Kwidika 13
13
Kujilikila Yehova awedi
1Yehova wahosheli naMosi,
2nindi, Njilikili #v12, 13, 15; 22:29; Luk 2:23awedi ejima ahadi anyana kaIsarela akusambila kuvwalika mumavumu awamama jawu, hela hadi antu, hela hadi anyama, amami hohu.
3Mosi wayilili antu, nindi, Mwakanukaŋa ifuku dalelu dimwafumini muEjipitu mwitala dawuduŋu; muloŋa Yehova wayifumishili mwenamunu naŋovu yakuchikasa chindi, bayi akadya hoku mankendi akweti iluŋuku.
4Itaŋwa dalelu mukakweji kaMayinzamaneni (Abibi) himukufumamu.
5Chakela chamba kakushikijayi Yehova mwituŋa dawaKenani, nidawaHiti, nidawaAmori, nidawaHivi, nidawaYebusi, dayisanyikililiyi ankakulula jenu nindi nakayinkadu, ituŋa dalumbama mayeli nawuchi, wakela mudimu weniwu hakakweji aka.
6Wakadyaŋa mankendi akadi iluŋi mafuku atanu nayedi, hefuku damuchitanu nachiyedi hakekali chawija chaYehova.
7Mankendi akadi iluŋi akayidyaŋa mafuku atanu nayedi, bayi akakumona namankendi akweti iluŋuku, hela iluŋi dadeni bayi akakumona nadu mwakumina ŋinza jejima jetuŋa deyuku.
8Wakamuleji mwaneyi hefuku denodu, neyi, Nanochu chaŋililiyi Yehova hinafumini muEjipitu.
9Chakekali chinjikijilu cheyi hachikasa cheyi, chakekali chuma chakwanukisha nachu nihakachi kamesu eyi, kulonda nshimbi yaYehova yakekali mukanwa keyi, muloŋa Yehova wakufumishili muEjipitu nachikasa chaŋovu.
10Dichi wakahembi chidika ichi hachilaaka chachu hamwaka hamwaka.
11Chakela chamba kakushikijayi mwituŋa dawaKenani, mwomwakusanyikililiyi, mwomwayisanyikililiyi niankakulula jeyi, chakakwinkayi ituŋodu,
12eyi wakamwambwili Yehova anyana ejima akusambila kuvwalika mumavumu awamama jawu, nianyana kawanyama ejima akusambila kuvwalika; amayala akekali ambala aYehova.
13Anyana awedi awayimbulu ejima wakayikuuli namwana kamukoku hela namwana kampembi; neyi wakabula kuyikuula wakayikotoli nshiŋu. Hadi anyaneyi amayala anyana awedi awantu ejima wakayikuuli hohu.
14Chakela hamwaka wakenza chamba kakwihulayi mwaneyi, nindi, Ichi #Kuhit 6:20hichumanyi? eyi wakamwili neyi, Yehova watufumishili muEjipitu, mwitala dawuduŋu, naŋovu yakuchikasa chindi;
15cheliliyi Fwaro hakeŋeli kutulekaku, Yehova wajahili anyana awedi ejima amwituŋa daEjipitu, nianyana awedi awantu, nianyana awedi awanyama; dichi chinaketwilaŋa Yehova ayizamba ejima awedi, ilaŋa anyanami awedi amayala ejima nayikuulaŋa.
16Chakekali chinjikijilu hachikasa cheyi, chakekali chuma chakuvwala hehama deyi; nanochu chatufumishiliyi Yehova muEjipitu naŋovu yakuchikasa chindi.
Kuzambuka Kaluŋalwiji Kachinana
17Cheliliyi Fwaro hakuyileka antu ayi, Nzambi hayilombweli njila yamwituŋa dawaFwilistinuku, kutoŋa diyi yadiŋi yayihi; muloŋa Nzambi welili nindi, Antu akenza kabalumuka mumuchima chamba kamonawu njita, akenza kafunta cheŋi kuEjipitu.
18Ilaŋa Nzambi wayinyeŋumwishili antu njila yachinkalampata chaKaluŋalwiji Kachinana; anyana kaIsarela afumini mwituŋa daEjipitu nakwenda munyikuku.
19Mosi wasendeli mafwaha aYosefu, muloŋa yena wayisanyikishili naŋovu anyana kaIsarela, welili nindi, Chalala Nzambi wamba kenza nakuyitala, ninenu mwakafumishi mafwahami kunu, mwakayi nawu.
20Anyamukili kuSukoti, ayili nakukamina kuEtami, kwakumina chinkalampata.
21Yehova watwamininuku kumbidi yawu #14:19, 24; 33:9-10; Mas 78:14; 99:7; 105:39muchishimi chevu namwaana, kulonda kuyilombola njila, muchishimi chakesi nawufuku, kulonda kuyitoŋekela, kulonda atweshi kwenda hela namwaana hela nawufuku;
22hela chishimi chevu namwaana, hela chishimi chakesi nawufuku, hichafumini kwadiŋuwu antu ambalaku.
Currently Selected:
Kwidika 13: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kwidika 13
13
Kujilikila Yehova awedi
1Yehova wahosheli naMosi,
2nindi, Njilikili #v12, 13, 15; 22:29; Luk 2:23awedi ejima ahadi anyana kaIsarela akusambila kuvwalika mumavumu awamama jawu, hela hadi antu, hela hadi anyama, amami hohu.
3Mosi wayilili antu, nindi, Mwakanukaŋa ifuku dalelu dimwafumini muEjipitu mwitala dawuduŋu; muloŋa Yehova wayifumishili mwenamunu naŋovu yakuchikasa chindi, bayi akadya hoku mankendi akweti iluŋuku.
4Itaŋwa dalelu mukakweji kaMayinzamaneni (Abibi) himukufumamu.
5Chakela chamba kakushikijayi Yehova mwituŋa dawaKenani, nidawaHiti, nidawaAmori, nidawaHivi, nidawaYebusi, dayisanyikililiyi ankakulula jenu nindi nakayinkadu, ituŋa dalumbama mayeli nawuchi, wakela mudimu weniwu hakakweji aka.
6Wakadyaŋa mankendi akadi iluŋi mafuku atanu nayedi, hefuku damuchitanu nachiyedi hakekali chawija chaYehova.
7Mankendi akadi iluŋi akayidyaŋa mafuku atanu nayedi, bayi akakumona namankendi akweti iluŋuku, hela iluŋi dadeni bayi akakumona nadu mwakumina ŋinza jejima jetuŋa deyuku.
8Wakamuleji mwaneyi hefuku denodu, neyi, Nanochu chaŋililiyi Yehova hinafumini muEjipitu.
9Chakekali chinjikijilu cheyi hachikasa cheyi, chakekali chuma chakwanukisha nachu nihakachi kamesu eyi, kulonda nshimbi yaYehova yakekali mukanwa keyi, muloŋa Yehova wakufumishili muEjipitu nachikasa chaŋovu.
10Dichi wakahembi chidika ichi hachilaaka chachu hamwaka hamwaka.
11Chakela chamba kakushikijayi mwituŋa dawaKenani, mwomwakusanyikililiyi, mwomwayisanyikililiyi niankakulula jeyi, chakakwinkayi ituŋodu,
12eyi wakamwambwili Yehova anyana ejima akusambila kuvwalika mumavumu awamama jawu, nianyana kawanyama ejima akusambila kuvwalika; amayala akekali ambala aYehova.
13Anyana awedi awayimbulu ejima wakayikuuli namwana kamukoku hela namwana kampembi; neyi wakabula kuyikuula wakayikotoli nshiŋu. Hadi anyaneyi amayala anyana awedi awantu ejima wakayikuuli hohu.
14Chakela hamwaka wakenza chamba kakwihulayi mwaneyi, nindi, Ichi #Kuhit 6:20hichumanyi? eyi wakamwili neyi, Yehova watufumishili muEjipitu, mwitala dawuduŋu, naŋovu yakuchikasa chindi;
15cheliliyi Fwaro hakeŋeli kutulekaku, Yehova wajahili anyana awedi ejima amwituŋa daEjipitu, nianyana awedi awantu, nianyana awedi awanyama; dichi chinaketwilaŋa Yehova ayizamba ejima awedi, ilaŋa anyanami awedi amayala ejima nayikuulaŋa.
16Chakekali chinjikijilu hachikasa cheyi, chakekali chuma chakuvwala hehama deyi; nanochu chatufumishiliyi Yehova muEjipitu naŋovu yakuchikasa chindi.
Kuzambuka Kaluŋalwiji Kachinana
17Cheliliyi Fwaro hakuyileka antu ayi, Nzambi hayilombweli njila yamwituŋa dawaFwilistinuku, kutoŋa diyi yadiŋi yayihi; muloŋa Nzambi welili nindi, Antu akenza kabalumuka mumuchima chamba kamonawu njita, akenza kafunta cheŋi kuEjipitu.
18Ilaŋa Nzambi wayinyeŋumwishili antu njila yachinkalampata chaKaluŋalwiji Kachinana; anyana kaIsarela afumini mwituŋa daEjipitu nakwenda munyikuku.
19Mosi wasendeli mafwaha aYosefu, muloŋa yena wayisanyikishili naŋovu anyana kaIsarela, welili nindi, Chalala Nzambi wamba kenza nakuyitala, ninenu mwakafumishi mafwahami kunu, mwakayi nawu.
20Anyamukili kuSukoti, ayili nakukamina kuEtami, kwakumina chinkalampata.
21Yehova watwamininuku kumbidi yawu #14:19, 24; 33:9-10; Mas 78:14; 99:7; 105:39muchishimi chevu namwaana, kulonda kuyilombola njila, muchishimi chakesi nawufuku, kulonda kuyitoŋekela, kulonda atweshi kwenda hela namwaana hela nawufuku;
22hela chishimi chevu namwaana, hela chishimi chakesi nawufuku, hichafumini kwadiŋuwu antu ambalaku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.