ڢِتُواْوَ 18
18
يِتْرُواْ يَا تَبَّتَرْ دَ أَيُّكَنْ يَهْوٜىٰهْ
1لَابَرِ يَكَيْ كُنّٜىٰنْ يِتْرُواْ، ڢِرِسْتِ نَ مَدْيَنَ، بَابَنْ مَاتَرْ مُوسَٰى، غَمٜىٰدَ دُكَنْ أَيُّكَنْ بَنْ مَامَاكِنْ دَ اللَّهْ يَيِ وَ مُوسَٰى دَ جَمَعَرْسَ إِسْرَٰٓءِيلَ دَ كُمَ يَدَّ يَهْوٜىٰهْ يَڢِتَرْ دَسُو دَغَ ڧَسَرْ مَصَرْ؞ 2سَيْ يِتْرُواْ يَذُواْ وُرِنْ مُوسَٰى، تَرٜىٰدَ ظِڢُّواْرَ مَاتَرْ مُوسَٰى، وَدَّ دَا يَعَيْكَ دَ عِتَ غِدَا وُرِنْ بَابَنْتَ،#ڢِتْ 2.21-22 3تَرٜىٰدَ یَیَنْسُ بِيُ؞ طَيَ أَنَ كِرَنْسَ غٜىٰرْشُوامْ، غَمَا دَ عَكَ حَيْڢِ يَرُوانْ، مُوسَٰى يَثٜىٰ «نِے بَڧُواْ نٜىٰ عَبَڧُوَرْ ڧَسَا؞»#ڢِتْ 2.22؛ أَيُّكَنْ 7.29 4طَيَنْ كُمَ أَنَ كِرَنْسَ عٜىٰلِيٜىٰظٜىٰرْ، غَمَا دَ عَكَ حَيْڢٜىٰشِ، مُوسَٰى يَثٜىٰ «اللَّهْ نَبَابَنَ شِينٜىٰ يَتَيْمَكٜىٰنِ، يَكُٻُتَرْ دَنِے دَغَ تَكُواْبِنْ ڢِرْعَوْنَ؞»#18.4 عٜىٰلِيٜىٰظٜىٰرْ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ اللَّهْ نٜىٰ تَيْمَكُواْنَ؞ 5يِتْرُواْ بَابَنْ مَاتَرْ مُوسَٰى يَذُواْ تَرٜىٰدَ ظِڢُّواْرَ دَ یَیَنْتَ مَظَا بِيُ ذُوَا دَاجِ عِنْدَ سُكَيِ ذَنْغُواْ أَغِنْدِنْ بَبَّنْ تُدُنْ اللَّهْ؞ 6عَكَ ڢَطَا وَ مُوسَٰى ثٜىٰوَ «غَا يِتْرُواْ بَابَنْ مَاتَرْكَ يَذُواْ يَظِيَرْثٜىٰكَ، يَنَ تَرٜىٰدَ مَاتَرْكَ دَ یَیَنْتَ مَظَا بِيُ؞» 7مُوسَٰى كُوَ يَڢِتَ دُواْمِنْ يَمَرَبْثِ يِتْرُواْ بَابَنْ مَاتَرْسَ؞ يَرُسُنَ مَسَ يَسُمْبَثٜىٰ شِ؞ سُكَ غَيْسَ سُكَ تَمْبَيِ لَاڢِيَرْ جُونَ، سَعَنً سُكَ شِغَ تٜىٰنْتِنْ مُوسَٰى؞ 8مُوسَٰى كُوَ يَڢَطَا وَ يِتْرُواْ دُكَنْ أَبِنْدَ يَهْوٜىٰهْ يَيِ وَ ڢِرْعَوْنَ دَ مَصَرَاوَا سَبُواْدَ إِسْرَٰٓءِيلَاوَا؞ يَكُمَ ڢَطَا مَسَ غَمٜىٰدَ دُكَنْ وَهَلُواْلِنْ دَ سُكَ ڢُسْكَنْتَ أَ حَنْيَ دَ يَدَّ يَهْوٜىٰهْ يَثٜىٰثِ مُتَنٜىٰنْسَ دَغَ دُكَنْ وَهَلُواْلِنْسُ؞ 9سَعَدَّ يِتْرُواْ يَجِ غَمٜىٰدَ دُكَنْ أَلْحٜىٰرِنْ دَ يَهْوٜىٰهْ يَيِ وَجَمَعَرْ إِسْرَٰٓءِيلَ دَ يَدَّ يَكُٻُتَرْ دَسُو دَغَ حَنُّنْ مَصَرَاوَا، يَيِ مُرْنَ سُواْسَيْ؞ 10يِتْرُواْ يَثٜىٰ «أَلْبَرْكَ تَا تَبَّتَا غَ يَهْوٜىٰهْ وَنْدَ يَكُٻُتَرْ دَكُو دَغَ حَنُّنْ مَصَرَاوَا دَ نَ ڢِرْعَوْنَ! أَلْبَرْكَ تَا تَبَّتَا غَ يَهْوٜىٰهْ وَنْدَ يَكُٻُتَرْ دَ جَمَعَرْ إِسْرَٰٓءِيلَ دَغَ حَنُّنْ مَصَرَاوَا! 11يَنْذُ نٜىٰ نَسَنِ يَهْوٜىٰهْ يَڢِ سَوْرَنْ أَلُّواْلِ دُكَ، غَمَا يَا كُٻُتَرْ دَ جَمَعَرْسَ دَغَ حَنُّنْ مَصَرَاوَا وَطَنْدَ سُكَ رٜىٰنَسُ؞» 12سَعَنً يِتْرُواْ بَابَنْ مَاتَرْ مُوسَٰى يَمِيڧَ هَدَايَ تَڧُواْنَاوَا دَ تَسَوْرَنْ هَدَايُ غَ اللَّهْ؞ سَيْ هَٰرُونَ يَذُواْ تَرٜىٰدَ دُكَنْ دَتَّاوَنْ إِسْرَٰٓءِيلَ دُواْمِنْ سُثِ عَبِنْثِ تَرٜىٰ دَشِ أَغَبَنْ اللَّهْ؞
مُوسَٰى يَا ذَاٻِ شُوغَبَنِّ
﴿مَيْ شَـ 1.9-18﴾
13وَشٜىٰغَرِ، سَيْ مُوسَٰى يَذَوْنَ دُواْمِنْ يَيِ وَمُتَنٜىٰ شَرِيعَ؞ مُتَنٜىٰنْ كُوَ سُكَ كٜىٰوَيٜىٰشِ تُنْدَغَ سَڢٜىٰ حَرْ ذُوَا يَمَّ؞ 14سَعَدَّ بَابَنْ مَاتَرْ مُوسَٰى يَغَ دُكَنْ يَدَّ مُوسَٰى يَكٜىٰ ڢَامَ دُواْمِنْ جَمَعَرْ، سَيْيَثٜىٰ «مٜىٰنٜىٰنٜىٰ وَنَّنْ دَ كَكٜىٰيِ وَجَمَعَ؟ دُوانْمٜىٰ كَكٜىٰيِنْ وَنَّنْ كَيْ كَطَيْ؟ دُوبِے يَدَّ مُتَنٜىٰ سُنَ أَڟَيٜىٰ كٜىٰوَيٜىٰ دَكَيْ تُنْدَغَ سَڢٜىٰ حَرْ ذُوَا يَمَّ!»
15مُوسَٰى كُوَ يَأَمْسَ وَ يِتْرُواْ يَثٜىٰ «تُواْ، مُتَنٜىٰ سُنْ ذُواْ وُرِينَ نٜىٰ دُواْمِنْ نٜىٰمَنْ نُڢِنْ اللَّهْ؞ 16سَعَدَّ ضِكِثِ يَشِغَ ڟَكَانِنْسُ سُكَنْ ذُواْ وُرِينَ؞ نِے كُوَ نَكَنْ شِرْيَ ڟَكَانِنْ مُتُمْ دَ مَڨُوبْثِنْسَ، إِنْكُمَ كُواْيَ مُسُ ڧَٰعِدُواْدِنْ اللَّهْ دَ كُواْيَرْوَرْسَ؞»
17سَيْ يِتْرُواْ يَثٜىٰ «أَبِنْ دَ كَكٜىٰيِبَ دَيْدَيْ بَنٜىٰ! 18لَلَّيْ كُوَ دَكَيْ دَ جَمَعَرْكَ ذَاكُ كَشٜىٰ كَنْكُ؞ نَوْيِنْ وَنَّنْ عَيْكِ يَڢِ ڧَرْڢِنْكَ، كَيْ كَطَيْ بَذَاكَ عِيَيِنْ عَيْكِنَّنْ بَ؞ 19يَنْذُ بَرِ كَكَسَ كُنّٜىٰ غَرٜىٰنِ؞ ذَنْ بَاكَ شَوَرَا، بَرِ اللَّهْ كُمَ يَكَسَنْثٜىٰ تَرٜىٰدَكَيْ! يَيِ دَيْدَيْ كَڟَيَ أَمَدَدِنْ مُتَنٜىٰنَّنْ أَغَبَنْ اللَّهْ، كَيْ، كَكُمَ كَيْ أَبُبُوَنْ دَسُكٜىٰ ضِكِثِ عَكَيْ أَغَبَنْ اللَّهْ؞ 20كَكُواْيَ مُسُ ڧَٰعِدُواْدِ دَ كُواْيَرْوَرْ اللَّهْ، كَكُمَ سَا سُسَنْ حَنْيَرْ دَ ذَاسُيِ تَڢِيَ عَثِكِ دَ أَبِنْدَ يَكَمَاتَ سُيِ؞ 21بَايَنْ حَكَ كُمَ دَغَ ثِكِنْ مُتَنٜىٰنْ، كَذَاٻِ مَاسُ عِيَ تَڢِيَرْدَ جَمَعَ، مَاسُ ڟُواْرُوانْ اللَّهْ، مَاسُ أَمِنْثِ، مَاسُ ڧِنْ ثِنْ حَنْثِ؞ كَسَاسُ سُذَمَ شُوغَبَنِّ بِسَ ڧُنْغِيُواْيِ نَدُبُو دُبُو دَ نَطَرِے طَرِے دَ نَهَمْسِنْ حَمْسِنْ دَ نَغُواْمَ غُواْمَ؞ 22بَرِ وَطَنَّنْ سُذَمَ مَاسُ شَرِيعَ غَ مُتَنٜىٰ كُواْوَنٜىٰ لُواْكَثِ؞ بَرِ سُكَٰوُاْ مَكَ كُواْوَنٜىٰ بَبَّنْ ضِكِثِ، عَمَّا كُواْوَنٜىٰ ڧَرَمِنْ ضِكِثِ سَيْ سُشَرْعَنْتَ دَكَنْسُ؞ تَهَكَنٜىٰ، عَيْكِنْ ذَيْ يِمَكَ سَوْڧِ كُمَ ذَاكُ رَبَ نَوْيِنْ لُورَ دَ جَمَعَ؞ 23عِدَنْ كَابِے وَنَّنْ شَوَرَا، إِنْكُمَ اللَّهْ يَعُمَرْثٜىٰكَ دَ يِنْ حَكَ، ذَاكَ عِيَ جِمْرٜىٰوَ، دُكَنْ مُتَنٜىٰنَّنْ كُوَ ذَاسُ كُواْمَ غِدَاجٜىٰنْسُ دَ سَلَمَ؞»
24مُوسَٰى كُوَ يَكَسَ كُنّٜىٰ غَ شَوَرَرْ يِتْرُواْ بَابَنْ مَاتَرْسَ، يَيِ دُكَنْ أَبِنْدَ يَڢَطَا مَسَ؞ 25سَيْ مُوسَٰى يَذَاٻِ مُتَنٜىٰ مَاسُ عِيَ تَڢِيَرْدَ جَمَعَ دَغَ ثِكِنْ دُكَنْ جَمَعَرْ إِسْرَٰٓءِيلَ؞ يَسَا سُذَمَ شُوغَبَنِّنْ مُتَنٜىٰ، عَكَنْ ڧُنْغِيُواْيِ نَدُبُو دُبُو دَ نَطَرِے طَرِے دَ نَهَمْسِنْ حَمْسِنْ دَ نَغُواْمَ غُواْمَ؞ 26وَطَنَّنْ شُوغَبَنِّ سُكَيِتَيِ وَمُتَنٜىٰ شَرِيعَ كُواْوَنٜىٰ لُواْكَثِ؞ مَنْيَنْ ضِكِثِ مَاسُ وُيَ سُكَنْ كَٰوُاْ وَ مُوسَٰى، عَمَّا ڧأَنَانً ضِكِثِ سُكَنْ شَرْعَنْتَ دَ كَنْسُ؞
27بَايَنْ وَنَّنْ كُوَ مُوسَٰى يَسَلَّمِ بَابَنْ مَاتَرْسَ يِتْرُواْ، يِتْرُواْ كُوَ يَكُواْمَ ڧَسَرْسَ عِنْدَ يَڢِتُواْ؞
Currently Selected:
ڢِتُواْوَ 18: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
