Zenez 24
24
Maryaz Izaak ek Rebeka
1Abraam finn vinn bien vie. LESEGNER finn beni li boukou, e li finn reysi dan tou kitsoz. 2Enn zour, Abraam apel so pli ansien serviter ki ansarz so lakaz. Li dir li: “Met to lame anba mo lakwis!#24:2 Met to lame anba mo lakwis: Sa ti enn koutim dan sa lepok la kan enn dimoun ti bizin fer enn serman inportan. . 3Fer enn promes lor nom LESEGNER, Bondie lesiel ek later. Promet ki zame to pa pou fer mo garson marye isi, avek enn tifi Kananeen. 4To pou al dan mo pei, kot mo bann fami. Laba to pou swazir enn fam pou mo garson Izaak.” 5Serviter la reponn li: “Kapav tifi la pa pou anvi swiv mwa pou vinn isi. Eski lerla mo pou bizin amenn to garson laba, dan pei kot to sorti?” 6Abraam dir li: “Non, sirtou pa amenn mo garson laba. 7LESEGNER, Bondie ki dan lesiel, finn fer mwa kit lakaz mo papa ek mo pei natal. Li finn koz avek mwa. Li finn promet mwa ki li pou donn mo bann desandan sa pei la. Li pou avoy so anz divan twa. To pou reysi amenn enn fam pou mo garson. 8Si tifi la pa anvi swiv twa, pa pou to lafot. To pa pou gagn mo malediksion, mem si to finn fer sa serman la. Me sirtou pa amenn mo garson laba.” 9Lerla, serviter la met so lame anba lakwis so met Abraam. Li fer serman pou obeir so lord.
10Serviter la pran dis samo dan troupo so met. Li pran osi bann meyer kado ki so met posede. Lerla, li koumans so vwayaz pou al vilaz Nahor, dan Mezopotami. 11Enn tanto, li fer so bann samo repoze kot enn pwi ki trouv zis andeor vilaz. Sa ler lamem, bann fam al sers dilo dan pwi. 12Serviter la priye: “SEGNER, Bondie ki mo met Abraam adore, permet mwa fer enn bon rankont zordi. Montre to gran lamour pou mo met Abraam. 13Mo pe dibout pre kot sa pwi la. Bann tifi pou sorti dan vilaz pou vinn sers dilo. 14Mo pou koz avek enn parmi zot. Mo pou dimann li inpe dilo pou bwar. Si li dir mwa: ‘Bwar, apre sa mo pou donn to bann samo osi bwar’, mo pou kone ki limem to finn swazir pou to serviter Izaak. Sa pou enn prev to gran lamour pou mo met.”
15Avan mem ki serviter la fini priye, enn zennfi vinn sers dilo ek so seo dan so lame. Li apel Rebeka, tifi Betouel. Betouel garson Milka ek Nahor, frer Abraam. 16Zennfi la extra zoli, e li ankor vierz. Li al ranpli so seo dan pwi. 17Lerla, serviter la galoupe al zwenn li e dir li: “Silteple, donn mwa inpe dilo pou bwar.” 18Zennfi la dir li: “Bwar Misie!” Li vers so seo lor so lame pou fer li bwar. 19Kan li fini donn li dilo, li dir serviter la: “Asterla mo pou al tir dilo pou to bann samo. Mo pou donn zot tou bwar kantite zot anvi.” 20Li degaze vers dilo dan basin ki servi pou fer zanimo bwar. Apre, li al replin so seo ankor plizir fwa, pouki tou samo gagn ase bwar. 21Pandan sa letan la, serviter la pe obzerv li ansilans. Li anvi kone si vremem LESEGNER finn fer so vwayaz vinn enn reysit.
22Kan tou bann samo finn fini bwar, serviter la donn Rebeka enn pouli ek de brasle lor. Pouli la pez apepre sis gram, e bann brasle la pez apepre 100 gram sakenn. 23Lerla li dimann li: “Kisannla to papa? Eski ena ase plas kot li pou mwa ek mo bann zom pas lanwit?” 24Li reponn: “Mwa, mo tifi Betouel, garson Milka ek Nahor. 25Kot mo papa ena ase plas pou zot pas lanwit. Nou ena osi lapay ek lerb pou zot zanimo.” 26Serviter la azenou e li loue LESEGNER. 27Li dir: “Mo remersi twa SEGNER, Bondie mo met Abraam! To finn montre to gran lamour ek to fidelite anver mo met. LESEGNER finn kondir mwa kot bann fami mo met.”
28Lerla, Rebeka galoup lakaz so mama pou rakont seki finn arive. 29-30Rebeka ena enn gran frer ki apel Laban. Li tann Rebeka pe rakont seki serviter la finn dir li. Anplis, li trouv pouli Rebeka, e li trouv bann brasle lor dan so pwagne. Lerla Laban galoupe al kot pwi. Li trouv serviter la ek so bann samo laba. 31Li dir li: “Vinn avek mwa, twa ki LESEGNER finn beni! Kifer to pe res isi? Mo finn fini fer prepar lakaz pou twa ek to bann zom. Ena osi enn plas pou to bann samo.” 32Serviter la al kot Laban. Laban fer tir bagaz lor bann samo, e donn zot lapay ek lerb. Lerla zot amenn dilo pou serviter Abraam ek so bann zom lav zot lipie. 33Apre sa, Laban fer amenn manze pou zot. Me serviter Abraam dir: “Mo pa pou kapav manze tanki mo pa dir seki mo ena pou dir.” Laban dir li: “To kapav koze.”
34Alor, li koumans rakonte: “Mo enn serviter Abraam. 35LESEGNER finn beni mo met boukou e li finn fer li vinn bien ris. Li finn donn li boukou troupo zanimo, larzan ek lor, samo ek bourik, serviter ek servant. 36Sara, so defen fam, finn donn li enn garson dan so vie zour. Li finn donn so garson Izaak tou so dibien. 37Mo met finn obliz mwa fer sa serman la: ‘Zame to pa fer mo garson marye avek enn fam Kananeenn, isi dan sa pei la. 38Me, al lakaz mo papa, kot mo bann fami, pou swazir enn fam pou mo garson.’ 39Mo ti dir mo met: ‘Kapav tifi la pa pou anvi swiv mwa.’ 40Li ti dir mwa: ‘Mo mars avek LESEGNER. Li pou avoy so anz divan twa, e li pou fer twa reysi dan to vwayaz. To pou trouv enn fam pou mo garson kot mo bann fami, lakaz mo papa. 41Si to al kot mo bann fami, to pou realiz to par dan serman ki to finn fer. Si zot refiz twa tifi la, pa twa ki pou responsab. To serman pou anile.’
42Zordi, kan mo ti ariv kot zot pwi, mo ti priye: ‘SEGNER, Bondie mo met Abraam, fer mwa reysi dan mo vwayaz. 43Mo pe dibout pre kot sa pwi la. Si enn zennfi vinn sers dilo, mo pou dimann li inpe dilo pou bwar. 44Si li donn mwa bwar, e si li ofer pou donn mo bann samo osi bwar, mo pou kone limem LESEGNER finn swazir pou marye avek garson mo met.’
45Mo pa ti ankor fini priye, Rebeka ti vini ek so seo dan so lame. Li ti al tir dilo dan pwi. Lerla, mo ti dimann li dilo pou bwar. 46Deswit, li ti vers so seo e li ti dir mwa: ‘Bwar, apre mo pou donn to bann samo osi bwar.’ Mo finn bwar, e apre sa, li finn fer mo bann samo bwar. 47Lerla mo ti dimann li: ‘Kisannla to papa?’ Li ti reponn: ‘Mwa tifi Betouel, garson Nahor ek Milka.’ Lerlamem, mo ti met enn pouli lor so nene ek de brasle dan so pwagne. 48Apre sa mo ti azenou pou ador LESEGNER. Mo ti remersi LESEGNER, Bondie mo met Abraam. Li ti finn kondir mwa kot bann fami mo met, e mo finn trouv enn tifi pou marye ek so garson. 49Asterla, dir mwa si zot pou montre zot lamitie ek zot fidelite anver mo met. Sinon mo pou bizin al dan enn lot direksion.”
50Lerla, Laban ek Betouel reponn: “LESEGNER, limem finn swazire. Nou pa kapav dir nanye. 51Ala Rebeka divan twa. Amenn li avek twa. Li ava marye avek garson to met, parey kouma LESEGNER finn dir.”
52Kan serviter Abraam tann zot repons, li azenou pou remersi LESEGNER. 53Lerla, li donn Rebeka bann bizou larzan ek lor, ek bann zoli linz. Li donn osi so frer ek so mama bann kado gran-gran valer. 54Apre sa, serviter Abraam ek so bann zom manze-bwar. Lerla zot al dormi. Landime gramatin, serviter Abraam dir frer Rebeka ek so mama: “Les mo retourn kot mo met aster.”
55Zot reponn li: “Les tifi la res avek nou ankor inpe letan; omwin dis zour. Lerla li ava al avek twa.” 56Me serviter la dir zot: “Pa retard mwa, LESEGNER limem finn fer mwa reysi mo vwayaz. Les mwa al get mo met aster.” 57Bannla reponn: “Anou apel Rebeka e dimann li si li dakor.” 58Vremem, zot apel Rebeka e zot dimann li: “Eski to pou al avek sa misie la zordi mem?” Li reponn: “Wi, mo pou ale.” 59Alor, zot dakor pou les Rebeka ale avek so servant. Serviter Abraam ek so bann zom prepare pou pran larout avek zot. 60Avan Rebeka ale, lafami beni li ek sa bann parol la:
“Twa, nou ti-ser,
To pou vinn anset boukou dimoun.
To bann desandan
ava pran lavil zot bann lennmi.”
61Lerla, Rebeka ek so bann servant mont lor samo. Zot pran larout ansam avek serviter Abraam ek so bann zom.
62Sa letan la, Izaak ti finn kite kot pwi Lahai-Roi. Aster li pe res dan rezion Negev. 63Enn tanto, Izaak pe mars-marse dan lakanpagn. Ler li lev lizie, li trouv bann samo pe vini. 64Rebeka trouv Izaak pe vini delwin. Li degaze desann lor so samo. 65Li dimann serviter la: “Get enn zom pe vini laba dan karo, kisannla sa?” Serviter la reponn: “Limem mo met Izaak.” Kouma Rebeka tann sa, li pran so vwal e li kouver so figir. 66Serviter la rakont Izaak tou seki finn pase.
67Lerla Izaak amenn Rebeka dan latant Sara, so defen mama. Izaak kontan Rebeka, e li pran li pou so fam. Ala ki manier Izaak gagn konsolasion apre lamor so mama.
Currently Selected:
Zenez 24: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Zenez 24
24
Maryaz Izaak ek Rebeka
1Abraam finn vinn bien vie. LESEGNER finn beni li boukou, e li finn reysi dan tou kitsoz. 2Enn zour, Abraam apel so pli ansien serviter ki ansarz so lakaz. Li dir li: “Met to lame anba mo lakwis!#24:2 Met to lame anba mo lakwis: Sa ti enn koutim dan sa lepok la kan enn dimoun ti bizin fer enn serman inportan. . 3Fer enn promes lor nom LESEGNER, Bondie lesiel ek later. Promet ki zame to pa pou fer mo garson marye isi, avek enn tifi Kananeen. 4To pou al dan mo pei, kot mo bann fami. Laba to pou swazir enn fam pou mo garson Izaak.” 5Serviter la reponn li: “Kapav tifi la pa pou anvi swiv mwa pou vinn isi. Eski lerla mo pou bizin amenn to garson laba, dan pei kot to sorti?” 6Abraam dir li: “Non, sirtou pa amenn mo garson laba. 7LESEGNER, Bondie ki dan lesiel, finn fer mwa kit lakaz mo papa ek mo pei natal. Li finn koz avek mwa. Li finn promet mwa ki li pou donn mo bann desandan sa pei la. Li pou avoy so anz divan twa. To pou reysi amenn enn fam pou mo garson. 8Si tifi la pa anvi swiv twa, pa pou to lafot. To pa pou gagn mo malediksion, mem si to finn fer sa serman la. Me sirtou pa amenn mo garson laba.” 9Lerla, serviter la met so lame anba lakwis so met Abraam. Li fer serman pou obeir so lord.
10Serviter la pran dis samo dan troupo so met. Li pran osi bann meyer kado ki so met posede. Lerla, li koumans so vwayaz pou al vilaz Nahor, dan Mezopotami. 11Enn tanto, li fer so bann samo repoze kot enn pwi ki trouv zis andeor vilaz. Sa ler lamem, bann fam al sers dilo dan pwi. 12Serviter la priye: “SEGNER, Bondie ki mo met Abraam adore, permet mwa fer enn bon rankont zordi. Montre to gran lamour pou mo met Abraam. 13Mo pe dibout pre kot sa pwi la. Bann tifi pou sorti dan vilaz pou vinn sers dilo. 14Mo pou koz avek enn parmi zot. Mo pou dimann li inpe dilo pou bwar. Si li dir mwa: ‘Bwar, apre sa mo pou donn to bann samo osi bwar’, mo pou kone ki limem to finn swazir pou to serviter Izaak. Sa pou enn prev to gran lamour pou mo met.”
15Avan mem ki serviter la fini priye, enn zennfi vinn sers dilo ek so seo dan so lame. Li apel Rebeka, tifi Betouel. Betouel garson Milka ek Nahor, frer Abraam. 16Zennfi la extra zoli, e li ankor vierz. Li al ranpli so seo dan pwi. 17Lerla, serviter la galoupe al zwenn li e dir li: “Silteple, donn mwa inpe dilo pou bwar.” 18Zennfi la dir li: “Bwar Misie!” Li vers so seo lor so lame pou fer li bwar. 19Kan li fini donn li dilo, li dir serviter la: “Asterla mo pou al tir dilo pou to bann samo. Mo pou donn zot tou bwar kantite zot anvi.” 20Li degaze vers dilo dan basin ki servi pou fer zanimo bwar. Apre, li al replin so seo ankor plizir fwa, pouki tou samo gagn ase bwar. 21Pandan sa letan la, serviter la pe obzerv li ansilans. Li anvi kone si vremem LESEGNER finn fer so vwayaz vinn enn reysit.
22Kan tou bann samo finn fini bwar, serviter la donn Rebeka enn pouli ek de brasle lor. Pouli la pez apepre sis gram, e bann brasle la pez apepre 100 gram sakenn. 23Lerla li dimann li: “Kisannla to papa? Eski ena ase plas kot li pou mwa ek mo bann zom pas lanwit?” 24Li reponn: “Mwa, mo tifi Betouel, garson Milka ek Nahor. 25Kot mo papa ena ase plas pou zot pas lanwit. Nou ena osi lapay ek lerb pou zot zanimo.” 26Serviter la azenou e li loue LESEGNER. 27Li dir: “Mo remersi twa SEGNER, Bondie mo met Abraam! To finn montre to gran lamour ek to fidelite anver mo met. LESEGNER finn kondir mwa kot bann fami mo met.”
28Lerla, Rebeka galoup lakaz so mama pou rakont seki finn arive. 29-30Rebeka ena enn gran frer ki apel Laban. Li tann Rebeka pe rakont seki serviter la finn dir li. Anplis, li trouv pouli Rebeka, e li trouv bann brasle lor dan so pwagne. Lerla Laban galoupe al kot pwi. Li trouv serviter la ek so bann samo laba. 31Li dir li: “Vinn avek mwa, twa ki LESEGNER finn beni! Kifer to pe res isi? Mo finn fini fer prepar lakaz pou twa ek to bann zom. Ena osi enn plas pou to bann samo.” 32Serviter la al kot Laban. Laban fer tir bagaz lor bann samo, e donn zot lapay ek lerb. Lerla zot amenn dilo pou serviter Abraam ek so bann zom lav zot lipie. 33Apre sa, Laban fer amenn manze pou zot. Me serviter Abraam dir: “Mo pa pou kapav manze tanki mo pa dir seki mo ena pou dir.” Laban dir li: “To kapav koze.”
34Alor, li koumans rakonte: “Mo enn serviter Abraam. 35LESEGNER finn beni mo met boukou e li finn fer li vinn bien ris. Li finn donn li boukou troupo zanimo, larzan ek lor, samo ek bourik, serviter ek servant. 36Sara, so defen fam, finn donn li enn garson dan so vie zour. Li finn donn so garson Izaak tou so dibien. 37Mo met finn obliz mwa fer sa serman la: ‘Zame to pa fer mo garson marye avek enn fam Kananeenn, isi dan sa pei la. 38Me, al lakaz mo papa, kot mo bann fami, pou swazir enn fam pou mo garson.’ 39Mo ti dir mo met: ‘Kapav tifi la pa pou anvi swiv mwa.’ 40Li ti dir mwa: ‘Mo mars avek LESEGNER. Li pou avoy so anz divan twa, e li pou fer twa reysi dan to vwayaz. To pou trouv enn fam pou mo garson kot mo bann fami, lakaz mo papa. 41Si to al kot mo bann fami, to pou realiz to par dan serman ki to finn fer. Si zot refiz twa tifi la, pa twa ki pou responsab. To serman pou anile.’
42Zordi, kan mo ti ariv kot zot pwi, mo ti priye: ‘SEGNER, Bondie mo met Abraam, fer mwa reysi dan mo vwayaz. 43Mo pe dibout pre kot sa pwi la. Si enn zennfi vinn sers dilo, mo pou dimann li inpe dilo pou bwar. 44Si li donn mwa bwar, e si li ofer pou donn mo bann samo osi bwar, mo pou kone limem LESEGNER finn swazir pou marye avek garson mo met.’
45Mo pa ti ankor fini priye, Rebeka ti vini ek so seo dan so lame. Li ti al tir dilo dan pwi. Lerla, mo ti dimann li dilo pou bwar. 46Deswit, li ti vers so seo e li ti dir mwa: ‘Bwar, apre mo pou donn to bann samo osi bwar.’ Mo finn bwar, e apre sa, li finn fer mo bann samo bwar. 47Lerla mo ti dimann li: ‘Kisannla to papa?’ Li ti reponn: ‘Mwa tifi Betouel, garson Nahor ek Milka.’ Lerlamem, mo ti met enn pouli lor so nene ek de brasle dan so pwagne. 48Apre sa mo ti azenou pou ador LESEGNER. Mo ti remersi LESEGNER, Bondie mo met Abraam. Li ti finn kondir mwa kot bann fami mo met, e mo finn trouv enn tifi pou marye ek so garson. 49Asterla, dir mwa si zot pou montre zot lamitie ek zot fidelite anver mo met. Sinon mo pou bizin al dan enn lot direksion.”
50Lerla, Laban ek Betouel reponn: “LESEGNER, limem finn swazire. Nou pa kapav dir nanye. 51Ala Rebeka divan twa. Amenn li avek twa. Li ava marye avek garson to met, parey kouma LESEGNER finn dir.”
52Kan serviter Abraam tann zot repons, li azenou pou remersi LESEGNER. 53Lerla, li donn Rebeka bann bizou larzan ek lor, ek bann zoli linz. Li donn osi so frer ek so mama bann kado gran-gran valer. 54Apre sa, serviter Abraam ek so bann zom manze-bwar. Lerla zot al dormi. Landime gramatin, serviter Abraam dir frer Rebeka ek so mama: “Les mo retourn kot mo met aster.”
55Zot reponn li: “Les tifi la res avek nou ankor inpe letan; omwin dis zour. Lerla li ava al avek twa.” 56Me serviter la dir zot: “Pa retard mwa, LESEGNER limem finn fer mwa reysi mo vwayaz. Les mwa al get mo met aster.” 57Bannla reponn: “Anou apel Rebeka e dimann li si li dakor.” 58Vremem, zot apel Rebeka e zot dimann li: “Eski to pou al avek sa misie la zordi mem?” Li reponn: “Wi, mo pou ale.” 59Alor, zot dakor pou les Rebeka ale avek so servant. Serviter Abraam ek so bann zom prepare pou pran larout avek zot. 60Avan Rebeka ale, lafami beni li ek sa bann parol la:
“Twa, nou ti-ser,
To pou vinn anset boukou dimoun.
To bann desandan
ava pran lavil zot bann lennmi.”
61Lerla, Rebeka ek so bann servant mont lor samo. Zot pran larout ansam avek serviter Abraam ek so bann zom.
62Sa letan la, Izaak ti finn kite kot pwi Lahai-Roi. Aster li pe res dan rezion Negev. 63Enn tanto, Izaak pe mars-marse dan lakanpagn. Ler li lev lizie, li trouv bann samo pe vini. 64Rebeka trouv Izaak pe vini delwin. Li degaze desann lor so samo. 65Li dimann serviter la: “Get enn zom pe vini laba dan karo, kisannla sa?” Serviter la reponn: “Limem mo met Izaak.” Kouma Rebeka tann sa, li pran so vwal e li kouver so figir. 66Serviter la rakont Izaak tou seki finn pase.
67Lerla Izaak amenn Rebeka dan latant Sara, so defen mama. Izaak kontan Rebeka, e li pran li pou so fam. Ala ki manier Izaak gagn konsolasion apre lamor so mama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.