Neto'te 11
11
Nesà ba' mà Babél
1Njoṅ nsitsha' fa lo ghù à ntshob ntshù', nke ntshob à ta' ntshob ntshù'. 2Mba benntùn lo bag ntumnyam nà, bo fon mo' tômbo' ntùm ngô Shinear, ndùlala ntete bwe. 3Bo tshob bo bo ndù: Be bom tsha'a, nton i ntùm mbwôge! Bo lo' tsha' nebom mba ndoṅ nà, ndo' zin mba netob neyabte ba' yi là. 4Bo tshob ndù: Be nène, be kut ta' ngô bo ta' nesà ba' ze tu i nèn tà nkum mfe kamànyam nà, be ghù lén be ju'ni, mba ndù kà be sate num njoṅ nsitsha' fa!
5Tshùaben swe' nse' yen ngô bo nesà ba' ze bon benntùn tshwèt nkut là. 6Ndùlala Tshùaben tshob ndù: Njoṅ yub fa tamte mb'a ta' nzwit ntshù', mbèn ngù à ntshob ntshù'. A be ze bo to' neghù ndùlala là, mba sàm ju ke nsi sag yube, a be ze bo nabte neghù ju là. 7Be swe'e, ma' fagte netèt ntshob mub be nsen ni, ndù kà bo bèn netshob nju' netèt bo. 8Ndùlala Tshùaben sate yub num njoṅ nsitsha' fa, bo tsin ke bèn nekut ngô. 9A b'a ndùlala ze bo be ntsiaṅ lén se ndù Babél là. A b'a bwe là ze Tshùaben na' ma' fagte netèt ntshob num njoṅ nsitsha' fa là. Tshùaben to' nesate yub num njoṅ nsitsha' f'a mà bwe.
Ndèn tànjam Sém nèn nkum num tse Abram
(1 Kron. 1.24-27)
10Tshù nzwit Sém ni: Sém lo tswe ngu'njù nkù, mbwe Arpakshad. Yen nu li lo be be ndù a tôg ngu'njù bàa mba dibambaṅ be là. 11Sém lo bwe Arpakshad mbèn ntswe ngu'njù nkù tàn. A bèn mbwe bon bandum boa tse bènnzwi. 12Arpakshad tswe ngu'njù ntshob tàn ṅam ntat, mbwe Shélak. 13Arpakshad lo bwe Shélak mbèn ntswe ngu'njù nkù kuà ngù tat. A bèn mbwe bon bandum boa tse bènnzwi.
14Shélak tswe ngu'njù ṅam ntat, mbwe Héber. 15Shélak bwe Héber mbèn ntswe ngu'njù nkù kuà ngù tat. A bèn mbwe bon bandum boa tse bènnzwi.
16Héber tswe ngu'njù ntshob kuà ṅam ntat mbwe Pélég. 17Héber bwe Pélég mbèn ntswe ngu'njù bon tat nkù kuà. A bèn mbwe bon bandum boa tse bènnzwi.
18Pélég tswe ngu'njù ṅam ntat, mbwe Réu. 19Pélég bwe Réu mbèn ntswe ngu'njù nkù bàa ngù bwe'e. A bèn mbwe bon bandum boa tse bènnzwi.
20Réu tswe ngu'njù ntshob bàa ṅam ntat mbwe Sérug. 21Réu bwe Sérug mbèn ntswe ngu'njù nkù bàa ngù sammbàa. A bèn mbwe bon bandum boa tse bènnzwi.
22Sérug tswe ngu'njù ṅam ntat, mbwe Nakor. 23Sérug bwe Nakor mbèn ntswe ngu'njù nkù bàa. A bèn mbwe bon bandum boa tse bènnzwi.
24Nakor tswe ngu'njù ntshob bwe'e ṅam mbàa, mbwe Térak. 25Nakor bwe Térak mbèn ntswe ngu'njù ntshob bwe'e mén bùm nkù. A bèn mbwe bon bandum boa tse bènnzwi.
26Térak tswe ngu'njù ṅam sammbàa mbwe Abram, Nakor bo Haran. 27Tshù nzwit Térak li: Térak bwe Abram, Nakor bo Haran. Haran bwe Lot. 28Haran kwù mbwe tàab Térak, mum ko' ngô i, Ur mà Kaldéa. 29Abram bo Nakor so bènnzwi: Lén nzwi Abram be Saraï, lén nzwi Nakor be Milka, ngon Haran z'a be tàa Milka bo Yisha là. 30Tshù, Saraï na' mb'a kebwe, ndùlala ke ghù mén.
31Térak lo' mén i Abram, Lot, mén mén i Haran bo Saraï nzwi mén i, nzwi nshum i Abram boa bo tum Ur mà Kaldéa nèn ntùm ngô Kanaan. Bo zin nkum Karan, ntete bwe. 32Térak lo tswe ngu'njù nkù bàa ngù tàn. Térak kwù à mà Karan.
Currently Selected:
Neto'te 11: BMa
Highlight
Share
Copy
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Neto'te 11
11
Nesà ba' mà Babél
1Njoṅ nsitsha' fa lo ghù à ntshob ntshù', nke ntshob à ta' ntshob ntshù'. 2Mba benntùn lo bag ntumnyam nà, bo fon mo' tômbo' ntùm ngô Shinear, ndùlala ntete bwe. 3Bo tshob bo bo ndù: Be bom tsha'a, nton i ntùm mbwôge! Bo lo' tsha' nebom mba ndoṅ nà, ndo' zin mba netob neyabte ba' yi là. 4Bo tshob ndù: Be nène, be kut ta' ngô bo ta' nesà ba' ze tu i nèn tà nkum mfe kamànyam nà, be ghù lén be ju'ni, mba ndù kà be sate num njoṅ nsitsha' fa!
5Tshùaben swe' nse' yen ngô bo nesà ba' ze bon benntùn tshwèt nkut là. 6Ndùlala Tshùaben tshob ndù: Njoṅ yub fa tamte mb'a ta' nzwit ntshù', mbèn ngù à ntshob ntshù'. A be ze bo to' neghù ndùlala là, mba sàm ju ke nsi sag yube, a be ze bo nabte neghù ju là. 7Be swe'e, ma' fagte netèt ntshob mub be nsen ni, ndù kà bo bèn netshob nju' netèt bo. 8Ndùlala Tshùaben sate yub num njoṅ nsitsha' fa, bo tsin ke bèn nekut ngô. 9A b'a ndùlala ze bo be ntsiaṅ lén se ndù Babél là. A b'a bwe là ze Tshùaben na' ma' fagte netèt ntshob num njoṅ nsitsha' fa là. Tshùaben to' nesate yub num njoṅ nsitsha' f'a mà bwe.
Ndèn tànjam Sém nèn nkum num tse Abram
(1 Kron. 1.24-27)
10Tshù nzwit Sém ni: Sém lo tswe ngu'njù nkù, mbwe Arpakshad. Yen nu li lo be be ndù a tôg ngu'njù bàa mba dibambaṅ be là. 11Sém lo bwe Arpakshad mbèn ntswe ngu'njù nkù tàn. A bèn mbwe bon bandum boa tse bènnzwi. 12Arpakshad tswe ngu'njù ntshob tàn ṅam ntat, mbwe Shélak. 13Arpakshad lo bwe Shélak mbèn ntswe ngu'njù nkù kuà ngù tat. A bèn mbwe bon bandum boa tse bènnzwi.
14Shélak tswe ngu'njù ṅam ntat, mbwe Héber. 15Shélak bwe Héber mbèn ntswe ngu'njù nkù kuà ngù tat. A bèn mbwe bon bandum boa tse bènnzwi.
16Héber tswe ngu'njù ntshob kuà ṅam ntat mbwe Pélég. 17Héber bwe Pélég mbèn ntswe ngu'njù bon tat nkù kuà. A bèn mbwe bon bandum boa tse bènnzwi.
18Pélég tswe ngu'njù ṅam ntat, mbwe Réu. 19Pélég bwe Réu mbèn ntswe ngu'njù nkù bàa ngù bwe'e. A bèn mbwe bon bandum boa tse bènnzwi.
20Réu tswe ngu'njù ntshob bàa ṅam ntat mbwe Sérug. 21Réu bwe Sérug mbèn ntswe ngu'njù nkù bàa ngù sammbàa. A bèn mbwe bon bandum boa tse bènnzwi.
22Sérug tswe ngu'njù ṅam ntat, mbwe Nakor. 23Sérug bwe Nakor mbèn ntswe ngu'njù nkù bàa. A bèn mbwe bon bandum boa tse bènnzwi.
24Nakor tswe ngu'njù ntshob bwe'e ṅam mbàa, mbwe Térak. 25Nakor bwe Térak mbèn ntswe ngu'njù ntshob bwe'e mén bùm nkù. A bèn mbwe bon bandum boa tse bènnzwi.
26Térak tswe ngu'njù ṅam sammbàa mbwe Abram, Nakor bo Haran. 27Tshù nzwit Térak li: Térak bwe Abram, Nakor bo Haran. Haran bwe Lot. 28Haran kwù mbwe tàab Térak, mum ko' ngô i, Ur mà Kaldéa. 29Abram bo Nakor so bènnzwi: Lén nzwi Abram be Saraï, lén nzwi Nakor be Milka, ngon Haran z'a be tàa Milka bo Yisha là. 30Tshù, Saraï na' mb'a kebwe, ndùlala ke ghù mén.
31Térak lo' mén i Abram, Lot, mén mén i Haran bo Saraï nzwi mén i, nzwi nshum i Abram boa bo tum Ur mà Kaldéa nèn ntùm ngô Kanaan. Bo zin nkum Karan, ntete bwe. 32Térak lo tswe ngu'njù nkù bàa ngù tàn. Térak kwù à mà Karan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.