Lukə 18
18
Dan mə gəgan wa rənda ɓay bə ɓok dana
1Zezu in dan mə gəgan məni nə ne kə sum ta zə rum kədan mum ta' nday ne i handay in dan kə Ifray bəka daŋ' dan tuk ciki. 2Mum ini: «Wə so məsin, bə ɓok dan kəta' wə han, mum cu ne wəlok Ifray mi, ɓay mum cu kaw zur sôwâ məta'a. 3Rənda kəta' wə so rum ta', ta mbə hay' bə ɓok dan nə bəka daŋ' ɓay um in ne: "A gila' dan mbok rin kə bə sî man ri'i." 4Dan rum bar hâ hâ zə bə ɓok dan nə cu mun mi. Kəki rum, mum faŋ ɗik dan wə vunduk rumu: "Kəzin', na cu ne wəlok Ifray ko na cu kaw zur sôwâ mi, 5ama zə rənda məti wə man cik, na wə də gila' dan sə, na la' cu gi ndəna' mi si, ta də mbə man cik hâ gbəgboŋ man də ndo'o."» 6Bârî faŋ in kəreme: «I mun dan məni bə ɓok dan mə bro' nə ini. 7Ifray cu də gi njeŋ hay' sôwâ məni mum da', məni wə ci' kor rum fəta kə dukri daŋ' mi su? Mum cu də gi njeŋ zə nday ga'ri mi su? 8Na in mi ne: Mum də gi njeŋ hay' nday ga'ri. Ama kəri məni Vay sumra' də mbə, mum də za' swə ɗaw məni ve num wa nya si su?»
Dan mə gəgan wa swə Farisiyen kə bə ɓawa grama
9Zezu in dan mə gəgan məni nə zə sôwâ məsin məni wə kar tu nday njeŋ kor Ifray ɓay wə jeɗ sôwâ məsini: 10«Sôwâ hoɓ cok ta rawti so po' fur sôwâ Zuwif kədan handay in dan kə Ifraya. Swə ɗaw du nday car mbə du kul sôwâ Zuwif mə ɗe kə Farisiyen, ɓay məsin bə ɓawa kwa. 11Swə Farisiyen nə car ta ca kofo kə ɗaw rum, ɓay mum in dan kə Ifray ndə ni na: "Ifray, na gi soko ne nu zə na cu ce' ndə sôwâ məsin məni wə kəy hura, wə gi kwa mə bro', ɓay wə gi nja kuni, ko ce' ndə bə ɓawa kwa məni nə mi. 12Na wə saŋ kwa bəka hoɓ du bəka seɗa', na wə ne guɓ kwa məni na wə fe nə daŋ' wû ne. 13Bə ɓawa grama nə car ta ca kəki seŋ, mum cu bə tle i də fray mi, ama mum hom ɓa wə vunduk ɓay ini: "Ifray, a we ca wa rin, zə na swə mə bro'o." 14Zezu faŋ in kəreme: Na in mi ne: kəri məni swə nə wə də so um, Ifray in num njeŋ, ama mum cu in swə Farisiyen nə ndəna' mi. Zə sa su daŋ' məni wə mbra' tu rum, bə rum də nde, ɓay swə məni wə hom tu rum, bə rum də fe mbra'a#Mat 23.12; Luk 14.11.»
Zezu kuswa' dawre'e
(Mat 19.13-15; Mak 10.13-16)
15Sôwâ ra' daw gule mbə hay' Zezu kə nday kədan mum nday ɗaka. Sum ta zə rum we ndəna', ɓay handay tak ndaya. 16Ama Zezu la' sôwâ ra' dawre' mbə hay' rum ɓay ini: «I ar dawre' mbə hay' rini. I tak nday mi, zə Ifray wə wa' kədan mum suk jwə wa sôwâ məni ra' nji kə ndaya. 17Na in mi ne kəzin', swə məni cu ve i Ifray suk jwə wa rum ce' ndə vay nyêw wə man ve mi si, bə rum cu də ze wə ri məni Ifray wə də suk jwə wa sôwâ um nə mi.»
Bə ndaka
(Mat 19.16-30; Mak 10.17-31)
18Bârî sôwâ Zuwif məsin ci vun Zezu: «Bə ta' kwa mə ɓay, na də gi ma kədan na fe nyî mə də hâ su?» 19Zezu ɗam vun rumu: «Zə mi ha man ɗe kə swə mə ɓay su? Swə mə ɓay cu ɗaw mi, say Ifray tawa! 20Ha we dan dlay si: A də gi nja mi, a ci mar mi, a kəy hura mi, a hay dan wa swə məsin mi, a mbâ ba wû kə ya wû#Psi 20.12-16; Ddd 5.16-20.» 21Swə nə ɗam vun rumu: «Na ta zə dan dlay məni kuni daŋ' daka nyêw mana.» 22Kəri məni Zezu mun dan rum, mum la' ne numu: «Kwa ɗaw gwa' nu: A də coɓ kwa wû daŋ' də rəka, ɓay a ɓul səlay rum ne kə sum ca. Ndəna' ha də ke kə ndak wafray ɓo, ɓay a mbə ta zə rini.» 23Ama kəri məni swə nə mun dan rum, vunduk par num zə mum kə ndak juku. 24Zezu we vunduk par num, ɓay mum ini: «Kə cik ɓayrum kədan bə ndak ze wə ri məni Ifray wə də suk jwə wa sôwâ umu! 25Kə cik kədan njoŋnjoŋ pâ zra batal, ama kədan bə ndak ze wə ri məni Ifray wə də suk jwə wa sôwâ um kəcik pâ mum si!» 26Sôwâ məni mun dan rum, handay ini: «La' ndəna' si, sa nə gak ke kə nyî mə də hâ su?» 27Zezu ɗama: «Kwa məni kəcik wə hay' sumra', Ifray gak gi.» 28Piyer faŋ in ne numu: «A kar ri', namba ar kwa daŋ' kədan namba ta zə ru.» 29Zezu la' ne ndaya: «Na in mi ne kəzin' swə la' ar so um, ma rum, daw ya um, sôwâ um, daw um zə jwə Ifray si, 30ka bə rum də fe kwa mə pâ məni kuni juk wə du bəka mə tam, ɓay mum də fe nyî mə də hâ wə du bəka məni wə də mba.»
Zezu in dan wa mar um kə pâ mbə mar um sem hinji' rumu
(Mat 20.17-19; Mak 10.32-34)
31Zezu ra' sum ta zə rum mə guɓ wa hoɓ mbə hay' rum, ɓay mum la' ne ndaya «I kar ri', namba ni wə də so Jeruzalem ɓay wə han, dan məni sum ka' dan wây' wa Vay sumra' daŋ' wə də gi. 32Sôwâ də um ar də ɓa sôwâ məni cu zə saŋ sôwâ Zuwif mi. Handay də um ru, də um i, ɓay də tup mê' də wa rumu. 33Handay də um pe kə ləva, ɓay də um ci, ama kəki rum bəka hinji' Ifray də um par mbə mara.» 34Ama sum ta zə rum cu mun zu dan rum mi. Zə dan rum pəpe' wə hay' nday, ɓay handay cu mun zu dan məni Zezu in nə mi.
Zezu ar i dəŋâra wə so Jeriko
(Mat 20.29-34; Mak 10.46-52)
35Kəri məni Zezu mbə həre' kə so Jeriko, dəŋâr suk hay' vari wə o kwa. 36Mum mun raw sôwâ məni wə pâ, ɓay mum ci vun i mi nə su? 37Sôwâ ɗam vun rumu: «Zezu mə so Nazaret wə pâ.» 38Zə rum, mum ka' dana: «Zezu, Vay David, a we ca wa rini!» 39Sôwâ məni wə ta kor rum dlay num kə gbəgboŋ kədan nə seŋ vun rumu. Ama mum ka' dan kə gbəgboŋ pâ mə vun kofo: «Vay David, a we ca wa rini!» 40Zezu faŋ ca ɓay ne vari ne kə sôwâ kədan kuni ɗe num mbə kə rumu. Kəri məni dəŋâr mbə hay' Zezu, Zezu ci vun rumu: 41«Ha wa' i a gi mi zə ru su?» Dəŋâr ɗam vun rumu: «Bârî, na wa' i a gi nan weri kəreme.» 42Zezu la' ne numu: «A weri ye. Zə ha ve nan, i ru ar si.» 43Kəkor sar, mum dle kə weri, ɓay mum təŋ kə ta zə Zezu ɓay gi mbra' ne kə Ifraya. Raw sôwâ daŋ' we kwa rum, ɓay handay təŋ kə bur Ifray ta'a.
Currently Selected:
Lukə 18: KMN
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Lukə 18
18
Dan mə gəgan wa rənda ɓay bə ɓok dana
1Zezu in dan mə gəgan məni nə ne kə sum ta zə rum kədan mum ta' nday ne i handay in dan kə Ifray bəka daŋ' dan tuk ciki. 2Mum ini: «Wə so məsin, bə ɓok dan kəta' wə han, mum cu ne wəlok Ifray mi, ɓay mum cu kaw zur sôwâ məta'a. 3Rənda kəta' wə so rum ta', ta mbə hay' bə ɓok dan nə bəka daŋ' ɓay um in ne: "A gila' dan mbok rin kə bə sî man ri'i." 4Dan rum bar hâ hâ zə bə ɓok dan nə cu mun mi. Kəki rum, mum faŋ ɗik dan wə vunduk rumu: "Kəzin', na cu ne wəlok Ifray ko na cu kaw zur sôwâ mi, 5ama zə rənda məti wə man cik, na wə də gila' dan sə, na la' cu gi ndəna' mi si, ta də mbə man cik hâ gbəgboŋ man də ndo'o."» 6Bârî faŋ in kəreme: «I mun dan məni bə ɓok dan mə bro' nə ini. 7Ifray cu də gi njeŋ hay' sôwâ məni mum da', məni wə ci' kor rum fəta kə dukri daŋ' mi su? Mum cu də gi njeŋ zə nday ga'ri mi su? 8Na in mi ne: Mum də gi njeŋ hay' nday ga'ri. Ama kəri məni Vay sumra' də mbə, mum də za' swə ɗaw məni ve num wa nya si su?»
Dan mə gəgan wa swə Farisiyen kə bə ɓawa grama
9Zezu in dan mə gəgan məni nə zə sôwâ məsin məni wə kar tu nday njeŋ kor Ifray ɓay wə jeɗ sôwâ məsini: 10«Sôwâ hoɓ cok ta rawti so po' fur sôwâ Zuwif kədan handay in dan kə Ifraya. Swə ɗaw du nday car mbə du kul sôwâ Zuwif mə ɗe kə Farisiyen, ɓay məsin bə ɓawa kwa. 11Swə Farisiyen nə car ta ca kofo kə ɗaw rum, ɓay mum in dan kə Ifray ndə ni na: "Ifray, na gi soko ne nu zə na cu ce' ndə sôwâ məsin məni wə kəy hura, wə gi kwa mə bro', ɓay wə gi nja kuni, ko ce' ndə bə ɓawa kwa məni nə mi. 12Na wə saŋ kwa bəka hoɓ du bəka seɗa', na wə ne guɓ kwa məni na wə fe nə daŋ' wû ne. 13Bə ɓawa grama nə car ta ca kəki seŋ, mum cu bə tle i də fray mi, ama mum hom ɓa wə vunduk ɓay ini: "Ifray, a we ca wa rin, zə na swə mə bro'o." 14Zezu faŋ in kəreme: Na in mi ne: kəri məni swə nə wə də so um, Ifray in num njeŋ, ama mum cu in swə Farisiyen nə ndəna' mi. Zə sa su daŋ' məni wə mbra' tu rum, bə rum də nde, ɓay swə məni wə hom tu rum, bə rum də fe mbra'a#Mat 23.12; Luk 14.11.»
Zezu kuswa' dawre'e
(Mat 19.13-15; Mak 10.13-16)
15Sôwâ ra' daw gule mbə hay' Zezu kə nday kədan mum nday ɗaka. Sum ta zə rum we ndəna', ɓay handay tak ndaya. 16Ama Zezu la' sôwâ ra' dawre' mbə hay' rum ɓay ini: «I ar dawre' mbə hay' rini. I tak nday mi, zə Ifray wə wa' kədan mum suk jwə wa sôwâ məni ra' nji kə ndaya. 17Na in mi ne kəzin', swə məni cu ve i Ifray suk jwə wa rum ce' ndə vay nyêw wə man ve mi si, bə rum cu də ze wə ri məni Ifray wə də suk jwə wa sôwâ um nə mi.»
Bə ndaka
(Mat 19.16-30; Mak 10.17-31)
18Bârî sôwâ Zuwif məsin ci vun Zezu: «Bə ta' kwa mə ɓay, na də gi ma kədan na fe nyî mə də hâ su?» 19Zezu ɗam vun rumu: «Zə mi ha man ɗe kə swə mə ɓay su? Swə mə ɓay cu ɗaw mi, say Ifray tawa! 20Ha we dan dlay si: A də gi nja mi, a ci mar mi, a kəy hura mi, a hay dan wa swə məsin mi, a mbâ ba wû kə ya wû#Psi 20.12-16; Ddd 5.16-20.» 21Swə nə ɗam vun rumu: «Na ta zə dan dlay məni kuni daŋ' daka nyêw mana.» 22Kəri məni Zezu mun dan rum, mum la' ne numu: «Kwa ɗaw gwa' nu: A də coɓ kwa wû daŋ' də rəka, ɓay a ɓul səlay rum ne kə sum ca. Ndəna' ha də ke kə ndak wafray ɓo, ɓay a mbə ta zə rini.» 23Ama kəri məni swə nə mun dan rum, vunduk par num zə mum kə ndak juku. 24Zezu we vunduk par num, ɓay mum ini: «Kə cik ɓayrum kədan bə ndak ze wə ri məni Ifray wə də suk jwə wa sôwâ umu! 25Kə cik kədan njoŋnjoŋ pâ zra batal, ama kədan bə ndak ze wə ri məni Ifray wə də suk jwə wa sôwâ um kəcik pâ mum si!» 26Sôwâ məni mun dan rum, handay ini: «La' ndəna' si, sa nə gak ke kə nyî mə də hâ su?» 27Zezu ɗama: «Kwa məni kəcik wə hay' sumra', Ifray gak gi.» 28Piyer faŋ in ne numu: «A kar ri', namba ar kwa daŋ' kədan namba ta zə ru.» 29Zezu la' ne ndaya: «Na in mi ne kəzin' swə la' ar so um, ma rum, daw ya um, sôwâ um, daw um zə jwə Ifray si, 30ka bə rum də fe kwa mə pâ məni kuni juk wə du bəka mə tam, ɓay mum də fe nyî mə də hâ wə du bəka məni wə də mba.»
Zezu in dan wa mar um kə pâ mbə mar um sem hinji' rumu
(Mat 20.17-19; Mak 10.32-34)
31Zezu ra' sum ta zə rum mə guɓ wa hoɓ mbə hay' rum, ɓay mum la' ne ndaya «I kar ri', namba ni wə də so Jeruzalem ɓay wə han, dan məni sum ka' dan wây' wa Vay sumra' daŋ' wə də gi. 32Sôwâ də um ar də ɓa sôwâ məni cu zə saŋ sôwâ Zuwif mi. Handay də um ru, də um i, ɓay də tup mê' də wa rumu. 33Handay də um pe kə ləva, ɓay də um ci, ama kəki rum bəka hinji' Ifray də um par mbə mara.» 34Ama sum ta zə rum cu mun zu dan rum mi. Zə dan rum pəpe' wə hay' nday, ɓay handay cu mun zu dan məni Zezu in nə mi.
Zezu ar i dəŋâra wə so Jeriko
(Mat 20.29-34; Mak 10.46-52)
35Kəri məni Zezu mbə həre' kə so Jeriko, dəŋâr suk hay' vari wə o kwa. 36Mum mun raw sôwâ məni wə pâ, ɓay mum ci vun i mi nə su? 37Sôwâ ɗam vun rumu: «Zezu mə so Nazaret wə pâ.» 38Zə rum, mum ka' dana: «Zezu, Vay David, a we ca wa rini!» 39Sôwâ məni wə ta kor rum dlay num kə gbəgboŋ kədan nə seŋ vun rumu. Ama mum ka' dan kə gbəgboŋ pâ mə vun kofo: «Vay David, a we ca wa rini!» 40Zezu faŋ ca ɓay ne vari ne kə sôwâ kədan kuni ɗe num mbə kə rumu. Kəri məni dəŋâr mbə hay' Zezu, Zezu ci vun rumu: 41«Ha wa' i a gi mi zə ru su?» Dəŋâr ɗam vun rumu: «Bârî, na wa' i a gi nan weri kəreme.» 42Zezu la' ne numu: «A weri ye. Zə ha ve nan, i ru ar si.» 43Kəkor sar, mum dle kə weri, ɓay mum təŋ kə ta zə Zezu ɓay gi mbra' ne kə Ifraya. Raw sôwâ daŋ' we kwa rum, ɓay handay təŋ kə bur Ifray ta'a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.