পত্থম 49
49
যাকোবর্ শেজ্ কধাগান
1পরেদি যাকোবে তা পুয়োগুনোরে ডাগিনে কলঅ, তুমি বেক্কুনে মঅ কায়-কুরে এজঅ। আগাম্ তমা জীংকানিত্ যিয়েনি ঘুদিবো সিয়েনি মুই তমারে কোই দোঙর্।
2যাকোব পুয়োগুন্, তুমি বেক্কুনে মঅ ইধু এজঅ;
তমা বাপ্পো ইস্রায়েলে কি কোইয়্যে সিয়েনি শুনো।
3রূবেণ, তুই মঅ দাঙর্ পুয়োবো;
তুই মর্ বল্, মঅ গাবুজ্যে বলর্ পত্তম ফল;
তুই সর্মান আর খেমতা ইন্দি তঅ ভেইয়ুনোত্তুন্ উগুরে।
4মাত্তর্ তুই যেন গঙার পানি ধোক্ক্যেন,
সেনত্তে তর্ সে অজল্ জাগায়ান্ আর ন-থেবঅ।
মঅ মোক্কো ইধু যেইনে
তুই মঅ বিচ্ছোনানত্ ফি বাজেই দুয়োচ্।
5শিমিয়োন আর লেবি দ্বিভেই;
তারা ক্ষোতি গুরিবাত্তে তলোয়ার ধরন্।
6তারার ভিদিরে ভিদিরে কুজুরোমিগানিত্ মর্ কনঅ ভাগ্ নেই,
মুই তারা দলত্ নয়।
তারা রাগে মানুজ্ খুন্ গোজ্যন,
আর নিজো মনে মন্জক্কা গুরি
গোরু টেঙ রক্কুন্ কাবি দুয়োন্।
7তারার্ এ দর্গরেপারা রাগ্কানি, এ চিৎনপুজ্যে রাগ্কানি
অভিশাব্ পোড়োক্।
মুই তারা গুট্টি যাকোব বংশগুনো ভিদিরে
ভাগ গুরি দিম,
আর ইস্রায়েলীয়গুনো ভিদিরে তারারে ছিদি দিম্।
8যিহূদা, তঅ ভেইয়ুনে তরে নাঙ্ গিনোদোক্।
শত্রুগুনো গত্তনাত্ ধুরিনে তুই তারারে জব্দ গুরিবে;
তঅ ভেইয়ুনে তরে জু জু জানেবাক্।
9যিহূদা, তুই সিংহ ছঅ;
শিগের্ গোজ্যে য়েরানি হানা থুম্ গুরিনে
মর্ এ পুয়োবো উদি এজে;
সিংহ আর সিংহী ধোক্ক্যেন গুরি তে বজে আর ঘুমোত্ পড়ে।
কন্না তারে জাগেব?
10যেদকদিন সং শীলো ন-লুমেগি
আর বেক্ জাদতুনে তা উগুমানি মানি চলন,
সেদক্দিন সং দাঙর সাজা-যিহূদা বংশত্ থেবঅ;
আর তা দ্বিবে আদু সংমোধ্যে থেবঅ বিচের লুদিক্।
11যিহূদা আংগুর্ গাজত্ তা গাধাগুন্ বানিবো,
আর আংগুরো বোল্বোল্যে ডেলাবোত্ বানিবো গাধা ছবো।
আংগুরো-রস্সোই তে তা কাবড়ানি কাজেব,
আর আংগুরো রাঙা রস্ছোই কাবড়-চুগোরানি ধবঅ।
12তা চোগো রংয়ানি আংগুরো-রস রঙত্তুনঅ কালা অবঅ,
আর তা দাত্তুন্ দুধোত্তুন্ বেশ্ ধুব্ অবঅ।
13সবূলূন বড়্গাঙ পাড়ত্ বজত্তি গুরিবো;
তে জাহাজ্ছানি ভিড়েবার্ বন্দর অবঅ;
তা দেজর্ দুযিগান সীদোন ইন্দি যেবঅ।
14ইষাখরে যেন এক্কো বোলী গাধা।
তা ঘুম যেবার্ জাগায়ান অবঅ দ্বিয়েন ভেড়া ঘর সংমোধ্যে।
15তে দেগিবোদে তার ঝিরেবার্ দেজ্ছান্ দোল্ আর আরামর,
সেনত্তে বুদি বুয়োবাত্তে তে কানাগান্ পাদি দিবো
আর চাগরঅ ধোক্ক্যেন অমকদ কাম গরানায়ো মানি নিবো।
16দান ইস্রায়েলর এক্কো গুট্টি ইজেবে
তা মানুচ্চুনোরে বিচের্ গুরিবো।
17তে অবঅ পধ সাপ, জদবদে বিষ্বলা সাপ;
তে ঘোড়াগুনো টেঙত্ কুদিবো,
আর ঘোড়াবাহিনীগুনে উল্যেনে পিজেন্দি পুড়িবাক্।
18ও লগেপ্রভু, তুই উদ্ধোর্ গুরিবে
মুই সিয়েন বাজ্জেই আগং।
19গাদরে সৈন্যদলুনে আক্রমণ্ গুরিবাক্,
মাত্তর্ তেয়ো তারারে উগুদোগুরি আক্রমণ গুরিবো।
20আশের ভূইয়োত্ ভালোক্কুন্ গম্ ফসল জর্মেব;
তে রাজার্ যগাজ্যে হানা যুগেই দিবো।
21নপ্তালি যেন খুলোমেলা গুরি বেড়েয়্যে ফারি উরিং; তা মুয়োনত্ আঘে দোল্ দোল্ কধা।
22যোষেফে যেন গুলো ভরা গাজঅ ধোক্ক্যেন,
পানি পারত্ গুলোই ভোজ্যে গাজ;
তা ডেলাগুন্ দেবাল ছিদি পোজ্যন।
23ধনু ধুরিয়্যেগুনে তারে জদবদেগুরি আক্রমণ গোজ্জ্যন,
শেল্ মারিনে তারে দজাদ্ ফেল্যন্।
24মাত্তর্ তা ধনুগান্ সেবাবোত্যে থির্ গুরি রোয়্যে
আর্ আত্তান্ আগেদে সেবাবোত্যে কাবিল্,
কিত্তে যাকোবর্ সে বোলী গোজেন আত্তানি তা পিজেদি আঘে।
তা পিজেদি আঘে সে রোক্ষ্যে গুরিয়েবো,
ইস্রায়েলর্ সেই পাত্তর্বো।
25তঅ বাবঅ গোজেনে তরে বল্ দিবো।
বেগত্তুন্ খেমতাবলা গোজেনে তরে উগুরেত্তুন্ আগাজর্ বর্
আর মাদি তলেত্তুন উইফুদো বর্ দিবো।
মিলেগুনো পেদত্ পুয়ো দিইনে
আর তা বুগোত্ দুধ দিইনে
তে তরে আশিদ্বাদ গুরিবো।
26তঅ বাবপোর পেইয়্যে আশিদ্বাদ
তা চৌদ্দোগুট্টিগুনে পেইয়্যে বর্ পেইয়্যেগান ছিদি যেইয়্যে;
সিয়েন্ পুরোণি দিনো মুড়ো-মুড়ি সং যেইনে লুম্মেগোই।
সেই বর্ পেইয়্যেগান যোষেফ মাদা উগুরে পোড়োক্;
যে তা ভেইয়ুনোর বেক্কুনোত্তুন্ দাঙর্ তা মাদাবো উগুরে পোড়োক্।
27“বিন্যামীনে যেন্ এক্কো চিৎনপুজ্যে হোক্ক্যে বাঘঅ ধোক্ক্যেন;
বেন্যে তে খায় শিগের্-গোজ্যে য়েমান
আর সাজোন্যে লুট গোজ্যে জিনিস্চানি ভাগ গরে।”
28ইগুনে অলাক্ ইস্রায়েল বারবো গুট্টি। তারা বাপ্পো তারারে বর্ দিবার্ অক্তত্ এ কধানি কোইয়্যে। তে পত্তিজনরে বর্ দিলো।
যাকোবর্ মুরি যানা
29পরেদি যাকোবে তা পুয়োগুনোরে এ উগুমানি দিলো, “চোদ্দোগুট্টিগুনো ইধু যেবার্ অক্ত মর্ ওইয়্যে। হিত্তীয় ইফ্রোণ ভূইয়োত্ যে গাত্তো আঘে সেই গাত্তোত্ মঅ চোদ্দো গুট্টিগুনো সমারে মরে গোর্ দুয়ো। 30ইবে কনান দেজ মম্রি ইধু মক্পেলা ভূইয়োত্ সেই গাত্তো। গোর জাগা বানেবাত্তে অব্রাহামে ভূই সুমুত্ত এ গাত্তো হিত্তীয় ইফ্রোণত্তুন্ কিনি নেযেয়্যে। 31সিয়েনত্ অব্রাহাম আর তা মোক্কো সারারে গোর্ দিয়্যে ওইয়্যে। ইস্হাক আর তা মোক্কো রিবিকারেয়ো সিয়েনত্ গোর্ দিয়্যে ওইয়্যে। সিয়েনত্ মুই লেয়ারে গোর্ দুয়োং। 32গাত্তো সুমুত্তো এ ভূইয়ান্ হিত্তীয়গুনোত্তুন্ কিনে ওইয়্যে।”
33যাকোবে তা পুয়োগুনোরে উগুম্ দেনার পরেদি বিচ্ছোনান উগুরে তা টেঙানি তুলিনে ঘুমোত্ পুড়িলো। সে পরেদি শেজ্ নিযেস্ ফেলেইনে তা পুরোণি মানুচ্চুনো ইধু গেলগোই।
Currently Selected:
পত্থম 49: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
পত্থম 49
49
যাকোবর্ শেজ্ কধাগান
1পরেদি যাকোবে তা পুয়োগুনোরে ডাগিনে কলঅ, তুমি বেক্কুনে মঅ কায়-কুরে এজঅ। আগাম্ তমা জীংকানিত্ যিয়েনি ঘুদিবো সিয়েনি মুই তমারে কোই দোঙর্।
2যাকোব পুয়োগুন্, তুমি বেক্কুনে মঅ ইধু এজঅ;
তমা বাপ্পো ইস্রায়েলে কি কোইয়্যে সিয়েনি শুনো।
3রূবেণ, তুই মঅ দাঙর্ পুয়োবো;
তুই মর্ বল্, মঅ গাবুজ্যে বলর্ পত্তম ফল;
তুই সর্মান আর খেমতা ইন্দি তঅ ভেইয়ুনোত্তুন্ উগুরে।
4মাত্তর্ তুই যেন গঙার পানি ধোক্ক্যেন,
সেনত্তে তর্ সে অজল্ জাগায়ান্ আর ন-থেবঅ।
মঅ মোক্কো ইধু যেইনে
তুই মঅ বিচ্ছোনানত্ ফি বাজেই দুয়োচ্।
5শিমিয়োন আর লেবি দ্বিভেই;
তারা ক্ষোতি গুরিবাত্তে তলোয়ার ধরন্।
6তারার ভিদিরে ভিদিরে কুজুরোমিগানিত্ মর্ কনঅ ভাগ্ নেই,
মুই তারা দলত্ নয়।
তারা রাগে মানুজ্ খুন্ গোজ্যন,
আর নিজো মনে মন্জক্কা গুরি
গোরু টেঙ রক্কুন্ কাবি দুয়োন্।
7তারার্ এ দর্গরেপারা রাগ্কানি, এ চিৎনপুজ্যে রাগ্কানি
অভিশাব্ পোড়োক্।
মুই তারা গুট্টি যাকোব বংশগুনো ভিদিরে
ভাগ গুরি দিম,
আর ইস্রায়েলীয়গুনো ভিদিরে তারারে ছিদি দিম্।
8যিহূদা, তঅ ভেইয়ুনে তরে নাঙ্ গিনোদোক্।
শত্রুগুনো গত্তনাত্ ধুরিনে তুই তারারে জব্দ গুরিবে;
তঅ ভেইয়ুনে তরে জু জু জানেবাক্।
9যিহূদা, তুই সিংহ ছঅ;
শিগের্ গোজ্যে য়েরানি হানা থুম্ গুরিনে
মর্ এ পুয়োবো উদি এজে;
সিংহ আর সিংহী ধোক্ক্যেন গুরি তে বজে আর ঘুমোত্ পড়ে।
কন্না তারে জাগেব?
10যেদকদিন সং শীলো ন-লুমেগি
আর বেক্ জাদতুনে তা উগুমানি মানি চলন,
সেদক্দিন সং দাঙর সাজা-যিহূদা বংশত্ থেবঅ;
আর তা দ্বিবে আদু সংমোধ্যে থেবঅ বিচের লুদিক্।
11যিহূদা আংগুর্ গাজত্ তা গাধাগুন্ বানিবো,
আর আংগুরো বোল্বোল্যে ডেলাবোত্ বানিবো গাধা ছবো।
আংগুরো-রস্সোই তে তা কাবড়ানি কাজেব,
আর আংগুরো রাঙা রস্ছোই কাবড়-চুগোরানি ধবঅ।
12তা চোগো রংয়ানি আংগুরো-রস রঙত্তুনঅ কালা অবঅ,
আর তা দাত্তুন্ দুধোত্তুন্ বেশ্ ধুব্ অবঅ।
13সবূলূন বড়্গাঙ পাড়ত্ বজত্তি গুরিবো;
তে জাহাজ্ছানি ভিড়েবার্ বন্দর অবঅ;
তা দেজর্ দুযিগান সীদোন ইন্দি যেবঅ।
14ইষাখরে যেন এক্কো বোলী গাধা।
তা ঘুম যেবার্ জাগায়ান অবঅ দ্বিয়েন ভেড়া ঘর সংমোধ্যে।
15তে দেগিবোদে তার ঝিরেবার্ দেজ্ছান্ দোল্ আর আরামর,
সেনত্তে বুদি বুয়োবাত্তে তে কানাগান্ পাদি দিবো
আর চাগরঅ ধোক্ক্যেন অমকদ কাম গরানায়ো মানি নিবো।
16দান ইস্রায়েলর এক্কো গুট্টি ইজেবে
তা মানুচ্চুনোরে বিচের্ গুরিবো।
17তে অবঅ পধ সাপ, জদবদে বিষ্বলা সাপ;
তে ঘোড়াগুনো টেঙত্ কুদিবো,
আর ঘোড়াবাহিনীগুনে উল্যেনে পিজেন্দি পুড়িবাক্।
18ও লগেপ্রভু, তুই উদ্ধোর্ গুরিবে
মুই সিয়েন বাজ্জেই আগং।
19গাদরে সৈন্যদলুনে আক্রমণ্ গুরিবাক্,
মাত্তর্ তেয়ো তারারে উগুদোগুরি আক্রমণ গুরিবো।
20আশের ভূইয়োত্ ভালোক্কুন্ গম্ ফসল জর্মেব;
তে রাজার্ যগাজ্যে হানা যুগেই দিবো।
21নপ্তালি যেন খুলোমেলা গুরি বেড়েয়্যে ফারি উরিং; তা মুয়োনত্ আঘে দোল্ দোল্ কধা।
22যোষেফে যেন গুলো ভরা গাজঅ ধোক্ক্যেন,
পানি পারত্ গুলোই ভোজ্যে গাজ;
তা ডেলাগুন্ দেবাল ছিদি পোজ্যন।
23ধনু ধুরিয়্যেগুনে তারে জদবদেগুরি আক্রমণ গোজ্জ্যন,
শেল্ মারিনে তারে দজাদ্ ফেল্যন্।
24মাত্তর্ তা ধনুগান্ সেবাবোত্যে থির্ গুরি রোয়্যে
আর্ আত্তান্ আগেদে সেবাবোত্যে কাবিল্,
কিত্তে যাকোবর্ সে বোলী গোজেন আত্তানি তা পিজেদি আঘে।
তা পিজেদি আঘে সে রোক্ষ্যে গুরিয়েবো,
ইস্রায়েলর্ সেই পাত্তর্বো।
25তঅ বাবঅ গোজেনে তরে বল্ দিবো।
বেগত্তুন্ খেমতাবলা গোজেনে তরে উগুরেত্তুন্ আগাজর্ বর্
আর মাদি তলেত্তুন উইফুদো বর্ দিবো।
মিলেগুনো পেদত্ পুয়ো দিইনে
আর তা বুগোত্ দুধ দিইনে
তে তরে আশিদ্বাদ গুরিবো।
26তঅ বাবপোর পেইয়্যে আশিদ্বাদ
তা চৌদ্দোগুট্টিগুনে পেইয়্যে বর্ পেইয়্যেগান ছিদি যেইয়্যে;
সিয়েন্ পুরোণি দিনো মুড়ো-মুড়ি সং যেইনে লুম্মেগোই।
সেই বর্ পেইয়্যেগান যোষেফ মাদা উগুরে পোড়োক্;
যে তা ভেইয়ুনোর বেক্কুনোত্তুন্ দাঙর্ তা মাদাবো উগুরে পোড়োক্।
27“বিন্যামীনে যেন্ এক্কো চিৎনপুজ্যে হোক্ক্যে বাঘঅ ধোক্ক্যেন;
বেন্যে তে খায় শিগের্-গোজ্যে য়েমান
আর সাজোন্যে লুট গোজ্যে জিনিস্চানি ভাগ গরে।”
28ইগুনে অলাক্ ইস্রায়েল বারবো গুট্টি। তারা বাপ্পো তারারে বর্ দিবার্ অক্তত্ এ কধানি কোইয়্যে। তে পত্তিজনরে বর্ দিলো।
যাকোবর্ মুরি যানা
29পরেদি যাকোবে তা পুয়োগুনোরে এ উগুমানি দিলো, “চোদ্দোগুট্টিগুনো ইধু যেবার্ অক্ত মর্ ওইয়্যে। হিত্তীয় ইফ্রোণ ভূইয়োত্ যে গাত্তো আঘে সেই গাত্তোত্ মঅ চোদ্দো গুট্টিগুনো সমারে মরে গোর্ দুয়ো। 30ইবে কনান দেজ মম্রি ইধু মক্পেলা ভূইয়োত্ সেই গাত্তো। গোর জাগা বানেবাত্তে অব্রাহামে ভূই সুমুত্ত এ গাত্তো হিত্তীয় ইফ্রোণত্তুন্ কিনি নেযেয়্যে। 31সিয়েনত্ অব্রাহাম আর তা মোক্কো সারারে গোর্ দিয়্যে ওইয়্যে। ইস্হাক আর তা মোক্কো রিবিকারেয়ো সিয়েনত্ গোর্ দিয়্যে ওইয়্যে। সিয়েনত্ মুই লেয়ারে গোর্ দুয়োং। 32গাত্তো সুমুত্তো এ ভূইয়ান্ হিত্তীয়গুনোত্তুন্ কিনে ওইয়্যে।”
33যাকোবে তা পুয়োগুনোরে উগুম্ দেনার পরেদি বিচ্ছোনান উগুরে তা টেঙানি তুলিনে ঘুমোত্ পুড়িলো। সে পরেদি শেজ্ নিযেস্ ফেলেইনে তা পুরোণি মানুচ্চুনো ইধু গেলগোই।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society