Genesis 30
30
1Rahel do tinreye ńelkeda acʼ do Jakobren gidrạren eṅgat bae hoedaṛeakʼ kana unre uni do acʼren boeha kuṛi cetanre hiskạ rakapʼadea. Uni do Jakobe metadea, “Gidrạ imạńme, arbaṅ khan iń doń gujukʼa.”
2Unre Jakob do Rahel cetanre ạḍiye raṅgaoena. Uniye menkeda, “Iń doń Isor kana se cetʼ? Unige coṅe bạńjhi ocoakatʼme.”
3Rahele menkeda, “Ińren kạ̃ṛmĩ Bilhạ hataoem. Am do uni ṭhen bolokʼme jemon uni hotete hoborre gidrạń ńame, ar nonkate iń hõ mitʼṭecʼ gharońj iń benao rakaba.”
4Noa menkate Rahel do Jakob sãote acʼren kạ̃ṛmĩ Bilhae baplakadea, ar Jakob hõ uni ṭhene boloyena. 5Nonkate Bilhạ doe bhạrti hoṛmoyena ar mitʼṭen koṛa gidrại janamkedea. 6Unre Rahele menkeda, “Isor do hok reakʼe bicạr akada ar ińakʼ rakʼe ańjomketʼte mitʼṭen koṛa gidrại emadińa.” Ona iạte gidrạwakʼ ńutum do Dane dohoketʼtaea (metakʼme “Hok reakʼ bicạr”). 7Rahelren kạ̃ṛmĩ Bilhạ do arhõe bhạrti hoṛmoyena, ar nonkate uni do dosar dhao koṛa gidrạren eṅgate hoyena. 8Unre Rahele menkeda, “Isor do maraṅ lạṛhạire ińren boeha khone jitạu akadińa.” Onate uni gidrạwakʼ ńutum do Napthaliye dohoketʼtaea (metakʼme “Lạṛhại”).
9Ar Lea tinreye ńelkeda acʼren cele gidrạge bako hoyokʼkana unre acʼren kạ̃ṛmĩ Silpạ do Jakob tulucʼe baplakadea. 10Onate Learen kạ̃ṛmĩ Silpawakʼ kukhire Jakobren mitʼṭen koṛa gidrại hoyena. 11Unre Lea doe menkeda, “Ạḍi bhạg tiń!” Noa menkate uni do gidrạwakʼ ńutum Gade dohoketʼtaea (metakʼme “Bhạg”). 12Silpạ do Jakobren armitʼṭen koṛa gidrạren eṅgate hoyena. 13Unre Lea doe menkeda, “Ạḍi suk ińakʼ do! Sanam maejiukoge iń do bhạganicʼko mitạńa.” Onate gidrạwakʼ ńutum do Asere dohoketʼtaea (metakʼme “Kusiʼ”).
14Guhum gegetʼ jokhecʼ Ruben do ṭạnḍi secʼe senen khan jauḍicʼ Dudạ#30.14: Dudạ jo: Noa do mitʼ lekan jo one ona jomte daṛe ńamokʼ ar dulạṛ em hạṭińokʼ lekate hõ beoharokʼkan tahẽkana. joe ńamkeda ar onako ạgukate eṅgattetʼe emadea. Unre Rahel do Leae metadea, “Amren gidrại ạguakatʼ dudạ jo khon thoṛa imạńme.”
15Menkhan Lea do uniye metadea, “Ińren jãwãeyem hatao akadere hõ cetʼ baṅ hoyokʼkan tama? Ar ińren hopone ạguakatʼ Dudạ jo hõm khojkana?”
Rahele roṛ ruạṛkeda, “Amren hopone ạguakatʼ Dudạ jo bodolte teheń ńindạ uni do am tulucʼe giticʼma.”
16Ado ạyupʼ jokhecʼ Jakob do ṭạnḍi khon hijukʼe ńelkede khan Lea doe oḍokente uniye metadea, “Teheń do iń tulucʼem giticʼa, ente hoponińe ạguakatʼ Dudạ jote am doń bhaṛa akatʼmea.” Onate Jakob do enhilokʼ ńindạ Lea tulucʼe giticʼmitʼena.
17Isor do Leawakʼ koejoṅe ańjomketʼtaea ar uni doe bhạrti hoṛmoyente mõṛẽ dhao Jakobren gidrạren eṅgate hoyena. 18Unre Lea doe menkeda, “Ińren jãwãe do kạ̃ṛmĩń emadete Isor do kuṛạiye emadińạ.” Ar onate uni gidrạwakʼ ńutum do Isakare dohoketʼtaea (metakʼme “Kuṛại”). 19Noa tayom Lea do arhõe bhạrti hoṛmoyente turui dhao Jakobren gidrạren eṅgate hoyena. 20Unre Lea doe menkeda, “Isor do mitʼṭecʼ mońj dane emakawạdińa. Ńit khon ińren jãwãe doe manotińạ, ente ińakʼ kukhire uniren turui goṭen gidrạń janam akatʼkoa.” Noa menkate uni do gidrạwakʼ ńutum do Sebulone dohoketʼa (metakʼme “Manot”). 21Ona tayom Learen do armitʼṭen kuṛiye hoyena. Uniyakʼ ńutum do Dinae dohoketʼtaea.
22Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea. 23Onate Rahel doe bhạrti hoṛmoyena ar mitʼṭen koṛa gidrại janamkedea. Unre uniye menkeda, “Isor do ińakʼ henostae ocokʼketʼtińạ.” 24Ar uni koṛa gidrạwakʼ ńutum do Josephe dohoketʼtaea (Metakʼme “Uni do arhõ jemone emokʼ ”), ente uni doe menleda, “Probhu Isor do jemon ar mitʼṭen gidrại danạń.”
Jakobakʼ beton ṭhik dohokʼkan
25Rahelakʼ kukhire Josephe janamen khan Jakob do Labane metadea, “Ńitokʼ do bidạ kạliń ben jemon ạlińakʼ disạm ar apnar oṛakʼ teliń ruạṛ calao daṛeakʼ. 26Ạlińren hopon ar hoponerako ar ạlińren bạhu iạtege abenakʼ liń kạmi akada. Ar ńitokʼ baṛe onko seletʼ calao ocowạliń ben. Ar aben doben baḍaegea abenakʼ cetʼleka liń kạmi akada mente.”
27Menkhan Laban do uniye metadea, “Ạliń cetanre abenakʼ jãhãn bekusiyakʼ menakʼ khan enḍekhan alo ben calakʼa. Ạliń liń bujhạu daṛeakʼ kana, Probhu Isor do aben iạtege ạliń doe bhor akawatʼlińa.” 28Uni do arhõe menkeda, “Abenakʼ beton do abenge ṭhik joṅ ben. Ạliń do onage liń em katabena.”
29Menkhan Jakob doe menkeda, “Abenakʼ cetʼleka liń kạmi akatʼ ar ạlińakʼ tite cetʼleka abenren palko bạḍ akan, ona do abenge ben baḍaea. 30Ạliń hijukʼ lahare abenren mĩhũ-merom palko nunạkʼ ḍher do bako tahẽkana, menkhan ńitokʼ do ḍherko bạḍ akana. Ar ạliń jãhãrege liń dãṛã akatʼ onḍege Probhu Isor do abene bhor akatʼbena. Menkhan ńitokʼ do ạlińakʼ gharońj reakʼ katha hudis reakʼ okte hoyakan tạlińa.”
31Unre Labane menkeda, “Ạliń do cetʼ liń emabena?”
Jakobe menkeda, “Aben do cetʼge emokʼ baṅ hoyokʼtabena. Menkhan eken mitʼṭecʼ katha ben doholekhan enḍekhan ạliń do arhõ abenren palkoliń gupikoa arliń jotonkoa. 32Ạliń do teheńge abenren mĩhũ-merom palko tala khon huḍiń ar maraṅ kabra chapan merom ar bhiḍiko ar bhiḍi hoponko liń begarkoa. Ar onkoge ạlińren beton lekako hoyokʼa. 33Ar tayom daram jãhãtinrege ạlińakʼ beton reakʼ ben hudis unre noko khonge sạbudokʼa, cetʼge bạliń behok akada mente. Huḍiń ar maraṅ kabra chap bạnukʼ nonkan merom se bhiḍi hopon ạlińakʼ palreko ńamlen khan onko do kombṛo akanko menteko hudisokʼa.”
34Labane menkeda, “Hẽ, bhagegea. Aben okaben hudisetʼ onage hoyokʼma.”
35Ar Laban do enhilokʼge acʼren mĩhũ-merom palko khon Jakob lạgitʼ lạṭu ar kạṭicʼ kabra chapan merom eṅga, metakʼme okoekoakʼ hoṛmore jaega jaegare ponḍ upʼ tahẽkan onko ar bhiḍikoren hõ hende hende hoponkoe begarketʼkoa. Onko ńel todarotko reakʼ bhar do acʼren hoponkoe ematʼkoa. 36Ona tayom uni do Jakob ṭhen khon pe din reakʼ hor sạṅgińe senena, ar Jakob do Labanren sarecʼ palko ńel todarotkoe ehopʼena.
37Tayomte Jakob do pea eṭakʼ eṭakʼ dare reakʼ berel ḍạre hataokeda ar ona ḍạr reakʼ chal jaega jaegareye chaḍaokeda. Onate ona do ponḍge ńelena. 38Ar Palren mĩhũ-meromko tinre dakʼ ńũko hijukʼa unre uni do ona ḍạrko dakʼ reakʼ gamlareye topokakʼkan tahẽkana. Ar nonḍe dakʼ ńũ lạgitʼko jarwakʼkan tahẽkanre onko doko (otoṅokʼ) milạukʼkan tahẽkana. 39Nonkate ona ḍạrko samaṅreko milạukʼkan tahẽkante onkoren okoeko hoponko janamokʼkan tahẽkan onko do lạṭu lạṭu ar kạṭicʼ kạṭicʼ kabra kabra chapanko hoyokʼkan tahẽkana. 40Jakob do merom hopon ar bhiḍi hoponkoe begaretʼko tahẽkana, ar merom pạṭhi ar bhiḍi pạṭhiko do Labanren kabra ar hende merom ar hende bhiḍi palko talareye dohoyetʼko tahẽkana. Nonkate uni do acʼ lạgitʼ judạ mitʼṭen mĩhũ-meromkoakʼ pale tearkeda ar onko palrenko do Labanren palko sãote bae mesao ocowatʼkoa. 41Ona chaḍa ḍher daṛean bhiḍi-meromkoko midokʼre uni do dakʼ reakʼ gamlare onko samaṅre ona ḍạrkoe topo dohokakʼkan tahẽkana jemon ona ḍạr samaṅre onkoko midokʼ (otoṅokʼ). 42Menkhan nijor bhiḍi ar meromko samaṅre ona ḍạrko do bae dohoyetʼ tahẽkana. Onate Labanren bhiḍi-meromko do nijorkoge ar Jakobren do daṛe daṛeko hoyena. 43Ar Jakob do nonkate ạḍiye kisạ̃ṛena. Uniren mĩhũ-merom, ũṭ, gadha ar guti kạ̃ṛmĩko hõ ḍherko saṅge idiyena.
Currently Selected:
Genesis 30: SBT
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
Genesis 30
30
1Rahel do tinreye ńelkeda acʼ do Jakobren gidrạren eṅgat bae hoedaṛeakʼ kana unre uni do acʼren boeha kuṛi cetanre hiskạ rakapʼadea. Uni do Jakobe metadea, “Gidrạ imạńme, arbaṅ khan iń doń gujukʼa.”
2Unre Jakob do Rahel cetanre ạḍiye raṅgaoena. Uniye menkeda, “Iń doń Isor kana se cetʼ? Unige coṅe bạńjhi ocoakatʼme.”
3Rahele menkeda, “Ińren kạ̃ṛmĩ Bilhạ hataoem. Am do uni ṭhen bolokʼme jemon uni hotete hoborre gidrạń ńame, ar nonkate iń hõ mitʼṭecʼ gharońj iń benao rakaba.”
4Noa menkate Rahel do Jakob sãote acʼren kạ̃ṛmĩ Bilhae baplakadea, ar Jakob hõ uni ṭhene boloyena. 5Nonkate Bilhạ doe bhạrti hoṛmoyena ar mitʼṭen koṛa gidrại janamkedea. 6Unre Rahele menkeda, “Isor do hok reakʼe bicạr akada ar ińakʼ rakʼe ańjomketʼte mitʼṭen koṛa gidrại emadińa.” Ona iạte gidrạwakʼ ńutum do Dane dohoketʼtaea (metakʼme “Hok reakʼ bicạr”). 7Rahelren kạ̃ṛmĩ Bilhạ do arhõe bhạrti hoṛmoyena, ar nonkate uni do dosar dhao koṛa gidrạren eṅgate hoyena. 8Unre Rahele menkeda, “Isor do maraṅ lạṛhạire ińren boeha khone jitạu akadińa.” Onate uni gidrạwakʼ ńutum do Napthaliye dohoketʼtaea (metakʼme “Lạṛhại”).
9Ar Lea tinreye ńelkeda acʼren cele gidrạge bako hoyokʼkana unre acʼren kạ̃ṛmĩ Silpạ do Jakob tulucʼe baplakadea. 10Onate Learen kạ̃ṛmĩ Silpawakʼ kukhire Jakobren mitʼṭen koṛa gidrại hoyena. 11Unre Lea doe menkeda, “Ạḍi bhạg tiń!” Noa menkate uni do gidrạwakʼ ńutum Gade dohoketʼtaea (metakʼme “Bhạg”). 12Silpạ do Jakobren armitʼṭen koṛa gidrạren eṅgate hoyena. 13Unre Lea doe menkeda, “Ạḍi suk ińakʼ do! Sanam maejiukoge iń do bhạganicʼko mitạńa.” Onate gidrạwakʼ ńutum do Asere dohoketʼtaea (metakʼme “Kusiʼ”).
14Guhum gegetʼ jokhecʼ Ruben do ṭạnḍi secʼe senen khan jauḍicʼ Dudạ#30.14: Dudạ jo: Noa do mitʼ lekan jo one ona jomte daṛe ńamokʼ ar dulạṛ em hạṭińokʼ lekate hõ beoharokʼkan tahẽkana. joe ńamkeda ar onako ạgukate eṅgattetʼe emadea. Unre Rahel do Leae metadea, “Amren gidrại ạguakatʼ dudạ jo khon thoṛa imạńme.”
15Menkhan Lea do uniye metadea, “Ińren jãwãeyem hatao akadere hõ cetʼ baṅ hoyokʼkan tama? Ar ińren hopone ạguakatʼ Dudạ jo hõm khojkana?”
Rahele roṛ ruạṛkeda, “Amren hopone ạguakatʼ Dudạ jo bodolte teheń ńindạ uni do am tulucʼe giticʼma.”
16Ado ạyupʼ jokhecʼ Jakob do ṭạnḍi khon hijukʼe ńelkede khan Lea doe oḍokente uniye metadea, “Teheń do iń tulucʼem giticʼa, ente hoponińe ạguakatʼ Dudạ jote am doń bhaṛa akatʼmea.” Onate Jakob do enhilokʼ ńindạ Lea tulucʼe giticʼmitʼena.
17Isor do Leawakʼ koejoṅe ańjomketʼtaea ar uni doe bhạrti hoṛmoyente mõṛẽ dhao Jakobren gidrạren eṅgate hoyena. 18Unre Lea doe menkeda, “Ińren jãwãe do kạ̃ṛmĩń emadete Isor do kuṛạiye emadińạ.” Ar onate uni gidrạwakʼ ńutum do Isakare dohoketʼtaea (metakʼme “Kuṛại”). 19Noa tayom Lea do arhõe bhạrti hoṛmoyente turui dhao Jakobren gidrạren eṅgate hoyena. 20Unre Lea doe menkeda, “Isor do mitʼṭecʼ mońj dane emakawạdińa. Ńit khon ińren jãwãe doe manotińạ, ente ińakʼ kukhire uniren turui goṭen gidrạń janam akatʼkoa.” Noa menkate uni do gidrạwakʼ ńutum do Sebulone dohoketʼa (metakʼme “Manot”). 21Ona tayom Learen do armitʼṭen kuṛiye hoyena. Uniyakʼ ńutum do Dinae dohoketʼtaea.
22Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea. 23Onate Rahel doe bhạrti hoṛmoyena ar mitʼṭen koṛa gidrại janamkedea. Unre uniye menkeda, “Isor do ińakʼ henostae ocokʼketʼtińạ.” 24Ar uni koṛa gidrạwakʼ ńutum do Josephe dohoketʼtaea (Metakʼme “Uni do arhõ jemone emokʼ ”), ente uni doe menleda, “Probhu Isor do jemon ar mitʼṭen gidrại danạń.”
Jakobakʼ beton ṭhik dohokʼkan
25Rahelakʼ kukhire Josephe janamen khan Jakob do Labane metadea, “Ńitokʼ do bidạ kạliń ben jemon ạlińakʼ disạm ar apnar oṛakʼ teliń ruạṛ calao daṛeakʼ. 26Ạlińren hopon ar hoponerako ar ạlińren bạhu iạtege abenakʼ liń kạmi akada. Ar ńitokʼ baṛe onko seletʼ calao ocowạliń ben. Ar aben doben baḍaegea abenakʼ cetʼleka liń kạmi akada mente.”
27Menkhan Laban do uniye metadea, “Ạliń cetanre abenakʼ jãhãn bekusiyakʼ menakʼ khan enḍekhan alo ben calakʼa. Ạliń liń bujhạu daṛeakʼ kana, Probhu Isor do aben iạtege ạliń doe bhor akawatʼlińa.” 28Uni do arhõe menkeda, “Abenakʼ beton do abenge ṭhik joṅ ben. Ạliń do onage liń em katabena.”
29Menkhan Jakob doe menkeda, “Abenakʼ cetʼleka liń kạmi akatʼ ar ạlińakʼ tite cetʼleka abenren palko bạḍ akan, ona do abenge ben baḍaea. 30Ạliń hijukʼ lahare abenren mĩhũ-merom palko nunạkʼ ḍher do bako tahẽkana, menkhan ńitokʼ do ḍherko bạḍ akana. Ar ạliń jãhãrege liń dãṛã akatʼ onḍege Probhu Isor do abene bhor akatʼbena. Menkhan ńitokʼ do ạlińakʼ gharońj reakʼ katha hudis reakʼ okte hoyakan tạlińa.”
31Unre Labane menkeda, “Ạliń do cetʼ liń emabena?”
Jakobe menkeda, “Aben do cetʼge emokʼ baṅ hoyokʼtabena. Menkhan eken mitʼṭecʼ katha ben doholekhan enḍekhan ạliń do arhõ abenren palkoliń gupikoa arliń jotonkoa. 32Ạliń do teheńge abenren mĩhũ-merom palko tala khon huḍiń ar maraṅ kabra chapan merom ar bhiḍiko ar bhiḍi hoponko liń begarkoa. Ar onkoge ạlińren beton lekako hoyokʼa. 33Ar tayom daram jãhãtinrege ạlińakʼ beton reakʼ ben hudis unre noko khonge sạbudokʼa, cetʼge bạliń behok akada mente. Huḍiń ar maraṅ kabra chap bạnukʼ nonkan merom se bhiḍi hopon ạlińakʼ palreko ńamlen khan onko do kombṛo akanko menteko hudisokʼa.”
34Labane menkeda, “Hẽ, bhagegea. Aben okaben hudisetʼ onage hoyokʼma.”
35Ar Laban do enhilokʼge acʼren mĩhũ-merom palko khon Jakob lạgitʼ lạṭu ar kạṭicʼ kabra chapan merom eṅga, metakʼme okoekoakʼ hoṛmore jaega jaegare ponḍ upʼ tahẽkan onko ar bhiḍikoren hõ hende hende hoponkoe begarketʼkoa. Onko ńel todarotko reakʼ bhar do acʼren hoponkoe ematʼkoa. 36Ona tayom uni do Jakob ṭhen khon pe din reakʼ hor sạṅgińe senena, ar Jakob do Labanren sarecʼ palko ńel todarotkoe ehopʼena.
37Tayomte Jakob do pea eṭakʼ eṭakʼ dare reakʼ berel ḍạre hataokeda ar ona ḍạr reakʼ chal jaega jaegareye chaḍaokeda. Onate ona do ponḍge ńelena. 38Ar Palren mĩhũ-meromko tinre dakʼ ńũko hijukʼa unre uni do ona ḍạrko dakʼ reakʼ gamlareye topokakʼkan tahẽkana. Ar nonḍe dakʼ ńũ lạgitʼko jarwakʼkan tahẽkanre onko doko (otoṅokʼ) milạukʼkan tahẽkana. 39Nonkate ona ḍạrko samaṅreko milạukʼkan tahẽkante onkoren okoeko hoponko janamokʼkan tahẽkan onko do lạṭu lạṭu ar kạṭicʼ kạṭicʼ kabra kabra chapanko hoyokʼkan tahẽkana. 40Jakob do merom hopon ar bhiḍi hoponkoe begaretʼko tahẽkana, ar merom pạṭhi ar bhiḍi pạṭhiko do Labanren kabra ar hende merom ar hende bhiḍi palko talareye dohoyetʼko tahẽkana. Nonkate uni do acʼ lạgitʼ judạ mitʼṭen mĩhũ-meromkoakʼ pale tearkeda ar onko palrenko do Labanren palko sãote bae mesao ocowatʼkoa. 41Ona chaḍa ḍher daṛean bhiḍi-meromkoko midokʼre uni do dakʼ reakʼ gamlare onko samaṅre ona ḍạrkoe topo dohokakʼkan tahẽkana jemon ona ḍạr samaṅre onkoko midokʼ (otoṅokʼ). 42Menkhan nijor bhiḍi ar meromko samaṅre ona ḍạrko do bae dohoyetʼ tahẽkana. Onate Labanren bhiḍi-meromko do nijorkoge ar Jakobren do daṛe daṛeko hoyena. 43Ar Jakob do nonkate ạḍiye kisạ̃ṛena. Uniren mĩhũ-merom, ũṭ, gadha ar guti kạ̃ṛmĩko hõ ḍherko saṅge idiyena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.