Kwidika 28
28
Yakuvwala yawupristu
(Kwi 39:1-31)
1Wakambuli hadi anyana kaIsarela manakweyi Aroni nawanyanindi amayala, wakayishikiji kwakwihi naneyi, kulonda akankalakeli mudimu wawupristu, diwu aAroni naNadabi naAbihu, niaEleyazari naItamari, wowanyana kaAroni amayala.
2Wakamuchimini manakweyi Aroni yuma yakuvwala yajila, yakumwekesha nachu lubanji lwakulema nikuwaha.
3Wakahoshi nawantu ejima akweti maana munyichima yawu, inenzeshi naspiritu yamaana, kulonda akachimi yuma yaAroni yakuvwala yakumujilika nachu, kulonda akankalakeli mudimu wawupristu.
4Tiya yuma yakuvwala yakachimawu; nichibwiiku chakuvwala hantulu, niifwodi, nimunkukumba, nichikowelu chahewulu chakupilapila, nichitambala, nimuya wamumbunda; diyi yuma yakuvwala yajila yakachiminawu nimanakweyi Aroni nianyanindi amayala, kulonda yena akankalakeli mudimu wawupristu.
5Antu akatambuli niwuru, niwuzeeli, niwusombu, niwanda wuchinana nge-e, niwanda wawuwahi.
Ifwodi
6Ifwodi akayituŋi nawuru, nawuzeeli, nawusombu, nawanda wuchinana nge-e, nawanda wawuwahi wakushinta, yakwila kudi muntu wukweti wukalawenu.
7Yakekali namahina akumafwiji ayedi akunuŋila kunsa jiyedi jefwodi, kulonda yakanuŋewi hamu.
8Nimuya wakutuŋa nawukalawenu, wudi kwifwodi, wakuyikasa nachu wakekali wakutuŋila mwomumu, wehina dodimu, wakekali wawuru, nawuzeeli, nawusombu, nawanda wuchinana nge-e, nawanda wawuwahi wakushinta.
9Wakanoni malola ayedi eyila awuseya walema, wakabazuhu majina awanyana kaIsarela;
10majinawu atanu nadimu helola dimu, majina anashaluku atanu nadimu helola dikwawu, mwomwavwalikililuwu.
11Wakabazi malolawa mwayedi wawu, mwomwekalila majina awanyana kaIsarela, wakabazi mwomwakoŋelaŋayi mukwakubaza malola, mwomwabazilaŋawu ijina daMwanta hakazeya kindi; wakayipati muwupatilu wawuru.
12Malolawa ayedi wakayishi hamahina akumafwiji akwifwodi, kulonda akekali malola akumwanukisha nachu anyana kaIsarela; Aroni akasendi majinawu hamafwiji indi ejima ayedi kumesu aYehova, kulonda kumwanukisha nachu.
13Wakeli yakupatila yawuru,
14nimaleŋi ayedi awuru wakoseka to-o, wakayili neyi nyonji yakushinta, ana maleŋi akushinta wakayishi hayuma yakupatila.
Chibwiiku
(Kwi 39:8-21)
15Wakatuŋi nichibwiiku chakufuumba nachu chakwila kudi muntu wukweti wukalawenu; wakachituŋi mwomuna mwakatuŋilawu ifwodi, wakachituŋi chawuru, nawuzeeli, nawusombu, nawanda wuchinana nge-e, nawanda wawuwahi wakushinta.
16Chakekali nambaŋu jiwana, chakuvuŋa, mukuleha kwachu muchikasa chakusamanesha, mukutoha kwachu muchikasa chakusamanesha.
17Wakashumu wupatilu watumalola, nyikuku yiwana yatumalola twawuseya walema. Kumukuku wakusambila, ilola dichinana nge-e, nidawunsela, nidamafu anyitondu.
18Kumukuku wamuchiyedi kwakayi ilola dawuzeeli wafuwala, nidawuzeeli, nidaemeraldi.
19Kumukuku wamuchisatu kwakayi ilola dawuzeeli wiyila, niditooka dakekema, nidawusombu.
20Kumukuku wamuchiwana kwakayi ilola dawunsela wutookoloka, nidiyila, nidamwekana nikwishinadi, akayipati muwuru mwomwakuyipatila.
21Malolawa akekali mwomwekalila majina awanyana kaIsarela, ikumi nayedi (12), mwomwekalila majinawu; akayibazi mwomwabazilaŋawu ijina daMwanta hakazeya kindi, akekali anyichidi ikumi nayiyedi (12), mwomwekalila majinawu, idi nejina dadu, idi nejina dadu.
22Chibwiiku wakachililuhu maleŋi ayedi adi neyi nyonji yakushinta nawuru wakoseka to-o.
23Chibwiiku chakuvwala hantulu wakachichilili nituzeya twawuru tuyedi, tuzeya tuna tuyedi wakatwishi kunsa jiyedi jachibwiiku chakuvwala hantulu.
24Maleŋi ayedi akushinta awuru wakayishi mutuzeya tuna tuyedi kunsa jachibwiiku chakuvwala hantulu.
25Insa jikwawu jiyedi hamaleŋi ayedi akushinta wakajinuŋi kuyuma yiyedi yakupatila malola, wakayishi hamahina akumafwiji akwifwodi kumbidi yayu.
26Wakatuŋi tuzeya twawuru tuyedi, wakatwishi kunsa jiyedi jachibwiiku chakuvwala hantulu kumbavu yachu, kumbadi yefwodi yamukachi.
27Wakatuŋi nawa tuzeya tuyedi twawuru, wakatunuŋili kwishina damahina akumafwiji akwifwodi kumbidi yayu, kwakwihi nakwakudinuŋila, hewulu damuya wefwodi wakutuŋa nawukalawenu.
28Kukasa chibwiiku chakuvwala hantulu akaleti tuzeya twakuchibwiiku, akaleti tuzeya twakwifwodi, akatukasili hamu namwonji wawuzeeli, kulonda chakekali hamuya wakwifwodi wakutuŋa nawukalawenu, kulonda chibwiiku chakuvwala hantulu chakabuli kusubuka kwifwodi.
29Aroni, hakeŋilaŋayi mwajila, wakasendaŋa hamuchima windi majina awanyana kaIsarela muchibwiiku chakufuumba nachu, chakuvwala hantulu, kulonda kwanukisha nachu kumesu aYehova mafuku ejima.
30Muchibwiiku chakufuumba nachu, chakuvwala hantulu wakashilumu niWurimi niTumimi, twakekalaŋa hamuchima waAroni, hakeŋilaŋayi kumesu aYehova; Aroni wakasendaŋa hamuchima windi kumesu aYehova hefuku hefuku kufuumba kwakafuumbayi nachu anyana kaIsarela.
Yakuvwala yikwawu yawupristu
(39:22-31)
31Munkukumba wefwodi wakawuchima wejima wawuzeeli hohu.
32Hakachi kawu hakekali hakulokola mwakuhitila mutu; kwakalokwelawu, akachimachimuku mukundulu kwi-ndo, kulonda yibuli kutabuka.
33Kumukundulu wachu wakachiminuku ibula dimu dimu, nawanda wawuzeeli, niwawusombu, niwachinana nge-e, chochina hohu kwi-ndo, akasowashani nampwambu jawuru kwi-ndo;
34mwakeli mudi mpwambu yawuru mudi ibula, mudi mpwambu yawuru mudi ibula, kumukundulu wamunkukumba kwi-ndo.
35Jakekali hamujimba waAroni hakakalakalaŋayi kumesu aYehova; jakavumaŋa, ngele, ngele, hakeŋilaŋayi mwajila kumesu aYehova, nihakedikaŋayi, kulonda abuli kufwa.
36Wakeli chikuŋu chawubasa chawuru wakoseka to-o, wakabazuhu, neyi chabazaŋawu ijina hakazeya, neyi WAJILA WAYEHOVA
37Wakachishi hakamwonji kawuzeeli, chakekali hambidi yachitambala.
38Chakekali hehama daAroni, Aroni akasendi kuluwa kwayuma yajila yakajilikawu anyana kaIsarela muyamukunkulu yawu yajila yejima; chakekali hehama dindi mafuku ejima, kulonda akayitiyi kuwaha kudi Yehova.
39Wakapila ihina dachikowelu chahewulu nehina dawanda wawuwahi, wakatuŋa nichitambala nehina dawanda wawuwahi, wakatuŋa nimuya, wakekali mudimu wamukwakuchima nakusowashana.
40Nianyana kaAroni amayala wakayichimini yikowelu, wakayituŋili ninyiya, nitusochi, kulonda amwekeshi lubanji lwakulema nikuwaha.
41Wakavwiki nachu manakweyi Aroni, nawanyanindi hamu. Wakayiwayishi manji nakuyikunjika kumudimu nakuyijilika, kulonda akankalakeli mudimu wawupristu.
42Wakayichimini tuputula twamahina amawahi, twakuyibuta nachu abuli kwikala nzekesi, twakafumi hambunda nakushika nikumatafu;
43Aroni nawanyanindi amayala akatuvwalaŋa hakeŋilaŋawu mwitenti dakubulakena, hela hakashikaŋawu kwakwihi nakameŋa kakulambwila kulonda akakalakali mudimu mwajila; kulonda akabuli kusenda kuluwa, akabuli kufwa; chakekali hichidika chahayanyaka chayena nawanyanindi amba kamulondelaŋa hanyima.
Currently Selected:
Kwidika 28: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kwidika 28
28
Yakuvwala yawupristu
(Kwi 39:1-31)
1Wakambuli hadi anyana kaIsarela manakweyi Aroni nawanyanindi amayala, wakayishikiji kwakwihi naneyi, kulonda akankalakeli mudimu wawupristu, diwu aAroni naNadabi naAbihu, niaEleyazari naItamari, wowanyana kaAroni amayala.
2Wakamuchimini manakweyi Aroni yuma yakuvwala yajila, yakumwekesha nachu lubanji lwakulema nikuwaha.
3Wakahoshi nawantu ejima akweti maana munyichima yawu, inenzeshi naspiritu yamaana, kulonda akachimi yuma yaAroni yakuvwala yakumujilika nachu, kulonda akankalakeli mudimu wawupristu.
4Tiya yuma yakuvwala yakachimawu; nichibwiiku chakuvwala hantulu, niifwodi, nimunkukumba, nichikowelu chahewulu chakupilapila, nichitambala, nimuya wamumbunda; diyi yuma yakuvwala yajila yakachiminawu nimanakweyi Aroni nianyanindi amayala, kulonda yena akankalakeli mudimu wawupristu.
5Antu akatambuli niwuru, niwuzeeli, niwusombu, niwanda wuchinana nge-e, niwanda wawuwahi.
Ifwodi
6Ifwodi akayituŋi nawuru, nawuzeeli, nawusombu, nawanda wuchinana nge-e, nawanda wawuwahi wakushinta, yakwila kudi muntu wukweti wukalawenu.
7Yakekali namahina akumafwiji ayedi akunuŋila kunsa jiyedi jefwodi, kulonda yakanuŋewi hamu.
8Nimuya wakutuŋa nawukalawenu, wudi kwifwodi, wakuyikasa nachu wakekali wakutuŋila mwomumu, wehina dodimu, wakekali wawuru, nawuzeeli, nawusombu, nawanda wuchinana nge-e, nawanda wawuwahi wakushinta.
9Wakanoni malola ayedi eyila awuseya walema, wakabazuhu majina awanyana kaIsarela;
10majinawu atanu nadimu helola dimu, majina anashaluku atanu nadimu helola dikwawu, mwomwavwalikililuwu.
11Wakabazi malolawa mwayedi wawu, mwomwekalila majina awanyana kaIsarela, wakabazi mwomwakoŋelaŋayi mukwakubaza malola, mwomwabazilaŋawu ijina daMwanta hakazeya kindi; wakayipati muwupatilu wawuru.
12Malolawa ayedi wakayishi hamahina akumafwiji akwifwodi, kulonda akekali malola akumwanukisha nachu anyana kaIsarela; Aroni akasendi majinawu hamafwiji indi ejima ayedi kumesu aYehova, kulonda kumwanukisha nachu.
13Wakeli yakupatila yawuru,
14nimaleŋi ayedi awuru wakoseka to-o, wakayili neyi nyonji yakushinta, ana maleŋi akushinta wakayishi hayuma yakupatila.
Chibwiiku
(Kwi 39:8-21)
15Wakatuŋi nichibwiiku chakufuumba nachu chakwila kudi muntu wukweti wukalawenu; wakachituŋi mwomuna mwakatuŋilawu ifwodi, wakachituŋi chawuru, nawuzeeli, nawusombu, nawanda wuchinana nge-e, nawanda wawuwahi wakushinta.
16Chakekali nambaŋu jiwana, chakuvuŋa, mukuleha kwachu muchikasa chakusamanesha, mukutoha kwachu muchikasa chakusamanesha.
17Wakashumu wupatilu watumalola, nyikuku yiwana yatumalola twawuseya walema. Kumukuku wakusambila, ilola dichinana nge-e, nidawunsela, nidamafu anyitondu.
18Kumukuku wamuchiyedi kwakayi ilola dawuzeeli wafuwala, nidawuzeeli, nidaemeraldi.
19Kumukuku wamuchisatu kwakayi ilola dawuzeeli wiyila, niditooka dakekema, nidawusombu.
20Kumukuku wamuchiwana kwakayi ilola dawunsela wutookoloka, nidiyila, nidamwekana nikwishinadi, akayipati muwuru mwomwakuyipatila.
21Malolawa akekali mwomwekalila majina awanyana kaIsarela, ikumi nayedi (12), mwomwekalila majinawu; akayibazi mwomwabazilaŋawu ijina daMwanta hakazeya kindi, akekali anyichidi ikumi nayiyedi (12), mwomwekalila majinawu, idi nejina dadu, idi nejina dadu.
22Chibwiiku wakachililuhu maleŋi ayedi adi neyi nyonji yakushinta nawuru wakoseka to-o.
23Chibwiiku chakuvwala hantulu wakachichilili nituzeya twawuru tuyedi, tuzeya tuna tuyedi wakatwishi kunsa jiyedi jachibwiiku chakuvwala hantulu.
24Maleŋi ayedi akushinta awuru wakayishi mutuzeya tuna tuyedi kunsa jachibwiiku chakuvwala hantulu.
25Insa jikwawu jiyedi hamaleŋi ayedi akushinta wakajinuŋi kuyuma yiyedi yakupatila malola, wakayishi hamahina akumafwiji akwifwodi kumbidi yayu.
26Wakatuŋi tuzeya twawuru tuyedi, wakatwishi kunsa jiyedi jachibwiiku chakuvwala hantulu kumbavu yachu, kumbadi yefwodi yamukachi.
27Wakatuŋi nawa tuzeya tuyedi twawuru, wakatunuŋili kwishina damahina akumafwiji akwifwodi kumbidi yayu, kwakwihi nakwakudinuŋila, hewulu damuya wefwodi wakutuŋa nawukalawenu.
28Kukasa chibwiiku chakuvwala hantulu akaleti tuzeya twakuchibwiiku, akaleti tuzeya twakwifwodi, akatukasili hamu namwonji wawuzeeli, kulonda chakekali hamuya wakwifwodi wakutuŋa nawukalawenu, kulonda chibwiiku chakuvwala hantulu chakabuli kusubuka kwifwodi.
29Aroni, hakeŋilaŋayi mwajila, wakasendaŋa hamuchima windi majina awanyana kaIsarela muchibwiiku chakufuumba nachu, chakuvwala hantulu, kulonda kwanukisha nachu kumesu aYehova mafuku ejima.
30Muchibwiiku chakufuumba nachu, chakuvwala hantulu wakashilumu niWurimi niTumimi, twakekalaŋa hamuchima waAroni, hakeŋilaŋayi kumesu aYehova; Aroni wakasendaŋa hamuchima windi kumesu aYehova hefuku hefuku kufuumba kwakafuumbayi nachu anyana kaIsarela.
Yakuvwala yikwawu yawupristu
(39:22-31)
31Munkukumba wefwodi wakawuchima wejima wawuzeeli hohu.
32Hakachi kawu hakekali hakulokola mwakuhitila mutu; kwakalokwelawu, akachimachimuku mukundulu kwi-ndo, kulonda yibuli kutabuka.
33Kumukundulu wachu wakachiminuku ibula dimu dimu, nawanda wawuzeeli, niwawusombu, niwachinana nge-e, chochina hohu kwi-ndo, akasowashani nampwambu jawuru kwi-ndo;
34mwakeli mudi mpwambu yawuru mudi ibula, mudi mpwambu yawuru mudi ibula, kumukundulu wamunkukumba kwi-ndo.
35Jakekali hamujimba waAroni hakakalakalaŋayi kumesu aYehova; jakavumaŋa, ngele, ngele, hakeŋilaŋayi mwajila kumesu aYehova, nihakedikaŋayi, kulonda abuli kufwa.
36Wakeli chikuŋu chawubasa chawuru wakoseka to-o, wakabazuhu, neyi chabazaŋawu ijina hakazeya, neyi WAJILA WAYEHOVA
37Wakachishi hakamwonji kawuzeeli, chakekali hambidi yachitambala.
38Chakekali hehama daAroni, Aroni akasendi kuluwa kwayuma yajila yakajilikawu anyana kaIsarela muyamukunkulu yawu yajila yejima; chakekali hehama dindi mafuku ejima, kulonda akayitiyi kuwaha kudi Yehova.
39Wakapila ihina dachikowelu chahewulu nehina dawanda wawuwahi, wakatuŋa nichitambala nehina dawanda wawuwahi, wakatuŋa nimuya, wakekali mudimu wamukwakuchima nakusowashana.
40Nianyana kaAroni amayala wakayichimini yikowelu, wakayituŋili ninyiya, nitusochi, kulonda amwekeshi lubanji lwakulema nikuwaha.
41Wakavwiki nachu manakweyi Aroni, nawanyanindi hamu. Wakayiwayishi manji nakuyikunjika kumudimu nakuyijilika, kulonda akankalakeli mudimu wawupristu.
42Wakayichimini tuputula twamahina amawahi, twakuyibuta nachu abuli kwikala nzekesi, twakafumi hambunda nakushika nikumatafu;
43Aroni nawanyanindi amayala akatuvwalaŋa hakeŋilaŋawu mwitenti dakubulakena, hela hakashikaŋawu kwakwihi nakameŋa kakulambwila kulonda akakalakali mudimu mwajila; kulonda akabuli kusenda kuluwa, akabuli kufwa; chakekali hichidika chahayanyaka chayena nawanyanindi amba kamulondelaŋa hanyima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.