Psom 94
94
Bondie Ziz siprem
1SEGNER, to enn Bondie ki pini;
twa, Bondie ki pini, revel tomem!
2Twa ki ziz lemond, lev twa,
donn bann vantar seki zot merite.
3O SEGNER, komie letan ankor bann azan lemal,
komie letan ankor bann azan lemal pou fer zot fanor?
4Zot devers enn ta parol ar arogans,
bann kriminel koz zot krim ar fierte.
5Zot dominn lepep, SEGNER,
zot kraz to pep ki to patrimwann.
6Zot touy vev ek bann etranze,
zot asasinn bann orfelin.
7Zot dir for-for, “Bondie kaylous;
Bondie Izrael pa remarke seki pe pase.”
8Kouma zot bet koumsa?
Bann inbesil, kan zot pou konpran?
9Dapre zot, Bondie finn kree zorey me li pa tande?
Li finn kree lizie me li pa trouv kler?
10Li kriye ar bann nasion me li pa pou pini zot?
Limem pli gran profeser me li pa konn nanye?
11LESEGNER kone ki plan ena dan zot latet;
li bien okouran ki zot pa vo nanye.
12SEGNER, zot bienere bann ki resevwar to disiplinn;
zot bien saz bann ki aprann to lalwa.
13Zot viv dan lape mem kan difikilte partou
ziska ki to prepar enn piez pou may bann ki viv par lemal.
14LESEGNER zame pou abandonn so pep;
zame li pa pou fer tret ar so dimounn.
15Lazistis pou regne dan lakour
e dimounn drwat pou soutenir drwatir.
16Kisann-la ti defann mwa kont bann azan lemal?
Kisann-la ti dibout ar mwa kont bann ki fer lemal?
17Si LESEGNER pa ti soutenir mwa
zordi mo ti pou dan lemond gran silans.
18Ler mo ti dir, “Ayo, mo pe tonbe”
To lamour infini, SEGNER, ti anpes mwa koule.
19Sak fwa mo ena traka ek problem
To konsol mwa pou mo regagn lazwa.
20To pa toler bann ziz koronpi
ki fer inzistis vinn legal,
21ki konplote kont dimounn ki viv drwat
e avoy inosan dan koulwar lamor.
22Me LESEGNER defann mwa kouma enn fortres;
mo Bondie abrit mwa kouma enn rok protekter.
23Li pou pini bann ki viv dan lemal;
Li pou detrir zot parski zot viv dan pese.
LESEGNER nou Bondie pou detrir lemal.
Currently Selected:
Psom 94: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 94
94
Bondie Ziz siprem
1SEGNER, to enn Bondie ki pini;
twa, Bondie ki pini, revel tomem!
2Twa ki ziz lemond, lev twa,
donn bann vantar seki zot merite.
3O SEGNER, komie letan ankor bann azan lemal,
komie letan ankor bann azan lemal pou fer zot fanor?
4Zot devers enn ta parol ar arogans,
bann kriminel koz zot krim ar fierte.
5Zot dominn lepep, SEGNER,
zot kraz to pep ki to patrimwann.
6Zot touy vev ek bann etranze,
zot asasinn bann orfelin.
7Zot dir for-for, “Bondie kaylous;
Bondie Izrael pa remarke seki pe pase.”
8Kouma zot bet koumsa?
Bann inbesil, kan zot pou konpran?
9Dapre zot, Bondie finn kree zorey me li pa tande?
Li finn kree lizie me li pa trouv kler?
10Li kriye ar bann nasion me li pa pou pini zot?
Limem pli gran profeser me li pa konn nanye?
11LESEGNER kone ki plan ena dan zot latet;
li bien okouran ki zot pa vo nanye.
12SEGNER, zot bienere bann ki resevwar to disiplinn;
zot bien saz bann ki aprann to lalwa.
13Zot viv dan lape mem kan difikilte partou
ziska ki to prepar enn piez pou may bann ki viv par lemal.
14LESEGNER zame pou abandonn so pep;
zame li pa pou fer tret ar so dimounn.
15Lazistis pou regne dan lakour
e dimounn drwat pou soutenir drwatir.
16Kisann-la ti defann mwa kont bann azan lemal?
Kisann-la ti dibout ar mwa kont bann ki fer lemal?
17Si LESEGNER pa ti soutenir mwa
zordi mo ti pou dan lemond gran silans.
18Ler mo ti dir, “Ayo, mo pe tonbe”
To lamour infini, SEGNER, ti anpes mwa koule.
19Sak fwa mo ena traka ek problem
To konsol mwa pou mo regagn lazwa.
20To pa toler bann ziz koronpi
ki fer inzistis vinn legal,
21ki konplote kont dimounn ki viv drwat
e avoy inosan dan koulwar lamor.
22Me LESEGNER defann mwa kouma enn fortres;
mo Bondie abrit mwa kouma enn rok protekter.
23Li pou pini bann ki viv dan lemal;
Li pou detrir zot parski zot viv dan pese.
LESEGNER nou Bondie pou detrir lemal.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.