ڢَارَوَ 35
35
يَعْڧُوبَ يَا كُواْمَ بٜىٰتٜىٰلْ عِنْدَ اللَّهْ يَأَلْبَرْكَثٜىٰشِ
1سَيْ اللَّهْ يَثٜىٰ وَ يَعْڧُوبَ «كَتَاشِ كَتَڢِے بٜىٰتٜىٰلْ كَذَوْنَ أَوُرِنْ؞ سَيْ كَغِنَ بَغَدٜىٰ غَ اللَّهْ وَنْدَ يَبَيَّنَ غَرٜىٰكَ سَعَدَّ كَكٜىٰ غُدُ دَغَ طَنْعُوَنْكَ إِسُوَ؞»#ڢَارْ 28.11-17
2سَيْ يَعْڧُوبَ يَثٜىٰ وَ عِيَلِنْسَ دَ دُكْ وَطَنْدَ سُكٜىٰ تَرٜىٰ دَشِ «كُواْوَ يَكَوَرْدَ غُمَكَنْ أَلُّواْلِنْ ڧَبِيلُنْ دَسُكٜىٰ وُرِنْكُ، كُڟَبْتَثٜىٰ كَنْكُ كُثَنْجَ رِيغُنَنْكُ؞ 3سَعَنً مُتَاشِ مُهَوْرَ ذُوَا بٜىٰتٜىٰلْ، دُواْمِنْ إِنْ غِنَا بَغَدٜىٰ أَوُرِنْ غَ اللَّهْ وَنْدَ يَأَمْسَ أَدُّعَتَ أَ رَانَرْ دَ نَكٜىٰ ثِكِنْ دَامُوَ، وَنْدَ كُمَ يَكَسَنْثٜىٰ تَرٜىٰدَنِ دُكْ عِنْدَ نَتَڢِے؞» 4دُكَنْسُ كُوَ سُكَبَا يَعْڧُوبَ دُكَنْ غُمَكَنْ أَلُّواْلِنْ ڧَبِيلُنْ دَسُكٜىٰ أَ حَنُّوَنْسُ دَ ذُواْبٜىٰنْ دَسُكٜىٰ عَكُنُّوَنْسُ؞ يَعْڧُوبَ يَبِنّٜىٰسُ عَڧَرْڧَشِنْ إِتَاثٜىٰنْ ڟَاڢِ وَنْدَ يَكٜىٰ كُسَدَ شٜىٰكٜىٰمْ؞
5سَعَدَّ سُكٜىٰ ثِيغَبَدَ تَڢِيَ، سَيْ بَبَّنْ ڟُواْرُواْ دَغَ وُرِنْ اللَّهْ يَڢَاطُواْوَ دُكَنْ غَرُضُوً دَسُكٜىٰ كٜىٰوَيٜىٰ دَسُو؞ مُتَنٜىٰنْ غَرُضُوً كُوَ بَسُ نٜىٰمَ سُيِ ڢَطَ دَ يَعْڧُوبَ دَ یَیَنْسَبَ؞ 6يَعْڧُوبَ كُوَ يَ إِسُواْ تَرٜىٰدَ دُكَنْ مُتَنٜىٰنْسَ أَ لُظْ، وَتُواْ بٜىٰتٜىٰلْ، نَڧَسَرْ كَنْعَنَ؞ 7أَوُرِنْ يَغِنَ بَغَدٜىٰ، يَكِرَا وُرِنْ دَ سُونَ عٜىٰلْ بٜىٰتٜىٰلْ، وَتُواْ اللَّهْ نَ بٜىٰتٜىٰلْ، غَمَا أَوُرِنْ نٜىٰ اللَّهْ يَبَيَّنَ كَنْسَ غَرٜىٰشِ، لُواْكَثِنْ دَيَكٜىٰ غُدُ دَغَ ڢُسْكَرْ طَنْعُوَنْسَ؞
8أَ نَنْ دٜىٰبُواْرَ، ڟُواْهُوَرْ مَاتَرْ نَنْ دَ تَيِ غُواْيُوانْ رِڢْكَتُ، تَا مُتُ، سَيْ عَكَ بِنّٜىٰتَ عَڧَرْڧَشِنْ إِتَاثٜىٰنْ ڟَاڢِ؞ سَبُواْدَ حَكَ عَكَ كِرَا سُونَنْ إِتَاثٜىٰنْ «إِتَاثٜىٰنْ ڟَاڢِ نَكُوكَا»؞
9 اللَّهْ كُمَ يَا سَاكٜىٰ بَيَّنَ غَ يَعْڧُوبَ سَعَدَّ يَدَاوُاْ دَغَ ڢَدَّنْ أَرَمْ؞ اللَّهْ يَا سَا مَسَ أَلْبَرْكَ؞ 10اللَّهْ كُوَ يَثٜىٰ مَسَ «سُونَنْكَ يَعْڧُوبَ نٜىٰ، عَمَّا دَغَ يَنْذُ بَذَاعَ ڧَارَ كِرَا سُونَنْكَ يَعْڧُوبَ بَ، عَمَّا إِسْرَٰٓءِيلَ؞» سَبُواْدَ حَكَ عَكَ كِرَا سُونَنْسَ إِسْرَٰٓءِيلَ؞#ڢَارْ 32.28 11اللَّهْ يَثٜىٰ «نِنٜىٰ اللَّهْ مَيْ إِيكُواْ دُكَ؞ كَيِ تَحَيْڢُوَ سُواْسَيْ كَيَلْوَتَ؞ أَلْعُمَّ دَ تَارُوانْ أَلْعُمَّيْ ذَاسُ ڢِتُواْ دَغَ غَرٜىٰكَ؞ سَرَاكُنَ كُمَ ذَاسُ ڢِتُواْ دَغَ ذُرِيَرْكَ؞#ڢَارْ 17.4-8 12ڧَسَرْدَ نَبَا إِبْرَٰهِيمْ دَ إِسْحَٰڧَ، ذَنْبَاكَ عِتَ، كُمَ غَ ذُرِيَرْكَ ذَنْبَادَ ڧَسَرْ؞» 13سَعَنً اللَّهْ يَهَوْ يَبَرْ شِ عِنْدَ يَيِ مَغَنَ دَشِ؞ 14سَيْ يَعْڧُوبَ يَتَادَ دُوڟٜىٰنْ تُنَاوَا أَوُرِنْ دَ اللَّهْ يَيِ مَغَنَ دَشِ؞ يَظُبَ مَسَ هَدَايَ تَأَبِنْ شَا دَ كُمَ مَنْ ظَيْتُنْ؞#ڢَارْ 28.18-19 15سَيْ يَعْڧُوبَ يَكِرَا سُونَنْ وُرِنْ دَ اللَّهْ يَيِ مَغَنَ دَشِ بٜىٰتٜىٰلْ؞
حَيْڢُوَرْ بِلِيَامِنُ دَ مُتُوَرْ رَحِيلَةُ
16سَيْ سُكَ ثِيغَبَدَ تَڢِيَ دَغَ بٜىٰتٜىٰلْ، تُنْ سُنَ طَنْ نِيسَ دَ عٜىٰڢْرَتَ، سَيْ لُواْكَثِنْ حَيْڢُوَ يَظُواْوَ رَحِيلَةُ؞ تَا كُوَ شَا وَهَلَ ثِكِنْ ذَاڢِنْ حَيْڢُوَ؞ 17سَعَدَّ تَكٜىٰ ثِكِنْ ذَاڢِنْ حَيْڢُوَ، سَيْ مَثٜىٰ مَيْ كَرْٻَرْ حَيْڢُوَ تَثٜىٰمَتَ «كَدَ كِجِڟُواْرُواْ، غَمَا يَنْذُ كِنْ سَامِ وَنِ طَا؞» 18عَمَّا يَايِنْ دَ رَنْتَ يَكٜىٰ ڢِتُواْوَ، كَاڢِنْ تَمُتُ، سَيْ تَكِرَا شِ بٜىٰنُواْنِ،#35.18 بٜىٰنُواْنِ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ طَا نَوَهَلَتَ؞ عَمَّا بَابَنْ يَا كِرَا سُونَنْسَ بِلِيَامِنُ؞#35.18 بِلِيَامِنُ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ طَا نَهَنُّنْ دَامَ؞
19سَيْ رَحِيلَةُ تَمُتُ، عَكَ بِنّٜىٰتَ أَ حَنْيَ ذُوَا عٜىٰڢْرَتَ، وَتُواْ بَيْتَلَحْمِ كٜىٰنَنْ؞ 20يَعْڧُوبَ كُوَ يَا تَادَ دُوڟٜىٰنْ تُنَاوَا بِسَ كَبَرِنْتَ؞ وَنَّنْ نٜىٰ دُوڟٜىٰنْ تُنَاوَا نَكَبَرِنْ رَحِيلَةُ، وَنْدَ يَكٜىٰ وُرِنْ هَرْوَيَوْ؞ 21سَعَنً إِسْرَٰٓءِيلَ يَثِيغَبَدَ تَڢِيَ؞ يَكَڢَ تٜىٰنْتِنْسَ عَڧٜىٰتَرٜىٰنْ غِنِ مَيْ ڟَوُاْ نَمَكِيَايَ أَ عٜىٰدٜىٰرْ؞
22سَعَدَّ إِسْرَٰٓءِيلَ يَكٜىٰ ذَمَ عَڧَسَرْ، سَيْ رَعُبَيْنُ طَنْ ڢَارِنْسَ يَشِغَ يَݣُونَ دَ بِلْهَ، مَثٜىٰنْ دَ بَابَنْسَ إِسْرَٰٓءِيلَ يَ أَجِيٜىٰ؞ إِسْرَٰٓءِيلَ كُوَ يَاجِ لَابَرِنْ؞
یَیَ مَظَا نَ يَعْڧُوبَ
﴿1 تَارْ 2.1-2﴾
يَعْڧُوبَ يَنَدَ یَیَ مَظَا غُواْمَشَا بِيُ؞
23یَیَ مَظَا نَ لَيْعَتُ سُونٜىٰ رَعُبَيْنُ طَنْ ڢَضٍ يَعْڧُوبَ دَ سِمٜىٰيُوانْ، دَ لَوِ دَ يَهُودَ دَ إِسَّكَرْ دَ كُمَ ظٜىٰبُلُنْ؞
24یَیَ مَظَا نَ رَحِيلَةُ سُونٜىٰ يُوسُڢَ دَ بِلِيَامِنُ؞
25یَیَ مَظَا نَ بِلْهَ بَيْوَرْ رَحِيلَةُ سُونٜىٰ دَنْ دَ نَڢْتَلِ؞
26یَیَ مَظَا نَ ظِلْڢَ بَيْوَرْ لَيْعَتُ سُونٜىٰ غَدْ دَ أَشٜىٰرْ؞
وَطَنَّنْ نٜىٰ یَیَ مَظَا نَ يَعْڧُوبَ وَطَنْدَ عَكَ حَيْڢَ مَسَ أَ ڢَدَّنْ أَرَمْ؞
مُتُوَرْ إِسْحَٰڧَ
27يَعْڧُوبَ يَا تَڢِے وُرِنْ بَابَنْسَ إِسْحَٰڧَ أَ مَمْرٜىٰ كُسَدَ كِرِيَتْ أَرْبَ، وَتُواْ هٜىٰبْرُوانْ، عِنْدَ إِبْرَٰهِيمْ دَ إِسْحَٰڧَ سُكَ ذَوْنَ دَا؞#ڢَارْ 13.18 28ݣُونَكِنْ إِسْحَٰڧَ كُوَ شٜىٰكَرَا ثٜىٰ طَرِے دَ تَمَٰنِنْ؞ 29سَيْ إِسْحَٰڧَ يَجَا نُمْڢَشِنْسَ نَڧَرْشٜىٰ، يَمُتُ ثِكِنْ ڟُوڢَ سُواْسَيْ، يَكُواْمَ غَ كَاكَنِّنْسَ؞ یَیَنْسَ مَظَا، وَتُواْ إِسُوَ دَ يَعْڧُوبَ، سُكَ بِنّٜىٰشِ؞
Currently Selected:
ڢَارَوَ 35: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
ڢَارَوَ 35
35
يَعْڧُوبَ يَا كُواْمَ بٜىٰتٜىٰلْ عِنْدَ اللَّهْ يَأَلْبَرْكَثٜىٰشِ
1سَيْ اللَّهْ يَثٜىٰ وَ يَعْڧُوبَ «كَتَاشِ كَتَڢِے بٜىٰتٜىٰلْ كَذَوْنَ أَوُرِنْ؞ سَيْ كَغِنَ بَغَدٜىٰ غَ اللَّهْ وَنْدَ يَبَيَّنَ غَرٜىٰكَ سَعَدَّ كَكٜىٰ غُدُ دَغَ طَنْعُوَنْكَ إِسُوَ؞»#ڢَارْ 28.11-17
2سَيْ يَعْڧُوبَ يَثٜىٰ وَ عِيَلِنْسَ دَ دُكْ وَطَنْدَ سُكٜىٰ تَرٜىٰ دَشِ «كُواْوَ يَكَوَرْدَ غُمَكَنْ أَلُّواْلِنْ ڧَبِيلُنْ دَسُكٜىٰ وُرِنْكُ، كُڟَبْتَثٜىٰ كَنْكُ كُثَنْجَ رِيغُنَنْكُ؞ 3سَعَنً مُتَاشِ مُهَوْرَ ذُوَا بٜىٰتٜىٰلْ، دُواْمِنْ إِنْ غِنَا بَغَدٜىٰ أَوُرِنْ غَ اللَّهْ وَنْدَ يَأَمْسَ أَدُّعَتَ أَ رَانَرْ دَ نَكٜىٰ ثِكِنْ دَامُوَ، وَنْدَ كُمَ يَكَسَنْثٜىٰ تَرٜىٰدَنِ دُكْ عِنْدَ نَتَڢِے؞» 4دُكَنْسُ كُوَ سُكَبَا يَعْڧُوبَ دُكَنْ غُمَكَنْ أَلُّواْلِنْ ڧَبِيلُنْ دَسُكٜىٰ أَ حَنُّوَنْسُ دَ ذُواْبٜىٰنْ دَسُكٜىٰ عَكُنُّوَنْسُ؞ يَعْڧُوبَ يَبِنّٜىٰسُ عَڧَرْڧَشِنْ إِتَاثٜىٰنْ ڟَاڢِ وَنْدَ يَكٜىٰ كُسَدَ شٜىٰكٜىٰمْ؞
5سَعَدَّ سُكٜىٰ ثِيغَبَدَ تَڢِيَ، سَيْ بَبَّنْ ڟُواْرُواْ دَغَ وُرِنْ اللَّهْ يَڢَاطُواْوَ دُكَنْ غَرُضُوً دَسُكٜىٰ كٜىٰوَيٜىٰ دَسُو؞ مُتَنٜىٰنْ غَرُضُوً كُوَ بَسُ نٜىٰمَ سُيِ ڢَطَ دَ يَعْڧُوبَ دَ یَیَنْسَبَ؞ 6يَعْڧُوبَ كُوَ يَ إِسُواْ تَرٜىٰدَ دُكَنْ مُتَنٜىٰنْسَ أَ لُظْ، وَتُواْ بٜىٰتٜىٰلْ، نَڧَسَرْ كَنْعَنَ؞ 7أَوُرِنْ يَغِنَ بَغَدٜىٰ، يَكِرَا وُرِنْ دَ سُونَ عٜىٰلْ بٜىٰتٜىٰلْ، وَتُواْ اللَّهْ نَ بٜىٰتٜىٰلْ، غَمَا أَوُرِنْ نٜىٰ اللَّهْ يَبَيَّنَ كَنْسَ غَرٜىٰشِ، لُواْكَثِنْ دَيَكٜىٰ غُدُ دَغَ ڢُسْكَرْ طَنْعُوَنْسَ؞
8أَ نَنْ دٜىٰبُواْرَ، ڟُواْهُوَرْ مَاتَرْ نَنْ دَ تَيِ غُواْيُوانْ رِڢْكَتُ، تَا مُتُ، سَيْ عَكَ بِنّٜىٰتَ عَڧَرْڧَشِنْ إِتَاثٜىٰنْ ڟَاڢِ؞ سَبُواْدَ حَكَ عَكَ كِرَا سُونَنْ إِتَاثٜىٰنْ «إِتَاثٜىٰنْ ڟَاڢِ نَكُوكَا»؞
9 اللَّهْ كُمَ يَا سَاكٜىٰ بَيَّنَ غَ يَعْڧُوبَ سَعَدَّ يَدَاوُاْ دَغَ ڢَدَّنْ أَرَمْ؞ اللَّهْ يَا سَا مَسَ أَلْبَرْكَ؞ 10اللَّهْ كُوَ يَثٜىٰ مَسَ «سُونَنْكَ يَعْڧُوبَ نٜىٰ، عَمَّا دَغَ يَنْذُ بَذَاعَ ڧَارَ كِرَا سُونَنْكَ يَعْڧُوبَ بَ، عَمَّا إِسْرَٰٓءِيلَ؞» سَبُواْدَ حَكَ عَكَ كِرَا سُونَنْسَ إِسْرَٰٓءِيلَ؞#ڢَارْ 32.28 11اللَّهْ يَثٜىٰ «نِنٜىٰ اللَّهْ مَيْ إِيكُواْ دُكَ؞ كَيِ تَحَيْڢُوَ سُواْسَيْ كَيَلْوَتَ؞ أَلْعُمَّ دَ تَارُوانْ أَلْعُمَّيْ ذَاسُ ڢِتُواْ دَغَ غَرٜىٰكَ؞ سَرَاكُنَ كُمَ ذَاسُ ڢِتُواْ دَغَ ذُرِيَرْكَ؞#ڢَارْ 17.4-8 12ڧَسَرْدَ نَبَا إِبْرَٰهِيمْ دَ إِسْحَٰڧَ، ذَنْبَاكَ عِتَ، كُمَ غَ ذُرِيَرْكَ ذَنْبَادَ ڧَسَرْ؞» 13سَعَنً اللَّهْ يَهَوْ يَبَرْ شِ عِنْدَ يَيِ مَغَنَ دَشِ؞ 14سَيْ يَعْڧُوبَ يَتَادَ دُوڟٜىٰنْ تُنَاوَا أَوُرِنْ دَ اللَّهْ يَيِ مَغَنَ دَشِ؞ يَظُبَ مَسَ هَدَايَ تَأَبِنْ شَا دَ كُمَ مَنْ ظَيْتُنْ؞#ڢَارْ 28.18-19 15سَيْ يَعْڧُوبَ يَكِرَا سُونَنْ وُرِنْ دَ اللَّهْ يَيِ مَغَنَ دَشِ بٜىٰتٜىٰلْ؞
حَيْڢُوَرْ بِلِيَامِنُ دَ مُتُوَرْ رَحِيلَةُ
16سَيْ سُكَ ثِيغَبَدَ تَڢِيَ دَغَ بٜىٰتٜىٰلْ، تُنْ سُنَ طَنْ نِيسَ دَ عٜىٰڢْرَتَ، سَيْ لُواْكَثِنْ حَيْڢُوَ يَظُواْوَ رَحِيلَةُ؞ تَا كُوَ شَا وَهَلَ ثِكِنْ ذَاڢِنْ حَيْڢُوَ؞ 17سَعَدَّ تَكٜىٰ ثِكِنْ ذَاڢِنْ حَيْڢُوَ، سَيْ مَثٜىٰ مَيْ كَرْٻَرْ حَيْڢُوَ تَثٜىٰمَتَ «كَدَ كِجِڟُواْرُواْ، غَمَا يَنْذُ كِنْ سَامِ وَنِ طَا؞» 18عَمَّا يَايِنْ دَ رَنْتَ يَكٜىٰ ڢِتُواْوَ، كَاڢِنْ تَمُتُ، سَيْ تَكِرَا شِ بٜىٰنُواْنِ،#35.18 بٜىٰنُواْنِ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ طَا نَوَهَلَتَ؞ عَمَّا بَابَنْ يَا كِرَا سُونَنْسَ بِلِيَامِنُ؞#35.18 بِلِيَامِنُ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ طَا نَهَنُّنْ دَامَ؞
19سَيْ رَحِيلَةُ تَمُتُ، عَكَ بِنّٜىٰتَ أَ حَنْيَ ذُوَا عٜىٰڢْرَتَ، وَتُواْ بَيْتَلَحْمِ كٜىٰنَنْ؞ 20يَعْڧُوبَ كُوَ يَا تَادَ دُوڟٜىٰنْ تُنَاوَا بِسَ كَبَرِنْتَ؞ وَنَّنْ نٜىٰ دُوڟٜىٰنْ تُنَاوَا نَكَبَرِنْ رَحِيلَةُ، وَنْدَ يَكٜىٰ وُرِنْ هَرْوَيَوْ؞ 21سَعَنً إِسْرَٰٓءِيلَ يَثِيغَبَدَ تَڢِيَ؞ يَكَڢَ تٜىٰنْتِنْسَ عَڧٜىٰتَرٜىٰنْ غِنِ مَيْ ڟَوُاْ نَمَكِيَايَ أَ عٜىٰدٜىٰرْ؞
22سَعَدَّ إِسْرَٰٓءِيلَ يَكٜىٰ ذَمَ عَڧَسَرْ، سَيْ رَعُبَيْنُ طَنْ ڢَارِنْسَ يَشِغَ يَݣُونَ دَ بِلْهَ، مَثٜىٰنْ دَ بَابَنْسَ إِسْرَٰٓءِيلَ يَ أَجِيٜىٰ؞ إِسْرَٰٓءِيلَ كُوَ يَاجِ لَابَرِنْ؞
یَیَ مَظَا نَ يَعْڧُوبَ
﴿1 تَارْ 2.1-2﴾
يَعْڧُوبَ يَنَدَ یَیَ مَظَا غُواْمَشَا بِيُ؞
23یَیَ مَظَا نَ لَيْعَتُ سُونٜىٰ رَعُبَيْنُ طَنْ ڢَضٍ يَعْڧُوبَ دَ سِمٜىٰيُوانْ، دَ لَوِ دَ يَهُودَ دَ إِسَّكَرْ دَ كُمَ ظٜىٰبُلُنْ؞
24یَیَ مَظَا نَ رَحِيلَةُ سُونٜىٰ يُوسُڢَ دَ بِلِيَامِنُ؞
25یَیَ مَظَا نَ بِلْهَ بَيْوَرْ رَحِيلَةُ سُونٜىٰ دَنْ دَ نَڢْتَلِ؞
26یَیَ مَظَا نَ ظِلْڢَ بَيْوَرْ لَيْعَتُ سُونٜىٰ غَدْ دَ أَشٜىٰرْ؞
وَطَنَّنْ نٜىٰ یَیَ مَظَا نَ يَعْڧُوبَ وَطَنْدَ عَكَ حَيْڢَ مَسَ أَ ڢَدَّنْ أَرَمْ؞
مُتُوَرْ إِسْحَٰڧَ
27يَعْڧُوبَ يَا تَڢِے وُرِنْ بَابَنْسَ إِسْحَٰڧَ أَ مَمْرٜىٰ كُسَدَ كِرِيَتْ أَرْبَ، وَتُواْ هٜىٰبْرُوانْ، عِنْدَ إِبْرَٰهِيمْ دَ إِسْحَٰڧَ سُكَ ذَوْنَ دَا؞#ڢَارْ 13.18 28ݣُونَكِنْ إِسْحَٰڧَ كُوَ شٜىٰكَرَا ثٜىٰ طَرِے دَ تَمَٰنِنْ؞ 29سَيْ إِسْحَٰڧَ يَجَا نُمْڢَشِنْسَ نَڧَرْشٜىٰ، يَمُتُ ثِكِنْ ڟُوڢَ سُواْسَيْ، يَكُواْمَ غَ كَاكَنِّنْسَ؞ یَیَنْسَ مَظَا، وَتُواْ إِسُوَ دَ يَعْڧُوبَ، سُكَ بِنّٜىٰشِ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020