Luka 17
17
Nu vɔ̃
(Mat 18.6-7, 21-22; Mar 9.42)
1Yesu gblɔ na eƒe nusrɔ̃lawo be: “Nu siwo akplɔ ame ade nuvɔ̃ me la lava godoo, gake baba na ame si dzi woato ava! 2Ne wotsɔ té tsi ɖe kɔ nɛ, eye wotsɔe ƒu gbe ɖe ƒu me la, enyo nɛ wu, be ɖevi sue siawo dometɔ ɖeka nato edzi, awɔ nuvɔ̃. 3#Mat 18.15. Eya ta mikpɔ mia ɖokui dzi nyuie. Ne nɔviwò wɔ nuvɔ̃ la, ka ŋkume nɛ, eye ne etrɔ dzime la, tsɔe kee. 4Ne ewɔ nuvɔ̃ ɖe ŋuwò zi adrẽ ŋkeke ɖeka, eye wògatrɔ zi adrẽ va ɖe kuku na wò la, tsɔe kee.”
Xɔse
5Amedɔdɔawo gblɔ na Aƒetɔ la be: “Dzi míaƒe xɔse ɖe edzi na mí.” 6Aƒetɔ la gblɔ be: “Ne xɔse le mia si de atiku suetɔ kekeake nu la, miagblɔ na ati sia be: ‘Ho nàyi ɖado ɖokuiwò ɖe atsiaƒu me’, eye wòaɖo to mi.”
Subɔla ƒe dɔdeasi
7 “Mabia mi se. Ne dɔla aɖe le mia dometɔ aɖe si, eye wòle agbledɔ wɔm nɛ, alo wòle alẽ kplɔm nɛ, eye dɔla sia gbɔ tso gbedzi va aƒe teti la, ɖe eƒe aƒetɔ agblɔ nɛ be neva bɔbɔ nɔ anyi wòaɖu nu zi ɖekaa? 8Menye ɖe wòagblɔ nɛ boŋ be: ‘Wɔ nye nuɖuɖu, ne nasa avɔ ɖe ali ava subɔm, maɖu nu, ano nu gbã, hafi wò hã nàɖu nu ano nu!’ o mahã? 9Ne subɔla la wɔ eƒe aƒetɔ ƒe gbe dzi la, ɖe wòle be aƒetɔ la nada akpe nɛa? 10Nenema ke ne miawo hã, miewɔ nu siwo katã woɖo na mi la, migblɔ be: ‘Subɔla madzemadzewo ko míenye; nu si wòle na mí be míawɔ la, eya koe míewɔ.’ ”
Yesu da gbe le kpodɔlela ewo ŋuti
11Yesu yina Yerusalem, eye wòto Samaria kple Galilea dome. 12Esi wòyina kɔƒe aɖe me la, ŋutsu kpodɔlela ewo va do goe. Wonɔ adzɔge, 13kɔ gbe dzi gblɔ be: “Amegã Yesu, kpɔ nublanui na mí!” 14#Mos III, 14.1-32. Esi Yesu kpɔ wo la, egblɔ na wo be: “Miheyi ɖatsɔ mia ɖokui fia nunɔlawo.” Le mɔa dzi la, wo ŋuti kɔ. 15Azɔ esi wo dometɔ ɖeka kpɔ be ye ŋuti kɔ la, egbugbɔ va le Mawu kafum kple ɣli. 16Eva dze klo tsyɔ mo anyi ɖe Yesu ƒe afɔnu heda akpe nɛ. Ame sia la, Samariatɔ wònye. 17Yesu gblɔ be: “Menye ame ewo ŋutie kɔ oa? Ame asiekeawo ya ɖe? 18Ame aɖeke meli si atrɔ va kafu Mawu o negbe amedzro sia koa?” 19Yesu gblɔ nɛ be: “Tsi tre, nàdzo! Wò xɔse da gbe le ŋuwò.”
Fiaɖuɖu la ƒe vava
(Mat 24.23-28, 37-41)
20Farisitɔwo bia Yesu be ɣe ka ɣie Mawu ƒe fiaɖuɖu la ava mahã. Eɖo eŋu na wo be: “Mawu ƒe fiaɖuɖu la megbɔna, woakpɔ kple ŋku o. 21Womagblɔ hã be, ‘Mikpɔ ɖa, ele afii!’ alo ‘Ele afi mɛ!’ o. Elabe Mawu ƒe fiaɖuɖu la le mia me.”
22Tete Yesu gblɔ na nusrɔ̃lawo be: “Ɣeyiɣi gbɔna, si me miadi be yewoakpɔ Amegbetɔ Vi la ƒe ŋkekewo dometɔ ɖeka, ke miakpɔe o. 23Woagblɔ na mi be: ‘Mikpɔ ɖa, ele afi mɛ!’ alo be: ‘Mikpɔ ɖa, ele afii!’ Migayi o, eye migakplɔ wo ɖo hã o. 24Elabe ele abe ale si dzi kea dzo, eye wòklẽna tso dziƒo ƒe go ɖeka dzi yina go bubu dzi la ene. Nenema Amegbetɔ Vi la ƒe vava anɔ. 25Gake gbã la, ele nɛ be wòakpe fu geɖe, eye dzidzime sia agbee. 26#Mos I, 6.5-8. Ale si nuwo nɔ le Noa ŋɔli la, nenema ke wògale nɔnɔ ge le Amegbetɔ Vi la hã ƒe ŋkekewo me. 27#Mos I, 7.6-24. Ɣe ma ɣi la, wonɔ nu ɖum, nɔ nu nom; wonɔ srɔ̃ ɖem, eye wonɔ viwo tsɔm na be woaɖe, va se ɖe ŋkeke si dzi Noa ge ɖe aɖakaʋua me. Tete tsiɖɔɖɔ va tsrɔ̃ wo katã. 28#Mos I, 18.20—19.25. Ele ko abe ale si wòdzɔ le Lot ŋɔli hã ene. Wonɔ nu ɖum, nɔ nu nom; wonɔ nu ƒlem, nɔ nu dzram; wonɔ agble dem, nɔ xɔwo tum. 29Ke le ŋkeke si dzi Lot do go le Sodom la, Mawu na dzo kple dzokpe dza tso dziƒo hetsrɔ̃ wo katã. 30Nenema ke wògale nɔnɔ ge le ŋkeke si dzi Amegbetɔ Vi la hã lado. 31#Mat 24.17, 18; Mar 13.15, 16. Gbe ma gbe la, ne ame aɖe le xɔta, eye eƒe nuwo le xɔ me la, megaɖi be yeafɔ nuawo o. Nenema ke ame si le agble me hã megagbɔ va aƒe o. 32#Mos I, 19.26. Miɖo ŋku Lot srɔ̃ ƒe ŋutinya dzi! 33#Mat 10.39; 16.25; Mar 8.35; Luk 9.24; Yoh 12.25. Ame sia ame si di be yeaɖe yeƒe agbe la, abui, eye ame sia ame si atsɔ eƒe agbe ana la, agakpɔe. 34Mele egblɔm na mi be le zã ma me la, ame eve amlɔ aba ɖeka dzi, woakɔ ɖeka adzoe, eye woagblẽ evelia ɖi. 35Nyɔnu eve anɔ wɔ tum le teƒo, woakɔ ɖeka adzoe, agblẽ evelia ɖi.” [ 36Ŋutsu eve anɔ gbedzi, woakɔ ɖeka adzoe agblẽ ɖeka ɖi.] 37Ke nusrɔ̃laawo bia be: “Aƒetɔ, afi kae?” Yesu ɖo eŋu na wo be: “Afi si nu kuku le la, afi mae akagawo ƒoa ƒu ɖo.”
Currently Selected:
Luka 17: EB14
Highlight
Share
Copy
Want to have your highlights saved across all your devices? Sign up or sign in
EƲEGBE BIBLIA © The Bible Society of Togo, 2014.
Luka 17
17
Nu vɔ̃
(Mat 18.6-7, 21-22; Mar 9.42)
1Yesu gblɔ na eƒe nusrɔ̃lawo be: “Nu siwo akplɔ ame ade nuvɔ̃ me la lava godoo, gake baba na ame si dzi woato ava! 2Ne wotsɔ té tsi ɖe kɔ nɛ, eye wotsɔe ƒu gbe ɖe ƒu me la, enyo nɛ wu, be ɖevi sue siawo dometɔ ɖeka nato edzi, awɔ nuvɔ̃. 3#Mat 18.15. Eya ta mikpɔ mia ɖokui dzi nyuie. Ne nɔviwò wɔ nuvɔ̃ la, ka ŋkume nɛ, eye ne etrɔ dzime la, tsɔe kee. 4Ne ewɔ nuvɔ̃ ɖe ŋuwò zi adrẽ ŋkeke ɖeka, eye wògatrɔ zi adrẽ va ɖe kuku na wò la, tsɔe kee.”
Xɔse
5Amedɔdɔawo gblɔ na Aƒetɔ la be: “Dzi míaƒe xɔse ɖe edzi na mí.” 6Aƒetɔ la gblɔ be: “Ne xɔse le mia si de atiku suetɔ kekeake nu la, miagblɔ na ati sia be: ‘Ho nàyi ɖado ɖokuiwò ɖe atsiaƒu me’, eye wòaɖo to mi.”
Subɔla ƒe dɔdeasi
7 “Mabia mi se. Ne dɔla aɖe le mia dometɔ aɖe si, eye wòle agbledɔ wɔm nɛ, alo wòle alẽ kplɔm nɛ, eye dɔla sia gbɔ tso gbedzi va aƒe teti la, ɖe eƒe aƒetɔ agblɔ nɛ be neva bɔbɔ nɔ anyi wòaɖu nu zi ɖekaa? 8Menye ɖe wòagblɔ nɛ boŋ be: ‘Wɔ nye nuɖuɖu, ne nasa avɔ ɖe ali ava subɔm, maɖu nu, ano nu gbã, hafi wò hã nàɖu nu ano nu!’ o mahã? 9Ne subɔla la wɔ eƒe aƒetɔ ƒe gbe dzi la, ɖe wòle be aƒetɔ la nada akpe nɛa? 10Nenema ke ne miawo hã, miewɔ nu siwo katã woɖo na mi la, migblɔ be: ‘Subɔla madzemadzewo ko míenye; nu si wòle na mí be míawɔ la, eya koe míewɔ.’ ”
Yesu da gbe le kpodɔlela ewo ŋuti
11Yesu yina Yerusalem, eye wòto Samaria kple Galilea dome. 12Esi wòyina kɔƒe aɖe me la, ŋutsu kpodɔlela ewo va do goe. Wonɔ adzɔge, 13kɔ gbe dzi gblɔ be: “Amegã Yesu, kpɔ nublanui na mí!” 14#Mos III, 14.1-32. Esi Yesu kpɔ wo la, egblɔ na wo be: “Miheyi ɖatsɔ mia ɖokui fia nunɔlawo.” Le mɔa dzi la, wo ŋuti kɔ. 15Azɔ esi wo dometɔ ɖeka kpɔ be ye ŋuti kɔ la, egbugbɔ va le Mawu kafum kple ɣli. 16Eva dze klo tsyɔ mo anyi ɖe Yesu ƒe afɔnu heda akpe nɛ. Ame sia la, Samariatɔ wònye. 17Yesu gblɔ be: “Menye ame ewo ŋutie kɔ oa? Ame asiekeawo ya ɖe? 18Ame aɖeke meli si atrɔ va kafu Mawu o negbe amedzro sia koa?” 19Yesu gblɔ nɛ be: “Tsi tre, nàdzo! Wò xɔse da gbe le ŋuwò.”
Fiaɖuɖu la ƒe vava
(Mat 24.23-28, 37-41)
20Farisitɔwo bia Yesu be ɣe ka ɣie Mawu ƒe fiaɖuɖu la ava mahã. Eɖo eŋu na wo be: “Mawu ƒe fiaɖuɖu la megbɔna, woakpɔ kple ŋku o. 21Womagblɔ hã be, ‘Mikpɔ ɖa, ele afii!’ alo ‘Ele afi mɛ!’ o. Elabe Mawu ƒe fiaɖuɖu la le mia me.”
22Tete Yesu gblɔ na nusrɔ̃lawo be: “Ɣeyiɣi gbɔna, si me miadi be yewoakpɔ Amegbetɔ Vi la ƒe ŋkekewo dometɔ ɖeka, ke miakpɔe o. 23Woagblɔ na mi be: ‘Mikpɔ ɖa, ele afi mɛ!’ alo be: ‘Mikpɔ ɖa, ele afii!’ Migayi o, eye migakplɔ wo ɖo hã o. 24Elabe ele abe ale si dzi kea dzo, eye wòklẽna tso dziƒo ƒe go ɖeka dzi yina go bubu dzi la ene. Nenema Amegbetɔ Vi la ƒe vava anɔ. 25Gake gbã la, ele nɛ be wòakpe fu geɖe, eye dzidzime sia agbee. 26#Mos I, 6.5-8. Ale si nuwo nɔ le Noa ŋɔli la, nenema ke wògale nɔnɔ ge le Amegbetɔ Vi la hã ƒe ŋkekewo me. 27#Mos I, 7.6-24. Ɣe ma ɣi la, wonɔ nu ɖum, nɔ nu nom; wonɔ srɔ̃ ɖem, eye wonɔ viwo tsɔm na be woaɖe, va se ɖe ŋkeke si dzi Noa ge ɖe aɖakaʋua me. Tete tsiɖɔɖɔ va tsrɔ̃ wo katã. 28#Mos I, 18.20—19.25. Ele ko abe ale si wòdzɔ le Lot ŋɔli hã ene. Wonɔ nu ɖum, nɔ nu nom; wonɔ nu ƒlem, nɔ nu dzram; wonɔ agble dem, nɔ xɔwo tum. 29Ke le ŋkeke si dzi Lot do go le Sodom la, Mawu na dzo kple dzokpe dza tso dziƒo hetsrɔ̃ wo katã. 30Nenema ke wògale nɔnɔ ge le ŋkeke si dzi Amegbetɔ Vi la hã lado. 31#Mat 24.17, 18; Mar 13.15, 16. Gbe ma gbe la, ne ame aɖe le xɔta, eye eƒe nuwo le xɔ me la, megaɖi be yeafɔ nuawo o. Nenema ke ame si le agble me hã megagbɔ va aƒe o. 32#Mos I, 19.26. Miɖo ŋku Lot srɔ̃ ƒe ŋutinya dzi! 33#Mat 10.39; 16.25; Mar 8.35; Luk 9.24; Yoh 12.25. Ame sia ame si di be yeaɖe yeƒe agbe la, abui, eye ame sia ame si atsɔ eƒe agbe ana la, agakpɔe. 34Mele egblɔm na mi be le zã ma me la, ame eve amlɔ aba ɖeka dzi, woakɔ ɖeka adzoe, eye woagblẽ evelia ɖi. 35Nyɔnu eve anɔ wɔ tum le teƒo, woakɔ ɖeka adzoe, agblẽ evelia ɖi.” [ 36Ŋutsu eve anɔ gbedzi, woakɔ ɖeka adzoe agblẽ ɖeka ɖi.] 37Ke nusrɔ̃laawo bia be: “Aƒetɔ, afi kae?” Yesu ɖo eŋu na wo be: “Afi si nu kuku le la, afi mae akagawo ƒoa ƒu ɖo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
EƲEGBE BIBLIA © The Bible Society of Togo, 2014.