Kwidika 10
10
Chipupu chatubola
1Yehova wamwilili Mosi, nindi, Iŋilaku mwadiyi Fwaro, muloŋa ami nachinchikishi dehi muchima windi, ninyichima yawambuŋindi, kulonda nimwekeshi yinjikijilu yami iyi mukachi kawu,
2kulonda eyi wakashimunaŋa mumatu amwaneyi, nimumatu amwizukulweyi, yuma yinakoŋelami muEjipitu, niyinjikijilu yami yinelili mukachi kawu, kulonda mwakeluki nenu ami yami Yehova.
3Mosi naAroni eŋilili mwadiŋiyi Fwaro, amwilili nawu, Tiya chanahoshiyi Yehova, Nzambi yawaHeberu, nindi, Saŋa wadikaŋila chakubula kudizoza kumesu ami, tahindi? Yileki antu ami, ayi akankalakeli.
4Neyi kwonti kweyi kuyileka antu ami, wakamona kumadiki nakaleta tubola mumpata yeyi,
5twakajika hamaseki wi-i, antu akakaŋanya kumona hamaseki; twakadya yuma yasheluhu yapulukili, yasheluhu kudenu nanvula yamalola, twakadya nyitondu yenu yidi nakusoŋela mumaha yejima;
6nimataleyi akenzala to-o, nimatala awambuŋeyi ejima, nimatala awaEjipitu ejima; hela atata jeyi, hela ankaka jeyi kanda achimonaŋahu dehi hanu hamaseki nikulelu. Wabalumukili kwindi, washiyili Fwaro mwitala, wadiyilili kwindi.
7AmbuŋaFwaro amwilili nawu, Iwu iyala ekalaŋa tuhu muhetu wakufwa etu, tahindi? Yileki amayala, ayi akakalakeli Yehova Nzambi yawu. Nihanu hiwunachiluki neyi ituŋa daEjipitu dakisika dehuku?
8AMosi naAroni ayifuntishili cheŋi kudi Fwaro. Yena wayilili nindi, Yenu, kakalakelenu Yehova Nzambi yenu. Indi akaya anyi?
9Mosi nindi, Twakaya niatwansi niakulumpi, nianyanetu amayala nawambanda, twakaya nawampembi jetu ninyikoku yetu niŋombi jetu; chiŋa twakadyi chawija chaYehova.
10Yena wayilili nindi, Neyi nukuyileka nami yenu ninenu nianyanenu anyanya, Yehova ekali nanenu; dibabelenu, muloŋa keŋa mumoni jatama.
11Bayi dinu omuku, yenuŋa enu amayala, mwakamukalakeli Yehova, muloŋa dichi chimwakeŋeli. Ayitemuna nikuyitemuna muna mwadiŋiyi Fwaro.
12Yehova wamwilili Mosi, nindi, Ololaku chikasa cheyi hetuŋa daEjipitu kulonda tubola twinzi, tuwili hetuŋa daEjipitu, kulonda tudyi yisakola yejima yamwituŋa, mwalala tudyi yisakola yejima yasheluhu nanvula yamalola.
13Mosi wolweli mukombu windi hetuŋa daEjipitu, Yehova waleteli mpepela yakumusela mwituŋa, mwaana wuna wejima niwufuku wejima yikunkaŋa tuhu hohu; chikwelili budidi mpepela yakumusela yaleteli #Mas 78:46; 105:34tubola.
14Tubola twayili mwituŋa daEjipitu dejima, twawilili mwahita ituŋa daEjipitu dejima, twadiŋi twakala nankashi; tubola tudi chochochu kanda dehi atumonaŋahu dehi, hela kunyaka yacheŋi hiyamba katumona cheŋi tudi chochochuku.
15Muloŋa twajikili hewulu deseki dejima, ituŋa deyilili kwabwi-i natubola, adiili yisakola yejima yamwituŋa, adiili ninyikabu yanyitondu yejima yasheluhu nanvula yamalola, hikwasheli hoku yuma yituuta, hela mutondu hela yisakola mumaha, mwejima mwahita ituŋa daEjipitu.
16Fwaro watambikili aMosi naAroni lufuchi hohu; wayilili nindi, Naputoli dehi Yehova Nzambi yenu, ninenu nayiputoli.
17Dichi dinu aŋanakeni mwani, nshidi yami kamu hohu aka, amulembeleluku Yehova Nzambi yenu kulonda amfumishili kufwa kweniku hohu.
18Wafumini mwadiŋiyi Fwaro, wayili wamulembeleleli kudi Yehova.
19Yehova watemesheli mpepela yakumujika yasweja nankashi ŋovu, yanyamwini tubola, yatuhaŋili muKaluŋalwiji Kachinana; mwituŋa daEjipitu dejima himwasheli hoku kabola nikamuku.
20Ilaŋa Yehova wachinchikishili muchima waFwaro, hayitejeli anyana kaIsarela kuyaku.
Chipupu chamwidima waweni
21Yehova wamwilili Mosi, nindi, Ololaku chikasa cheyi kwiwulu, kulonda mwituŋa daEjipitu mwili #Mas 105:28mwidima, mwidima waweni washishita.
22Mosi wolweli chikasa chindi kwiwulu; mwituŋa dejima daEjipitu mwelili mwidima wabwi-i chikupu mafuku asatu;
23antu hiyadimweni muntu namukwawuku, kwosi muntu niwumu wanyamukili mwadiŋiyi mafuku asatu; kwinza mumatala awanyana kaIsarela ejima mwadiŋi chejeji.
24Fwaro wamutambikili Mosi, wamwilili nindi, Yenu kamukalakelenu Yehova; ilaŋa yimuna yenu naŋombi jenu jishali; nianyanenu anyanya mukuya nawu nawa.
25Mosi welili nindi, Chiŋa wutwinka mumakasetu niyimuna yakuketulaŋa ninyilambu yakushitaŋa, kulonda twakamuketwilaŋa Yehova Nzambi yetu.
26Yimuna yetu twakaya nayu; hitwakashiya chikwa nichimuku; muloŋa twakanonaŋahu yikwawu twakamukalakelaŋa nachu Yehova Nzambi yetu; oyu yitwakamukalakelaŋa nachu Yehova hitunayilukuku, kuyiluka chiŋa tunashiki dehi kwenoku kutwakaya.
27Ilaŋa Yehova wachinchikishili muchima waFwaro, hayitejeli kuyaku.
28Fwaro wamwilili nindi, Fumaku, babalaku, bayi wakanmona cheŋuku. Ifuku diwakanmona cheŋi, wakafwa hohu.
29Mosi nindi, Wunahoshi chalala, #Heb 11:27hinakakumona cheŋi kumesu eyuku.
Currently Selected:
Kwidika 10: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kwidika 10
10
Chipupu chatubola
1Yehova wamwilili Mosi, nindi, Iŋilaku mwadiyi Fwaro, muloŋa ami nachinchikishi dehi muchima windi, ninyichima yawambuŋindi, kulonda nimwekeshi yinjikijilu yami iyi mukachi kawu,
2kulonda eyi wakashimunaŋa mumatu amwaneyi, nimumatu amwizukulweyi, yuma yinakoŋelami muEjipitu, niyinjikijilu yami yinelili mukachi kawu, kulonda mwakeluki nenu ami yami Yehova.
3Mosi naAroni eŋilili mwadiŋiyi Fwaro, amwilili nawu, Tiya chanahoshiyi Yehova, Nzambi yawaHeberu, nindi, Saŋa wadikaŋila chakubula kudizoza kumesu ami, tahindi? Yileki antu ami, ayi akankalakeli.
4Neyi kwonti kweyi kuyileka antu ami, wakamona kumadiki nakaleta tubola mumpata yeyi,
5twakajika hamaseki wi-i, antu akakaŋanya kumona hamaseki; twakadya yuma yasheluhu yapulukili, yasheluhu kudenu nanvula yamalola, twakadya nyitondu yenu yidi nakusoŋela mumaha yejima;
6nimataleyi akenzala to-o, nimatala awambuŋeyi ejima, nimatala awaEjipitu ejima; hela atata jeyi, hela ankaka jeyi kanda achimonaŋahu dehi hanu hamaseki nikulelu. Wabalumukili kwindi, washiyili Fwaro mwitala, wadiyilili kwindi.
7AmbuŋaFwaro amwilili nawu, Iwu iyala ekalaŋa tuhu muhetu wakufwa etu, tahindi? Yileki amayala, ayi akakalakeli Yehova Nzambi yawu. Nihanu hiwunachiluki neyi ituŋa daEjipitu dakisika dehuku?
8AMosi naAroni ayifuntishili cheŋi kudi Fwaro. Yena wayilili nindi, Yenu, kakalakelenu Yehova Nzambi yenu. Indi akaya anyi?
9Mosi nindi, Twakaya niatwansi niakulumpi, nianyanetu amayala nawambanda, twakaya nawampembi jetu ninyikoku yetu niŋombi jetu; chiŋa twakadyi chawija chaYehova.
10Yena wayilili nindi, Neyi nukuyileka nami yenu ninenu nianyanenu anyanya, Yehova ekali nanenu; dibabelenu, muloŋa keŋa mumoni jatama.
11Bayi dinu omuku, yenuŋa enu amayala, mwakamukalakeli Yehova, muloŋa dichi chimwakeŋeli. Ayitemuna nikuyitemuna muna mwadiŋiyi Fwaro.
12Yehova wamwilili Mosi, nindi, Ololaku chikasa cheyi hetuŋa daEjipitu kulonda tubola twinzi, tuwili hetuŋa daEjipitu, kulonda tudyi yisakola yejima yamwituŋa, mwalala tudyi yisakola yejima yasheluhu nanvula yamalola.
13Mosi wolweli mukombu windi hetuŋa daEjipitu, Yehova waleteli mpepela yakumusela mwituŋa, mwaana wuna wejima niwufuku wejima yikunkaŋa tuhu hohu; chikwelili budidi mpepela yakumusela yaleteli #Mas 78:46; 105:34tubola.
14Tubola twayili mwituŋa daEjipitu dejima, twawilili mwahita ituŋa daEjipitu dejima, twadiŋi twakala nankashi; tubola tudi chochochu kanda dehi atumonaŋahu dehi, hela kunyaka yacheŋi hiyamba katumona cheŋi tudi chochochuku.
15Muloŋa twajikili hewulu deseki dejima, ituŋa deyilili kwabwi-i natubola, adiili yisakola yejima yamwituŋa, adiili ninyikabu yanyitondu yejima yasheluhu nanvula yamalola, hikwasheli hoku yuma yituuta, hela mutondu hela yisakola mumaha, mwejima mwahita ituŋa daEjipitu.
16Fwaro watambikili aMosi naAroni lufuchi hohu; wayilili nindi, Naputoli dehi Yehova Nzambi yenu, ninenu nayiputoli.
17Dichi dinu aŋanakeni mwani, nshidi yami kamu hohu aka, amulembeleluku Yehova Nzambi yenu kulonda amfumishili kufwa kweniku hohu.
18Wafumini mwadiŋiyi Fwaro, wayili wamulembeleleli kudi Yehova.
19Yehova watemesheli mpepela yakumujika yasweja nankashi ŋovu, yanyamwini tubola, yatuhaŋili muKaluŋalwiji Kachinana; mwituŋa daEjipitu dejima himwasheli hoku kabola nikamuku.
20Ilaŋa Yehova wachinchikishili muchima waFwaro, hayitejeli anyana kaIsarela kuyaku.
Chipupu chamwidima waweni
21Yehova wamwilili Mosi, nindi, Ololaku chikasa cheyi kwiwulu, kulonda mwituŋa daEjipitu mwili #Mas 105:28mwidima, mwidima waweni washishita.
22Mosi wolweli chikasa chindi kwiwulu; mwituŋa dejima daEjipitu mwelili mwidima wabwi-i chikupu mafuku asatu;
23antu hiyadimweni muntu namukwawuku, kwosi muntu niwumu wanyamukili mwadiŋiyi mafuku asatu; kwinza mumatala awanyana kaIsarela ejima mwadiŋi chejeji.
24Fwaro wamutambikili Mosi, wamwilili nindi, Yenu kamukalakelenu Yehova; ilaŋa yimuna yenu naŋombi jenu jishali; nianyanenu anyanya mukuya nawu nawa.
25Mosi welili nindi, Chiŋa wutwinka mumakasetu niyimuna yakuketulaŋa ninyilambu yakushitaŋa, kulonda twakamuketwilaŋa Yehova Nzambi yetu.
26Yimuna yetu twakaya nayu; hitwakashiya chikwa nichimuku; muloŋa twakanonaŋahu yikwawu twakamukalakelaŋa nachu Yehova Nzambi yetu; oyu yitwakamukalakelaŋa nachu Yehova hitunayilukuku, kuyiluka chiŋa tunashiki dehi kwenoku kutwakaya.
27Ilaŋa Yehova wachinchikishili muchima waFwaro, hayitejeli kuyaku.
28Fwaro wamwilili nindi, Fumaku, babalaku, bayi wakanmona cheŋuku. Ifuku diwakanmona cheŋi, wakafwa hohu.
29Mosi nindi, Wunahoshi chalala, #Heb 11:27hinakakumona cheŋi kumesu eyuku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.