प्रेरीत् 9
9
साऊलचे येसुत बीस्वास् स्य्हेङ्बल
(प्रेरीत् २२:६-१६; २६:१२-१८)
1दबम् सम्मनो साऊलचे प्रभुइ डबमात सेत्प पङ्ज्यीम् लोङ्नलटीबल मुबल। थे गोदोब्न्हङ्की ङ्हच्छ्यङ् लम्बुज ङ्यीज्यीम् 2“ङ दमस्कस्री ङ्यीज्यीम् प्रभुइ लीप्चे ब्रबे अपकोलमातेङ् अमकोलमात खजु-खजु स्यप्लेएनो चुङ्ज्यीम्, खीज्यीम् यरुसलेमरी बम्यङो बी यहुदीमा र्हुब् तबे दीम्माकी मीन्री स्योःस्यो ब्रीपीनो” पङ्ज्यीम् र्हीत्ज्यी।
3ओसेम् साऊल दमस्कस सहर्री य्हर्टीमम् सहर्की रेइरी दोःब साच्चेनो स्वर्ग ग्यम्से थेइ कोरोरो य्हल् तज्यीम् सर्ज्यी। 4ओसेम् थे सरी गुर्ज्यीम् चोले पङ्बे केत् थ्येःज्यी, “साऊल, एचे ङत तले दुख पीन्ब?”
5ओसेम् साऊलचे “प्रभु र्हङ् खल य्हीन्ब?” बी ङ्योत्मम् चोतेबे केत् थ्येःज्यी, “ङ येसु य्हीन्ब, ङत एचे दुख पीन्टीबल मुब।
6“देरे ए रेःज्यीम् सहर्री ङ्यीउ, एचे ता स्य्हेङ्थोस्ये हुजु तम् एत हुजुरीनो स्येत्स्ये मुब।”
7साऊलतेङ् बक्च्य ङ्यीबे म्हीमा लेम्ब र्हङ् तज्यीम् तेएनो अपङ्नले रप्टीबल मुबल। तलेपङ्सम् थेङ्यीमाचे केत्मी थ्येःज्यी, तर खल्तएनो अम्रङ्। 8ओसेम् साऊल रेःज्यीम् मीः फ्येःज्यीम् च्यामम् थेचे तएनो म्रङ्अखम्। होत्तज्यीम् थेतेङ् बक्च्य मुबे म्हीमाचे थेत या चुङ्ज्यीम् दमस्कस्री सेबोर्ज्यी। 9थेचे सोम्रेत् सम्म मीः अम्रङ्, ओसेम् चबथुङ्बएनो अल।
10दमस्कस सहर्री हननीया पङ्बे डब गीः मुबल। थेत म्हङ्री प्रभुचे, “हननीया!” बी ङ्होत्जेत्ज्यी। हननीयाचे “कसोल प्रभु, सुङ्जेतो!” बी पङ्ज्यी।
11प्रभुचे थेत सुङ्ज्यी, “ए रेःज्यीम् तङ्-तङ् पङ्बे ग्यम्री ङ्यीउ। हुजुरी यहुदाकी दीम्री टार्सस सहर्की साऊल पङ्बे म्हीत म्हयो। हुजुरी थे प्रार्थना स्य्हेङ्टीबल मुब। 12थेचे म्हङ्री हननीया पङ्बे म्ही खज्यीम् थेचे म्रङ्ब खम्खइ बी थेइ जोरी हननीयाचे या थेन्बल म्रङ्ज्यी।”
13तर हननीयाचे पङ्ज्यी, “प्रभु हुजु म्हीचे यरुसलेमरी मुबे थेङ्की म्हीमात य्हक्को अज्यबे लक्मा स्य्हेङ्ज्यीम् दुख पीन्बल मुब रो पङ्बे तम् ङचे य्हक्को म्हीमा ग्यम्से थ्येःबल मुब।
14“ओसेम् चुरीएनो थेङ्त तेन्बलमात चुङ्ज्यीम् खीबरी साऊलचे ङ्हच्छ्यङ् लम्बुमा ग्यम्से अधीकार् यङ्बल मुब।”
15तर प्रभुचे थेत सुङ्ज्यी, “ङ्यीउ, तलेपङ्सम् ङचे थेत ङत तेन्बरी दम्बल मुब। थेचे यहुदी अय्हीन्बे म्हीमातेङ् ग्यल्बोमा ओसेम् इस्राएलकी म्हीमात ङइ मीन् थ्येःन लस्ये मुब।
16“ओसेम् थेचे ङइ लागीरी गत्ते दुख नाथोसे बी ङ थेत ङोन्स्ये मुब।”
17होत्तज्यीम् हननीया यहुदाकी दीम्री ङ्यीज्यीम् वङ्ज्यी। ओसेम् साऊलकी जोरी या थेन्ज्यीम् पङ्ज्यी, “ओ अले साऊल, ए चुरी खटीबे बेलोरी ग्यम्री म्रङ्युजेत्पे प्रभु येसुचे ङत चुरी पीत्खजेत्पल य्हीन्ब। एचे देबेएनो मीः म्रङ्ब खम्खइ ओसेम् पबीत्र आत्माचे प्लीङ्खइ #९:१७ पबीत्र आत्माचे प्लीङ्खइ पबीत्र आत्माचे प्लीङब पङ्बलम् पबीत्र आत्मा सक्तीइ रुप्री यङ्बल य्हीन्ब। ओसेम् पबीत्र आत्माचे अगुवाइ स्य्हेङ्ज्यीम् पर्मेस्वर्की थुः अनुसार् चल्दीब य्हीन्ब। #प्रेरीत् १:८ पङ्ज्यीम् थेङ्चे ङत चुरी पीत्खजेत्पल य्हीन्ब।”
18हननीयाचे चोले पङ्ब साच्चेनो साऊलकी मीः ग्यम्से गोरा र्हङ्ब तइज्यी। ओसेम् थेचे देबेएनो म्रङ्खम्ज्यी। म्रङ्ब बीसेम् रेःज्यीम् बप्तीस्मा कीन्ज्यी। 19ओसेम् चब चज्यीम् बङ् यङ्ज्यी। साऊल तोव रेत्सम्मनो डबमातेङ् दमस्कस सहर्रीनो टीज्यी।
साऊलचे दमस्कस्री ज्यबे सम्तर् स्येत्पल
20थे ग्योन्-ग्योन्नो यहुदीमा र्हुब् तबे दीम्री ङ्यीज्यीम् “येसु पर्मेस्वर्की ज य्हीन्ब” पङ्ज्यीम् स्येत्प तीप्ज्यी। 21थेइ तम् थ्येःबे म्हीमा जम्मनो तेङेन् तज्यीम् गीःचे गीःत ङ्योत्ज्यी, “येसुइ मीन् कीन्बे यरुसलेमरी मुबे म्हीमात नास् स्य्हेङ्बे म्ही चुनो अय्हीनो स्यीम्? ओसेम् थे चुरीएनो येसुइ मीन् कीन्बलमात चुङ्ज्यीम् खीःज्यीम् ङ्हच्छ्यङ् लम्बुमाज बोर्बरी खबल अय्हीनो स्यीम्?” 22तर साऊलचे झन् य्हक्को प्रचार स्य्हेङ्ब खम्बोर्ज्यी। ओसेम् थेचे दमस्कस्री मुबे यहुदीमात येसुनो मुक्ती न्हङ्बे ख्रीस्ट् य्हीन्ब बी दस्यी पीन्स्यीनो टीबल तज्यीम् थेङ्यीमाचे तेएनो पङ्ब अखम्।
23हुजु लीप्चे तोव दीन् य्हर्ब बीसेम् यहुदीमा र्हुब तज्यीम् साऊलत सेत्परी तम् डीःज्यी। 24तर थेङ्यीमाचे साऊलत सेत्प म्हइबे तम् साऊलचे स्येःज्यी। थेङ्यीमा साऊलत सेत्परी सहर्की म्रप्मारी दीन्म्हुन्नो रुङ्ज्यीम् टीब मुबल। 25तर तीरेत् म्हुन् थेइ डबमाचे साऊलत छङ्री युज्यीम् छो:द ताज्यीम् सहर्की कऊरुसे गोलेले दुङ्री फप्पीत्ज्यी।
साऊल यरुसलेम सहर्री
26साऊल यरुसलेमरी खब बीसेम् डबमातेङ् थुन्ज्यीम् बक्च्य टीब म्हइज्यी। तर डबमा साऊलतेङ् लोङ्ज्यीम् थेङ्यीमाचे साऊल देमेन्नो डब य्हीन्ब बी पतइतीबनो अखम्। 27तर बारनाबास पङ्बे डबचे साउलत र्हो लज्यीम् र्हङ्तेङ् बक्च्यनो प्रेरीतमाज बोर्ज्यी। ओसेम् साऊलचे प्रभुत ग्यम्री म्रङ्बे तम्तेङ् प्रभुचे थेतेङ् फ्रोइ सुङ्जेत्पे तम् स्येत्ज्यी, ओसेम् साऊलचे दमस्कस्री अलोङ्नले येसुइ छेन्री लोप्ज्यी पङ्बे तम्एनो बारनाबासचे प्रेरीतमात स्येत्पीन्ज्यी। 28ओसेम् साऊल प्रेरीतमातेङ् बक्च्य टीज्यी, ओसेम् थेङ्यीमातेङ् बक्च्यनो ब्रज्यीम् यरुसलेमकी जम्मनो ग्लामारी आर् लज्यीम् प्रभुइ छेन्री लोप्ज्यी। 29थेचे ग्रीक् ग्योत् पङ्बे यहुदीमातेङ्एनो तम् ज्योप्ज्यी। तर थेङ्यीमाचे साऊलत सेत्प म्हइज्यी। 30साऊलत सेत्प पङ्बे तम् बीस्वासीमाचे स्येःज्यीम् बीस्वासीमाचे साऊलत कैसरीया पङ्बे सहर्री बोर्ज्यी। ओसेम् हुजु ग्ला ग्यम्से टार्सस पङ्बे सहर्री पीत्ज्यी।
31हुजु लीप्चे यहुदीयातेङ् गालील ओसेम् सामरीया प्रदेस्री मुबे मन्डलीमात सान्ती तज्यी। बीस्वासीमा पर्मेस्वर्तेङ् लोङ्ज्यीम् ब्रबल तज्यीम् मन्डलीमा बङ्ज्येन् तज्यी। ओसेम् पबीत्र आत्मा ग्यम्से आर् यङ्बल तज्यीम् बीस्वासीमाएनो य्हक्को तबोर्ज्यी।
पत्रुसचे एनीयासत फेन्नलबल
32पत्रुस तोर् मोर्की नम्समा कोर्ज्यीम् ब्रबे बेलोरी लीड्डा पङ्बे नम्सरी मुबे बीस्वासीमाज दोखज्यी। 33हुजुरी पत्रुसचे एनीयास पङ्बे म्ही गीःत दोज्यी। थे या कङ् अचल्तीबे नेत् स्यप्ज्यीम् ब्रेत्तीङ् तबल मुबल। 34ओसेम् पत्रुसचे थेत पङ्ज्यी, “एनीयास, एत येसु ख्रीस्ट्चे फेन्नलजेत्प, ए रेःज्यीम् एइ तीत्प न्हेन्ब बागो।” होलेपङ्ब साच्चेनो थे फोत्रेःज्यी। 35ओसेम् लीड्डा नम्सतेङ् सारोन नम्सरी टीबे जम्मनो म्हीमाचे हुजु म्ही फेन्बल म्रङ्ज्यीम् प्रभुत बीस्वास् लज्यी।
36ओसेम् योप्पा पङ्बे सहर्री तबीता पङ्बे डब अमकोल गीः मुबल। थेत ग्रीक् ग्योत्री डोरकास पङ्ब मुबल। (डोरकास पङ्बलम् तेङ्की य्हीन्ब।) थेचे खेम पङ्लेएनो प्रङ्नमात र्हो लज्यीम् ज्यबे लक् स्य्हेङ्ब मुबल। 37पत्रुस लीड्डा सहर्री मुबे बेलोरी हुजु अमकोल नज्यीम् स्यीज्यी। ओसेम् म्हीमाचे थेइ स्यीबे ल्हीत ख्रुज्यीम् दीम्की जोमी जोइ तलरी थेन्ज्यी। 38योप्पा सहर्तेङ् लीड्डा सहर् ज्यदङ् मुबल। योप्पा सहर्की बीस्वासीमाचे पत्रुस लीड्डा सहर्री मुब पङ्बे तम् थ्येःज्यीम् थेङ्यीमाचे म्ही ङ्हीत पत्रुसज, “थेङ् ङ्यीमाज ग्योने ब्योन्खोउ” बी पङो पङ्ज्यीम् पीत्ज्यी। 39होत्तज्यीम् पत्रुस थेङ्यीमातेङ् ङ्यीज्यी।
हुजुरी दोःब बीसेम् थेङ्यीमाचे पत्रुसत दीम्की जोमी जोइ तलरी बोर्ज्यी। हुजुरी मुबे र्हेम्बो स्यीबे अमकोलमाचे पत्रुसत डोर्कासचे राबे येन्मा ङोन्ज्यीम् पत्रुसकी कोरोरो क्राज्यी। 40तर पत्रुसचे थेङ्यीमा जम्मत दोरी पीत्ज्यीम् पुइ जुःज्यीम् प्रार्थना स्य्हेङ्ज्यी। हुजु लीप्चे हुजु स्यीबे ल्ही पट्टीचे दोःज्यीम्, “ओ तबीता, रेःगो!” बी पङ्ज्यी। होलेपङ्ब बीसेम् हुजु अमकोलचे मीः च्याज्यी। ओसेम् पत्रुसत म्रङ्ब बीसेम् रेःज्यीम् टीज्यी। 41पत्रुसचे हुजु अमकोलइ या चुङ्ज्यीम् सेन्ज्यी। हुजु लीप्चे पत्रुसचे बीस्वासीमातेङ् र्हेम्बो स्यीबे अमकोलमात ङ्होत्ज्यीम् डोरकास सोबल ङोन्ज्यी।
42चु तम् योप्पा सहर्की खन बीबीनो थ्येःज्यी। ओसेम् य्हक्को म्हीमाचे प्रभुत बीस्वास् लज्यी। 43ओसेम् पत्रुस य्हक्को दीन् सम्मनो डीइ लक् स्य्हेङ्बे सीमोन पङ्बे म्हीतेङ् योप्पा सहर्रीनो टीज्यी।
Currently Selected:
प्रेरीत् 9: WTDG
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
प्रेरीत् 9
9
साऊलचे येसुत बीस्वास् स्य्हेङ्बल
(प्रेरीत् २२:६-१६; २६:१२-१८)
1दबम् सम्मनो साऊलचे प्रभुइ डबमात सेत्प पङ्ज्यीम् लोङ्नलटीबल मुबल। थे गोदोब्न्हङ्की ङ्हच्छ्यङ् लम्बुज ङ्यीज्यीम् 2“ङ दमस्कस्री ङ्यीज्यीम् प्रभुइ लीप्चे ब्रबे अपकोलमातेङ् अमकोलमात खजु-खजु स्यप्लेएनो चुङ्ज्यीम्, खीज्यीम् यरुसलेमरी बम्यङो बी यहुदीमा र्हुब् तबे दीम्माकी मीन्री स्योःस्यो ब्रीपीनो” पङ्ज्यीम् र्हीत्ज्यी।
3ओसेम् साऊल दमस्कस सहर्री य्हर्टीमम् सहर्की रेइरी दोःब साच्चेनो स्वर्ग ग्यम्से थेइ कोरोरो य्हल् तज्यीम् सर्ज्यी। 4ओसेम् थे सरी गुर्ज्यीम् चोले पङ्बे केत् थ्येःज्यी, “साऊल, एचे ङत तले दुख पीन्ब?”
5ओसेम् साऊलचे “प्रभु र्हङ् खल य्हीन्ब?” बी ङ्योत्मम् चोतेबे केत् थ्येःज्यी, “ङ येसु य्हीन्ब, ङत एचे दुख पीन्टीबल मुब।
6“देरे ए रेःज्यीम् सहर्री ङ्यीउ, एचे ता स्य्हेङ्थोस्ये हुजु तम् एत हुजुरीनो स्येत्स्ये मुब।”
7साऊलतेङ् बक्च्य ङ्यीबे म्हीमा लेम्ब र्हङ् तज्यीम् तेएनो अपङ्नले रप्टीबल मुबल। तलेपङ्सम् थेङ्यीमाचे केत्मी थ्येःज्यी, तर खल्तएनो अम्रङ्। 8ओसेम् साऊल रेःज्यीम् मीः फ्येःज्यीम् च्यामम् थेचे तएनो म्रङ्अखम्। होत्तज्यीम् थेतेङ् बक्च्य मुबे म्हीमाचे थेत या चुङ्ज्यीम् दमस्कस्री सेबोर्ज्यी। 9थेचे सोम्रेत् सम्म मीः अम्रङ्, ओसेम् चबथुङ्बएनो अल।
10दमस्कस सहर्री हननीया पङ्बे डब गीः मुबल। थेत म्हङ्री प्रभुचे, “हननीया!” बी ङ्होत्जेत्ज्यी। हननीयाचे “कसोल प्रभु, सुङ्जेतो!” बी पङ्ज्यी।
11प्रभुचे थेत सुङ्ज्यी, “ए रेःज्यीम् तङ्-तङ् पङ्बे ग्यम्री ङ्यीउ। हुजुरी यहुदाकी दीम्री टार्सस सहर्की साऊल पङ्बे म्हीत म्हयो। हुजुरी थे प्रार्थना स्य्हेङ्टीबल मुब। 12थेचे म्हङ्री हननीया पङ्बे म्ही खज्यीम् थेचे म्रङ्ब खम्खइ बी थेइ जोरी हननीयाचे या थेन्बल म्रङ्ज्यी।”
13तर हननीयाचे पङ्ज्यी, “प्रभु हुजु म्हीचे यरुसलेमरी मुबे थेङ्की म्हीमात य्हक्को अज्यबे लक्मा स्य्हेङ्ज्यीम् दुख पीन्बल मुब रो पङ्बे तम् ङचे य्हक्को म्हीमा ग्यम्से थ्येःबल मुब।
14“ओसेम् चुरीएनो थेङ्त तेन्बलमात चुङ्ज्यीम् खीबरी साऊलचे ङ्हच्छ्यङ् लम्बुमा ग्यम्से अधीकार् यङ्बल मुब।”
15तर प्रभुचे थेत सुङ्ज्यी, “ङ्यीउ, तलेपङ्सम् ङचे थेत ङत तेन्बरी दम्बल मुब। थेचे यहुदी अय्हीन्बे म्हीमातेङ् ग्यल्बोमा ओसेम् इस्राएलकी म्हीमात ङइ मीन् थ्येःन लस्ये मुब।
16“ओसेम् थेचे ङइ लागीरी गत्ते दुख नाथोसे बी ङ थेत ङोन्स्ये मुब।”
17होत्तज्यीम् हननीया यहुदाकी दीम्री ङ्यीज्यीम् वङ्ज्यी। ओसेम् साऊलकी जोरी या थेन्ज्यीम् पङ्ज्यी, “ओ अले साऊल, ए चुरी खटीबे बेलोरी ग्यम्री म्रङ्युजेत्पे प्रभु येसुचे ङत चुरी पीत्खजेत्पल य्हीन्ब। एचे देबेएनो मीः म्रङ्ब खम्खइ ओसेम् पबीत्र आत्माचे प्लीङ्खइ #९:१७ पबीत्र आत्माचे प्लीङ्खइ पबीत्र आत्माचे प्लीङब पङ्बलम् पबीत्र आत्मा सक्तीइ रुप्री यङ्बल य्हीन्ब। ओसेम् पबीत्र आत्माचे अगुवाइ स्य्हेङ्ज्यीम् पर्मेस्वर्की थुः अनुसार् चल्दीब य्हीन्ब। #प्रेरीत् १:८ पङ्ज्यीम् थेङ्चे ङत चुरी पीत्खजेत्पल य्हीन्ब।”
18हननीयाचे चोले पङ्ब साच्चेनो साऊलकी मीः ग्यम्से गोरा र्हङ्ब तइज्यी। ओसेम् थेचे देबेएनो म्रङ्खम्ज्यी। म्रङ्ब बीसेम् रेःज्यीम् बप्तीस्मा कीन्ज्यी। 19ओसेम् चब चज्यीम् बङ् यङ्ज्यी। साऊल तोव रेत्सम्मनो डबमातेङ् दमस्कस सहर्रीनो टीज्यी।
साऊलचे दमस्कस्री ज्यबे सम्तर् स्येत्पल
20थे ग्योन्-ग्योन्नो यहुदीमा र्हुब् तबे दीम्री ङ्यीज्यीम् “येसु पर्मेस्वर्की ज य्हीन्ब” पङ्ज्यीम् स्येत्प तीप्ज्यी। 21थेइ तम् थ्येःबे म्हीमा जम्मनो तेङेन् तज्यीम् गीःचे गीःत ङ्योत्ज्यी, “येसुइ मीन् कीन्बे यरुसलेमरी मुबे म्हीमात नास् स्य्हेङ्बे म्ही चुनो अय्हीनो स्यीम्? ओसेम् थे चुरीएनो येसुइ मीन् कीन्बलमात चुङ्ज्यीम् खीःज्यीम् ङ्हच्छ्यङ् लम्बुमाज बोर्बरी खबल अय्हीनो स्यीम्?” 22तर साऊलचे झन् य्हक्को प्रचार स्य्हेङ्ब खम्बोर्ज्यी। ओसेम् थेचे दमस्कस्री मुबे यहुदीमात येसुनो मुक्ती न्हङ्बे ख्रीस्ट् य्हीन्ब बी दस्यी पीन्स्यीनो टीबल तज्यीम् थेङ्यीमाचे तेएनो पङ्ब अखम्।
23हुजु लीप्चे तोव दीन् य्हर्ब बीसेम् यहुदीमा र्हुब तज्यीम् साऊलत सेत्परी तम् डीःज्यी। 24तर थेङ्यीमाचे साऊलत सेत्प म्हइबे तम् साऊलचे स्येःज्यी। थेङ्यीमा साऊलत सेत्परी सहर्की म्रप्मारी दीन्म्हुन्नो रुङ्ज्यीम् टीब मुबल। 25तर तीरेत् म्हुन् थेइ डबमाचे साऊलत छङ्री युज्यीम् छो:द ताज्यीम् सहर्की कऊरुसे गोलेले दुङ्री फप्पीत्ज्यी।
साऊल यरुसलेम सहर्री
26साऊल यरुसलेमरी खब बीसेम् डबमातेङ् थुन्ज्यीम् बक्च्य टीब म्हइज्यी। तर डबमा साऊलतेङ् लोङ्ज्यीम् थेङ्यीमाचे साऊल देमेन्नो डब य्हीन्ब बी पतइतीबनो अखम्। 27तर बारनाबास पङ्बे डबचे साउलत र्हो लज्यीम् र्हङ्तेङ् बक्च्यनो प्रेरीतमाज बोर्ज्यी। ओसेम् साऊलचे प्रभुत ग्यम्री म्रङ्बे तम्तेङ् प्रभुचे थेतेङ् फ्रोइ सुङ्जेत्पे तम् स्येत्ज्यी, ओसेम् साऊलचे दमस्कस्री अलोङ्नले येसुइ छेन्री लोप्ज्यी पङ्बे तम्एनो बारनाबासचे प्रेरीतमात स्येत्पीन्ज्यी। 28ओसेम् साऊल प्रेरीतमातेङ् बक्च्य टीज्यी, ओसेम् थेङ्यीमातेङ् बक्च्यनो ब्रज्यीम् यरुसलेमकी जम्मनो ग्लामारी आर् लज्यीम् प्रभुइ छेन्री लोप्ज्यी। 29थेचे ग्रीक् ग्योत् पङ्बे यहुदीमातेङ्एनो तम् ज्योप्ज्यी। तर थेङ्यीमाचे साऊलत सेत्प म्हइज्यी। 30साऊलत सेत्प पङ्बे तम् बीस्वासीमाचे स्येःज्यीम् बीस्वासीमाचे साऊलत कैसरीया पङ्बे सहर्री बोर्ज्यी। ओसेम् हुजु ग्ला ग्यम्से टार्सस पङ्बे सहर्री पीत्ज्यी।
31हुजु लीप्चे यहुदीयातेङ् गालील ओसेम् सामरीया प्रदेस्री मुबे मन्डलीमात सान्ती तज्यी। बीस्वासीमा पर्मेस्वर्तेङ् लोङ्ज्यीम् ब्रबल तज्यीम् मन्डलीमा बङ्ज्येन् तज्यी। ओसेम् पबीत्र आत्मा ग्यम्से आर् यङ्बल तज्यीम् बीस्वासीमाएनो य्हक्को तबोर्ज्यी।
पत्रुसचे एनीयासत फेन्नलबल
32पत्रुस तोर् मोर्की नम्समा कोर्ज्यीम् ब्रबे बेलोरी लीड्डा पङ्बे नम्सरी मुबे बीस्वासीमाज दोखज्यी। 33हुजुरी पत्रुसचे एनीयास पङ्बे म्ही गीःत दोज्यी। थे या कङ् अचल्तीबे नेत् स्यप्ज्यीम् ब्रेत्तीङ् तबल मुबल। 34ओसेम् पत्रुसचे थेत पङ्ज्यी, “एनीयास, एत येसु ख्रीस्ट्चे फेन्नलजेत्प, ए रेःज्यीम् एइ तीत्प न्हेन्ब बागो।” होलेपङ्ब साच्चेनो थे फोत्रेःज्यी। 35ओसेम् लीड्डा नम्सतेङ् सारोन नम्सरी टीबे जम्मनो म्हीमाचे हुजु म्ही फेन्बल म्रङ्ज्यीम् प्रभुत बीस्वास् लज्यी।
36ओसेम् योप्पा पङ्बे सहर्री तबीता पङ्बे डब अमकोल गीः मुबल। थेत ग्रीक् ग्योत्री डोरकास पङ्ब मुबल। (डोरकास पङ्बलम् तेङ्की य्हीन्ब।) थेचे खेम पङ्लेएनो प्रङ्नमात र्हो लज्यीम् ज्यबे लक् स्य्हेङ्ब मुबल। 37पत्रुस लीड्डा सहर्री मुबे बेलोरी हुजु अमकोल नज्यीम् स्यीज्यी। ओसेम् म्हीमाचे थेइ स्यीबे ल्हीत ख्रुज्यीम् दीम्की जोमी जोइ तलरी थेन्ज्यी। 38योप्पा सहर्तेङ् लीड्डा सहर् ज्यदङ् मुबल। योप्पा सहर्की बीस्वासीमाचे पत्रुस लीड्डा सहर्री मुब पङ्बे तम् थ्येःज्यीम् थेङ्यीमाचे म्ही ङ्हीत पत्रुसज, “थेङ् ङ्यीमाज ग्योने ब्योन्खोउ” बी पङो पङ्ज्यीम् पीत्ज्यी। 39होत्तज्यीम् पत्रुस थेङ्यीमातेङ् ङ्यीज्यी।
हुजुरी दोःब बीसेम् थेङ्यीमाचे पत्रुसत दीम्की जोमी जोइ तलरी बोर्ज्यी। हुजुरी मुबे र्हेम्बो स्यीबे अमकोलमाचे पत्रुसत डोर्कासचे राबे येन्मा ङोन्ज्यीम् पत्रुसकी कोरोरो क्राज्यी। 40तर पत्रुसचे थेङ्यीमा जम्मत दोरी पीत्ज्यीम् पुइ जुःज्यीम् प्रार्थना स्य्हेङ्ज्यी। हुजु लीप्चे हुजु स्यीबे ल्ही पट्टीचे दोःज्यीम्, “ओ तबीता, रेःगो!” बी पङ्ज्यी। होलेपङ्ब बीसेम् हुजु अमकोलचे मीः च्याज्यी। ओसेम् पत्रुसत म्रङ्ब बीसेम् रेःज्यीम् टीज्यी। 41पत्रुसचे हुजु अमकोलइ या चुङ्ज्यीम् सेन्ज्यी। हुजु लीप्चे पत्रुसचे बीस्वासीमातेङ् र्हेम्बो स्यीबे अमकोलमात ङ्होत्ज्यीम् डोरकास सोबल ङोन्ज्यी।
42चु तम् योप्पा सहर्की खन बीबीनो थ्येःज्यी। ओसेम् य्हक्को म्हीमाचे प्रभुत बीस्वास् लज्यी। 43ओसेम् पत्रुस य्हक्को दीन् सम्मनो डीइ लक् स्य्हेङ्बे सीमोन पङ्बे म्हीतेङ् योप्पा सहर्रीनो टीज्यी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.