Mako 15
15
Yeshu bakumutwala kuli Pilato
(Mateo 27:1-2, 11-14; Luka 23:1-5; Yowano 18:28-38)
1Ku shikati sha lumenemene shikuma, bakankombela ba bakulwane baliyuvwashanine na bakulwane ba Bayunda na bakakulongesha ndayano na baka Nkuta nimwabo, bamangile Yeshu, pe bamutwalile kuli Pilato.
2Pilato wamwipwile ngayi, “Obe Mwene wa Bayunda ndi?”
Yeshu wakumbwile ngayi, “Unamba.”
3Bakankombela ba bakulwane bamubangilile byabingi, 4pe Pilato wamwipwile kami ngayi, “Bishini ukubula kukumbula shamina? Yuvwa byuma byabingi ebye balinakwamba hahobe!”
5Ngoboni Yeshu kaliha wamukumbwile, nohobene Pilato wakomokele.
Yeshu ukuyatiwila lufu
(Mateo 27:15-26; Luka 23:13-25; Yowano 18:39–19:16)
6Ha Shimbo nimwasho sha Kupitilila, shengile shiheka sha Pilato shakushobola kayili umo ou bantu bashingilenga. 7Ha shikati shiyo mulume wa lizina lya Mbalambashi wekalile mu tolongo, na bantu baya bamangiwile hamo nendi ndaba ya mulandu wa mponde ha shikati oho kwekalile mushunga. 8Likunge lya bantu lyezile mukunyepa Pilato ngayi abatendele ngonehe abatendelanga. 9Niho Pilato abepwile ngayi, “Mukushinga ngayi nimishobolwele Mwene wa Bayunda ndi?” 10Pilato walimukile ngayi bakankombela ba bakulwane bali na mwili na Yeshu, niho banamulete kukwendi.
11Ngoboni bakankombela ba bakulwane bahongele likunge lya bantu ngayi mwanga Pilato abashobolwele Mbalambashi. 12Pilato kami wambile kukwabo ngayi, “Kati ou muntu munatumbu ngayi Mwene wa Bayunda, haya nimutende nahiti?”
13Babilikizile ngayi, “Mukoleke!”
14Pilato wabepwile ngayi, “Kati unatende mulandu ngani?”
Ngoboni babilikizile shikuma ngayi, “Mukoleke!”
15Nohobene Pilato washingile kuwahililisha likunge lya bantu, wabashobolwelele Mbalambashi, pe wabapanine Yeshu oho amanishile kumuzipola ngayi bamukoleke.
Bakanzita bakukumangiza Yeshu
(Mateo 27:27-31; Yowano 19:2-3)
16Bakanzita batwalile Yeshu mu mbanza ya mu musheke, niho bakungwile kanzunga nimwako ka bakanzita. 17Bamuvwikile shivwalo sha wuhombo, batendele munana wa mihongela, niho bawuyakile ku mutwe wendi. 18Pe batatikile kumukumangiza ngayi, “Uyoye myaka yayingi obe mwene wa Bayunda!” 19Bamukamine ku mutwe na litete, bamufwizilile mate, pe bashungumanine ku manungo na kumulemesha. 20Oho bamanishile kumukumangiza, bamuvulile shivwalo sha wuhombo, niho bamuvwikile shivwalo shendi, pe bamutwalile na kumukoleka.
Yeshu bakumukoleka ha shishempakano
(Mateo 27:32-44; Luka 23:26-43; Yowano 19:17-27)
21 #
Lom 16:13. Ha nzila baliwanine na muntu wamina wa lizina lya Shimoni, wapitilenga kufuma ku tuminzi, pe bakanzita bamukandamikile ngayi ashimbe shishempakano sha Yeshu. (Shimoni wa ku Shilene wengile tata Alekizanda na Lufushi.) 22Batwalile Yeshu ku mbalila yatumbiwa ngayi Ngolongota, kutontolola ngayi, “Mbalila ya Kangawe.” 23Bamupanikile waine yakuvwela na mila ngayi anwe, ngoboni kanwineha. 24#Nyi 22:18. Niho bamukolekele, pe balitapishilile bivwalo byendi. Bakunine nyela, ngayi balimuke eshe akushimba muntu na muntu. 25Bamukolekele ku lumenemene ha shikati sha wumutanu na binaa. 26Mazu a mulandu awa bamuyatile nawo, atikitiwile ngayi, “Mwene wa Bayunda.” 27Bakolekele hamo nendi bezi babili, umo ku shilyo shendi, wamina ku shimoho. 28#Isha 53:12. Nohobene kwatendiwile byatikitiwile ngayi, “Unalabiwi hamo na bakawubi.” 29#Nyi 22:7, 109:25; Mak 14:58; Yowa 2:19. Kami baya bapitilenga mu nzila, bamukumangizile, kami banengokeshele mitwe yabo, bambile ngayi, “Ahaa! Obe ukutwesha kushiwula Litala lya Nyambi, na kulitenda kami mu matena ahatu! 30Haya lilamwine obe mwine, mwanga ufume ha shishempakano.”
31Nohobene, bakankombela ba bakulwane na bakakulongesha ndayano bamukumangizile, pe bambilenga ngayi, “Walamwininenga baminendi, ngoboni kutwesha kulilamwina niye mwine wufwako! 32Haya tukumona ou Kilishitu, Mwene wa Ishalela, ndi ukufuma ha shishempakano shawuluno, pe tukukulupila mumwendi!”
Baya bakolekiwile hamo nendi nanibo kami bamuhandwile.
Lufu lwa Yeshu
(Mateo 27:45-56; Luka 23:44-49; Yowano 19:28-30)
33Mutena wakumine hakati ka mutwe, kwekalile mincimpwe mu litunga nimwalyo yiya yamanishile bikati bihatu. 34#Nyi 22:1. Shikati sha wulikumi na mutanu, Yeshu wabilikizile na lizu lyalinene ngayi, “Eloi, Eloi, lama sabakatani?” Kutontolola, “Nyambi yami, Nyambi yami, unanciyili bishini?”
35Bamo baya bemanine kuyo, oho bayuvwile ebye, bambile ngayi, “Yuvwenu, ulinakwihana Eliya!” 36Umo kukwabo wetukile na kuzabika shiponci mu waine yakushasha, washiyakile ku litete niho apanikile Yeshu ngayi anwe. Pe wambile ngayi, “Mulehenu! Tumone ndi Eliya ukwiza na kumufumisha ha shishempakano!”
37Yeshu wabilikizile kami na lizu lyalinene, pe wafwile.
38Niho likwiza lya mu wumbo lyekalilenga mu Litala lya Nyambi lyatabukile hakati, kufuma kuyilu kutwala kunceto. 39Mukulwane wa bakanzita, ou wemanine hahepi na shishempakano, oho ayuvwile Yeshu eshe abilikizile na kumona eshe afwile, wambile ngayi, “Mwashikuma ou muntu wengile Mwana Nyambi!”
40 #
Luk 8:2, 3. Kwekalile kami bambuyama baya bapenzelenga hinga bemana kwakutali, hakati kabo hekalile Maliya wa ku Mangandalena na Shalome na Maliya manda Yakoba wa kanuke na Yoshesha. 41Nibo bengile bakakukonka Yeshu oho ekalilenga mu Ngalileya, kami bamuyavwilenga. Kwekalile kami na bambuyama babengi baya bezile nendi ku Yelushalema.
Kufundiwa kwa Yeshu
(Mateo 27:57-61; Luka 23:50-56; Yowano 19:38-42)
42Oho kwengile mazolo ha Mutena Wakuliwahishila bya Mutena Wakukatala, 43Yoshefwa wa ku Alimatiya, umo wa babilolo ba nkuta ya Bayunda,* uya watatililenga Wene wa Nyambi, wayile na mutima wa kukanca kuli Pilato na kulomba mutuntu wa Yeshu. 44Pilato wakomokele oho ayuvwile ngayi Yeshu wafwakale. Niho ehanine mukulwane wa bakanzita, pe wamwipwile ngayi ayuvwe ndi Yeshu unafu. 45Oho mukulwane amutongwezele ngayi unafu, Pilato watongwezele Yoshefwa ngayi ashimbe mutuntu. 46Pe Yoshefwa walandile likwiza lyaliwahe, wafumishile mutuntu ha shishempakano, wawuvungilile mu likwiza, niho awulangikile mu shinzimbi shakabiwile mu limanya. Pe wandumwinine limanya ku shipana sha shinzimbi. 47Maliya wa ku Mangandalena na Maliya manda Yoshesha bamonene omu balangikile mutuntu wa Yeshu.
Currently Selected:
Mako 15: KK2008
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.
Mako 15
15
Yeshu bakumutwala kuli Pilato
(Mateo 27:1-2, 11-14; Luka 23:1-5; Yowano 18:28-38)
1Ku shikati sha lumenemene shikuma, bakankombela ba bakulwane baliyuvwashanine na bakulwane ba Bayunda na bakakulongesha ndayano na baka Nkuta nimwabo, bamangile Yeshu, pe bamutwalile kuli Pilato.
2Pilato wamwipwile ngayi, “Obe Mwene wa Bayunda ndi?”
Yeshu wakumbwile ngayi, “Unamba.”
3Bakankombela ba bakulwane bamubangilile byabingi, 4pe Pilato wamwipwile kami ngayi, “Bishini ukubula kukumbula shamina? Yuvwa byuma byabingi ebye balinakwamba hahobe!”
5Ngoboni Yeshu kaliha wamukumbwile, nohobene Pilato wakomokele.
Yeshu ukuyatiwila lufu
(Mateo 27:15-26; Luka 23:13-25; Yowano 18:39–19:16)
6Ha Shimbo nimwasho sha Kupitilila, shengile shiheka sha Pilato shakushobola kayili umo ou bantu bashingilenga. 7Ha shikati shiyo mulume wa lizina lya Mbalambashi wekalile mu tolongo, na bantu baya bamangiwile hamo nendi ndaba ya mulandu wa mponde ha shikati oho kwekalile mushunga. 8Likunge lya bantu lyezile mukunyepa Pilato ngayi abatendele ngonehe abatendelanga. 9Niho Pilato abepwile ngayi, “Mukushinga ngayi nimishobolwele Mwene wa Bayunda ndi?” 10Pilato walimukile ngayi bakankombela ba bakulwane bali na mwili na Yeshu, niho banamulete kukwendi.
11Ngoboni bakankombela ba bakulwane bahongele likunge lya bantu ngayi mwanga Pilato abashobolwele Mbalambashi. 12Pilato kami wambile kukwabo ngayi, “Kati ou muntu munatumbu ngayi Mwene wa Bayunda, haya nimutende nahiti?”
13Babilikizile ngayi, “Mukoleke!”
14Pilato wabepwile ngayi, “Kati unatende mulandu ngani?”
Ngoboni babilikizile shikuma ngayi, “Mukoleke!”
15Nohobene Pilato washingile kuwahililisha likunge lya bantu, wabashobolwelele Mbalambashi, pe wabapanine Yeshu oho amanishile kumuzipola ngayi bamukoleke.
Bakanzita bakukumangiza Yeshu
(Mateo 27:27-31; Yowano 19:2-3)
16Bakanzita batwalile Yeshu mu mbanza ya mu musheke, niho bakungwile kanzunga nimwako ka bakanzita. 17Bamuvwikile shivwalo sha wuhombo, batendele munana wa mihongela, niho bawuyakile ku mutwe wendi. 18Pe batatikile kumukumangiza ngayi, “Uyoye myaka yayingi obe mwene wa Bayunda!” 19Bamukamine ku mutwe na litete, bamufwizilile mate, pe bashungumanine ku manungo na kumulemesha. 20Oho bamanishile kumukumangiza, bamuvulile shivwalo sha wuhombo, niho bamuvwikile shivwalo shendi, pe bamutwalile na kumukoleka.
Yeshu bakumukoleka ha shishempakano
(Mateo 27:32-44; Luka 23:26-43; Yowano 19:17-27)
21 #
Lom 16:13. Ha nzila baliwanine na muntu wamina wa lizina lya Shimoni, wapitilenga kufuma ku tuminzi, pe bakanzita bamukandamikile ngayi ashimbe shishempakano sha Yeshu. (Shimoni wa ku Shilene wengile tata Alekizanda na Lufushi.) 22Batwalile Yeshu ku mbalila yatumbiwa ngayi Ngolongota, kutontolola ngayi, “Mbalila ya Kangawe.” 23Bamupanikile waine yakuvwela na mila ngayi anwe, ngoboni kanwineha. 24#Nyi 22:18. Niho bamukolekele, pe balitapishilile bivwalo byendi. Bakunine nyela, ngayi balimuke eshe akushimba muntu na muntu. 25Bamukolekele ku lumenemene ha shikati sha wumutanu na binaa. 26Mazu a mulandu awa bamuyatile nawo, atikitiwile ngayi, “Mwene wa Bayunda.” 27Bakolekele hamo nendi bezi babili, umo ku shilyo shendi, wamina ku shimoho. 28#Isha 53:12. Nohobene kwatendiwile byatikitiwile ngayi, “Unalabiwi hamo na bakawubi.” 29#Nyi 22:7, 109:25; Mak 14:58; Yowa 2:19. Kami baya bapitilenga mu nzila, bamukumangizile, kami banengokeshele mitwe yabo, bambile ngayi, “Ahaa! Obe ukutwesha kushiwula Litala lya Nyambi, na kulitenda kami mu matena ahatu! 30Haya lilamwine obe mwine, mwanga ufume ha shishempakano.”
31Nohobene, bakankombela ba bakulwane na bakakulongesha ndayano bamukumangizile, pe bambilenga ngayi, “Walamwininenga baminendi, ngoboni kutwesha kulilamwina niye mwine wufwako! 32Haya tukumona ou Kilishitu, Mwene wa Ishalela, ndi ukufuma ha shishempakano shawuluno, pe tukukulupila mumwendi!”
Baya bakolekiwile hamo nendi nanibo kami bamuhandwile.
Lufu lwa Yeshu
(Mateo 27:45-56; Luka 23:44-49; Yowano 19:28-30)
33Mutena wakumine hakati ka mutwe, kwekalile mincimpwe mu litunga nimwalyo yiya yamanishile bikati bihatu. 34#Nyi 22:1. Shikati sha wulikumi na mutanu, Yeshu wabilikizile na lizu lyalinene ngayi, “Eloi, Eloi, lama sabakatani?” Kutontolola, “Nyambi yami, Nyambi yami, unanciyili bishini?”
35Bamo baya bemanine kuyo, oho bayuvwile ebye, bambile ngayi, “Yuvwenu, ulinakwihana Eliya!” 36Umo kukwabo wetukile na kuzabika shiponci mu waine yakushasha, washiyakile ku litete niho apanikile Yeshu ngayi anwe. Pe wambile ngayi, “Mulehenu! Tumone ndi Eliya ukwiza na kumufumisha ha shishempakano!”
37Yeshu wabilikizile kami na lizu lyalinene, pe wafwile.
38Niho likwiza lya mu wumbo lyekalilenga mu Litala lya Nyambi lyatabukile hakati, kufuma kuyilu kutwala kunceto. 39Mukulwane wa bakanzita, ou wemanine hahepi na shishempakano, oho ayuvwile Yeshu eshe abilikizile na kumona eshe afwile, wambile ngayi, “Mwashikuma ou muntu wengile Mwana Nyambi!”
40 #
Luk 8:2, 3. Kwekalile kami bambuyama baya bapenzelenga hinga bemana kwakutali, hakati kabo hekalile Maliya wa ku Mangandalena na Shalome na Maliya manda Yakoba wa kanuke na Yoshesha. 41Nibo bengile bakakukonka Yeshu oho ekalilenga mu Ngalileya, kami bamuyavwilenga. Kwekalile kami na bambuyama babengi baya bezile nendi ku Yelushalema.
Kufundiwa kwa Yeshu
(Mateo 27:57-61; Luka 23:50-56; Yowano 19:38-42)
42Oho kwengile mazolo ha Mutena Wakuliwahishila bya Mutena Wakukatala, 43Yoshefwa wa ku Alimatiya, umo wa babilolo ba nkuta ya Bayunda,* uya watatililenga Wene wa Nyambi, wayile na mutima wa kukanca kuli Pilato na kulomba mutuntu wa Yeshu. 44Pilato wakomokele oho ayuvwile ngayi Yeshu wafwakale. Niho ehanine mukulwane wa bakanzita, pe wamwipwile ngayi ayuvwe ndi Yeshu unafu. 45Oho mukulwane amutongwezele ngayi unafu, Pilato watongwezele Yoshefwa ngayi ashimbe mutuntu. 46Pe Yoshefwa walandile likwiza lyaliwahe, wafumishile mutuntu ha shishempakano, wawuvungilile mu likwiza, niho awulangikile mu shinzimbi shakabiwile mu limanya. Pe wandumwinine limanya ku shipana sha shinzimbi. 47Maliya wa ku Mangandalena na Maliya manda Yoshesha bamonene omu balangikile mutuntu wa Yeshu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.