يَحْيَى 9
9
عِيسَىٰ يَوَرْكَرْدَ وَنْدَ عَكَ حَيْڢَ مَكَهُواْ
1 عِيسَىٰ يَنَ وُثٜىٰوَ كٜىٰنَنْ، سَيْ يَغَ وَنِ مُتُمْ وَنْدَ تُنْ حَيْڢُوَرْسَ مَكَهُواْ نٜىٰ؞ 2سَيْ أَلْمَجِرَنْسَ سُكَ تَمْبَيٜىٰشِ سُكَثٜىٰ «مَلَمْ، ذُنُوبِنْ وَنٜىٰنٜىٰ يَسَا أَنْحَيْڢِ وَنَّنْ مُتُمْ مَكَهُواْ؟ ذُنُوبِنْسَ نٜىٰ، كُواْ ذُنُوبِنْ إِيَايٜىٰنْسَ؟»
3 عِيسَىٰ يَأَمْسَ يَثٜىٰ «بَا وَيْ سَبُواْدَ مُتُمِنَّنْ كُواْ إِيَايٜىٰنْسَ سُنْيِ ذُنُوبِ بَنٜىٰ، عَمَّا أَنْحَيْڢٜىٰشِ مَكَهُواْ نٜىٰ دُواْمِنْ أَ نُونَ إِيكُوانْ عَيْكِنْ اللَّهْ عَكَنْسَ؞ 4دُواْلٜىٰنٜىٰ مُثِيغَبَدَ يِنْ عَيْكِنْ وَنْدَ يَعَيْكُواْ نِے تُنْدَ سَوْرَنْ رَانَ؞ أَيْ دَرٜىٰ يأَنَانً ذُوَا، أَ لُواْكَثِنْ دَ بَاوَنْدَ ذَيْ عِيَ عَيْكِ؞ 5مُدِّنْ إِنَانَنْ عَدُونِيَا، نِنٜىٰ حَصْكٜىٰنْ دُونِيَا؞»#مَتْ 5.14؛ يَحـ 8.12
6دَ يَڢَطِ حَكَ سَيْ يَتُواْڢَ مِيَوْ عَڧَسَا، يَݣُوٻَ ڧَسَا دَشِ، سَيْ يَطٜىٰبِے ڧَسَرْ نَنْدَ يَݣُوٻَ، يَشَاڢَ أَعِدَانُنْ مُتُمِنْ؞ 7يَثٜىٰ وَمُتُمِنْ «جٜىٰكَ، كَوَنْكٜىٰ عِدُواْ أَ ضُوً تَڢْكِنْ سِلُوَمْ؞» وَنَّنْ كَلْمَ كُوَ تَنَ نُڢِنْ «عَيْكَ»؞ سَيْ مُتُمِنْ يَجٜىٰ يَوَنْكٜىٰ عِدُواْ، يَدَاوُاْ عِدَنُونْسَ سُنَ غَنِ؞
8مَڨُوبْتَنْسَ دَ وَطَنْدَ سُكَ سَابَا غَنِنْسَ يَنَ بَرَ أَدَا، سُكَثٜىٰ «أَشٜىٰ، بَوَنَّنْ نٜىٰ يَكَنْ ذَوْنَ يَنَ بَرَبَ؟» 9وَطَنْسُ سُكَثٜىٰ «شِينٜىٰ مَنَ؞»
وَطَنْسُ كُوَ سُكَثٜىٰ «أَعَ، سُنْ دَيْ يِكَمَ نٜىٰ كَوَيْ؞»
عَمَّا مُتُمِنْ دَ كَنْسَ يَثٜىٰ «أَيْ، نِنٜىٰ مُتُمِنْ؞»
10سَيْ سُكَ تَمْبَيٜىٰشِ سُكَثٜىٰ «تُواْ، يَيَ عَكَيِ عِدَنُونْكَ سُكَ بُوطٜىٰ؟»
11يَأَمْسَ يَثٜىٰ «مُتُمِنَّنْ دَ عَكٜىٰ ثٜىٰ دَشِ عِيسَىٰ نٜىٰ يَݣُوٻَ ڧَسَا يَشَاڢَ مِنِ أَعِدَانُو، يَثٜىٰ مِنِ، ‹جٜىٰكَ كَوَنْكٜىٰ عِدُواْ أَ ضُوً سِلُوَمْ؞› نَا كُوَ جٜىٰ نَا وَنْكٜىٰ، سَيْ نَسَامِ غَنِ؞»
12سُكَ تَمْبَيٜىٰشِ سُكَثٜىٰ «إِنَا مُتُمِنْ يَكٜىٰ؟»
سَيْ يَثٜىٰ «بَنْ سَنِبَ؞»
ڢَرِسِيَاوَا سُنْيِ بِنْثِكٜىٰ عَكَنْ وَرْكٜىٰوَرْ مَكَهُوانْ
13سَيْ مُتَنٜىٰنْ سُكَ كَيْ وَ ڢَرِسِيَاوَا مُتُمِنْ دَيَكٜىٰ مَكَهُواْ أَدَا؞ 14تُواْ، أَ رَانَرْ هُوتُ تَمَكُواْ نٜىٰ عِيسَىٰ يَݣُوٻَ ڧَسَا يَبُوطٜىٰ وَمُتُمِنْ عِدُواْ؞ 15سَبُواْدَ حَكَ ڢَرِسِيَاوَا سُكَ تَمْبَيٜىٰشِ يَدَّ عَكَيِ يَسَامِ غَنِ؞ سَيْ مُتُمِنْ يَثٜىٰ «يَݣُوٻَ ڧَسَا نٜىٰ يَشَاڢَ مِنِ أَعِدُواْنَ، نَوَنْكٜىٰ، يَنْذُ إِنَ غَنِ؞»
16وَطَنْسُ ڢَرِسِيَاوَا سُكَثٜىٰ «مُتُمِنَّنْ بَ دَغَ وُرِنْ اللَّهْ يَڢِتُواْ بَ، دُوانْ بَايَ كِيَايٜىٰ رَانَرْ هُوتُ تَمَكُواْ؞»
عَمَّا وَطَنْسُ سُكَيِ تَمْبَيَ سُكَثٜىٰ «يَيَ مُتُمْ مَيْ ذُنُوبِ ذَيْ عِيَيِنْ عَلَمُنْ بَنْ مَامَاكِ حَكَ؟» سَيْ رَعَيِنْسُ يَرَبُ؞
17سَيْ سُكَسَاكٜىٰ تَمْبَيِ مُتُمِنْ سُكَثٜىٰ «مٜىٰنٜىٰنٜىٰ رَعَيِنْكَ غَمٜىٰدَ وَنَّنْ مُتُمْ، تُنْدَيَكٜىٰ كَيْنٜىٰ يَبُوطٜىٰ مَكَ عِدُواْ؟»
مُتُمِنْ يَأَمْسَ مُسُ يَثٜىٰ «أَيْ، أَنَّبِے نٜىٰ شِ؞»
18شُوغَبَنِّنْ يَهُودَاوَنْ كَمْ، بَسُ بَادَ غَسْكِيَابَ ثٜىٰوَ مُتُمِنَّنْ مَكَهُواْ نٜىٰ أَدَا، كُمَ يَنْذُ يَنَ غَنِ؞ سَبُواْدَ حَكَ سُكَ عَيْكَ عَكَ كِرَا إِيَايٜىٰنْسَ؞ 19سُكَ تَمْبَيٜىٰسُ سُكَثٜىٰ «وَنَّنْ طَنْكُ نٜىٰ؟ كُنْثٜىٰ أَنْحَيْڢٜىٰشِ مَكَهُواْ؟ تُواْ، تَيَيَا يَ عِيَ غَنِ يَنْذُ؟»
20سَيْ إِيَايٜىٰنْ سُكَ أَمْسَ سُكَثٜىٰ «مُنْ دَيْ سَنْ وَنَّنْ طَنْمُ نٜىٰ، كُمَ أَنْحَيْڢٜىٰشِ مَكَهُواْ نٜىٰ؞ 21عَمَّا مَا كَمْ، بَمُسَنْ يَدَّ عَكَيِ يَنَ غَنِ يَنْذُ بَ، بَمُ مَا سَنْ وَنْدَ يَبُوطٜىٰ مَسَ عِدُواْبَ؞ كُتَمْبَيٜىٰشِ، أَيْ، شِے بَ يَرُواْ بَنٜىٰ، ذَيْ ڢَطَا دَ بَاكِنْسَ؞» 22إِيَايٜىٰنْسَ سُنْ ڢَطِ حَكَنٜىٰ دُواْمِنْ ڟُواْرُوانْ شُوغَبَنِّنْ يَهُودَاوَا، دُوانْ دَا مَا يَهُودَاوَا سُنْ شِرْيَ ثٜىٰوَ دُكْ وَنْدَ يَثٜىٰ عِيسَىٰ نٜىٰ أَلْمَسِيحُ، ذَاعَ كُواْرٜىٰشِ دَغَ مَجَمِعَ؞ 23شِيَسَا إِيَايٜىٰنْسَ سُكَثٜىٰ «أَيْ، شِے بَ يَرُواْ بَنٜىٰ، كُتَمْبَيٜىٰشِ؞»
24سَيْ ڢَرِسِيَاوَنْ سُكَسَاكٜىٰ كِرَا مُتُمِنَّنْ دَيَكٜىٰ مَكَهُواْ أَدَا، سُكَثٜىٰ مَسَ «كَڢَطِ غَسْكِيَ دُوانْ كَطَوْكَكَا اللَّهْ؞ مُو كَمْ، مُنْسَنْ مُتُمِنَّنْدَ يَوَرْكَرْ دَكَيْ مَيْ ذُنُوبِ نٜىٰ؞» 25سَيْ يَأَمْسَ يَثٜىٰ «كُواْ مَيْ ذُنُوبِ نٜىٰ، نِے بَنْ سَنِبَ؞ أَبُ طَيَ كَمْ نَسَنِ، دَا نِے مَكَهُواْ نٜىٰ، يَنْذُ كُوَ إِنَ غَنِ؞»
26سُكَ تَمْبَيٜىٰشِ كُمَ سُكَثٜىٰ «مٜىٰيَيِ مَكَ؟ تَيَيَا يَبُوطٜىٰ مَكَ عِدُواْ؟»
27يَأَمْسَ مُسُ يَثٜىٰ «نَارِغَا نَا ڢَطَا مُكُ، بَكُجِنِ بَنٜىٰ؞ دُوانْمٜىٰ كُكٜىٰسُواْ كُسَاكٜىٰجِ؟ كُواْ كُو مَا كُنَ سُواْ كُذَمَ أَلْمَجِرَنْسَ نٜىٰ؟»
28سَيْ سُكَ ذَاغِ مُتُمِنْ سُكَثٜىٰ «كَيْ نٜىٰ دَيْ أَلْمَجِرِنْسَ، عَمَّا مُو كَمْ، أَلْمَجِرَنْ مُوسَٰى نٜىٰ؞ 29مُنْ دَيْ سَنِ اللَّهْ يَيِ مَغَنَ دَ مُوسَٰى، عَمَّا وَنَّنْ مُتُمْ كَمْ بَمُسَنْ عِنْدَ يَڢِتُواْبَ؞»
30سَيْ مُتُمِنْ يَأَمْسَ مُسُ يَثٜىٰ «يَوْ غَا أَبِنْ مَامَاكِ! بَكُسَنْ عِنْدَ يَڢِتُواْ بَ، غَاشِ كُوَ يَبُوطٜىٰ مِنِ عِدُواْ! 31مُنْ سَنِ اللَّهْ بَايَ سَوْرَرُوانْ مَاسُ ذُنُوبِ، عَمَّا يَنَ سَوْرَرُوانْ دُكْ وَنْدَ يَكٜىٰيِ مَسَ سُجَّدَ، يَنَ كُمَيِ مَسَ بِيَيَّ؞ 32تُنْ ڢَرْكُوانْ دُونِيَا بَعَتَٻَ جِنْ وَنِ يَبُوطٜىٰ عِدُوانْ وَنْدَ عَكَ حَيْڢَ مَكَهُواْبَ؞ 33أَيْ دَ مُتُمِنَّنْ بَ دَغَ وُرِنْ اللَّهْ يَڢِتُواْ بَ دَ بَذَيْ عِيَيِنْ كُواْمٜىٰبَ؞»
34سُكَ أَمْسَ مَسَ سُكَثٜىٰ «كَيْ دَ عَكَ حَيْڢٜىٰكَ ثِكِنْ ذُنُوبِ، كَنَ ڧُواْڧَرِ كَكُواْيَ مَنَ نٜىٰ؟» سَيْ سُكَ كُواْرٜىٰشِ؞
مَكَنْتَ تَرُوحُ
35 عِيسَىٰ يَجِ لَابَرِ ثٜىٰوَ سُنْ كُواْرِ مُتُمِنْ؞ دَ يَسَامٜىٰشِ، سَيْ يَتَمْبَيٜىٰشِ يَثٜىٰ «كَبَادَ غَسْكِيَ غَ طَنْ اللَّهْ؟»
36مُتُمِنْ يَأَمْسَ يَثٜىٰ «مَيْغِرْمَ، وَنٜىٰنٜىٰ شِ؟ كَڢَطَا مِنِ دُوانْ إِنْ بَادَ غَسْكِيَ غَرٜىٰشِ؞»
37 عِيسَىٰ يَثٜىٰ مَسَ «أَيْ، كَغَنْ شِ، شِينٜىٰ مَا مَيْ مَغَنَ دَكَيْ؞»
38سَيْ مُتُمِنْ يَثٜىٰ «عُبَنْغِجِ، نَبَادَ غَسْكِيَ؞» يَكُمَيِ مَسَ سُجَّدَ؞
39 عِيسَىٰ يَثٜىٰ «نَشِغُواْ دُونِيَرْ نَنْ نٜىٰ دُواْمِنْ إِنْيِ شَرِيعَ، دُواْمِنْ وَطَنْدَ بَاسَ غَنِ سُسَامِ غَنِ، وَطَنْدَ سُكٜىٰ غَنِ كُمَ سُذَمَ مَكَڢِ؞»
40دَ ڢَرِسِيَاوَنْ دَسُكٜىٰ كُسَدَشِ سُكَجِ حَكَ، سَيْ سُكَثٜىٰ مَسَ «وَتُواْ، كَنَ ثٜىٰوَ مُو مَا مَكَڢِ كٜىٰنَنْ؟»
41 عِيسَىٰ يَثٜىٰمُسُ «أَيْ دَ مَكَڢِ نٜىٰ كُو دَ بَاكُ دَ أَلْحَكِنْ ذُنُوبِ؞ عَمَّا دَيَكٜىٰ كُنْثٜىٰ كُنَغَنِ، تُواْ، أَلْحَكِنْ ذُنُبَنْكُ يأَنَانً دَرَمْ؞
Currently Selected:
يَحْيَى 9: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
يَحْيَى 9
9
عِيسَىٰ يَوَرْكَرْدَ وَنْدَ عَكَ حَيْڢَ مَكَهُواْ
1 عِيسَىٰ يَنَ وُثٜىٰوَ كٜىٰنَنْ، سَيْ يَغَ وَنِ مُتُمْ وَنْدَ تُنْ حَيْڢُوَرْسَ مَكَهُواْ نٜىٰ؞ 2سَيْ أَلْمَجِرَنْسَ سُكَ تَمْبَيٜىٰشِ سُكَثٜىٰ «مَلَمْ، ذُنُوبِنْ وَنٜىٰنٜىٰ يَسَا أَنْحَيْڢِ وَنَّنْ مُتُمْ مَكَهُواْ؟ ذُنُوبِنْسَ نٜىٰ، كُواْ ذُنُوبِنْ إِيَايٜىٰنْسَ؟»
3 عِيسَىٰ يَأَمْسَ يَثٜىٰ «بَا وَيْ سَبُواْدَ مُتُمِنَّنْ كُواْ إِيَايٜىٰنْسَ سُنْيِ ذُنُوبِ بَنٜىٰ، عَمَّا أَنْحَيْڢٜىٰشِ مَكَهُواْ نٜىٰ دُواْمِنْ أَ نُونَ إِيكُوانْ عَيْكِنْ اللَّهْ عَكَنْسَ؞ 4دُواْلٜىٰنٜىٰ مُثِيغَبَدَ يِنْ عَيْكِنْ وَنْدَ يَعَيْكُواْ نِے تُنْدَ سَوْرَنْ رَانَ؞ أَيْ دَرٜىٰ يأَنَانً ذُوَا، أَ لُواْكَثِنْ دَ بَاوَنْدَ ذَيْ عِيَ عَيْكِ؞ 5مُدِّنْ إِنَانَنْ عَدُونِيَا، نِنٜىٰ حَصْكٜىٰنْ دُونِيَا؞»#مَتْ 5.14؛ يَحـ 8.12
6دَ يَڢَطِ حَكَ سَيْ يَتُواْڢَ مِيَوْ عَڧَسَا، يَݣُوٻَ ڧَسَا دَشِ، سَيْ يَطٜىٰبِے ڧَسَرْ نَنْدَ يَݣُوٻَ، يَشَاڢَ أَعِدَانُنْ مُتُمِنْ؞ 7يَثٜىٰ وَمُتُمِنْ «جٜىٰكَ، كَوَنْكٜىٰ عِدُواْ أَ ضُوً تَڢْكِنْ سِلُوَمْ؞» وَنَّنْ كَلْمَ كُوَ تَنَ نُڢِنْ «عَيْكَ»؞ سَيْ مُتُمِنْ يَجٜىٰ يَوَنْكٜىٰ عِدُواْ، يَدَاوُاْ عِدَنُونْسَ سُنَ غَنِ؞
8مَڨُوبْتَنْسَ دَ وَطَنْدَ سُكَ سَابَا غَنِنْسَ يَنَ بَرَ أَدَا، سُكَثٜىٰ «أَشٜىٰ، بَوَنَّنْ نٜىٰ يَكَنْ ذَوْنَ يَنَ بَرَبَ؟» 9وَطَنْسُ سُكَثٜىٰ «شِينٜىٰ مَنَ؞»
وَطَنْسُ كُوَ سُكَثٜىٰ «أَعَ، سُنْ دَيْ يِكَمَ نٜىٰ كَوَيْ؞»
عَمَّا مُتُمِنْ دَ كَنْسَ يَثٜىٰ «أَيْ، نِنٜىٰ مُتُمِنْ؞»
10سَيْ سُكَ تَمْبَيٜىٰشِ سُكَثٜىٰ «تُواْ، يَيَ عَكَيِ عِدَنُونْكَ سُكَ بُوطٜىٰ؟»
11يَأَمْسَ يَثٜىٰ «مُتُمِنَّنْ دَ عَكٜىٰ ثٜىٰ دَشِ عِيسَىٰ نٜىٰ يَݣُوٻَ ڧَسَا يَشَاڢَ مِنِ أَعِدَانُو، يَثٜىٰ مِنِ، ‹جٜىٰكَ كَوَنْكٜىٰ عِدُواْ أَ ضُوً سِلُوَمْ؞› نَا كُوَ جٜىٰ نَا وَنْكٜىٰ، سَيْ نَسَامِ غَنِ؞»
12سُكَ تَمْبَيٜىٰشِ سُكَثٜىٰ «إِنَا مُتُمِنْ يَكٜىٰ؟»
سَيْ يَثٜىٰ «بَنْ سَنِبَ؞»
ڢَرِسِيَاوَا سُنْيِ بِنْثِكٜىٰ عَكَنْ وَرْكٜىٰوَرْ مَكَهُوانْ
13سَيْ مُتَنٜىٰنْ سُكَ كَيْ وَ ڢَرِسِيَاوَا مُتُمِنْ دَيَكٜىٰ مَكَهُواْ أَدَا؞ 14تُواْ، أَ رَانَرْ هُوتُ تَمَكُواْ نٜىٰ عِيسَىٰ يَݣُوٻَ ڧَسَا يَبُوطٜىٰ وَمُتُمِنْ عِدُواْ؞ 15سَبُواْدَ حَكَ ڢَرِسِيَاوَا سُكَ تَمْبَيٜىٰشِ يَدَّ عَكَيِ يَسَامِ غَنِ؞ سَيْ مُتُمِنْ يَثٜىٰ «يَݣُوٻَ ڧَسَا نٜىٰ يَشَاڢَ مِنِ أَعِدُواْنَ، نَوَنْكٜىٰ، يَنْذُ إِنَ غَنِ؞»
16وَطَنْسُ ڢَرِسِيَاوَا سُكَثٜىٰ «مُتُمِنَّنْ بَ دَغَ وُرِنْ اللَّهْ يَڢِتُواْ بَ، دُوانْ بَايَ كِيَايٜىٰ رَانَرْ هُوتُ تَمَكُواْ؞»
عَمَّا وَطَنْسُ سُكَيِ تَمْبَيَ سُكَثٜىٰ «يَيَ مُتُمْ مَيْ ذُنُوبِ ذَيْ عِيَيِنْ عَلَمُنْ بَنْ مَامَاكِ حَكَ؟» سَيْ رَعَيِنْسُ يَرَبُ؞
17سَيْ سُكَسَاكٜىٰ تَمْبَيِ مُتُمِنْ سُكَثٜىٰ «مٜىٰنٜىٰنٜىٰ رَعَيِنْكَ غَمٜىٰدَ وَنَّنْ مُتُمْ، تُنْدَيَكٜىٰ كَيْنٜىٰ يَبُوطٜىٰ مَكَ عِدُواْ؟»
مُتُمِنْ يَأَمْسَ مُسُ يَثٜىٰ «أَيْ، أَنَّبِے نٜىٰ شِ؞»
18شُوغَبَنِّنْ يَهُودَاوَنْ كَمْ، بَسُ بَادَ غَسْكِيَابَ ثٜىٰوَ مُتُمِنَّنْ مَكَهُواْ نٜىٰ أَدَا، كُمَ يَنْذُ يَنَ غَنِ؞ سَبُواْدَ حَكَ سُكَ عَيْكَ عَكَ كِرَا إِيَايٜىٰنْسَ؞ 19سُكَ تَمْبَيٜىٰسُ سُكَثٜىٰ «وَنَّنْ طَنْكُ نٜىٰ؟ كُنْثٜىٰ أَنْحَيْڢٜىٰشِ مَكَهُواْ؟ تُواْ، تَيَيَا يَ عِيَ غَنِ يَنْذُ؟»
20سَيْ إِيَايٜىٰنْ سُكَ أَمْسَ سُكَثٜىٰ «مُنْ دَيْ سَنْ وَنَّنْ طَنْمُ نٜىٰ، كُمَ أَنْحَيْڢٜىٰشِ مَكَهُواْ نٜىٰ؞ 21عَمَّا مَا كَمْ، بَمُسَنْ يَدَّ عَكَيِ يَنَ غَنِ يَنْذُ بَ، بَمُ مَا سَنْ وَنْدَ يَبُوطٜىٰ مَسَ عِدُواْبَ؞ كُتَمْبَيٜىٰشِ، أَيْ، شِے بَ يَرُواْ بَنٜىٰ، ذَيْ ڢَطَا دَ بَاكِنْسَ؞» 22إِيَايٜىٰنْسَ سُنْ ڢَطِ حَكَنٜىٰ دُواْمِنْ ڟُواْرُوانْ شُوغَبَنِّنْ يَهُودَاوَا، دُوانْ دَا مَا يَهُودَاوَا سُنْ شِرْيَ ثٜىٰوَ دُكْ وَنْدَ يَثٜىٰ عِيسَىٰ نٜىٰ أَلْمَسِيحُ، ذَاعَ كُواْرٜىٰشِ دَغَ مَجَمِعَ؞ 23شِيَسَا إِيَايٜىٰنْسَ سُكَثٜىٰ «أَيْ، شِے بَ يَرُواْ بَنٜىٰ، كُتَمْبَيٜىٰشِ؞»
24سَيْ ڢَرِسِيَاوَنْ سُكَسَاكٜىٰ كِرَا مُتُمِنَّنْ دَيَكٜىٰ مَكَهُواْ أَدَا، سُكَثٜىٰ مَسَ «كَڢَطِ غَسْكِيَ دُوانْ كَطَوْكَكَا اللَّهْ؞ مُو كَمْ، مُنْسَنْ مُتُمِنَّنْدَ يَوَرْكَرْ دَكَيْ مَيْ ذُنُوبِ نٜىٰ؞» 25سَيْ يَأَمْسَ يَثٜىٰ «كُواْ مَيْ ذُنُوبِ نٜىٰ، نِے بَنْ سَنِبَ؞ أَبُ طَيَ كَمْ نَسَنِ، دَا نِے مَكَهُواْ نٜىٰ، يَنْذُ كُوَ إِنَ غَنِ؞»
26سُكَ تَمْبَيٜىٰشِ كُمَ سُكَثٜىٰ «مٜىٰيَيِ مَكَ؟ تَيَيَا يَبُوطٜىٰ مَكَ عِدُواْ؟»
27يَأَمْسَ مُسُ يَثٜىٰ «نَارِغَا نَا ڢَطَا مُكُ، بَكُجِنِ بَنٜىٰ؞ دُوانْمٜىٰ كُكٜىٰسُواْ كُسَاكٜىٰجِ؟ كُواْ كُو مَا كُنَ سُواْ كُذَمَ أَلْمَجِرَنْسَ نٜىٰ؟»
28سَيْ سُكَ ذَاغِ مُتُمِنْ سُكَثٜىٰ «كَيْ نٜىٰ دَيْ أَلْمَجِرِنْسَ، عَمَّا مُو كَمْ، أَلْمَجِرَنْ مُوسَٰى نٜىٰ؞ 29مُنْ دَيْ سَنِ اللَّهْ يَيِ مَغَنَ دَ مُوسَٰى، عَمَّا وَنَّنْ مُتُمْ كَمْ بَمُسَنْ عِنْدَ يَڢِتُواْبَ؞»
30سَيْ مُتُمِنْ يَأَمْسَ مُسُ يَثٜىٰ «يَوْ غَا أَبِنْ مَامَاكِ! بَكُسَنْ عِنْدَ يَڢِتُواْ بَ، غَاشِ كُوَ يَبُوطٜىٰ مِنِ عِدُواْ! 31مُنْ سَنِ اللَّهْ بَايَ سَوْرَرُوانْ مَاسُ ذُنُوبِ، عَمَّا يَنَ سَوْرَرُوانْ دُكْ وَنْدَ يَكٜىٰيِ مَسَ سُجَّدَ، يَنَ كُمَيِ مَسَ بِيَيَّ؞ 32تُنْ ڢَرْكُوانْ دُونِيَا بَعَتَٻَ جِنْ وَنِ يَبُوطٜىٰ عِدُوانْ وَنْدَ عَكَ حَيْڢَ مَكَهُواْبَ؞ 33أَيْ دَ مُتُمِنَّنْ بَ دَغَ وُرِنْ اللَّهْ يَڢِتُواْ بَ دَ بَذَيْ عِيَيِنْ كُواْمٜىٰبَ؞»
34سُكَ أَمْسَ مَسَ سُكَثٜىٰ «كَيْ دَ عَكَ حَيْڢٜىٰكَ ثِكِنْ ذُنُوبِ، كَنَ ڧُواْڧَرِ كَكُواْيَ مَنَ نٜىٰ؟» سَيْ سُكَ كُواْرٜىٰشِ؞
مَكَنْتَ تَرُوحُ
35 عِيسَىٰ يَجِ لَابَرِ ثٜىٰوَ سُنْ كُواْرِ مُتُمِنْ؞ دَ يَسَامٜىٰشِ، سَيْ يَتَمْبَيٜىٰشِ يَثٜىٰ «كَبَادَ غَسْكِيَ غَ طَنْ اللَّهْ؟»
36مُتُمِنْ يَأَمْسَ يَثٜىٰ «مَيْغِرْمَ، وَنٜىٰنٜىٰ شِ؟ كَڢَطَا مِنِ دُوانْ إِنْ بَادَ غَسْكِيَ غَرٜىٰشِ؞»
37 عِيسَىٰ يَثٜىٰ مَسَ «أَيْ، كَغَنْ شِ، شِينٜىٰ مَا مَيْ مَغَنَ دَكَيْ؞»
38سَيْ مُتُمِنْ يَثٜىٰ «عُبَنْغِجِ، نَبَادَ غَسْكِيَ؞» يَكُمَيِ مَسَ سُجَّدَ؞
39 عِيسَىٰ يَثٜىٰ «نَشِغُواْ دُونِيَرْ نَنْ نٜىٰ دُواْمِنْ إِنْيِ شَرِيعَ، دُواْمِنْ وَطَنْدَ بَاسَ غَنِ سُسَامِ غَنِ، وَطَنْدَ سُكٜىٰ غَنِ كُمَ سُذَمَ مَكَڢِ؞»
40دَ ڢَرِسِيَاوَنْ دَسُكٜىٰ كُسَدَشِ سُكَجِ حَكَ، سَيْ سُكَثٜىٰ مَسَ «وَتُواْ، كَنَ ثٜىٰوَ مُو مَا مَكَڢِ كٜىٰنَنْ؟»
41 عِيسَىٰ يَثٜىٰمُسُ «أَيْ دَ مَكَڢِ نٜىٰ كُو دَ بَاكُ دَ أَلْحَكِنْ ذُنُوبِ؞ عَمَّا دَيَكٜىٰ كُنْثٜىٰ كُنَغَنِ، تُواْ، أَلْحَكِنْ ذُنُبَنْكُ يأَنَانً دَرَمْ؞
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020