Lukə 15
15
Dan mə gəgan wa cime məni vi'i
(Mat 18.12-13)
1Sum ɓawa grama kə sum gi kwa mə bro' mbə kuni hay' Zezu kədan handay mun dan umu. 2Kul sôwâ zuwif mə ɗe kə Farisiyen kə sum pay zu dan dlay mgbərum kuni dan mbok nji. Handay ini: «Swə məni nə wə ve sum gi kwa mə bro' ɓay mum wə ti kwati kə ndaya#Luk 5.29-30.» 3Zə rum, Zezu in dan mə gəgan məni nə ne ndaya: 4«Swə ɗaw du ri la' kə cime kis si, ɓay ɗaw du nday vi', bə rum cu də ar cime mə gu cefaɗew wa cefaɗew məsin wə gop, ɓay 'ya kədan mum də keɓ cime məni vi' hâ mum um za' mi su? 5Ɓay kəri məni mum za' num, mum wə tuk kəɗam juk, mum wə tle cime nə cin bəke ɓa rum, 6ɓay mum la' faŋ də so um si, mum ɗe bây um kə jik um ɓay mum la' nday ne: "I tuk kəɗam kə rin, zə na za' cime man məni ke vi' nə si!" 7Ndəna' ta', na in mi ne, sôwâ mə so Ifray mə wafray wə də tuk kəɗam kəri məni bə gi kwa mə bro' ɗaw faŋ vunduk rum pâ sôwâ mə njeŋ gucefaɗew' wa cefaɗew' məni cu kə mê' faŋ vunduk nday mi nə si.»
Dan mə gəgan wa səlay məni vi'i
8«Ko ma məsin la' kə səlay guɓ si, ɓay ɗaw du nday vi', ta cu də ge ku wə baŋgay, ɓa rawti so sə, ɓay keɓ ri 'yeŋ 'yeŋ hâ ta za' səlay rum mi su? 9Ɓay kə ri məni ta za' səlay rum, ta ɗe bây sə kə jik sə ɓay la' ne ndaya: "I tuk kəɗam kə rin, zə na za' səlay man məni ke vi' nə si!" 10Ndəna' ta', na in mi ne, sum sin Ifray mə wafray wə də tuk kəɗam kəri məni bə gi kwa mə bro' ɗaw faŋ vunduk rumu.»
Dan mə gəgan wa vay məni vi'i
11Zezu faŋ in kəreme: «Swə məsin kəta' kə daw mə njiwkwa hoɓo. 12Vay mə nyêw la' ne numu: "Bəba, a ɓul bayɗa kwa məni ha wə də man ne nə, ne nan ye." Zə rum, ba um ɓul bayɗa kwa rum ne nday hoɓ jaka. 13Kəki rum bəka cep, vay mə nyêw nə ra' vun kwa mə mum coɓ, ɓay 'ya kə səlay rum ta nya mə seŋ rum, wə han, mum ɗənok səlay kə gi sin kwa mə bro'o. 14Kəri məni mum ɗənok səlay rum ndo' si, mê' mə mbri faŋ nde wə nya rum, ɓay mê' təŋ kə um ti. 15Zə rum, mum 'ya ta gi sin kə swə məsin wə nya rum, ɓay swə nə sin num ta rəka kədan mum ji ziŋ wə hana. 16Mê' kədan mum ti vra' gu məni ziŋ wə ti wə um ti, ama swə ɗaw cu um ne mi. 17Zə rum, mum təŋ kə ɗik dan wə vunduk rumu: "Sum sin ba man daŋ' kə kwati juk pâ wa nday, ɓay na, na wə mar mê' tira! 18Na də car 'ya faŋ də so ba man, ɓay na də in um ne: Bəba, na gi kwa mə bro' hay' Ifray ɓay hay' ru ta'a. 19Na cu nde i kədan ha man ɗe kə vay wû mi. A gi nan ce' ndə bə sin wû." 20Ɓay mum car 'ya kədan mum faŋ də so umu.» Kəri məni mum seŋ kə so ɓo, ba um we num ta, ɓay mum we ca wa rumu: Mum ne ta ndewa kə rum, mum kaw num mbə vunduk ɓay soɓ num kə vunu. 21Vay nə la' ne numu: "Bəba, na gi kwa mə bro' hay' Ifray mə wafray ɓay hay' ru ta'a. Na cu nde i kədan ha man ɗe kə vay wû mi." 22Ama ba um in ne kə sum sin umu: "I ɗəma ga'ri keɓ mbraw mə ɓay pâ daŋ' rum, ɓay i ge ne numu. I no' təga' də ne num vay ɓa, ɓay i no' tərak də ne num seme. 23I keɓ vay naw məni namba ur, ɓay i fol num, ɓay mə də gi cer, 24zə vay man məni nə ke ce' ndə mar, ama mgbaŋ ni nə mum faŋ car i si, mum ke vi', ama mgbaŋ ni nə na za' num si." Ɓay handay təŋ kə gi cere. 25Kəri rum, vay mə mbri swə nə ke wə sine. Kəri məni mum gewa mbə həre' kə so, mum mun ci' kwa ru kə dla'a. 26Mum ɗe swə ɗaw wə du sum sin ɓay ci vun rumu: "Mi wə gi nə su?" 27Bə sin nə ɗam vun rumu: "Njər ru gewa si, ɓay ba wû fol vay naw məni namba ur nə, zə vay um gewa mbə za' num heɓe." 28Vay mə mbri tle bak, ɓay mum cu mun ze də so mi. Ba um pâ ɓay o num kədan mum də ze so. 29Ama vay nə ɗam vun ba umu: «"A kar ri', na gi sin kə ru kim raw, ɓay na cu vaɗ dan dlay wû ko ɗaw kpe mi. Ama ha cu ne ko vay huɓê ɗaw ne nan kədan na tuk kəɗam kə bây man kuni kpe mi! 30Ama kəri məni vay wû məni ta ɗənok kwa wû kə rawkwa mə gi nja nə gewa mbə, ha fol vay naw məni namba ur nə ne numu!" 31Ba um la' ne numu: "Vay man, ha kəta' kə rin bəka daŋ', ɓay kwa daŋ' məni na kə ndi mə ha ta'a. 32Ama namba wə gi cer ɓay tuk kəɗam zə njər ru məni nə ke ce' ndə mar, ama mgbaŋ ni nə mum faŋ car i, mum ke vi' ama mgbaŋ ni nə na za' num si!"»
Currently Selected:
Lukə 15: KMN
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Lukə 15
15
Dan mə gəgan wa cime məni vi'i
(Mat 18.12-13)
1Sum ɓawa grama kə sum gi kwa mə bro' mbə kuni hay' Zezu kədan handay mun dan umu. 2Kul sôwâ zuwif mə ɗe kə Farisiyen kə sum pay zu dan dlay mgbərum kuni dan mbok nji. Handay ini: «Swə məni nə wə ve sum gi kwa mə bro' ɓay mum wə ti kwati kə ndaya#Luk 5.29-30.» 3Zə rum, Zezu in dan mə gəgan məni nə ne ndaya: 4«Swə ɗaw du ri la' kə cime kis si, ɓay ɗaw du nday vi', bə rum cu də ar cime mə gu cefaɗew wa cefaɗew məsin wə gop, ɓay 'ya kədan mum də keɓ cime məni vi' hâ mum um za' mi su? 5Ɓay kəri məni mum za' num, mum wə tuk kəɗam juk, mum wə tle cime nə cin bəke ɓa rum, 6ɓay mum la' faŋ də so um si, mum ɗe bây um kə jik um ɓay mum la' nday ne: "I tuk kəɗam kə rin, zə na za' cime man məni ke vi' nə si!" 7Ndəna' ta', na in mi ne, sôwâ mə so Ifray mə wafray wə də tuk kəɗam kəri məni bə gi kwa mə bro' ɗaw faŋ vunduk rum pâ sôwâ mə njeŋ gucefaɗew' wa cefaɗew' məni cu kə mê' faŋ vunduk nday mi nə si.»
Dan mə gəgan wa səlay məni vi'i
8«Ko ma məsin la' kə səlay guɓ si, ɓay ɗaw du nday vi', ta cu də ge ku wə baŋgay, ɓa rawti so sə, ɓay keɓ ri 'yeŋ 'yeŋ hâ ta za' səlay rum mi su? 9Ɓay kə ri məni ta za' səlay rum, ta ɗe bây sə kə jik sə ɓay la' ne ndaya: "I tuk kəɗam kə rin, zə na za' səlay man məni ke vi' nə si!" 10Ndəna' ta', na in mi ne, sum sin Ifray mə wafray wə də tuk kəɗam kəri məni bə gi kwa mə bro' ɗaw faŋ vunduk rumu.»
Dan mə gəgan wa vay məni vi'i
11Zezu faŋ in kəreme: «Swə məsin kəta' kə daw mə njiwkwa hoɓo. 12Vay mə nyêw la' ne numu: "Bəba, a ɓul bayɗa kwa məni ha wə də man ne nə, ne nan ye." Zə rum, ba um ɓul bayɗa kwa rum ne nday hoɓ jaka. 13Kəki rum bəka cep, vay mə nyêw nə ra' vun kwa mə mum coɓ, ɓay 'ya kə səlay rum ta nya mə seŋ rum, wə han, mum ɗənok səlay kə gi sin kwa mə bro'o. 14Kəri məni mum ɗənok səlay rum ndo' si, mê' mə mbri faŋ nde wə nya rum, ɓay mê' təŋ kə um ti. 15Zə rum, mum 'ya ta gi sin kə swə məsin wə nya rum, ɓay swə nə sin num ta rəka kədan mum ji ziŋ wə hana. 16Mê' kədan mum ti vra' gu məni ziŋ wə ti wə um ti, ama swə ɗaw cu um ne mi. 17Zə rum, mum təŋ kə ɗik dan wə vunduk rumu: "Sum sin ba man daŋ' kə kwati juk pâ wa nday, ɓay na, na wə mar mê' tira! 18Na də car 'ya faŋ də so ba man, ɓay na də in um ne: Bəba, na gi kwa mə bro' hay' Ifray ɓay hay' ru ta'a. 19Na cu nde i kədan ha man ɗe kə vay wû mi. A gi nan ce' ndə bə sin wû." 20Ɓay mum car 'ya kədan mum faŋ də so umu.» Kəri məni mum seŋ kə so ɓo, ba um we num ta, ɓay mum we ca wa rumu: Mum ne ta ndewa kə rum, mum kaw num mbə vunduk ɓay soɓ num kə vunu. 21Vay nə la' ne numu: "Bəba, na gi kwa mə bro' hay' Ifray mə wafray ɓay hay' ru ta'a. Na cu nde i kədan ha man ɗe kə vay wû mi." 22Ama ba um in ne kə sum sin umu: "I ɗəma ga'ri keɓ mbraw mə ɓay pâ daŋ' rum, ɓay i ge ne numu. I no' təga' də ne num vay ɓa, ɓay i no' tərak də ne num seme. 23I keɓ vay naw məni namba ur, ɓay i fol num, ɓay mə də gi cer, 24zə vay man məni nə ke ce' ndə mar, ama mgbaŋ ni nə mum faŋ car i si, mum ke vi', ama mgbaŋ ni nə na za' num si." Ɓay handay təŋ kə gi cere. 25Kəri rum, vay mə mbri swə nə ke wə sine. Kəri məni mum gewa mbə həre' kə so, mum mun ci' kwa ru kə dla'a. 26Mum ɗe swə ɗaw wə du sum sin ɓay ci vun rumu: "Mi wə gi nə su?" 27Bə sin nə ɗam vun rumu: "Njər ru gewa si, ɓay ba wû fol vay naw məni namba ur nə, zə vay um gewa mbə za' num heɓe." 28Vay mə mbri tle bak, ɓay mum cu mun ze də so mi. Ba um pâ ɓay o num kədan mum də ze so. 29Ama vay nə ɗam vun ba umu: «"A kar ri', na gi sin kə ru kim raw, ɓay na cu vaɗ dan dlay wû ko ɗaw kpe mi. Ama ha cu ne ko vay huɓê ɗaw ne nan kədan na tuk kəɗam kə bây man kuni kpe mi! 30Ama kəri məni vay wû məni ta ɗənok kwa wû kə rawkwa mə gi nja nə gewa mbə, ha fol vay naw məni namba ur nə ne numu!" 31Ba um la' ne numu: "Vay man, ha kəta' kə rin bəka daŋ', ɓay kwa daŋ' məni na kə ndi mə ha ta'a. 32Ama namba wə gi cer ɓay tuk kəɗam zə njər ru məni nə ke ce' ndə mar, ama mgbaŋ ni nə mum faŋ car i, mum ke vi' ama mgbaŋ ni nə na za' num si!"»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.