Yohana 6
6
YEZU NAKANISY’EMIKATE. — NALIBATA HA NANZA. — EMBAGA NESUMBA KAFARNAHUMI.
1Ebyo ka byahwere, Yezu nayambuka enanza ya Galilaya, niyo Tiberiyadi, 2embaga ningi nemuruba, kuba baliga nibabona enyamo ezo yakoleraga abarwere. 3Aho Yezu nanegera mw’ibanga, niyo naikara n’abahemba be. 4Nawe Paska, olunaku lukuru lw’Abayahudi, yaliga eli hehi#6, 4 Lora Matayo 26, 2.. 5Yezu ka yalalamire, nabona ekipipi kihango nikimwizaho, nagambira Filipo ati: Tugure hai emikate, banu balye? 6Nawe akagira atyo kumuroza, kuba wenene yamanyaga echo alakora. 7Filipo namugambira ati: Emikate z’edenari magana abili tizikuhika, buli muntu bamuhe kanoro. 8Mbe omo wo mu bahemba be, niwe Andrea mutabani wabo Simoni Petro, namugambira ati: 9Haliho hanu omuyanda ali n’emikate itanu za shairi n’enfwi ibili; nawe ebyo bigire bita mu bantu bengi batyo? 10Aho Yezu nagira ati: Mugambire abantu bekare. Nawe haliga haliho amanansi mengi aho. Mbe nibekara, abaseza kuti bihumbi bitanu. 11Aho Yezu nakwat’emikate; nakampiza, nagabira abekere; nikwo n’enfwi, nk’okwo bayendaga. 12Ka begusire, nagambira abahemba be ati: Mukobye ebihinzu ebyasaga, bitabura. 13Nibakobya nibezuza ebitukuru ikumi na bibili by’ebihinzu ebyasagire by’emikate itanu za shairi, ebyasingire abalire. 14Abantu abo ka babwene okwo Yezu yakozire ihano, nibagira bati: Kuba onu koto ni mulagi aliza mu nsi. 15Nawe Yezu, obwo yamanyaga okwo bayendaga kumutwara kumuta ha bukama, nasuba kwirukira mw’ibanga wenka.
16Ka lyalagere, abahemba be nibalengetuka ha chambu. 17Ka bahanamire mu bwato, nibahika ha mwambu gw’enanza gwa Kafarnahumi. Gwaliga gwabere mwirima, Yezu wenene atakabahikireho. 18Omuyaga mwingi niguhemba, enanza netobanguka. 19Ka babugire kuti sitadi makumi abili n’etanu hamo makumi asatu, nibabona Yezu nalibata ha nanza, yerire hehi n’obwato, nibatina. 20Nawe wenene nabagambira ati: N’ine, nimuleke kutina. 21Nibayenda kumuhikamo, mbe aho honka obwato nibugoba ha charo, aho bazaga.
22Bwire kucha embaga eyaliga esigere ha mwambu gundi gw’enanza nebona okw’obwato bundi bwaliga butaliho, haliho bumo, kai n’okwo Yezu atazire mu bwato n’abahemba be, nawe abahemba bonka nibo basyabere. 23Nawe amato gandi nigaruga Tiberiyadi hehi n’aho balilireho omukate, Omukama namara kulamiriza. 24Mbe embaga ka yabwene okwo Yezu yaliga ataliho, n’abahemba be bona nangu, mbe nibahanama mu mato, nibeza Kafarnahumi, nibahiga Yezu.
EBIGAMBO BYA UKARISTIA. — KRISTU NIWE MUKATE GWA KIMO GWO MW’IGULU.
25Ka bamusangire ha mwambu gundi gw’enanza, nibamugambira bati: Mwolekerezi, oizire kunu lihi? 26Yezu nabasubiramo nagira ati: Koto koto nkubagambira nti: Timukumpigira obwo mubwene amahano, nawe n’obwo mulireho emikate, mukeguta. 27Mutakolera ebilyo ebikuhwaho, nawe ebikugumiraho ira lyona, eby’Omwana w’omuntu alibaha. Kuba ogwo akagumisibwa Mungu Tata#6, 27 “Kugumisibwa Mungu Tata” nikwo kubona obuhicha n’amani go kukola amahano, ahiche kwoleka abantu obumungu bwe.. 28Mbe nibamugambira bati: Tugire tuta, niho tukore ebikorwa bya Mungu? 29Yezu nasubamo nabagambira ati: Omulimo gwa Mungu ni gunu: Mwikirize owe wenene yatumire. 30Mbe nibamugambira bati: Kai iwe okugira lunyamo ki, tubone, niho tukwikirize? okukola mulimo ki? 31Batata bakalya manu mu mbuga#6, 31 Abanaisraeli, ka barugire Misri, bakili mu mbuga mu myaka mengi, nibalisibwaga ebilyo ebyarugaga mw’igulu, babyetaga bati: manu., nk’okwo chandikirwe kiti: Akabaha kulya omukate gwo mw’igulu. 32Mbe Yezu nabagambira ati: Koto koto nkubagambira nti: Musa tiwe yabahere omukate gwo mw’igulu, nawe akubaha omukate gwa kimo gwo mw’igulu ni Tata. 33Kuba omukate gwa Mungu n’ogwarugire mw’igulu niguha ensi obulora. 34Mbe nibamugambira bati: Mwombeki, notuhe omukate ogwo naku zona.
35Yezu nabagambira ati: N’ine mukate gw’obulame; akunizaho, takurumw’enzala, kai akunikiriza, talitw’eliho nangu. 36Nawe nkabagambira, mwambwene, nimubura kwikiriza. 37Buli echo Tata akumpa kikunizaho, kai akwiza hal’ine tindimwirukiza hanza. 38Kuba tinarugire mw’igulu nkore ebyo nkwenda, nawe ebyo ayantumire akwenda. 39Ebyo ayantumire, Tata, akwenda ni binu: Buli owe yampere ntamunagira, nawe mmuzore ha lunaku olulihereruka. 40Ebyo ayantumire, Tata, akwenda ni binu: buli akubona Omwana akamwikiriza, abone obulame obutahwaho; kandi ine mmuzore ha lunaku olulihereruka. 41Mbe Abayahudi nibamurundumira obwo yagizire ati: N’ine mukate ogukulora, ogwarugire mw’igulu. 42Nibagira bati: Onu si ti Yezu, mwende Yozefu, owe tukumanya ise na nina? Mbe kai akugambira ki ati: Nkaruga mw’igulu? 43Mbe Yezu nasubamo nabagambira ati: Nimuleke kurundumyanya. 44Tihaliho akunizaho, atayesirwe Tata ayantumire; kandi ine ndimuzora ha lunaku lwo kuhereruka. 45Mu balagi hayandikwa hati: Bona baliba bolekererwa ba Mungu. Buli ayahulire Tata, akeyega, akunizaho. 46T’obwo omuntu alabwene Tata, atali ayarugire hali Mungu, ogwo niwe yabwene Tata. 47Koto koto nkubagambira nti: Akunikiriza alibona obulame obutahwaho.
ENGINGO ZA YEZU NI BILYO BY’OMWOYO KIMO. — ABAHEMBA BANDI NIBASUB’ENUMA.
48N’ine mukate gw’obulame. 49Baso bakalya manu mu mbuga, nibafwa. 50Gunu ni mukate ogwarugire mw’igulu, niho omuntu aliba agulireho, talifwa. 51N’ine mukate ogukulora ogwarugire mw’igulu. 52Omuntu aliba alire ha mukate gunu, alilama myaka zona; kandi omukate ogwo ndiha ni ngingo zange, ha buzima bw’ensi. 53Mbe Abayahudi nibahakanisyanya nibagira bati: Akuhicha ata onu kutuha engingo ze kulya? 54Mbe Yezu nabagambira ati: Koto koto nkubagambira nti: Ka muliba mutalire engingo z’Omwana w’omuntu, mutanwere n’ensagama ye, timuliba n’obuzima mul’imwe. 55Akuly’engingo zange, akanwa n’ensagama yange, ali n’obuzima obutahwaho; kandi ine ndimuzora ha lunaku olulihereruka. 56Kuba engingo zange ni kilyo koto, n’ensagama yange ni munwo koto. 57Akuly’engingo zange, akanwa n’ensagama yange, akutura mul’ine, nena nkutura muli wenene. 58Nka nikwo Tata ayantumire akulora, n’okwo ine nkulora ha bwa Tata, nikwo kai n’akundya, alilora ha bwange. 59Gunu nigwo mukate ogwarugire mw’igulu. Tiguli nka manu, eyo baswenkuru balire, bakafwa. Akuly’omukate gunu alilama bucha bucha.
60Ebyo akabigamba nayolekerera mw’isomero Kafarnahumi#6, 60 Ebigambo ebyo byona bikugamba ebya Ukaristia.. 61Mbe banamwingi bo mu bahemba be, ka bahulire, nibagira bati: Ekigambo kinu kigumire, akuhicha kukihuliriza ni ga? 62Yezu namanya mu mutima gwe okw’abahemba be babihirizibwe ebyo, nabagambira ati: Echo nicho chabasitaza? 63Kai ka mulibona Omwana w’omuntu nahanama eyo yaliga ali mbere? 64Omwoyo nigwo gukuloza; nawe engingo tizikugasa kantu. Ebigambo ebyo nabagambire, nigwo mwoyo n’obulame. 65Nawe halimo abandi mul’imwe abatakwikiriza. Kuba kuruga ha butandikiro yaliga namanya abatakwikiriza n’alimutunda. 66Nagira ati: Nicho nabagambirire nti: Tihaliho muntu akuhicha kunizaho, atakiherwe Tata. 67Kurug’ aho banamwingi bo mu bahemba be nibagenda, nibalekera kulibata nage. 68Yezu nagambira ikumi na babili ati: Si n’emwe mukwenda kugenda? 69Petro namusubiramo ati: Mukama wange, tukugenda hali ga? N’iwe oli n’ebigambo by’obulame obutahwaho. 70Itwe tukekiriza nitumanya okw’ oli Kristu, Omwana wa Mungu. 71Yezu nabasubiramo ati: Si t’ine ayasozire imwe ikumi na babili? Kai mul’imwe omo n’isitani. 72Yagambaga Yuda Iskaryota, mwende Simoni; kuba ogwo niwe yaliga ali no kumutunda, naho ali omo mul’ ikumi na babili.
Currently Selected:
Yohana 6: KED1946
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.
