ڢَارَوَ 21
21
حَيْڢُوَرْ إِسْحَٰڧَ
1أَنَانً يَهْوٜىٰهْ يَا ظِيَرْثِ سَارَةُ كَمَرْ يَدَّ يَا ڢَطَا، يَا كُوَ ثِكَ أَلْڧَوَرِنْ دَ يَيِمَتَ؞ 2سَارَةُ كُوَ تَايِ ثِكِ، تَا حَيْڢَ وَ إِبْرَٰهِيمْ طَا ثِكِنْ ڟُوڢَرْسَ، أَدَيْدَيْ لُواْكَثِنْ دَ اللَّهْ يَڢَطَا مَسَ؞#إِبْرَ 11.11 3سَيْ إِبْرَٰهِيمْ يَا سَا وَطَنْسَ، وَنْدَ سَارَةُ تَحَيْڢَ مَسَ، سُنَ إِسْحَٰڧَ؞ 4إِبْرَٰهِيمْ يَيِ وَ طَنْسَ إِسْحَٰڧَ كَاثِيَ يَنَدَ ݣُونَ تَݣُوسْ، كَمَرْ يَدَّ اللَّهْ يَعُمَرْثٜىٰشِ؞#ڢَارْ 17.12؛ أَيُّكَنْ 7.8 5إِبْرَٰهِيمْ كُوَ يَنَدَ شٜىٰكَرَا طَرِے سَعَدَّ عَكَ حَيْڢَ مَسَ طَنْسَ إِسْحَٰڧَ؞ 6سَيْ سَارَةُ تَثٜىٰ،
«اللَّهْيَا سَا نَيِدَارِيَا؞#21.6 دَارِيَا: دَ إِبْرَانِيَنْثِ مَعَنَرْ سُونَنَّنْ إِسْحَٰڧَ عِتَثٜىٰ يَيِدَارِيَا؞
دُكْ وَنْدَ يَجِ، ذَيْ يِدَارِيَا تَرٜىٰدَنِ؞
7دَا وَ ذَيْ عِيَثٜىٰ وَ إِبْرَٰهِيمْ
سَارَةُ ذَاتَبَا یَیَ نُواْنُواْ؟
عَمَّا غَاشِ نَحَيْڢَ مَسَ طَا أَڟُوڢَرْسَ!»
8يَرُوانْ كُوَ يَيِغِرْمَ؞ رَانَرْ دَ ذَاعَ يَيٜىٰشِ، إِبْرَٰهِيمْ يَيِ بَبَّنْ بِكِ سُواْسَيْ؞
أَنْكُواْرِ هَجٜىٰرَتُ دَ طَنْتَ إِسْمَٰعِيلُ
9وَتَرَانَ سَارَةُ تَاغَ إِسْمَٰعِيلُ، طَنْ هَجٜىٰرَتُ یَرْ ڧَسَرْ مَصَرْ، يَنَ وَ طَنْتَ إِسْحَٰڧَ دَارِيَارْ رٜىٰنِ؞ 10سَيْ تَثٜىٰ وَ إِبْرَٰهِيمْ «كَكُواْرِ وَنَّنْ بَيْوَ دَ طَنْتَ، غَمَا طَنْ بَيْوَرْ نَنْ بَذَيْ غَاجٜىٰكَ تَرٜىٰدَ طَانَبَ؞»#غَلْ 4.29-30 11وَنَّنْ أَبِنْ يَا دَمِ إِبْرَٰهِيمْ سُواْسَيْ، سَبُواْدَ إِسْمَٰعِيلُ مَا طَنْسَ نٜىٰ؞ 12عَمَّا اللَّهْ يَاثٜىٰ وَ إِبْرَٰهِيمْ «كَدَ كَدَامُ سَبُواْدَ يَرُوانْ دَ كُمَ بَيْوَرْكَ؞ كَسَوْرَرِ سَارَةُ، كَيِ دُكْ أَبِنْدَ تَڢَطَا مَكَ، غَمَا تَوُرِنْ إِسْحَٰڧَ نٜىٰ ذَاعَ لِسَّڢْتَا ذُرِيَرْكَ؞#رُوامْ 9.7؛ إِبْرَ 11.18 13غَمٜىٰ دَ يَرُوانْ بَيْوَرْكَ طِنَّنْ، ذَنْ كُمَ كَڢَ أَلْعُمَّ تَوُرِنْسَ، غَمَا شِيمَا ذُرِيَرْكَ نٜىٰ؞»
14سَيْ إِبْرَٰهِيمْ يَتَاشِ دَ سَسَّڢٜىٰ، يَا طَوْكِ غُرَاسَ دَ سَلْكَرْ ضُوَ، يَا بَا هَجٜىٰرَتُ، يَا سَامَتَ عَكَڢَطَرْتَ؞ سَيْ يَبَاتَ طَنْتَ، يَسَلَّمٜىٰتَ؞ تَا تَڢِے تَايِتَيَٰوُاْ ثِكِنْ دَاجِنْ بٜىٰيٜىٰرْشٜىٰبَ؞ 15سَعَدَّ ضُوً سَلْكَرْ يَڧَارٜىٰ، سَيْ تَبَرْ يَرُوانْ عَڧَرْڧَشِنْ وَنِ ڧَرَمِنْ إِتَاثٜىٰ؞ 16سَيْ تَتَڢِے، تَذَوْنَ طَنْ نِيسَ دَ يَرُوانْ، مِصَالِنْ نِيسَنْ هَرْبِنْ كِبِيَرْ بَكَ، غَمَا تَاثٜىٰ أَ رَنْتَ بَاتَسُواْ تَغَ مُتُوَرْ يَرُوانْ؞ دَ تَذَوْنَ نٜىٰسَ دَ يَرُوانْ، سَيْ تَڢَشٜىٰ دَ كُوكَا تَنَ هَوَيٜىٰ؞
17 اللَّهْ كُوَ يَاجِ يَرُوانْ يَنَ كُوكَا، سَيْ مَلاَىِٕكَنْ اللَّهْ يَا كِرَا هَجٜىٰرَتُ دَغَ سَمَ يَثٜىٰ «مٜىٰيَكٜىٰ دَامُنْكِ، هَجٜىٰرَتُ؟ كَدَ كِجِڟُواْرُواْ، غَمَا اللَّهْ يَا جِ مُرْيَرْ يَرُوانْ أَ عِنْدَ يَكٜىٰ؞ 18تَاشِ، كِطَوْكِ يَرُوانْ، كِضُنْغُمٜىٰشِ دَ حَنُّوَنْكِ، غَمَا ذَنْسَا يَذَمَ بَبَّرْ أَلْعُمَّ؞» 19سَعَنً اللَّهْ يَا بُوطٜىٰ مَتَ إِدَانُو، سَيْ تَغَ وَتَ رِجِيَ مَيْ ضُوَ؞ سَيْ تَتَڢِے تَثِكَ سَلْكَرْتَ دَ ضُوً، تَكُمَ بَا يَرُوانْ يَشَا؞ 20اللَّهْ كُوَ يَنَ تَرٜىٰدَ يَرُوانْ؞ يَرُوانْ يَيِ غِرْمَ، يَا ذَوْنَ أَدَاجِنْدَ بَا كُواْوَ، يَا كُمَ ذَمَ ڠُونِنْ هَرْبِنْ بَكَ؞ 21يَا ذَوْنَ أَدَاجِنْ دَ بَا كُواْوَ نَ ڢَرَنْ؞ مَامَرْسَ كُمَ تَا عَوْرُواْ مَسَ مَاتَ دَغَ ڧَسَرْ مَصَرْ؞
يَرْجٜىٰجٜىٰنِيَرْ إِبْرَٰهِيمْ دَ أَبِمٜىٰلٜىٰكْ أَ بٜىٰيٜىٰرْشٜىٰبَ
22أَ لُواْكَثِنْ، سَرْكِے أَبِمٜىٰلٜىٰكْ تَرٜىٰدَ ڢِيكُوالْ شُوغَبَنْ سُواْجُواْجِنْسَ يَا جٜىٰ وُرِنْ إِبْرَٰهِيمْ يَثٜىٰ مَسَ «مُنْ لُورَ ثٜىٰوَ اللَّهْ يَنَ تَرٜىٰدَكَيْ عَثِكِنْ دُكَنْ كُواْمٜىٰ؞ 23سَبُواْدَ حَكَ يَنْذُ، كَرَنْڟٜىٰ مِنِ دَ سُونَنْ اللَّهْ ثٜىٰوَ بَذَاكَ ثُوثٜىٰنِ، كُواْ یَیَنَ، كُواْ ذُرِيَتَابَ؞ كَيِمَنَ أَلْحٜىٰرِ دَنِے دَ ڧَسَاتَ عِنْدَ كَكٜىٰ ذَمَنْ بَڧُنْثِ، كَمَرْ يَدَّ نَ نُونَ مَكَ أَلْحٜىٰرِ؞»
24سَيْ إِبْرَٰهِيمْ يَثٜىٰ «نَا ضَنْڟٜىٰ!»
25سَيْ إِبْرَٰهِيمْ يَكَٰوُاْ كُوكَا وُرِنْ أَبِمٜىٰلٜىٰكْ عَكَنْ رِجِيَ مَيْ ضُوَ وَنْدَ دَا مَاسُ حِدِمَرْ أَبِمٜىٰلٜىٰكْ سُكَ ڨُوثٜىٰ؞ 26أَبِمٜىٰلٜىٰكْ كُوَ يَاثٜىٰ «بَنْ سَنْ وَنْدَ يَيِ وَنَّنْ أَبُ بَ، بَكَڢَطَا مِنِبَ، بَنْ كُمَ تَٻَجِبَ سَيْ يَوْ؞» 27سَيْ إِبْرَٰهِيمْ يَا طَوْكِ تُمَكِ دَ شَانُنْ نُواْمَ يَا بَا أَبِمٜىٰلٜىٰكْ، سَيْ سُو بِيُنْ سُكَيِ يَرْجٜىٰجٜىٰنِيَ دَ جُونَ؞ 28إِبْرَٰهِيمْ يَا وَارٜىٰ یَنْ تُمَكِ بَݣَويْ دَغَ ثِكِنْ غَرْكٜىٰ؞ 29سَيْ أَبِمٜىٰلٜىٰكْ يَثٜىٰ وَ إِبْرَٰهِيمْ «مٜىٰكَكٜىٰ نُڢِ دَ كَوَارٜىٰ یَنْ تُمَكِ بَݣَويْ طِنَّنْ؟»
30إِبْرَٰهِيمْ يَا ثٜىٰ «كَكَرْٻِ وَطَنَّنْ یَنْ تُمَكِ بَݣَويْ، دُواْمِنْ سُذَمَ شَيْدَ أَغَرٜىٰنِ ثٜىٰوَ نِے نَاحَڧَ رِجِيَرْ نَنْ؞» 31دُواْمِنْ حَكَ عَكَ كِرَا وَنَّنْ وُرِے بٜىٰيٜىٰرْشٜىٰبَ، دُواْمِنْ عَثَنْ نٜىٰ سُو بِيُ سُكَيِ ضَنْڟُوَا؞
32سَعَدَّ سُكَ كَمَّلَ يِنْ ضَنْڟُوَارْ أَ بٜىٰيٜىٰرْشٜىٰبَ، سَيْ أَبِمٜىٰلٜىٰكْ دَ ڢِيكُوالْ شُوغَبَنْ سُواْجُواْجِنْسَ، سُكَتَاشِ سُكَ كُواْمَ ڧَسَرْ ڢِلِسْتِيَاوَا؞ 33سَيْ إِبْرَٰهِيمْ يَشُوكَ إِتَاثٜىٰنْ ڟَاڢِ أَ بٜىٰيٜىٰرْشٜىٰبَ، أَوُرِنْ يَيِكِرَا غَ سُونَنْ يَهْوٜىٰهْ اللَّهْ مَدَوَّمِ ثِكِنْ سُجَّدَ؞ 34إِبْرَٰهِيمْ كُوَ يَيِذَمَنْ بَڧُنْثِ عَيَنْكِنْ ڧَسَرْ ڢِلِسْتِيَاوَا نَدُواْغُوانْ لُواْكَثِ؞
Currently Selected:
ڢَارَوَ 21: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
