লূক 8
8
1-2পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্; 3রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।
এক্কো চাষাবলার্ হিত্ত্য
(মথি ১২:৪৬-১৩:২৩; মার্ক ৩:৩২-৪:২৫)
4সেই অক্তত্ নানান্ আদামত্তুন্ বোউত্ মানুচ্ যীশু ইধু এইনে ভিড়্ গুরিলাক্। সেক্কে তে তারারে শিক্ষ্যে দিবাত্তে এ হিত্ত্যবো কলঅ: 5“এক্কো চাষাবলা বীজ্ ফেলেবাত্তে গেলঅ। বীজ্ ফেলেবার্ অক্তত্ কয়েক্কো বীজ্ পদ পাজারাত্ পড়িলাক্। মানুচ্চুনে সিগুন টেঙোই মাড়িলাক্ আর পেগ্কুনে এইনে হেই ফেলেলাক্। 6কয়েক্কো বীজ্ শিলো ভূইয়োত্ পড়িনে গেজেই উদিলাক্, মাত্তর্ রস্ ন-পেইনে শুগেই গেলাক্। 7আরঅ কয়েক্কো বীজ্ কাদাঝার ভিদিরে পড়িলাক্। পরেদি কাদাগাজ্ সেই চারাগুনো লগে বাড়ি উদিনে সিগুন্ চাপি রাগেল। 8আরঅ কয়েক্কো বীজ্ গম্ ভূইয়োত্ পড়িলাক্ আহ্ দাঙর্ ওইনে একশ গুণ ফসল বাড়িলাক্।”
এ কধাগান কনার্ পরেদি যীশু শেজদি কলঅ, “যিবের্ শুনিবার্ কান্ আঘে তে শুনোক্।”
9ইয়েনর্ পরেদি তা শিচ্চ্যগুনে তারে সেই হিত্ত্যবোর্ অত্তগান্ পুযোর্ গুরিলাক্। 10সেক্কে যীশু কলঅ, গোজেন রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে, মাত্তর্ অন্যগুনো ইধু মুই সিয়েনি হিত্ত্যলোই কং, যেন তারা রিনি চেইনেয়ো ন-দেগন্ আর শুনিনেয়ো ন-বুঝোন্।
11হিত্ত্যেবোর্ অত্তগান্ ইয়েন: বীজ্ অলঅ গোজেনর্ কধা। 12পধ পাজারাত্ পোজ্যে বীজ্চুনো মাধ্যমে তারা পৌইদ্যেনে কুয়ো ওইয়্যে যিগুনে সেই কধানি শুনোন্ ঠিগ্, মাত্তর্ পরেদি শদানে এইনে তারা মনত্তুন্ সিয়েনি তুলি নেযায়। সেক্কে তারা সিয়েন বিশ্বেজ্ গুরি ন-পারন্ বিলি পাপত্তুন্ উদ্ধোর্ ন-পান্। 13শিলো ভূইয়োত্ পোজ্যে বীজ্চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সেই কধানি শুনিনে হুজিয়ে মানি লন্, মাত্তর্ তারা ইধু সিগুনোর্ শিঙোরানি গমেডালে ন-বজে। সেনত্তে তারা থরা কয়েক দিনোত্তে বিশ্বেজ্ গরন, মাত্তর্ যেক্কে পোরোক্ষ্যে এজে সেক্কে পিজেদি যান্। 14কাদা ঝুবো ভিদিরে পোজ্যে বীজ্চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সিয়েনি শুনোন্, মাত্তর্ জিংকানির-পধত্ যাদে যাদে সংসারর্ চিদে-চজ্জালোই, ধন-সোম্বোত্তি আর সুগে থাগদে থাগদে সিয়েনি চাপা পড়ি যায়। সেক্কে তারা জিংকানিত্ কনঅ পাগানা ফল দেগা ন-যায়। 15গম্ ভূইয়োত্ পোজ্যে বীজ্চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।
16“কনজনে চেরাগ জ্বালেইনে কনঅ পিলেলোই সিবে নাঢি ন-রাগান্ বা চুগি তলে ন-থন্। তে সিবে চেরাগ থগ উগুরে থন্ যেন ভিদিরে যিগুনে এজন্ তারা পহর্ দেগন্। 17এমন কিজু লুগেয়্যে নেই যিয়েনি ফগদাং ন-অবঅ, বা এমন কিজু গুমরত্ নেই যিয়েনি হবর্ পাহ্ ন-যেবঅ বা ফগদাং ন-অবঅ। 18উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”
19যীশুর্ মাবো আর ভেইয়ুনে তাইধু এলাক্ মাত্তর্ ভিড়োত্তে তা লগে দেগা গুরি ন-পারিলাক্। 20সেক্কে এক্কো মানুচ্ তারে কলঅ, “তঅ মাবো আর তঅ ভেইয়ুনে তঅ লগে দেগা গুরিবাত্তে বারেদি থিয়্যেই আগন্।”
21যীশু বেক্ মানুচ্চুনোরে কলঅ, “যিগুনে গোজেনর্ কধা শুনিনে সেবাবোত্যেগুরি পালান্ তারা মর্ মা আর ভেই।”
ঝড় থামানা
(মথি ৮:২৩-২৭; মার্ক ৪:৩৫-৪১)
22একদিন্ন্যে যীশু আর তা শিচ্চ্যগুনে এক্কান্ নত্ উদিলাক্। তে শিচ্চ্যগুনোরে কলঅ, “আঢ, আমি সাগর উইপারত্ যেই।”
শিচ্চ্যগুনে নগান্ ছাড়িলাক্। 23নগান্ যাহ্ ধুরিলে যীশু ঘুমোত্ পড়িলো। সে অক্তত্ আবাদা গুরিনে সাগরত্ বজমান্ বৈয়্যের্ উদিলো আর নগান্ পানিলোই ভর্পুনোং ওয়া ধুরিলো। সেক্কে তারা অমকদ দযাত্ পড়িলাক্। 24তারা যীশু ইধু যেইনে তারে জাগেইনে কলাক্, “প্রভু, প্রভু, আমি দঅ মল্লং!”
সেক্কে যীশু উদিনে বোইয়্যের্ আর পানির্ তুবোলানরে ধমক্ দিলো। সেলক্কে বোইয়্যের্ আর তুবোলান্ থামেল আহ্ বেক্কানি জুরঅ ওই গেলঅ। 25তে শিচ্চ্যগুনোরে কলঅ, তমা বিশ্বেজ্চান কুদু?
শিচ্চ্যগুনে ভোক্তিবলা দরে আমক্ ওইনে নিজো ভিদিরে কুয়ো কি গরা ধুরিলাক্, “ইবে কন্না, যিবে বোইয়্যের্ আর পানিগানরে উগুম্ দিলে পর তারায়ো তা কধা শুনোন্?”
ভান্ন্যেই আত্মায় পেইয়্যে মানুচ্চো গম্ অলঅ
(মথি ৮:২৮-৩৪; মার্ক ৫:১-২০)
26ইয়েনর্ পরেদি যীশু আর তা শিচ্চ্যগুনে সাগরান্ পার্ ওইনে গালীল রেজ্যর্ উইপারন্দি গেরাসেনীগুনোর্ চাগালাত্ গেলাক্। 27তে যেক্কে নগানত্তুন্ লামিলো সেক্কে সিদুগো আদামর্ এক্কো মানুচ্ তাইধু এলঅ। সে মানুচ্চোরে ভালোক্কুন্ ভান্ন্যেই আত্মায় পেইয়্যে বিলি তে ভালোক্ দিন ধুরিনে কাবড়-চুগোড় ন-পিনিদো আর ঘরত্ ন-থেইনে চিদাখলাত্ থেদঅ। 28যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”
29মানুচ্চো এ কধাগান্ কলঅ কিয়া যীশু সেই ভান্ন্যেই আত্মাবোরে তা ভিদিরেত্তুন্ নিগিলি যেবাত্তে উগুম্ দিয়্যে। সেই ভান্ন্যেই আত্মাবো বার্ বার্ গুরি মানুচ্চোরে আজাবোদে ধুরিদো। যুনিয়ো সেক্কে তা আঢ্-টেঙানি শিগোল্লোই বান্ন্যে এলঅ আর তারে চুগি দিয়্যে অদঅ তুয়ো তে সেই শিগোলান্ ছিনি ফেলেদ, আর সেই ভান্ন্যেই আত্মাগানে তারে নিরিবিলি জাগাত্ লোড়েই নেযেদ। 30যীশু তারে পুযোর্ গুরিলো, “তঅ নাঙান্ কি?”
তে কলঅ, “বাহিনী,” কিয়া ভালোক্কুন্ ভান্ন্যেই আত্মা তা ভিদিরে চোম্মোন্। 31সেক্কে সেই আত্মাগুনে যীশুরে কোজোলী গরা ধুরিলাক্ যেন তে তারারে তলা নেইয়্যে গাঢত্ ন-পাদায়।
32-33সিদু মুড়ো পারত্ খুব দাঙর্ এক পাল্ শূগোর্ চড়দন্। ভান্ন্যেই আত্মাগুনে যীশুরে কোজোলী গুরিলাক্ যেন তে সেই শূগোরুনো ভিদিরে চোমেবাত্তে তারারে উগুম্ দে। তে অনুমতি দেনার্ পরেদি তারা মানুচ্চো ভিদিরেত্তুন্ নিগিলিনে শূগোরুনো ভিদিরে চোমেলাক্। সেক্কে সেই শূগুরো পাল্লো সাগর কলগ পারদি জোরে ধাবা যেইনে পানিত্ ডুবি মুরিলাক্।
34যিগুনে শূগোর্ চড়াদন্ তারা এ ঘটনাগান্ দেগিনে ধাবা যেইনে সেই আদামত্ আর তা কায়কুরে বেক্ জাগানিত্ এ হবরান্ দিলাক্। 35কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্। 36যিগুনে সেই ঘটনাগান্ দেখ্যন্ তারা সেই মানুচ্চুনো ইধু কলাক্ কেধোক্ক্যেন্ গুরিনে মানুচ্চো গম্ ওইয়্যে। 37সেক্কে গাদারীয়গুনো চাগালাত্ বেক্ মানুচ্চুনে যীশুরে তারাত্তুন্ যেবাত্তে কোজোলী গুরিলাক্, কিয়া তারা অমকদ দোরেয়োন্।
সেক্কে যীশু ফিরি যেবাত্তে নত্ উদিলো। 38যে মানুচ্চো ভিদিরেত্তুন্ ভান্ন্যেই আত্মাগুন্ নিগিলি যেইয়োন্ সে মানুচ্চো যীশুরে কোজোলী গুরিলো যেন তে তা সমারে যেই পারে। মাত্তর্ যীশু তারে এ কধাগান্ কোইনে ঘরত্ পাধেই দিলো, 39“তুই ঘরত্ ফিরি যাহ্ আর গোজেনে তত্তেই কত্তমান্ দাঙর্ কাম্ গোজ্যে সিয়েন্ ফগদাং গর্।”
সে মানুচ্চো সেক্কে আদামত্ গেলঅ আর যীশু তাত্তেই কত্তমান্ দাঙর্ কাম্ গোজ্যে সিয়েন্ বেক্ জাগাইধু কুয়োই কুয়োই বেড়া ধুরিলো।
এক্কো মরা মিলেছ আর এক্কো পীড়েল্যে মিলে
(মথি ৯:১৮-২৬; মার্ক ৫:২১-৪৩)
40যীশু অন্য পারত্ ফিরি যানার্ পরেদি সিদুগো মানুচ্চুনে তারে হুজি মনে মানি ললাক্, কিয়া তারা তাত্তেই বাজ্জেই আগন্। 41যেরেদি যায়ীর নাঙে সমাজ-ঘরর্ এক্কো নেতা এইনে যীশু টেঙত্ তলে পড়িলো। 42তে যীশুরে তা ঘরত্ এবাত্তে কোজোলী গরা ধুরিলো, কিয়া তার বার বোজোজ্যে এক্কোগুরি ঝি মরং মরং ওইয়্যে।
যীশু যেক্কে যার্ সেক্কে মানুচ্চুনে তা চেরোকিত্তেদি ভিড়্ গুরিনে ঠেলাঠিলি গত্তন্। 43তারা ইত্তুন্ এক্কো মিলে বার বজর্ ধুরি মিলেপীড়েত্ ভুগের্। ডাক্তরুনো পিজেদি তে তার্ বেক্কুন্ খরচ্ গোজ্যে, মাত্তর্ কনজনে তারে গম্ গুরি ন-পারন্। 44তে পিজেন্দিত্তুন্ যীশু ইধু এইনে তা কাবড় কণাবো ধুরিলো, আর সেক্কেনে লগে লগে তা পীড়েগান গম্ অলঅ। 45সেক্কে যীশু কলঅ, “কন্না মরে ধুরিলো?”
বেক্কুনে অস্বীগের্ গরানার্ পরেদি পিতর আর তা সমাজ্যেগুনে যীশুরে কলাক্, “গুরু, মানুচ্চুনে তঅ চেরোকিত্তে চাপাচাপি গুরি তঅ উগুরে পত্তন্।”
46তো যীশু কলঅ, “মুই হবর্ পাং কেঅ মরে ধোজ্যন্, কিত্যে মুই বুঝি পারিলুং মঅ ভিদিরেত্তুন্ খেমতাগান নিগিলিলো।”
47সে মিলেবো যেক্কে দেগিলো তে ধরা পোজ্যে সেক্কে গির্গিরেদে গির্গিরেদে যীশু মুজুঙোত্ তে মাঢা নিগিরি পড়িলো। যেরেদি বেক্কুনো মুজুঙোত্ তে যীশুরে কলঅ কিত্তে তে তারে ধোজ্যে, আর কেধোক্ক্যেন্গুরি তে সেক্কে গম্ ওইয়্যে। 48সেক্কে যীশু সে মিলেবোরে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্।”
49যীশু সেক্কেয়ো কধা কর্ এমন সময় সেই সমাজ-ঘরর্ নেতাবো ঘরত্তুন্ একজনে এইনে কলঅ, তঅ ঝিবো মুরি যেইয়্যে; প্রভুরে আর দুঘ্ ন-দিচ্।
50এ কধাগান্ শুনিনে যীশু যায়ীররে কলঅ, “ন-দোরেচ্; বানা বিশ্বেজ্ গর্, সিয়েন্দোই তে বাঁজিবো।”
51যেক্কে যীশু ঘরত্ লুমিলো সেক্কে পিতর, যোহন, যাকোব আর মিলেবোর্ মা-বাপ্ বাদে আর্ কাররে ঘর ভিদিরে যেবাত্তে ন-দিলো। 52বেক্কুনে মিলেবোত্তে কানাকুদি আর আবিলেচ্ গত্তন্। সেক্কে যীশু কলঅ, “আর ন-কান্ন্য। মিলেবো মুরি ন-যায়, ঘুম্ যাত্তে।”
53মানুচ্চুনে ঠাট্টা গরা ধুরিলাক্, কিয়া তারা হবর্ পেদাক্ মিলেবো মুরি যেইয়্যে। 54যেরেদি যীশু মিলেবো আঢ্তানি ধুরি ডাগিনে কলঅ, “চিজি, উঠ্।”
55ইয়েন্দোই মিলেবো পরাণান্ ফিরি এলঅ, আর তে সেক্কেনে উদিনে থিয়্যেল। সেক্কে যীশু উগুম্ গুরিলো যেন মিলেবোরে কিজু হেবাত্তে দিয়্যে অয়। 56মিলেবো মা-বাবে অমকদ আমক্ ওই যেইয়োন্, মাত্তর্ যীশু তারারে মানা গুরি দিয়্যে যেন এ ঘটনায়ানর্ কধা তারা কাররে ন-কন্।
Currently Selected:
লূক 8: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
লূক 8
8
1-2পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্; 3রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।
এক্কো চাষাবলার্ হিত্ত্য
(মথি ১২:৪৬-১৩:২৩; মার্ক ৩:৩২-৪:২৫)
4সেই অক্তত্ নানান্ আদামত্তুন্ বোউত্ মানুচ্ যীশু ইধু এইনে ভিড়্ গুরিলাক্। সেক্কে তে তারারে শিক্ষ্যে দিবাত্তে এ হিত্ত্যবো কলঅ: 5“এক্কো চাষাবলা বীজ্ ফেলেবাত্তে গেলঅ। বীজ্ ফেলেবার্ অক্তত্ কয়েক্কো বীজ্ পদ পাজারাত্ পড়িলাক্। মানুচ্চুনে সিগুন টেঙোই মাড়িলাক্ আর পেগ্কুনে এইনে হেই ফেলেলাক্। 6কয়েক্কো বীজ্ শিলো ভূইয়োত্ পড়িনে গেজেই উদিলাক্, মাত্তর্ রস্ ন-পেইনে শুগেই গেলাক্। 7আরঅ কয়েক্কো বীজ্ কাদাঝার ভিদিরে পড়িলাক্। পরেদি কাদাগাজ্ সেই চারাগুনো লগে বাড়ি উদিনে সিগুন্ চাপি রাগেল। 8আরঅ কয়েক্কো বীজ্ গম্ ভূইয়োত্ পড়িলাক্ আহ্ দাঙর্ ওইনে একশ গুণ ফসল বাড়িলাক্।”
এ কধাগান কনার্ পরেদি যীশু শেজদি কলঅ, “যিবের্ শুনিবার্ কান্ আঘে তে শুনোক্।”
9ইয়েনর্ পরেদি তা শিচ্চ্যগুনে তারে সেই হিত্ত্যবোর্ অত্তগান্ পুযোর্ গুরিলাক্। 10সেক্কে যীশু কলঅ, গোজেন রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে, মাত্তর্ অন্যগুনো ইধু মুই সিয়েনি হিত্ত্যলোই কং, যেন তারা রিনি চেইনেয়ো ন-দেগন্ আর শুনিনেয়ো ন-বুঝোন্।
11হিত্ত্যেবোর্ অত্তগান্ ইয়েন: বীজ্ অলঅ গোজেনর্ কধা। 12পধ পাজারাত্ পোজ্যে বীজ্চুনো মাধ্যমে তারা পৌইদ্যেনে কুয়ো ওইয়্যে যিগুনে সেই কধানি শুনোন্ ঠিগ্, মাত্তর্ পরেদি শদানে এইনে তারা মনত্তুন্ সিয়েনি তুলি নেযায়। সেক্কে তারা সিয়েন বিশ্বেজ্ গুরি ন-পারন্ বিলি পাপত্তুন্ উদ্ধোর্ ন-পান্। 13শিলো ভূইয়োত্ পোজ্যে বীজ্চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সেই কধানি শুনিনে হুজিয়ে মানি লন্, মাত্তর্ তারা ইধু সিগুনোর্ শিঙোরানি গমেডালে ন-বজে। সেনত্তে তারা থরা কয়েক দিনোত্তে বিশ্বেজ্ গরন, মাত্তর্ যেক্কে পোরোক্ষ্যে এজে সেক্কে পিজেদি যান্। 14কাদা ঝুবো ভিদিরে পোজ্যে বীজ্চুনোর্ মাধ্যমে সিগুনো পৌইদ্যেনে কুয়ো ওইয়্যে যিগুনে সিয়েনি শুনোন্, মাত্তর্ জিংকানির-পধত্ যাদে যাদে সংসারর্ চিদে-চজ্জালোই, ধন-সোম্বোত্তি আর সুগে থাগদে থাগদে সিয়েনি চাপা পড়ি যায়। সেক্কে তারা জিংকানিত্ কনঅ পাগানা ফল দেগা ন-যায়। 15গম্ ভূইয়োত্ পোজ্যে বীজ্চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।
16“কনজনে চেরাগ জ্বালেইনে কনঅ পিলেলোই সিবে নাঢি ন-রাগান্ বা চুগি তলে ন-থন্। তে সিবে চেরাগ থগ উগুরে থন্ যেন ভিদিরে যিগুনে এজন্ তারা পহর্ দেগন্। 17এমন কিজু লুগেয়্যে নেই যিয়েনি ফগদাং ন-অবঅ, বা এমন কিজু গুমরত্ নেই যিয়েনি হবর্ পাহ্ ন-যেবঅ বা ফগদাং ন-অবঅ। 18উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”
19যীশুর্ মাবো আর ভেইয়ুনে তাইধু এলাক্ মাত্তর্ ভিড়োত্তে তা লগে দেগা গুরি ন-পারিলাক্। 20সেক্কে এক্কো মানুচ্ তারে কলঅ, “তঅ মাবো আর তঅ ভেইয়ুনে তঅ লগে দেগা গুরিবাত্তে বারেদি থিয়্যেই আগন্।”
21যীশু বেক্ মানুচ্চুনোরে কলঅ, “যিগুনে গোজেনর্ কধা শুনিনে সেবাবোত্যেগুরি পালান্ তারা মর্ মা আর ভেই।”
ঝড় থামানা
(মথি ৮:২৩-২৭; মার্ক ৪:৩৫-৪১)
22একদিন্ন্যে যীশু আর তা শিচ্চ্যগুনে এক্কান্ নত্ উদিলাক্। তে শিচ্চ্যগুনোরে কলঅ, “আঢ, আমি সাগর উইপারত্ যেই।”
শিচ্চ্যগুনে নগান্ ছাড়িলাক্। 23নগান্ যাহ্ ধুরিলে যীশু ঘুমোত্ পড়িলো। সে অক্তত্ আবাদা গুরিনে সাগরত্ বজমান্ বৈয়্যের্ উদিলো আর নগান্ পানিলোই ভর্পুনোং ওয়া ধুরিলো। সেক্কে তারা অমকদ দযাত্ পড়িলাক্। 24তারা যীশু ইধু যেইনে তারে জাগেইনে কলাক্, “প্রভু, প্রভু, আমি দঅ মল্লং!”
সেক্কে যীশু উদিনে বোইয়্যের্ আর পানির্ তুবোলানরে ধমক্ দিলো। সেলক্কে বোইয়্যের্ আর তুবোলান্ থামেল আহ্ বেক্কানি জুরঅ ওই গেলঅ। 25তে শিচ্চ্যগুনোরে কলঅ, তমা বিশ্বেজ্চান কুদু?
শিচ্চ্যগুনে ভোক্তিবলা দরে আমক্ ওইনে নিজো ভিদিরে কুয়ো কি গরা ধুরিলাক্, “ইবে কন্না, যিবে বোইয়্যের্ আর পানিগানরে উগুম্ দিলে পর তারায়ো তা কধা শুনোন্?”
ভান্ন্যেই আত্মায় পেইয়্যে মানুচ্চো গম্ অলঅ
(মথি ৮:২৮-৩৪; মার্ক ৫:১-২০)
26ইয়েনর্ পরেদি যীশু আর তা শিচ্চ্যগুনে সাগরান্ পার্ ওইনে গালীল রেজ্যর্ উইপারন্দি গেরাসেনীগুনোর্ চাগালাত্ গেলাক্। 27তে যেক্কে নগানত্তুন্ লামিলো সেক্কে সিদুগো আদামর্ এক্কো মানুচ্ তাইধু এলঅ। সে মানুচ্চোরে ভালোক্কুন্ ভান্ন্যেই আত্মায় পেইয়্যে বিলি তে ভালোক্ দিন ধুরিনে কাবড়-চুগোড় ন-পিনিদো আর ঘরত্ ন-থেইনে চিদাখলাত্ থেদঅ। 28যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”
29মানুচ্চো এ কধাগান্ কলঅ কিয়া যীশু সেই ভান্ন্যেই আত্মাবোরে তা ভিদিরেত্তুন্ নিগিলি যেবাত্তে উগুম্ দিয়্যে। সেই ভান্ন্যেই আত্মাবো বার্ বার্ গুরি মানুচ্চোরে আজাবোদে ধুরিদো। যুনিয়ো সেক্কে তা আঢ্-টেঙানি শিগোল্লোই বান্ন্যে এলঅ আর তারে চুগি দিয়্যে অদঅ তুয়ো তে সেই শিগোলান্ ছিনি ফেলেদ, আর সেই ভান্ন্যেই আত্মাগানে তারে নিরিবিলি জাগাত্ লোড়েই নেযেদ। 30যীশু তারে পুযোর্ গুরিলো, “তঅ নাঙান্ কি?”
তে কলঅ, “বাহিনী,” কিয়া ভালোক্কুন্ ভান্ন্যেই আত্মা তা ভিদিরে চোম্মোন্। 31সেক্কে সেই আত্মাগুনে যীশুরে কোজোলী গরা ধুরিলাক্ যেন তে তারারে তলা নেইয়্যে গাঢত্ ন-পাদায়।
32-33সিদু মুড়ো পারত্ খুব দাঙর্ এক পাল্ শূগোর্ চড়দন্। ভান্ন্যেই আত্মাগুনে যীশুরে কোজোলী গুরিলাক্ যেন তে সেই শূগোরুনো ভিদিরে চোমেবাত্তে তারারে উগুম্ দে। তে অনুমতি দেনার্ পরেদি তারা মানুচ্চো ভিদিরেত্তুন্ নিগিলিনে শূগোরুনো ভিদিরে চোমেলাক্। সেক্কে সেই শূগুরো পাল্লো সাগর কলগ পারদি জোরে ধাবা যেইনে পানিত্ ডুবি মুরিলাক্।
34যিগুনে শূগোর্ চড়াদন্ তারা এ ঘটনাগান্ দেগিনে ধাবা যেইনে সেই আদামত্ আর তা কায়কুরে বেক্ জাগানিত্ এ হবরান্ দিলাক্। 35কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্। 36যিগুনে সেই ঘটনাগান্ দেখ্যন্ তারা সেই মানুচ্চুনো ইধু কলাক্ কেধোক্ক্যেন্ গুরিনে মানুচ্চো গম্ ওইয়্যে। 37সেক্কে গাদারীয়গুনো চাগালাত্ বেক্ মানুচ্চুনে যীশুরে তারাত্তুন্ যেবাত্তে কোজোলী গুরিলাক্, কিয়া তারা অমকদ দোরেয়োন্।
সেক্কে যীশু ফিরি যেবাত্তে নত্ উদিলো। 38যে মানুচ্চো ভিদিরেত্তুন্ ভান্ন্যেই আত্মাগুন্ নিগিলি যেইয়োন্ সে মানুচ্চো যীশুরে কোজোলী গুরিলো যেন তে তা সমারে যেই পারে। মাত্তর্ যীশু তারে এ কধাগান্ কোইনে ঘরত্ পাধেই দিলো, 39“তুই ঘরত্ ফিরি যাহ্ আর গোজেনে তত্তেই কত্তমান্ দাঙর্ কাম্ গোজ্যে সিয়েন্ ফগদাং গর্।”
সে মানুচ্চো সেক্কে আদামত্ গেলঅ আর যীশু তাত্তেই কত্তমান্ দাঙর্ কাম্ গোজ্যে সিয়েন্ বেক্ জাগাইধু কুয়োই কুয়োই বেড়া ধুরিলো।
এক্কো মরা মিলেছ আর এক্কো পীড়েল্যে মিলে
(মথি ৯:১৮-২৬; মার্ক ৫:২১-৪৩)
40যীশু অন্য পারত্ ফিরি যানার্ পরেদি সিদুগো মানুচ্চুনে তারে হুজি মনে মানি ললাক্, কিয়া তারা তাত্তেই বাজ্জেই আগন্। 41যেরেদি যায়ীর নাঙে সমাজ-ঘরর্ এক্কো নেতা এইনে যীশু টেঙত্ তলে পড়িলো। 42তে যীশুরে তা ঘরত্ এবাত্তে কোজোলী গরা ধুরিলো, কিয়া তার বার বোজোজ্যে এক্কোগুরি ঝি মরং মরং ওইয়্যে।
যীশু যেক্কে যার্ সেক্কে মানুচ্চুনে তা চেরোকিত্তেদি ভিড়্ গুরিনে ঠেলাঠিলি গত্তন্। 43তারা ইত্তুন্ এক্কো মিলে বার বজর্ ধুরি মিলেপীড়েত্ ভুগের্। ডাক্তরুনো পিজেদি তে তার্ বেক্কুন্ খরচ্ গোজ্যে, মাত্তর্ কনজনে তারে গম্ গুরি ন-পারন্। 44তে পিজেন্দিত্তুন্ যীশু ইধু এইনে তা কাবড় কণাবো ধুরিলো, আর সেক্কেনে লগে লগে তা পীড়েগান গম্ অলঅ। 45সেক্কে যীশু কলঅ, “কন্না মরে ধুরিলো?”
বেক্কুনে অস্বীগের্ গরানার্ পরেদি পিতর আর তা সমাজ্যেগুনে যীশুরে কলাক্, “গুরু, মানুচ্চুনে তঅ চেরোকিত্তে চাপাচাপি গুরি তঅ উগুরে পত্তন্।”
46তো যীশু কলঅ, “মুই হবর্ পাং কেঅ মরে ধোজ্যন্, কিত্যে মুই বুঝি পারিলুং মঅ ভিদিরেত্তুন্ খেমতাগান নিগিলিলো।”
47সে মিলেবো যেক্কে দেগিলো তে ধরা পোজ্যে সেক্কে গির্গিরেদে গির্গিরেদে যীশু মুজুঙোত্ তে মাঢা নিগিরি পড়িলো। যেরেদি বেক্কুনো মুজুঙোত্ তে যীশুরে কলঅ কিত্তে তে তারে ধোজ্যে, আর কেধোক্ক্যেন্গুরি তে সেক্কে গম্ ওইয়্যে। 48সেক্কে যীশু সে মিলেবোরে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্।”
49যীশু সেক্কেয়ো কধা কর্ এমন সময় সেই সমাজ-ঘরর্ নেতাবো ঘরত্তুন্ একজনে এইনে কলঅ, তঅ ঝিবো মুরি যেইয়্যে; প্রভুরে আর দুঘ্ ন-দিচ্।
50এ কধাগান্ শুনিনে যীশু যায়ীররে কলঅ, “ন-দোরেচ্; বানা বিশ্বেজ্ গর্, সিয়েন্দোই তে বাঁজিবো।”
51যেক্কে যীশু ঘরত্ লুমিলো সেক্কে পিতর, যোহন, যাকোব আর মিলেবোর্ মা-বাপ্ বাদে আর্ কাররে ঘর ভিদিরে যেবাত্তে ন-দিলো। 52বেক্কুনে মিলেবোত্তে কানাকুদি আর আবিলেচ্ গত্তন্। সেক্কে যীশু কলঅ, “আর ন-কান্ন্য। মিলেবো মুরি ন-যায়, ঘুম্ যাত্তে।”
53মানুচ্চুনে ঠাট্টা গরা ধুরিলাক্, কিয়া তারা হবর্ পেদাক্ মিলেবো মুরি যেইয়্যে। 54যেরেদি যীশু মিলেবো আঢ্তানি ধুরি ডাগিনে কলঅ, “চিজি, উঠ্।”
55ইয়েন্দোই মিলেবো পরাণান্ ফিরি এলঅ, আর তে সেক্কেনে উদিনে থিয়্যেল। সেক্কে যীশু উগুম্ গুরিলো যেন মিলেবোরে কিজু হেবাত্তে দিয়্যে অয়। 56মিলেবো মা-বাবে অমকদ আমক্ ওই যেইয়োন্, মাত্তর্ যীশু তারারে মানা গুরি দিয়্যে যেন এ ঘটনায়ানর্ কধা তারা কাররে ন-কন্।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society