Yohana 3
3
YEZU NA NIKODEMU. — BATISIMU YA YOHANA N’EYA YEZU. — OBWOLEKEREZI BWA YOHANA.
1Haliga hali omuntu wo mu Bafarizayo, izina lye Nikodemu, omukuru w’Abayahudi. 2Ogwo naiza hali Yezu mu kiro namugambira ati: Mwolekerezi, tukumanya ogwo warugire hali Mungu oli mwolekerezi; kuba tihaliho akuhicha amahano ago iwe okukola, Mungu atali nage. 3Yezu nasubamo namutengera ati: Koto koto nkukugambira nti: Omuntu atasubire kuzarwa lwa kabili, takuhicha kubona obukama bwa Mungu. 4Nikodemu namugambira ati: Omuntu akuhicha kuzarwa ata, yakokwere? Si akuhicha kutahamo mu nda ya nina lwa kabili no kusuba kuzarwa? 5Yezu nasubamo ati: Koto koto nkukugambira nti: Omuntu atasubire kuzarwa mu menzi na mu Mwoyo Mutakatifu, takuhicha kutaha mu bukama bwa Mungu. 6Ekikuzarwa mu ngingo kikuba ngingo; kai ekikuzarwa mu Mwoyo ni mwoyo. 7Otakuma obwo nakugambira nti: Muli no kuzarwa lwa kabili. 8Omuyaga gukuhembera eyo gukwenda; okuhulira ilaka lyagwo, nawe otakumanya eyo gukuruga n’eyo gukuza: nikwo atyo na buli muntu wena akuzarwa mu Mwoyo. 9Nikodemu nasubamo namugambira ati: Kai ebyo bikuhika bita? 10Yezu nasubamo nagira ati: Iwe oli mwolekerezi wa Israeli, kai wabura kumanya ebyo? 11Koto koto nkukugambira okwo tukufumora ebyo tukumanya, n’okwo tukumanyisya ebyo twabwene; kandi ebyo tukumanyisya timukubikwata. 12Ka nkubagambira ebyo mu nsi, mwabura kwikiriza, kai nkabagambira ebyo mw’igulu, mukwikiriza muta? 13Tihaliho ayahanamire mw’igulu, atali ayahanantukire naruga mw’igulu, Omwana w’omuntu, ali mw’igulu#3, 13 Omwana wa Mungu, naho yegizire muntu, tiyalekire kutura mw’igulu, obw’akwatene kimo na Mungu Tata na Mungu Mwoyo Mutakatifu.. 14Nk’okwo Musa yayereze enzoka mu mbuga, nikwo n’Omwana w’omuntu ali no kwerezibwa atyo#3, 14 Yezu akwizukiza ebyagwere Abanaisraeli kara, bakiruga Misri. Enzoka ningi z’obusungu nizibaruma: abafwire ni bengi. Mbe Musa nayereza enzoka y’echoma h’eti. Buli muntu ayakomwaga enzoka, yaloraga enzoka egyo y’echoma, kai yehuliraga. Enzoka egyo ni kisusano ch’Omuchunguzi ayalegirwe ha musalaba., 15niho buli alimwikiriza aleke kubura, nawe abone obulame obutahwaho. 16Nikwo Mungu yayenzire atyo ensi, natamwa naha Omwana we nagumo; niho buli alimwikiriza aleke kubura, nawe abone obulame obutahwaho. 17Kuba Mungu tiyatumire Omwana we mu nsi, alamule ensi, nawe ensi ehiche kuchungulwa wenene. 18Akumwikiriza takulamurwa; nawe atakumwikiriza, ogwo yalamwirwe, obw’atakwikiriza izina ly’Omwana nagumo wa Mungu. 19Enu niyo elamu: obw’olumuli lwezire mu nsi, kai abantu bakayenda muno omwirima kukir’olumuli, kuba ebikorwa byabo byaliga bili bibi. 20Kuba si buli akukola kubi, akuhata olumuli, takwiza ha lumuli, niho ebikorwa bye bileke kusokoka. 21Nawe akukola ebikomereze#3, 21 “Kukola ebikomereze” nikwo kukola ebya Mungu akwenda., akwiza ha lumuli, niho ebikorwa bye bisokoke, obwo byakolerwa muli Mungu#3, 21 Omuntu k’akukola kuzima takutina ebikorwa bye bisokoke ha bweru..
22Kumara ebyo Yezu nagenda n’abahemba be mu nsi ya Buyahudi; niyo naba wo kwikara nabo, nabatiza. 23Yohana wena yabatizaga Henoni, hehi na Salimu, obwo haliga haliyo amenzi mengi; mbe bezaga nibabatizibwa. 24Kuba Yohana yaliga atakasagerwe mw’ibohero.
25Mbe empaka nebaho mu bahemba ba Yohana n’Abayahudi kubera kwezibwa#3, 25 “Kwezibwa” nikwo kubatizibwa.. 26Nibeza hali Yohana nibamugambira bati: Mwolekerezi, owe waliga oli nage ha mwambu gwa Yordani, owe wamanyisyaga, ngugwo wena akubatiza, kai bona bakumuzaho. 27Yohana nasubamo nagira ati: Omuntu takuhicha kubona kintu, akaba atakiherwe mw’igulu. 28Imwe muli mbona zange okwo nabagambire nti: Ine tindi Kristu, nawe nkatumwa kumwebemberera. 29Ali n’omwenga, niwe muswezi; nawe omunwani w’omuswezi akuba ali aho namuhuliriza, akusemerezibwa ilaka ly’omuswezi. Mbe kusemererwa kwange okwo kwahika. 30Ogwo niwe ahikire kukura, ine kusub’enuma. 31Akuruga oluguru akukira bona. Kandi akuruga ha nsi, wena ni wo mu nsi, kai n’enfumora ye. Akuruga mw’igulu akukira bona; 32ebyo yabwene n’ebyo yahulire, nibyo akumanyisya; kai hona kumanyisya kwe, tihaliho omuntu n’omo ayakwikirize. 33Nawe ayekirize kumanyisya kwe niwe yamanyisize kimokimo nk’okwo Mungu akomereze. 34Kuba owe Mungu yatumire akufumora ebigambo bya Mungu; kuba Mungu takuha Omwoyo na lulengo. 35Tata akwenda Mwana, akamuha byona mu ngaro ze. 36Akwikiriza Mwana ali n’obulame obutalihwaho; nawe atakwikiriza Mwana talibona obulame, nawe alikalirwaho ebiniga bya Mungu.
Currently Selected:
Yohana 3: KED1946
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.
Yohana 3
3
YEZU NA NIKODEMU. — BATISIMU YA YOHANA N’EYA YEZU. — OBWOLEKEREZI BWA YOHANA.
1Haliga hali omuntu wo mu Bafarizayo, izina lye Nikodemu, omukuru w’Abayahudi. 2Ogwo naiza hali Yezu mu kiro namugambira ati: Mwolekerezi, tukumanya ogwo warugire hali Mungu oli mwolekerezi; kuba tihaliho akuhicha amahano ago iwe okukola, Mungu atali nage. 3Yezu nasubamo namutengera ati: Koto koto nkukugambira nti: Omuntu atasubire kuzarwa lwa kabili, takuhicha kubona obukama bwa Mungu. 4Nikodemu namugambira ati: Omuntu akuhicha kuzarwa ata, yakokwere? Si akuhicha kutahamo mu nda ya nina lwa kabili no kusuba kuzarwa? 5Yezu nasubamo ati: Koto koto nkukugambira nti: Omuntu atasubire kuzarwa mu menzi na mu Mwoyo Mutakatifu, takuhicha kutaha mu bukama bwa Mungu. 6Ekikuzarwa mu ngingo kikuba ngingo; kai ekikuzarwa mu Mwoyo ni mwoyo. 7Otakuma obwo nakugambira nti: Muli no kuzarwa lwa kabili. 8Omuyaga gukuhembera eyo gukwenda; okuhulira ilaka lyagwo, nawe otakumanya eyo gukuruga n’eyo gukuza: nikwo atyo na buli muntu wena akuzarwa mu Mwoyo. 9Nikodemu nasubamo namugambira ati: Kai ebyo bikuhika bita? 10Yezu nasubamo nagira ati: Iwe oli mwolekerezi wa Israeli, kai wabura kumanya ebyo? 11Koto koto nkukugambira okwo tukufumora ebyo tukumanya, n’okwo tukumanyisya ebyo twabwene; kandi ebyo tukumanyisya timukubikwata. 12Ka nkubagambira ebyo mu nsi, mwabura kwikiriza, kai nkabagambira ebyo mw’igulu, mukwikiriza muta? 13Tihaliho ayahanamire mw’igulu, atali ayahanantukire naruga mw’igulu, Omwana w’omuntu, ali mw’igulu#3, 13 Omwana wa Mungu, naho yegizire muntu, tiyalekire kutura mw’igulu, obw’akwatene kimo na Mungu Tata na Mungu Mwoyo Mutakatifu.. 14Nk’okwo Musa yayereze enzoka mu mbuga, nikwo n’Omwana w’omuntu ali no kwerezibwa atyo#3, 14 Yezu akwizukiza ebyagwere Abanaisraeli kara, bakiruga Misri. Enzoka ningi z’obusungu nizibaruma: abafwire ni bengi. Mbe Musa nayereza enzoka y’echoma h’eti. Buli muntu ayakomwaga enzoka, yaloraga enzoka egyo y’echoma, kai yehuliraga. Enzoka egyo ni kisusano ch’Omuchunguzi ayalegirwe ha musalaba., 15niho buli alimwikiriza aleke kubura, nawe abone obulame obutahwaho. 16Nikwo Mungu yayenzire atyo ensi, natamwa naha Omwana we nagumo; niho buli alimwikiriza aleke kubura, nawe abone obulame obutahwaho. 17Kuba Mungu tiyatumire Omwana we mu nsi, alamule ensi, nawe ensi ehiche kuchungulwa wenene. 18Akumwikiriza takulamurwa; nawe atakumwikiriza, ogwo yalamwirwe, obw’atakwikiriza izina ly’Omwana nagumo wa Mungu. 19Enu niyo elamu: obw’olumuli lwezire mu nsi, kai abantu bakayenda muno omwirima kukir’olumuli, kuba ebikorwa byabo byaliga bili bibi. 20Kuba si buli akukola kubi, akuhata olumuli, takwiza ha lumuli, niho ebikorwa bye bileke kusokoka. 21Nawe akukola ebikomereze#3, 21 “Kukola ebikomereze” nikwo kukola ebya Mungu akwenda., akwiza ha lumuli, niho ebikorwa bye bisokoke, obwo byakolerwa muli Mungu#3, 21 Omuntu k’akukola kuzima takutina ebikorwa bye bisokoke ha bweru..
22Kumara ebyo Yezu nagenda n’abahemba be mu nsi ya Buyahudi; niyo naba wo kwikara nabo, nabatiza. 23Yohana wena yabatizaga Henoni, hehi na Salimu, obwo haliga haliyo amenzi mengi; mbe bezaga nibabatizibwa. 24Kuba Yohana yaliga atakasagerwe mw’ibohero.
25Mbe empaka nebaho mu bahemba ba Yohana n’Abayahudi kubera kwezibwa#3, 25 “Kwezibwa” nikwo kubatizibwa.. 26Nibeza hali Yohana nibamugambira bati: Mwolekerezi, owe waliga oli nage ha mwambu gwa Yordani, owe wamanyisyaga, ngugwo wena akubatiza, kai bona bakumuzaho. 27Yohana nasubamo nagira ati: Omuntu takuhicha kubona kintu, akaba atakiherwe mw’igulu. 28Imwe muli mbona zange okwo nabagambire nti: Ine tindi Kristu, nawe nkatumwa kumwebemberera. 29Ali n’omwenga, niwe muswezi; nawe omunwani w’omuswezi akuba ali aho namuhuliriza, akusemerezibwa ilaka ly’omuswezi. Mbe kusemererwa kwange okwo kwahika. 30Ogwo niwe ahikire kukura, ine kusub’enuma. 31Akuruga oluguru akukira bona. Kandi akuruga ha nsi, wena ni wo mu nsi, kai n’enfumora ye. Akuruga mw’igulu akukira bona; 32ebyo yabwene n’ebyo yahulire, nibyo akumanyisya; kai hona kumanyisya kwe, tihaliho omuntu n’omo ayakwikirize. 33Nawe ayekirize kumanyisya kwe niwe yamanyisize kimokimo nk’okwo Mungu akomereze. 34Kuba owe Mungu yatumire akufumora ebigambo bya Mungu; kuba Mungu takuha Omwoyo na lulengo. 35Tata akwenda Mwana, akamuha byona mu ngaro ze. 36Akwikiriza Mwana ali n’obulame obutalihwaho; nawe atakwikiriza Mwana talibona obulame, nawe alikalirwaho ebiniga bya Mungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.