Ruuka 2
2
Okwibhoru kwo Yesu Kirisito
(Mataayo 1:18–25)
1Mo‑chaasiko chiyo Yohana ꞉ibhwiru, Kayisaari Aghosito akabhugha kubha, abhaato bhoose bha chaase cheeche, bhaghëndë kwiyandëka. 2Okwiyandëka kuyo niko koore o kumbërë, kwo riibhagha rino Kureniyo are omukangati mo‑mukööwa o Siiriya. 3Mbe, abhaato bhoose bhaaghaye kwiyandëka, omooto woose mo‑moghya o waabho.
4Yusubhu woose akaru mo‑moghya o Nasareeti mo‑mukööwa o Ghariraaya, aghatiira ghuye mo‑mukööwa o Yuteya mo‑moghya o Bheserehemu, gho kubha Bheserehemu niwe ore omoghya o Tawuti, na Yusubhu naare o mo‑rwibhoro rooche. 5Kwo riibhagha riyo, Yusubhu aghaye kwiyandëka haghirohamu na Mariyamu, omorwacheru obhuku waache. Mariyamu nawe n‑inda are. 6Eriibhagha bhaanyi iyo, okwibhora kooche ghokahika. 7Akiibhora omoona o kebhureni omutange waache, akamokundekeri changibho. Akamuraari mwitore, gho kubha, bhataabhwine omweya mo‑chanyumba che bhaghëni.
Abhariishi ˆbhakarweru na marayika
8Haghuhe no omoghya uyo, mbaare‑ho abhariishi ꞉bhaare bharachonga chaatugho cheebho obhotiko. 9Hayo hayo, bhakarweru na marayika umu o Mutëmi. Emirëngaari ghe bhokumi obhokoro bho Mutëmi ghekabharëngaari chambaara choose, bhaghatiina chwee. 10Amare marayika uyo akabhabhoorera akabhugha, “Motatiina! Mutëghëërërë, ˆnekabharëëtëra angʼana anchömu ino eghotegheri chwee abhaato bhoose. 11Reero ino mo‑moghya o Tawuti, Omotoori waanyu niibhwiru. Omotoori uyo niwe Kirisito Omutëmi. 12Ekyërëkërëri ghe köbhëërëkërëri ghayo, nikyo kino, mokubhöna ekengʼwerere ke moona kiraariru mwitore, kebhishuru changibho che keena.”
13Hayo hayo marayika uyo are, hakarwera ebheku bhe bhamarayika bhaghëndi bhaache koru Mwishaaro. Bhaakabha bharaghongi Eryobha bharabhugha,
14“Eryobha re Mwishaaro reghongibhu!
No omurëmbë ubhe mo‑se yoose,
kwo bhaato bhano Eryobha resiighiri!”
15Bhamarayika bhayo, hano bhagharokiri Mwishaaro, abhariishi bhakabhugha, “Tughëndë Bheserehemu, korighi ghano Omutëmi atobhooriire.” 16Mbe, bhaaghaye bhwango bhwango, bhakabhöna Mariyamu na Yusubhu, bhakarighi ekengʼwerere, kiraaruru mwitore. 17Hano bhamorooche omoona uyo, bhakabhabhoorera abhaato amangʼana ghoose, ghano marayika wuure ꞉abhabhooriire ighoro yaache.
18Abhaato bhoose hano bhooghwire amangʼana ghano bhabhooriiru na abhariishi bhayo, bhakahagha chwee. 19Amare, Mariyamu aghaghatoora ghayo ghoose mo‑motema waache, akabha araghiihëëbha. 20Bhakamara, abhariishi bhayo bhaghagharuka ino bharareghongi Eryobha, na korekumi gho ghano ghoose ꞉bhooghwire na ghogharighi. Kinya bhuure ꞉bhaabhooriiru na marayika, hangʼu ghoose ꞉ghaabheere.
21Omoona uyo, hano ahikiri chaasiko inyaanye, bhakamusaara, bhakamoroka Yesu. Niryo eriina rino marayika wuure, are amorokiri, eriibhagha nyina are akeere ghughëgha anda.
Yesu ˆbhakamuhaana kwo Waryobha
22Chaasiko che komusu koobho Yusubhu na Mariyamu, cheghasira, kinya ꞉yëëndiiru mo‑meghiro ghe Musa.#2:22 Musa ꞉naabharagheriiri kubha, hano omukari akubha ibhwire omoona o ghesubhe, ikare chaasiko miröngö ene ataaghoturi egheghiro eghitööbhiyu, wiiki atasöha Mwisëngërö. Aramara amusu, omosubhe woose amusu, gho kubha hano mukaache ibhwire naare aramughööta hande araghööta omoona. Mööhi Abharaawi 12:2–8. Mbe, bhakamohira omoona uyo Yerusareemu, kubha bhamuhaane kwo Mutëmi Waryobha. 23꞉Mbaamohiriri gho kubha, ꞉yaandëkuru mo‑meghiro ghe Mutëmi kubha, “Omoona woose o mumbërë o ghesubhe, nakwëndëru ahiru ambërë e Mutëmi.”#2:23 Mööhi Kohoroka 13:2, 12, 15. 24Wiiki, ꞉mbëëndiri bharuusi eriruusi re komusu kinya reghughambu mo‑meghiro ghe Mutëmi, “Moruusi eriruusi re bheghuuti bhibhere, hande amaana abhere gha chaasarari.”#2:24 Mööhi Abharaawi 12:8.
25Hayo Yerusareemu, naare‑ho omooto umu, eriina reeche Simiyooni. Simiyooni uyo naare muhëënë ambërë e Ryobha araresooka, ino araghanya korighi ghotooribhu kwo Abhiisiraeri. Akörö Ahörëëru neere haghirohamu nawe. 26Neere imariri komobhoorera kubha, taaghoku, ataamara arighi Kirisito o Mutëmi o Ryobha. 27Ibheere abhiibhori bhaache, ꞉mbaamohiriri Yesu Mwisëngërö, kubha bhakörë bhuure emeghiro ghekwërëkërëri. Simiyooni uyo, Akörö Ahörëëru ekamukangata kubha asöhë‑mu. 28Akamwimoki omoona Yesu, ino araghongi Eryobha arabhugha,
29“Oo Omutëmi omokoro, ibheere nongatighiri
eni omutamishi waacho, neku kwo murëmbë,
gho kubha nuköriri kinya ꞉ombooriire,
30niroochiire obhotoori bhoocho,
31bhuno usëëmiri ambërë e bhaato bha chaase choose.
32Obhotoori bhuyo n‑emirëngaari ghe ghokwërëkërëri
anchëra yaacho mo‑bhaato bha matöngö,
na asooko mo‑bhaato bhaacho Abhiisiraeri.”
33Amangʼana ghayo Simiyooni ꞉abhughiri ighoro e moona uyo, ghakabharoghoori chwee abhiibhori bhaache. 34Simiyooni akabhiitabheri hayo, akamobhoorera Mariyamu, nyina o moona uyo akabhugha, “Tëghëërëra! Omoona uno, ꞉naahwiru ne Eryobha, naghoghwishi na nakobhabhooki Abhiisiraeri abhande bhaaru. Naakubha ekimanyenkereri na abhaato mbaghokyanga, 35gho ghayo, amiihëëbhö gha emetema ghe bhaato bhaaru ngeekubha haheero. Niiye mo‑motema waacho nokooghu obhororo chwee, kinya ongʼuturu ne ekinyamiino.”#2:35 Kinya ongʼuturu ne ekinyamiino. Amangʼana ghano egheteemoro keeche n‑kubha, nakooghu obhororo gho kumambu na ghwitu kwo Yesu.
36Hayo naare‑ho murööti umu, omukari mokungu chwee, eriina reeche Ana, omuukë o Bhanweri, o ritöngö re Asheeri. Ana uyo, ꞉naamariri emeeka mohungate hangʼu anyi no omosubhe waache, achekumara mosubhe waache uyo aghaku. 37Akabha mosino akahikera eghita ke meeka miröngö enaane ne ene na takwiruru. Naare araghe Mwisëngërö, ghusëngëra Eryobha obhotiko no omwishe gho ghusabha na kwiyima ebhiinyakurë. 38Kwo riibhagha riyo, Ana akahika hayo ꞉bhaare Simiyooni, na Yusubhu, na Mariyamu no omoona uyo, aghasëëma koreghongi Eryobha. Arabhabhoorera amangʼana gha moona uyo, mo‑bhaato bhayo ꞉bhiitëngʼiire kubha, Eryobha ndeghotoori Yerusareemu.
39Yusubhu na Mariyamu, hano ꞉bhaare bhamariri ghuköra ghoose ghano emeghiro ghe Mutëmi ghyëndiri, bhaghagharuka awaabho mo‑moghya o Nasareeti, mo‑mukööwa o Ghariraaya. 40Omoona uyo aghakora, na aghaköngʼa, na akangʼiiniha, naare ariitabheru ne Eryobha.
Omoona Yesu Mwisëngërö
41Abhiibhori bha Yesu mbaare bhasiighiri ghuye Yerusareemu kira mooka, mo‑nyangi e Bhaasaka. 42Ibheere, hano Yesu are omoona o meeka ikomi ne ebhere, bhaaghaye nawe iyo kurëngʼaana na asughara yaabho. 43Hano chaasiko che nyangi iyo chesiriri, abhiibhori bha moona uyo bhaghagharuka aka, amare iwe aghasaagha Yerusareemu. Nabho bhataamënyiri aribha asaaghiri iyo. 44Ibho bhaghiituuri kubha naghugharuka aka na abhaghëndi bhaache. Eriibhagha riyo, mbaare bhaghëndiri mwishe moghima bhaanyi mo‑nchëra, amare bhataamotooriri mo‑miisho. Niho bhaghasëëma komutabharera mo‑bhahiiri bhaabho na mo‑bhasaani bhaabho. 45Hano abhoriri, bhaghagharuka Yerusareemu, bharamtabhara.
46Orosiko ro ghatato, bhakamubhöna Mwisëngërö, ikeere ghateghate e bheeghi. Naare arabhatëghëërëra, arabhabhoori amabhoori. 47Abhaato bhoose hano bhooghwire kebhuno are arabhugha, bhakahagha chwee ighoro e miihëëbhö ghaache na amagharokeri ghaache. 48Abhiibhori bhaache hano bhamorooche, bhakahagha chwee. Nyina akamobhoori akabhugha, “Aa! Omoona waane, neke otuköriire hangʼu? Mööhi! Eni ni iso ntoore tuhahiri chwee, toraghutabhara!” 49Akamugharokeri akabhugha, “Neke moore morantabharera? Moteeche kubha nekwëndëru kuhööya Mwisëngërö re Taata waane?” 50Erigharokeri re Yesu, abhiibhori bhaache bhataarimënyiri.
51Hano bhamariri ghayo, bhaaghaye nawe awaabho Nasareeti, akabha arabhasooka. Ghayo ghoose ꞉ghaaköruru, nyina naare aghatooriri mo‑motema waache. 52Yesu akëëngëra ghokora, na kwiyëngëra amangʼiini, akabha arategheri Eryobha na abhaato bhoose.
Currently Selected:
Ruuka 2: ntk
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved
Ruuka 2
2
Okwibhoru kwo Yesu Kirisito
(Mataayo 1:18–25)
1Mo‑chaasiko chiyo Yohana ꞉ibhwiru, Kayisaari Aghosito akabhugha kubha, abhaato bhoose bha chaase cheeche, bhaghëndë kwiyandëka. 2Okwiyandëka kuyo niko koore o kumbërë, kwo riibhagha rino Kureniyo are omukangati mo‑mukööwa o Siiriya. 3Mbe, abhaato bhoose bhaaghaye kwiyandëka, omooto woose mo‑moghya o waabho.
4Yusubhu woose akaru mo‑moghya o Nasareeti mo‑mukööwa o Ghariraaya, aghatiira ghuye mo‑mukööwa o Yuteya mo‑moghya o Bheserehemu, gho kubha Bheserehemu niwe ore omoghya o Tawuti, na Yusubhu naare o mo‑rwibhoro rooche. 5Kwo riibhagha riyo, Yusubhu aghaye kwiyandëka haghirohamu na Mariyamu, omorwacheru obhuku waache. Mariyamu nawe n‑inda are. 6Eriibhagha bhaanyi iyo, okwibhora kooche ghokahika. 7Akiibhora omoona o kebhureni omutange waache, akamokundekeri changibho. Akamuraari mwitore, gho kubha, bhataabhwine omweya mo‑chanyumba che bhaghëni.
Abhariishi ˆbhakarweru na marayika
8Haghuhe no omoghya uyo, mbaare‑ho abhariishi ꞉bhaare bharachonga chaatugho cheebho obhotiko. 9Hayo hayo, bhakarweru na marayika umu o Mutëmi. Emirëngaari ghe bhokumi obhokoro bho Mutëmi ghekabharëngaari chambaara choose, bhaghatiina chwee. 10Amare marayika uyo akabhabhoorera akabhugha, “Motatiina! Mutëghëërërë, ˆnekabharëëtëra angʼana anchömu ino eghotegheri chwee abhaato bhoose. 11Reero ino mo‑moghya o Tawuti, Omotoori waanyu niibhwiru. Omotoori uyo niwe Kirisito Omutëmi. 12Ekyërëkërëri ghe köbhëërëkërëri ghayo, nikyo kino, mokubhöna ekengʼwerere ke moona kiraariru mwitore, kebhishuru changibho che keena.”
13Hayo hayo marayika uyo are, hakarwera ebheku bhe bhamarayika bhaghëndi bhaache koru Mwishaaro. Bhaakabha bharaghongi Eryobha bharabhugha,
14“Eryobha re Mwishaaro reghongibhu!
No omurëmbë ubhe mo‑se yoose,
kwo bhaato bhano Eryobha resiighiri!”
15Bhamarayika bhayo, hano bhagharokiri Mwishaaro, abhariishi bhakabhugha, “Tughëndë Bheserehemu, korighi ghano Omutëmi atobhooriire.” 16Mbe, bhaaghaye bhwango bhwango, bhakabhöna Mariyamu na Yusubhu, bhakarighi ekengʼwerere, kiraaruru mwitore. 17Hano bhamorooche omoona uyo, bhakabhabhoorera abhaato amangʼana ghoose, ghano marayika wuure ꞉abhabhooriire ighoro yaache.
18Abhaato bhoose hano bhooghwire amangʼana ghano bhabhooriiru na abhariishi bhayo, bhakahagha chwee. 19Amare, Mariyamu aghaghatoora ghayo ghoose mo‑motema waache, akabha araghiihëëbha. 20Bhakamara, abhariishi bhayo bhaghagharuka ino bharareghongi Eryobha, na korekumi gho ghano ghoose ꞉bhooghwire na ghogharighi. Kinya bhuure ꞉bhaabhooriiru na marayika, hangʼu ghoose ꞉ghaabheere.
21Omoona uyo, hano ahikiri chaasiko inyaanye, bhakamusaara, bhakamoroka Yesu. Niryo eriina rino marayika wuure, are amorokiri, eriibhagha nyina are akeere ghughëgha anda.
Yesu ˆbhakamuhaana kwo Waryobha
22Chaasiko che komusu koobho Yusubhu na Mariyamu, cheghasira, kinya ꞉yëëndiiru mo‑meghiro ghe Musa.#2:22 Musa ꞉naabharagheriiri kubha, hano omukari akubha ibhwire omoona o ghesubhe, ikare chaasiko miröngö ene ataaghoturi egheghiro eghitööbhiyu, wiiki atasöha Mwisëngërö. Aramara amusu, omosubhe woose amusu, gho kubha hano mukaache ibhwire naare aramughööta hande araghööta omoona. Mööhi Abharaawi 12:2–8. Mbe, bhakamohira omoona uyo Yerusareemu, kubha bhamuhaane kwo Mutëmi Waryobha. 23꞉Mbaamohiriri gho kubha, ꞉yaandëkuru mo‑meghiro ghe Mutëmi kubha, “Omoona woose o mumbërë o ghesubhe, nakwëndëru ahiru ambërë e Mutëmi.”#2:23 Mööhi Kohoroka 13:2, 12, 15. 24Wiiki, ꞉mbëëndiri bharuusi eriruusi re komusu kinya reghughambu mo‑meghiro ghe Mutëmi, “Moruusi eriruusi re bheghuuti bhibhere, hande amaana abhere gha chaasarari.”#2:24 Mööhi Abharaawi 12:8.
25Hayo Yerusareemu, naare‑ho omooto umu, eriina reeche Simiyooni. Simiyooni uyo naare muhëënë ambërë e Ryobha araresooka, ino araghanya korighi ghotooribhu kwo Abhiisiraeri. Akörö Ahörëëru neere haghirohamu nawe. 26Neere imariri komobhoorera kubha, taaghoku, ataamara arighi Kirisito o Mutëmi o Ryobha. 27Ibheere abhiibhori bhaache, ꞉mbaamohiriri Yesu Mwisëngërö, kubha bhakörë bhuure emeghiro ghekwërëkërëri. Simiyooni uyo, Akörö Ahörëëru ekamukangata kubha asöhë‑mu. 28Akamwimoki omoona Yesu, ino araghongi Eryobha arabhugha,
29“Oo Omutëmi omokoro, ibheere nongatighiri
eni omutamishi waacho, neku kwo murëmbë,
gho kubha nuköriri kinya ꞉ombooriire,
30niroochiire obhotoori bhoocho,
31bhuno usëëmiri ambërë e bhaato bha chaase choose.
32Obhotoori bhuyo n‑emirëngaari ghe ghokwërëkërëri
anchëra yaacho mo‑bhaato bha matöngö,
na asooko mo‑bhaato bhaacho Abhiisiraeri.”
33Amangʼana ghayo Simiyooni ꞉abhughiri ighoro e moona uyo, ghakabharoghoori chwee abhiibhori bhaache. 34Simiyooni akabhiitabheri hayo, akamobhoorera Mariyamu, nyina o moona uyo akabhugha, “Tëghëërëra! Omoona uno, ꞉naahwiru ne Eryobha, naghoghwishi na nakobhabhooki Abhiisiraeri abhande bhaaru. Naakubha ekimanyenkereri na abhaato mbaghokyanga, 35gho ghayo, amiihëëbhö gha emetema ghe bhaato bhaaru ngeekubha haheero. Niiye mo‑motema waacho nokooghu obhororo chwee, kinya ongʼuturu ne ekinyamiino.”#2:35 Kinya ongʼuturu ne ekinyamiino. Amangʼana ghano egheteemoro keeche n‑kubha, nakooghu obhororo gho kumambu na ghwitu kwo Yesu.
36Hayo naare‑ho murööti umu, omukari mokungu chwee, eriina reeche Ana, omuukë o Bhanweri, o ritöngö re Asheeri. Ana uyo, ꞉naamariri emeeka mohungate hangʼu anyi no omosubhe waache, achekumara mosubhe waache uyo aghaku. 37Akabha mosino akahikera eghita ke meeka miröngö enaane ne ene na takwiruru. Naare araghe Mwisëngërö, ghusëngëra Eryobha obhotiko no omwishe gho ghusabha na kwiyima ebhiinyakurë. 38Kwo riibhagha riyo, Ana akahika hayo ꞉bhaare Simiyooni, na Yusubhu, na Mariyamu no omoona uyo, aghasëëma koreghongi Eryobha. Arabhabhoorera amangʼana gha moona uyo, mo‑bhaato bhayo ꞉bhiitëngʼiire kubha, Eryobha ndeghotoori Yerusareemu.
39Yusubhu na Mariyamu, hano ꞉bhaare bhamariri ghuköra ghoose ghano emeghiro ghe Mutëmi ghyëndiri, bhaghagharuka awaabho mo‑moghya o Nasareeti, mo‑mukööwa o Ghariraaya. 40Omoona uyo aghakora, na aghaköngʼa, na akangʼiiniha, naare ariitabheru ne Eryobha.
Omoona Yesu Mwisëngërö
41Abhiibhori bha Yesu mbaare bhasiighiri ghuye Yerusareemu kira mooka, mo‑nyangi e Bhaasaka. 42Ibheere, hano Yesu are omoona o meeka ikomi ne ebhere, bhaaghaye nawe iyo kurëngʼaana na asughara yaabho. 43Hano chaasiko che nyangi iyo chesiriri, abhiibhori bha moona uyo bhaghagharuka aka, amare iwe aghasaagha Yerusareemu. Nabho bhataamënyiri aribha asaaghiri iyo. 44Ibho bhaghiituuri kubha naghugharuka aka na abhaghëndi bhaache. Eriibhagha riyo, mbaare bhaghëndiri mwishe moghima bhaanyi mo‑nchëra, amare bhataamotooriri mo‑miisho. Niho bhaghasëëma komutabharera mo‑bhahiiri bhaabho na mo‑bhasaani bhaabho. 45Hano abhoriri, bhaghagharuka Yerusareemu, bharamtabhara.
46Orosiko ro ghatato, bhakamubhöna Mwisëngërö, ikeere ghateghate e bheeghi. Naare arabhatëghëërëra, arabhabhoori amabhoori. 47Abhaato bhoose hano bhooghwire kebhuno are arabhugha, bhakahagha chwee ighoro e miihëëbhö ghaache na amagharokeri ghaache. 48Abhiibhori bhaache hano bhamorooche, bhakahagha chwee. Nyina akamobhoori akabhugha, “Aa! Omoona waane, neke otuköriire hangʼu? Mööhi! Eni ni iso ntoore tuhahiri chwee, toraghutabhara!” 49Akamugharokeri akabhugha, “Neke moore morantabharera? Moteeche kubha nekwëndëru kuhööya Mwisëngërö re Taata waane?” 50Erigharokeri re Yesu, abhiibhori bhaache bhataarimënyiri.
51Hano bhamariri ghayo, bhaaghaye nawe awaabho Nasareeti, akabha arabhasooka. Ghayo ghoose ꞉ghaaköruru, nyina naare aghatooriri mo‑motema waache. 52Yesu akëëngëra ghokora, na kwiyëngëra amangʼiini, akabha arategheri Eryobha na abhaato bhoose.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved