ڢَارَوَ 17
17
عَلَمَرْ يَرْجٜىٰجٜىٰنِيَرْ يَهْوٜىٰهْ دَ إِبْرَمْ
1سَعَدَّ إِبْرَمْ يَكٜىٰدَ شٜىٰكَرَا ثَسَعِنْ دَ تَرَ سَيْ يَهْوٜىٰهْ يَبَيَّنَ غَرٜىٰشِ يَثٜىٰ «نِنٜىٰ اللَّهْ مَيْ إِيكُواْ دُكَ؞ كَيِ تَڢِيَ ثِكِنْ زُمُنْثِ تَرٜىٰدَنِ، كَكَسَنْثٜىٰ مَيْ غَسْكِيَ أَ ظُوثِ؞ 2ذَنْ كُوَ تَبَّتَرْ دَ يَرْجٜىٰجٜىٰنِيَتَ ڟَكَانِينَ دَكَيْ، كُمَ ذَنْسَا كَيْ دَ ذُرِيَرْكَ كُيِيَوَ سُواْسَيْ؞» 3سَيْ إِبْرَمْ يَرُسُنَ دَ ڢُسْكَرْسَ حَرْ ڧَسَا، يَهْوٜىٰهْ كُمَ يَثٜىٰ مَسَ، 4«نِے دَيْ، غَا يَرْجٜىٰجٜىٰنِيَرْدَ نَيِ دَكَيْ، ذَاكَ ذَمَ بَابَنْ دُبُنْ دُبَّنْ ڧَبِيلُ؞ 5بَذَاعَ ڧَارَ كِرَنْ سُونَنْكَ إِبْرَمْ بَ، عَمَّا ذَاعَ كِرَاكَ إِبْرَٰهِيمْ؞#17.5 إِبْرَٰهِيمْ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ بَابَ مَيْ طَوْكَكَ، عَمَّا أَنَنْ أَنْطَوْكَ مَعَنَرْ تَذَمَ بَابَ نَدُبُنْ دُبَّيْ؞ غَمَا نَا سَاكَ كَذَمَ بَابَنْ دُبُنْ دُبَّنْ ڧَبِيلُ؞#رُوامْ 4.17 6ذَنْسَا كَيَلْوَتَ سُواْسَيْ؞ ذَنْسَا ذُرِيَرْكَ سُذَمَ تُلِنْ ڧَبِيلُ؞ سَرَاكُنَ كُمَ ذَاسُ ڢِتُواْ دَغَ ذُرِيَرْكَ؞ 7ذَنْ كُمَ كَڢَ يَرْجٜىٰجٜىٰنِيَتَ ڟَكَانِينَ دَكَيْ دَ ذُرِيَرْكَ دَ ذَاسُذُواْ بَايَنْكَ حَرْ دُكَنْ ڟَارَرْسُ، يَرْجٜىٰجٜىٰنِيَ تَهَرْ أَبَدَا ثٜىٰ، ثٜىٰوَ ذَنْ كَسَنْثٜىٰ اللَّهْ نْكَ دَ نَظُرِيَرْكَ دَ ذَاسُذُواْ بَايَنْكَ؞ 8ذَنْكُمَ بَاكَ، كَيْ دَ ذُرِيَرْكَ دَ ذَاسُذُواْ بَايَنْكَ، ڧَسَرْدَ كَكٜىٰ ذَمَنْ بَڧُنْثِ عَثِكِ، وَتُواْ دُكَنْ ڧَسَرْ كَنْعَنَ، دُواْمِنْ تَذَمَ غَادُوانْكُ حَرْ أَبَدَا؞ نِے كُوَ ذَنْذَمَ اللَّهْ نْسُ؞»#أَيُّكَنْ 7.5
9سَيْ اللَّهْ يَثٜىٰ وَ إِبْرَٰهِيمْ «كَيْ ڢَا، ذَاكَ كِيَايٜىٰ يَرْجٜىٰجٜىٰنِيَتَ، كَيْ دَ ذُرِيَرْكَ دَ ذَاسُذُواْ بَايَنْكَ حَرْ دُكَنْ ڟَارَرْسُ؞ 10وَنَّنْ عِتَثٜىٰ يَرْجٜىٰجٜىٰنِيَرْ دَ ذَاكَكِيَايٜىٰ، يَرْجٜىٰجٜىٰنِيَ ڟَكَانِينَ دَكَيْ دَظُرِيَرْكَ دَ ذَاسُذُواْ بَايَنْكَ، ثٜىٰوَ كُواْوَنٜىٰ نَمِجِ عَثِكِنْكُ ذَاعَيِمَسَ كَاثِيَ؞#أَيُّكَنْ 7.8؛ رُوامْ 4.11 11ڢَتَرْ أَذَّكَرِنْكُ ذَاكُ يَنْكٜىٰ، دُواْمِنْ عَلَمَرْ يَرْجٜىٰجٜىٰنِيَ ڟَكَانِينَ دَكُو؞ 12دَغَ نَنْ حَرْ إِيَاكَرْ ڟَارَرَّكِنْكُ، كُواْوَنٜىٰ نَمِجِنْ دَ عَكَ حَيْڢَ عَثِكِنْكُ، دُواْلٜىٰ عَيِمَسَ كَاثِيَ أَ رَانَ تَتَݣُوسْ، كُواْ أَنْحَيْڢٜىٰشِ أَغِدَا نٜىٰ، كُواْ أَنْسَيٜىٰشِ دَ كُطِ دَغَ حَنُّنْ وَنِ بَڧُواْ وَنْدَ بَ نَظُرِيَرْكُبَ؞ 13كُواْوَنٜىٰ نَمِجِنْ دَ عَكَ حَيْڢَ أَغِدَنْكَ دَ وَنْدَ عَكَ سَيَ دَ كُطِ دُواْلٜىٰ عَيِمَسَ كَاثِيَ؞ تَهَكَ عَلَمَرْ يَرْجٜىٰجٜىٰنِيَتَ ذَاتَ كَسَنْثٜىٰ أَجِكِنْكُ، يَرْجٜىٰجٜىٰنِيَ تَهَرْ أَبَدَا كٜىٰنَنْ؞ 14كُواْوَنٜىٰ نَمِجِنْ دَ بَعَيِمَسَ كَاثِيَ بَ، ذَاعَ كَوَرْ دَشِ دَغَ یَنْعُوَنْسَ سَبُواْدَ يَا كَرْيَ يَرْجٜىٰجٜىٰنِيَتَ؞»
15سَيْ اللَّهْ يَثٜىٰ وَ إِبْرَٰهِيمْ «غَمٜىٰ دَ مَاتَرْكَ سَارَيَ، بَذَاكَ كِرَا سُونَنْتَ سَارَيَ بَ، عَمَّا ذَاكَ كِرَا سُونَنْتَ سَارَةُ؞ 16ذَنْ أَلْبَرْكَثٜىٰتَ؞ بَنْدَ حَكَكُمَ ذَنْبَاكَ طَا تَوُرِنْتَ؞ ذَنْ أَلْبَرْكَثٜىٰتَ، ذَاتَ كُوَ ذَمَ مَامَرْ أَلْعُمَّيْ، سَرَاكُنَنْ ڧَبِيلُ كُمَ ذَاسُ ڢِتُواْ دَغَ غَرٜىٰتَ؞» 17سَيْ إِبْرَٰهِيمْ يَرُسُنَ دَ ڢُسْكَرْسَ حَرْ ڧَسَا، يَيِدَارِيَا يَنَ تُنَانِ أَ رَنْسَ «حَرْ ذَاعَ حَيْڢَ وَمَيْ شٜىٰكَرَا طَرِے طَا؟ ذَيْ يِوُ سَارَةُ مَيْ شٜىٰكَرَا ثَسَعِنْ تَحَيْڢِ طَا؟» 18سَيْ إِبْرَٰهِيمْ يَثٜىٰ وَ اللَّهْ «دَمَا دَيْ عَبَرْ إِسْمَٰعِيلُ كَوَيْ يَسَامِ ڢَضٍ جِنِ أَغَبَنْكَ!»
19 اللَّهْ يَاثٜىٰ مَسَ «أَعَ، مَاتَرْكَ سَارَةُ ثٜىٰ ذَاتَ حَيْڢَ مَكَ طَا، ذَاكَ كِرَا سُونَنْسَ إِسْحَٰڧَ؞ ذَنْ كَڢَ يَرْجٜىٰجٜىٰنِيَتَ دَشِ، يَرْجٜىٰجٜىٰنِيَ تَهَرْ أَبَدَا دَشِ دَ ذُرِيَرْسَ دَ ذَاسُذُواْ بَايَنْسَ؞ 20غَ ذَنْثٜىٰنْ إِسْمَٰعِيلُ كُوَ، نَجِكَ؞ شِے مَا ذَنْعَلْبَرْكَثٜىٰ شِ، إِنْسَا يَيَلْوَتَ، إِنْكُمَ سَاشِے دَ ذُرِيَرْسَ سُيِيَوَ سُواْسَيْ؞ ذَيْ ذَمَ بَابَنْ سَرَاكُنَ غُواْمَشَا بِيُ، ذَنْسَا ذُرِيَرْسَ تَذَمَ بَبَّرْ أَلْعُمَّ؞ 21عَمَّا دَ إِسْحَٰڧَ نٜىٰ ذَنْكَڢَ يَرْجٜىٰجٜىٰنِيَتَ، وَتُواْ شِے وَنْدَ سَارَةُ ذَاتَ حَيْڢَ مَكَ شٜىٰكَرَا مَيْ ذُوَا وَرْهَكَ؞» 22سَعَدَّ اللَّهْ يَا غَمَ مَغَنَ دَ إِبْرَٰهِيمْ، سَيْ يَهَوْرَ يَبَرْ إِبْرَٰهِيمْ؞
23إِبْرَٰهِيمْ كُوَ يَا طَوْكِ طَنْسَ إِسْمَٰعِيلُ دَ دُكَنْ بَايِنْ دَ عَكَ حَيْڢَ أَغِدَنْسَ دَ وَطَنْدَ عَكَ سَيٜىٰسُ دَ كُطِنْسَ، يَيِ وَكُواْوَنٜىٰ نَمِجِ نَمُتَنٜىٰنْ غِدَنْسَ كَاثِيَ أَ رَانَرْ نَنْ، بِسَغَ مَغَنَرْ اللَّهْ؞ 24إِبْرَٰهِيمْ يَنَدَ شٜىٰكَرَا ثَسَعِنْ دَ تَرَ سَعَدَّ عَكَيِمَسَ كَاثِيَ؞ 25إِسْمَٰعِيلُ طَنْسَ يَنَدَ شٜىٰكَرَا غُواْمَشَا عُكُ سَعَدَّ عَكَيِمَسَ كَاثِيَ؞ 26أَ رَانَرْ نَنْ عَكَيِ وَ إِبْرَٰهِيمْ دَ طَنْسَ إِسْمَٰعِيلُ كَاثِيَ؞ 27أَنْيِمَسَ كَاثِيَ تَرٜىٰدَ دُكَنْ مَذَنْ غِدَنْسَ دَ وَطَنْدَ عَكَ حَيْڢٜىٰسُ أَغِدَنْ دَ وَطَنْدَ عَكَسَيٜىٰسُ دَكُطِ دَغَ حَنُّنْ وَنِ بَڧُواْ؞
Currently Selected:
ڢَارَوَ 17: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
