লূক 23
23
পীলাত মুজুঙোত্ প্রভু যীশুর বিচের্
(মথি ২৭:১-২,১১-২৬; মার্ক ১৫:১-১৫; যোহন ১৮:২৮-১৯:১৬)
1সেক্কে সে মিটিঙোত্ বেক্কুনে উদিনে যীশুরে রোমীয় আঝল্ শাসনগুরিয়্যে পীলাত ইধু নেযেলাক্। 2তারা ইয়েন্ কোইনে যীশুর্ বিরুদ্ধে নালিচ্ গরা ধুরিলাক্, “আমি দেক্ক্যেই, এ মানুচ্চো সরকারর্ বিরুদ্ধে আমা মানুচ্চুনোরে নেযার্। তে সম্রাটরে খাজানা দিবাত্যে মানা গরে আর কয় তে নিজেই মশীহ, এক্কো রাজা।”
3পীলাতে যীশুরে পুযোর্ গুরিলো, “তুই কি যিহূদীগুনোর্ রাজা?”
যীশু কলঅ, “তুই ঠিগ্ কধা কোইয়োচ্।”
4সেক্কে পীলাতে আঝল্ ধর্মগুরুগুনোরে আর বেক্ মানুচ্চুনোরে কলঅ, “মুই দঅ এ মানুচ্চোর্ কনঅ দুচ্ ন-দেগঙর্।”
5মাত্তর্ তারা জিদ্ গুরিনে কুয়ো ধুরিলাক্, “যিহূদিয়া রেজ্যর্ বেক্ জাগানিত্ শিক্ষ্যে দিইনে ইবে মানুচ্চুনোরে রাগ্ তুলি দিয়্যে। গালীল রেজ্যত্তুন্ ধুরি তে আরাম্ভ গোজ্যে, আর ইক্কিনে ইধু এচ্চ্যে।”
6এ কধাগান্ শুনিনে পীলাতে পুযোর্ গুরিলো যীশু গালীল রেজ্যর্ মানুচ্ না কি। 7শাসনগুরিয়্যে হেরোদ শাসন অধীনোত্ যে রেজ্যগান্ আঘে, যীশু সে জাগার্ মানুচ্ কোই পারিনে পীলাতে তারে হেরোদ ইধু পাধেই দিলো। সে অক্তত্ হেরোদেয়ো যিরূশালেমত্ এলঅ। 8যীশুরে দেগিনে হেরোদে ভারী হুজী অলঅ। তে যীশু পৌইদ্যেনে বোউত্ কধা শুন্ন্যে, সেনত্তে তে ভালোক্ দিন্ ধুরিনে তারে চেবাত্তে চেইয়্যে। হেরোদে আজা গোজ্যে যীশু তারে কনঅ আমক্ অবার্ কাম্ গুরি দেগেব। 9সেনত্যে হেরোদ যীশুরে ভালোক্কানি পুযোর্ গুরিলো, মাত্তর্ যীশু কনঅ কধার্ জোব্ ন-দিলো। 10আঝল্ ধর্মগুরুগুনে আর ধর্ম মাষ্টরুনে সিয়েনত্ থিয়্যেইনে রঅ ছাড়িনে যীশুরে দুষ্ দিয়্যে ধুরিলাক্। 11সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো। 12ইয়েন আগেদি হেরোদ আর পীলাতর্ শত্রূতা এলঅ, মাত্তর্ সেদিন্যেত্তুন্ ধুরি তারা ভিদিরে দাংগুত্ব অলঅ।
13পীলাতে সেক্কে আঝল্ ধর্মগুরুগুনোরে, নেতাগুনোরে আর সাধারণ মানুচ্চুনোরে ডাগিনে এগত্তর্ গুরি কলঅ, 14“তুমি এ মানুচ্চোরে এ দুচ্চান্ দিইনে মইধু আন্ন্য, মানুচ্চুনোরে তে সরকার বিরুদ্ধে নেযার্। মাত্তর্ তারে মুই তমা মুজুঙোত্ জেরা গোজ্যং। তুমি তা বিরুদ্ধে যেদক্কানি দুচ্ দুয়োর্ সিয়েনর্ এক্কানত্-অ তে দুষি বিলি প্রমাণ ন-পাং। 15হেরোদেয়ো ঘেচ্চেকগুরি তার্ কনঅ দুচ্ ন-পায়, কিয়া তে তারে আমা ইধু ফেরৎ পাধেয়্যে। তুমি দেগর্, মারে ফেলাইদ্যে ধোক্ক্যেন্ এমন কনঅ অন্যেয় কাম্-অ তে ন গরে। 16সেনত্তে মুই তারে সাজা দিইনে ইরি দিম্। ” 17তে এ কধাগান্ কলঅ কিয়া উদ্ধোর্-পরবর্ সময়োত্ পত্তিবারত্ তাত্তুন্ এক্কো বন্দীরে ইরি দিয়্যে অদঅ।
18বেক্ মানুচ্চুনে একসমারে রঅ ছাড়িনে কুয়ো ধুরিলাক্, “তারে মারে ফেলঅ, তা বদলে বারাব্বারে আমা ইধু ইরি-দুয়ো।” 19এ বারাব্বারে শঅর ভিদিরে বিদ্রোহী আর খুনোখুনিত্যে জেলোত্ দিয়্যে ওইয়্যে। 20মাত্তর্ পীলাতে যীশুরে ইরি দিবাত্তে চেয়্যে, সেনত্তে তে মানুচ্চুনোরে আরঅ সে একই কধা কলঅ। 21মাত্তর্ মানুচ্চুনে ইয়েন্ কোইনে রঅ ছাড়া ধুরিলাক্, “তারে ক্রুশোত্ দুয়ো, ক্রুশোত্ দুয়ো।”
22পীলাতে তিনবার্ মানুচ্চুনোরে কলঅ, “কিত্তে, এ মানুচ্চো কি দুষ্ গোজ্যে? মুই দঅ তার্ কনঅ দুষ্ ন-দেগঙর্ যিয়েন্দোই তারে মরণর্ সাজা দিয়্যে যায়। সেনত্তে তারে মুই অন্য সাজা দেনার্ পর্ ইরি দিম্।” 23মাত্তর্ মানুচ্চুনে যীশুরে ক্রুশোত্ দিবাত্যে রঅ ছাড়া ধুরিলাক্ আর যেরেদি তারা রঅ ছাড়িনে জিদিলাক্। পীলাতে মানুচ্চুনো কধা মানি নেযানা ঠিগ্ গুরিলো। 24-25উল্লোমী আর খুনোত্যে যিবেরে জেলোত্ দিয়্যে ওইয়্যে মানুচ্চুনে তারে চেইয়োন্; সেনত্তে পীলাতে সে মানুচ্চোরে ইরি দিলো আর মানুচ্চুনোর্ আওজ্ মজিম্ যীশুরে মারে ফেলেবাত্যে তারা আঢত্ দিলো।
ক্রুশো উগুরে প্রভু যীশু
(মথি ২৭:৩২-৩৪; মার্ক ১৫:২১-৩২; যোহন ১৯:১৭-২৭)
26সৈন্যগুনে যেক্কে যীশুরে পধেদি নেযাদন্ সেক্কে কুরীণী শঅরর্ শিমোন নাঙে এক্কো মান্জ্যর্ দেগা পেলাক্ যিবে দেজর্ শঅরত্তুন্ এজের্। সৈন্যগুনে তারে বলে ধুরিনে ক্রুশচান্ তা কানাত্ তুলি দিলাক্ যেন তে যীশুর পিজে পিজে সিয়েন্ ভুগি নেযেই পারে। 27বোউত্ মানুচ্ যীশুর্ পিজে পিজে যাদন্। সিগুনো ভিদিরে ভালোক্কুন্ মিলেয়ো এলাক্। তারা বুগ্ চাবেড়ে চাবেড়ে কানদন্। 28যীশু তারা ইন্দি ফিরিনে কলঅ, “যিরূশালেমর্ মিলেগুন, মত্যে ন-কান্ন্য । তমা নিজোত্যে আর তমা পুয়ো-ছাগুনোত্যে কানঅ, 29কিয়া এমন দিন এজের্ যেক্কে মান্জ্যে কবাক্, ‘যিগুনোর্ কনদিন্অ পুয়ো-ছা ন-অয় আর যিগুনে কনদিন্অ বুগো দুধ গুরোগুনোরে ন-খাবান্ সেই ভাঝ্ মিলেগুন বর্পেইয়্যে।’ 30সে সময়োত্ মান্জ্যে দাঙর্ দাঙর্ মূড়োগুনোরে কবাক্, ‘আমা উগুরে পড়অ,’ আর চিগোন্ চিগোন্ মূড়োগুনোরে কবাক্, আমারে নাঢি থঅ। 31গাজ্ এইল্ থাগদে যুনি মান্জ্যে এবাবোত্যে গরন্ সালে গাজ্ শুগুনো অলে পরেদি কি যে অবঅ!”
32সৈন্যগুনে দ্বিজন্ দুষি মান্জ্যরেয়ো মারে ফেলেবাত্যে যীশু সমারে নেযেলাক্। 33যে জাগানরে কুলো চারা কুয়ো অদঅ সিয়েনত্ লুমিনে তারা যীশুরে আর সে দ্বিজন্ দুষিরে ক্রুশোত্ দিলাক্-এক্কোরে যীশুর্ ডেনেদি আর এজজনরে বাঙেদি। 34সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।”
তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্। 35যেক্কেনে ইহূদী নেতাগুনে যীশুরে ঠাট্টা-মশ্কারি গরা ধুরিলাক্ সেক্কেনে মানুচ্চুনে সিয়েনত্ থিয়্যেইনে রিনি চাহ্ ধুরিলাক্। “তে দঅ অন্যগুনোরে রোক্ষ্যে গুরিদো। যুনি তে মশীহ অয় যিবেরে গোজেনে বেঈ লোইয়্যে সালে তে নিজোরে রোক্ষ্যে গোরোক্!”
36সৈন্যগুনেয়ো তারে ঠাট্টা-মশ্কারি গরা ধুরিলাক্। তারা যীশুরে হানা দিবাত্যে তাইধু সির্কা নেযেইনে কলাক্, 37আর কলাক্, “তুই যুনি যিহূদীগুনোর্ রাজা ওই থাচ্ সালে নিজোরে রোক্ষ্যে গর্।”
38ক্রুশোত্ তা মাঢা উগুরেদি এক্কান্ তক্তাত্ এ কধাগান্ লেগা এলঅ, “এ মানুচ্চো যিহূদীগুনোর্ রাজা।”
39যে দ্বিজন দুষি মান্জ্যরে ক্রুশোত্ টাঙা ওইয়্যে তারাত্তুন্ এক্কো যীশুরে অগমান্ গুরিনে কলঅ, “তুই নাকি মশীহ? তুই নিজোরে রোক্ষ্যে গর্ আর আমারেয়ো রোক্ষ্যে গর্।”
40সেক্কে অন্য মানুচ্চো তারে গেইল্ দিইনে কলঅ, “তুই কি গোজেনরে ন-দরাচ্? তুই দঅ এক্কুই সাজা পর্। 41আমি উচিত্ সাজা পেইর্। আমার যিয়েন্ পাওনা আমি সিয়েনই পেইর্, মাত্তর্ এ মানুচ্চো দঅ কনঅ দুচ্ ন-গরে।” 42সে পরেদি তে কলঅ, “যীশু, তুই যেক্কে রাজাগিরি গুরিবাত্যে ফিরি এবে সেক্কে মঅ কধাগান্ ইদোত্ তুলিবে।”
43জোবত্ যীশু তারে কলঅ, “মুই তরে ঘেচ্চ্যেক্গুরি কঙর্, তুই এচ্চ্যে মঅ সমারে স্বর্গত্ লুমিবে।”
প্রভু যীশুর মরণ
(মথি ২৭:৪৫-৫৬; মার্ক ১৫:৩৩-৪১; যোহন ১৯:২৮-৩০)
44-45সেক্কে বেলান্ প্রায় দ্বিবুজ্যে বারটা সময়োত্ যেক্কেনে বেলানে পহ্রান্ বন্ধ গুরিলো আর গোদা দেশ্চান বেল্যেমাদান্ তিনটা সং আন্ধারে ঢাক্যে এলঅ। আর যিরূশালেমর্ উবোসনা-ঘরর্ পর্দাগান সংমোধ্যেদি ফাদিনে দ্বিভাগ্ ওই গেলঅ।
46যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।
47সিয়েনত্ কি ঘুদি যেইয়্যে আর্মি অফিসার্বো দেগিলো, আর তে গোজেনরে বাঈনী গুরিনে কলঅ, “ঘেচ্চ্যেক্গুরি তে গম্ মানুচ্ এলঅ।”
48যে মানুচ্চুনে সিয়েনত্ থুবেয়োন্ সিগুনে এ ঘটনাগান্ দেগিনে বুগ্ চাবাড়াদে চাবাড়াদে সিয়েনত্তুন্ ফিরি গেলাক্। 49যিগুনে যীশুরে চিনিদাক্ আর যে মিলেগুনে গালীলত্তুন্ ধুরি তা সমারে সমারে এচ্চ্যন্ তারা বেক্কুনে দূরোত্ থিয়্যেইনে বেক্কানি দেক্ক্যন্।
প্রভু যীশুর কবর্
(মথি ২৭:৫৭-৬১; মার্ক ১৫:৪২-৪৭; যোহন ১৯:৩৮-৪২)
50যোষেফ নাঙে এক্কো গম্ আর ধার্মিক মানুচ্ বড়সভার্ মেম্বার্ এলঅ। তে অরিমাথিয়া নাঙে যিহূদীগুনোর্ এক্কান আদামর মানুচ্। 51যীশু পৌইদ্যেনে তেম্মাঙ মানুচ্চুনো সমারে তে একমত্ ওই ন-পারে। তে গোজেন রেজ্যত্তে বাজ্জেই আঘে। 52পীলাত ইধু যেইনে তে যীশুর মরা কিয়্যেগান্ মাগি ললঅ। 53পরেদি কিয়্যেগান্ ক্রুশোত্তুন্ লামেইনে কাবড়লোই বেড়েল আর পাত্তর্ কাবিনে বানেয়্যে এক্কান্ গোর ভিদিরে রাগেল। সে গোরানত্ আর কনদিন্অ কাররে থুয়ো ন-অয়।
54সেই দিন্নো এলঅ জিরেবার্ দিনোর্ জুগেলেবার্ দিন। জিরেবার্ দিন্নো পেরায় আরাম্ভ ওই যেইয়্যে। 55যে মিলেগুনে যীশুর পিজেদি গালীলত্তুন্ এচ্চ্যন্ তারা যোষেফ সমারে যেইনে গোরান্ চেলাক্ আর যীশুর কিয়্যেগান্ কিবাবোত্যেগুরি থুয়ো অলঅ সিয়েন অ চেলাক্। 56সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।
Currently Selected:
লূক 23: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
লূক 23
23
পীলাত মুজুঙোত্ প্রভু যীশুর বিচের্
(মথি ২৭:১-২,১১-২৬; মার্ক ১৫:১-১৫; যোহন ১৮:২৮-১৯:১৬)
1সেক্কে সে মিটিঙোত্ বেক্কুনে উদিনে যীশুরে রোমীয় আঝল্ শাসনগুরিয়্যে পীলাত ইধু নেযেলাক্। 2তারা ইয়েন্ কোইনে যীশুর্ বিরুদ্ধে নালিচ্ গরা ধুরিলাক্, “আমি দেক্ক্যেই, এ মানুচ্চো সরকারর্ বিরুদ্ধে আমা মানুচ্চুনোরে নেযার্। তে সম্রাটরে খাজানা দিবাত্যে মানা গরে আর কয় তে নিজেই মশীহ, এক্কো রাজা।”
3পীলাতে যীশুরে পুযোর্ গুরিলো, “তুই কি যিহূদীগুনোর্ রাজা?”
যীশু কলঅ, “তুই ঠিগ্ কধা কোইয়োচ্।”
4সেক্কে পীলাতে আঝল্ ধর্মগুরুগুনোরে আর বেক্ মানুচ্চুনোরে কলঅ, “মুই দঅ এ মানুচ্চোর্ কনঅ দুচ্ ন-দেগঙর্।”
5মাত্তর্ তারা জিদ্ গুরিনে কুয়ো ধুরিলাক্, “যিহূদিয়া রেজ্যর্ বেক্ জাগানিত্ শিক্ষ্যে দিইনে ইবে মানুচ্চুনোরে রাগ্ তুলি দিয়্যে। গালীল রেজ্যত্তুন্ ধুরি তে আরাম্ভ গোজ্যে, আর ইক্কিনে ইধু এচ্চ্যে।”
6এ কধাগান্ শুনিনে পীলাতে পুযোর্ গুরিলো যীশু গালীল রেজ্যর্ মানুচ্ না কি। 7শাসনগুরিয়্যে হেরোদ শাসন অধীনোত্ যে রেজ্যগান্ আঘে, যীশু সে জাগার্ মানুচ্ কোই পারিনে পীলাতে তারে হেরোদ ইধু পাধেই দিলো। সে অক্তত্ হেরোদেয়ো যিরূশালেমত্ এলঅ। 8যীশুরে দেগিনে হেরোদে ভারী হুজী অলঅ। তে যীশু পৌইদ্যেনে বোউত্ কধা শুন্ন্যে, সেনত্তে তে ভালোক্ দিন্ ধুরিনে তারে চেবাত্তে চেইয়্যে। হেরোদে আজা গোজ্যে যীশু তারে কনঅ আমক্ অবার্ কাম্ গুরি দেগেব। 9সেনত্যে হেরোদ যীশুরে ভালোক্কানি পুযোর্ গুরিলো, মাত্তর্ যীশু কনঅ কধার্ জোব্ ন-দিলো। 10আঝল্ ধর্মগুরুগুনে আর ধর্ম মাষ্টরুনে সিয়েনত্ থিয়্যেইনে রঅ ছাড়িনে যীশুরে দুষ্ দিয়্যে ধুরিলাক্। 11সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো। 12ইয়েন আগেদি হেরোদ আর পীলাতর্ শত্রূতা এলঅ, মাত্তর্ সেদিন্যেত্তুন্ ধুরি তারা ভিদিরে দাংগুত্ব অলঅ।
13পীলাতে সেক্কে আঝল্ ধর্মগুরুগুনোরে, নেতাগুনোরে আর সাধারণ মানুচ্চুনোরে ডাগিনে এগত্তর্ গুরি কলঅ, 14“তুমি এ মানুচ্চোরে এ দুচ্চান্ দিইনে মইধু আন্ন্য, মানুচ্চুনোরে তে সরকার বিরুদ্ধে নেযার্। মাত্তর্ তারে মুই তমা মুজুঙোত্ জেরা গোজ্যং। তুমি তা বিরুদ্ধে যেদক্কানি দুচ্ দুয়োর্ সিয়েনর্ এক্কানত্-অ তে দুষি বিলি প্রমাণ ন-পাং। 15হেরোদেয়ো ঘেচ্চেকগুরি তার্ কনঅ দুচ্ ন-পায়, কিয়া তে তারে আমা ইধু ফেরৎ পাধেয়্যে। তুমি দেগর্, মারে ফেলাইদ্যে ধোক্ক্যেন্ এমন কনঅ অন্যেয় কাম্-অ তে ন গরে। 16সেনত্তে মুই তারে সাজা দিইনে ইরি দিম্। ” 17তে এ কধাগান্ কলঅ কিয়া উদ্ধোর্-পরবর্ সময়োত্ পত্তিবারত্ তাত্তুন্ এক্কো বন্দীরে ইরি দিয়্যে অদঅ।
18বেক্ মানুচ্চুনে একসমারে রঅ ছাড়িনে কুয়ো ধুরিলাক্, “তারে মারে ফেলঅ, তা বদলে বারাব্বারে আমা ইধু ইরি-দুয়ো।” 19এ বারাব্বারে শঅর ভিদিরে বিদ্রোহী আর খুনোখুনিত্যে জেলোত্ দিয়্যে ওইয়্যে। 20মাত্তর্ পীলাতে যীশুরে ইরি দিবাত্তে চেয়্যে, সেনত্তে তে মানুচ্চুনোরে আরঅ সে একই কধা কলঅ। 21মাত্তর্ মানুচ্চুনে ইয়েন্ কোইনে রঅ ছাড়া ধুরিলাক্, “তারে ক্রুশোত্ দুয়ো, ক্রুশোত্ দুয়ো।”
22পীলাতে তিনবার্ মানুচ্চুনোরে কলঅ, “কিত্তে, এ মানুচ্চো কি দুষ্ গোজ্যে? মুই দঅ তার্ কনঅ দুষ্ ন-দেগঙর্ যিয়েন্দোই তারে মরণর্ সাজা দিয়্যে যায়। সেনত্তে তারে মুই অন্য সাজা দেনার্ পর্ ইরি দিম্।” 23মাত্তর্ মানুচ্চুনে যীশুরে ক্রুশোত্ দিবাত্যে রঅ ছাড়া ধুরিলাক্ আর যেরেদি তারা রঅ ছাড়িনে জিদিলাক্। পীলাতে মানুচ্চুনো কধা মানি নেযানা ঠিগ্ গুরিলো। 24-25উল্লোমী আর খুনোত্যে যিবেরে জেলোত্ দিয়্যে ওইয়্যে মানুচ্চুনে তারে চেইয়োন্; সেনত্তে পীলাতে সে মানুচ্চোরে ইরি দিলো আর মানুচ্চুনোর্ আওজ্ মজিম্ যীশুরে মারে ফেলেবাত্যে তারা আঢত্ দিলো।
ক্রুশো উগুরে প্রভু যীশু
(মথি ২৭:৩২-৩৪; মার্ক ১৫:২১-৩২; যোহন ১৯:১৭-২৭)
26সৈন্যগুনে যেক্কে যীশুরে পধেদি নেযাদন্ সেক্কে কুরীণী শঅরর্ শিমোন নাঙে এক্কো মান্জ্যর্ দেগা পেলাক্ যিবে দেজর্ শঅরত্তুন্ এজের্। সৈন্যগুনে তারে বলে ধুরিনে ক্রুশচান্ তা কানাত্ তুলি দিলাক্ যেন তে যীশুর পিজে পিজে সিয়েন্ ভুগি নেযেই পারে। 27বোউত্ মানুচ্ যীশুর্ পিজে পিজে যাদন্। সিগুনো ভিদিরে ভালোক্কুন্ মিলেয়ো এলাক্। তারা বুগ্ চাবেড়ে চাবেড়ে কানদন্। 28যীশু তারা ইন্দি ফিরিনে কলঅ, “যিরূশালেমর্ মিলেগুন, মত্যে ন-কান্ন্য । তমা নিজোত্যে আর তমা পুয়ো-ছাগুনোত্যে কানঅ, 29কিয়া এমন দিন এজের্ যেক্কে মান্জ্যে কবাক্, ‘যিগুনোর্ কনদিন্অ পুয়ো-ছা ন-অয় আর যিগুনে কনদিন্অ বুগো দুধ গুরোগুনোরে ন-খাবান্ সেই ভাঝ্ মিলেগুন বর্পেইয়্যে।’ 30সে সময়োত্ মান্জ্যে দাঙর্ দাঙর্ মূড়োগুনোরে কবাক্, ‘আমা উগুরে পড়অ,’ আর চিগোন্ চিগোন্ মূড়োগুনোরে কবাক্, আমারে নাঢি থঅ। 31গাজ্ এইল্ থাগদে যুনি মান্জ্যে এবাবোত্যে গরন্ সালে গাজ্ শুগুনো অলে পরেদি কি যে অবঅ!”
32সৈন্যগুনে দ্বিজন্ দুষি মান্জ্যরেয়ো মারে ফেলেবাত্যে যীশু সমারে নেযেলাক্। 33যে জাগানরে কুলো চারা কুয়ো অদঅ সিয়েনত্ লুমিনে তারা যীশুরে আর সে দ্বিজন্ দুষিরে ক্রুশোত্ দিলাক্-এক্কোরে যীশুর্ ডেনেদি আর এজজনরে বাঙেদি। 34সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।”
তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্। 35যেক্কেনে ইহূদী নেতাগুনে যীশুরে ঠাট্টা-মশ্কারি গরা ধুরিলাক্ সেক্কেনে মানুচ্চুনে সিয়েনত্ থিয়্যেইনে রিনি চাহ্ ধুরিলাক্। “তে দঅ অন্যগুনোরে রোক্ষ্যে গুরিদো। যুনি তে মশীহ অয় যিবেরে গোজেনে বেঈ লোইয়্যে সালে তে নিজোরে রোক্ষ্যে গোরোক্!”
36সৈন্যগুনেয়ো তারে ঠাট্টা-মশ্কারি গরা ধুরিলাক্। তারা যীশুরে হানা দিবাত্যে তাইধু সির্কা নেযেইনে কলাক্, 37আর কলাক্, “তুই যুনি যিহূদীগুনোর্ রাজা ওই থাচ্ সালে নিজোরে রোক্ষ্যে গর্।”
38ক্রুশোত্ তা মাঢা উগুরেদি এক্কান্ তক্তাত্ এ কধাগান্ লেগা এলঅ, “এ মানুচ্চো যিহূদীগুনোর্ রাজা।”
39যে দ্বিজন দুষি মান্জ্যরে ক্রুশোত্ টাঙা ওইয়্যে তারাত্তুন্ এক্কো যীশুরে অগমান্ গুরিনে কলঅ, “তুই নাকি মশীহ? তুই নিজোরে রোক্ষ্যে গর্ আর আমারেয়ো রোক্ষ্যে গর্।”
40সেক্কে অন্য মানুচ্চো তারে গেইল্ দিইনে কলঅ, “তুই কি গোজেনরে ন-দরাচ্? তুই দঅ এক্কুই সাজা পর্। 41আমি উচিত্ সাজা পেইর্। আমার যিয়েন্ পাওনা আমি সিয়েনই পেইর্, মাত্তর্ এ মানুচ্চো দঅ কনঅ দুচ্ ন-গরে।” 42সে পরেদি তে কলঅ, “যীশু, তুই যেক্কে রাজাগিরি গুরিবাত্যে ফিরি এবে সেক্কে মঅ কধাগান্ ইদোত্ তুলিবে।”
43জোবত্ যীশু তারে কলঅ, “মুই তরে ঘেচ্চ্যেক্গুরি কঙর্, তুই এচ্চ্যে মঅ সমারে স্বর্গত্ লুমিবে।”
প্রভু যীশুর মরণ
(মথি ২৭:৪৫-৫৬; মার্ক ১৫:৩৩-৪১; যোহন ১৯:২৮-৩০)
44-45সেক্কে বেলান্ প্রায় দ্বিবুজ্যে বারটা সময়োত্ যেক্কেনে বেলানে পহ্রান্ বন্ধ গুরিলো আর গোদা দেশ্চান বেল্যেমাদান্ তিনটা সং আন্ধারে ঢাক্যে এলঅ। আর যিরূশালেমর্ উবোসনা-ঘরর্ পর্দাগান সংমোধ্যেদি ফাদিনে দ্বিভাগ্ ওই গেলঅ।
46যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।
47সিয়েনত্ কি ঘুদি যেইয়্যে আর্মি অফিসার্বো দেগিলো, আর তে গোজেনরে বাঈনী গুরিনে কলঅ, “ঘেচ্চ্যেক্গুরি তে গম্ মানুচ্ এলঅ।”
48যে মানুচ্চুনে সিয়েনত্ থুবেয়োন্ সিগুনে এ ঘটনাগান্ দেগিনে বুগ্ চাবাড়াদে চাবাড়াদে সিয়েনত্তুন্ ফিরি গেলাক্। 49যিগুনে যীশুরে চিনিদাক্ আর যে মিলেগুনে গালীলত্তুন্ ধুরি তা সমারে সমারে এচ্চ্যন্ তারা বেক্কুনে দূরোত্ থিয়্যেইনে বেক্কানি দেক্ক্যন্।
প্রভু যীশুর কবর্
(মথি ২৭:৫৭-৬১; মার্ক ১৫:৪২-৪৭; যোহন ১৯:৩৮-৪২)
50যোষেফ নাঙে এক্কো গম্ আর ধার্মিক মানুচ্ বড়সভার্ মেম্বার্ এলঅ। তে অরিমাথিয়া নাঙে যিহূদীগুনোর্ এক্কান আদামর মানুচ্। 51যীশু পৌইদ্যেনে তেম্মাঙ মানুচ্চুনো সমারে তে একমত্ ওই ন-পারে। তে গোজেন রেজ্যত্তে বাজ্জেই আঘে। 52পীলাত ইধু যেইনে তে যীশুর মরা কিয়্যেগান্ মাগি ললঅ। 53পরেদি কিয়্যেগান্ ক্রুশোত্তুন্ লামেইনে কাবড়লোই বেড়েল আর পাত্তর্ কাবিনে বানেয়্যে এক্কান্ গোর ভিদিরে রাগেল। সে গোরানত্ আর কনদিন্অ কাররে থুয়ো ন-অয়।
54সেই দিন্নো এলঅ জিরেবার্ দিনোর্ জুগেলেবার্ দিন। জিরেবার্ দিন্নো পেরায় আরাম্ভ ওই যেইয়্যে। 55যে মিলেগুনে যীশুর পিজেদি গালীলত্তুন্ এচ্চ্যন্ তারা যোষেফ সমারে যেইনে গোরান্ চেলাক্ আর যীশুর কিয়্যেগান্ কিবাবোত্যেগুরি থুয়ো অলঅ সিয়েন অ চেলাক্। 56সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society