পত্থম 42
42
যোষেফ ভেইয়ুনে মিসরত্ গেলাক্
1যাকোবে যেক্কে শুনিলো, মিসর দেজত্ হেবাত্তে শোজ্য আগন্ সেক্কে তে তার্ পুয়োগুনোরে কলঅ, “তুমি একজনে আরেকজন মুয়োইন্দি কিত্তে চাহ্চি গরর্?” 2তে আরঅ কলঅ, “শুনো, মুই শুন্যং মিসর দেজত্ শোজ্য আগন্। তুমি সিধু যেইনে আমাত্তে কিজু শোজ্য কিনি আন যেন আমি পরানে বাঁজি থেই, মুরি ন-যেই।”
3সেক্কে যোষেফর দশজন ভেইয়্যে শোজ্য কিনি আনিবাত্তে মিসরত্ গেলাক। 4মাত্তর্ যাকোবে যোষেফ নিজোর ভেই বিন্যামীনরে তারা লগে ন-পাদেল। কনঅ দজা ঘদে বিলি তার দর্ লাগিলো। 5অন্য যিদুক্কুন্ মান্জ্যে শোজ্য কিনিবাত্তে মিসর্ দেজত্ যাদন্ তারা দলত্ ইস্রায়েল পুয়োগুনেয়ো এলাক্, কিত্তে কনান দেজতঅ ভাদ-রাদ্ ওইয়্যে।
6যোষেফে এলঅ মিসর দেজর শাসনগুরিয়্যে। দেজর্ বেক্ মানুচ্চুনো ইধু শোজ্য বেজানার্ ভারান্ তা উগুরে এলঅ। সেনত্তে যোষেফ ভেইয়ুনে তা মুজুঙোত্ যেইনে মাদিত্ মাদা নিগিরিনে তারে জু জু জানেলাক্। 7যোষেফে ভেইয়ুনোরে দেগিনে চিনি পারিলো, মাত্তর ন-চিনেদে ভান্ গুরিনে দাঙর্ দাঙর্ গুরিনে কলঅ, “তুমি কুত্তুন্ এচ্চো?” তারা কলাক্, “আমি কনান দেজত্তুন শোজ্য কিনিবাত্তে এচ্চ্যেই।”
8যোষেফে তা ভেইয়ুনোরে চিনি পারিলেয়ো ভেইয়ুনে তারে চিনি ন-পারিলাক্। 9তারা পৌইদ্যেনে তে যে স্ববনান্ দেক্ক্যে সে কধাগান্ সেক্কে তার মনত্ পড়িলো। তে তারারে কলঅ, “তুমি স্পাই। আমা দেজত্ কন্ কন্ জাগাত্ চুগিদারর্ কনঅ বেবস্থা নেই তুমি সিয়েন্ চেবাত্তে এচ্চো।”
10তারা তারে কলাক্, “না, বাবু, তঅ চাগরুনে শোজ্য কিনিবাত্তে এচ্চোন্। 11আমি বেক্কুনে এক্কো বাবর্ পুয়ো। আমি বজং নয়। তঅ চাগরুন স্পাই নয়।”
12সেক্কে যোষেফে আরঅ তারারে কলঅ, “না, না, আমা দেজত্ কন্ কন্ জাগাত্ চুগিদারর্ কনঅ বেবস্থা নেই, তুমি সিয়েন্ চেবাত্যে এচ্চো।”
13মাত্তর্ তারা কলাক্, “তর্ চাগরুন বেক্কুনে মিলিনে বার ভেই। আমি কনান দেজর্ এক্কো মান্জ্যর পুয়ো। আমা বেগত্তুন্ চিগোন ভেইবো ইক্কিনে বাবা ইধু আঘে, আর আমার অন্য এক্কো ভেই মুরি যেইয়্যে।”
14যোষেফে তারারে কলঅ, “মুই তমা পৌইদ্যেনে যিয়েনি কোইয়োং সিয়েনোই ঠিগ্, তুমি স্পাই। 15ইয়েন্দোই তমার পোরোক্ষে ওই যেবঅ-তমা চিগোন ভেইবো যেদক্কন্ সং ইধু ন-এজে সেদক্কন্ সং তুমি ইয়োত্তুন্ ছড়ান্ ন-পেবা। মর্ এ কধাগান্ মুই ফরৌণর্ জিংকানিগান নাঙে শমক্ গুরিনে কঙর্। 16তমা চিগোন্ ভেইবোরে আনিবাত্তে তমা ভিদিরেত্তুন্ একজনরে পাধেই দুয়ো, আর বাদবাগী বেক্কুনে বোন্দি থাগঅ। তমা কধাগান্ সত্য না কি ইয়েন্দোই তার প্রমাণ অবঅ। মাত্তর্ যুনি তারে ন-আনঅ সালে ফরৌণ জীংকানিগান নাঙে শমক্ গরঙর্, তুমি স্পাই।” 17ইয়েন কোইনে যোষেফে তিন দিন সং তারা বেক্কুনোরে জেলোত্ বোন্দি গুরি রাগেল।
18তিন দিনোত্ যোষেফে তারারে কলঅ, “মুই যিয়েন কঙর্ সিয়েন্ গরঅ আর পরানান্ রোক্ষ্যে গরঅ, কিত্তে মুই গোজেনরে দরাং। 19তুমি যুনি ঘেচ্চেকগুরি গম্ মানুজ্ অ সালে তমা ভেইয়ো ভিদিরেত্তুন্ একজন এ জেলোত্ বোন্দি থাগঅ, আর বাদবাগী বেক্কুনে তমা উবোস্ থেইয়্যে পরিবারুনোত্তে হানা নেযাদোক্। 20তমা কধাগান্ যে সত্য সিয়েন প্রমাণ গুরিবাত্তে তমা চিগোন্ ভেইবোরে মঅ মুজুঙোত্ আনগোই। সেক্কে তে তুমি মরনত্তুন্ রেহাই পেবা।” তারা সিয়েন রাজী অলাক্।
21সে পরেদি তারা একজন আরেকজনরে কলাক্, “ঘেচ্চেকগুরি আমা সে ভেইবো উগুরে আমি যিয়েন্ গোজ্যেই সিয়েন্দোই আমি দুষি। তে যেক্কে আমা মুজুঙোত্ কোজোলী গোজ্যে সেক্কে তা মনর্ দুঃখোগান্ দেগিনেয়ো আমি তা কধালোই কান ন-পাদিই। সেনত্তে আমা উগুরে এ দুঃখানি এচ্চ্যে।”
22রূবেণে তারারে কলঅ, “মুই দঅ তমারে কোইয়োং, ‘তা উগুরে কনঅ অন্যেয় ন-গোজ্য,’ মাত্তর্ তুমি সিয়েন ন-শুনো। ইক্কিনে তার্ লো ঝড়ানার্ ইজেব দিবার অক্ত ওইয়্যে।”
23যোষেফে যে তারা কধানি বুঝি পাজ্যে সিয়েন তারা ন-বুঝিলাক্, কিত্তে আরেকজনরে দিইনে তে তারা লগে কধাবাত্তা কোইয়্যে। 24যোষেফে সেক্কে তারা কায়-কুরেত্তুন্ সুরি যেইনে কানা ধুরিলো, সে পরেদি ফিরি এইনে তারা লগে আরঅ কধা কলঅ। তে তারা ভিদিরেত্তুন্ শিমিয়োনরে বেঈ লোইনে তারা চোগো মুজুঙোত্ তারে বানিবাত্তে উগুম দিলো।
25পরেদি যোষেফে উগুম্ দিলো যেন তারা বস্তাগুন্ শোজ্যলোই ভোরেই দিয়্যে অয় আর বেক্কুনোরে টেঙা ফেরত্ দিয়্যে অয়। ইয়েনবাদে যেবার্ পদথ্ তারার যিয়েনি দরকার্ সিয়েনি দিবার উগুমঅ তে দিলো। যোষেফ উগুম মজিম তারাত্তে বেক্কানি গরা অলঅ।
কনান দেজ ইন্দি যানা
26ইয়েন পরেদি তারা গাধা পিদিত্ শোজ্যর্ বস্তাগুন্ তুলিনে যাহ্ ধুরিলাক। 27ঝিরেবার্ জাগানত্ লুমিনে তারাত্তুন্ একজনে যেক্কে গাধাবোরে হানা দিবাত্তে যেইনে বস্তাবো খুলিলো সেক্কে তে তার্ টেঙাগুন্ দেগিলো। টেঙাগুন্ বস্তাবো মুয়োনত্ এলঅ। 28সেক্কে তে তা ভেইয়ুনোরে কলঅ, চদে, চদে, মঅ টেঙাগুন্ ফিরেই দিয়্যে ওইয়্যে। মঅ বস্তাবোত্ সেই টেঙাগুন্ রোইয়োন।
এ অবস্থা দেগিনে দরে যেন তারার্ পরাণানি নিগিলি যেবার অক্ত ওইয়্যে। তারা গির্গিরাদে গির্গিরাদে একজন আরেকজন ইন্দি ফিরিনে কলাক্, “গোজেনে আমা উগুরে ইয়েন কি গুরিলো!”
29কনান দেজত্ ফিরি যেইনে তারা তারার্ বাপ্পোরে বেক্ কধানি ভাঙি কলাক্,
30যে মানুচ্চো সে দেজর্ নেতা তে খুব দরমর গুরি আমা লগে কধা কোইয়্যে। তে মনে গোজ্যেদে আমি স্পাই ইজেবে সে দেজত্ যেইয়্যেই। 31মাত্তর্ আমি তারে কোইয়্যেই, আমি গম্ মানুজ্, স্পাই নয়। 32আমি বার ভেই, এক্কো বাবর্ বারবো পুয়ো। আমা ভিদিরেত্তুন্ একজনে মুরি যেইয়্যে, আর বেগত্তুন্ চিগোন্নো ইক্কিনে কনান দেজত্ বাবা ইধু আঘে।
33“সেক্কে সে মানুচ্চো, যিবে দেজর্ নেতাবো, তে আমারে কলঅ, ‘মুই ইয়েন্দোই বুঝি পারিম, তুমি গম্ মানুজ্ নাকি। তুমি তমার্ এক্ ভেইয়োরে মঅ ইধু রাগেইনে তমার উবোস্ থেইয়্যে পরিবারত্তে যিয়েনি দরকার্ সিয়েনি লোইনে যগোই, 34আর তমার চিগোন্ ভেইবোরে ম’ইধু আনঅ। সেক্কে মুই বুঝি পারিম্বে, তুমি গম্ মানুজ্, স্পাই নয়। সেক্কে মুই তমা ভেইবোরে তমা ইধু ফিরেই দিম, আর তুমি এ দেজত্ বেবসা-বাণিজ্য গুরি পারিবা।”
35ইয়েন পরেদি তারা তারার্ বস্তাগুন্ সুদো গুরিবার্ অক্তত্ আমক্ ওইনে চেলাক্, তারারঅ বেক্কুনোর্ টেঙা থৈল্যেবো অদে অদে বস্তা ভিদিরে আগন্। এ বেপারান্ দেগিনে তারা আর তারার বাপ্পো দোরেল। 36তে তারারে কলঅ, “তুমি মরে পুয়ো আরেয়্যে গোজ্য। যোষেফে নেই, শিমিয়োনে নেই, আর ইক্কিনে তুমি বিন্যামীনরেয়ো নিবাত্যে চঅর্। এ বেক্ দুঃখোনি মত্তুনোই দেগা পুড়িবো।”
37সেক্কে রূবেণে তা বাবরে কলঅ, “মুই যুনি বিন্যামীনরে তঅ মুজুঙোত্ ফিরেই আনি ন-পারং সালে তুই মর্ দ্বিবে পুয়োরে মারে ফেলেচ্। বিন্যামীনরে তুই মঅ আদত্ ছাড়ি দে, মুই তারে তইধু ফিরেই আনিম।”
38মাত্তর্ যাকোবে কলঅ, “না, মর্ এ পুয়োবো তঅ লগে ন-যেবঅ। তা ভেইবো মুরি যেইয়্যে, আর তে ইক্কিনে গাই গাই বাঁজি আঘে। তমার যাইদে পদথ্ যুনি তার্ কনঅ দজা অয়্ সালে এ বুড়ো বয়জত্ বোউত্ দুঘে তুমি মরে মরণ জাগাত্ পাদেবা।”
Currently Selected:
পত্থম 42: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
পত্থম 42
42
যোষেফ ভেইয়ুনে মিসরত্ গেলাক্
1যাকোবে যেক্কে শুনিলো, মিসর দেজত্ হেবাত্তে শোজ্য আগন্ সেক্কে তে তার্ পুয়োগুনোরে কলঅ, “তুমি একজনে আরেকজন মুয়োইন্দি কিত্তে চাহ্চি গরর্?” 2তে আরঅ কলঅ, “শুনো, মুই শুন্যং মিসর দেজত্ শোজ্য আগন্। তুমি সিধু যেইনে আমাত্তে কিজু শোজ্য কিনি আন যেন আমি পরানে বাঁজি থেই, মুরি ন-যেই।”
3সেক্কে যোষেফর দশজন ভেইয়্যে শোজ্য কিনি আনিবাত্তে মিসরত্ গেলাক। 4মাত্তর্ যাকোবে যোষেফ নিজোর ভেই বিন্যামীনরে তারা লগে ন-পাদেল। কনঅ দজা ঘদে বিলি তার দর্ লাগিলো। 5অন্য যিদুক্কুন্ মান্জ্যে শোজ্য কিনিবাত্তে মিসর্ দেজত্ যাদন্ তারা দলত্ ইস্রায়েল পুয়োগুনেয়ো এলাক্, কিত্তে কনান দেজতঅ ভাদ-রাদ্ ওইয়্যে।
6যোষেফে এলঅ মিসর দেজর শাসনগুরিয়্যে। দেজর্ বেক্ মানুচ্চুনো ইধু শোজ্য বেজানার্ ভারান্ তা উগুরে এলঅ। সেনত্তে যোষেফ ভেইয়ুনে তা মুজুঙোত্ যেইনে মাদিত্ মাদা নিগিরিনে তারে জু জু জানেলাক্। 7যোষেফে ভেইয়ুনোরে দেগিনে চিনি পারিলো, মাত্তর ন-চিনেদে ভান্ গুরিনে দাঙর্ দাঙর্ গুরিনে কলঅ, “তুমি কুত্তুন্ এচ্চো?” তারা কলাক্, “আমি কনান দেজত্তুন শোজ্য কিনিবাত্তে এচ্চ্যেই।”
8যোষেফে তা ভেইয়ুনোরে চিনি পারিলেয়ো ভেইয়ুনে তারে চিনি ন-পারিলাক্। 9তারা পৌইদ্যেনে তে যে স্ববনান্ দেক্ক্যে সে কধাগান্ সেক্কে তার মনত্ পড়িলো। তে তারারে কলঅ, “তুমি স্পাই। আমা দেজত্ কন্ কন্ জাগাত্ চুগিদারর্ কনঅ বেবস্থা নেই তুমি সিয়েন্ চেবাত্তে এচ্চো।”
10তারা তারে কলাক্, “না, বাবু, তঅ চাগরুনে শোজ্য কিনিবাত্তে এচ্চোন্। 11আমি বেক্কুনে এক্কো বাবর্ পুয়ো। আমি বজং নয়। তঅ চাগরুন স্পাই নয়।”
12সেক্কে যোষেফে আরঅ তারারে কলঅ, “না, না, আমা দেজত্ কন্ কন্ জাগাত্ চুগিদারর্ কনঅ বেবস্থা নেই, তুমি সিয়েন্ চেবাত্যে এচ্চো।”
13মাত্তর্ তারা কলাক্, “তর্ চাগরুন বেক্কুনে মিলিনে বার ভেই। আমি কনান দেজর্ এক্কো মান্জ্যর পুয়ো। আমা বেগত্তুন্ চিগোন ভেইবো ইক্কিনে বাবা ইধু আঘে, আর আমার অন্য এক্কো ভেই মুরি যেইয়্যে।”
14যোষেফে তারারে কলঅ, “মুই তমা পৌইদ্যেনে যিয়েনি কোইয়োং সিয়েনোই ঠিগ্, তুমি স্পাই। 15ইয়েন্দোই তমার পোরোক্ষে ওই যেবঅ-তমা চিগোন ভেইবো যেদক্কন্ সং ইধু ন-এজে সেদক্কন্ সং তুমি ইয়োত্তুন্ ছড়ান্ ন-পেবা। মর্ এ কধাগান্ মুই ফরৌণর্ জিংকানিগান নাঙে শমক্ গুরিনে কঙর্। 16তমা চিগোন্ ভেইবোরে আনিবাত্তে তমা ভিদিরেত্তুন্ একজনরে পাধেই দুয়ো, আর বাদবাগী বেক্কুনে বোন্দি থাগঅ। তমা কধাগান্ সত্য না কি ইয়েন্দোই তার প্রমাণ অবঅ। মাত্তর্ যুনি তারে ন-আনঅ সালে ফরৌণ জীংকানিগান নাঙে শমক্ গরঙর্, তুমি স্পাই।” 17ইয়েন কোইনে যোষেফে তিন দিন সং তারা বেক্কুনোরে জেলোত্ বোন্দি গুরি রাগেল।
18তিন দিনোত্ যোষেফে তারারে কলঅ, “মুই যিয়েন কঙর্ সিয়েন্ গরঅ আর পরানান্ রোক্ষ্যে গরঅ, কিত্তে মুই গোজেনরে দরাং। 19তুমি যুনি ঘেচ্চেকগুরি গম্ মানুজ্ অ সালে তমা ভেইয়ো ভিদিরেত্তুন্ একজন এ জেলোত্ বোন্দি থাগঅ, আর বাদবাগী বেক্কুনে তমা উবোস্ থেইয়্যে পরিবারুনোত্তে হানা নেযাদোক্। 20তমা কধাগান্ যে সত্য সিয়েন প্রমাণ গুরিবাত্তে তমা চিগোন্ ভেইবোরে মঅ মুজুঙোত্ আনগোই। সেক্কে তে তুমি মরনত্তুন্ রেহাই পেবা।” তারা সিয়েন রাজী অলাক্।
21সে পরেদি তারা একজন আরেকজনরে কলাক্, “ঘেচ্চেকগুরি আমা সে ভেইবো উগুরে আমি যিয়েন্ গোজ্যেই সিয়েন্দোই আমি দুষি। তে যেক্কে আমা মুজুঙোত্ কোজোলী গোজ্যে সেক্কে তা মনর্ দুঃখোগান্ দেগিনেয়ো আমি তা কধালোই কান ন-পাদিই। সেনত্তে আমা উগুরে এ দুঃখানি এচ্চ্যে।”
22রূবেণে তারারে কলঅ, “মুই দঅ তমারে কোইয়োং, ‘তা উগুরে কনঅ অন্যেয় ন-গোজ্য,’ মাত্তর্ তুমি সিয়েন ন-শুনো। ইক্কিনে তার্ লো ঝড়ানার্ ইজেব দিবার অক্ত ওইয়্যে।”
23যোষেফে যে তারা কধানি বুঝি পাজ্যে সিয়েন তারা ন-বুঝিলাক্, কিত্তে আরেকজনরে দিইনে তে তারা লগে কধাবাত্তা কোইয়্যে। 24যোষেফে সেক্কে তারা কায়-কুরেত্তুন্ সুরি যেইনে কানা ধুরিলো, সে পরেদি ফিরি এইনে তারা লগে আরঅ কধা কলঅ। তে তারা ভিদিরেত্তুন্ শিমিয়োনরে বেঈ লোইনে তারা চোগো মুজুঙোত্ তারে বানিবাত্তে উগুম দিলো।
25পরেদি যোষেফে উগুম্ দিলো যেন তারা বস্তাগুন্ শোজ্যলোই ভোরেই দিয়্যে অয় আর বেক্কুনোরে টেঙা ফেরত্ দিয়্যে অয়। ইয়েনবাদে যেবার্ পদথ্ তারার যিয়েনি দরকার্ সিয়েনি দিবার উগুমঅ তে দিলো। যোষেফ উগুম মজিম তারাত্তে বেক্কানি গরা অলঅ।
কনান দেজ ইন্দি যানা
26ইয়েন পরেদি তারা গাধা পিদিত্ শোজ্যর্ বস্তাগুন্ তুলিনে যাহ্ ধুরিলাক। 27ঝিরেবার্ জাগানত্ লুমিনে তারাত্তুন্ একজনে যেক্কে গাধাবোরে হানা দিবাত্তে যেইনে বস্তাবো খুলিলো সেক্কে তে তার্ টেঙাগুন্ দেগিলো। টেঙাগুন্ বস্তাবো মুয়োনত্ এলঅ। 28সেক্কে তে তা ভেইয়ুনোরে কলঅ, চদে, চদে, মঅ টেঙাগুন্ ফিরেই দিয়্যে ওইয়্যে। মঅ বস্তাবোত্ সেই টেঙাগুন্ রোইয়োন।
এ অবস্থা দেগিনে দরে যেন তারার্ পরাণানি নিগিলি যেবার অক্ত ওইয়্যে। তারা গির্গিরাদে গির্গিরাদে একজন আরেকজন ইন্দি ফিরিনে কলাক্, “গোজেনে আমা উগুরে ইয়েন কি গুরিলো!”
29কনান দেজত্ ফিরি যেইনে তারা তারার্ বাপ্পোরে বেক্ কধানি ভাঙি কলাক্,
30যে মানুচ্চো সে দেজর্ নেতা তে খুব দরমর গুরি আমা লগে কধা কোইয়্যে। তে মনে গোজ্যেদে আমি স্পাই ইজেবে সে দেজত্ যেইয়্যেই। 31মাত্তর্ আমি তারে কোইয়্যেই, আমি গম্ মানুজ্, স্পাই নয়। 32আমি বার ভেই, এক্কো বাবর্ বারবো পুয়ো। আমা ভিদিরেত্তুন্ একজনে মুরি যেইয়্যে, আর বেগত্তুন্ চিগোন্নো ইক্কিনে কনান দেজত্ বাবা ইধু আঘে।
33“সেক্কে সে মানুচ্চো, যিবে দেজর্ নেতাবো, তে আমারে কলঅ, ‘মুই ইয়েন্দোই বুঝি পারিম, তুমি গম্ মানুজ্ নাকি। তুমি তমার্ এক্ ভেইয়োরে মঅ ইধু রাগেইনে তমার উবোস্ থেইয়্যে পরিবারত্তে যিয়েনি দরকার্ সিয়েনি লোইনে যগোই, 34আর তমার চিগোন্ ভেইবোরে ম’ইধু আনঅ। সেক্কে মুই বুঝি পারিম্বে, তুমি গম্ মানুজ্, স্পাই নয়। সেক্কে মুই তমা ভেইবোরে তমা ইধু ফিরেই দিম, আর তুমি এ দেজত্ বেবসা-বাণিজ্য গুরি পারিবা।”
35ইয়েন পরেদি তারা তারার্ বস্তাগুন্ সুদো গুরিবার্ অক্তত্ আমক্ ওইনে চেলাক্, তারারঅ বেক্কুনোর্ টেঙা থৈল্যেবো অদে অদে বস্তা ভিদিরে আগন্। এ বেপারান্ দেগিনে তারা আর তারার বাপ্পো দোরেল। 36তে তারারে কলঅ, “তুমি মরে পুয়ো আরেয়্যে গোজ্য। যোষেফে নেই, শিমিয়োনে নেই, আর ইক্কিনে তুমি বিন্যামীনরেয়ো নিবাত্যে চঅর্। এ বেক্ দুঃখোনি মত্তুনোই দেগা পুড়িবো।”
37সেক্কে রূবেণে তা বাবরে কলঅ, “মুই যুনি বিন্যামীনরে তঅ মুজুঙোত্ ফিরেই আনি ন-পারং সালে তুই মর্ দ্বিবে পুয়োরে মারে ফেলেচ্। বিন্যামীনরে তুই মঅ আদত্ ছাড়ি দে, মুই তারে তইধু ফিরেই আনিম।”
38মাত্তর্ যাকোবে কলঅ, “না, মর্ এ পুয়োবো তঅ লগে ন-যেবঅ। তা ভেইবো মুরি যেইয়্যে, আর তে ইক্কিনে গাই গাই বাঁজি আঘে। তমার যাইদে পদথ্ যুনি তার্ কনঅ দজা অয়্ সালে এ বুড়ো বয়জত্ বোউত্ দুঘে তুমি মরে মরণ জাগাত্ পাদেবা।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society