Yowano 16
16
1“Ninamba byuma ebye nimwabyo kukwenu ngayi mubule kupukazala. 2Bakamifumisha mu mashinangonge. Mwashikuma shikati shikeza oho nimwendi ukamiziha ukahanganika ngayi ukutenda milimo ya Nyambi. 3Bakatenda ebye kukwenu, ndaba kulimuka Tate hinge ami bafwako. 4Ngoboni ninamba ebye kukwenu, ngayi oho shikati shakakuma ku nibo hakutenda byuma ebye, mukanuka ngayi namitongwezelebyo.
Mulimo wa Moyo Wakuyela
“Ha kutatika kaliha nambile ebye kukwenu, ndaba nekalile nenu. 5Ngoboni wuluno nikaya kuli uya wantumine, haya kowa muntu kukwenu ukunyipula ngayi, ‘Ukuya kuti?’ 6Ngoboni ndaba namba ebye kukwenu, mitima yenu yinenzala na winga. 7Nohobene nikumitongweza kupwisha ngayi, shashiwahe kukwenu ngayi niye, ndaba ndi kuya nifwako, Mukakubela kukeza kukwenu wufwako, ngoboni ndi nikaya, nikamutuma kukwenu. 8Niye oho akeza, ukamonesha ku bakakaye ngayi bali na mulandu ndaba ya wubi na byakwoloka na bya kuyata. 9Bali na mulandu wa wubi, ndaba nibo kukulupila mumwami bafwako. 10Bali na mulandu ha byakwoloka, ndaba nikuya kuli Tate, pe kukamona kami mufwako. 11Bali na mulandu ha bya kuyata, ndaba mwene wa kano kaye unayatiwi mwaka.
12“Nili na mazu amengi akwamba kukwenu, ngoboni kutwesha kuwayuvwishisha ha shikati shino mufwako. 13Oho Moyo wakupwisha akeza, ukamitwaminina mukupwisha nimwako. Kukamba byendi niye mwine wufwako, ngoboni nimwasho akayuvwa, nisho akamba, kami ukamitongweza byuma bikeza. 14Ukampana wuwahe, ndaba ukamitongweza ebye akashimba kukwami. 15Byuma nimwabyo bya Tate byenga byami, niho ninamba ngayi Moyo ukamitongweza ebye akashimba kukwami, pe ukabyamba kukwenu.
Winga na kuwahilila
16“Shikati shashishe kukamona mufwako, kami munyima ya shikati shashishe mukamona.”
17Bandongesha bendi bamo balyambishanine umo na wamina ngayi, “Ebye bikutontolola bishini? Akututongweza ngayi shikati shashishe kukamumona tufwako, kami munyima ya shikati shashishe tukamumona. Kami namba ngayi, ‘Ndaba nikaya kuli Tate.’ 18Kati ‘shikati shashishe’ shikutontolola bishini? Kulimuka ebye akwamba tufwako!”
19Yeshu walimukile ngayi bakushinga kumwipula, pe wambile kukwabo ngayi, “Ninamba ngayi, ‘Shikati shashishe kukamona mufwako, kami munyima ya shikati shashishe mukamona.’ Kati eshe nisho mukuliyipula mukati kenu ndi? 20Mwashikuma nikwamba kukwenu ngayi, enu mukalila na kutuwa mbingo, ngoboni bakakaye bakawahilila. Mukekala na winga, ngoboni winga wenu ukafutuka kuwahilila. 21Mbuyama oho uli hahepi na kubeleka, wekalanga na shikeku ndaba shikati shendi sha makando shinakumu. Ngoboni oho wabelekakale mwana, kaliha wanukanga aya makando, ndaba wawahililanga ngayi mwana unahemuwu mu kaye. 22Nohobene, enu wuluno muli na winga ngoboni nikamimona kami, pe mitima yenu ikawahilila, kami kowa muntu ukatwesha kufumisha kuya kuwahilila mumwenu.
23“Ha mutena uyo, enu kukalomba shuma kukwami mufwako. Mwashikuma nikwamba kukwenu ngayi, shuma nimwasho mukalomba kuli Tate mu lizina lyami, ukamipanikasho. 24Hinga mwatanga shilolo mulombe shuma mu lizina lyami, lombelenu, pe mukatambula ngayi mwanga muwahilile shikuma.
Yeshu ukukoma kaye
25“Ninamba ebye kukwenu mu zinguli. Shikati shikeza oho nikabula kwamba kukwenu mu zinguli, ngoboni nikamitongweza bya Tate shintwantwa. 26Ha mutena uyo, mukalomba kukwendi mu lizina lyami, kaliha ngayi ami nikamilombela kuli Tate, 27ndaba Tate niye mwine wamihaka. Unamihaka ndaba enu munahaka ami, kami mwakulupili ngayi nafuma kuli Nyambi. 28Nafumine kuli Tate, pe nezile mu kaye, kami nikushiya kaye, pe nikaboka kuli Tate.”
29Bandongesha bendi bambile kukwendi ngayi, “Wuluno ulinakwamba shintwantwa, kwamba na zinguli wufwako. 30Wuluno tunalimuku ngayi obe ukulimuka byuma nimwabyo, pe kaliha shinafwanini ngayi muntu akwipule mayipu, ndaba yanebye, tukukulupila ngayi wafuma kuli Nyambi.”
31Yeshu wabakumbwile ngayi, “Wuluno munakulupili ndi? 32Shikati shikeza, kami shakumakale oho mukapanzana, muntu na muntu ukaya kukwabo, pe mukanciya ninkayami. Ngoboni kukekala ninkayami nifwako, ndaba Tate uli nanami. 33Ninamba kukwenu ebye ngayi mwikale mu kumwena hakwikala mumwami. Mu kaye mukekala na makalikiza, ngoboni kancenu, ndaba nakomakale kaye!”
Currently Selected:
Yowano 16: KK2008
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.
Yowano 16
16
1“Ninamba byuma ebye nimwabyo kukwenu ngayi mubule kupukazala. 2Bakamifumisha mu mashinangonge. Mwashikuma shikati shikeza oho nimwendi ukamiziha ukahanganika ngayi ukutenda milimo ya Nyambi. 3Bakatenda ebye kukwenu, ndaba kulimuka Tate hinge ami bafwako. 4Ngoboni ninamba ebye kukwenu, ngayi oho shikati shakakuma ku nibo hakutenda byuma ebye, mukanuka ngayi namitongwezelebyo.
Mulimo wa Moyo Wakuyela
“Ha kutatika kaliha nambile ebye kukwenu, ndaba nekalile nenu. 5Ngoboni wuluno nikaya kuli uya wantumine, haya kowa muntu kukwenu ukunyipula ngayi, ‘Ukuya kuti?’ 6Ngoboni ndaba namba ebye kukwenu, mitima yenu yinenzala na winga. 7Nohobene nikumitongweza kupwisha ngayi, shashiwahe kukwenu ngayi niye, ndaba ndi kuya nifwako, Mukakubela kukeza kukwenu wufwako, ngoboni ndi nikaya, nikamutuma kukwenu. 8Niye oho akeza, ukamonesha ku bakakaye ngayi bali na mulandu ndaba ya wubi na byakwoloka na bya kuyata. 9Bali na mulandu wa wubi, ndaba nibo kukulupila mumwami bafwako. 10Bali na mulandu ha byakwoloka, ndaba nikuya kuli Tate, pe kukamona kami mufwako. 11Bali na mulandu ha bya kuyata, ndaba mwene wa kano kaye unayatiwi mwaka.
12“Nili na mazu amengi akwamba kukwenu, ngoboni kutwesha kuwayuvwishisha ha shikati shino mufwako. 13Oho Moyo wakupwisha akeza, ukamitwaminina mukupwisha nimwako. Kukamba byendi niye mwine wufwako, ngoboni nimwasho akayuvwa, nisho akamba, kami ukamitongweza byuma bikeza. 14Ukampana wuwahe, ndaba ukamitongweza ebye akashimba kukwami. 15Byuma nimwabyo bya Tate byenga byami, niho ninamba ngayi Moyo ukamitongweza ebye akashimba kukwami, pe ukabyamba kukwenu.
Winga na kuwahilila
16“Shikati shashishe kukamona mufwako, kami munyima ya shikati shashishe mukamona.”
17Bandongesha bendi bamo balyambishanine umo na wamina ngayi, “Ebye bikutontolola bishini? Akututongweza ngayi shikati shashishe kukamumona tufwako, kami munyima ya shikati shashishe tukamumona. Kami namba ngayi, ‘Ndaba nikaya kuli Tate.’ 18Kati ‘shikati shashishe’ shikutontolola bishini? Kulimuka ebye akwamba tufwako!”
19Yeshu walimukile ngayi bakushinga kumwipula, pe wambile kukwabo ngayi, “Ninamba ngayi, ‘Shikati shashishe kukamona mufwako, kami munyima ya shikati shashishe mukamona.’ Kati eshe nisho mukuliyipula mukati kenu ndi? 20Mwashikuma nikwamba kukwenu ngayi, enu mukalila na kutuwa mbingo, ngoboni bakakaye bakawahilila. Mukekala na winga, ngoboni winga wenu ukafutuka kuwahilila. 21Mbuyama oho uli hahepi na kubeleka, wekalanga na shikeku ndaba shikati shendi sha makando shinakumu. Ngoboni oho wabelekakale mwana, kaliha wanukanga aya makando, ndaba wawahililanga ngayi mwana unahemuwu mu kaye. 22Nohobene, enu wuluno muli na winga ngoboni nikamimona kami, pe mitima yenu ikawahilila, kami kowa muntu ukatwesha kufumisha kuya kuwahilila mumwenu.
23“Ha mutena uyo, enu kukalomba shuma kukwami mufwako. Mwashikuma nikwamba kukwenu ngayi, shuma nimwasho mukalomba kuli Tate mu lizina lyami, ukamipanikasho. 24Hinga mwatanga shilolo mulombe shuma mu lizina lyami, lombelenu, pe mukatambula ngayi mwanga muwahilile shikuma.
Yeshu ukukoma kaye
25“Ninamba ebye kukwenu mu zinguli. Shikati shikeza oho nikabula kwamba kukwenu mu zinguli, ngoboni nikamitongweza bya Tate shintwantwa. 26Ha mutena uyo, mukalomba kukwendi mu lizina lyami, kaliha ngayi ami nikamilombela kuli Tate, 27ndaba Tate niye mwine wamihaka. Unamihaka ndaba enu munahaka ami, kami mwakulupili ngayi nafuma kuli Nyambi. 28Nafumine kuli Tate, pe nezile mu kaye, kami nikushiya kaye, pe nikaboka kuli Tate.”
29Bandongesha bendi bambile kukwendi ngayi, “Wuluno ulinakwamba shintwantwa, kwamba na zinguli wufwako. 30Wuluno tunalimuku ngayi obe ukulimuka byuma nimwabyo, pe kaliha shinafwanini ngayi muntu akwipule mayipu, ndaba yanebye, tukukulupila ngayi wafuma kuli Nyambi.”
31Yeshu wabakumbwile ngayi, “Wuluno munakulupili ndi? 32Shikati shikeza, kami shakumakale oho mukapanzana, muntu na muntu ukaya kukwabo, pe mukanciya ninkayami. Ngoboni kukekala ninkayami nifwako, ndaba Tate uli nanami. 33Ninamba kukwenu ebye ngayi mwikale mu kumwena hakwikala mumwami. Mu kaye mukekala na makalikiza, ngoboni kancenu, ndaba nakomakale kaye!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.