Psom 9
9
Mersi Segner Bondie pou to bonte
Pou sef koral, dapre Mout-Labenn. Enn Psom David.
1Mo pou loue to grander, SEGNER, ar tou mo leker;
mo pou rakont tou mervey ki to finn fer.
2Akoz twa mo pou dan lazwa.
Mo pou sant to gran nom, Bondie Pli Lao.
3Mo lennmi kapitile ek rekile;
zot tom sek, zot mor divan twa.
4To finn defann mo drwa, finn fer zistis pou mwa;
depi to tronn to donn zizman ki drwat.
5To finn kraz bann nasion infidel;
e to finn detrir bann move dimounn,
zot nom finn efase pou touletan.
6Nou lennmi nepli existe;
to finn plati zot lavil
e personn pa pou rapel zot.
7Me LESEGNER pou regne pou touletan;
depi so tronn bien ferm li pou pronons zizman.
8E li ziz lemond antie dapre drwatir;
e li garanti lazistis pou tou bann pep.
9LESEGNER protez bann ki pe soufer dominasion;
li donn sekirite kan maler pe tape.
10Bann ki konn to nom, SEGNER, met tou zot konfians an twa
parski zame to abandonn seki rod to sekour.
11Anou sant louanz pou LESEGNER ki regne depi Zerizalem.
Anou rakont so bann mervey parmi bann pep!
12Bondie ki galoup deryer bann asasin, li rapel zot viktim;
li pa bliye lavwa ki exprim soufrans bann malere.
13SEGNER, ena pitie!
Gete kouma mo soufer akoz mesanste mo lennmi!
Twa ki tir mwa dan latrap lamor, SEGNER,
14e ki permet mwa dibout divan lepep Zerizalem
pou rakont zot kifer mo sant to louanz.
Mo lazwa li gran parski to finn sov mwa.
15Bann nasion finn tom dan trou ki zot finn fouye zotmem;
zot finn dres enn latrap e zotmem ki finn rant ladan.
16LESEGNER finn revel limem par zizman ki li finn fer;
e move dimounn finn tas dan zot prop piez.
17Bann move dimounn e bann nasion ki bliye Bondie
zot tou finn fini dan lemond bann mor.
18Bann ki dan bezwin pa pou touletan pas mizer;
e bann ki soufer povrete, zot lespwar pa pou tom dan dilo.
19Lev twa, SEGNER! Pa les personn gagn laviktwar!
Fer amenn bann nasion infidel divan to tronn
e donn to zizman kont zot.
20Fer zot per e respe twa, SEGNER;
Fer zot tou bien konpran ki zot zis bann imin.
Currently Selected:
Psom 9: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 9
9
Mersi Segner Bondie pou to bonte
Pou sef koral, dapre Mout-Labenn. Enn Psom David.
1Mo pou loue to grander, SEGNER, ar tou mo leker;
mo pou rakont tou mervey ki to finn fer.
2Akoz twa mo pou dan lazwa.
Mo pou sant to gran nom, Bondie Pli Lao.
3Mo lennmi kapitile ek rekile;
zot tom sek, zot mor divan twa.
4To finn defann mo drwa, finn fer zistis pou mwa;
depi to tronn to donn zizman ki drwat.
5To finn kraz bann nasion infidel;
e to finn detrir bann move dimounn,
zot nom finn efase pou touletan.
6Nou lennmi nepli existe;
to finn plati zot lavil
e personn pa pou rapel zot.
7Me LESEGNER pou regne pou touletan;
depi so tronn bien ferm li pou pronons zizman.
8E li ziz lemond antie dapre drwatir;
e li garanti lazistis pou tou bann pep.
9LESEGNER protez bann ki pe soufer dominasion;
li donn sekirite kan maler pe tape.
10Bann ki konn to nom, SEGNER, met tou zot konfians an twa
parski zame to abandonn seki rod to sekour.
11Anou sant louanz pou LESEGNER ki regne depi Zerizalem.
Anou rakont so bann mervey parmi bann pep!
12Bondie ki galoup deryer bann asasin, li rapel zot viktim;
li pa bliye lavwa ki exprim soufrans bann malere.
13SEGNER, ena pitie!
Gete kouma mo soufer akoz mesanste mo lennmi!
Twa ki tir mwa dan latrap lamor, SEGNER,
14e ki permet mwa dibout divan lepep Zerizalem
pou rakont zot kifer mo sant to louanz.
Mo lazwa li gran parski to finn sov mwa.
15Bann nasion finn tom dan trou ki zot finn fouye zotmem;
zot finn dres enn latrap e zotmem ki finn rant ladan.
16LESEGNER finn revel limem par zizman ki li finn fer;
e move dimounn finn tas dan zot prop piez.
17Bann move dimounn e bann nasion ki bliye Bondie
zot tou finn fini dan lemond bann mor.
18Bann ki dan bezwin pa pou touletan pas mizer;
e bann ki soufer povrete, zot lespwar pa pou tom dan dilo.
19Lev twa, SEGNER! Pa les personn gagn laviktwar!
Fer amenn bann nasion infidel divan to tronn
e donn to zizman kont zot.
20Fer zot per e respe twa, SEGNER;
Fer zot tou bien konpran ki zot zis bann imin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.