Neto'te 28
28
1Isak Tsiaṅ Yakob, njab kàn yi, mfà ntag yi ntshob ndù: A ke' bwô ndù o so mènnzwi netèt ngonngon Kanaan. 2Lo nsi nèn Padan-Aram, tunndà Bétuél tà màan, ndiag yu mènnzwi netèt ngonngon Laban, mfèt màan. 3A bwô ndù El-Shaddaï yab kàn wù ngù o bwe nzwil o yàme, ntù' mbumte ngôngô. 4A #Net. 17.4-8bwô ndù a yab kàn wù bin nzwil o ndaṅndaṅ mb'a na' njab kàn Abraham nà, nedù ngô z'o be ngùn ntùm bwe ndù a lo fà Abraham nà tù' yu.
5Isak tum Yakob Padan-Aram a nèn la' Laban, mén Bétuél ze Aram. Laban b'a mfèt Rébéka, màa Yakob bo Esau.
6Esau yen ndù Isak lo yab kàn Yakob ntum i ndù a lo nèn Padan-Aram diag ze mènnzwi bwe, mba ndù a fà ntag yi ntshob ndù k'a so mènnzwi netèt ngonngon Kanaan. 7A yen ndù Yakob lo ju'ni tàab bo màab nèn Padan-Aram. 8Esau lèn ndù nu ngonngon Kanaan lo ke mbag tàab Isak. 9Esau lo nèn mbaṅ Ismaél. A so Mahalat ngon Ismaél, nshum Abraham, mba mfèt Nebajot ze mènnzwi. A so yen mènnzwi li nkwi'te mbaṅ ts'a ghù là.
Njem ze Yakob yen nà
10Yakob lo Ber-Shéba nèn Karan. 11A kum mo' dù' nzi bwe, nummbe lagnyam lo bi. A lo' mo' loṅ bwe, ngù tomte tu yi, nô nsi num yen dù' là. 12A #Yoha. 1.51zi mo' njem, njen ndù mo' tuko' te num nsitsha'a, tu i nèn nkum mfe kamànyam. A yen Angél Nsi, tse bo tshwèt nko' num yen tuko' là mbèn nke nswe' là.
13Tshùaben #Net. 13.14-15lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o. 14Nzwil #Net. 12.3; 22.18o nsi b'a mba mbab mi a num nsitsha' là. O nsi sa neto' fe bag ntumnyam nèn nkum bag mbinyam, sa fe tu nèn kum mà ntèn. Njoṅ tunndà fa nsitsha' nsi tshùa njam o bo njam nzwil o kà kwé kàn. 15Tshù, bag wù bèn mbe, me nsi béb o num njoṅ dù' fa ts'o nsi nèn nà, bèn lo' o se' yi mum yen ngô li, nummbe me ke nsi ghua' o ke be ndù me ghù ju ze me tshob wù là bumte.
16Yakob bam num miaglo, ntshob ndù: Kua' nenùne, Tshùaben num num yen dù' li, là tu wul àm, me lo ke lèn tshàm. 17A bwôg, ntshob ndù: Mi' yen dù' li kuni neshu! Ndà Nsi num nsen ni, nzendà kamànyam num nsen ni! 18Yakob lo nsi mà nkebnjù, ndo' loṅ s'a lo ngù tomte tu yi là, nte tù mba loṅla' là, naṅ mfèt num tu bwe. 19A yab lén dù' là ndù Bétél; là lén ngô na' be mbwembwe mb'a ndù Luz.
20Yakob ghù nka'ni Nsi ntshob ndù: A be z'o béb àm, bag wù nke mbe num njoṅ yàm nkatte fa ze me tshwèt nène, a be z'o fà bàn bo nzwe me, 21me bèn njam ntùm ndà tàa ntùm fite là, mba wù Tshùaben nsi be Nsi àm. 22Tshù, mba sen loṅ ni ze me te mba loṅla' là, nsi be ndà o, me bèn ngabte njoṅ tshu ts'o nsi fà me là nze gham, mfà bag i ze ntshù' wù.
Currently Selected:
Neto'te 28: BMa
Highlight
Share
Copy
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Neto'te 28
28
1Isak Tsiaṅ Yakob, njab kàn yi, mfà ntag yi ntshob ndù: A ke' bwô ndù o so mènnzwi netèt ngonngon Kanaan. 2Lo nsi nèn Padan-Aram, tunndà Bétuél tà màan, ndiag yu mènnzwi netèt ngonngon Laban, mfèt màan. 3A bwô ndù El-Shaddaï yab kàn wù ngù o bwe nzwil o yàme, ntù' mbumte ngôngô. 4A #Net. 17.4-8bwô ndù a yab kàn wù bin nzwil o ndaṅndaṅ mb'a na' njab kàn Abraham nà, nedù ngô z'o be ngùn ntùm bwe ndù a lo fà Abraham nà tù' yu.
5Isak tum Yakob Padan-Aram a nèn la' Laban, mén Bétuél ze Aram. Laban b'a mfèt Rébéka, màa Yakob bo Esau.
6Esau yen ndù Isak lo yab kàn Yakob ntum i ndù a lo nèn Padan-Aram diag ze mènnzwi bwe, mba ndù a fà ntag yi ntshob ndù k'a so mènnzwi netèt ngonngon Kanaan. 7A yen ndù Yakob lo ju'ni tàab bo màab nèn Padan-Aram. 8Esau lèn ndù nu ngonngon Kanaan lo ke mbag tàab Isak. 9Esau lo nèn mbaṅ Ismaél. A so Mahalat ngon Ismaél, nshum Abraham, mba mfèt Nebajot ze mènnzwi. A so yen mènnzwi li nkwi'te mbaṅ ts'a ghù là.
Njem ze Yakob yen nà
10Yakob lo Ber-Shéba nèn Karan. 11A kum mo' dù' nzi bwe, nummbe lagnyam lo bi. A lo' mo' loṅ bwe, ngù tomte tu yi, nô nsi num yen dù' là. 12A #Yoha. 1.51zi mo' njem, njen ndù mo' tuko' te num nsitsha'a, tu i nèn nkum mfe kamànyam. A yen Angél Nsi, tse bo tshwèt nko' num yen tuko' là mbèn nke nswe' là.
13Tshùaben #Net. 13.14-15lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o. 14Nzwil #Net. 12.3; 22.18o nsi b'a mba mbab mi a num nsitsha' là. O nsi sa neto' fe bag ntumnyam nèn nkum bag mbinyam, sa fe tu nèn kum mà ntèn. Njoṅ tunndà fa nsitsha' nsi tshùa njam o bo njam nzwil o kà kwé kàn. 15Tshù, bag wù bèn mbe, me nsi béb o num njoṅ dù' fa ts'o nsi nèn nà, bèn lo' o se' yi mum yen ngô li, nummbe me ke nsi ghua' o ke be ndù me ghù ju ze me tshob wù là bumte.
16Yakob bam num miaglo, ntshob ndù: Kua' nenùne, Tshùaben num num yen dù' li, là tu wul àm, me lo ke lèn tshàm. 17A bwôg, ntshob ndù: Mi' yen dù' li kuni neshu! Ndà Nsi num nsen ni, nzendà kamànyam num nsen ni! 18Yakob lo nsi mà nkebnjù, ndo' loṅ s'a lo ngù tomte tu yi là, nte tù mba loṅla' là, naṅ mfèt num tu bwe. 19A yab lén dù' là ndù Bétél; là lén ngô na' be mbwembwe mb'a ndù Luz.
20Yakob ghù nka'ni Nsi ntshob ndù: A be z'o béb àm, bag wù nke mbe num njoṅ yàm nkatte fa ze me tshwèt nène, a be z'o fà bàn bo nzwe me, 21me bèn njam ntùm ndà tàa ntùm fite là, mba wù Tshùaben nsi be Nsi àm. 22Tshù, mba sen loṅ ni ze me te mba loṅla' là, nsi be ndà o, me bèn ngabte njoṅ tshu ts'o nsi fà me là nze gham, mfà bag i ze ntshù' wù.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.