Kwidika 4
4
Yinjikijilu yaNzambi yakukwasha Mosi
1Mosi waakwili nindi, Wena kwawu hiyakaŋitejaku, hiyakatiya mwizu damuku, akela nawu, Yehova hanadimwekeshi kudeyuku.
2Yehova wamwilili nindi, Chumanyi chidi muchikasa cheyi? Nindi, Mukombu.
3Nindi, Wunati heseki. Wawunatili heseki, wabalumukili kapela, Mosi hakukatemuka.
4Yehova hakumwila Mosi, nindi, Ololaku chikasa cheyi wukakwati kumukila. Yena wolweli chikasa chindi wakakwatili, kabalumukili cheŋi mukombu muchikasa chindi.
5Yehova nindi, Nakela chumichi kulonda #19:9aketeji nawu Yehova, Nzambi yawankakulula jawu, Nzambi yaAbarahama, Nzambi yaIsaka, Nzambi yaYakoba, nadimwekeshi kudeyi.
6Yehova wamwilili cheŋi, nindi, Shaku chikasa hantulu yeyi muchikowelu cheyi. Weŋijili chikasa chindi muchikowelu. Chachidishiliyi kutala chikasa chindi chinakwati dehi musoŋu wambumba, chineli dehi to-o neyi mpeza.
7Nindi, Shaku cheŋi chikasa hantulu yeyi muchikowelu. Weŋijili cheŋi chikasa chindi muchikowelu chindi, chachidishiliyi, kutala chinabalumuki dehi cheŋi wowu mujimba windi.
8Yehova nindi, Neyi akaleka kukwiteja hela kusha muchima kuchinjikijilu chakusambila, aketeja chinjikijilu chakukuminina.
9Chakela neyi akaleka kwiteja hela yinjikijilu iyi yiyedi, neyi akabula kutiya nimwizu deyi, wakatambuli menji mukaloŋa wakayimwaŋili heseki dawuma, owu menji wakatambula mukaloŋa akabalumuka mashi heseki dawuma.
10Mosi wamwilili Yehova, nindi, Ala Mwanta wami! Ami hineluka kuhoshaku! Kanda dehi niilukaŋahu dehi kuhoshaku, hela ichi chiwunahoshi nanami kambuŋeyi hineluki kuhoshaku, ami kwami nalemendenda mukanwa, idimi dami dalema.
11Yehova wamwilili nindi, Indi wamwinkeli muntu #Mas 94:9; 146:8; Mat 11:5; Luk 1:20, 64kanwa hinyi? Indi wamwinkeli muntu hela wumama, hela kujika matu, hela kutona, hela wumputamesu, hinyi? Hiyami Yehovaku, tahindi?
12Yaku dinu, ami nakekala #Yer 1:9; Mat 10:20; Mak 13:11; Luk 12:11-12; 21:14-15nakanwa keyi, nakakuleja mwejima muwakahosha.
13Yena nindi, Ala Mwanta wami! Atemeshi mwani, yowu wunatemeshi yowu.
14Kuzuwa kwaYehova kwamubutukilili Mosi, hakumwila nindi, Aroni, kaLevi, himanakweyuku? Namwiluki yena weluka kuhosha chachiwahi. Ninochu yena hakwinza nakukukinkilila; chakukumonayi wukutiya kuwaha mumuchima windi.
15Wakahoshaŋa nindi yena, wakashaŋa mazu mukanwa kindi, ami nakekala nakanwa keyi, nakekala ninakanwa kindi, nakayilejaŋa chimwakela.
16Yena wakakuhoshelaŋaku kudi antu, chakela yena wakekala neyi diyi kanwa keyi, eyi neyi wakekala neyi Nzambi yindi.
17Wakasendi muchikasa cheyi mukombu owu, wakeli nachu yinjikijilu.
Mosi hakufunta kuEjipitu
18Mosi wayili, wafuntili kudi mukuwindi Yetero, wamwilili nindi, Aŋiteji mwani, niyi nifunti kudi anakwami ekala muEjipitu, nakatali neyi achidi amomi. Yetero wamwilili Mosi, nindi, Yaŋa chachiwahi.
19Yehova wamwilili Mosi mwadiŋiyi muMidiyani, nindi, Yaŋa wufunti muEjipitu, muloŋa amayala ejima akeŋeli kukujaha afwa dehi.
20Mosi watambwili niŋodindi #18:3; Yil 7:29nianyanindi, wayendesheleli hachimbulu, wafuntili mwituŋa daEjipitu. Mosi wasendeli mukombu waNzambi muchikasa chindi.
21Yehova wamwilili Mosi nindi, Chiwakafunta cheŋi muEjipitu, chiŋa wakelaŋa kumesu aFwaro yuma yejima yakuhayamisha yinakushili muchikasa cheyi; ilaŋa ami nakamuchinchikisha muchima windi, hakayiteja antu kuyaku.
22Wakamwili Fwaro neyi, Tiya chanahoshiyi Yehova, nindi, Isarela himwanami weyala, diyi wedi wami.
23Ninami nakwila dehi nami, Muleki mwanami ayi akankalakeli; hakwila eyi kwonti kweyi kumuleka; dichi dinu ami nakajaha mwaneyi weyala, yowu wedi weyi.
24Munjila yawu hakaminuwu, Yehova wamubulakeni, wakeŋeli kumujaha.
25Zipora wanoneni ilola datwa waalamishili mwanindi, wamuketwili muvumbu windi, wawunatilili kunyendu yindi, nindi, Ami nakumoni wiyala wamashi.
26Nzambi amuumbaku nikumuumbaku. Yena mumbanda hakwila nindi, Eyi wiyala wamashi, nakwalamisha kwamwalamishiliyi mwanindi.
27Yehova wamwilili Aroni, nindi, Yaku muchinkalampata wakabulakani naMosi. Wayili, wamubulakeneni mumpidi yaNzambi, wamupwepujoleli.
28Mosi wamulejeli Aroni mazu ejima amulejeliyi Yehova hamutemesheliyi, niyinjikijilu yejima yamwinkeliyi.
29AMosi naAroni ayili, apompesheli akulumpi ejima ahadi anyana kaIsarela.
30Aroni wahosheli mazu ejima ahosheliyi Yehova naMosi, welili yinjikijilu kumesu awantu.
31Antu etejeli. Chatiyiluwu nawu Yehova nahempuli dehi anyana kaIsarela, namoni dehi niyihuŋu yawu, hiyakubandama nyitu yawu hiyakudifukula.
Currently Selected:
Kwidika 4: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kwidika 4
4
Yinjikijilu yaNzambi yakukwasha Mosi
1Mosi waakwili nindi, Wena kwawu hiyakaŋitejaku, hiyakatiya mwizu damuku, akela nawu, Yehova hanadimwekeshi kudeyuku.
2Yehova wamwilili nindi, Chumanyi chidi muchikasa cheyi? Nindi, Mukombu.
3Nindi, Wunati heseki. Wawunatili heseki, wabalumukili kapela, Mosi hakukatemuka.
4Yehova hakumwila Mosi, nindi, Ololaku chikasa cheyi wukakwati kumukila. Yena wolweli chikasa chindi wakakwatili, kabalumukili cheŋi mukombu muchikasa chindi.
5Yehova nindi, Nakela chumichi kulonda #19:9aketeji nawu Yehova, Nzambi yawankakulula jawu, Nzambi yaAbarahama, Nzambi yaIsaka, Nzambi yaYakoba, nadimwekeshi kudeyi.
6Yehova wamwilili cheŋi, nindi, Shaku chikasa hantulu yeyi muchikowelu cheyi. Weŋijili chikasa chindi muchikowelu. Chachidishiliyi kutala chikasa chindi chinakwati dehi musoŋu wambumba, chineli dehi to-o neyi mpeza.
7Nindi, Shaku cheŋi chikasa hantulu yeyi muchikowelu. Weŋijili cheŋi chikasa chindi muchikowelu chindi, chachidishiliyi, kutala chinabalumuki dehi cheŋi wowu mujimba windi.
8Yehova nindi, Neyi akaleka kukwiteja hela kusha muchima kuchinjikijilu chakusambila, aketeja chinjikijilu chakukuminina.
9Chakela neyi akaleka kwiteja hela yinjikijilu iyi yiyedi, neyi akabula kutiya nimwizu deyi, wakatambuli menji mukaloŋa wakayimwaŋili heseki dawuma, owu menji wakatambula mukaloŋa akabalumuka mashi heseki dawuma.
10Mosi wamwilili Yehova, nindi, Ala Mwanta wami! Ami hineluka kuhoshaku! Kanda dehi niilukaŋahu dehi kuhoshaku, hela ichi chiwunahoshi nanami kambuŋeyi hineluki kuhoshaku, ami kwami nalemendenda mukanwa, idimi dami dalema.
11Yehova wamwilili nindi, Indi wamwinkeli muntu #Mas 94:9; 146:8; Mat 11:5; Luk 1:20, 64kanwa hinyi? Indi wamwinkeli muntu hela wumama, hela kujika matu, hela kutona, hela wumputamesu, hinyi? Hiyami Yehovaku, tahindi?
12Yaku dinu, ami nakekala #Yer 1:9; Mat 10:20; Mak 13:11; Luk 12:11-12; 21:14-15nakanwa keyi, nakakuleja mwejima muwakahosha.
13Yena nindi, Ala Mwanta wami! Atemeshi mwani, yowu wunatemeshi yowu.
14Kuzuwa kwaYehova kwamubutukilili Mosi, hakumwila nindi, Aroni, kaLevi, himanakweyuku? Namwiluki yena weluka kuhosha chachiwahi. Ninochu yena hakwinza nakukukinkilila; chakukumonayi wukutiya kuwaha mumuchima windi.
15Wakahoshaŋa nindi yena, wakashaŋa mazu mukanwa kindi, ami nakekala nakanwa keyi, nakekala ninakanwa kindi, nakayilejaŋa chimwakela.
16Yena wakakuhoshelaŋaku kudi antu, chakela yena wakekala neyi diyi kanwa keyi, eyi neyi wakekala neyi Nzambi yindi.
17Wakasendi muchikasa cheyi mukombu owu, wakeli nachu yinjikijilu.
Mosi hakufunta kuEjipitu
18Mosi wayili, wafuntili kudi mukuwindi Yetero, wamwilili nindi, Aŋiteji mwani, niyi nifunti kudi anakwami ekala muEjipitu, nakatali neyi achidi amomi. Yetero wamwilili Mosi, nindi, Yaŋa chachiwahi.
19Yehova wamwilili Mosi mwadiŋiyi muMidiyani, nindi, Yaŋa wufunti muEjipitu, muloŋa amayala ejima akeŋeli kukujaha afwa dehi.
20Mosi watambwili niŋodindi #18:3; Yil 7:29nianyanindi, wayendesheleli hachimbulu, wafuntili mwituŋa daEjipitu. Mosi wasendeli mukombu waNzambi muchikasa chindi.
21Yehova wamwilili Mosi nindi, Chiwakafunta cheŋi muEjipitu, chiŋa wakelaŋa kumesu aFwaro yuma yejima yakuhayamisha yinakushili muchikasa cheyi; ilaŋa ami nakamuchinchikisha muchima windi, hakayiteja antu kuyaku.
22Wakamwili Fwaro neyi, Tiya chanahoshiyi Yehova, nindi, Isarela himwanami weyala, diyi wedi wami.
23Ninami nakwila dehi nami, Muleki mwanami ayi akankalakeli; hakwila eyi kwonti kweyi kumuleka; dichi dinu ami nakajaha mwaneyi weyala, yowu wedi weyi.
24Munjila yawu hakaminuwu, Yehova wamubulakeni, wakeŋeli kumujaha.
25Zipora wanoneni ilola datwa waalamishili mwanindi, wamuketwili muvumbu windi, wawunatilili kunyendu yindi, nindi, Ami nakumoni wiyala wamashi.
26Nzambi amuumbaku nikumuumbaku. Yena mumbanda hakwila nindi, Eyi wiyala wamashi, nakwalamisha kwamwalamishiliyi mwanindi.
27Yehova wamwilili Aroni, nindi, Yaku muchinkalampata wakabulakani naMosi. Wayili, wamubulakeneni mumpidi yaNzambi, wamupwepujoleli.
28Mosi wamulejeli Aroni mazu ejima amulejeliyi Yehova hamutemesheliyi, niyinjikijilu yejima yamwinkeliyi.
29AMosi naAroni ayili, apompesheli akulumpi ejima ahadi anyana kaIsarela.
30Aroni wahosheli mazu ejima ahosheliyi Yehova naMosi, welili yinjikijilu kumesu awantu.
31Antu etejeli. Chatiyiluwu nawu Yehova nahempuli dehi anyana kaIsarela, namoni dehi niyihuŋu yawu, hiyakubandama nyitu yawu hiyakudifukula.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.