Kwidika 18
18
Yetero hakwinza kudi Mosi
1Dichi dinu kapristu kakuMidiyani Yetero, diyi mukuwaMosi, watiyili yejima yeliliyi Nzambi, yamwilililiyi Mosi, yayilililiyi niantu indi aIsarela, chayifumishiliyi Yehova aIsarela muEjipitu.
2Dichi #2:21Yetero, mukuwaMosi, wasendeli iŋodaMosi Zipora, atweliyi kumukala wawu,
3nianyanindi amayala ayedi; wumu wukweti ijina dindi Gereshomi, daya mukwila nawu, Nashakami nimwenyi mwituŋa dambala;
4mukwawu wukweti ijina dindi Eliyezeri, daya mukwila nawu, Nzambi yatata yami diyi wankwashili, diyi wampulwishili kumpoku yakabali yaFwaro.
5Yetero, mukuwaMosi, wamutweleli Mosi nianyanindi niŋodindi muchinkalampata mwatuŋililiyi chiimba chindi kumpidi yaNzambi.
6Watemesheli mazu nakumwila Mosi, nindi, Ami mukuweyi Yetero, nidi nakwinza kudeyi hamu naŋodeyi, nianyanindi mwayedi wawu.
7Mosi wayili nakumukinkilila mukuwindi, wamufukaminini, wamupwepujoleli; adihujoleli mwashakamininuwu; eŋila nikwiŋila mwitenti.
8Mosi wamulejeli mukuwindi yuma yejima yeliliyi Yehova, yamwililiyi Fwaro niyayililiyi aEjipitu hanyijimba yawaIsarela, wamulejeli nikukabakana kwejima kwamwenuwu munjila, nichayipulwishiliyi Yehova.
9Yetero wazaŋaleli chatiyiliyi mwamuwahi mwejima mwayikoŋeleliyi Yehova aIsarela, nichayipulwishiliyi kudi aEjipitu.
10Yetero welili nindi, Kisu kisu Yehova wayipulwishili enu nikudi aEjipitu nikudi Fwaro; wayipulwishili niantu afumi muchikasa chawaEjipitu.
11Ichi dinu neluki dehi kwami, nami Yehova diyi wabadika akishi ejima; mwalala hela kuchuma chadinkeluwu nachu aEjipitu wanta, yena wayibadikili.
12Yetero mukuwaMosi, wamukwatilili Nzambi nimulambu wakushita niyimuna yakumuketwila; niAroni wenjili, niakulumpi awaIsarela ejima, nakudya yakudya namukuwaMosi kumesu aNzambi.
13Chikwachili, Mosi washakamini nakusompesha antu; antu chochemanawu kwadiŋiyi Mosi kufumisha kubudidi ndo-o nikumelela.
14Chamweniyi mukuwaMosi yuma yejima yadiŋi nakuyililayi antu, hakuhosha nindi, Awa antu wudi nakuyila ŋahi? Indi eyi washakaminadi kankaweyi hohu, awa antu saŋa emajalilawu kudeyi kufumisha kubudidi ndo-o nikumelela?
15Mosi wamwilili mukuwindi nindi, Muloŋa antu hiyakwinza inza kudami ehuli mwakuyilejayi Nzambi.
16Neyi akweti nsaŋu yawu hiyakwinza kudami; ami hinukusompa muloŋa wamuntu namukwawu, hinukuyilukisha mwaya yidika yaNzambi, ninshimbi jindi.
17MukuwaMosi wamwilili nindi, Ichi chuma chiwelaŋa #Kuch 11:14; Kuhit 1:9, 12hichachiwahuku.
18Chalala mwamba kazeyela hamu nineyi niantu awa wekala nawu; chumichi chinapandakani muŋovu jeyi; mudimu iwu hiwunatweshi kuwukoŋa kankaweyuku.
19Tiyaku munukuhosha, nikuleji maana, Nzambi wikali nindi; eyi wikali wambala wawantu #Kuhit 5:5wakuyihoshelaŋa kudi Nzambi, #Kuch 27:5wushikijaŋa nsaŋu jawu kudi Nzambi;
20wuyilejaŋa nimuyidika yindi nimunshimbi jindi, nakuyilukisha nimunjila mwakwendelawu, nimudimu wakukoŋawu.
21Eyi wambuli mukachi kawantu amayala ashinshika amwakama Nzambi, amayala alala akadi makasu, ahelaŋa kudya yawukombi; wuyikunjiki kwikala anyuuli, awa ayuuli makombakaji awantu, awa ayuuli nkulakaji jawantu, awa ayuuli makumi atanu (50) awantu, awa ayuuli makumi awantu.
22Wena akasompeshi antu mafuku ejima; nsaŋu jejima jamaneni akajileti kudeyi, ilaŋa nsaŋu jejima janyanya akajisompi awenawu; chochina hichakakukalila chalalaku, niwena akakukwashaku kusenda chisenda.
23Neyi wakelaŋa chumichi, niNzambi wakakuleja kwila mwenomu, eyi wakabula kukaŋanya, niantu awa ejima akaya chachiwahi kwawu kwakuyawu.
24Dichi Mosi watiyili mwizu damukuwindi, welili mwejima mwahosheliyi.
25Mudi aIsarela ejima Mosi #Kuhit 1:15watondelumu amayala ashinshika, wayikunjikili ekali akulumpi jawantu, awa ayuuli makombakaji awantu, awa ayuuli nkulakaji jawantu, awa ayuuli makumi atanu (50) awantu, awa ayuuli makumi awantu.
26Asompeshelaŋa antu mafuku ejima; nsaŋu jakala ajishikijili kudi Mosi, nsaŋu janyanya jejima ajisompeli awenawu.
27Mosi wetejeli mukuwindi kuya; niyena wadiyilili cheŋi mwituŋa dindi mwafuminiyi.
Currently Selected:
Kwidika 18: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kwidika 18
18
Yetero hakwinza kudi Mosi
1Dichi dinu kapristu kakuMidiyani Yetero, diyi mukuwaMosi, watiyili yejima yeliliyi Nzambi, yamwilililiyi Mosi, yayilililiyi niantu indi aIsarela, chayifumishiliyi Yehova aIsarela muEjipitu.
2Dichi #2:21Yetero, mukuwaMosi, wasendeli iŋodaMosi Zipora, atweliyi kumukala wawu,
3nianyanindi amayala ayedi; wumu wukweti ijina dindi Gereshomi, daya mukwila nawu, Nashakami nimwenyi mwituŋa dambala;
4mukwawu wukweti ijina dindi Eliyezeri, daya mukwila nawu, Nzambi yatata yami diyi wankwashili, diyi wampulwishili kumpoku yakabali yaFwaro.
5Yetero, mukuwaMosi, wamutweleli Mosi nianyanindi niŋodindi muchinkalampata mwatuŋililiyi chiimba chindi kumpidi yaNzambi.
6Watemesheli mazu nakumwila Mosi, nindi, Ami mukuweyi Yetero, nidi nakwinza kudeyi hamu naŋodeyi, nianyanindi mwayedi wawu.
7Mosi wayili nakumukinkilila mukuwindi, wamufukaminini, wamupwepujoleli; adihujoleli mwashakamininuwu; eŋila nikwiŋila mwitenti.
8Mosi wamulejeli mukuwindi yuma yejima yeliliyi Yehova, yamwililiyi Fwaro niyayililiyi aEjipitu hanyijimba yawaIsarela, wamulejeli nikukabakana kwejima kwamwenuwu munjila, nichayipulwishiliyi Yehova.
9Yetero wazaŋaleli chatiyiliyi mwamuwahi mwejima mwayikoŋeleliyi Yehova aIsarela, nichayipulwishiliyi kudi aEjipitu.
10Yetero welili nindi, Kisu kisu Yehova wayipulwishili enu nikudi aEjipitu nikudi Fwaro; wayipulwishili niantu afumi muchikasa chawaEjipitu.
11Ichi dinu neluki dehi kwami, nami Yehova diyi wabadika akishi ejima; mwalala hela kuchuma chadinkeluwu nachu aEjipitu wanta, yena wayibadikili.
12Yetero mukuwaMosi, wamukwatilili Nzambi nimulambu wakushita niyimuna yakumuketwila; niAroni wenjili, niakulumpi awaIsarela ejima, nakudya yakudya namukuwaMosi kumesu aNzambi.
13Chikwachili, Mosi washakamini nakusompesha antu; antu chochemanawu kwadiŋiyi Mosi kufumisha kubudidi ndo-o nikumelela.
14Chamweniyi mukuwaMosi yuma yejima yadiŋi nakuyililayi antu, hakuhosha nindi, Awa antu wudi nakuyila ŋahi? Indi eyi washakaminadi kankaweyi hohu, awa antu saŋa emajalilawu kudeyi kufumisha kubudidi ndo-o nikumelela?
15Mosi wamwilili mukuwindi nindi, Muloŋa antu hiyakwinza inza kudami ehuli mwakuyilejayi Nzambi.
16Neyi akweti nsaŋu yawu hiyakwinza kudami; ami hinukusompa muloŋa wamuntu namukwawu, hinukuyilukisha mwaya yidika yaNzambi, ninshimbi jindi.
17MukuwaMosi wamwilili nindi, Ichi chuma chiwelaŋa #Kuch 11:14; Kuhit 1:9, 12hichachiwahuku.
18Chalala mwamba kazeyela hamu nineyi niantu awa wekala nawu; chumichi chinapandakani muŋovu jeyi; mudimu iwu hiwunatweshi kuwukoŋa kankaweyuku.
19Tiyaku munukuhosha, nikuleji maana, Nzambi wikali nindi; eyi wikali wambala wawantu #Kuhit 5:5wakuyihoshelaŋa kudi Nzambi, #Kuch 27:5wushikijaŋa nsaŋu jawu kudi Nzambi;
20wuyilejaŋa nimuyidika yindi nimunshimbi jindi, nakuyilukisha nimunjila mwakwendelawu, nimudimu wakukoŋawu.
21Eyi wambuli mukachi kawantu amayala ashinshika amwakama Nzambi, amayala alala akadi makasu, ahelaŋa kudya yawukombi; wuyikunjiki kwikala anyuuli, awa ayuuli makombakaji awantu, awa ayuuli nkulakaji jawantu, awa ayuuli makumi atanu (50) awantu, awa ayuuli makumi awantu.
22Wena akasompeshi antu mafuku ejima; nsaŋu jejima jamaneni akajileti kudeyi, ilaŋa nsaŋu jejima janyanya akajisompi awenawu; chochina hichakakukalila chalalaku, niwena akakukwashaku kusenda chisenda.
23Neyi wakelaŋa chumichi, niNzambi wakakuleja kwila mwenomu, eyi wakabula kukaŋanya, niantu awa ejima akaya chachiwahi kwawu kwakuyawu.
24Dichi Mosi watiyili mwizu damukuwindi, welili mwejima mwahosheliyi.
25Mudi aIsarela ejima Mosi #Kuhit 1:15watondelumu amayala ashinshika, wayikunjikili ekali akulumpi jawantu, awa ayuuli makombakaji awantu, awa ayuuli nkulakaji jawantu, awa ayuuli makumi atanu (50) awantu, awa ayuuli makumi awantu.
26Asompeshelaŋa antu mafuku ejima; nsaŋu jakala ajishikijili kudi Mosi, nsaŋu janyanya jejima ajisompeli awenawu.
27Mosi wetejeli mukuwindi kuya; niyena wadiyilili cheŋi mwituŋa dindi mwafuminiyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.