प्रेरीत् 4
4
पत्रुसतेङ् युहन्नात सभारी बोर्बल
1पत्रुसतेङ् युहन्ना म्हीमातेङ् तम् लटीब मुबल। हुजु बेलोरी लम्बुमातेङ् पर्मेस्वर्की दीम् रुङ्बलमाकी कप्तान ओसेम् सदुकीमा थेङ्यीमा मुबे ग्लारी खज्यी। 2थेङ्यीमात बोमो रप्पल मुबल, तलेपङ्सम् पत्रुसतेङ् युहन्नाचे “येसु स्यीब ग्यम्से सोबल मुब, होलेनो ल्हो-ल्हो स्यीबे म्हीमाएनो सोस्ये मुब” बी लोप्टीब मुबल। 3होत्तज्यीम् थेङ्यीमाचे पत्रुसतेङ् युहन्नात चुङ्ज्यीम् म्हुन्गी जेल्री थेन्ज्यी। तलेपङ्सम् हुजु बेलोरी ङ्येस्ये तज्यीन्बल मुबल। 4तर य्हक्को म्हीमाचे थेङ्य्हीचे स्येत्पे तम् ङ्येन्ज्यीम् बीस्वास् स्य्हेङ्बल मुबल। बीस्वास् स्य्हेङ्बलमा न्हङ्री हजार ङ्हइ था अपकोलमा तबल मुबल।
5न्हम्स्य्होर्हङ् ङ्हच्छ्यङ् लम्बुमातेङ् धर्म-लोप्पोन्मा ओसेम् ल्हो-ल्हो अगुवामा यरुसलेम्री र्हुब तज्यी। 6हुजुरी गोदोब्न्हङ्की ङ्हच्छ्यङ् लम्बु हन्नासतेङ् बक्च्य कैयाफा, युहन्ना, अलेक्जेन्डर् ओसेम् गोदोब्न्हङ्की ङ्हच्छ्यङ् लम्बुइ ल्हो-ल्हो म्हेम्यमाएनो मुबल। 7थेङ्यीमाचे पत्रुसतेङ् युहन्नात ङोन्री बज्यीम्, “एङ्यीमाचे चु लक् खतेबे सक्तीचे खलइ मीन्री स्य्हेङ्बल य्हीन्ब?” बी ङ्योत्ज्यी।
8ओसेम् पबीत्र आत्माचे प्लीङ्ज्यीम् थेङ्यीमात पत्रुसचे पङ्ज्यी, “म्हीमाइ सासक्मातेङ् अगुवामा, 9तीङ्यी एङ्यीमाचे ङ्यीङ्हीत चु स्हेल्हेन्दी म्हीत ज्यबे लक् स्य्हेङ्ज्यीम् खले थे फेन्न लज्यी पङ्बे तम् ङ्योत्पल य्हीन्सम् 10चु तम् एङ्यीमातेङ् इस्राएलकी जम्मनो म्हीमाचे स्येःखइ- एङ्यीमाकी गुङ्री रप्टीबे चु म्ही एङ्यीमाचे क्रुस्री च्योज्यीम् सेत्पे नासरतकी येसु ख्रीस्ट्की छेन्री फेन्बल य्हीन्ब। तर येसुत पर्मेस्वर्चे स्यीब ग्यम्से सोनलजेत्ज्यी। 11धर्मइ छ्येःरी ब्रीबे चु तम् येसुइ बारेरी य्हीन्ब-
‘कर्मीमाचे लक् अत पङ्ज्यीम् ख्लाबे युङ्ब थेङ्नो य्हीन्ब,
देरे हुजु युङ्ब सुर् युङ्ब तखबल मुब।’
12“येसु बीम ल्हो-ल्हो खल्चेएनो मुक्ती पीन्ब अखम्। तलेपङ्सम् जम्बुलीङ्री जम्म म्हीमात मुक्ती न्हङ्बरी पर्मेस्वर्चे ल्हो-ल्हो खलइ मीन्एनो न्हङ्बल अरे।”
13पत्रुसतेङ् युहन्ना य्हक्को अखेत्लेएनो ङ्हच्छ्यङ् सभाकी म्हीमातेङ् तम् पङ्बरी आर् लबल म्रङ्ज्यीम् थेङ्यीमा तेङेन् तज्यी। ओसेम् थेङ्यीमाचे पत्रुसतेङ् युहन्नाएनो येसुतेङ् मुबल टीम् बी था यङ्ज्यी। 14तर हुजु फेन्बे म्ही थेङ्य्हीतेङ् बक्च्य रप्टीबल म्रङ्ज्यीम् थेङ्यीमाचे तेएनो पङ्अखम्। 15होत्तज्यीम् थेङ्यीमाचे पत्रुसतेङ् युहन्नात सभा ग्यम्से डोङ्ज्यीम् य्हरो बी कुल्ज्यी। ओसेम् थेङ्यीमा र्हङ्न्हङ्री चोले तम् डीःब तीप्ज्यी, 16ओसेम् गीःचे गीःत पङ्ज्यी, “देरेम् ङ्य्हङ्चे चु ङ्हीत ता लस्ये? थेङ्य्हीचे ङोन्बे तेङेन्की लक् गीः यरुसलेम्की जम्मनो म्हीमाचे म्रङ्बल मुब। ओसेम् हुजु लक् थेङ्य्हीचे स्य्हेङ्बल अय्हीन् बी ङ्य्हङ्चे पङ्अखम्। 17तर चु तम् ल्हो-ल्हो म्हीमाकी गुङ्री ठम्पुङ्ब अत। होत्तज्यीम् थेङ्यीमात, ‘देरे य्हङ्से एङ्यीमाचे येसुइ मीन्री खल्तेङ्एनो तइ तमएनो थपङो’ बी ङ्य्हङ्माचे पङ्थोब।”
18होत्तज्यीम् थेङ्यीमाचे पत्रुसतेङ् युहन्नात ङ्होत्ज्यीम्, “देरे य्हङ्से एङ्य्हीचे खल्तेएनो येसुइ मीन्री तइ तम्एनो थपङो ओसेम् थलोपो” बी कुल्ज्यी। 19तर पत्रुसतेङ् युहन्नाचे थेङ्यीमात जोहाप् पीन्ज्यी, “पर्मेस्वर्की फ्रोइ अङ्येन्नले एङ्यीमाकी तम् ङ्येन्ब पर्मेस्वर्की ङोन्री ठीक् य्हीन्ब वुइ अय्हीन्? एङ्यीमाचेनो म्हेनो। 20तलेपङ्सम् ङ्यीमा र्हङ्चे म्रङ्बतेङ् थ्येःबे तम् अपङ्नले टीअखम्।” 21होलेपङ्ब बीसेम् सभाकी म्हीमाचे पत्रुसतेङ् युहन्नात सजाय पीन्बरी तइ तम्एनो अय्हङ्ज्यीम् लोङ्खइ बी तोर् य्हम् मोर् य्हम् लज्यीम् पीत्लाज्यी। तलेपङ्सम् हुजुरी तबे तम् म्रङ्ज्यीम् म्हीमा जम्मचेनो पर्मेस्वर्त तोप्टीब मुबल। 22तलेपङ्सम् चु तेङेन्की लक् ग्यम्से फेन्बे म्ही ल्हेगोर् सोम् स्यी ब्लीतीङ् बीम य्हक्को बर्सल मुबल।
आर् यङ्बे लागीरी प्रार्थना
23पत्रुसतेङ् युहन्ना जेल्चे पीत्लाब साच्चेनो थेङ्यीमाइ र्होमाज ङ्यीज्यी। ओसेम् ङ्हच्छ्यङ् लम्बुमातेङ् अगुवामाचे पङ्बे जम्म तम्मा र्होमात स्येत्पीन्ज्यी। 24थेङ्य्हीकी चु तम् थ्येःब बीसेम् थेङ्यीमा जम्मनो सेम् गीः तज्यीम् पर्मेस्वर्त चोले प्रार्थना स्य्हेङ्ज्यी, “प्रभु, स्वर्गतेङ् जम्बुलीङ् ओसेम् समुन्द्रतेङ् हुजुरी मुबे जम्मनो स्हेमा थेङ्चेनो स्य्हेङ्जेत्पल य्हीन्ब। 25ओसेम् थेङ्की योक्पो ङ्यीमाइ म्हेमे दाऊदकी सुङ् ग्यम्से थेङ्की पबीत्र आत्माचे चोले सुङ्बल मुब,
‘यहुदी अय्हीन्बे म्हीमात तले बोमो खबल?
ओसेम् म्हीमाचे लक् अतबे तम्मा तले म्हेन्बल?
26जम्बुलीङ्की ग्यल्बोमातेङ् सासक्मा
परमप्रभुतेङ् थेङ्चे दम्जेत्पे मुक्ती न्हङ्बे ख्रीस्ट्की बीरोद् स्य्हेङ्बरी र्हुब तबल मुब।’
27“चु तम् देमेन्नो तबल मुब, तलेपङ्सम् थेङ्की पबीत्र योक्पो येसुत थेङ्चे मुक्ती न्हङ्बे ख्रीस्ट् स्य्हेङ्जेत्ज्यी। ओसेम् हुजु येसुइ बीरोद् स्य्हेङ्बरी हेरोदतेङ् पन्तीयस् पीलातस ओसेम् यहुदी अय्हीन्बे म्हीमातेङ् इस्राएलीमा चु सहर्री र्हुब् तबल मुबल। 28तर थेङ्यीमाचे ङोन्ग्यम्नो थेङ्की सक्तीतेङ् थेङ्चे थुः लजेत्पलकीनो स्य्हेङ्ज्यी। 29प्रभु, देरेम् थेङ्यीमाचे ङ्यीमात लोङ्नलबे तम् सेन्जेतो। ओसेम् थेङ्की योक्पोमात ङ्हच्छ्यङ् आर् न्हङज्यीम् थेङ्की फ्रोइ स्येत्पखम्नलजेतो। 30ओसेम् थेङ्की योक्पोमात थेङ्की पबीत्र योक्पो येसुइ छेन्री नबलमात फेन्न लबतेङ् तेङेन्की चीनोमा ओसेम् लक्मा स्य्हेङ्बे सक्ती न्हङ्जेतो।”
31चोले प्रार्थना स्य्हेङ्ब बुत्प बीसेम् थेङ्यीमा र्हुब् तबे ग्ला य्होङ्ज्यी। ओसेम् थेङ्यीमा जम्मनो पबीत्र आत्माचे प्लीङ्ज्यीम् पर्मेस्वर्की फ्रोइ अलोङ्नले स्येत्प तीप्ज्यी।
बीस्वासीमाकी कुङ्की स्हेमा
32बीस्वासीमा जम्मनो सेम्तेङ् लोरी गीःनो तब मुबल। ओसेम् खल्चेएनो “चु स्हे ङल य्हीन्ब” बी अपङ्नले जम्मचेनो थेङ्यीमातेङ् मुबे स्हेमात कुङ्की स्हे म्हेन्ब मुबल। 33प्रेरीतमाचे ङ्हच्छ्यङ् सक्ती यङ्ज्यीम् प्रभु येसु स्यीब ग्यम्से सोबल पङ्बे तम्की साक्षी पीन्ब मुबल। ओसेम् पर्मेस्वर्चे थेङ्यीमा जम्मत य्हक्को मोलम् न्हङ्जेत्पल मुबल। 34हुजुरी थेङ्यीमान्हङ्री खल्तएनो तइ स्हेएनो अय्होबल अरेबल। तलेपङ्सम् म्रङ्तेङ् दीम् मुबलमाचे चुङ्ज्यीम् 35हुजु ग्यम्से खबे टङ प्रेरीतमात पीन्ब मुबल। ओसेम् थेङ्यीमाचे तातरी तोज्यी हुजु अनुसार् जुज्यीम् कोल्ब मुबल।
36ओसेम् साइप्रस पङ्बे य्हुल्की लेबी खलक्की योसेफ पङ्बे म्हीत प्रेरीतमाचे बारनाबास पङ्बे मीन् थेन्ज्यी (बारनाबास पङ्बलम् ल्हो-ल्हो म्हीमात आर् पीन्बे म्ही य्हीन्ब)। 37थेचेएनो र्हङ्की म्रङ् चुङ्ज्यीम् खबे टङ प्रेरीतमात पीन्ज्यी।
Currently Selected:
प्रेरीत् 4: WTDG
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
प्रेरीत् 4
4
पत्रुसतेङ् युहन्नात सभारी बोर्बल
1पत्रुसतेङ् युहन्ना म्हीमातेङ् तम् लटीब मुबल। हुजु बेलोरी लम्बुमातेङ् पर्मेस्वर्की दीम् रुङ्बलमाकी कप्तान ओसेम् सदुकीमा थेङ्यीमा मुबे ग्लारी खज्यी। 2थेङ्यीमात बोमो रप्पल मुबल, तलेपङ्सम् पत्रुसतेङ् युहन्नाचे “येसु स्यीब ग्यम्से सोबल मुब, होलेनो ल्हो-ल्हो स्यीबे म्हीमाएनो सोस्ये मुब” बी लोप्टीब मुबल। 3होत्तज्यीम् थेङ्यीमाचे पत्रुसतेङ् युहन्नात चुङ्ज्यीम् म्हुन्गी जेल्री थेन्ज्यी। तलेपङ्सम् हुजु बेलोरी ङ्येस्ये तज्यीन्बल मुबल। 4तर य्हक्को म्हीमाचे थेङ्य्हीचे स्येत्पे तम् ङ्येन्ज्यीम् बीस्वास् स्य्हेङ्बल मुबल। बीस्वास् स्य्हेङ्बलमा न्हङ्री हजार ङ्हइ था अपकोलमा तबल मुबल।
5न्हम्स्य्होर्हङ् ङ्हच्छ्यङ् लम्बुमातेङ् धर्म-लोप्पोन्मा ओसेम् ल्हो-ल्हो अगुवामा यरुसलेम्री र्हुब तज्यी। 6हुजुरी गोदोब्न्हङ्की ङ्हच्छ्यङ् लम्बु हन्नासतेङ् बक्च्य कैयाफा, युहन्ना, अलेक्जेन्डर् ओसेम् गोदोब्न्हङ्की ङ्हच्छ्यङ् लम्बुइ ल्हो-ल्हो म्हेम्यमाएनो मुबल। 7थेङ्यीमाचे पत्रुसतेङ् युहन्नात ङोन्री बज्यीम्, “एङ्यीमाचे चु लक् खतेबे सक्तीचे खलइ मीन्री स्य्हेङ्बल य्हीन्ब?” बी ङ्योत्ज्यी।
8ओसेम् पबीत्र आत्माचे प्लीङ्ज्यीम् थेङ्यीमात पत्रुसचे पङ्ज्यी, “म्हीमाइ सासक्मातेङ् अगुवामा, 9तीङ्यी एङ्यीमाचे ङ्यीङ्हीत चु स्हेल्हेन्दी म्हीत ज्यबे लक् स्य्हेङ्ज्यीम् खले थे फेन्न लज्यी पङ्बे तम् ङ्योत्पल य्हीन्सम् 10चु तम् एङ्यीमातेङ् इस्राएलकी जम्मनो म्हीमाचे स्येःखइ- एङ्यीमाकी गुङ्री रप्टीबे चु म्ही एङ्यीमाचे क्रुस्री च्योज्यीम् सेत्पे नासरतकी येसु ख्रीस्ट्की छेन्री फेन्बल य्हीन्ब। तर येसुत पर्मेस्वर्चे स्यीब ग्यम्से सोनलजेत्ज्यी। 11धर्मइ छ्येःरी ब्रीबे चु तम् येसुइ बारेरी य्हीन्ब-
‘कर्मीमाचे लक् अत पङ्ज्यीम् ख्लाबे युङ्ब थेङ्नो य्हीन्ब,
देरे हुजु युङ्ब सुर् युङ्ब तखबल मुब।’
12“येसु बीम ल्हो-ल्हो खल्चेएनो मुक्ती पीन्ब अखम्। तलेपङ्सम् जम्बुलीङ्री जम्म म्हीमात मुक्ती न्हङ्बरी पर्मेस्वर्चे ल्हो-ल्हो खलइ मीन्एनो न्हङ्बल अरे।”
13पत्रुसतेङ् युहन्ना य्हक्को अखेत्लेएनो ङ्हच्छ्यङ् सभाकी म्हीमातेङ् तम् पङ्बरी आर् लबल म्रङ्ज्यीम् थेङ्यीमा तेङेन् तज्यी। ओसेम् थेङ्यीमाचे पत्रुसतेङ् युहन्नाएनो येसुतेङ् मुबल टीम् बी था यङ्ज्यी। 14तर हुजु फेन्बे म्ही थेङ्य्हीतेङ् बक्च्य रप्टीबल म्रङ्ज्यीम् थेङ्यीमाचे तेएनो पङ्अखम्। 15होत्तज्यीम् थेङ्यीमाचे पत्रुसतेङ् युहन्नात सभा ग्यम्से डोङ्ज्यीम् य्हरो बी कुल्ज्यी। ओसेम् थेङ्यीमा र्हङ्न्हङ्री चोले तम् डीःब तीप्ज्यी, 16ओसेम् गीःचे गीःत पङ्ज्यी, “देरेम् ङ्य्हङ्चे चु ङ्हीत ता लस्ये? थेङ्य्हीचे ङोन्बे तेङेन्की लक् गीः यरुसलेम्की जम्मनो म्हीमाचे म्रङ्बल मुब। ओसेम् हुजु लक् थेङ्य्हीचे स्य्हेङ्बल अय्हीन् बी ङ्य्हङ्चे पङ्अखम्। 17तर चु तम् ल्हो-ल्हो म्हीमाकी गुङ्री ठम्पुङ्ब अत। होत्तज्यीम् थेङ्यीमात, ‘देरे य्हङ्से एङ्यीमाचे येसुइ मीन्री खल्तेङ्एनो तइ तमएनो थपङो’ बी ङ्य्हङ्माचे पङ्थोब।”
18होत्तज्यीम् थेङ्यीमाचे पत्रुसतेङ् युहन्नात ङ्होत्ज्यीम्, “देरे य्हङ्से एङ्य्हीचे खल्तेएनो येसुइ मीन्री तइ तम्एनो थपङो ओसेम् थलोपो” बी कुल्ज्यी। 19तर पत्रुसतेङ् युहन्नाचे थेङ्यीमात जोहाप् पीन्ज्यी, “पर्मेस्वर्की फ्रोइ अङ्येन्नले एङ्यीमाकी तम् ङ्येन्ब पर्मेस्वर्की ङोन्री ठीक् य्हीन्ब वुइ अय्हीन्? एङ्यीमाचेनो म्हेनो। 20तलेपङ्सम् ङ्यीमा र्हङ्चे म्रङ्बतेङ् थ्येःबे तम् अपङ्नले टीअखम्।” 21होलेपङ्ब बीसेम् सभाकी म्हीमाचे पत्रुसतेङ् युहन्नात सजाय पीन्बरी तइ तम्एनो अय्हङ्ज्यीम् लोङ्खइ बी तोर् य्हम् मोर् य्हम् लज्यीम् पीत्लाज्यी। तलेपङ्सम् हुजुरी तबे तम् म्रङ्ज्यीम् म्हीमा जम्मचेनो पर्मेस्वर्त तोप्टीब मुबल। 22तलेपङ्सम् चु तेङेन्की लक् ग्यम्से फेन्बे म्ही ल्हेगोर् सोम् स्यी ब्लीतीङ् बीम य्हक्को बर्सल मुबल।
आर् यङ्बे लागीरी प्रार्थना
23पत्रुसतेङ् युहन्ना जेल्चे पीत्लाब साच्चेनो थेङ्यीमाइ र्होमाज ङ्यीज्यी। ओसेम् ङ्हच्छ्यङ् लम्बुमातेङ् अगुवामाचे पङ्बे जम्म तम्मा र्होमात स्येत्पीन्ज्यी। 24थेङ्य्हीकी चु तम् थ्येःब बीसेम् थेङ्यीमा जम्मनो सेम् गीः तज्यीम् पर्मेस्वर्त चोले प्रार्थना स्य्हेङ्ज्यी, “प्रभु, स्वर्गतेङ् जम्बुलीङ् ओसेम् समुन्द्रतेङ् हुजुरी मुबे जम्मनो स्हेमा थेङ्चेनो स्य्हेङ्जेत्पल य्हीन्ब। 25ओसेम् थेङ्की योक्पो ङ्यीमाइ म्हेमे दाऊदकी सुङ् ग्यम्से थेङ्की पबीत्र आत्माचे चोले सुङ्बल मुब,
‘यहुदी अय्हीन्बे म्हीमात तले बोमो खबल?
ओसेम् म्हीमाचे लक् अतबे तम्मा तले म्हेन्बल?
26जम्बुलीङ्की ग्यल्बोमातेङ् सासक्मा
परमप्रभुतेङ् थेङ्चे दम्जेत्पे मुक्ती न्हङ्बे ख्रीस्ट्की बीरोद् स्य्हेङ्बरी र्हुब तबल मुब।’
27“चु तम् देमेन्नो तबल मुब, तलेपङ्सम् थेङ्की पबीत्र योक्पो येसुत थेङ्चे मुक्ती न्हङ्बे ख्रीस्ट् स्य्हेङ्जेत्ज्यी। ओसेम् हुजु येसुइ बीरोद् स्य्हेङ्बरी हेरोदतेङ् पन्तीयस् पीलातस ओसेम् यहुदी अय्हीन्बे म्हीमातेङ् इस्राएलीमा चु सहर्री र्हुब् तबल मुबल। 28तर थेङ्यीमाचे ङोन्ग्यम्नो थेङ्की सक्तीतेङ् थेङ्चे थुः लजेत्पलकीनो स्य्हेङ्ज्यी। 29प्रभु, देरेम् थेङ्यीमाचे ङ्यीमात लोङ्नलबे तम् सेन्जेतो। ओसेम् थेङ्की योक्पोमात ङ्हच्छ्यङ् आर् न्हङज्यीम् थेङ्की फ्रोइ स्येत्पखम्नलजेतो। 30ओसेम् थेङ्की योक्पोमात थेङ्की पबीत्र योक्पो येसुइ छेन्री नबलमात फेन्न लबतेङ् तेङेन्की चीनोमा ओसेम् लक्मा स्य्हेङ्बे सक्ती न्हङ्जेतो।”
31चोले प्रार्थना स्य्हेङ्ब बुत्प बीसेम् थेङ्यीमा र्हुब् तबे ग्ला य्होङ्ज्यी। ओसेम् थेङ्यीमा जम्मनो पबीत्र आत्माचे प्लीङ्ज्यीम् पर्मेस्वर्की फ्रोइ अलोङ्नले स्येत्प तीप्ज्यी।
बीस्वासीमाकी कुङ्की स्हेमा
32बीस्वासीमा जम्मनो सेम्तेङ् लोरी गीःनो तब मुबल। ओसेम् खल्चेएनो “चु स्हे ङल य्हीन्ब” बी अपङ्नले जम्मचेनो थेङ्यीमातेङ् मुबे स्हेमात कुङ्की स्हे म्हेन्ब मुबल। 33प्रेरीतमाचे ङ्हच्छ्यङ् सक्ती यङ्ज्यीम् प्रभु येसु स्यीब ग्यम्से सोबल पङ्बे तम्की साक्षी पीन्ब मुबल। ओसेम् पर्मेस्वर्चे थेङ्यीमा जम्मत य्हक्को मोलम् न्हङ्जेत्पल मुबल। 34हुजुरी थेङ्यीमान्हङ्री खल्तएनो तइ स्हेएनो अय्होबल अरेबल। तलेपङ्सम् म्रङ्तेङ् दीम् मुबलमाचे चुङ्ज्यीम् 35हुजु ग्यम्से खबे टङ प्रेरीतमात पीन्ब मुबल। ओसेम् थेङ्यीमाचे तातरी तोज्यी हुजु अनुसार् जुज्यीम् कोल्ब मुबल।
36ओसेम् साइप्रस पङ्बे य्हुल्की लेबी खलक्की योसेफ पङ्बे म्हीत प्रेरीतमाचे बारनाबास पङ्बे मीन् थेन्ज्यी (बारनाबास पङ्बलम् ल्हो-ल्हो म्हीमात आर् पीन्बे म्ही य्हीन्ब)। 37थेचेएनो र्हङ्की म्रङ् चुङ्ज्यीम् खबे टङ प्रेरीतमात पीन्ज्यी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.