ڢِتُواْوَ 34
34
سَابَبِّنْ أَلُّنَنْ يَرْجٜىٰجٜىٰنِيَ
﴿مَيْ شَـ 10.1-5﴾
1 يَهْوٜىٰهْ يَثٜىٰ وَ مُوسَٰى «كَسَسَّڧَ أَلُّنَ بِيُ نَدُوڟٜىٰ كَمَرْ نَڢَرْكُوانْ، نِے كُوَ ذَنْ رُبُوتَ كَلْمُواْمِنْ دَسُكٜىٰ عَكَنْ أَلُّنَنْدَ كَڢَرْڢَسَ؞ 2يِشِرِ كَهَوْرُواْ بَبَّنْ تُدُنْ سِنَيْ دَ سَڢٜىٰ، كَنُونَ كَنْكَ أَغَرٜىٰنِ عَكَنْ تُدُنْ؞ 3بَا وَنِ مُتُمِنْ دَ ذَيْ يِمَكَ رَكِيَ؞ كَدَ أَغَا وَنِ مُتُمْ عَكُواْعِنَ عَكَنْ تُدُ؞ كَدَ عَبَرْ غَرْكُنَنْ شَانُو كُواْ نَتُمَكِ سُيِ كِيوُاْ كُسَدَ تُدُنْ؞ 4سَيْ مُوسَٰى يَسَسَّڧَ أَلُّنَنْ دُوڟٜىٰ بِيُ كَمَرْ نَڢَرْكُوانْ؞ دَ سَسَّڢٜىٰ يَتَاشِ يَهَوْرُواْ كَنْ بَبَّنْ تُدُنْ سِنَيْ كَمَرْ يَدَّ يَهْوٜىٰهْ يَعُمَرْثٜىٰشِ؞ يَطَوْكِ أَلُّنَنْ دُوڟٜىٰنَّنْ بِيُ أَ حَنُّنْسَ؞
بَيَّنَرْ يَهْوٜىٰهْ غَ مُوسَٰى
5«سَيْ يَهْوٜىٰهْ يَسَوْكُواْ عَثِكِنْ ڧُنْشِنْ غِرْغِجٜىٰ، يَڟَيَ تَرٜىٰدَ مُوسَٰى أَوُرِنْ، يَيِ شٜىٰلَرْ سُونَنَّنْ يَهْوٜىٰهْ؞ 6يَهْوٜىٰهْ كُوَ يَوُثٜىٰ أَغَبَنْ مُوسَٰى يَثٜىٰ،
«نِنٜىٰ يَهْوٜىٰهْ، نِنٜىٰ يَهْوٜىٰهْ!
اللَّهْ مَيْ جِنْڧَيْ نٜىٰ، مَيْ أَلْحٜىٰرِ،
مَرَرْ سَوْرِنْ ڢُشِے،
مَيْ يَوَنْ ڧَوْنَ مَرَرْ ثَنْجَاوَا،
ثِكٜىٰ دَ أَمِنْثِ كُمَ،
7مَيْ كِيَايٜىٰ ڧَوْنَ مَرَرْ ثَنْجَاوَا غَ یَیَ
حَرْ ذُوَا ڟَارَا تَدُبُو،
مَيْغَاڢَرْتَا لَيْڢِے دَ ذُنُوبِنْ غَنْغَنْثِ،
دَ كُواْوَنٜىٰ إِرِنْ ذُنُوبِ؞
دُكْدَهَكَ بَمَيْ كَاسَ حُكُنْتَ مَيْ لَيْڢِے بَنٜىٰ،
مَيْ حُكُنْتَ یَیَ سَبُواْدَ ذُنُبَنْ إِيَايٜىٰنْسُ
حَرْ ذُوَا ڟَارَا تَ عُكُ دَ تَهُطُ؞»#ڢِتْ 20.5-6؛ لِـ ڧِدْ 14.18؛ مَيْ شَـ 5.9-10؛ 7.9-10؛ زَبُو 103.8؛ يُونْ 4.2
8سَيْ مُوسَٰى يَيِ سَوْرِ يَرُسُنَ دَ ڢُسْكَرْسَ حَرْ ڧَسَا يَيِ سُجَّدَ؞ 9يَثٜىٰ «عِدَنْ دَ غَسْكٜىٰنٜىٰ نَا سَامِ ڢَضٍ جِنِ أَغَرٜىٰكَ، يَا يَهْوٜىٰهْ، إِنَ ضُواْڧُوانْكَ كَيِ تَڢِيَ تَرٜىٰدَمُو؞ كُواْدَيَكٜىٰ جَمَعَرْ نَنْ مَاسُ تَوْرِنْ كَيْنٜىٰ، عَمَّا إِنَ ضُواْڧُوانْكَ كَغَاڢَرْتَا مَنَ لَيْڢُواْڢِنْمُ دَ ذُنُبَنْمُ، كَكُمَ كَرْٻٜىٰمُ مُتَنٜىٰنْكَ نَغَادُواْ؞»
أَنْ سَابُنْتَا يَرْجٜىٰجٜىٰنِيَ
﴿ڢِتْ 23.14-19؛ مَيْ شَـ 7.1-5؛ 16.1-17﴾
10سَيْ يَهْوٜىٰهْ يَثٜىٰ وَ مُوسَٰى يَڢَطَا وَجَمَعَرْ إِسْرَٰٓءِيلَ ثٜىٰوَ «تُواْ، غَاشِ نَا طَوْرَ يَرْجٜىٰجٜىٰنِيَ دَكُو؞ أَغَبَنْ دُكَنْ مُتَنٜىٰنْكَ ذَنْيِ أَيُّكَنْ بَنْ مَامَاكِنْ دَ بَعَتَٻَيِ عَدُونِيَا، كُواْ عَثِكِنْ وَتَ أَلْعُمَّبَ؞ دُكَنْ مُتَنٜىٰنْ دَسُكٜىٰ كٜىٰوَيٜىٰ دَكُو ذَاسُغَ إِيكُوانْ يَهْوٜىٰهْ، غَمَا أَبِنْدَ ذَنْ عَيْكَتَ عَثِكِنْكُ، أَبِنْ ڟُواْرُواْ نٜىٰ؞ 11حَكِّنْكَ كٜىٰنَنْ، كَكِيَايٜىٰ دُكَنْ عُمَرْنَنْ دَ نَكٜىٰ بَاكَ يَوْ؞ غَاشِ، أَغَبَنْكَ ذَنْ كُواْرِ أَمُواْرِيَاوَا دَ كَنْعَنِيَاوَا دَ هِتِّيَاوَا دَ ڢٜىٰرِظِّيَاوَا دَ هِوِيَاوَا دَ يٜىٰبُسِيَاوَا؞ 12كَكُلَ ڢَا دَ وَنَّنْ، كَدَ كَطَوْرَ يَرْجٜىٰجٜىٰنِيَ دَ مَذَوْنَنْ وَنَّنْ ڧَسَرْ عِنْدَ ذَاكَ، دُواْمِنْ كَدَ تَذَمَ مُكُ تَرْكُواْ؞ 13أَ مَيْمَكُوانْ حَكَ، سَيْ كَرُرُّشٜىٰ بَغَدٜىٰنْسُ، كَڢَرْڢَشٜىٰ دُووَڟُنْ سُجَّدَرْسُ، كَسَسَّرٜىٰ غُمَكَنْ أَشٜىٰرَ نَاسُ؞#مَيْ شَـ 16.21 14بَذَاكَيِ وَ وَطَنْسُ أَلُّواْلِ سُجَّدَبَ، سَيْنِے كَطَيْ، غَمَا نِنٜىٰ اللَّهْ مَيْ بُڧَاتَرْ ثِكَكِّيَرْ ڧَوْنَ، سُونَنَ مَيْ بُڧَاتَرْ ثِكَكِّيَرْ ڧَوْنَ نٜىٰ؞ 15بَذَاكَ طَوْرَ يَرْجٜىٰجٜىٰنِيَ دَ مَذَوْنَنْ وَنَّنْ ڧَسَرْبَ، غَمَا لُواْكَثِنْ دَ ذَاسُيِ لَلَتَ وَجٜىٰنْ سُجَّدَ غَ أَلُّواْلِنْسُ، كُواْ سُيِ هَدَايُ غَ أَلُّواْلِنْسُ، مَيْيِوُوَ وَنِ دَغَ ثِكِنْسُ ذَيْ غَيَّثٜىٰكَ، ذَاكَ كُمَثِ دَغَ هَدَايَرْسُ؞ 16عِدَنْ كَطَوْرَ يَرْجٜىٰجٜىٰنِيَ دَسُو، مَيْيِوُوَ ذَاكَ طَوْكِ یَیَنْسُ مَتَ كَأَوْرَرْ وَ یَیَنْكَ مَظَا، یَیَنْسُ مَتَ وَطَنْدَ سُكٜىٰيِنْ لَلَتَ وَجٜىٰنْ سُجَّدَ غَ أَلُّواْلِنْسُ، ذَاسُسَا یَیَنْكَ مَظَا سُيِ لَلَتَ وَجٜىٰنْ سُجَّدَ غَ وَطَنَّنْ أَلُّواْلِ؞
17«بَذَاكَيِ ظُبِنْ غُنْكِنْ أَلُّواْلِ نَڧَرْڢٜىٰبَ؞#ڢِتْ 20.4؛ لِـ ڢِرْ 10.4؛ مَيْ شَـ 5.8؛ 27.15
18«سَيْ كَكِيَايٜىٰ بِكٍ غُرَاسَرْ مَرَرْ يِسْتِ؞ ݣُونَ بَݣَويْ ذَاكَثِ غُرَاسَرْ مَرَرْ يِسْتِ بِسَغَ يَدَّ نَعُمَرْثٜىٰكَ، كُواْوَثٜىٰ شٜىٰكَرَا أَدَيْدَيْ لُواْكَثِنْدَ نَسَا أَوَتَنْ أَبِبْ، غَمَا أَوَتَنْ أَبِبْ نٜىٰ كَڢِتُواْ دَغَ مَصَرْ؞#ڢِتْ 12.14-20؛ لِـ ڢِرْ 23.6-8؛ لِـ ڧِدْ 28.16-25
19«كُواْوَنٜىٰ طَنْ ڢَضٍ دَ عَكَ حَيْڢَ نَوَنٜىٰ؞ دُكَنْ یَیَنْ ڢَارِ نَشَانُو دَ نَتُمَكِ نَوَنٜىٰ؞#ڢِتْ 13.2 20عَمَّا ذَاكَ ڢَنْشِ كُواْوَنٜىٰ طَنْ ڢَارِ نَجَاكُنَ دَغَ وُرِنْ يَهْوٜىٰهْ تَوُرِنْ بَادَ طَنْ ضَغُواْ أَمَدَدِنْسَ؞ عَمَّا عِدَنْ بَذَاكَ ڢَنْشٜىٰشِ بَ، سَيْ كَكَرْيَ وُيَنْسَ؞ كُواْوَنٜىٰ طَنْ ڢَضٍ یَیَنْكَ، ذَاكَ ڢَنْشٜىٰشِ؞#ڢِتْ 13.13
«كَدَ وَنِ يَذُواْ غَبَنَ حَنُّ وُاْڢِ؞
21«ݣُونَكِے شِدَ ذَاكَيِ عَيْكِنْكَ، عَمَّا رَانَ تَبَݣَويْ ذَاكَ هُوتَ، كُواْ لُواْكَثِنْ نُواْمَ نٜىٰ، كُواْ لُواْكَثِنْ غِرْبِے نٜىٰ، سَيْ كَهُوتَ؞#ڢِتْ 20.9-10؛ 23.12؛ 31.15؛ 35.2؛ لِـ ڢِرْ 23.3؛ مَيْ شَـ 5.13-14
22«سَيْ كَكِيَايٜىٰ بِكٍ مَكُواْمَكُواْ،#34.22 بِكٍ مَكُواْمَكُواْ: أَنْ كُمَ سَنْ وَنَّنْ بِكِ دَ سُونَ «بِكٍ ڢٜىٰنْتِكُواسْ؞» وَتُواْ بِكٍ سُجَّدَ نَغِرْبِنْ نُونً ڢَارِ نَأَلْكَمَ؞ ذَاكَ كُمَ كِيَايٜىٰ بِكٍ غِرْبِنْ ڧَرْشٜىٰ، وَتُواْ بِكٍ سُجَّدَ نَغَمَ تَتَّارَ أَمْڢَانِنْ غُواْنَ، عَڧَرْشٜىٰنْ شٜىٰكَرَا؞#لِـ ڢِرْ 23.15-21؛ لِـ ڧِدْ 28.26-31
23«سَوْ عُكُ#34.23 سَوْ عُكُ: وَتُواْ عَبِكٍ ڧٜىٰتَرٜىٰوَ دَ بِكٍ مَكُواْمَكُواْ دَ بِكٍ غِرْبِنْ ڧَرْشٜىٰ كٜىٰنَنْ؞ عَثِكِنْ شٜىٰكَرَا دُكَنْ یَیَنْكُ مَظَا ذَاسُ بَيَّنَ كَنْسُ أَغَبَنْ عُبَنْغِجِ يَهْوٜىٰهْ اللَّهْ نَ إِسْرَٰٓءِيلَ؞ 24غَمَا نِے ذَنْ كُواْرِ دُكَنْ أَلْعُمَّيْ أَغَبَنْكَ، إِنْكُمَ ڧَارَ ڢَاطِنْ إِيَاكَرْ ڧَسَرْكَ؞ سَوْ عُكُ ثِكِنْ كُواْوَثٜىٰ شٜىٰكَرَا سَعَدَّ كَهَوْرَ دُواْمِنْ كَبَيَّنَ كَنْكَ أَغَبَنْ يَهْوٜىٰهْ اللَّهْ نْكَ، بَاوَنْدَ ذَيْ يِݣُوطَيِنْ ڨُوثٜىٰ ڧَسَرْكَ؞
25«بَذَاكَ مِيڧَ جِنِنْ هَدَايَتَ تَرٜىٰدَ وَنِ أَبُ مَيْيِسْتِبَ؞ بَكُوَ ذَاعَ بَرْ نَامَنْ هَدَايَ تَبِكٍ ڧٜىٰتَرٜىٰوَ يَكَسَنْثٜىٰ حَرْ وَايٜىٰوَرْ غَرِبَ؞#ڢِتْ 12.10
26«كُواْوَثٜىٰ شٜىٰكَرَا ذَاكَ كَٰوُاْ مَڢِے ݣَوْ دَغَ نُونً ڢَارِ نَغُواْنَكِنْكَ ذُوَا ثِكِنْ غِدَنْ يَهْوٜىٰهْ اللَّهْ نْكَ؞#مَيْ شَـ 24.21؛ 26.2
«بَذَاكَ دَڢَ طَنْ عَكُيَ ثِكِنْ مَدَرَرْ مَامَرْسَبَ؞»
27سَيْ يَهْوٜىٰهْ يَثٜىٰ وَ مُوسَٰى «كَرُبُوتَ دُكَنْ وَطَنَّنْ كَلْمُواْمِ؞ بِسَغَ وَطَنَّنْ كَلْمُواْمِ نٜىٰ، نَطَوْرَ يَرْجٜىٰجٜىٰنِيَ دَكَيْ دَ كُمَ جَمَعَرْ إِسْرَٰٓءِيلَ؞» 28مُوسَٰى كُوَ يأَنَانً تَرٜىٰدَ يَهْوٜىٰهْ يِنِ أَرْبَعِنْ دَ دَرٜىٰ أَرْبَعِنْ، بَيْثِ عَبِنْثِبَ، بَيْشَا ضُوَبَ؞ أَ لُواْكَثِنَّنْ يَرُبُوتَ كَلْمُواْمِنْ يَرْجٜىٰجٜىٰنِيَ، وَتُواْ دُواْكُواْكِ غُواْمَ، عَكَنْ أَلُّنَنْ دُوڟٜىٰ؞
ڢُسْكَرْ مُوسَٰى تَا يِڨَلِّ
29دَ مُوسَٰى يَسَوْكَ دَغَ تُدُ يَنَ رِڧٜىٰ دَ أَلُّنَنْ دُوڟٜىٰ بِيُ نَشَيْدَرْ يَرْجٜىٰجٜىٰنِيَ، بَيْسَنْ ثٜىٰوَ ڢُسْكَرْسَ تَنَ ڨَلِّبَ سَبُواْدَ كَسَنْثٜىٰوَرْسَ أَغَبَنْ اللَّهْ سُنَ مَغَنَ؞#2 كُوارْ 3.7-16 30سَعَدَّ هَٰرُونَ دَ دُكَنْ جَمَعَرْ إِسْرَٰٓءِيلَ سُكَ دُوبِے مُوسَٰى، سُكَغَ ڢُسْكَرْسَ تَنَ ڨَلِّ، سَيْ سُكَجِڟُواْرُوانْ ذُوَا كُسَدَشِ؞ 31عَمَّا مُوسَٰى يَكِرَاسُ، سَيْ هَٰرُونَ دَ شُوغَبَنِّنْ جَمَعَرْ سُكَ دَاوُاْ وُرِنْسَ، سَعَنً مُوسَٰى يَيِ مَغَنَ دَسُو؞ 32بَايَنْ وَنَّنْ، سَيْ دُكَنْ جَمَعَرْ إِسْرَٰٓءِيلَ سُكَذُواْ كُسَ؞ مُوسَٰى كُوَ يَمَيْمَيْتَ مُسُ دُكَنْ عُمَرْنَنْ دَ يَهْوٜىٰهْ يَبَاشِ عَكَنْ بَبَّنْ تُدُنْ سِنَيْ؞ 33دَ مُوسَٰى يَغَمَ يِنْ مَغَنَ دَسُو، سَيْ يَرُڢٜىٰ ڢُسْكَرْسَ دَ مَيَاڢِ؞ 34عَمَّا دُكْ لُواْكَثِنْدَ يَشِغَ ثِكِنْ تٜىٰنْتِنْ سَدُوَ دُواْمِنْ يَيِ مَغَنَ دَ يَهْوٜىٰهْ، يَكَنْ ثِرٜىٰ مَيَاڢِنْ؞ سَعَدَّ يَكَنْ ڢِتَ يَڢَطَا وَجَمَعَرْ إِسْرَٰٓءِيلَ دُكَنْ عُمَرْنَنْ دَ يَهْوٜىٰهْ يَبَاشِ، 35جَمَعَرْ إِسْرَٰٓءِيلَ سُكَنْ غَا ڢُسْكَرْسَ تَنَ ڨَلِّ؞ سَيْ مُوسَٰى يَسَاكٜىٰ رُڢٜىٰ ڢُسْكَرْسَ دَ مَيَاڢِنْ، حَرْ سَيْ لُواْكَثِنْ دَ ذَيْ كُواْمَ دُواْمِنْ يِنْ مَغَنَ دَ يَهْوٜىٰهْ؞
Currently Selected:
ڢِتُواْوَ 34: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020