Nya ǹ dín 11
11
Sii mɛn nə n zɛnaa, Piɛrɛ n bɛ yɔrɔ pii Zeruzalɛmu
1Dia dí-a wolen lɛn nɛ, ka dɔɔ̃n Lawa-nyankɔlen mɛnɛn bɛ́ giã-n Zudee gána nɛ, bɛn nə́ ma mà tɔrɔ kɔsɔn lɛn dɔn nə́ Lawa a boo lɛ si. 2Piɛrɛ bɛ́ á wusoo á woo Zeruzalɛmu, liere wɔ a laanka ǹ bii ni. 3Ǹ nə́ pɛ Piɛrɛ nɛ: «Táa ma nə́ n woo tɔrɔ kɔsɔn li, ń màn bii kunun ǹ ni!»
4Piɛrɛ tɔ́n sii lɛ saa a giala-a, a ná a yɔrɔ pɛ ǹ nɛ kɔn kio ka tɛtɛtɛ:
5– Ma bɛ́ Zoopee kiwi má n Lawa nyankoe, sii na á n zɛnaa masɛ nɛ ka yii tii bɛ́ lɔn, ma yii tɔ́n màn yɛ ka mɔnaa gole bɛ́ lɔn, kuĩ ni a gùrù sii ganaa, á gisĩ á bɔ lon á daa yǎa masɛ ganaa. 6Má n yiin doa la, ma bɛ́ giɛ a ganaa, má tán a tɔɔ màn gòã siinaan yɛ ka don siĩn ni, ka a giɛraa tán wolen ne ka nyàa kadɛnan nɛ. 7Bɛ kio, má lɛn ma pii ma nɛ: «Haya Piɛrɛ! Màn dɛ n sɔ̃.» 8Má a lɛ si: «Dɛnaa, haayii! A giala, masɛ a yiikoonaabaa din tumaa nɛ, masɛ tɔn soɛ̃ màn kɔ́n wɔ ma lɛ-n wa.» 9Lɛn lɛ wusoo á bɔ lon doo, á pɛ ka a paabaa ǹ wɔ nɛ: «Lawa bɛ́ pii mà màn mɛn tá siĩni, nsɛ Piɛrɛ baran pɛ mà soɛ̃ màn nə ka bɛ-n wa.» 10Bɛa sii kɛ lɛ na á n zɛnaa gunyin sɔɔ. Bɛ kio, bɛa mɔnaa lɛ wusoo á woo lon. 11A din bǎã-n gɔrɔ, wɔ bɛ́ kion mɛn nɛ, min sɔɔ daa ǹ nə́ bɔ Sezaaree kiwi, maǹ nə́ ǹ dia ma li. 12Lawa a Yiri Fu pɛ ma nɛ: «Wo kunun ǹ ni, nyɛ́ɛ goon din baran n kũ wa.» Ma dɔɔ̃n min sɔrɔ kɛ na á woo kun ka ma nɛ. Wɔ́ wɔ Kɔrnɛyi lɛ a kion. 13Lon a dia dí-a wole lɛ bɛ́ á daa wɔ a kion lɔn, á boo mɛn pɛ nɛ, giĩ lɛ bɛ laakalaa wɔsɛn manɛ. A na á pɛ nɛ: «Min dia Zoopee kiwi, Simɔn mɛn bɛ́ ǹ nə́ bíi Piɛrɛ, a pɛ nɛ mà a daa. 14Bɛa Piɛrɛ lɛ á die siin laakalɛɛ n nɛ, siin mɛnɛn bɛ́ re die n din laanka n kion minin kirisibaa nɛ.» 15Masɛ Piɛrɛ nə n lɛ bũ boɛɛn lɔn gɔrɔ má n boo diɛ, Yiri Fu gisĩ minin lɛn la, ka a bɛ́ á zɛnaa wɔsɛn dɔn man lɔn a giala koe li. 16#NDS 1.5. Masɛ yiri tɔ́n daa ka Dɛnaa a boo kɛ nɛ, a màn mɛn pɛ: «ZAÃ na á *batɛmu da minin ganaa ka mu ni, sɛnɛ, kasɛn man die we Lawa a zii ni ka Yiri Fu pàã nɛ.» 17Bɛa minin kɛn lɛn ǹ nə́ golee Dɛnaa Yezu *Krita li, bɛ̀ Lawa din ná a bǐɛ̃baa ǹ màn kɔ ǹ la, ká a bɛ́ á kɔ wɔsɛn dɔn la lɔn, masɛ Piɛrɛ n die lɛa, ma tɔn Lawa kurəə bɛa zɛnaa ganaa?
18Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»
Lawa a sɔmɔ lɛ a giala kɔ Antiɔsi kiwi boo
19 #
NDS 8.1-4. Fuu gole mɛn da Itian a gɛ̀ waáraa, á Lawa-nyankɔlen sasawaa. Bɛa minin kɛn lɛn tɛn nə́ woo yǎa Fenisii gána nɛ, ǹ nə́ wɔ Siipri gána laanka Antiɔsi kiwi. Ǹ Lawa a boo pɛ min kɔsɔ kɔ́n nɛ duduu wa, yǎa Zuifun. 20Sɛnɛ, ǹ gialakunun mɛnɛn bɛ́ Siipri gána laanka Sirɛni kiwi minin lɛa, bɛn nə́ woo Antiɔsi, ǹ nə́ Dɛnaa Yezu a boo kɔɔ̃n kɛ pɛ tɔrɔ kɔsɔn dɔn manɛ. 21Dɛnaa din na á goã n doe ǹ lɛ, bɛ lɛ taman yii, min gigiã nə́ n yɔrɔ bɔyaa ǹ nə́ da Yezu la, ǹ nə́ golee li.
22Bɛa sii kɛ lɛ a boo daa kaa Lawa a sɔmɔ minin too ne Zeruzalɛmu kiwi. Ǹ nə́ Barnabaasi bɔ ǹ nə́ dia Antiɔsi kiwi. 23A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li. 24Sonbore, Barnabaasi lɛ na á goã min pepere lɛa, Lawa a Yiri Fu n la, golee Lawa li dɔ ná a lon. Bɛa yɔrɔ kɛ lɛ la, zaman gole kaa kun ka Lawa-nyankɔlen lɛn nɛ, ǹ nə́ golee Dɛnaa li. 25Barnabaasi tɔ́n woo Tarsi kiwi, á woo ga Sooli li. 26Á woo yaa á kũ, á daa-n Antiɔsi kiwi. Ǹ nə́ lɛ̀ goon tumu zɛnaa, bɛ̀ ǹ nə́ dí nyɛɛ kun bɛa Lawa a sɔmɔ minin lɛn nɛ Antiɔsi, ǹ nə́ zaman gole darɛɛ. Ǹ Lawa-nyankɔlen bíi Krita wɔn, bɛ na á n giala kɔ Antiɔsi kiwi bibinaa nɛ.
Dɔ kɔn lɛ ǹ sii
27Bɛa biikoo kɛ lɛ li, Lawa a boo gii-dalin nə́ bɔ Zeruzalɛmu ǹ nə́ woo Antiɔsi. 28#NDS 21.10. Ǹ goon mɛn tɔ bɛ́ Agabusu, Yiri Fu nyaa bɛ nɛ á pɛ, mà bòo gole á die we kanaa paǹ din tumaa nɛ. Sonbore, bɛa bòo lɛ wɔ Klodo a kiibaa wasa nɛ. 29Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la. 30Ǹ nə́ bɛ lɛ zɛnaa, ǹ nə́ kɔ Barnabaasi laanka Sooli la, mà ǹ wo wɔ Lawa a sɔmɔ minin lɛn nyɛɛnaandɛnan gɔn Zeruzalɛmu kiwi.
Currently Selected:
Nya ǹ dín 11: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Nya ǹ dín 11
11
Sii mɛn nə n zɛnaa, Piɛrɛ n bɛ yɔrɔ pii Zeruzalɛmu
1Dia dí-a wolen lɛn nɛ, ka dɔɔ̃n Lawa-nyankɔlen mɛnɛn bɛ́ giã-n Zudee gána nɛ, bɛn nə́ ma mà tɔrɔ kɔsɔn lɛn dɔn nə́ Lawa a boo lɛ si. 2Piɛrɛ bɛ́ á wusoo á woo Zeruzalɛmu, liere wɔ a laanka ǹ bii ni. 3Ǹ nə́ pɛ Piɛrɛ nɛ: «Táa ma nə́ n woo tɔrɔ kɔsɔn li, ń màn bii kunun ǹ ni!»
4Piɛrɛ tɔ́n sii lɛ saa a giala-a, a ná a yɔrɔ pɛ ǹ nɛ kɔn kio ka tɛtɛtɛ:
5– Ma bɛ́ Zoopee kiwi má n Lawa nyankoe, sii na á n zɛnaa masɛ nɛ ka yii tii bɛ́ lɔn, ma yii tɔ́n màn yɛ ka mɔnaa gole bɛ́ lɔn, kuĩ ni a gùrù sii ganaa, á gisĩ á bɔ lon á daa yǎa masɛ ganaa. 6Má n yiin doa la, ma bɛ́ giɛ a ganaa, má tán a tɔɔ màn gòã siinaan yɛ ka don siĩn ni, ka a giɛraa tán wolen ne ka nyàa kadɛnan nɛ. 7Bɛ kio, má lɛn ma pii ma nɛ: «Haya Piɛrɛ! Màn dɛ n sɔ̃.» 8Má a lɛ si: «Dɛnaa, haayii! A giala, masɛ a yiikoonaabaa din tumaa nɛ, masɛ tɔn soɛ̃ màn kɔ́n wɔ ma lɛ-n wa.» 9Lɛn lɛ wusoo á bɔ lon doo, á pɛ ka a paabaa ǹ wɔ nɛ: «Lawa bɛ́ pii mà màn mɛn tá siĩni, nsɛ Piɛrɛ baran pɛ mà soɛ̃ màn nə ka bɛ-n wa.» 10Bɛa sii kɛ lɛ na á n zɛnaa gunyin sɔɔ. Bɛ kio, bɛa mɔnaa lɛ wusoo á woo lon. 11A din bǎã-n gɔrɔ, wɔ bɛ́ kion mɛn nɛ, min sɔɔ daa ǹ nə́ bɔ Sezaaree kiwi, maǹ nə́ ǹ dia ma li. 12Lawa a Yiri Fu pɛ ma nɛ: «Wo kunun ǹ ni, nyɛ́ɛ goon din baran n kũ wa.» Ma dɔɔ̃n min sɔrɔ kɛ na á woo kun ka ma nɛ. Wɔ́ wɔ Kɔrnɛyi lɛ a kion. 13Lon a dia dí-a wole lɛ bɛ́ á daa wɔ a kion lɔn, á boo mɛn pɛ nɛ, giĩ lɛ bɛ laakalaa wɔsɛn manɛ. A na á pɛ nɛ: «Min dia Zoopee kiwi, Simɔn mɛn bɛ́ ǹ nə́ bíi Piɛrɛ, a pɛ nɛ mà a daa. 14Bɛa Piɛrɛ lɛ á die siin laakalɛɛ n nɛ, siin mɛnɛn bɛ́ re die n din laanka n kion minin kirisibaa nɛ.» 15Masɛ Piɛrɛ nə n lɛ bũ boɛɛn lɔn gɔrɔ má n boo diɛ, Yiri Fu gisĩ minin lɛn la, ka a bɛ́ á zɛnaa wɔsɛn dɔn man lɔn a giala koe li. 16#NDS 1.5. Masɛ yiri tɔ́n daa ka Dɛnaa a boo kɛ nɛ, a màn mɛn pɛ: «ZAÃ na á *batɛmu da minin ganaa ka mu ni, sɛnɛ, kasɛn man die we Lawa a zii ni ka Yiri Fu pàã nɛ.» 17Bɛa minin kɛn lɛn ǹ nə́ golee Dɛnaa Yezu *Krita li, bɛ̀ Lawa din ná a bǐɛ̃baa ǹ màn kɔ ǹ la, ká a bɛ́ á kɔ wɔsɛn dɔn la lɔn, masɛ Piɛrɛ n die lɛa, ma tɔn Lawa kurəə bɛa zɛnaa ganaa?
18Min mɛnɛn bɛ́ n too koe Piɛrɛ lon, ǹ bɛ́ ǹ nə́ boo kɛ ma, ǹ foo waa. Ǹ nə́ barka da Lawa-n kɛnɛn: «Á ke, Lawa zii kɔ tɔrɔ kɔsɔn kɛn dɔn la, ǹ nə́ wusoo ǹ sii baraan kio, ǹ nə́ golee Lawa li. Bɛa tɔ wɔ ǹ gɔn bɔyaa kɛ nə ǹ kiɛ yiikoonaabaa taãn-taãn nɛ.»
Lawa a sɔmɔ lɛ a giala kɔ Antiɔsi kiwi boo
19 #
NDS 8.1-4. Fuu gole mɛn da Itian a gɛ̀ waáraa, á Lawa-nyankɔlen sasawaa. Bɛa minin kɛn lɛn tɛn nə́ woo yǎa Fenisii gána nɛ, ǹ nə́ wɔ Siipri gána laanka Antiɔsi kiwi. Ǹ Lawa a boo pɛ min kɔsɔ kɔ́n nɛ duduu wa, yǎa Zuifun. 20Sɛnɛ, ǹ gialakunun mɛnɛn bɛ́ Siipri gána laanka Sirɛni kiwi minin lɛa, bɛn nə́ woo Antiɔsi, ǹ nə́ Dɛnaa Yezu a boo kɔɔ̃n kɛ pɛ tɔrɔ kɔsɔn dɔn manɛ. 21Dɛnaa din na á goã n doe ǹ lɛ, bɛ lɛ taman yii, min gigiã nə́ n yɔrɔ bɔyaa ǹ nə́ da Yezu la, ǹ nə́ golee li.
22Bɛa sii kɛ lɛ a boo daa kaa Lawa a sɔmɔ minin too ne Zeruzalɛmu kiwi. Ǹ nə́ Barnabaasi bɔ ǹ nə́ dia Antiɔsi kiwi. 23A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li. 24Sonbore, Barnabaasi lɛ na á goã min pepere lɛa, Lawa a Yiri Fu n la, golee Lawa li dɔ ná a lon. Bɛa yɔrɔ kɛ lɛ la, zaman gole kaa kun ka Lawa-nyankɔlen lɛn nɛ, ǹ nə́ golee Dɛnaa li. 25Barnabaasi tɔ́n woo Tarsi kiwi, á woo ga Sooli li. 26Á woo yaa á kũ, á daa-n Antiɔsi kiwi. Ǹ nə́ lɛ̀ goon tumu zɛnaa, bɛ̀ ǹ nə́ dí nyɛɛ kun bɛa Lawa a sɔmɔ minin lɛn nɛ Antiɔsi, ǹ nə́ zaman gole darɛɛ. Ǹ Lawa-nyankɔlen bíi Krita wɔn, bɛ na á n giala kɔ Antiɔsi kiwi bibinaa nɛ.
Dɔ kɔn lɛ ǹ sii
27Bɛa biikoo kɛ lɛ li, Lawa a boo gii-dalin nə́ bɔ Zeruzalɛmu ǹ nə́ woo Antiɔsi. 28#NDS 21.10. Ǹ goon mɛn tɔ bɛ́ Agabusu, Yiri Fu nyaa bɛ nɛ á pɛ, mà bòo gole á die we kanaa paǹ din tumaa nɛ. Sonbore, bɛa bòo lɛ wɔ Klodo a kiibaa wasa nɛ. 29Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la. 30Ǹ nə́ bɛ lɛ zɛnaa, ǹ nə́ kɔ Barnabaasi laanka Sooli la, mà ǹ wo wɔ Lawa a sɔmɔ minin lɛn nyɛɛnaandɛnan gɔn Zeruzalɛmu kiwi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.