Yohanes 12
12
Wosi ami na Yesu le Betania
(Mat 26.6-13; Mar 14.3-9)
1Esi wòsusɔ ŋkeke ade ne Paska la naɖo la, Yesu va Betania. Afi siae Lazaro, ame si Yesu fɔ tso ku me la nɔ. 2Wowɔ fiẽnuɖuɖu nɛ le afi ma. Martae subɔ le kplɔ̃a ŋu, eye Lazaro hã nɔ kplɔ̃ŋunɔlawo dome. 3#Luk 7.37, 38. Maria tsɔ ami ʋeʋẽe aɖe si xɔ asi ŋutɔ la, lita afã, si ɖe Yesu ƒe afɔwo ŋuti eye wòtsɔ eƒe taɖa tutu afɔawo ŋutii. Amia ƒe ʋeʋẽ lílilĩ xɔ aƒe blibo la katã me. 4Ke Yuda Iskariot si nye Yesu ƒe nusrɔ̃lawo dometɔ ɖeka, (ame si lava fia eyomemɔ la) gblɔ be: 5“Nu ka ta womedzra ami sia klosaloga alafa etɔ̃, hetsɔ ga la na ame dahewo o?” 6Menye esi Yuda tsɔ ɖe le ame dahewo ƒe nya me tae wògblɔ esia ɖo o, ke boŋ fiafitɔ wònye. Eya gbɔe gakotokua le eye wòfiaa nu si wodea eme.
7Ke Yesu gblɔ be: “Miɖe asi le eŋu. Mina wòadzrae ɖo na nye ɖigbe. 8#Mos V, 15.11. Ame dahewo ya le mia gbɔ ɖaa, ke nye la, nyemanɔ mia gbɔ ɖaa o.”
Woɖo nugbe ɖe Lazaro ŋu
9Yudatɔ geɖe se be Yesu le afi ma, ale wotii vɛ. Menye Yesu ɖeɖe ko tae wova ɖo o, ke boŋ be yewoakpɔ Lazaro, ame si wòfɔ tso ku me la hã. 10Ale nunɔlagãwo de adaŋu be yewoawu Lazaro hã, 11elabe eya tae Yudatɔ geɖe le megbe dem tso wo gbɔ, eye wole Yesu dzi xɔm le sesem ɖo.
Gege ɖe Yerusalem-dua me kple aseyetsotso
(Mat 21.1-11; Mar 11.1-11; Luk 19.28-40)
12Esi ŋu ke la, ameha gã siwo va ŋkekenyuia ɖuƒe la se be Yesu gbɔna ɖe Yerusalem. 13#Ps 118.25, 26; Mak I, 13.51. Ale wotsɔ deʋayawo eye wodo go yi be yewoakpee. Wonɔ ɣli dom be: “Hosana! Mawu yra ame si gbɔna le Aƒetɔ la ƒe ŋkɔ me! Mawu yra Israel Fia la!”
14Yesu kpɔ tedzivi aɖe eye wòde edzi abe ale si woŋlɔe ɖi ene be:
15 #
Zax 9.9. “Zion-du, mègavɔ̃ o!
Wò fiae nye esi gbɔna,
le tedzivi dom.”
16Eƒe nusrɔ̃lawo mese nu siawo gɔme gbã o, ke esi wokɔ̀ Yesu ŋuti emegbe la, woɖo ŋku edzi be nu si woŋlɔ ɖi tso eŋu lae nye ema wowɔnɛ. 17Ameha si nɔ Yesu ŋu, esime wòyɔ Lazaro do goe tso yɔdoa me hefɔe tso ku me la, ɖi ɖase le nu si dzɔ la ŋuti. 18Nu si ta ameha la yi ɖakpe Yesu lae nye be wose be ewɔ dzesi sia. 19Farisitɔwo gblɔ na wo nɔewo be: “Mikpɔ ɖa, naneke mele edzi dzem na mí o. Kpɔ ɖa! Xexea me katã kplɔe ɖo!”
Helatɔ aɖewo di be yewoakpɔ Yesu
20Helatɔ aɖewo hã nɔ ame siwo yi be yewoasubɔ Mawu le ŋkekenyuia ɖuƒe la dome. 21Ale wova Filipo, si tso Betsaida le Galilea la gbɔ eye wogblɔ nɛ be: “Amegã, míedi be míakpɔ Yesu.” 22Filipo yi ɖagblɔe na Andrea eye wo ame evea woyi ɖagblɔe na Yesu. 23Yesu ɖo eŋu na wo be: “Ɣeyiɣia de azɔ be woado Amegbetɔ Vi la ɖe dzi. 24Mele egblɔm na mi le nyateƒe me be, ne bliku mege ɖe anyigba me eye wòku o la, bliku ɖeka ko wònye li. Ke ne eku la, etsea ku geɖe. 25#Mat 10.39; 16.25; Mar 8.35; Luk 9.24; 17.33. Ame si lɔ̃ eƒe agbe la, abui. Ke ame si lé fu eƒe agbe le xexe sia me la, adzrae ɖo hena agbe mavɔ. 26Ne ame aɖe subɔam la, ele be wòava nɔ yonyeme elabe afi si mele la, afi ma nye subɔla hã lanɔ. Ne ame aɖe subɔam la, Tɔ́nye ade bubu eŋu.
Yesu ƒo nu le eƒe ku ŋuti
27 “Nye luʋɔ le nu xam fifia. Nya ka magblɔ? Ɖe magblɔ be, ‘Tɔ́, ɖem tso fukpeɣi sia me’ loo? Ao, ke boŋ ɣeyiɣi sia tae meva ɖo. 28Tɔ́, nà wò ŋkɔ nade dzi!” Tete gbe ɖi tso dziƒo be: “Mena wòde dzi xoxo, eye magana wòade dzi ake.” 29Ameha si tsi tsitre ɖi la see eye wogblɔ be dzie ɖe gbe, ke ame bubuwo be: “Mawudɔla aɖee ƒo nu kplii.” 30Yesu gblɔ na wo be: “Mia tae gbe sia ɖi, ke menye nye tae o. 31Eɖo edzi azɔ be woadrɔ̃ ʋɔnu xexe sia me; eɖo edzi azɔ be woanya xexe sia me dziɖula ɖa. 32Ne wokɔm ɖe dzi tso xexea me la, mahe amewo katã ava nye ŋutɔ gbɔnyee.” 33Yesu gblɔ esia be yeatsɔ afia ku si ƒomevi ku ge yeala. 34#Ps 110.4; Yes 9.7; Xez 37.25; Dan 7.14. Tete ameha la ɖo eŋu nɛ be: “Míenya le se la me be Kristo la anɔ anyi tegbee. Ale ke wɔ nègblɔ be ele be woakɔ Amegbetɔ Vi la ɖe dzii? Ame kae nye Amegbetɔ Vi sia?”
35Yesu ɖo eŋu na wo be: “Kekelia aganɔ mia gbɔ ʋɛ ko. Zi ale si kekelia li la mizɔ, ne menye nenema o la, zã ado ɖe mi. Ame si le viviti me zɔm la, menya afi si yim wòle o. 36Esi kekelia le mia gbɔ la, mixɔ kekeli la dzi se bene miazu kekeli viwo.”
Ameawo ƒe dzimaxɔse
Esi Yesu gblɔ nya sia vɔ la, edzo le wo gbɔ yi ɖabè. 37Togbɔ be ewɔ dzesi geɖe ŋutɔ le wo ŋkume hã la, womexɔ edzi se o, 38#Yes 53.1. ale be Mawu ƒe gbeƒãɖela Yesaya ƒe nya si wògblɔ ɖi la nava eme be:
“Aƒetɔ, ame kae xɔ nya si míegblɔ la dzi se,
eye ame kae woɖe Aƒetɔ la ƒe ŋusẽ fia?”
39Eya ta womete ŋu xɔe se o elabe Yesaya gagblɔ hã be:
40 #
Yes 6.10. “Egbã woƒe ŋkuwo,
eye wòna wosẽ to,
be womagakpɔ nu kple ŋku,
eye woƒe susu nase nu gɔme,
ne woatrɔ ɖe ŋunye,
eye mada gbe le wo ŋu o.”
41Yesaya gblɔ nya sia elabe ekpɔ Yesu ƒe ŋutikɔkɔe ɖa, eye wòƒo nu le eŋu.
42Togbɔ be wòle alea hã la, amegã geɖewo gɔ̃ hã xɔ Yesu dzi se. Ke wonɔ vɔvɔ̃m be Farisitɔwo ava nya yewo le ƒuƒoƒe la me, eya ta womegblɔe fia o. 43Elabe wolɔ̃na be amewo nakafu yewo wu be Mawu nakafu yewo.
Yesu ƒe nyawo abu fɔ ame
44Yesu do ɣli gblɔ be: “Ame sia ame si xɔ dzinye se la, menye nye dzie wòxɔ se o, ke boŋ ame si dɔm ɖa la dzie wòxɔ se. 45Ame sia ame si kpɔm la, ekpɔ ame si dɔm ɖa la hã. 46Ɖe meva xexea me abe kekeli ene, ale be ame sia ame si xɔ dzinye se la, naganɔ viviti me o. 47Ne ame aɖe se nye nyawo eye mewɔ ɖe wo dzi o la, nye la, nyemebu fɔe o, elabe nyemeva fɔ bu ge xexea me o, ke boŋ meva be maxɔe ɖe agbe. 48Ame si gbem eye mexɔ nye nyawo o la, ame si abu fɔe la li. Nya siwo megblɔ lae abu fɔe le ŋkeke mlɔetɔ dzi. 49Elabe menye nye ŋutɔ nye ŋusẽe metsɔ ƒo nui o, ke Tɔ́ si dɔm ɖa la ŋutɔe na ŋusẽm be maƒo nu, agblɔ nu si megblɔ. 50Menya be eƒe se la naa agbe mavɔ. Eya ta nya siwo megblɔna la, megblɔa wo abe ale si Tɔ́ la gblɔ nam tututu la ene.”
Currently Selected:
Yohanes 12: EB14
Highlight
Share
Copy
Want to have your highlights saved across all your devices? Sign up or sign in
EƲEGBE BIBLIA © The Bible Society of Togo, 2014.
Yohanes 12
12
Wosi ami na Yesu le Betania
(Mat 26.6-13; Mar 14.3-9)
1Esi wòsusɔ ŋkeke ade ne Paska la naɖo la, Yesu va Betania. Afi siae Lazaro, ame si Yesu fɔ tso ku me la nɔ. 2Wowɔ fiẽnuɖuɖu nɛ le afi ma. Martae subɔ le kplɔ̃a ŋu, eye Lazaro hã nɔ kplɔ̃ŋunɔlawo dome. 3#Luk 7.37, 38. Maria tsɔ ami ʋeʋẽe aɖe si xɔ asi ŋutɔ la, lita afã, si ɖe Yesu ƒe afɔwo ŋuti eye wòtsɔ eƒe taɖa tutu afɔawo ŋutii. Amia ƒe ʋeʋẽ lílilĩ xɔ aƒe blibo la katã me. 4Ke Yuda Iskariot si nye Yesu ƒe nusrɔ̃lawo dometɔ ɖeka, (ame si lava fia eyomemɔ la) gblɔ be: 5“Nu ka ta womedzra ami sia klosaloga alafa etɔ̃, hetsɔ ga la na ame dahewo o?” 6Menye esi Yuda tsɔ ɖe le ame dahewo ƒe nya me tae wògblɔ esia ɖo o, ke boŋ fiafitɔ wònye. Eya gbɔe gakotokua le eye wòfiaa nu si wodea eme.
7Ke Yesu gblɔ be: “Miɖe asi le eŋu. Mina wòadzrae ɖo na nye ɖigbe. 8#Mos V, 15.11. Ame dahewo ya le mia gbɔ ɖaa, ke nye la, nyemanɔ mia gbɔ ɖaa o.”
Woɖo nugbe ɖe Lazaro ŋu
9Yudatɔ geɖe se be Yesu le afi ma, ale wotii vɛ. Menye Yesu ɖeɖe ko tae wova ɖo o, ke boŋ be yewoakpɔ Lazaro, ame si wòfɔ tso ku me la hã. 10Ale nunɔlagãwo de adaŋu be yewoawu Lazaro hã, 11elabe eya tae Yudatɔ geɖe le megbe dem tso wo gbɔ, eye wole Yesu dzi xɔm le sesem ɖo.
Gege ɖe Yerusalem-dua me kple aseyetsotso
(Mat 21.1-11; Mar 11.1-11; Luk 19.28-40)
12Esi ŋu ke la, ameha gã siwo va ŋkekenyuia ɖuƒe la se be Yesu gbɔna ɖe Yerusalem. 13#Ps 118.25, 26; Mak I, 13.51. Ale wotsɔ deʋayawo eye wodo go yi be yewoakpee. Wonɔ ɣli dom be: “Hosana! Mawu yra ame si gbɔna le Aƒetɔ la ƒe ŋkɔ me! Mawu yra Israel Fia la!”
14Yesu kpɔ tedzivi aɖe eye wòde edzi abe ale si woŋlɔe ɖi ene be:
15 #
Zax 9.9. “Zion-du, mègavɔ̃ o!
Wò fiae nye esi gbɔna,
le tedzivi dom.”
16Eƒe nusrɔ̃lawo mese nu siawo gɔme gbã o, ke esi wokɔ̀ Yesu ŋuti emegbe la, woɖo ŋku edzi be nu si woŋlɔ ɖi tso eŋu lae nye ema wowɔnɛ. 17Ameha si nɔ Yesu ŋu, esime wòyɔ Lazaro do goe tso yɔdoa me hefɔe tso ku me la, ɖi ɖase le nu si dzɔ la ŋuti. 18Nu si ta ameha la yi ɖakpe Yesu lae nye be wose be ewɔ dzesi sia. 19Farisitɔwo gblɔ na wo nɔewo be: “Mikpɔ ɖa, naneke mele edzi dzem na mí o. Kpɔ ɖa! Xexea me katã kplɔe ɖo!”
Helatɔ aɖewo di be yewoakpɔ Yesu
20Helatɔ aɖewo hã nɔ ame siwo yi be yewoasubɔ Mawu le ŋkekenyuia ɖuƒe la dome. 21Ale wova Filipo, si tso Betsaida le Galilea la gbɔ eye wogblɔ nɛ be: “Amegã, míedi be míakpɔ Yesu.” 22Filipo yi ɖagblɔe na Andrea eye wo ame evea woyi ɖagblɔe na Yesu. 23Yesu ɖo eŋu na wo be: “Ɣeyiɣia de azɔ be woado Amegbetɔ Vi la ɖe dzi. 24Mele egblɔm na mi le nyateƒe me be, ne bliku mege ɖe anyigba me eye wòku o la, bliku ɖeka ko wònye li. Ke ne eku la, etsea ku geɖe. 25#Mat 10.39; 16.25; Mar 8.35; Luk 9.24; 17.33. Ame si lɔ̃ eƒe agbe la, abui. Ke ame si lé fu eƒe agbe le xexe sia me la, adzrae ɖo hena agbe mavɔ. 26Ne ame aɖe subɔam la, ele be wòava nɔ yonyeme elabe afi si mele la, afi ma nye subɔla hã lanɔ. Ne ame aɖe subɔam la, Tɔ́nye ade bubu eŋu.
Yesu ƒo nu le eƒe ku ŋuti
27 “Nye luʋɔ le nu xam fifia. Nya ka magblɔ? Ɖe magblɔ be, ‘Tɔ́, ɖem tso fukpeɣi sia me’ loo? Ao, ke boŋ ɣeyiɣi sia tae meva ɖo. 28Tɔ́, nà wò ŋkɔ nade dzi!” Tete gbe ɖi tso dziƒo be: “Mena wòde dzi xoxo, eye magana wòade dzi ake.” 29Ameha si tsi tsitre ɖi la see eye wogblɔ be dzie ɖe gbe, ke ame bubuwo be: “Mawudɔla aɖee ƒo nu kplii.” 30Yesu gblɔ na wo be: “Mia tae gbe sia ɖi, ke menye nye tae o. 31Eɖo edzi azɔ be woadrɔ̃ ʋɔnu xexe sia me; eɖo edzi azɔ be woanya xexe sia me dziɖula ɖa. 32Ne wokɔm ɖe dzi tso xexea me la, mahe amewo katã ava nye ŋutɔ gbɔnyee.” 33Yesu gblɔ esia be yeatsɔ afia ku si ƒomevi ku ge yeala. 34#Ps 110.4; Yes 9.7; Xez 37.25; Dan 7.14. Tete ameha la ɖo eŋu nɛ be: “Míenya le se la me be Kristo la anɔ anyi tegbee. Ale ke wɔ nègblɔ be ele be woakɔ Amegbetɔ Vi la ɖe dzii? Ame kae nye Amegbetɔ Vi sia?”
35Yesu ɖo eŋu na wo be: “Kekelia aganɔ mia gbɔ ʋɛ ko. Zi ale si kekelia li la mizɔ, ne menye nenema o la, zã ado ɖe mi. Ame si le viviti me zɔm la, menya afi si yim wòle o. 36Esi kekelia le mia gbɔ la, mixɔ kekeli la dzi se bene miazu kekeli viwo.”
Ameawo ƒe dzimaxɔse
Esi Yesu gblɔ nya sia vɔ la, edzo le wo gbɔ yi ɖabè. 37Togbɔ be ewɔ dzesi geɖe ŋutɔ le wo ŋkume hã la, womexɔ edzi se o, 38#Yes 53.1. ale be Mawu ƒe gbeƒãɖela Yesaya ƒe nya si wògblɔ ɖi la nava eme be:
“Aƒetɔ, ame kae xɔ nya si míegblɔ la dzi se,
eye ame kae woɖe Aƒetɔ la ƒe ŋusẽ fia?”
39Eya ta womete ŋu xɔe se o elabe Yesaya gagblɔ hã be:
40 #
Yes 6.10. “Egbã woƒe ŋkuwo,
eye wòna wosẽ to,
be womagakpɔ nu kple ŋku,
eye woƒe susu nase nu gɔme,
ne woatrɔ ɖe ŋunye,
eye mada gbe le wo ŋu o.”
41Yesaya gblɔ nya sia elabe ekpɔ Yesu ƒe ŋutikɔkɔe ɖa, eye wòƒo nu le eŋu.
42Togbɔ be wòle alea hã la, amegã geɖewo gɔ̃ hã xɔ Yesu dzi se. Ke wonɔ vɔvɔ̃m be Farisitɔwo ava nya yewo le ƒuƒoƒe la me, eya ta womegblɔe fia o. 43Elabe wolɔ̃na be amewo nakafu yewo wu be Mawu nakafu yewo.
Yesu ƒe nyawo abu fɔ ame
44Yesu do ɣli gblɔ be: “Ame sia ame si xɔ dzinye se la, menye nye dzie wòxɔ se o, ke boŋ ame si dɔm ɖa la dzie wòxɔ se. 45Ame sia ame si kpɔm la, ekpɔ ame si dɔm ɖa la hã. 46Ɖe meva xexea me abe kekeli ene, ale be ame sia ame si xɔ dzinye se la, naganɔ viviti me o. 47Ne ame aɖe se nye nyawo eye mewɔ ɖe wo dzi o la, nye la, nyemebu fɔe o, elabe nyemeva fɔ bu ge xexea me o, ke boŋ meva be maxɔe ɖe agbe. 48Ame si gbem eye mexɔ nye nyawo o la, ame si abu fɔe la li. Nya siwo megblɔ lae abu fɔe le ŋkeke mlɔetɔ dzi. 49Elabe menye nye ŋutɔ nye ŋusẽe metsɔ ƒo nui o, ke Tɔ́ si dɔm ɖa la ŋutɔe na ŋusẽm be maƒo nu, agblɔ nu si megblɔ. 50Menya be eƒe se la naa agbe mavɔ. Eya ta nya siwo megblɔna la, megblɔa wo abe ale si Tɔ́ la gblɔ nam tututu la ene.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
EƲEGBE BIBLIA © The Bible Society of Togo, 2014.