लुका 21
21
बीढुवै याछ भेटी
(मर्कूस १२:४१-४४)
1धनी भर्मीकै लाहा-लहो भेटी मन्दिरौ दान बाकसाङ कामन लेच येशूये डाङा। 2होटै काट गरीब बीढुवै र टामौ नीस सीक्का कामन लेच येशूये डाङा। 3इसे डाङार येशूये डेया, “साँच्ची न ङा नाखुरीककी डेले, इसे गरीब बीढुवै पट्टकै डेनाङ वास्टै भेटी कामने। 4हीजैडेनाङ अरुकै चहीँ लहो परसस्ट धन लकीङ भेटी कामने, टर इसे गरीब बीढुवै च मेल्हौ जीबीका क्योट्की पर्च पट्ट न याम्हने।”
संसारौ अन्टीमाङ डाङ्च चीन्हको
(मत्ती २४:१-१४; मर्कूस १३:१-१३)
5कुडीक चेलाकै, सेछ-सेछ ल्हुङै खास्च र चढडीच सामानकै सीङ्गारीच परमेश्वरौ मन्दिरौ बारेयाङ कुरा जाट्न न लेया। होटै येशूये डेया, 6“नाखुरीकै चाहाँ ही डाङ्न ङुमने, कायाक याङ्च समय राल्हे काट ल्हुङ टकी अर्को ल्हुङ माछान्ले, होसे पट्ट न भट्कडीले।”
7होखुरीकै गीना, “गुरुज्यु, याङ्च सेन छान्ले? अनी याङ्च कुरा छान्की पानाङ ही चीन्ह छान्ले?” 8होटै येशूये डेया, “होसीयार छान्नी, नाखुरीककी सुयेर माढाँट्डीख्यौ। ङौ म्यार्मीनाङ वास्टै जना ‘मुक्ति याछ ख्रीष्ट ङा न हो’ डेम राल्हे। होटै ‘होसे समय खेरेप राम्हने’ डेले, टर नाखुरीक होखुरीकुङ न्हुङ-न्हुङ मानुङ्नी। 9नाखुरीकै जब लडाइँ र झगडा छान्च कुराको सेले होडीक बेला माबीर्हीखी। हीजैडेनाङ पहीला इसे घटनाको छान्की न पर्ले। टर होडीक न बेला संसारौ अत्य चहीँ माछान्ले।”
10होटै येशूये होखुरीककी डेया, “जाटीयो विरुद्धाङ जाति, राज्यौ विरुद्धाङ राज्य सोले। 11बा-बाड्सो भुइँचालो नुङ्ले। अनीकाल छान्ले होटै बीपट्टीको राल्हे। मासेछ रुढीको राल्हे र सर्घाङ बीर्हीमसेच कुराको छान्ले। होला बा-बाड्सो चीन्हको डाङ्ले।
12“टर इसे पट्ट कुराको छान्की डेनाङ अगाडी भर्मीकै नाखुरीककी ङाकी विश्वास जाट्च बाटै घोले, सटडीयार होटै यहूदीकुङ सभा ङुच इमाङ जीम्मा याल्हे। झ्यालखानाङ आल्हार ठुन्ले। नाखुरीककी होखुरीकै राजा र शासककुङ अगाडी आल्हे। 13टर होडीक बेला नाखुरीकुङ लागी चहीँ ङौ बारेयाङ गबाही याछ सेछ मौका छान्ले। 14होटबाटै लाहाकी जोगडीकी ही ङाक्की पर्ले डेम चीन्टा माजाट्नी। 15हीजैडेनाङ ङा नाखुरीककी ही ङाक्की पर्च शब्दको र बुद्धि याल्हे। होटबाटै नाखुरीकै डेच कुरौ जबाफ नाखुरीकुङ विरोधीकै याखी माय्होक्ले। 16टर नाखुरीकुङ मोइ-बोइ, डाजे-भाइकै, लहो भर्मीकै, लाफाकै न नाखुरीककी घोवाक्ले। होटै नाखुरीक मढ्याङ कुडीक जनाकी चहीँ होखुरीकै साट्ले। 17ङाकी विश्वास जाट्च बाटै नाखुरीककी पट्ट भर्मीकै माजाक्ले। 18टर नाखुरीकुङ मीटालुङ काट मीछाम र नास माछान्ले। 19सहडीयार ङुनी, होटजाट्न नाखुरीकै जीवन डुप्ले।
यरूशलेमकी डाङार येशूये डुख मीमन जाट्च
(मत्ती २४:१५-२१; मर्कूस १३:१४-१९)
20“जब यरूशलेम सहरकी सेनाकै घेरीच डाङ्ले। होटै यरूशलेमौ नास छान्च बेला खेरेप टार्हामे डेम नाखुरीकै वार्न्ही। 21होडीक बेला यहूदियाङ लेचको पहाड पट्टी अट भग्डीस्ख्यौ। सहर भीत्री लेचको सहर अट डासै होटै लाङ्घाङ लेचको सहराङ मार्हाख्यौ। 22हीजैडेनाङ रीक्च कुरा पट्ट न ओल्खी डेम इसे सजायो डीन छान्ले। 23होसे डीनाङ गर्भवतीको र मीकुव्हाङ डुढ कास्न ङुच मोइकुङ लागी कुडीक बीर्हीम सेम छान्ले औँला! हीजैडेनाङ पृथ्वीयाङ बाड्को सङ्कष्ट राल्हे। होटै इसे जाति मीटाक परमेश्वरौ दण्ड पर्ले। 24होखुरीक कुडीककी टरवारै डठ्याकार साट्ले। कुडीककी चहीँ देश-देशाङ कैडी खासार आल्हे। अन्यजातिकुङ समय माओल्ठर होखुरीकै यरूशलेमकी मीकु म्होकी फेटार डाले।
भर्मीयो मीजा राछ डीनौ चीन्ह
(मत्ती २४:२९-३१; मर्कूस १३:२४-२७)
25“होटै नाङ्खान, ग्याहोट र टारा कोवाङ अचम्मौ चीन्हको डाङ्ले। समुन्द्र गर्जडीस्च र डीयौ बीर्हीमसेच छालै जाट्न पृथ्वीयाङ पट्ट जातियो भर्मीको बीर्हीयार आलाप-बीलाप छान्ले। 26संसाराङ छान्च घटनाकै जाट्नाङ भर्मीको बीर्हीयार मुर्छा पर्ले। हीजैडेनाङ सर्घुङ शक्तिको र होयोले। 27होटै भर्मीयो मीजाकी बाड्को शक्ति र महीमा खाटा डेबुवाङ राछै जाट्च होखुरीकै डाङ्ले। 28जब इसे कुरा छान्की ठाल्ले, होटै नाखुरीक साहसीलो छानार लहो मीटालु सोटार ढेम्लाक ङोस्नी। हीजैडेनाङ नाखुरीकुङ उद्धार खेरेप छान्ले।”
अन्जीरौ म्यार्टुङ लकीङ शिक्षा
(मत्ती २४:३२-३५; मर्कूस १३:२८-३१)
29होटै येशूये होखुरीककी उदाहरण सेटाका, “अन्जीरौ म्यार्टुङ्की र पट्ट सीङौ म्यार्टुङ कोलाक ङोस्नी। 30होखुरीकुङ मुनाको म्हेर्च डाङार नाखुरीकै थाहा डीन्ल्हे, अब खान्छ याम राहा। 31होटजाट्न न नाखुरीकै र जब इसे कुराको छान्न राछ डाङ्ले, होटै परमेश्वरौ राज्य खेरेप टार्हामे डेम वार्न्ही। 32साँच्ची न ङा नाखुरीककी डेले, इसे पट्ट न कुरा पुरा माछान्ठर इसे पुस्टा नास माछान्ले। 33सर्घा र पृथ्वी म्हाटार नुङ्ले, टर ङौ बचन सेन्र माम्हाट्ले।
होसीयारी छान्की
34“नाखुरीक लहो बारेयाङ होसीयार छान्नी। वास्टै भोज-भट्याराङ नुङार म्होर्न माव्हानी। लहो जीवनौ चीन्टा माजाट्नी। नभा च नाखुरीकुङ मीमन बोढो छान्ले। र होसे डीन नाखुरीकै माचीटडीच बेलाङ पासो लेखा न आरहे। 35हीजैडेनाङ इटजाट्न न पट्ट पृथ्वीयाङ ङुच भर्मीको मीटाक इसे आइपर्ले। 36टर होसीयार छानार ङुनी। बीर्हीमसेच पट्ट कुरा लकीङ भीस्की र भर्मीयो मीजौ म्याहासाङ खडा छान्की शक्ति यान्ही डेयार परमेश्वर खाटा सढैँ न प्रार्थना जाट्न न ङुनी।” 37होडीक बेला येशूये नामसीन चहीँ परमेश्वरौ मन्दिराङ शिक्षा पाहाक्न्या। नाबीक चहीँ जैटुन डेच डाँडाङ नुङार बास ङुम्या। 38होटै भर्मीको गोराक न होसकुङ शिक्षा सेकी डेम परमेश्वरौ मन्दिराङ राम्हन्या।
Currently Selected:
लुका 21: EMGP
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
लुका 21
21
बीढुवै याछ भेटी
(मर्कूस १२:४१-४४)
1धनी भर्मीकै लाहा-लहो भेटी मन्दिरौ दान बाकसाङ कामन लेच येशूये डाङा। 2होटै काट गरीब बीढुवै र टामौ नीस सीक्का कामन लेच येशूये डाङा। 3इसे डाङार येशूये डेया, “साँच्ची न ङा नाखुरीककी डेले, इसे गरीब बीढुवै पट्टकै डेनाङ वास्टै भेटी कामने। 4हीजैडेनाङ अरुकै चहीँ लहो परसस्ट धन लकीङ भेटी कामने, टर इसे गरीब बीढुवै च मेल्हौ जीबीका क्योट्की पर्च पट्ट न याम्हने।”
संसारौ अन्टीमाङ डाङ्च चीन्हको
(मत्ती २४:१-१४; मर्कूस १३:१-१३)
5कुडीक चेलाकै, सेछ-सेछ ल्हुङै खास्च र चढडीच सामानकै सीङ्गारीच परमेश्वरौ मन्दिरौ बारेयाङ कुरा जाट्न न लेया। होटै येशूये डेया, 6“नाखुरीकै चाहाँ ही डाङ्न ङुमने, कायाक याङ्च समय राल्हे काट ल्हुङ टकी अर्को ल्हुङ माछान्ले, होसे पट्ट न भट्कडीले।”
7होखुरीकै गीना, “गुरुज्यु, याङ्च सेन छान्ले? अनी याङ्च कुरा छान्की पानाङ ही चीन्ह छान्ले?” 8होटै येशूये डेया, “होसीयार छान्नी, नाखुरीककी सुयेर माढाँट्डीख्यौ। ङौ म्यार्मीनाङ वास्टै जना ‘मुक्ति याछ ख्रीष्ट ङा न हो’ डेम राल्हे। होटै ‘होसे समय खेरेप राम्हने’ डेले, टर नाखुरीक होखुरीकुङ न्हुङ-न्हुङ मानुङ्नी। 9नाखुरीकै जब लडाइँ र झगडा छान्च कुराको सेले होडीक बेला माबीर्हीखी। हीजैडेनाङ पहीला इसे घटनाको छान्की न पर्ले। टर होडीक न बेला संसारौ अत्य चहीँ माछान्ले।”
10होटै येशूये होखुरीककी डेया, “जाटीयो विरुद्धाङ जाति, राज्यौ विरुद्धाङ राज्य सोले। 11बा-बाड्सो भुइँचालो नुङ्ले। अनीकाल छान्ले होटै बीपट्टीको राल्हे। मासेछ रुढीको राल्हे र सर्घाङ बीर्हीमसेच कुराको छान्ले। होला बा-बाड्सो चीन्हको डाङ्ले।
12“टर इसे पट्ट कुराको छान्की डेनाङ अगाडी भर्मीकै नाखुरीककी ङाकी विश्वास जाट्च बाटै घोले, सटडीयार होटै यहूदीकुङ सभा ङुच इमाङ जीम्मा याल्हे। झ्यालखानाङ आल्हार ठुन्ले। नाखुरीककी होखुरीकै राजा र शासककुङ अगाडी आल्हे। 13टर होडीक बेला नाखुरीकुङ लागी चहीँ ङौ बारेयाङ गबाही याछ सेछ मौका छान्ले। 14होटबाटै लाहाकी जोगडीकी ही ङाक्की पर्ले डेम चीन्टा माजाट्नी। 15हीजैडेनाङ ङा नाखुरीककी ही ङाक्की पर्च शब्दको र बुद्धि याल्हे। होटबाटै नाखुरीकै डेच कुरौ जबाफ नाखुरीकुङ विरोधीकै याखी माय्होक्ले। 16टर नाखुरीकुङ मोइ-बोइ, डाजे-भाइकै, लहो भर्मीकै, लाफाकै न नाखुरीककी घोवाक्ले। होटै नाखुरीक मढ्याङ कुडीक जनाकी चहीँ होखुरीकै साट्ले। 17ङाकी विश्वास जाट्च बाटै नाखुरीककी पट्ट भर्मीकै माजाक्ले। 18टर नाखुरीकुङ मीटालुङ काट मीछाम र नास माछान्ले। 19सहडीयार ङुनी, होटजाट्न नाखुरीकै जीवन डुप्ले।
यरूशलेमकी डाङार येशूये डुख मीमन जाट्च
(मत्ती २४:१५-२१; मर्कूस १३:१४-१९)
20“जब यरूशलेम सहरकी सेनाकै घेरीच डाङ्ले। होटै यरूशलेमौ नास छान्च बेला खेरेप टार्हामे डेम नाखुरीकै वार्न्ही। 21होडीक बेला यहूदियाङ लेचको पहाड पट्टी अट भग्डीस्ख्यौ। सहर भीत्री लेचको सहर अट डासै होटै लाङ्घाङ लेचको सहराङ मार्हाख्यौ। 22हीजैडेनाङ रीक्च कुरा पट्ट न ओल्खी डेम इसे सजायो डीन छान्ले। 23होसे डीनाङ गर्भवतीको र मीकुव्हाङ डुढ कास्न ङुच मोइकुङ लागी कुडीक बीर्हीम सेम छान्ले औँला! हीजैडेनाङ पृथ्वीयाङ बाड्को सङ्कष्ट राल्हे। होटै इसे जाति मीटाक परमेश्वरौ दण्ड पर्ले। 24होखुरीक कुडीककी टरवारै डठ्याकार साट्ले। कुडीककी चहीँ देश-देशाङ कैडी खासार आल्हे। अन्यजातिकुङ समय माओल्ठर होखुरीकै यरूशलेमकी मीकु म्होकी फेटार डाले।
भर्मीयो मीजा राछ डीनौ चीन्ह
(मत्ती २४:२९-३१; मर्कूस १३:२४-२७)
25“होटै नाङ्खान, ग्याहोट र टारा कोवाङ अचम्मौ चीन्हको डाङ्ले। समुन्द्र गर्जडीस्च र डीयौ बीर्हीमसेच छालै जाट्न पृथ्वीयाङ पट्ट जातियो भर्मीको बीर्हीयार आलाप-बीलाप छान्ले। 26संसाराङ छान्च घटनाकै जाट्नाङ भर्मीको बीर्हीयार मुर्छा पर्ले। हीजैडेनाङ सर्घुङ शक्तिको र होयोले। 27होटै भर्मीयो मीजाकी बाड्को शक्ति र महीमा खाटा डेबुवाङ राछै जाट्च होखुरीकै डाङ्ले। 28जब इसे कुरा छान्की ठाल्ले, होटै नाखुरीक साहसीलो छानार लहो मीटालु सोटार ढेम्लाक ङोस्नी। हीजैडेनाङ नाखुरीकुङ उद्धार खेरेप छान्ले।”
अन्जीरौ म्यार्टुङ लकीङ शिक्षा
(मत्ती २४:३२-३५; मर्कूस १३:२८-३१)
29होटै येशूये होखुरीककी उदाहरण सेटाका, “अन्जीरौ म्यार्टुङ्की र पट्ट सीङौ म्यार्टुङ कोलाक ङोस्नी। 30होखुरीकुङ मुनाको म्हेर्च डाङार नाखुरीकै थाहा डीन्ल्हे, अब खान्छ याम राहा। 31होटजाट्न न नाखुरीकै र जब इसे कुराको छान्न राछ डाङ्ले, होटै परमेश्वरौ राज्य खेरेप टार्हामे डेम वार्न्ही। 32साँच्ची न ङा नाखुरीककी डेले, इसे पट्ट न कुरा पुरा माछान्ठर इसे पुस्टा नास माछान्ले। 33सर्घा र पृथ्वी म्हाटार नुङ्ले, टर ङौ बचन सेन्र माम्हाट्ले।
होसीयारी छान्की
34“नाखुरीक लहो बारेयाङ होसीयार छान्नी। वास्टै भोज-भट्याराङ नुङार म्होर्न माव्हानी। लहो जीवनौ चीन्टा माजाट्नी। नभा च नाखुरीकुङ मीमन बोढो छान्ले। र होसे डीन नाखुरीकै माचीटडीच बेलाङ पासो लेखा न आरहे। 35हीजैडेनाङ इटजाट्न न पट्ट पृथ्वीयाङ ङुच भर्मीको मीटाक इसे आइपर्ले। 36टर होसीयार छानार ङुनी। बीर्हीमसेच पट्ट कुरा लकीङ भीस्की र भर्मीयो मीजौ म्याहासाङ खडा छान्की शक्ति यान्ही डेयार परमेश्वर खाटा सढैँ न प्रार्थना जाट्न न ङुनी।” 37होडीक बेला येशूये नामसीन चहीँ परमेश्वरौ मन्दिराङ शिक्षा पाहाक्न्या। नाबीक चहीँ जैटुन डेच डाँडाङ नुङार बास ङुम्या। 38होटै भर्मीको गोराक न होसकुङ शिक्षा सेकी डेम परमेश्वरौ मन्दिराङ राम्हन्या।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.