Psom 25
25
Segner Bondie, gid nou e protez nou
Enn Psom David.
1O SEGNER, mo ofer twa lapriyer e adorasion.
2Mo Bondie, mo met mo konfians an twa.
Pa les mwa gagn laont;
pa les mo lennmi gagn laviktwar lor mwa.
3Bann ki kont lor twa pa pou tom dan laont;
Zot pou tom dan laont, bann ki trayir san okenn rezon.
4SEGNER, montre mwa to bon sime;
ansegn mwa swiv to parkour.
5Gid mwa dan to laverite e ansegn mwa
parski tomem Bondie ki sov mwa.
Mo kont lor twa toulezour mo lavi.
6Pa bliye, SEGNER, konpasion ek lamour infini
ki to finn donn nou depi koumansman.
7Pa rapel mo bann erer ek bann pese zenes;
me dapre to lamour infini, rapel mwa
akoz to bonte, SEGNER.
8Parski LESEGNER li bon ek li drwat,
li ansegn bann peser ki sime ki bon.
9Ar li dimounn pa vantar zot aprann seki drwat
parski li montre zot so bon sime.
10Ar lamour infini ek fidelite li gid
dimounn ki gard so lalians e ki obeir so instriksion.
11Akoz to nom, SEGNER,
pardonn mo bann tor, zot grav.
12Bann ki ena reverans pou LESEGNER
li pou montre zot ki sime bizin swiv.
13Zot pou viv dan prosperite
e zot zanfan pou posed later.
14LESEGNER ena lamitie pou seki obeir li
e li konfirm so lalians ar so bann fidel.
15Mo tourn ver LESEGNER pou gagn so led
e li touletan sap mwa dan bann piez.
16Tourn ver mwa, SEGNER, ena pitie pou mwa,
parski mo tousel ek mo dan lapenn.
17Langwas finn miltipliye dan mo leker,
liber mwa dan mo detres.
18Pran kont mo detres ek mo soufrans,
efas tou mo bann pese.
19Nek gete ki kantite lennmi ki otour mwa
e gete kouma zot ayir mwa avek violans.
20Protez mwa, sov mwa;
anpes mwa tom dan laont.
Zis to tousel ki kapav garanti mo sekirite.
21Fer ki lonette ek drwatir prezerv mwa
parski ar lesperans mo kont lor twa.
22Bondie, liber lepep Izrael dan so tourman!
Currently Selected:
Psom 25: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 25
25
Segner Bondie, gid nou e protez nou
Enn Psom David.
1O SEGNER, mo ofer twa lapriyer e adorasion.
2Mo Bondie, mo met mo konfians an twa.
Pa les mwa gagn laont;
pa les mo lennmi gagn laviktwar lor mwa.
3Bann ki kont lor twa pa pou tom dan laont;
Zot pou tom dan laont, bann ki trayir san okenn rezon.
4SEGNER, montre mwa to bon sime;
ansegn mwa swiv to parkour.
5Gid mwa dan to laverite e ansegn mwa
parski tomem Bondie ki sov mwa.
Mo kont lor twa toulezour mo lavi.
6Pa bliye, SEGNER, konpasion ek lamour infini
ki to finn donn nou depi koumansman.
7Pa rapel mo bann erer ek bann pese zenes;
me dapre to lamour infini, rapel mwa
akoz to bonte, SEGNER.
8Parski LESEGNER li bon ek li drwat,
li ansegn bann peser ki sime ki bon.
9Ar li dimounn pa vantar zot aprann seki drwat
parski li montre zot so bon sime.
10Ar lamour infini ek fidelite li gid
dimounn ki gard so lalians e ki obeir so instriksion.
11Akoz to nom, SEGNER,
pardonn mo bann tor, zot grav.
12Bann ki ena reverans pou LESEGNER
li pou montre zot ki sime bizin swiv.
13Zot pou viv dan prosperite
e zot zanfan pou posed later.
14LESEGNER ena lamitie pou seki obeir li
e li konfirm so lalians ar so bann fidel.
15Mo tourn ver LESEGNER pou gagn so led
e li touletan sap mwa dan bann piez.
16Tourn ver mwa, SEGNER, ena pitie pou mwa,
parski mo tousel ek mo dan lapenn.
17Langwas finn miltipliye dan mo leker,
liber mwa dan mo detres.
18Pran kont mo detres ek mo soufrans,
efas tou mo bann pese.
19Nek gete ki kantite lennmi ki otour mwa
e gete kouma zot ayir mwa avek violans.
20Protez mwa, sov mwa;
anpes mwa tom dan laont.
Zis to tousel ki kapav garanti mo sekirite.
21Fer ki lonette ek drwatir prezerv mwa
parski ar lesperans mo kont lor twa.
22Bondie, liber lepep Izrael dan so tourman!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.