna á lé á nie mà: «Bhè dɛ́gbá ɔ́ bhá bhʋ́anɩ fíkeé yà bhʋ́anɩ lɛ̀wɔ̀lɩ̀ɛ̀ sɔ́ a? 55Kámʋnyɔɔ́ a yʋ́ɔ́ mɔ́ nɩ́ ʋ́ kʋʋ? Ɔ nɛ́ nɩ́ Malíi ŋwɔ́ɔ? Ɔ́ nɩ́ayúó nɩ́ Zákɩ, Zɔ̀zɛ́fʋ, Simɔ́ɔ, lé Zúdʋ sɔ́ ŋwɔ́ɔ? 56Ɔ́ nɩ́ayúó ŋnɩkeyuo nɩ́ lɛ́ dɛ́ àmɔ̀ nyièdɩ kʋʋ? Dɛ́gbá ɔ́ bhá bhʋ́anɩ wɔlɩ́ɛ́ fɩ́ɛ́ ɔ́ nie lɛ́ a?» 57Wɔlɩ́ɛ́ fɩ́ɛ́ lɩ̀à ka ŋnɩ́ lé a nɩ́ ɔ fádùò ka. Bhʋ́ Zozíi srʋ á mà: «Bhlɩ́ɛ́ fɩ́ɛ́ jɩ̀, á ŋwʋ́ɛ́ ʋ́ Lagɔ a nékʋ́cinyɔ, mà à nɩ̀ ŋwɔ́ɔ ɔ bhlé a, ɔ́ bhílie yà ɔ gbó a nyʋa sɔ́ nɩ́ ɔ́ wà.» 58Ɩ́ ka ŋnɩ́ lé ɔ bhlé Nazalɛ́tɩ a dúó a mnɩ́, ɔ nɩ́ mɔ̀ɔ lɛ̀wɔ̀lɩ kɔ́kɔ́mnɩ́ nɩ, a nɩ́ Lagɔ a fádùò ka á zà.
Currently Selected:
Matíe 13: NEY
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Matíe 13
13
Lɛglɩ̀nyɔ a núnúó
(Málɩ́kɩ 4.1‑9; Lúkɩ 8.4‑8)
1Bhʋ́ a yruó kʋ́, Zozíi flʋ zɔ̀ lé ɔ́ mʋ jie gɔ̀ sa bɔ̀ ka. 2Bhè nyʋa kɔ́kɔ́mnɩ́ yi lé á glalɔɔ́ klʋ́, ɩ́ nɩ lé ɔ́ sú gɔ́lʋ́ jie klʋ́ lé ɔ́ plɩ́ɩ mɔ̀ɔ lé ɔ́ bɔ́ɔ sá, bhè nyʋaá kʋ nyígbʋ̀gbʋ́ jɩ̀.
3Mà ɔ́ bhá níní lé ɔ́ srʋ á wɔlɩ́ kɔ́kɔ́mnɩ́. Ɔ́ anɩ́: «A lɛ́bhɛɛ, nyɔ a múó mʋ ɔ lágba glɩ ka. 4Ɔ́ kʋ glɩ da lé lɛyʋ ànʋ bhli nyúzɔ̀kɩ̀kèlí gɔ̀, lé nimni yi lé ɩ́ li bhʋ́anɩ yʋ́ɔ́. 5Lɛyʋ ànʋ bhli cɔ́kpalɩ́dʋ̀dʋ a mnɩ́, bhʋ́ a dʋ̀dʋ nɩ́ zù, lɛyʋɔ́ wlʋ́ sɩsɔɔ́, mà cémʋ́ dʋ̀dʋ̀ɔ̀ nɩ́ zù a, 6tányɩɛ́ mʋ́ yrʋ́ tɛ́ma mʋ́ a, ʋ́ sie lɛyʋɔ́ á kwálɩ́ɛ́, ɩ́ nɩ lé bhlíkpié nɩ́ dʋ̀dʋʋ́ pla. 7Lɛyʋ ànʋ bhli nyníci a mnɩ́ lé nynícié bhɔ́ɔ kʋ́ lé ɩ́ gbíi wlú. 8Ànɩ bhli náma dʋ̀dʋ a mnɩ́ lé ɩ́ trʋ bhí, vó trʋ bhí gwlɩ̀ gbɩ́, àna trʋɛ bhí gwlɩ̀ ta, àna trʋɛ bhí a glʋ̀ lé kʋ́gbá.» 9Lé Zozíi srʋ á mà: «Ɔ̀ nɩ ka nyúkwlí ɔ̀ kà nú a, ɔ nú!»
Zozíi pálɛ nyʋa níní gɔ̀
(Málɩ́kɩ 4.10‑12; Lúkɩ 8.9‑10)
10Lé Zozíi a kʋjɩ̀nyʋ̀àà yio gɔ̀ lé áa yrɔ́ɔ́ mà: «Ɛ̀kʋ̀ʋ̀ lé ɩ̀ bhá níní lé ɩ̀ cíle nyʋa gɔ̀ a?» 11Zozíi anɩ́: «À nɩ̀ ŋwɔ́ɔ amɔ a, Léyibhlɩɛ́ a mnɩ́ a wɔlɩ́ɛ́ fɩ́ɛ́ kʋ̀ mɔ̀ɔ lé ɩ̀ zúzùò a, Lagɔ ɔ́ pápa amɔ ɩ́ gba, mà ámá, ʋ nɩ́ á wɔlɩdrè a múó pápa. 12Nyɔɔ́ ɔ̀ kà a, á yió sɔ́kʋ́ nyɛ́ lé ɔ́ yi kɔ́kɔ́mnɩ́ ka, ɔ̀ nɩ́ kà a, tòyipɛɛ́ ɔ́ kà a, á yió mɛ́ gɔ̀ bhá. 13A lɛ́bhɛɛ wɔlɩ́ɛ́ kà ŋnɩ́ lé nɩ cílaá gɔ̀ lé ɩ́ pá lɛ́ níní a, ɩ́mɩ́ lɛ̀: Á dʋdʋɛ lé a nɩ́ yɛ́ kʋ́, á pʋɛ nyúkwlí lé a nɩ́ nú wɔlɩ́ɛ́ ɩ́ cíé a mnɩ́. 14Lagɔ a nékʋ́cinyɔ Ezayíi a cícíwɔlɩɛ́ ɩ́mɩ́ ɩ̀ sralɔ lɛ́ sɩ́tɛ̀ neé. Ezayíi anɩ́,
Lagɔ cí wá mà:
A yi wɔlɩ́ nyúkwlí pʋ,
Mà a nɩ́ ka ɩ mnɩ́ nú!
A yi dʋdʋ̀,
Mà a nɩ́ ka kʋ́ yɛ́!
15 Ɛ̀kʋ̀ʋ̀ a?
Nyʋaá lɩ̀à, á di ya sú.
Á ya a nyúkwlíé bhleè,
Lé á ya a yɩ́ɛ́ kʋ́ múmuò.
A nɩ́ yrá yɩ́ dʋdʋ̀ɛ,
A nɩ́ yrá yɩ́ nyúkwlí pʋpʋ́ɛ́,
A nɩ́ yrá yɩ́ sáà mɩ́ á di a mnɩ́,
Bhʋ́ a tányɩɛ́, a nɩ́ ka yɩ́ yrɩ́bha
Lé a ká yi a ká á yalɩmaà. #13.14‑15 A zɛlɩɩ sáà Eza 6.9‑10.
16Mà amɔ pʋ́pʋ́ɛ́ mʋ́ a kʋ, máà a yɛ́ kʋ́, lé a núé. 17Náa srʋɛ yɩ́ lɛ́ amɔ cícása, Lagɔ a nékʋ́cinyʋa kɔ́kɔ́mnɩ́ lé nyʋa fɩ́ɛ́ kà a nɩnɩgbɩ sri wá Lagɔ á drɩ̀ sá a, wɔlɩ́ɛ́ fɩ́ɛ́ a dʋdʋɛ lɛ́ dɛ́ a, á yrá wá sáà yɩ́ dʋdʋ̀ɛ, mà a nɩ́ɩ́ yɛ́. Wɔlɩ́ɛ́ a núé lɛ́ a, á yrá wá sáà ɩ núnúé, mà a nɩ́ɩ nú.
Zozíi sa mɔ̀ɔ lɛglɩ̀nyɔ a núnúó a gba
(Málɩ́kɩ 4.13‑20; Lúkɩ 8.11‑15)
18A pʋ lɛglɩ̀nyɔ a núnúó a gba nyúkwlí. 19Nyɔ nɩ pʋ Lagɔ a Léyibhlɩɛ́ a mnɩ́ a wɔlɩ́ nyúkwlí lé ɔ nɩ nɩ́ ɩ́ nú a, ɔ́ wlʋ́ mànɩ́ glɩglɩlɩɛ́ ɩ̀ bhli nyúzɔ̀kìkèlí gɔ̀ lé Dɩ́blʋ̀ɔ̀ yi lé ʋ́ sa ɔ̀ mɩ́ duo kʋ́. 20Glɩglɩlɩɛ́ bhli cɔ́kpalɩ́dʋ̀dʋ̀ɔ̀ mnɩ́ a, ɩ́mɩ́ ŋwɔ́ɔ nyʋaá núé Lagɔ̀wɔ̀lɩ̀ɛ̀ lé ɩ́ ka lɔlɔ kʋ́ a, 21mà a nɩ́ cíe Lagɔ̀wɔ̀lɩ̀ɛ̀ sá lé ɩ ká sikpli ŋwʋ́, a nɩ́ gwlɛ Lagɔ̀nyùzɔ̀ɔ̀ kʋ́. A nɩ yɛ́ kalɩmɛ tòyipɛ Lagɔ̀wɔ̀lɩ̀ɛ̀ a mnɩ́ a, ɩ́ kalɛ ŋnɩ́ lé á wlʋ́ɛ́ sɩsɔɔ́ Lagɔ̀nyùzɔ̀ɔ̀ kʋ́. 22Glɩglɩlɩ ànɩ̀ɛ̀ bhli dʋ̀dʋ̀ɔ̀ mnɩ́ nynícié kʋ a, ɩ́mɩ́ ŋwɔ́ɔ mà nyʋaá núé Lagɔ̀wɔ̀lɩ̀ɛ̀, mà zɩkpa zɔ̀ a lɩ́ a mʋ́mɔ kalɩmɛ lé mɔ̀ɔ a sɩsɩ́ leyrié a lilíé gbíé Lagɔ̀wɔ̀lɩ̀ɛ̀ wlú lé ɩ nɩ́ mʋ dá. 23Glɩglɩlɩ ànɩ̀ɛ̀ bhli náma dʋ̀dʋ̀ɔ̀ a mnɩ́ a, ɩ́mɩ́ ŋwɔ́ɔ nyʋaá nɩ̀ pʋ Lagɔ̀wɔ̀lɩ̀ɛ̀ nyúkwlí lé à núí a, bhʋ́anaá trʋɛ bhí, àna trʋɛ bhí a gwlɩ̀ gbɩ́, àna trʋɛ bhí a gwlɩ̀ ta, lé àna trʋɛ bhí a glʋ̀ lé kʋ́gbá.»
Nyumo pití a núnúó
24Lé Zozíi pá sɔ́kʋ́ núnúó àna lé ɔ́ srʋ á mà: «A lɛ́bhɛ Lagɔ a Léyibhlɩɛ́ wlʋ́ mànɩ́ cémʋ́ nyɔ glɩ náma lɩ ɔ lágba a. 25Lé dɩ́bɩ nyʋa kʋ yrá lé ɔ́ gblɩ̀nyɔ yi lé ɔ́ glɩ lágbàà a mnɩ́ nyumo pití ɔ náma lɛyʋɔ́ a mnɩ́ lé ɔ́ mʋ. 26Lɩ́ɛ́ ɔ́ glɩ a, ɩ́ wlʋ́ lé ɩ́ trʋ a, nyumo pitíé wlʋ́ sáà lé ɩ́ trʋma kʋ́. 27Bhʋ́ ɔ́mɔ́ gbikanyɔ a cóyuó yi lé á srʋ ɔ́ mà: Kanyɔɔ̀, náma lɛyʋ nɩ́ nà lágba gblɩɩ? Bhè dɛ́gbá nyumo pitíé wlʋ́ lé ɩ́ kʋ mɔ̀ à? 28Bhʋ́ ɔ́ srʋ á mà: Ná gblɩ̀nyɔ nɩ saá. Lé cóyuó srʋ ɔ́ mà: Ɩ̀ yrá lé à mʋ lé à sɩsa nyumo pitɩ́é glù? 29Gbikanyɔ anɩ́: Ʋ́ʋ̀n! A ná nɩ saá, a nɩ ka nyumo pitɩ́é kʋ́ máa lé a nɩ ka glɩglɩlɩɛ́ glù sa à. 30A cíi sá, ɩ lɔ̀fɩ́ɛ́ ká gá kʋ́ bhálɔɔ̀, tányɩɛ́ mʋ́ lelilɩɛ́ ya lɛ fáàda ŋnɩ a, ɩ́ yi ɩ́ nɔnʋzrɩ̀nyʋa srʋ mà: A sa fɩ́ɛ́ nyumo pitíé glù lé a gʋ́gwlàlɩ̀ɩ̀ kʋ́ a kɩ́ɩ́ sesiè, bhʋ́ a tányɩɛ́ a yi cásɩ yɛ́ lé a yi lelilɩɛ́ a nɔnʋ zrɩ lé a yii wlʋ kʋ́ ŋwʋ́.»
Mutádɩ̀yie a núnúó
(Málɩ́kɩ 4.30‑32; Lúkɩ 13.18‑19)
31Zozíi srʋ sɔ́kʋ́ má mà: «Lagɔ a Léyibhlɩɛ́ wlʋ́ mànɩ́, cémʋ́ nyɔ bhá lɛ́ mutádɩ̀yie lé ɔ́ glɩlɛɛ́ ɔ lágbaá a. 32Ɛ́mɛ́ ŋwɔ́ɔ lɛyʋɔ́ fɩ́ɛ́ a glɩɛ a, ʋ́ nyièdɩ a lɛsʋsʋ́ʋ́, mà ʋ nɩ wlʋ́ a, ʋ́ zie glɩglɩlɩɛ́ fɩ́ɛ́ trʋmɛɛ́, ʋ́ plɩ́ɛ́ suú, ʋ wlú a lábhɩɛ́ a mnɩ́ nimni pálɛ níní.»
Flɔ́ɔ pʋ́ a bháabháagɔ̀zɩ a núnúó
(Lúkɩ 13.20‑21)
33Zozíi pá sɔ́kʋ́ núnúó àna, ɔ́ anɩ́: «Lagɔ a Léyibhlɩɛ́ wlʋ́ sɔ́kʋ́ mànɩ́ levɛ́ɛ: flɔ́ɔ pʋ́ a bháabháagɔ̀zɩ̀ɛ̀#13.33 flɔ́ɔ pʋ́ a bháabháagɔ̀zɩ̀ɛ̀: Gɔ́zɩ a múó kʋ ʋ́ lé á ŋwʋ́ɩ́ flɔ́ɔ pʋ́ a mnɩ́ lé ɩ nie lé flɔ́ɔ pʋ́ɔ́ bháalɛ., ɩ̀ kɩ̀ɩ tòtòyipɛ ŋwná ŋwʋ́ɛ́ flɔ́ɔ pʋ́ kɔ́kɔ́mnɩ́ a mnɩ́ lé ɩ́ nie lé flɔ́ɔ pʋ́ɔ́ bháalɛ a.»
Ɛ̀kʋ̀ʋ̀ lé Zozíi cíle lɛ́ níní mʋ́ a
(Málɩ́kɩ 4.33‑34)
34Wɔlɩ́ɛ́ fɩ́ɛ́ Zozíi cíi nyʋaá gɔ̀ a, níní kʋ́ ɔ́ pálɩɩ́, ɔ nɩ́ wɔlɩdrè àna cí ɛ̀ nɩ̀ nɩ́ níní mʋ́ ŋwɔ́ɔ a. 35Ɔ́ nií lé wɔlɩ́ɛ́ fɩ́ɛ́ Lagɔ ŋwʋ́ wá ɔ nékʋ́cinyɔ neé lé ɔ́ cí wá a, ɩ ká neé sralɔɔ̀. Lagɔ a nékʋ́cinyɔɔ́ cí wá mà:
Níní mʋ́ nɩ cíi kɛ́zɔ̀ má gɔ̀.
Kɔ́ nɩ ka wá wlʋ́ a,
Ɩ́ wɔlɩ́ɛ́ fɩ́ɛ́ ɩ̀ zúzùò wá a,
Lé nyɔ nɩ́ à zà nú a,
Ɩ́ cíí. # 13.35 A zɛlɩɩ sáà Lɔlɔ 78.2.
Zozíi sa mɔ̀ɔ nyumo pitíé a núnúó a gba
36Lé Zozíi wlʋ́ nyʋaá gɔ̀ lé ɔ́ mʋ gbó. Lé ɔ́ kʋjɩ̀nyʋ̀àà mʋ ɔ́ gɔ̀ lé á srʋ ɔ́ mà: «Nyumo pitíé á glɩ lɛ́ lágbàà a mnɩ́ a, ɩ núnúóó, sa mɔ̀ɔ àmɔ̀ á gba!» 37Zozíi anɩ́: «Nyɔɔ́ ɔ̀ glɩ náma lɛyʋɔ́ a, ɔ́mɔ́ ŋwɔ́ɔ Nyɔɔ́ a Yuwliyʋɔ́. 38Lágbàà, zɩkpa zɔ̀ kʋ̀ʋ, náma lɛyʋɔ́, Lagɔ a Léyibhlɩɛ́ a mnɩ́ a nyʋaá má kʋ̀ʋ. Nyumo pitíé, Dɩ́blʋ̀ɔ̀ a nɩ nyʋa kʋ̀ʋ, 39nyɔɔ́ ɔ̀ glɩ nyumo pitíé lágbàà a mnɩ́ a, Dɩ́blʋ̀ɔ̀ kʋ̀ʋ, lágbàà a fáfá tanyɩɛ́ ɩ́mɩ́ ŋwɔ́ɔ zɩkpa a zɔ̀ bhɩa yru. Nyʋaá à fá lágbàà a, kplɔkplɔzìzi kʋ̀ʋ. 40Cémʋ́ á sa lɛ́ lágbɩ̀pìtí lé á ŋwʋ́ɩ́ lɛ́ kosu a, sɩ́tɛ̀ mʋ́ zɩkpa a zɔ̀ bhɩa yruó na ká kʋ̀ʋ. 41Zɔ̀ bhɩa yruó, nyʋa fɩ́ɛ́ à sa a lía Lagɔ̀nyùzɔ kʋ́, yà kàpàkápányʋa a sɔ́, Nyɔɔ́ a Yuwliyʋɔ́ yi ɔ kplɔkplɔzìzìè cíe lé ɩ́ yi á ɔ Léyibhlɩɛ́ a mnɩ́ jɩ́ɩ, 42lé ɩ́ yi á kosugàlàà à nɩ́ bhɩa kʋ́ a mnɩ́ páa, a mnɩ́ á na ká kʋ lé a ká kalɩmɛ yɛ́ lé a ká ŋwí. 43Ɩ́zà nyʋa ànàà à srí sá a, á yi a Tʋ́ Lagɔ a Léyibhlɩɛ́ a mnɩ́ kʋ lé á yi yrʋ́gàvlà bhísakʋ́ lʋ. Ɔ̀ nɩ̀ kà nyúkwlí lé ɔ̀ kà nú a, ɔ ká nú!»
Sìkàbhùò zúzùò a, a núnúó
44Lé Zozíi srʋ á sɔ́kʋ́ mà: «Lagɔ a Léyibhlɩɛ́ wlʋ́ mànɩ́ nyɔɔ́ vú lágba a mnɩ́ sìkàbhuo zɔ̀, ɔ vú á zɔ̀ a, ɔ́ zízìè à sɔ́kʋ́ lágba a mnɩ́, lɔlɔɔ́ nió lé ɔ́ sa ɔ kakalɩɛ fɩ́ɛ́, lé ɔ́ kla lágbàà.
Nyɔɔ́ ɔ̀ mʋ́mɔ náma jinynu a, ɔ núnúó
45Lagɔ a Léyibhlɩɛ́ wlʋ́ sáà mànɩ́ pɛ́lʋ́panyɔ mʋ́mɔ náma jinynu a. 46Ɔ́ yɛ́ dìèpàjìnynu a múó a, ɔ́ɔ ŋwʋ́ʋ ɔ kakalɩɛ fɩ́ɛ́ pɛ́lʋ́ lé ɔ́ klʋʋ́.
Kplayɩ a núnúó
47Lagɔ a Léyibhlɩɛ́ wlʋ́ sɔ́kʋ́ mànɩ́ kplayɩ á páa lé á bhlá zrìi a cícící a. 48Kplayɩ nɩ pla zrìi a, áa jrileé kíké wlú, lé á pálɛ duo sá lé á gbázɩɛ zrìè mʋ́, lé á ŋwʋ́ɩ́ pápɩ́ a mnɩ́ ànɩ̀ɛ̀ zɛ́ a á pɩ́ɩ́ klá. 49Zɩkpa a zɔ̀bhɩayruó kʋ́, sɩ́tɛ̀ mʋ́ ɩ́ na ká sáà plɩ́ɩ, Lagɔ a kplɔkplɔzìzi yi bhàlʋ̀nyʋ̀àà mʋ́ gbázɩ̀ lé ɩ́ yi á nyʋa à srísá a nyièdɩ sa à 50lé ɩ́ yi á kosugàlàà a nɩ́ bhɩa kʋ́ a mnɩ́ páa. A mnɩ́ á na ká kʋʋ, lé a ká kalɩmɛ yɛ́ lé a ká ŋwí.»
Lɛyalɩ Lé bhlagɔ̀gɔ̀lɩ
51Zozíi bhɩa cícíé zɔ̀ a, ɔ́ yrá, ɔ́ anɩ́: «A nú wɔlɩ́ɛ́ fɩ́ɛ́ ɩ́ cí lɛ́ a?» Á anɩ́: «Aan, à núí.» 52Lé ɔ́ srʋ á, ɔ́ anɩ́: «Ɩ́mɩ́ kà ŋnɩ́ a zà lɔ̀ a másɛ nɩ plɩ́ Lagɔ a Léyibhlɩɛ́ a mnɩ́ a nyɔ lé ɔ nɩ yì mɔ̀ a wɔlɩ́ a, ɔ́ wlʋ́ mànɩ́ gbikanyɔ bhá ɔ gbakalɩmalɛ a mnɩ́ wɔlɩyalɩ yà bhlagɔ̀gɔ̀wɔ̀lɩ sɔ́ a.»
Zozíi kʋ Nazalɛ́tɩɩ́
(Málɩ́kɩ 6.1‑6; Lúkɩ 4.16‑30)
53Zozíi bhɩa níní a pápʋ́ zɔ̀ a, ɔ́ɔ wlʋ́ dɛ́ɛ́ ɔ́ kʋ la a, lé ɔ́ mʋ. 54Ɔ́ ŋnɩ dúó mnɩ́ ɔ́ nyni a, ɔ́ɔ cɩ́a mɔ̀ɔ a zúfʋcɛcɩwlʋɔ́ a mnɩ́ a nyʋa, mà nyʋaá, neé mna á lé á nie mà: «Bhè dɛ́gbá ɔ́ bhá bhʋ́anɩ fíkeé yà bhʋ́anɩ lɛ̀wɔ̀lɩ̀ɛ̀ sɔ́ a? 55Kámʋnyɔɔ́ a yʋ́ɔ́ mɔ́ nɩ́ ʋ́ kʋʋ? Ɔ nɛ́ nɩ́ Malíi ŋwɔ́ɔ? Ɔ́ nɩ́ayúó nɩ́ Zákɩ, Zɔ̀zɛ́fʋ, Simɔ́ɔ, lé Zúdʋ sɔ́ ŋwɔ́ɔ? 56Ɔ́ nɩ́ayúó ŋnɩkeyuo nɩ́ lɛ́ dɛ́ àmɔ̀ nyièdɩ kʋʋ? Dɛ́gbá ɔ́ bhá bhʋ́anɩ wɔlɩ́ɛ́ fɩ́ɛ́ ɔ́ nie lɛ́ a?» 57Wɔlɩ́ɛ́ fɩ́ɛ́ lɩ̀à ka ŋnɩ́ lé a nɩ́ ɔ fádùò ka. Bhʋ́ Zozíi srʋ á mà: «Bhlɩ́ɛ́ fɩ́ɛ́ jɩ̀, á ŋwʋ́ɛ́ ʋ́ Lagɔ a nékʋ́cinyɔ, mà à nɩ̀ ŋwɔ́ɔ ɔ bhlé a, ɔ́ bhílie yà ɔ gbó a nyʋa sɔ́ nɩ́ ɔ́ wà.» 58Ɩ́ ka ŋnɩ́ lé ɔ bhlé Nazalɛ́tɩ a dúó a mnɩ́, ɔ nɩ́ mɔ̀ɔ lɛ̀wɔ̀lɩ kɔ́kɔ́mnɩ́ nɩ, a nɩ́ Lagɔ a fádùò ka á zà.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.