Mark 12
12
Darkha bagwanren cacaskoakʼ phen
(Mathae 21.33-46; Luk 20.9-19)
1 #
Jes 5.1,2 Ona tayom Jisu do phenko hotete cetʼakoe ehopʼena. Uni doe metatʼkoa, “Mitʼ hoṛ do mitʼṭecʼ darkha bagwane benaoketʼte ona beṛhaeteye eṭetʼ ạcurkada. Ar darkha rasa benao lạgitʼ lelen kunḍe laketʼte mitʼṭecʼ usul oṛakʼe benaokeda. Ona tayom cacasko ṭhen bạisạu oṭokate uni do eṭakʼ disạmteye calaoena. 2Ado jo belekʼ okte hoyen khan ona jo reakʼ bhag hatao lạgitʼ onko cacasko ṭhen mitʼṭen gutiye kolkedea. 3Menkhan cacasko do uni guti sapʼkedeteko dalkedea ar eken tiko kolgotʼkadea. 4Unre kisạ̃ṛ do eṭakʼ ar mitʼṭen gutiye kolkedea. Khan cacasko do uni guti hõ bohokʼreko dalkedea ar uni tulucʼ ạḍi bạṛicʼko beoharkeda. 5Enrehõ uni do eṭakʼ ar mitʼ hoṛe kolkedea. Ar cacasko do uni hõko gocʼkedea. Tayomte uni kisạ̃ṛ do arhõ eṭakʼkoe kolketʼkoa, menkhan onko modre adom doko dalketʼkoa ar eṭakʼko doko gocʼketʼkoa.
6“Ado onḍe kole lạgitʼ kisạ̃ṛren do eken mitʼ goṭengeye sarecʼena. Uni do acʼren dulạṛiạ hoponge. Ar mucạtʼre acʼren hopongeye kolkedea; are hudisana; ‘onko do nahakʼ ińren hoponko manotea.’ 7Menkhan onko cacasko do ako akoreko mepenena, ‘nuige owaris doe hoyokʼa. Dela bon gojea, enḍekhan onaren mạlik bon hoyokʼa.’ 8Onko do hopontetʼ sapʼkedeteko gocʼkedea ar darkha bagwan bahrereko giḍikadea.
9“Enḍekhan mase lạipe, darkha bagwanren mạlik do cetʼe cekaea? Uni doe hijukʼa ar casaskoe gocʼkoa ar darkha bagwan do eṭakʼkoe jimạ oṭoakoa. 10#Ser 118.22,23 Ape do cetʼ sonot sostorre bape paṛhao akada?
‘Raj mistiriko okaṭakʼ dhiriko nihạ̃t giḍiletʼ
onage konac reakʼ asol dhiri hoyena;
11noa do Probhu Isor khonakʼge hoyena,
ar aboakʼ mẽtʼ samaṅre do ạḍi hahaṛawakʼge?’ ”
12Unre sostor baḍaeko do Jisu sabeko menjoṅana, enteko bujhạukeda, ako upạrtege ona phen doe lạiyeda. Menkhan onko do hoṛko botoratʼkote Jisu bạgiyadeteko calaoena.
Khajna emokʼ reakʼ
(Mathae 22.15-22; Luk 20.20-26)
13Onko sostor baḍaeko do Jisu acʼakʼ kathate jhạliye lạgitʼ Phạrusiko ar Herod secʼrenkoko kolketʼkoa. 14Onko do Jisu ṭhen hecʼkateko menkeda, “E Guru, alele baḍaea, mitʼṭen sạri hoṛ kanam. Ar hoṛ cetʼko hudisme ar bako hudisme, ona do bam moneyakʼ kana, ente am do okoeyakʼ mẽtʼãhã hõ bam beṅgetʼakʼ kana. Ar sạri sạrige Isorakʼ hor reaṅem cetʼako kana. Ado lạiyaleme, Moseyakʼ ạn lekate Romren maharaj khajna emae do ganokʼa se baṅa? 15Ar uni do khajnale emaea se baṅ?”
Jisu do onkoakʼ phạsiạratetʼ baḍaeketʼteye metatʼkoa, “Cedakʼpe biḍạu aṭkarediń kana? Den mitʼṭecʼ Dinar ạguạńpe.”
16Ado mitʼṭen Dinarko aguade khan Jisu do onkoe kuliketʼkoa, “Noare chap akan muṭhạn ar ńutum do okoeyakʼ kana?”
Metadeako, “Romren maharajakʼ kana”
17Jisui metatʼkoa, “Okaṭakʼ maharajakʼ kan ona do maharajge emaepe, ar okaṭakʼ Isorakʼkan ona do Isorge emaepe.” Jisuakʼ noa katha ańjomkateko hahaṛayena.
Jiwetʼ beredokʼ reaṅ
(Mathae 22.23-33; Luk 20.27-40)
18 #
Apos 23.8
Ado Sạdukiko modren adomko do Jisu ṭhenko hecʼena. Sạdukiko ṭhen do gocʼkoakʼ jiwetʼ beredokʼ reakʼ do cetʼge bạnukʼanaṅ. 19#Bib 25.5 Onate onko do Jisuko kulikedea, “E Guru, Mose do abo lạgitʼ noae ol oṭo akada, ‘jãhãe hoṛ begor gidrạwante bạhuttetʼe gocʼ bạgi oṭowae khan enḍekhan bokottetʼ do uniye baplayete dadattetʼren bõse teṅgokoma.’ 20Eae boehako tahẽkana, ar pạhilicʼ do baplakate begor gidrạwantegeye gocʼena. 21Khan dosaricʼ do hilit erae baplakedea, menkhan uni hõ begor gidrạwantegeye gocʼena, ar tesaricʼ hõ onka lekageye gocʼena. 22Ar nonkage eae boehako modre, okoeren hõ gidrạ do bako hoylena. Ado mucạtʼre uni maejiu hõe gocʼena. 23Enḍekhan gocʼkoko jiwetʼ beredokʼre uni do okoeṭakʼren bạhui hoyokʼa? Ente eae hoṛge coṅ uni mako baplalede.”
24Jisui roṛ ruạṛatʼkoa, “Bhuledape, ente ape do sostor hõ bape baḍaea ar Isorakʼ daṛe reakʼakʼko hõ baṅ. 25Gocʼkoko jiwetʼ beredokʼre bạhu hõ bako bạhujoṅa ar jãwãe hõ bako jãwãeyokʼa; onko do serma goḍet lekako hoyokʼa. 26#Exo 3.6 Menkhan gocʼko jiwetʼ beredokʼ reaṅ Moseyakʼ puthire ol akan jolokʼkan jhạuạ reakʼ katha do cetʼ bape paṛhao akada, Isor do Moseye metadea, ‘ińge Abrahamren Isor, 27Isạhakren Isor ar Jakobren Isor?’ Isor do gocʼkoren Isor doe baṅkana, menkhan jiwetʼkoren Isorge. Ape do ạḍipe bhuleda.”
Sanam khon maraṅ hukum
(Mathae 22.34-40; Luk 10.25-28)
28 #
Luk 10.25-28
Ado sostor baḍaeko modren mitʼ hoṛ do onḍe hecʼkate reṭe peṭekʼ kane ańjomketʼkoa. Ar Jisu bes okocʼteye roṛ ruạṛetʼkan ńelkedeteye kulikedea, “Sanam khon pạhilakʼ hukum do okaṭakʼ kana?”
29 #
Bib 6.4,5 Jisui roṛ ruạṛkeda, “Sanam khon pạhilakʼ hukum do hoyokʼ kana, ‘E Israelko, ańjompe, aboren Probhu Isor doe mitʼ goṭengea. 30Onate apeakʼ goṭa ontorte, goṭa jiwite, goṭa monte ar goṭa daṛete aperen Probhu Isor dulạṛepe.’ 31#Lev 19.18 Ar dosarakʼ hukum do noa kana, ‘am aḍepaseren hoṛ apnar leka dulạṛem.’ Noakin hukum khon maraṅ hukum do ar cetʼge bạnukʼanaṅ.”
32 #
Bib 4.35
Unre sostor bakʼḍayicʼ doe menkeda, “E Guru, bhage katha kangea. Ar sạri kathagem men akada, Isor doe mitʼ goṭengea ar uni chaḍa eṭakʼ Isor do celege bạnukʼkoa. 33#Hos 6.6 Ar goṭa ontorte, goṭa bujte ar goṭa daṛete uni dulạṛe ar am aḍepaseren hoṛ apnar leka dulạṛko do janwar ar eṭakʼ joto lekan dãṛẽko khon hõ sorosgea.”
34Jisu do sostor baḍaeyicʼ bes budan hoṛ leka roṛ ruạṛetʼkanteye metadea, “Am do Isorakʼ raj khon ḍher pharakre do bạnukʼmea.” Ar un khon Jisu jãhãnakʼ kuliye do okoe hõ bako dilleda.
Dhorom guruko ṭhen Jisuakʼ kukli
(Mathae 22.41-46; Luk 20.41-44)
35-36 #
Ser 110.1
Ado Jisu mundilreye cetʼakokan tahẽkan jokhecʼe kuliketʼkoa, “Sostor baḍaeko do cekateko meneda, Mạsi do Dạudren hopon kanae mente? Dạud ma acʼge coṅ sonot Jiu hoteteye menakatʼ,
‘Probhu Isor do ińren Probhui metadea,
tin hạbicʼ amren bạiriko
amakʼ jaṅga latarre bạń dohoko,
unhạbicʼ ińakʼ jojomsa aṛere durupʼme.’
37Dạud acʼge coṅ uni ma Probhu Isore metaekan enḍekhan cekate Mạsi do uniren hopone hoydaṛekokʼa?” Ar aema hoṛ do kusi monte Jisuakʼ kathako ańjometʼ tahẽkana.
Jisu do ạn guruko birudreye sontoretʼko
(Mathae 23.1-36; Luk 20.45-47)
38Jisu do cetʼako tulucʼe metatʼkoa, “Sostor baḍaeko khon sontor akae tahenpe. Onko do tilpạṅ talpaṅ aṅgropko horoga ar hạṭiạ bajarkore johar ocokʼko kusiyakʼa. 39Onko do sunạgogre laha duṛupʼakʼko ar bhojkore asol asol thạ̃igeko kusiyakʼa. 40Ar hoṛko ṭhen ńel ocokʼ lạgitʼ jeleń jeleńko koejoṅa, menkhan eṭakʼ secʼ do rạnḍi maejiukoakʼ oṛakʼ-duạrko jom ujạṛetʼtakoa. Nonkan hoṛ do bạ̃ṛti sạjạiko ńama.”
Rạnḍi maejiuakʼ dan
(Luk 21.1-4)
41Ona tayom Jisu do mundil reakʼ dan sunduk pheḍre duṛupʼkate ṭaka-poesa emokʼkoe ạri bạndhiyetʼko tahẽkana. Ar kisạ̃ṛ hoṛko do ḍher ṭaka-poesako dankeda. 42Ar mitʼṭen reṅgecʼ rạnḍi maejiu do hecʼkate eken barea huḍiń poesae dohokeda.
43Unre Jisu do acʼren celako hohowatʼkoteye metatʼkoa, “Sạrigeń metapekana, nui reṅgecʼ rạnḍi maejiu do sundukre sanam hoṛko khon ḍhere dan akada. 44Ente onko hoṛ do akoakʼ asecʼ tasecʼ dhon khonko dohoakada, menkhan nui maejiu do acʼakʼ okulạnakʼ khon jauḍicʼ bańcaokʼ tahen lạgitʼ tahẽkantae, ona jotogeye dankeda.”
Currently Selected:
Mark 12: SBT
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
Mark 12
12
Darkha bagwanren cacaskoakʼ phen
(Mathae 21.33-46; Luk 20.9-19)
1 #
Jes 5.1,2 Ona tayom Jisu do phenko hotete cetʼakoe ehopʼena. Uni doe metatʼkoa, “Mitʼ hoṛ do mitʼṭecʼ darkha bagwane benaoketʼte ona beṛhaeteye eṭetʼ ạcurkada. Ar darkha rasa benao lạgitʼ lelen kunḍe laketʼte mitʼṭecʼ usul oṛakʼe benaokeda. Ona tayom cacasko ṭhen bạisạu oṭokate uni do eṭakʼ disạmteye calaoena. 2Ado jo belekʼ okte hoyen khan ona jo reakʼ bhag hatao lạgitʼ onko cacasko ṭhen mitʼṭen gutiye kolkedea. 3Menkhan cacasko do uni guti sapʼkedeteko dalkedea ar eken tiko kolgotʼkadea. 4Unre kisạ̃ṛ do eṭakʼ ar mitʼṭen gutiye kolkedea. Khan cacasko do uni guti hõ bohokʼreko dalkedea ar uni tulucʼ ạḍi bạṛicʼko beoharkeda. 5Enrehõ uni do eṭakʼ ar mitʼ hoṛe kolkedea. Ar cacasko do uni hõko gocʼkedea. Tayomte uni kisạ̃ṛ do arhõ eṭakʼkoe kolketʼkoa, menkhan onko modre adom doko dalketʼkoa ar eṭakʼko doko gocʼketʼkoa.
6“Ado onḍe kole lạgitʼ kisạ̃ṛren do eken mitʼ goṭengeye sarecʼena. Uni do acʼren dulạṛiạ hoponge. Ar mucạtʼre acʼren hopongeye kolkedea; are hudisana; ‘onko do nahakʼ ińren hoponko manotea.’ 7Menkhan onko cacasko do ako akoreko mepenena, ‘nuige owaris doe hoyokʼa. Dela bon gojea, enḍekhan onaren mạlik bon hoyokʼa.’ 8Onko do hopontetʼ sapʼkedeteko gocʼkedea ar darkha bagwan bahrereko giḍikadea.
9“Enḍekhan mase lạipe, darkha bagwanren mạlik do cetʼe cekaea? Uni doe hijukʼa ar casaskoe gocʼkoa ar darkha bagwan do eṭakʼkoe jimạ oṭoakoa. 10#Ser 118.22,23 Ape do cetʼ sonot sostorre bape paṛhao akada?
‘Raj mistiriko okaṭakʼ dhiriko nihạ̃t giḍiletʼ
onage konac reakʼ asol dhiri hoyena;
11noa do Probhu Isor khonakʼge hoyena,
ar aboakʼ mẽtʼ samaṅre do ạḍi hahaṛawakʼge?’ ”
12Unre sostor baḍaeko do Jisu sabeko menjoṅana, enteko bujhạukeda, ako upạrtege ona phen doe lạiyeda. Menkhan onko do hoṛko botoratʼkote Jisu bạgiyadeteko calaoena.
Khajna emokʼ reakʼ
(Mathae 22.15-22; Luk 20.20-26)
13Onko sostor baḍaeko do Jisu acʼakʼ kathate jhạliye lạgitʼ Phạrusiko ar Herod secʼrenkoko kolketʼkoa. 14Onko do Jisu ṭhen hecʼkateko menkeda, “E Guru, alele baḍaea, mitʼṭen sạri hoṛ kanam. Ar hoṛ cetʼko hudisme ar bako hudisme, ona do bam moneyakʼ kana, ente am do okoeyakʼ mẽtʼãhã hõ bam beṅgetʼakʼ kana. Ar sạri sạrige Isorakʼ hor reaṅem cetʼako kana. Ado lạiyaleme, Moseyakʼ ạn lekate Romren maharaj khajna emae do ganokʼa se baṅa? 15Ar uni do khajnale emaea se baṅ?”
Jisu do onkoakʼ phạsiạratetʼ baḍaeketʼteye metatʼkoa, “Cedakʼpe biḍạu aṭkarediń kana? Den mitʼṭecʼ Dinar ạguạńpe.”
16Ado mitʼṭen Dinarko aguade khan Jisu do onkoe kuliketʼkoa, “Noare chap akan muṭhạn ar ńutum do okoeyakʼ kana?”
Metadeako, “Romren maharajakʼ kana”
17Jisui metatʼkoa, “Okaṭakʼ maharajakʼ kan ona do maharajge emaepe, ar okaṭakʼ Isorakʼkan ona do Isorge emaepe.” Jisuakʼ noa katha ańjomkateko hahaṛayena.
Jiwetʼ beredokʼ reaṅ
(Mathae 22.23-33; Luk 20.27-40)
18 #
Apos 23.8
Ado Sạdukiko modren adomko do Jisu ṭhenko hecʼena. Sạdukiko ṭhen do gocʼkoakʼ jiwetʼ beredokʼ reakʼ do cetʼge bạnukʼanaṅ. 19#Bib 25.5 Onate onko do Jisuko kulikedea, “E Guru, Mose do abo lạgitʼ noae ol oṭo akada, ‘jãhãe hoṛ begor gidrạwante bạhuttetʼe gocʼ bạgi oṭowae khan enḍekhan bokottetʼ do uniye baplayete dadattetʼren bõse teṅgokoma.’ 20Eae boehako tahẽkana, ar pạhilicʼ do baplakate begor gidrạwantegeye gocʼena. 21Khan dosaricʼ do hilit erae baplakedea, menkhan uni hõ begor gidrạwantegeye gocʼena, ar tesaricʼ hõ onka lekageye gocʼena. 22Ar nonkage eae boehako modre, okoeren hõ gidrạ do bako hoylena. Ado mucạtʼre uni maejiu hõe gocʼena. 23Enḍekhan gocʼkoko jiwetʼ beredokʼre uni do okoeṭakʼren bạhui hoyokʼa? Ente eae hoṛge coṅ uni mako baplalede.”
24Jisui roṛ ruạṛatʼkoa, “Bhuledape, ente ape do sostor hõ bape baḍaea ar Isorakʼ daṛe reakʼakʼko hõ baṅ. 25Gocʼkoko jiwetʼ beredokʼre bạhu hõ bako bạhujoṅa ar jãwãe hõ bako jãwãeyokʼa; onko do serma goḍet lekako hoyokʼa. 26#Exo 3.6 Menkhan gocʼko jiwetʼ beredokʼ reaṅ Moseyakʼ puthire ol akan jolokʼkan jhạuạ reakʼ katha do cetʼ bape paṛhao akada, Isor do Moseye metadea, ‘ińge Abrahamren Isor, 27Isạhakren Isor ar Jakobren Isor?’ Isor do gocʼkoren Isor doe baṅkana, menkhan jiwetʼkoren Isorge. Ape do ạḍipe bhuleda.”
Sanam khon maraṅ hukum
(Mathae 22.34-40; Luk 10.25-28)
28 #
Luk 10.25-28
Ado sostor baḍaeko modren mitʼ hoṛ do onḍe hecʼkate reṭe peṭekʼ kane ańjomketʼkoa. Ar Jisu bes okocʼteye roṛ ruạṛetʼkan ńelkedeteye kulikedea, “Sanam khon pạhilakʼ hukum do okaṭakʼ kana?”
29 #
Bib 6.4,5 Jisui roṛ ruạṛkeda, “Sanam khon pạhilakʼ hukum do hoyokʼ kana, ‘E Israelko, ańjompe, aboren Probhu Isor doe mitʼ goṭengea. 30Onate apeakʼ goṭa ontorte, goṭa jiwite, goṭa monte ar goṭa daṛete aperen Probhu Isor dulạṛepe.’ 31#Lev 19.18 Ar dosarakʼ hukum do noa kana, ‘am aḍepaseren hoṛ apnar leka dulạṛem.’ Noakin hukum khon maraṅ hukum do ar cetʼge bạnukʼanaṅ.”
32 #
Bib 4.35
Unre sostor bakʼḍayicʼ doe menkeda, “E Guru, bhage katha kangea. Ar sạri kathagem men akada, Isor doe mitʼ goṭengea ar uni chaḍa eṭakʼ Isor do celege bạnukʼkoa. 33#Hos 6.6 Ar goṭa ontorte, goṭa bujte ar goṭa daṛete uni dulạṛe ar am aḍepaseren hoṛ apnar leka dulạṛko do janwar ar eṭakʼ joto lekan dãṛẽko khon hõ sorosgea.”
34Jisu do sostor baḍaeyicʼ bes budan hoṛ leka roṛ ruạṛetʼkanteye metadea, “Am do Isorakʼ raj khon ḍher pharakre do bạnukʼmea.” Ar un khon Jisu jãhãnakʼ kuliye do okoe hõ bako dilleda.
Dhorom guruko ṭhen Jisuakʼ kukli
(Mathae 22.41-46; Luk 20.41-44)
35-36 #
Ser 110.1
Ado Jisu mundilreye cetʼakokan tahẽkan jokhecʼe kuliketʼkoa, “Sostor baḍaeko do cekateko meneda, Mạsi do Dạudren hopon kanae mente? Dạud ma acʼge coṅ sonot Jiu hoteteye menakatʼ,
‘Probhu Isor do ińren Probhui metadea,
tin hạbicʼ amren bạiriko
amakʼ jaṅga latarre bạń dohoko,
unhạbicʼ ińakʼ jojomsa aṛere durupʼme.’
37Dạud acʼge coṅ uni ma Probhu Isore metaekan enḍekhan cekate Mạsi do uniren hopone hoydaṛekokʼa?” Ar aema hoṛ do kusi monte Jisuakʼ kathako ańjometʼ tahẽkana.
Jisu do ạn guruko birudreye sontoretʼko
(Mathae 23.1-36; Luk 20.45-47)
38Jisu do cetʼako tulucʼe metatʼkoa, “Sostor baḍaeko khon sontor akae tahenpe. Onko do tilpạṅ talpaṅ aṅgropko horoga ar hạṭiạ bajarkore johar ocokʼko kusiyakʼa. 39Onko do sunạgogre laha duṛupʼakʼko ar bhojkore asol asol thạ̃igeko kusiyakʼa. 40Ar hoṛko ṭhen ńel ocokʼ lạgitʼ jeleń jeleńko koejoṅa, menkhan eṭakʼ secʼ do rạnḍi maejiukoakʼ oṛakʼ-duạrko jom ujạṛetʼtakoa. Nonkan hoṛ do bạ̃ṛti sạjạiko ńama.”
Rạnḍi maejiuakʼ dan
(Luk 21.1-4)
41Ona tayom Jisu do mundil reakʼ dan sunduk pheḍre duṛupʼkate ṭaka-poesa emokʼkoe ạri bạndhiyetʼko tahẽkana. Ar kisạ̃ṛ hoṛko do ḍher ṭaka-poesako dankeda. 42Ar mitʼṭen reṅgecʼ rạnḍi maejiu do hecʼkate eken barea huḍiń poesae dohokeda.
43Unre Jisu do acʼren celako hohowatʼkoteye metatʼkoa, “Sạrigeń metapekana, nui reṅgecʼ rạnḍi maejiu do sundukre sanam hoṛko khon ḍhere dan akada. 44Ente onko hoṛ do akoakʼ asecʼ tasecʼ dhon khonko dohoakada, menkhan nui maejiu do acʼakʼ okulạnakʼ khon jauḍicʼ bańcaokʼ tahen lạgitʼ tahẽkantae, ona jotogeye dankeda.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.