लुका 6
6
फरीसीकै म्हुङ बाट्च डीनौ बारेयाङ गीन्च
(मत्ती १२:१-८; मर्कूस २:२३-२८)
1म्हुङ बाट्च डीनाङ अन्न लैडीच य्हाओ लाम छान्चै येशू र मेखोलौ चेलाको नुङ्ङ न लेया। होटै होसकुङ चेलाकै अन्नओ बालाको ढुमार मीहुटै आर्जुचै ज्याकी ठाला। 2याङ्च डाङार कोइ-कोइ फरीसीकै चेलाकोलाक डेया, “म्हुङ बाट्च डीनाङ जाट्की माछान्च ठोक नाखुरीकै हीजै जाट्च?” 3होटै येशूये होखुरीकी जबाफ याहार डेया, “नाखुरीकै इसे र मापरेस्ने? दाउद र होसकुङ लाफाको मीटुक रन्छीनाङ ही जाटा थाहा माले? 4होस बेला कुटजाट्न परमेश्वरौ मन्दिर भीत्री चढडीच रोटो डोनार लाफाको खाटा पुङार ज्या। टर होसे रोटो पुजाहारीकै मट्टै ज्याकी छान्नन्या।” 5येशूये होखुरीककी डेया, “भर्मीयो मीजा म्हुङ बाट्च डीनौ प्रभु हो।”
मीहुट छोक्च भर्मी गेप्च
(मत्ती १२:९-१४; मर्कूस ३:१-६)
6अर्को म्हुङ बाट्च डीनाङ येशूये यहूदिकुङ सभा ङुच इमाङ नुङार शिक्षा याहा। होला काट डोर मीहुट छोक्च भर्मी र लेया। 7धर्मगुरुको र फरीसीको छानार म्हुङ बाट्च डीनाङ इसे भर्मीयो मीहुट गेपाक्ले की मागेपाक्ले डेम येशूकी दोष याखी डेम मौका ङोस्न ङुमन्या। 8टर होखुरीकुङ मीमनौ कुरा वार्हा येशूये होसे मीहुट छोक्च भर्मीकुङ डेया, “सोवार इलाक रान्ही।” होटै होसे राहार टोङ्हा। 9येशूये होखुरीककी डेया, “आब ङाकी डेनी, म्हुङ बाट्च डीनाङ ही जाट्की सेछ छान्ले? सेछ जाट्की की मासेछ जाट्की? साट्की की जीवाक्की; कुसे काम जाट्की सेम्ह छान्ने औँला?” 10होटै येशूये होला लेच पट्टकी ङोसार होसे मीहुट छोक्च भर्मीकी डेया, “नाकुङ मीहुट टन्कडीनी!” डेनाङ लेखा न होच्ये जाटा र होच्यौ छोक्च मीहुट गेप्कीक्योटा।
11याङ्च डाङार होखुरीक साफ्फी मीरीस खेव्हा र येशूकी ही जाटीङ डेम मेखुरीक-मेखुरीक सल्हाह जाट्की ठाला।
येशूये बार्ह जना प्रेरितको भाक्च
(मत्ती १०:१-४; मर्कूस ३:१३-१९)
12होटै येशू होसनीक डाँडाङ प्रार्थना जाट्की डेम नुङा र परमेश्वर खाटा प्रार्थना जाट्चै राटभरी बीटडीया। 13गोराक छान्रखीङ येशूये चेलाकोलाक लाहा लेठाङ आर्घा र होखुरीक मध्याङ बार्ह जनाकी भाका। होटै होखुरीककी प्रेरित डेच म्यार्मीन याहा। 14इजाट्न भाक्च बार्ह जनाको इखुरीक न हो; सीमोन (आसकोकी पत्रुस डेम) म्यार्मीन डा र आसकुङ भाइ अन्द्रियास, याकुब, युहन्ना, फीलीप र बारथोलोमाइ 15मत्ती, थोमा, अल्फयसौ मीजा याकुब, देशभक्ट डेच सीमोन, 16याकुबौ मीजा यहूदास र यहूदास इस्करीयोट होच्ये न न्हुइङ येशूकी घोवाक्ङ याहा।
येशूये वास्टै भर्मीकोलाक गेपाका
(मत्ती ४:२३-२५)
17होटै येशू र प्रेरितको डाँडा लकीङ म्हाका झाल्न चउराङ टार्हा। होला होसकुङ चेलाकुङ बाड्को भीड लेया, यहूदिया र यरूशलेम सहर होटै समुन्द्रौ छेवाङ पर्च टुरोस र सीदोन सहरको लकीङ वास्टै भर्मीको होला भेला छानन्या। 18होखुरीक येशू शिक्षा सेकी होटै लाहा-लहो रोग लकीङ गेप्की डेम राम्हन्या। दुष्ट आत्मा लक्डीसार डुख डीन्छ भर्मीको र गेपा। 19पट्ट न भर्मीकै येशूकी छुकी पामन्या, हीजैडेनाङ शक्ति आसको लकीङ ख्योम्ह न लेया, होटै पट्ट न भर्मीकोलाक गेपाक्नन्या।
येशूये याछ उपदेश
(मत्ती ५:१-१२)
20होटै येशूये मेखोल्हौ चेलाकोलाक ङोसार डेया,
“ए गरीबको, नाखुरीक आसीस डुप्चको हो
हीजैडेनाङ परमेश्वरौ राज्य नाखुरीकुङ न हो।
21ए चाहाँ मीटुक रन्छीचको, नाखुरीक कुडीक आसीसीट ले
हीजैडेनाङ नाखुरीक पीहीन र्हास्ले।
ए चाहाँ राप्चको, नाखुरीक कुडीक आसीसीट ले
हीजैडेनाङ नाखुरीक पीहीन रेट्ले।
22“भर्मीयो मीजाकी विश्वास जाट्च बाटै भर्मीकै नाखुरीककी माजाका, लाङ्घा लकीङ छ्युका, झीरार नाखुरीककी काराटा र दुष्ट आर्मीटन नाखुरीकुङ म्यार्मीनकी गील्ला जाटा डेनाङ नाखुरीकै आसीस डुप्ले। 23होसनीक नाखुरीक मार्हाङ्नी, फोर्झोनी। हीजैडेनाङ ङोस्नी, नाखुरीककी डेयार स्वर्गाङ बाड्को इनाम डाम याम्हने। खायाकुङ अगमवक्ताकोलाक र नाखुरीककी डुख याछकुङ बोइ-बाज्युकै होटजाट्न न डुख याम्हन्या।
24टर ढीक्कार! चाहाँ धनी छान्चको,
हीजैडेनाङ नाखुरीकै सुखौ डीन बीटडीम भ्यामने।
25ढीक्कार! चाहाँ र्हास्चको,
हीजैडेनाङ नाखुरीक पीहीन सोक जाटार राप्की पर्ले।
ढीक्कार! चाहाँ रेट्चको,
हीजैडेनाङ नाखुरीक पीहीन डुख छानार राप्की पर्ले।
26ढीक्कार! चाहाँ भर्मीको लकीङ प्रशंसा डुप्चको,
हीजैडेनाङ याङ्च प्रशंसा च होसे भर्मीकुङ बोइ-बाज्युकोये र झुटो अगमवक्ताकोलाक जाट्न्या।”
शत्रुकी र प्रेम जाट्की पर्ले
(मत्ती ५:३८-४८; ७:१२)
27“टर नाखुरीक सेच कोलाक ङा डेले, लहो शत्रुकी र प्रेम जाट्नी र लाहाकी माजाक्च कोलाक सेछ व्यवहार जाट्नी।” 28नाखुरीककी सराप याछ कोलाक आसीस यान्ही। मासेम्ह जाट्चकोलाक प्रार्थना जाट्न यान्ही। 29इडीक सुयेर नाकोकी काट गालाङ डुङा डेनाङ अर्को गाला र ठोम्ह यान्ही। नाकुङ डौरा स्याट्चकी कमीज र यान्ही। 30नाको खाटा ङेछ कोलाक यान्ही। ही र ठोक आल्छको खाटा माङ्हेनी। 31फोकै नाखुरीककी कुङ्च जाट्च चहडीस्ले, नाखुरीकै र फोको कोलाक होटन जाट्नी।
32“प्रेम जाट्चकोलाक मट्टै प्रेम जाटा डेनाङ नाखुरीककी ही स्याबासी छान्ने र? पापीकै र लाहाकी प्रेम जाट्चकोलाक प्रेम जाट्ले। 33लाहाकी सेछ जाट्चकोलाक मट्टै सेछ जाट्ले डेनाङ नाखुरीकै ही स्याबासी डील्हे र? हीजैडेनाङ पापीकै र होटन जाट्ले।
34“इडीक टेरीकी य्होक्चकी मट्टै रीन याल्हे डेनाङ नाखुरीककी ही स्याबासी ले र? पापीकै र टेरीकी य्होक्च कोलाक मट्टै रीन याल्हे।
35“टर लहो शत्रुकोलाक प्रेम जाट्नी, होखुरीक्की भलाइ जाट्नी, रीन ङेछ कोलाक ल्हेट्च आसा माडाम रीन यान्ही। होट जाटा डेनाङ नाखुरीकै बाड्को इनाम डुप्ले होटै नाखुरीक सर्वोच्चओ मीजाको ठहरीस्ले, हीजैडेनाङ होसकै बैगुनी र स्वार्थी कोलाक कृपा जाट्ले। 36नाखुरीकुङ बोइ कृपालु छान्नाङ लेखा न नाखुरीक र कृपालु छान्नी।”
फोकोकी दोष माय्हाखी
(मत्ती ७:१-५)
37“फोकोकी न्याय माजाट्नी नाखुरीककी र न्याय माजाट्ले, फोकोकी दोषी माठहरीनी र नाखुरीककी र दोषी माठहरीले। क्षमा जाट्नी नाखुरीककी र क्षमा जाट्ले। 38यान्ही र नाखुरीककी र याल्हे। भर्मीकै होयोक्ङ-होयोक्ङ साफ्फी खन्डीम-खन्डीम य्हाटठर नाखुरीकुङ पोल्टोवाङ कामो याल्हे। हीजैडेनाङ नाखुरीकै हीये जापार याल्हे, होखुरीकै र होचे न जापार याल्हे।”
39येशूये होखुरीककी अर्को उदाहरण र याछै डेया, “ही मीमीक माडाङ्चये मीमीक माडाङ्चकी न डोरीकी य्होक्ले र? इडीक डोरीया डेनाङ र नीस जना न खाडलाङ मापर्ले र? 40कुसे र चेला लहो गुरु डेनाङ बाड्को माछान्ले, टर पाम्ह भ्याच न्हुइङ च होसे र गुरु ल्याक्च न छान्ले।
41“लहो भायो मीमीकुङ कसीङ्गर चहीँ डाङ्ले लहो मीमीकुङ मुढा चहीँ हीजै थाहा माडीन्ल्हे? 42नाको लहो मीमीकाङ लेच मुढा माडाङ्ले डेनाङ कुट जाट्न लहो भाइकी डेकी य्होक्ले, ‘ए भाइ, नाकुङ मीमीकुङ कसीङ्गर ङा डोन्न याल्हे’। ए कपटीको! पहीला लहो मीमीकुङ मुढा डोन्नी होटै टी भायो मीमीकुङ कसीङ्गर डोन्की छ्याङ्गै डाङ्की य्होक्ले।”
सीङ म्यार्टुङ र मीस्या
(मत्ती ७:१६-२०; १२:३३-३५)
43“कुसेर सेछ म्यार्टुङै मासेछ मीस्या मास्याटाक्ले न ट मासेछ म्यार्टुङै सेछ मीस्या स्याटाक्ले। 44पट्टन म्यार्टुङको मेनो मीस्या लकीङ चीन्डीले। हीजैडेनाङ जु लेच म्यार्टुङीङ नेभारा माबटुलीले न अङ्गुर बटुलीले। 45असल भर्मीये लहो रीदयौ असल भन्डार लकीङ असल न ठोक छ्युक्ले, र दुष्टभर्मीये लहो रीदयौ दुष्ट भन्डार लकीङ दुष्ट ठोक नै छ्युक्ले। हीजैडेनाङ कुसे कुरै रीदय न्हेप्ले, भर्मीयो मेङेरीङ होसे न ख्योल्हे।”
नीस खाल्या जग
(मत्ती ७:२४-२७)
46“ङै डेच कुरा माजाट्ले डेनाङ ङाकी नाखुरीकै हीजै ‘प्रभु, प्रभु’ डेम डेले? 47सु ङा लेठाङ राल्हे, ङौ बचन सेले र होसे अनुसार जाट्ले, होसे कुङ्च भर्मी हो, डेम ङा नाखुरीककी डेले। 48होसे काट इम खास्च भर्मी ल्याक्च हो। काट भर्मी होच्ये लुप्म कोहार इमौ जग चट्टान मीटाक खासा। होटै नामास राहार भल राहा, होसे इमाङ ठोका टर होसे इमकी होयोक्की माय्होका। हीजैडेनाङ इमौ जग बलीयो खास्नन्या। 49टर ङै डेच सेम र होसे लेखा माजाटा डेनाङ होसे चहीँ इसे भर्मी ल्याच हो। होचेय जमीन मीटाक जग बीनौ इम खासा जब होसे इम मीटाक भल राहार ठोका टब होसे तुरुन्तै फुटा, होसे इमौ बाड्को बीनास छाना।”
Currently Selected:
लुका 6: EMGP
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
लुका 6
6
फरीसीकै म्हुङ बाट्च डीनौ बारेयाङ गीन्च
(मत्ती १२:१-८; मर्कूस २:२३-२८)
1म्हुङ बाट्च डीनाङ अन्न लैडीच य्हाओ लाम छान्चै येशू र मेखोलौ चेलाको नुङ्ङ न लेया। होटै होसकुङ चेलाकै अन्नओ बालाको ढुमार मीहुटै आर्जुचै ज्याकी ठाला। 2याङ्च डाङार कोइ-कोइ फरीसीकै चेलाकोलाक डेया, “म्हुङ बाट्च डीनाङ जाट्की माछान्च ठोक नाखुरीकै हीजै जाट्च?” 3होटै येशूये होखुरीकी जबाफ याहार डेया, “नाखुरीकै इसे र मापरेस्ने? दाउद र होसकुङ लाफाको मीटुक रन्छीनाङ ही जाटा थाहा माले? 4होस बेला कुटजाट्न परमेश्वरौ मन्दिर भीत्री चढडीच रोटो डोनार लाफाको खाटा पुङार ज्या। टर होसे रोटो पुजाहारीकै मट्टै ज्याकी छान्नन्या।” 5येशूये होखुरीककी डेया, “भर्मीयो मीजा म्हुङ बाट्च डीनौ प्रभु हो।”
मीहुट छोक्च भर्मी गेप्च
(मत्ती १२:९-१४; मर्कूस ३:१-६)
6अर्को म्हुङ बाट्च डीनाङ येशूये यहूदिकुङ सभा ङुच इमाङ नुङार शिक्षा याहा। होला काट डोर मीहुट छोक्च भर्मी र लेया। 7धर्मगुरुको र फरीसीको छानार म्हुङ बाट्च डीनाङ इसे भर्मीयो मीहुट गेपाक्ले की मागेपाक्ले डेम येशूकी दोष याखी डेम मौका ङोस्न ङुमन्या। 8टर होखुरीकुङ मीमनौ कुरा वार्हा येशूये होसे मीहुट छोक्च भर्मीकुङ डेया, “सोवार इलाक रान्ही।” होटै होसे राहार टोङ्हा। 9येशूये होखुरीककी डेया, “आब ङाकी डेनी, म्हुङ बाट्च डीनाङ ही जाट्की सेछ छान्ले? सेछ जाट्की की मासेछ जाट्की? साट्की की जीवाक्की; कुसे काम जाट्की सेम्ह छान्ने औँला?” 10होटै येशूये होला लेच पट्टकी ङोसार होसे मीहुट छोक्च भर्मीकी डेया, “नाकुङ मीहुट टन्कडीनी!” डेनाङ लेखा न होच्ये जाटा र होच्यौ छोक्च मीहुट गेप्कीक्योटा।
11याङ्च डाङार होखुरीक साफ्फी मीरीस खेव्हा र येशूकी ही जाटीङ डेम मेखुरीक-मेखुरीक सल्हाह जाट्की ठाला।
येशूये बार्ह जना प्रेरितको भाक्च
(मत्ती १०:१-४; मर्कूस ३:१३-१९)
12होटै येशू होसनीक डाँडाङ प्रार्थना जाट्की डेम नुङा र परमेश्वर खाटा प्रार्थना जाट्चै राटभरी बीटडीया। 13गोराक छान्रखीङ येशूये चेलाकोलाक लाहा लेठाङ आर्घा र होखुरीक मध्याङ बार्ह जनाकी भाका। होटै होखुरीककी प्रेरित डेच म्यार्मीन याहा। 14इजाट्न भाक्च बार्ह जनाको इखुरीक न हो; सीमोन (आसकोकी पत्रुस डेम) म्यार्मीन डा र आसकुङ भाइ अन्द्रियास, याकुब, युहन्ना, फीलीप र बारथोलोमाइ 15मत्ती, थोमा, अल्फयसौ मीजा याकुब, देशभक्ट डेच सीमोन, 16याकुबौ मीजा यहूदास र यहूदास इस्करीयोट होच्ये न न्हुइङ येशूकी घोवाक्ङ याहा।
येशूये वास्टै भर्मीकोलाक गेपाका
(मत्ती ४:२३-२५)
17होटै येशू र प्रेरितको डाँडा लकीङ म्हाका झाल्न चउराङ टार्हा। होला होसकुङ चेलाकुङ बाड्को भीड लेया, यहूदिया र यरूशलेम सहर होटै समुन्द्रौ छेवाङ पर्च टुरोस र सीदोन सहरको लकीङ वास्टै भर्मीको होला भेला छानन्या। 18होखुरीक येशू शिक्षा सेकी होटै लाहा-लहो रोग लकीङ गेप्की डेम राम्हन्या। दुष्ट आत्मा लक्डीसार डुख डीन्छ भर्मीको र गेपा। 19पट्ट न भर्मीकै येशूकी छुकी पामन्या, हीजैडेनाङ शक्ति आसको लकीङ ख्योम्ह न लेया, होटै पट्ट न भर्मीकोलाक गेपाक्नन्या।
येशूये याछ उपदेश
(मत्ती ५:१-१२)
20होटै येशूये मेखोल्हौ चेलाकोलाक ङोसार डेया,
“ए गरीबको, नाखुरीक आसीस डुप्चको हो
हीजैडेनाङ परमेश्वरौ राज्य नाखुरीकुङ न हो।
21ए चाहाँ मीटुक रन्छीचको, नाखुरीक कुडीक आसीसीट ले
हीजैडेनाङ नाखुरीक पीहीन र्हास्ले।
ए चाहाँ राप्चको, नाखुरीक कुडीक आसीसीट ले
हीजैडेनाङ नाखुरीक पीहीन रेट्ले।
22“भर्मीयो मीजाकी विश्वास जाट्च बाटै भर्मीकै नाखुरीककी माजाका, लाङ्घा लकीङ छ्युका, झीरार नाखुरीककी काराटा र दुष्ट आर्मीटन नाखुरीकुङ म्यार्मीनकी गील्ला जाटा डेनाङ नाखुरीकै आसीस डुप्ले। 23होसनीक नाखुरीक मार्हाङ्नी, फोर्झोनी। हीजैडेनाङ ङोस्नी, नाखुरीककी डेयार स्वर्गाङ बाड्को इनाम डाम याम्हने। खायाकुङ अगमवक्ताकोलाक र नाखुरीककी डुख याछकुङ बोइ-बाज्युकै होटजाट्न न डुख याम्हन्या।
24टर ढीक्कार! चाहाँ धनी छान्चको,
हीजैडेनाङ नाखुरीकै सुखौ डीन बीटडीम भ्यामने।
25ढीक्कार! चाहाँ र्हास्चको,
हीजैडेनाङ नाखुरीक पीहीन सोक जाटार राप्की पर्ले।
ढीक्कार! चाहाँ रेट्चको,
हीजैडेनाङ नाखुरीक पीहीन डुख छानार राप्की पर्ले।
26ढीक्कार! चाहाँ भर्मीको लकीङ प्रशंसा डुप्चको,
हीजैडेनाङ याङ्च प्रशंसा च होसे भर्मीकुङ बोइ-बाज्युकोये र झुटो अगमवक्ताकोलाक जाट्न्या।”
शत्रुकी र प्रेम जाट्की पर्ले
(मत्ती ५:३८-४८; ७:१२)
27“टर नाखुरीक सेच कोलाक ङा डेले, लहो शत्रुकी र प्रेम जाट्नी र लाहाकी माजाक्च कोलाक सेछ व्यवहार जाट्नी।” 28नाखुरीककी सराप याछ कोलाक आसीस यान्ही। मासेम्ह जाट्चकोलाक प्रार्थना जाट्न यान्ही। 29इडीक सुयेर नाकोकी काट गालाङ डुङा डेनाङ अर्को गाला र ठोम्ह यान्ही। नाकुङ डौरा स्याट्चकी कमीज र यान्ही। 30नाको खाटा ङेछ कोलाक यान्ही। ही र ठोक आल्छको खाटा माङ्हेनी। 31फोकै नाखुरीककी कुङ्च जाट्च चहडीस्ले, नाखुरीकै र फोको कोलाक होटन जाट्नी।
32“प्रेम जाट्चकोलाक मट्टै प्रेम जाटा डेनाङ नाखुरीककी ही स्याबासी छान्ने र? पापीकै र लाहाकी प्रेम जाट्चकोलाक प्रेम जाट्ले। 33लाहाकी सेछ जाट्चकोलाक मट्टै सेछ जाट्ले डेनाङ नाखुरीकै ही स्याबासी डील्हे र? हीजैडेनाङ पापीकै र होटन जाट्ले।
34“इडीक टेरीकी य्होक्चकी मट्टै रीन याल्हे डेनाङ नाखुरीककी ही स्याबासी ले र? पापीकै र टेरीकी य्होक्च कोलाक मट्टै रीन याल्हे।
35“टर लहो शत्रुकोलाक प्रेम जाट्नी, होखुरीक्की भलाइ जाट्नी, रीन ङेछ कोलाक ल्हेट्च आसा माडाम रीन यान्ही। होट जाटा डेनाङ नाखुरीकै बाड्को इनाम डुप्ले होटै नाखुरीक सर्वोच्चओ मीजाको ठहरीस्ले, हीजैडेनाङ होसकै बैगुनी र स्वार्थी कोलाक कृपा जाट्ले। 36नाखुरीकुङ बोइ कृपालु छान्नाङ लेखा न नाखुरीक र कृपालु छान्नी।”
फोकोकी दोष माय्हाखी
(मत्ती ७:१-५)
37“फोकोकी न्याय माजाट्नी नाखुरीककी र न्याय माजाट्ले, फोकोकी दोषी माठहरीनी र नाखुरीककी र दोषी माठहरीले। क्षमा जाट्नी नाखुरीककी र क्षमा जाट्ले। 38यान्ही र नाखुरीककी र याल्हे। भर्मीकै होयोक्ङ-होयोक्ङ साफ्फी खन्डीम-खन्डीम य्हाटठर नाखुरीकुङ पोल्टोवाङ कामो याल्हे। हीजैडेनाङ नाखुरीकै हीये जापार याल्हे, होखुरीकै र होचे न जापार याल्हे।”
39येशूये होखुरीककी अर्को उदाहरण र याछै डेया, “ही मीमीक माडाङ्चये मीमीक माडाङ्चकी न डोरीकी य्होक्ले र? इडीक डोरीया डेनाङ र नीस जना न खाडलाङ मापर्ले र? 40कुसे र चेला लहो गुरु डेनाङ बाड्को माछान्ले, टर पाम्ह भ्याच न्हुइङ च होसे र गुरु ल्याक्च न छान्ले।
41“लहो भायो मीमीकुङ कसीङ्गर चहीँ डाङ्ले लहो मीमीकुङ मुढा चहीँ हीजै थाहा माडीन्ल्हे? 42नाको लहो मीमीकाङ लेच मुढा माडाङ्ले डेनाङ कुट जाट्न लहो भाइकी डेकी य्होक्ले, ‘ए भाइ, नाकुङ मीमीकुङ कसीङ्गर ङा डोन्न याल्हे’। ए कपटीको! पहीला लहो मीमीकुङ मुढा डोन्नी होटै टी भायो मीमीकुङ कसीङ्गर डोन्की छ्याङ्गै डाङ्की य्होक्ले।”
सीङ म्यार्टुङ र मीस्या
(मत्ती ७:१६-२०; १२:३३-३५)
43“कुसेर सेछ म्यार्टुङै मासेछ मीस्या मास्याटाक्ले न ट मासेछ म्यार्टुङै सेछ मीस्या स्याटाक्ले। 44पट्टन म्यार्टुङको मेनो मीस्या लकीङ चीन्डीले। हीजैडेनाङ जु लेच म्यार्टुङीङ नेभारा माबटुलीले न अङ्गुर बटुलीले। 45असल भर्मीये लहो रीदयौ असल भन्डार लकीङ असल न ठोक छ्युक्ले, र दुष्टभर्मीये लहो रीदयौ दुष्ट भन्डार लकीङ दुष्ट ठोक नै छ्युक्ले। हीजैडेनाङ कुसे कुरै रीदय न्हेप्ले, भर्मीयो मेङेरीङ होसे न ख्योल्हे।”
नीस खाल्या जग
(मत्ती ७:२४-२७)
46“ङै डेच कुरा माजाट्ले डेनाङ ङाकी नाखुरीकै हीजै ‘प्रभु, प्रभु’ डेम डेले? 47सु ङा लेठाङ राल्हे, ङौ बचन सेले र होसे अनुसार जाट्ले, होसे कुङ्च भर्मी हो, डेम ङा नाखुरीककी डेले। 48होसे काट इम खास्च भर्मी ल्याक्च हो। काट भर्मी होच्ये लुप्म कोहार इमौ जग चट्टान मीटाक खासा। होटै नामास राहार भल राहा, होसे इमाङ ठोका टर होसे इमकी होयोक्की माय्होका। हीजैडेनाङ इमौ जग बलीयो खास्नन्या। 49टर ङै डेच सेम र होसे लेखा माजाटा डेनाङ होसे चहीँ इसे भर्मी ल्याच हो। होचेय जमीन मीटाक जग बीनौ इम खासा जब होसे इम मीटाक भल राहार ठोका टब होसे तुरुन्तै फुटा, होसे इमौ बाड्को बीनास छाना।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.