Mataayo 26
26
Abhakangati bha Bhayahuuti ˆbhakarwacha komwita Yesu
(Maariko 14:1–2; Ruuka 22:1–2; Yohana 11:45–53)
1Hano Yesu amariri ghosiikëra amangʼana ghoose ghayo, akabhabhoorera abhaanabheegha bhaache akabhugha, 2“Kinya bhuno mweche, hano chekumara koheta chaasiko ibhere, ntookubha na anyangi e Bhaasaka.#26:2 Anyangi e Bhaasaka. Egheteemoro keeche n‑kubha, n‑anyangi e Bhiisiraeri e kohiita kebhuno Eryobha rebhatooriri bhasookoro bhaabho koru mo‑bhusësë mo‑se e Miisiri. Obhotoori bhuyo ꞉mbuuköruru eriibhagha rino Musa are akeere muhöru. Mööhi angʼana Abhaasaka mo‑Mangʼana Amaköngʼu, na Kohoroka 12. Mo‑rosiko ruyo, eni Omoona o Mooto neghotooru mo‑mabhökö gha bhabhisa kubha niitu mo‑musarabha.”
3Eriibhagha riyo, abhakoro bha bhachaama na abhagharuka bha Bhayahuuti bhaghiikomana mo‑nyumba ankoro e Muchaama Omokoro uno eriina reeche akobherekeru Kayabha. 4Bhakarwacha komughööta Yesu gho kebhisere kubha bhamwite. 5Amare bhakabhugha, “Ntotighe singa anyangi ehete, niho tomughöötë, abhaato bhataacha kurëëta anyööri.”
Omukari umu ˆakamohomeerera Yesu amaghuta
(Maariko 14:3–9; Yohana 12:1–8)
6Niho Yesu aghaye mo‑kyaro ke Bhetaniya na ghwikara mo‑nyumba e Simiyooni uno ekimbërë are no obhubhabharu bho mbiti. 7Hano Yesu ikeere kuraaghëra, omukari umu akaacha ghokooche anyi na achubha e riighori ikoro e arabhaasita.#26:7 Achubha e riighori ikoro e arabhaasita. Achubha ino niköruru koru mo‑riibhohe rino reere ryero re riighori ikoro. Achubha e riibhohe riyo neere eratooru amaghuta gha keneeso ghichömu na gha riighori ikoro chwee. Mo‑chubha iyo, ngaare‑mu amaghuta gha keneeso gha riighori ikoro chwee. Omukari uyo akamohomeerera Yesu a‑mutu kwërëki asooko.
8Eriibhagha abhaanabheegha bhaache ꞉bhaagharooche ghayo, bhaghakarara chwee mo‑metema gheebho, bhakabhugha, “Ngwake omukari uno aghusari amaghuta gha riighori ikoro hangʼu? 9Nengabheere bhoheene amaghuta ghano ghaghoru gho chambiiri chaaru na kobhaha abhahabhe!”
10Yesu akamënya ghano ꞉bhaare bhariihëëbha, akabhabhoorera akabhugha, “Ngwake mokunyaaki omukari uno hangʼu? Iwe nanköriire angʼana anchömu chwee. 11Abhahabhe mbaanyi haghirohamu na niinyu chaasiko choose, amare eni nteekubha haghirohamu na niinyu eriibhagha ryose. 12Omukari uno nahomeriire amaghuta ghano kubha ansëëmi mo‑rosiko ro koryeku koone. 13Mahëënë ˆnekabhabhoorera, hohoose hano Angʼana Anchömu ekuraghanibhu mo‑se yoose, ngaghughambu amachömu ghano omukari uno anköriire kubha abhaato bhamohiite.”
Yuuta Isikariyoote ˆaghiishereri komwigharurani Yesu
(Maariko 14:10–11; Ruuka 22:3–6)
14Mbe, Yuuta Isikariyoote, umu o bhaanabheegha bha Yesu bhaare ikomi na bhabhere, aghaye mo‑bhakoro bha bhachaama, 15akabhabhoori akabhugha, “Neke mokuuha aribha neramuhaana Yesu ghokoonyu?” Mbe, bhakamoreha ebheteneka miröngö etato bhe chambiiri.#26:15 Ebheteneka miröngö etato bhe chambiiri. Ekirëngërë kiyo nkeere kinya amareho gha muhöki o meremo kwa mwëri umu hangʼu. Mööhi Mataayo 27:9; Sakariya 11:12. 16Korwera eriibhagha riyo, Yuuta aghasëëma ghutabhara omweya omuchömu e komuhaana Yesu mo‑mabhökö ghaabho.
Yesu ˆakarë ebhiinyakurë bhe Bhaasaka na abhaanabheegha bhaache
(Maariko 14:12–26; Ruuka 22:7–23; Yohana 13:21–30; 1 Abhakorinto 11:23–25)
17Mo‑rosiko o rumbërë ro nyangi e mighaate ghino ghetaaghotooreru eghetondori, abhaanabheegha bha Yesu bhakamutambana, bhakamobhoori bhakabhugha, “Hayi okwënda tughëndë toghusëëmërë ebhiinyakurë bhe Bhaasaka?”
18Yesu akabhatarëra eriina re mooto nyarebhe, akabhabhoorera akabhugha, “Moghi mo‑moghya o Yerusareemu momobhoorere omooto uyo mobhughe, ‘Omweghi natotomiri, arabhugha, “Eriibhagha reene ˆreghatingʼi. Eni na abhaanabheegha bhaane ntookurë ebhiinyakurë bhe Bhaasaka mo‑nyumba yaacho.”’” 19Abhaanabheegha bhayo bhaaghaye na ghuköra ghoose kebhuno Yesu abharagheriiri, bhaghasëëma ebhiinyakurë bhe Bhaasaka.
20Hano bhwiriri, Yesu na abhaanabheegha bhaache ikomi na bhabhere bhaghiikara mo‑ndaaghëra. 21Eriibhagha bhaanyi mo‑ndaaghëra, Yesu akabhabhoorera akabhugha, “Mahëënë ˆnekabhabhoorera, umu ghate yaanyu nakuucha ahaane mo‑mabhökö gha bhabhisa.”
22Abhaanabheegha bhaache bhaakabha na amacheeche chwee, bhaghasëëma komobhoori umu umu bharabhugha, “Oo Omutëmi, ghasi n‑eni?”
23Yesu aghagharokeri akabhugha, “N‑uno aghuköri mo‑ghetibha kimu na neeni, niwe akuhaana mo‑mabhökö gha bhabhisa. 24Eni Omoona o Mooto neghwitu kinya bhuno yandëkuru mo‑Mandëkö Amatööbhiyu. Amare horeera nakorighi omooto uno akuhaana eni mo‑mabhökö gha bhabhisa. Nengabheere ngʼoni omooto uyo atiibhoru!”
25Mbe, Yuuta uno akomotoora Yesu mo‑mabhökö gha bhabhisa, woose akamobhoori akabhugha, “Oo Omweghi, ghasi n‑eni?”
Yesu akamugharokeri akabhugha, “N‑iye ˆokabhugha.”
26Hano bhaare mo‑ndaaghëra, Yesu akiimoki omughaate, aghiitabheri Eryobha, akawosuura, akabhaha abhaanabheegha bhaache, akabhabhoorera akabhugha, “Mwimoki mori, uno niwe omobhere waane.” 27Akiimoki ne eghisënchö ke divaayi, aghiitabheri Eryobha, akabhaha, akabhabhoorera akabhugha, “Mwimoki monyo adivaayi ino inyu bhoose. 28Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho. 29Amare ˆnekabhabhoorera kubha nteekunyo wiiki adivaayi ino mbagha mo‑rosiko runo neekunyo ahë haghirohamu na niinyu mo‑bhutëmi bho Taata waane.”
30Bhakamara bhakeemba emyembo ghe koreghongi Eryobha.#26:30 Abhayahuuti eriibhagha re bhaasaka, mbaare bhanariri kwemba emyembo ghino gheenyi mo‑Sabhuri 113—118. Hano bhamariri kwemba, bhaghatanura hayo, bhaaghaye mo‑gheghoro ke Miseyituuni.
Yesu ˆakamobhoorera Bheetero kubha nakomwanga
(Maariko 14:27–31; Ruuka 22:31–34; Yohana 13:36–38)
31Mbe, Yesu akabhabhoorera abhaanabheegha bhaache akabhugha, “Obhotiko bho reero, inyu bhoose mokungʼösa na ghontigha. Neekubha hangʼu, kinya Eryobha rebhughiri mo‑Mandëkö Amatööbhiyu kubha,
‘Nekomutëma omoriishi o changʼöndu,
ne erikinda ndeghusanchana.’#26:31 Mööhi Sakariya 13:7.
32“Amare eni hano nekoryoka, nekobhakangata ghuye Ghariraaya.”
33Akamara Bheetero akamobhoorera Yesu akabhugha, “Koru erabha abhaghëndi bhaane bhoose bhaghoghotigha, eni nteeghoghotigha naabha!”
34Yesu akamugharokeri akabhugha, “Mahëënë ˆneghakobhoorera, obhotiko bho reero asërëëcha akeere ghughamba, nookubha onyangiri ghatato.”
35Bheetero akamugharokeri akabhugha, “Koru aribha ekwëndëru kubha neku haghirohamu na niiye, eni nteghokwanga naabha!” Abhaanabheegha abhande bhoose bhaghasiikëra hangʼu hangʼu.
Yesu ˆaghasabha Eryobha Ghetesemaani
(Maariko 14:32–42; Ruuka 22:39–46)
36Akamara Yesu aghaye na abhaanabheegha bhaache mo‑kinyaweera kino ghekobherekeru Ghetesemaani, akabhabhoorera akabhugha, “Mwikare singa hano, eni neeghuye iyo ghusabha Eryobha.” 37Akabhiimoki Bheetero haghirohamu na abhaana bhabhere bha ghesubhe bha Sebhetaayo, aghasëëma kubha na amacheeche na kunyaaka chwee mo‑körö yaache. 38Niho akabhabhoorera akabhugha, “Omotema waane noonyi na amacheeche maaru ekirëngërë ghe ghoku. Mwikare singa hano, mutëngë haghirohamu na neeni.”
39Aghiishuka ambërë hasuuhu, akiirëkëra haase kebhuuma kubha asabhe Eryobha, akabhugha, “Oo Taata waane, aribha ekubha, neghoghusabha onduuseri eghisënchö kino ke nyaako! Otaacha ghuköra kinya bhuno nekwënda, amare ukörë kinya bhuno okwënda.”
40Niho Yesu aghagharuka hano abhatighiri abhaanabheegha bhaache na kobhabhöna bhamisiri chandöörö. Akamobhoori Bheetero akabhugha, “Kana, motatoriri ghutënga haghirohamu na neeni koru gho sa imu? 41Mutëngë na ghusabha, motaacha ghusöha mo‑masaki. Akörö nekwënda ghoghumereri amasaki, amare omobhere toonyi na changuru.”
42Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”
43Mbe, eriibhagha agharokiri wiiki, akabhöna bhamisiri chandöörö, gho kubha chandöörö ncheere chaaru mo‑miisho ghaabho. 44Yesu akabhatigha wiiki, aghaye ghusabha Eryobha mara e ghatato, aghagharukera kobhugha amangʼana ghaare ghaare. 45Akamara aghagharuka kwo bhaanabheegha bhaache, akabhabhoorera akabhugha, “Mokeere momisiri chandöörö na koweera? Mööhi! Eriibhagha re nyaako yaane ndehikiri. Eni Omoona o Mooto neghotooru mo‑mabhökö gha abhaköri bha masari. 46Mobhooke, tughëndë. Mööhi! Omooto wuure akuhaana mo‑mabhökö gha bhabhisa haghuhe anyi!”
Yesu ˆaghaghöötu
(Maariko 14:43–50; Ruuka 22:47–53; Yohana 18:3–12)
47Eriibhagha Yesu akeere arasiikëra ghayo, mööhi, Yuuta, umu o bhaanabheegha bhaache ikomi na bhabhere, akaacha haghirohamu ne erikinda ikoro re bhaato rino reere na amashabha na charungu. Erikinda riyo ꞉ndeetomuru na abhakoro bha bhachaama na abhagharuka bha Bhayahuuti. 48Yuuta uno are araghe komuhaana Yesu mo‑mabhökö gha bhabhisa, naare amariri kobhaha ekyërëkërëri abhaato bhayo, akabhabhoorera akabhugha, “Omooto uno nekomukëëri gho komutahata, uyo niwe, momughöötë.” 49Hayo hayo, Yuuta aghaye o‑Yesu, akamobhoorera akabhugha, “Oo Omweghi, mbwiriri!” Akamara akamutahata.
50Yesu akamugharokeri akabhugha, “Oo musaani, nukörë kino wichiri ghuköra.”
Mbe, abhaato bhaare bhakamughööta Yesu na komubhöha. 51Niho umu o bhano ꞉bhaare haghirohamu na Yesu, aghasöhöra bhwango ekinyamiino keeche, akamunyëra omusësë o Muchaama Omokoro na komonunga oghotu.
52Amare Yesu akamobhoorera akabhugha, “Gharoki ekinyamiino kiyo mo‑choobho yaache, gho kubha abhaato bhoose bhano bhaghughööta emehyo kubha bhabhiite abhande, bhoose mbaghwitu ne emehyo ghiyo! 53Kana, tweche kubha neghotora ghusabha obhotoorereri o‑Taata waane, hayo hayo naghotora ghontomera bhamarayika bhaache ghokera amakinda ikomi na abhere gha bhamarayika? 54Ibheere aribha neraköra hangʼu, nibhu ghaghuköra ghahikeerane ghano ghaandëkuru mo‑Mandëkö Amatööbhiyu kubha, hangʼu nibhu ghakwëndëru kubha?”
55Niho Yesu akarebhoorera erikinda re bhaato bhayo akabhugha, “Kana, mwichiri ne emehyo na charungu ghungööta eni kinya erinyangara? Chaasiko choose neere nereeghi Mwisëngërö, amare motangöötiri! 56Amare ghoose ghano ngarweriire kubha ghahikeerane ghano abharööti ꞉bhaandëkiri mo‑Mandëkö Amatööbhiyu.” Bhakamara abhaanabheegha bhaache bhoose bhakamotigha Yesu, bhakangʼösa.
Yesu ambërë e bhakangati bha Bhayahuuti
(Maariko 14:53–65; Ruuka 22:54–55, 22:63–71; Yohana 18:13–14, 18:19–24)
57Niho erikinda riire re bhaato rekamughööta Yesu, rekamohira o‑Kayabha, Omuchaama Omokoro, hayo niho ꞉bhaare bhiikomiine abheeghi bha meghiro na abhagharuka bha Bhayahuuti. 58Eriibhagha riyo, Bheetero naare aramutambana Yesu gho kurë mbagha mwigho re nyumba e Muchaama Omokoro. Akamara aghasöha moose, aghiikara haghirohamu na abhachongi kubha arighi bhuno ekiina ke Yesu gheekubha.
59Abhakoro bha bhachaama bhayo na abhakangati abhande bha riibharacha eriikoro re Bhayahuuti mbaare bharatabhara obhwibhateri bho bhuröngö kubha bhabhönë anchëra e komwita Yesu. 60꞉Mbiichiri abhiibhateri bhaaru bha bhuröngö, amare bhataabhwine obhwibhateri bhobhoose bhuno bhobharëngʼaaniire. Antenero bhakaacha abhiibhateri bhabhere bha bhuröngö 61bharabhugha, “Omooto uno ꞉naabhughiri, ‘Neghotora korihaanyura Erisëngërö na koryabhëka wiiki gho chaasiko ishato.’”
62Akamara Omuchaama Omokoro akiimeerera, akamobhoori Yesu akabhugha, “Kana, tooghugharokeri koru angʼana yoyoose kurëngʼaana na ghano abhaato bhano bhaghoghusëma?” 63Amare Yesu tagharokiiri ghyokyose.
Niho Omuchaama Omokoro uyo akamobhoorera wiiki akabhugha, “ˆNeghakoriishi ariingʼa kwo riina re Ryobha rino reenyi ihöru, notobhoorere aribha iye niiye Kirisito, Omoona o Ryobha.”
64Yesu akamugharokeri akabhugha, “Niiye ˆokabhugha. Amare ˆnekabhabhoorera kubha, korwera ibheere mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose,#26:64a Mööhi Sabhuri 110:1. neraacha mo‑mashaaro gha mwishaaro.”#26:64b Mööhi Taniyeri 7:13.
65Mbe, hano Omuchaama Omokoro oghwire amangʼana ghayo, aghatandura andachana yaache akabhugha, “Nyoghwire, nakwirëngʼaani ne Eryobha! Ngwake toghutabhara wiiki abhiibhateri abhande? Mooghwire abheene kinya akwirëngʼaani ne Eryobha! 66Mbe, inyu nibhu mokobhugha?”
Bhaghagharokeri bhakabhugha, “Nakwëndëru itu!”
67Bhakamara bhaghasëëma komotwera amatë Yesu mo‑miisho, bhakamutëma ne ebhekundi. Abhande bhakamutëma orohe, 68na komobhoorera bharabhugha, “Oo Kirisito, nuröötë, n‑niwe uno aghutëmiri?”
Bheetero ˆakamwanga Yesu
(Maariko 14:66–72; Ruuka 22:56–62; Yohana 18:15–18, 18:25–27)
69Mbe, kwo riibhagha riyo riyo Bheetero naare ikeere anche e riigho. Niho omutamishi umu omuukë aghiishuka kwo Bheetero, akamobhoorera akabhugha, “Na niiye noore haghirohamu na Yesu o Ghariraaya.”
70Bheetero akaanga ambërë yaabho bhoose akabhugha, “Ntegheeche ghayo okobhugha!”
71Niho aghatanura hayo, aghaye anche e kehita ke riigho. Omutamishi owonde omuukë akamorighi, akabhabhoorera abhaato bhano ꞉bhaare hayo akabhugha, “Omooto uno naare haghirohamu na Yesu o Nasareeti.”
72Bheetero akaanga wiiki akaraheri akabhugha, “Ntemweche omooto uyo!”
73Hano eriibhagha isuuhu rehetiri, abhaato bhano ꞉bhaare bhiimeeriire hayo, bhakamotingʼi Bheetero, bhakamobhoorera bhakabhugha, “Mahëënë iye n‑umu o bhaato bhayo gho kubha koru oghosiikëra koocho ngokwërëki haheero kubha noruure Ghariraaya!”
74Bheetero aghasëëma kwiyiihiima na kuraheri arabhugha, “Aribha nebhughiri obhuröngö, niihiimu! Ntemweche omooto uyo!” Hayo hayo asërëëcha eghaghamba.
75Niho Bheetero akahiita amangʼana ghaare Yesu ꞉amobhooriire arabhugha, “Reero asërëëcha ekeere ghughamba, nookubha onyangiri ghatato.” Niho akahoroka anche na ghusëëma korera kwo bhororo chwee.
Currently Selected:
Mataayo 26: ntk
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved
Mataayo 26
26
Abhakangati bha Bhayahuuti ˆbhakarwacha komwita Yesu
(Maariko 14:1–2; Ruuka 22:1–2; Yohana 11:45–53)
1Hano Yesu amariri ghosiikëra amangʼana ghoose ghayo, akabhabhoorera abhaanabheegha bhaache akabhugha, 2“Kinya bhuno mweche, hano chekumara koheta chaasiko ibhere, ntookubha na anyangi e Bhaasaka.#26:2 Anyangi e Bhaasaka. Egheteemoro keeche n‑kubha, n‑anyangi e Bhiisiraeri e kohiita kebhuno Eryobha rebhatooriri bhasookoro bhaabho koru mo‑bhusësë mo‑se e Miisiri. Obhotoori bhuyo ꞉mbuuköruru eriibhagha rino Musa are akeere muhöru. Mööhi angʼana Abhaasaka mo‑Mangʼana Amaköngʼu, na Kohoroka 12. Mo‑rosiko ruyo, eni Omoona o Mooto neghotooru mo‑mabhökö gha bhabhisa kubha niitu mo‑musarabha.”
3Eriibhagha riyo, abhakoro bha bhachaama na abhagharuka bha Bhayahuuti bhaghiikomana mo‑nyumba ankoro e Muchaama Omokoro uno eriina reeche akobherekeru Kayabha. 4Bhakarwacha komughööta Yesu gho kebhisere kubha bhamwite. 5Amare bhakabhugha, “Ntotighe singa anyangi ehete, niho tomughöötë, abhaato bhataacha kurëëta anyööri.”
Omukari umu ˆakamohomeerera Yesu amaghuta
(Maariko 14:3–9; Yohana 12:1–8)
6Niho Yesu aghaye mo‑kyaro ke Bhetaniya na ghwikara mo‑nyumba e Simiyooni uno ekimbërë are no obhubhabharu bho mbiti. 7Hano Yesu ikeere kuraaghëra, omukari umu akaacha ghokooche anyi na achubha e riighori ikoro e arabhaasita.#26:7 Achubha e riighori ikoro e arabhaasita. Achubha ino niköruru koru mo‑riibhohe rino reere ryero re riighori ikoro. Achubha e riibhohe riyo neere eratooru amaghuta gha keneeso ghichömu na gha riighori ikoro chwee. Mo‑chubha iyo, ngaare‑mu amaghuta gha keneeso gha riighori ikoro chwee. Omukari uyo akamohomeerera Yesu a‑mutu kwërëki asooko.
8Eriibhagha abhaanabheegha bhaache ꞉bhaagharooche ghayo, bhaghakarara chwee mo‑metema gheebho, bhakabhugha, “Ngwake omukari uno aghusari amaghuta gha riighori ikoro hangʼu? 9Nengabheere bhoheene amaghuta ghano ghaghoru gho chambiiri chaaru na kobhaha abhahabhe!”
10Yesu akamënya ghano ꞉bhaare bhariihëëbha, akabhabhoorera akabhugha, “Ngwake mokunyaaki omukari uno hangʼu? Iwe nanköriire angʼana anchömu chwee. 11Abhahabhe mbaanyi haghirohamu na niinyu chaasiko choose, amare eni nteekubha haghirohamu na niinyu eriibhagha ryose. 12Omukari uno nahomeriire amaghuta ghano kubha ansëëmi mo‑rosiko ro koryeku koone. 13Mahëënë ˆnekabhabhoorera, hohoose hano Angʼana Anchömu ekuraghanibhu mo‑se yoose, ngaghughambu amachömu ghano omukari uno anköriire kubha abhaato bhamohiite.”
Yuuta Isikariyoote ˆaghiishereri komwigharurani Yesu
(Maariko 14:10–11; Ruuka 22:3–6)
14Mbe, Yuuta Isikariyoote, umu o bhaanabheegha bha Yesu bhaare ikomi na bhabhere, aghaye mo‑bhakoro bha bhachaama, 15akabhabhoori akabhugha, “Neke mokuuha aribha neramuhaana Yesu ghokoonyu?” Mbe, bhakamoreha ebheteneka miröngö etato bhe chambiiri.#26:15 Ebheteneka miröngö etato bhe chambiiri. Ekirëngërë kiyo nkeere kinya amareho gha muhöki o meremo kwa mwëri umu hangʼu. Mööhi Mataayo 27:9; Sakariya 11:12. 16Korwera eriibhagha riyo, Yuuta aghasëëma ghutabhara omweya omuchömu e komuhaana Yesu mo‑mabhökö ghaabho.
Yesu ˆakarë ebhiinyakurë bhe Bhaasaka na abhaanabheegha bhaache
(Maariko 14:12–26; Ruuka 22:7–23; Yohana 13:21–30; 1 Abhakorinto 11:23–25)
17Mo‑rosiko o rumbërë ro nyangi e mighaate ghino ghetaaghotooreru eghetondori, abhaanabheegha bha Yesu bhakamutambana, bhakamobhoori bhakabhugha, “Hayi okwënda tughëndë toghusëëmërë ebhiinyakurë bhe Bhaasaka?”
18Yesu akabhatarëra eriina re mooto nyarebhe, akabhabhoorera akabhugha, “Moghi mo‑moghya o Yerusareemu momobhoorere omooto uyo mobhughe, ‘Omweghi natotomiri, arabhugha, “Eriibhagha reene ˆreghatingʼi. Eni na abhaanabheegha bhaane ntookurë ebhiinyakurë bhe Bhaasaka mo‑nyumba yaacho.”’” 19Abhaanabheegha bhayo bhaaghaye na ghuköra ghoose kebhuno Yesu abharagheriiri, bhaghasëëma ebhiinyakurë bhe Bhaasaka.
20Hano bhwiriri, Yesu na abhaanabheegha bhaache ikomi na bhabhere bhaghiikara mo‑ndaaghëra. 21Eriibhagha bhaanyi mo‑ndaaghëra, Yesu akabhabhoorera akabhugha, “Mahëënë ˆnekabhabhoorera, umu ghate yaanyu nakuucha ahaane mo‑mabhökö gha bhabhisa.”
22Abhaanabheegha bhaache bhaakabha na amacheeche chwee, bhaghasëëma komobhoori umu umu bharabhugha, “Oo Omutëmi, ghasi n‑eni?”
23Yesu aghagharokeri akabhugha, “N‑uno aghuköri mo‑ghetibha kimu na neeni, niwe akuhaana mo‑mabhökö gha bhabhisa. 24Eni Omoona o Mooto neghwitu kinya bhuno yandëkuru mo‑Mandëkö Amatööbhiyu. Amare horeera nakorighi omooto uno akuhaana eni mo‑mabhökö gha bhabhisa. Nengabheere ngʼoni omooto uyo atiibhoru!”
25Mbe, Yuuta uno akomotoora Yesu mo‑mabhökö gha bhabhisa, woose akamobhoori akabhugha, “Oo Omweghi, ghasi n‑eni?”
Yesu akamugharokeri akabhugha, “N‑iye ˆokabhugha.”
26Hano bhaare mo‑ndaaghëra, Yesu akiimoki omughaate, aghiitabheri Eryobha, akawosuura, akabhaha abhaanabheegha bhaache, akabhabhoorera akabhugha, “Mwimoki mori, uno niwe omobhere waane.” 27Akiimoki ne eghisënchö ke divaayi, aghiitabheri Eryobha, akabhaha, akabhabhoorera akabhugha, “Mwimoki monyo adivaayi ino inyu bhoose. 28Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho. 29Amare ˆnekabhabhoorera kubha nteekunyo wiiki adivaayi ino mbagha mo‑rosiko runo neekunyo ahë haghirohamu na niinyu mo‑bhutëmi bho Taata waane.”
30Bhakamara bhakeemba emyembo ghe koreghongi Eryobha.#26:30 Abhayahuuti eriibhagha re bhaasaka, mbaare bhanariri kwemba emyembo ghino gheenyi mo‑Sabhuri 113—118. Hano bhamariri kwemba, bhaghatanura hayo, bhaaghaye mo‑gheghoro ke Miseyituuni.
Yesu ˆakamobhoorera Bheetero kubha nakomwanga
(Maariko 14:27–31; Ruuka 22:31–34; Yohana 13:36–38)
31Mbe, Yesu akabhabhoorera abhaanabheegha bhaache akabhugha, “Obhotiko bho reero, inyu bhoose mokungʼösa na ghontigha. Neekubha hangʼu, kinya Eryobha rebhughiri mo‑Mandëkö Amatööbhiyu kubha,
‘Nekomutëma omoriishi o changʼöndu,
ne erikinda ndeghusanchana.’#26:31 Mööhi Sakariya 13:7.
32“Amare eni hano nekoryoka, nekobhakangata ghuye Ghariraaya.”
33Akamara Bheetero akamobhoorera Yesu akabhugha, “Koru erabha abhaghëndi bhaane bhoose bhaghoghotigha, eni nteeghoghotigha naabha!”
34Yesu akamugharokeri akabhugha, “Mahëënë ˆneghakobhoorera, obhotiko bho reero asërëëcha akeere ghughamba, nookubha onyangiri ghatato.”
35Bheetero akamugharokeri akabhugha, “Koru aribha ekwëndëru kubha neku haghirohamu na niiye, eni nteghokwanga naabha!” Abhaanabheegha abhande bhoose bhaghasiikëra hangʼu hangʼu.
Yesu ˆaghasabha Eryobha Ghetesemaani
(Maariko 14:32–42; Ruuka 22:39–46)
36Akamara Yesu aghaye na abhaanabheegha bhaache mo‑kinyaweera kino ghekobherekeru Ghetesemaani, akabhabhoorera akabhugha, “Mwikare singa hano, eni neeghuye iyo ghusabha Eryobha.” 37Akabhiimoki Bheetero haghirohamu na abhaana bhabhere bha ghesubhe bha Sebhetaayo, aghasëëma kubha na amacheeche na kunyaaka chwee mo‑körö yaache. 38Niho akabhabhoorera akabhugha, “Omotema waane noonyi na amacheeche maaru ekirëngërë ghe ghoku. Mwikare singa hano, mutëngë haghirohamu na neeni.”
39Aghiishuka ambërë hasuuhu, akiirëkëra haase kebhuuma kubha asabhe Eryobha, akabhugha, “Oo Taata waane, aribha ekubha, neghoghusabha onduuseri eghisënchö kino ke nyaako! Otaacha ghuköra kinya bhuno nekwënda, amare ukörë kinya bhuno okwënda.”
40Niho Yesu aghagharuka hano abhatighiri abhaanabheegha bhaache na kobhabhöna bhamisiri chandöörö. Akamobhoori Bheetero akabhugha, “Kana, motatoriri ghutënga haghirohamu na neeni koru gho sa imu? 41Mutëngë na ghusabha, motaacha ghusöha mo‑masaki. Akörö nekwënda ghoghumereri amasaki, amare omobhere toonyi na changuru.”
42Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”
43Mbe, eriibhagha agharokiri wiiki, akabhöna bhamisiri chandöörö, gho kubha chandöörö ncheere chaaru mo‑miisho ghaabho. 44Yesu akabhatigha wiiki, aghaye ghusabha Eryobha mara e ghatato, aghagharukera kobhugha amangʼana ghaare ghaare. 45Akamara aghagharuka kwo bhaanabheegha bhaache, akabhabhoorera akabhugha, “Mokeere momisiri chandöörö na koweera? Mööhi! Eriibhagha re nyaako yaane ndehikiri. Eni Omoona o Mooto neghotooru mo‑mabhökö gha abhaköri bha masari. 46Mobhooke, tughëndë. Mööhi! Omooto wuure akuhaana mo‑mabhökö gha bhabhisa haghuhe anyi!”
Yesu ˆaghaghöötu
(Maariko 14:43–50; Ruuka 22:47–53; Yohana 18:3–12)
47Eriibhagha Yesu akeere arasiikëra ghayo, mööhi, Yuuta, umu o bhaanabheegha bhaache ikomi na bhabhere, akaacha haghirohamu ne erikinda ikoro re bhaato rino reere na amashabha na charungu. Erikinda riyo ꞉ndeetomuru na abhakoro bha bhachaama na abhagharuka bha Bhayahuuti. 48Yuuta uno are araghe komuhaana Yesu mo‑mabhökö gha bhabhisa, naare amariri kobhaha ekyërëkërëri abhaato bhayo, akabhabhoorera akabhugha, “Omooto uno nekomukëëri gho komutahata, uyo niwe, momughöötë.” 49Hayo hayo, Yuuta aghaye o‑Yesu, akamobhoorera akabhugha, “Oo Omweghi, mbwiriri!” Akamara akamutahata.
50Yesu akamugharokeri akabhugha, “Oo musaani, nukörë kino wichiri ghuköra.”
Mbe, abhaato bhaare bhakamughööta Yesu na komubhöha. 51Niho umu o bhano ꞉bhaare haghirohamu na Yesu, aghasöhöra bhwango ekinyamiino keeche, akamunyëra omusësë o Muchaama Omokoro na komonunga oghotu.
52Amare Yesu akamobhoorera akabhugha, “Gharoki ekinyamiino kiyo mo‑choobho yaache, gho kubha abhaato bhoose bhano bhaghughööta emehyo kubha bhabhiite abhande, bhoose mbaghwitu ne emehyo ghiyo! 53Kana, tweche kubha neghotora ghusabha obhotoorereri o‑Taata waane, hayo hayo naghotora ghontomera bhamarayika bhaache ghokera amakinda ikomi na abhere gha bhamarayika? 54Ibheere aribha neraköra hangʼu, nibhu ghaghuköra ghahikeerane ghano ghaandëkuru mo‑Mandëkö Amatööbhiyu kubha, hangʼu nibhu ghakwëndëru kubha?”
55Niho Yesu akarebhoorera erikinda re bhaato bhayo akabhugha, “Kana, mwichiri ne emehyo na charungu ghungööta eni kinya erinyangara? Chaasiko choose neere nereeghi Mwisëngërö, amare motangöötiri! 56Amare ghoose ghano ngarweriire kubha ghahikeerane ghano abharööti ꞉bhaandëkiri mo‑Mandëkö Amatööbhiyu.” Bhakamara abhaanabheegha bhaache bhoose bhakamotigha Yesu, bhakangʼösa.
Yesu ambërë e bhakangati bha Bhayahuuti
(Maariko 14:53–65; Ruuka 22:54–55, 22:63–71; Yohana 18:13–14, 18:19–24)
57Niho erikinda riire re bhaato rekamughööta Yesu, rekamohira o‑Kayabha, Omuchaama Omokoro, hayo niho ꞉bhaare bhiikomiine abheeghi bha meghiro na abhagharuka bha Bhayahuuti. 58Eriibhagha riyo, Bheetero naare aramutambana Yesu gho kurë mbagha mwigho re nyumba e Muchaama Omokoro. Akamara aghasöha moose, aghiikara haghirohamu na abhachongi kubha arighi bhuno ekiina ke Yesu gheekubha.
59Abhakoro bha bhachaama bhayo na abhakangati abhande bha riibharacha eriikoro re Bhayahuuti mbaare bharatabhara obhwibhateri bho bhuröngö kubha bhabhönë anchëra e komwita Yesu. 60꞉Mbiichiri abhiibhateri bhaaru bha bhuröngö, amare bhataabhwine obhwibhateri bhobhoose bhuno bhobharëngʼaaniire. Antenero bhakaacha abhiibhateri bhabhere bha bhuröngö 61bharabhugha, “Omooto uno ꞉naabhughiri, ‘Neghotora korihaanyura Erisëngërö na koryabhëka wiiki gho chaasiko ishato.’”
62Akamara Omuchaama Omokoro akiimeerera, akamobhoori Yesu akabhugha, “Kana, tooghugharokeri koru angʼana yoyoose kurëngʼaana na ghano abhaato bhano bhaghoghusëma?” 63Amare Yesu tagharokiiri ghyokyose.
Niho Omuchaama Omokoro uyo akamobhoorera wiiki akabhugha, “ˆNeghakoriishi ariingʼa kwo riina re Ryobha rino reenyi ihöru, notobhoorere aribha iye niiye Kirisito, Omoona o Ryobha.”
64Yesu akamugharokeri akabhugha, “Niiye ˆokabhugha. Amare ˆnekabhabhoorera kubha, korwera ibheere mokondighi eni uno neenyi Omoona o Mooto niikeere mo‑kubhökö gho kwiro kwo Ryobha rino reenyi na changuru choose,#26:64a Mööhi Sabhuri 110:1. neraacha mo‑mashaaro gha mwishaaro.”#26:64b Mööhi Taniyeri 7:13.
65Mbe, hano Omuchaama Omokoro oghwire amangʼana ghayo, aghatandura andachana yaache akabhugha, “Nyoghwire, nakwirëngʼaani ne Eryobha! Ngwake toghutabhara wiiki abhiibhateri abhande? Mooghwire abheene kinya akwirëngʼaani ne Eryobha! 66Mbe, inyu nibhu mokobhugha?”
Bhaghagharokeri bhakabhugha, “Nakwëndëru itu!”
67Bhakamara bhaghasëëma komotwera amatë Yesu mo‑miisho, bhakamutëma ne ebhekundi. Abhande bhakamutëma orohe, 68na komobhoorera bharabhugha, “Oo Kirisito, nuröötë, n‑niwe uno aghutëmiri?”
Bheetero ˆakamwanga Yesu
(Maariko 14:66–72; Ruuka 22:56–62; Yohana 18:15–18, 18:25–27)
69Mbe, kwo riibhagha riyo riyo Bheetero naare ikeere anche e riigho. Niho omutamishi umu omuukë aghiishuka kwo Bheetero, akamobhoorera akabhugha, “Na niiye noore haghirohamu na Yesu o Ghariraaya.”
70Bheetero akaanga ambërë yaabho bhoose akabhugha, “Ntegheeche ghayo okobhugha!”
71Niho aghatanura hayo, aghaye anche e kehita ke riigho. Omutamishi owonde omuukë akamorighi, akabhabhoorera abhaato bhano ꞉bhaare hayo akabhugha, “Omooto uno naare haghirohamu na Yesu o Nasareeti.”
72Bheetero akaanga wiiki akaraheri akabhugha, “Ntemweche omooto uyo!”
73Hano eriibhagha isuuhu rehetiri, abhaato bhano ꞉bhaare bhiimeeriire hayo, bhakamotingʼi Bheetero, bhakamobhoorera bhakabhugha, “Mahëënë iye n‑umu o bhaato bhayo gho kubha koru oghosiikëra koocho ngokwërëki haheero kubha noruure Ghariraaya!”
74Bheetero aghasëëma kwiyiihiima na kuraheri arabhugha, “Aribha nebhughiri obhuröngö, niihiimu! Ntemweche omooto uyo!” Hayo hayo asërëëcha eghaghamba.
75Niho Bheetero akahiita amangʼana ghaare Yesu ꞉amobhooriire arabhugha, “Reero asërëëcha ekeere ghughamba, nookubha onyangiri ghatato.” Niho akahoroka anche na ghusëëma korera kwo bhororo chwee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved