Kutachika 40
40
Kaseya nimukwakutuŋa mankendi
1Chimwahitili yumiyi #Neh 1:11kaseya kamwanta wakuEjipitu nimukwakutuŋa mankendi indi atamishili muchima wamwanta wawu, yowu mwanta wakuEjipitu.
2Fwaro wazuwili nawenawa atupitawu twindi ayedi, iwu mukulumpi wawatuseya, iwu mukulumpi wawakwakutuŋa mankendi.
3Wayishili mwitala damukulumpi wawanhembi mwomukaleya, mwomwamukasililuwu Yosefu.
4Mukulumpi wawanhembi wamulejeli Yosefu nindi, Kayitali. Yena wayikalakelelaŋa. Wena ashakamini mafuku muna mukaleya.
5Nikaseya kaMwanta wakuEjipitu, nimukwakutuŋa mankendi indi, akasililuwu mukaleya, aloteli, wejima wawu ayedi, iwu namwindi, iwu namwindi, wufuku wawu wumu, iwu mwalumbulukila kulota kwindi, iwu mwalumbulukila kulota kwindi.
6Yosefu wayili ntetemena mwadiŋuwu, wayimweni adiŋi aneŋa.
7Wayihwili atupitawu twaFwaro adiŋiyi nawu muna mwayishiluwu, muna mwitala damwanta windi, nindi, Indi enu #Neh 2:2munadihombelidi kumesu enu lelu?
8Wena hiyakumwakula nawu, Tunaloti, tunabuli wakutulumbulwilamu. Yosefu hakuyila nindi, #41:16; Kuhit 29:29; Dan 2:22, 28, 47Kulumbulula himudimu wambala waNzambuku?. Nlejenumu mwani.
9Mukulumpi wawatuseya wamulejeli Yosefu mwaloteliyi, nindi, Ami naloti kumesu ami kudi muvinyu;
10muvinyu wuna wudi nanyitayi yisatu, wamwekana neyi hiwukusapuka, hiwukukenuka ninkenu, yizokofu yawu hiyikusoŋa ninyikabu yavinyu yaha dehi;
11muchikasa chami mudi lupasa lwaFwaro; hinukukumuna nyikabu yavinyu, hinukuyikamwina mulupasa lwaFwaro, hinukumwinka Fwaro lupasa muchikasa chindi.
12Yosefu wamwilili nindi, Tiya munukukulumbulwila; nyitayi yisatu himafuku asatu.
13Neyi kuchidi kanda kuhiti mafuku asatu Fwaro wakanyamuna mutu weyi, wakakufuntisha cheŋi kumudimu weyi, wakamwinka Fwaro lupasa lwindi muchikasa chindi neyi chiwelilaŋa hiwadiŋi kaseya kindi.
14Ilaŋa wakaŋanukaŋa chiwakamona kuwaha, wakanmwekeshelaŋa luwi, mwani, nakuntena kudi Fwaro, kulonda akamfumishi mwitalidi.
15Muloŋa ami chalala aŋiyili chakuŋiya mwituŋa dawaHeberu, hela tuhu kunu hinakoŋi chuma chakuŋumbila munu mukaleyaku.
16Mukulumpi wawakwakutuŋa mankendi chamweniyi kulumbulula kunawahi, hakumwila Yosefu, nindi, Ninami nawa naloti yimpaya yisatu yamankendi atooka yidi hamutu wami.
17Muchimpaya chahewulu mudi yuma yakwocha dehi yeŋi nayeŋi yaFwaro, niatuda hiyakuyidiila muchimpaya chidi hamutu wami.
18Yosefu wamwakwili nindi, Tiya munukukulumbulwila; yimpaya yisatu himafuku asatu.
19Neyi kuchidi kanda kuhiti mafuku asatu Fwaro wakakunyamuna mutu weyi, wakakukudika kumutondu, atuda akadya mbiji yeyi kumujimba weyi.
20Chidashikili ifuku damuchisatu, dadiŋi dakwanakana ifuku davwalikili Fwaro, hakuyitelekeshela aŋamba jindi ejima chawija. Wanyamwini nimutu wamukulumpi wawatuseya, nimutu wamukulumpi wawakwakutuŋa mankendi, mukachi kawaŋamba jindi.
21Mukulumpi wawatuseya wamufuntishili cheŋi kumudimu windi wakutwala lupasa, hakumwinka Fwaro lupasa muchikasa chindi;
22ilaŋa mukulumpi wawakwakutuŋa mankendi wamukudikili; mwomwayilumbulwililuwu kudi Yosefu.
23Ilaŋa mukulumpi wawatuseya hamwanukili Yosefuku, wamulalameneni.
Currently Selected:
Kutachika 40: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Kutachika 40
40
Kaseya nimukwakutuŋa mankendi
1Chimwahitili yumiyi #Neh 1:11kaseya kamwanta wakuEjipitu nimukwakutuŋa mankendi indi atamishili muchima wamwanta wawu, yowu mwanta wakuEjipitu.
2Fwaro wazuwili nawenawa atupitawu twindi ayedi, iwu mukulumpi wawatuseya, iwu mukulumpi wawakwakutuŋa mankendi.
3Wayishili mwitala damukulumpi wawanhembi mwomukaleya, mwomwamukasililuwu Yosefu.
4Mukulumpi wawanhembi wamulejeli Yosefu nindi, Kayitali. Yena wayikalakelelaŋa. Wena ashakamini mafuku muna mukaleya.
5Nikaseya kaMwanta wakuEjipitu, nimukwakutuŋa mankendi indi, akasililuwu mukaleya, aloteli, wejima wawu ayedi, iwu namwindi, iwu namwindi, wufuku wawu wumu, iwu mwalumbulukila kulota kwindi, iwu mwalumbulukila kulota kwindi.
6Yosefu wayili ntetemena mwadiŋuwu, wayimweni adiŋi aneŋa.
7Wayihwili atupitawu twaFwaro adiŋiyi nawu muna mwayishiluwu, muna mwitala damwanta windi, nindi, Indi enu #Neh 2:2munadihombelidi kumesu enu lelu?
8Wena hiyakumwakula nawu, Tunaloti, tunabuli wakutulumbulwilamu. Yosefu hakuyila nindi, #41:16; Kuhit 29:29; Dan 2:22, 28, 47Kulumbulula himudimu wambala waNzambuku?. Nlejenumu mwani.
9Mukulumpi wawatuseya wamulejeli Yosefu mwaloteliyi, nindi, Ami naloti kumesu ami kudi muvinyu;
10muvinyu wuna wudi nanyitayi yisatu, wamwekana neyi hiwukusapuka, hiwukukenuka ninkenu, yizokofu yawu hiyikusoŋa ninyikabu yavinyu yaha dehi;
11muchikasa chami mudi lupasa lwaFwaro; hinukukumuna nyikabu yavinyu, hinukuyikamwina mulupasa lwaFwaro, hinukumwinka Fwaro lupasa muchikasa chindi.
12Yosefu wamwilili nindi, Tiya munukukulumbulwila; nyitayi yisatu himafuku asatu.
13Neyi kuchidi kanda kuhiti mafuku asatu Fwaro wakanyamuna mutu weyi, wakakufuntisha cheŋi kumudimu weyi, wakamwinka Fwaro lupasa lwindi muchikasa chindi neyi chiwelilaŋa hiwadiŋi kaseya kindi.
14Ilaŋa wakaŋanukaŋa chiwakamona kuwaha, wakanmwekeshelaŋa luwi, mwani, nakuntena kudi Fwaro, kulonda akamfumishi mwitalidi.
15Muloŋa ami chalala aŋiyili chakuŋiya mwituŋa dawaHeberu, hela tuhu kunu hinakoŋi chuma chakuŋumbila munu mukaleyaku.
16Mukulumpi wawakwakutuŋa mankendi chamweniyi kulumbulula kunawahi, hakumwila Yosefu, nindi, Ninami nawa naloti yimpaya yisatu yamankendi atooka yidi hamutu wami.
17Muchimpaya chahewulu mudi yuma yakwocha dehi yeŋi nayeŋi yaFwaro, niatuda hiyakuyidiila muchimpaya chidi hamutu wami.
18Yosefu wamwakwili nindi, Tiya munukukulumbulwila; yimpaya yisatu himafuku asatu.
19Neyi kuchidi kanda kuhiti mafuku asatu Fwaro wakakunyamuna mutu weyi, wakakukudika kumutondu, atuda akadya mbiji yeyi kumujimba weyi.
20Chidashikili ifuku damuchisatu, dadiŋi dakwanakana ifuku davwalikili Fwaro, hakuyitelekeshela aŋamba jindi ejima chawija. Wanyamwini nimutu wamukulumpi wawatuseya, nimutu wamukulumpi wawakwakutuŋa mankendi, mukachi kawaŋamba jindi.
21Mukulumpi wawatuseya wamufuntishili cheŋi kumudimu windi wakutwala lupasa, hakumwinka Fwaro lupasa muchikasa chindi;
22ilaŋa mukulumpi wawakwakutuŋa mankendi wamukudikili; mwomwayilumbulwililuwu kudi Yosefu.
23Ilaŋa mukulumpi wawatuseya hamwanukili Yosefuku, wamulalameneni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.