Yowano 14
14
Yeshu niye Nzila ya kuya kuli Tate
1“Hinga mulikekula mu mitima yenu, kulupilenu muli Nyambi kami kulupilenu mumwami. 2Mu litala lya Tate muli matala amengi, shinga mowa shinga shilolo nimitongweze noho. Nikuya nikamiwahishile mwanya. 3Munyima ya kuya na kumiwahishila mwanya, nikaboka kwiza na kumishimba, ngayi mukekala oku nikekala. 4Mukulimuka nzila ya kuya oku nilinakuya.”
5Tomashi wambile kukwendi ngayi, “Mwene, kulimuka oku ukuya tufwako, haya tukulimuka nahiti nzila?”
6Yeshu wambile kukwendi ngayi, “Ami nzila na kupwisha na wumi, kowa muntu ukuya kuli Tate ndele apitile mumwami. 7Shinga munandimuku, shinga munalimuku na Tate kami. Haya kufuma hano, munamulimuku kami munamumono.”
8Fwilipu wambile kukwendi ngayi, “Mwene, tumoneshe Tate, pe tukuhuputuka.”
9Yeshu wambile kukwendi ngayi, “Ninekala nanenu shikati shashitali, kati Fwilipu shilolo undimuke ndi? Ou namono ami namono Tate, haya ukwamba nahiti ngayi, ‘Tumoneshe Tate?’ 10Kati Fwilipu kukulupila wufwako ngayi nili muli Tate na Tate uli mumwami ndi? Awa mazu nikwamba kukwenu, kaliha ami, ngoboni Tate uli mumwami, niye ukutenda mulimo wendi. 11Nkulupilenu oho nikwamba ngayi ami nili muli Tate na Tate uli mumwami. Hinge ndi kulupilenu ndaba ya milimo nikutenda. 12Mwashikuma nikumitongweza ngayi, ou ukukulupila mumwami ukatenda milimo eye nikutenda. Ukatenda milimo ya kupitakana eye, ndaba nikuya kuli Tate. 13Kami nimwabyo mukalomba mu lizina lyami, nikabitenda ngayi wuwahe wa Tate umoneke. 14Ndi mukulomba shuma nimwasho mu lizina lyami, nikashitenda.
Shikulupisho sha Moyo Wakuyela
15“Ndi mukuhaka, mukwombatala ndayano zami. 16Nikalomba kuli Tate, kami Tate ukamipana Mukakubela wamina, ngayi ekalenga nenu mwayile myaka. 17Niye Moyo wakupwisha, ou bakubula kutwesha kutambula bakakaye ndaba kumumona hinge kumulimuka bafwako. Ngoboni enu mukumulimuka, ndaba wekala nanenu, kami uli mumwenu.
18“Kukamishiya ngo banginga nifwako, nikeza kukwenu. 19Shikati shashishe, bakakaye kukamona ami bafwako, ngoboni enu mukamona. Ndaba nilinakuyoya nanenu kami mukayoya. 20Hamutena uyo mukalimuka ngayi ami nili muli Tate kami enu muli mumwami, nanami nili mumwenu. 21Nimwendi ukutambula ndayano zami, nakuzombatala, niye wahaka ami. Tate ukamuhaka, nanami nikamuhaka, kami nikaliholola kukwendi.”
22Yundashi (kaliha Ishikalyote) wambile kukwendi ngayi, “Mwene shikenga nahiti ngayi ukaliholole kukwetu, kwakubula kuliholola ku bakakaye?”
23Yeshu wakumbwile ngayi, “Ndi muntu ukuhaka ami, pe ukwombatala lizu lyami. Tate ukamuhaka, pe Tate nanami tukeza mumwendi nakwikala nendi hamo. 24Niye ukubula kuhaka ami, kwombatala lizu lyami wufwako, kami elye lizu mukuyuvwa kaliha lyami, ngoboni lya Tate ou wantumine.”
25“Ebye nimwabyo ninabyamba kukwenu oho nishili nanenu. 26Ngoboni Mukakubela, Moyo Wakuyela ou Tate akatuma mu lizina lyami, ukamilongesha nimwabyo nakumyanukisha byuma nimwabyo, ebye nambile kukwenu.
27“Nikushiya kumwena mumwenu, nikwo kumwena kwami oku nikumipanika. Kumipanika kumwena ngonehe bakakaye bapananga nifwako. Hinga mulikekula mu mitima yenu, kami hinga mutina. 28Munayuvwu ebye ninamba kukwenu ngayi, ‘Nikaya, ngoboni kami nikaboka kukwenu.’ Ndi mukuhaka ami, pe mukuwahilila oho nili nakuya kuli Tate, ndaba Tate wamunene, ukumpitakana. 29Wuluno namitongweze oho shilolo bitendiwe, ngayi byakatendiwa mwanga mukakulupile. 30Kukamba kukwenu shikati shashitali nifwako, ndaba mwene wa kano kaye ulinakwiza. Kaliha uli na ngovu hahami, 31ngoboni mwanga bakakaye balimuke ngayi nahaka Tate, niho nikutenda ngonehe antongwezele Tate.
“Katukenu, tuyenunga tufume kuno.
Currently Selected:
Yowano 14: KK2008
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.
Yowano 14
14
Yeshu niye Nzila ya kuya kuli Tate
1“Hinga mulikekula mu mitima yenu, kulupilenu muli Nyambi kami kulupilenu mumwami. 2Mu litala lya Tate muli matala amengi, shinga mowa shinga shilolo nimitongweze noho. Nikuya nikamiwahishile mwanya. 3Munyima ya kuya na kumiwahishila mwanya, nikaboka kwiza na kumishimba, ngayi mukekala oku nikekala. 4Mukulimuka nzila ya kuya oku nilinakuya.”
5Tomashi wambile kukwendi ngayi, “Mwene, kulimuka oku ukuya tufwako, haya tukulimuka nahiti nzila?”
6Yeshu wambile kukwendi ngayi, “Ami nzila na kupwisha na wumi, kowa muntu ukuya kuli Tate ndele apitile mumwami. 7Shinga munandimuku, shinga munalimuku na Tate kami. Haya kufuma hano, munamulimuku kami munamumono.”
8Fwilipu wambile kukwendi ngayi, “Mwene, tumoneshe Tate, pe tukuhuputuka.”
9Yeshu wambile kukwendi ngayi, “Ninekala nanenu shikati shashitali, kati Fwilipu shilolo undimuke ndi? Ou namono ami namono Tate, haya ukwamba nahiti ngayi, ‘Tumoneshe Tate?’ 10Kati Fwilipu kukulupila wufwako ngayi nili muli Tate na Tate uli mumwami ndi? Awa mazu nikwamba kukwenu, kaliha ami, ngoboni Tate uli mumwami, niye ukutenda mulimo wendi. 11Nkulupilenu oho nikwamba ngayi ami nili muli Tate na Tate uli mumwami. Hinge ndi kulupilenu ndaba ya milimo nikutenda. 12Mwashikuma nikumitongweza ngayi, ou ukukulupila mumwami ukatenda milimo eye nikutenda. Ukatenda milimo ya kupitakana eye, ndaba nikuya kuli Tate. 13Kami nimwabyo mukalomba mu lizina lyami, nikabitenda ngayi wuwahe wa Tate umoneke. 14Ndi mukulomba shuma nimwasho mu lizina lyami, nikashitenda.
Shikulupisho sha Moyo Wakuyela
15“Ndi mukuhaka, mukwombatala ndayano zami. 16Nikalomba kuli Tate, kami Tate ukamipana Mukakubela wamina, ngayi ekalenga nenu mwayile myaka. 17Niye Moyo wakupwisha, ou bakubula kutwesha kutambula bakakaye ndaba kumumona hinge kumulimuka bafwako. Ngoboni enu mukumulimuka, ndaba wekala nanenu, kami uli mumwenu.
18“Kukamishiya ngo banginga nifwako, nikeza kukwenu. 19Shikati shashishe, bakakaye kukamona ami bafwako, ngoboni enu mukamona. Ndaba nilinakuyoya nanenu kami mukayoya. 20Hamutena uyo mukalimuka ngayi ami nili muli Tate kami enu muli mumwami, nanami nili mumwenu. 21Nimwendi ukutambula ndayano zami, nakuzombatala, niye wahaka ami. Tate ukamuhaka, nanami nikamuhaka, kami nikaliholola kukwendi.”
22Yundashi (kaliha Ishikalyote) wambile kukwendi ngayi, “Mwene shikenga nahiti ngayi ukaliholole kukwetu, kwakubula kuliholola ku bakakaye?”
23Yeshu wakumbwile ngayi, “Ndi muntu ukuhaka ami, pe ukwombatala lizu lyami. Tate ukamuhaka, pe Tate nanami tukeza mumwendi nakwikala nendi hamo. 24Niye ukubula kuhaka ami, kwombatala lizu lyami wufwako, kami elye lizu mukuyuvwa kaliha lyami, ngoboni lya Tate ou wantumine.”
25“Ebye nimwabyo ninabyamba kukwenu oho nishili nanenu. 26Ngoboni Mukakubela, Moyo Wakuyela ou Tate akatuma mu lizina lyami, ukamilongesha nimwabyo nakumyanukisha byuma nimwabyo, ebye nambile kukwenu.
27“Nikushiya kumwena mumwenu, nikwo kumwena kwami oku nikumipanika. Kumipanika kumwena ngonehe bakakaye bapananga nifwako. Hinga mulikekula mu mitima yenu, kami hinga mutina. 28Munayuvwu ebye ninamba kukwenu ngayi, ‘Nikaya, ngoboni kami nikaboka kukwenu.’ Ndi mukuhaka ami, pe mukuwahilila oho nili nakuya kuli Tate, ndaba Tate wamunene, ukumpitakana. 29Wuluno namitongweze oho shilolo bitendiwe, ngayi byakatendiwa mwanga mukakulupile. 30Kukamba kukwenu shikati shashitali nifwako, ndaba mwene wa kano kaye ulinakwiza. Kaliha uli na ngovu hahami, 31ngoboni mwanga bakakaye balimuke ngayi nahaka Tate, niho nikutenda ngonehe antongwezele Tate.
“Katukenu, tuyenunga tufume kuno.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.