Psom 16
16
Mo lafwa li dan twa, Bondie
Enn poem David.
1Protez mwa, Bondie; tomem mo sekirite.
2Mo dir LESEGNER, “Tomem mo Segner;
mo pena pli gran boner ki twa.”
3Dan sa pei la, bann ki swiv Bondie zot nob ek bon!
Mo ena afeksion pou bann dimounn koumsa.
4Bann ki galoup deryer lot bondie,
zot pou miltipliye zot traka;
Mo pa pou partisip dan zot sakrifis disan;
mo refiz pronons zot nom.
5SEGNER, tomem mo pli gran partaz, mo destin;
mo lavenir an sekirite dan to lame.
6Kado to donn mwa parey enn terin manifik;
li enn par ki fer mwa gran plezir.
7Mo loue LESEGNER parski li konsey mwa;
mem aswar mo leker averti mwa.
8LESEGNER li touletan dan mo lespri;
li touletan la koste ar mwa, mo pa pou konn defet.
9Akoz tousa mo leker ranpli ar gratitid ek boner
e mo viv dan lape ek sekirite.
10To pa abandonn mwa dan lamor.
To pa les lamor aval to fidel.
11To touletan montre mwa bon sime lavi;
kan to la, mo lavi ranpli ar lazwa;
dan to prezans ena boner pou touzour.
Currently Selected:
Psom 16: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 16
16
Mo lafwa li dan twa, Bondie
Enn poem David.
1Protez mwa, Bondie; tomem mo sekirite.
2Mo dir LESEGNER, “Tomem mo Segner;
mo pena pli gran boner ki twa.”
3Dan sa pei la, bann ki swiv Bondie zot nob ek bon!
Mo ena afeksion pou bann dimounn koumsa.
4Bann ki galoup deryer lot bondie,
zot pou miltipliye zot traka;
Mo pa pou partisip dan zot sakrifis disan;
mo refiz pronons zot nom.
5SEGNER, tomem mo pli gran partaz, mo destin;
mo lavenir an sekirite dan to lame.
6Kado to donn mwa parey enn terin manifik;
li enn par ki fer mwa gran plezir.
7Mo loue LESEGNER parski li konsey mwa;
mem aswar mo leker averti mwa.
8LESEGNER li touletan dan mo lespri;
li touletan la koste ar mwa, mo pa pou konn defet.
9Akoz tousa mo leker ranpli ar gratitid ek boner
e mo viv dan lape ek sekirite.
10To pa abandonn mwa dan lamor.
To pa les lamor aval to fidel.
11To touletan montre mwa bon sime lavi;
kan to la, mo lavi ranpli ar lazwa;
dan to prezans ena boner pou touzour.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.