Nya ǹ dín 3
3
Piɛrɛ laanka ZAÃ n bɔlɔka a busu nyɛɛ
1Ǹ kɔ́n pinaa, Piɛrɛ laanka ZAÃ n woe Lawa a kion. Maǹ nə́ goã woe Lawa nyankoe, wasa lɛ kanaa nɛ, biikoo sɔɔbaa ǹ wɔ li. 2Giĩ goon ne, minin nə́ goã guĩ bɛ̀ ǹ wo da tán Lawa a kion a kiɛnlɛ-a, ǹ bɛ́ kiɛnlɛ mɛn bíi mà "Kiɛnlɛ Siĩni". Bɛa giĩ lɛ na á yɛ bɔlɔka lɛa. Maǹ woe diɛ tán kiɛnlɛ-a, màn mɛn bɛ́ toɛ, a nyankɔ wɔ Lawa a kion wolen la. 3A bɛ́ á Piɛrɛ laanka ZAÃ yɛ ǹ nə́ die we Lawa a kion lɛ nɛ, á ǹ nyankɔ mà ǹ màn kɔ asɛ la. 4Piɛrɛ laanka ZAÃ nə́ n yiin doa la, yǎa Piɛrɛ pɛ nɛ: «Ga wɔsɛn ganaa!»
5Giĩ lɛ nə́ n yii doa ǹ la taãn-taãn kəni, a giala, a na á goã n yii diɛ mà ǹ tá re màn kɔ́n koe asɛ la. 6Piɛrɛ mà a ganaa: «Sana ba ma lon wa, wɔrɔ dɔ ba ma lon wa. Sɛnɛ, màn mɛn bɛ́ ma lon, man bɛ koe n la. Nazarɛtin Yezu tɔ pàã ganaa, yoo n tɔ wɔ.»
7Piɛrɛ tɔ́n kũ a gusin a gɔn-a, á n dɔ lɛ mà a yoo lon. A din bǎã-n gɔrɔ giĩ lɛ gòãn laanka a gòã wìin nə́ n doa. 8Á parɛ á yoo á golee a gòãn la, á n gòã da tɔ nɛ. Á wɔ kunun ǹ ni Lawa a kion lɛ nɛ, a ń tɔ we, á n paparɛ, á n Lawa tɔ boe. 9Zaman din tumaa yɛ tɔ we, Lawa tɔ boe, 10ǹ nə́ dɔ̃, liere ná a ba a-n wa, mà a din lɛ na á goã giɛ̃ tán Lawa a kion a "Kiɛnlɛ Siĩn" kɛ lɛ-a bɛ̀ a nyankɔ. Bɛa sii kɛ lɛ a zɛnaa miɛ̃ lɛ nyɛ́ɛ da minin lɛn ganaa parsiini, á kaãbaa dɔ da ǹ ganaa.
Piɛrɛ a Lawa a boo laakalaa paabaa ǹ wɔ
11Giĩ lɛ goã n niɛ̃ n boe Piɛrɛ laanka ZAÃ ganaa doo wa. Zaman nə́ baa si ǹ nə́ daa ǹ lɛnpɛnɛ Lawa a kion a sumu bǎã kɛ nɛ, ǹ bɛ́ bǎã mɛn bíi mà "Salomɔn a Siã Bǎã". Ǹ nə́ n kaãbaa parsiini. 12Piɛrɛ bɛ́ á zaman lɛ yɛ, á pɛ ǹ nɛ:
– Izirayeli minin lɛn, wàa na á baa ka tá n kaãbiɛ sii kɛ ganaa? Ka baran taasɛ mà wɔsɛn dinin pàã nɛ, hinlaa mà wɔsɛn dinin nyɛ́ɛbaa Lawa yii-n na á toa, giĩ kɛ tɔ wɔ wa. 13#BBN 3.15. Abrahamu ni ka Izaaki laanka Zakɔba a Lawa lɛ, wɔsɛn digolon Lawa lɛa, bɛ lɛ na á Yezu lɛ saa lon á da gugurubaa nɛ a din li, a din a dí-nyali Yezu mɛn bɛ́ ǹ nə́ dɛ á gã. A na á goã kii gole Pilati gɔ́ɔ̃ nɛ a da, sɛnɛ, ka dinin man ka laa mà yaa a dii. 14#MAT 27.15-23; MAR 15.6-14; LUK 23.13-23; ZAÃ 19.12-15. Ka n piã ka Lawa din "wɔ" kɛ lɛ nɛ, min pepere kɛ lɛ, ká a nyankɔ mà ǹ gɛ̀-dɛle da ǹ bɔ kòso-n. 15Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa. 16Giĩ lɛ golee Yezu tɔ mɛn li, bɛa tɔ kɛ lɛ pàã na á giĩ kɛ kaka kɔ. Giĩ kɛ lɛ, ka yii ná a ganaa, ka n doɛ̃ dɔn. Yezu tɔ kɛ lɛ á golee li, bɛa tɔ kɛ lɛ na á ná a bɔlɔkabaa nya ka lenlen, ka ka dinin tumaa yii bɛ́ a ganaa lɔn.
17Ma dɔɔ̃nɔn lɛn ganaa, sonbore, ma á doɛ̃ máa sii doɛ̃baã na á toa, ka laanka kaa goledɛnan nə́ bɛa nɔmaa kɛ lɛ da Yezu mìi ni. 18Sɛnɛ, Lawa din na á pɛ, mà asɛ lɛ kɔ ka Minin Nyin-sili mɛn nɛ, mà bɛ á re fuu yii. A boo gii-dalin tumaa saa lɛlɛ ǹ nə́ bɛ pɛ, mà Lawa na á toa ǹsɛn kɛn lɛn ná a lɛ pã ǹ sii zɛnaa. 19Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu. 20Bɛa waáraa kəni, Dɛnaa Lawa á die là nyantoro biikoo koe ka la, Minin Nyin-sili mɛn boo nə n da kaa wɔ lɛa, á re bɛ diɛ ka la. Bɛa Nyin-sili kɛ lɛ, Yezu ni. 21Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.
22 #
TDP 18.15,18. Muizu pɛ lɛlɛ a wɔ gɔn la: «Dɛnaa Lawa á die a din a boo gii-dali diɛ kaa lɛa ka masɛ bɛ́ lɔn. A n die boe ka tɔrɔn bii. A bɛ́ re màn mɛn yii pii ka nɛ, ka n too kɔ a lon. 23#TDP 18.19. Min woo min ba re n too koe bɛa Lawa a boo gii-dali kɛ lɛ lon wa, bɛ á re n boe a n bɔ zaman lɛ bii.»
24Piɛrɛ pɛ: «Lawa a boo gii-dalin lɛn, a kũ Samayeli ganaa, a wo a kiodɛnan yaa, ǹ tumaa boo da pelo a biikoo kɛ lɛ a siin lɛn zɛnaa wɔ gɔn la. 25#SGK 22.18. Kaa wɔ nə́ n zɛnaa, a giala, ka dinin lɛn man Lawa a boo gii-dalin lɛn nɛnyaanan lɛa. Lawa na á lɛ kɔ kɔn la wɔ ka ka dinin lɛn digolon ne. Á pɛ Abrahamu-n dinin, mà asɛ Lawa n die barka diɛ kanaa minin tɔrɔ tumaa ganaa ka a din a nɛnyaanan barka nɛ. 26Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»
Currently Selected:
Nya ǹ dín 3: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Nya ǹ dín 3
3
Piɛrɛ laanka ZAÃ n bɔlɔka a busu nyɛɛ
1Ǹ kɔ́n pinaa, Piɛrɛ laanka ZAÃ n woe Lawa a kion. Maǹ nə́ goã woe Lawa nyankoe, wasa lɛ kanaa nɛ, biikoo sɔɔbaa ǹ wɔ li. 2Giĩ goon ne, minin nə́ goã guĩ bɛ̀ ǹ wo da tán Lawa a kion a kiɛnlɛ-a, ǹ bɛ́ kiɛnlɛ mɛn bíi mà "Kiɛnlɛ Siĩni". Bɛa giĩ lɛ na á yɛ bɔlɔka lɛa. Maǹ woe diɛ tán kiɛnlɛ-a, màn mɛn bɛ́ toɛ, a nyankɔ wɔ Lawa a kion wolen la. 3A bɛ́ á Piɛrɛ laanka ZAÃ yɛ ǹ nə́ die we Lawa a kion lɛ nɛ, á ǹ nyankɔ mà ǹ màn kɔ asɛ la. 4Piɛrɛ laanka ZAÃ nə́ n yiin doa la, yǎa Piɛrɛ pɛ nɛ: «Ga wɔsɛn ganaa!»
5Giĩ lɛ nə́ n yii doa ǹ la taãn-taãn kəni, a giala, a na á goã n yii diɛ mà ǹ tá re màn kɔ́n koe asɛ la. 6Piɛrɛ mà a ganaa: «Sana ba ma lon wa, wɔrɔ dɔ ba ma lon wa. Sɛnɛ, màn mɛn bɛ́ ma lon, man bɛ koe n la. Nazarɛtin Yezu tɔ pàã ganaa, yoo n tɔ wɔ.»
7Piɛrɛ tɔ́n kũ a gusin a gɔn-a, á n dɔ lɛ mà a yoo lon. A din bǎã-n gɔrɔ giĩ lɛ gòãn laanka a gòã wìin nə́ n doa. 8Á parɛ á yoo á golee a gòãn la, á n gòã da tɔ nɛ. Á wɔ kunun ǹ ni Lawa a kion lɛ nɛ, a ń tɔ we, á n paparɛ, á n Lawa tɔ boe. 9Zaman din tumaa yɛ tɔ we, Lawa tɔ boe, 10ǹ nə́ dɔ̃, liere ná a ba a-n wa, mà a din lɛ na á goã giɛ̃ tán Lawa a kion a "Kiɛnlɛ Siĩn" kɛ lɛ-a bɛ̀ a nyankɔ. Bɛa sii kɛ lɛ a zɛnaa miɛ̃ lɛ nyɛ́ɛ da minin lɛn ganaa parsiini, á kaãbaa dɔ da ǹ ganaa.
Piɛrɛ a Lawa a boo laakalaa paabaa ǹ wɔ
11Giĩ lɛ goã n niɛ̃ n boe Piɛrɛ laanka ZAÃ ganaa doo wa. Zaman nə́ baa si ǹ nə́ daa ǹ lɛnpɛnɛ Lawa a kion a sumu bǎã kɛ nɛ, ǹ bɛ́ bǎã mɛn bíi mà "Salomɔn a Siã Bǎã". Ǹ nə́ n kaãbaa parsiini. 12Piɛrɛ bɛ́ á zaman lɛ yɛ, á pɛ ǹ nɛ:
– Izirayeli minin lɛn, wàa na á baa ka tá n kaãbiɛ sii kɛ ganaa? Ka baran taasɛ mà wɔsɛn dinin pàã nɛ, hinlaa mà wɔsɛn dinin nyɛ́ɛbaa Lawa yii-n na á toa, giĩ kɛ tɔ wɔ wa. 13#BBN 3.15. Abrahamu ni ka Izaaki laanka Zakɔba a Lawa lɛ, wɔsɛn digolon Lawa lɛa, bɛ lɛ na á Yezu lɛ saa lon á da gugurubaa nɛ a din li, a din a dí-nyali Yezu mɛn bɛ́ ǹ nə́ dɛ á gã. A na á goã kii gole Pilati gɔ́ɔ̃ nɛ a da, sɛnɛ, ka dinin man ka laa mà yaa a dii. 14#MAT 27.15-23; MAR 15.6-14; LUK 23.13-23; ZAÃ 19.12-15. Ka n piã ka Lawa din "wɔ" kɛ lɛ nɛ, min pepere kɛ lɛ, ká a nyankɔ mà ǹ gɛ̀-dɛle da ǹ bɔ kòso-n. 15Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa. 16Giĩ lɛ golee Yezu tɔ mɛn li, bɛa tɔ kɛ lɛ pàã na á giĩ kɛ kaka kɔ. Giĩ kɛ lɛ, ka yii ná a ganaa, ka n doɛ̃ dɔn. Yezu tɔ kɛ lɛ á golee li, bɛa tɔ kɛ lɛ na á ná a bɔlɔkabaa nya ka lenlen, ka ka dinin tumaa yii bɛ́ a ganaa lɔn.
17Ma dɔɔ̃nɔn lɛn ganaa, sonbore, ma á doɛ̃ máa sii doɛ̃baã na á toa, ka laanka kaa goledɛnan nə́ bɛa nɔmaa kɛ lɛ da Yezu mìi ni. 18Sɛnɛ, Lawa din na á pɛ, mà asɛ lɛ kɔ ka Minin Nyin-sili mɛn nɛ, mà bɛ á re fuu yii. A boo gii-dalin tumaa saa lɛlɛ ǹ nə́ bɛ pɛ, mà Lawa na á toa ǹsɛn kɛn lɛn ná a lɛ pã ǹ sii zɛnaa. 19Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu. 20Bɛa waáraa kəni, Dɛnaa Lawa á die là nyantoro biikoo koe ka la, Minin Nyin-sili mɛn boo nə n da kaa wɔ lɛa, á re bɛ diɛ ka la. Bɛa Nyin-sili kɛ lɛ, Yezu ni. 21Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.
22 #
TDP 18.15,18. Muizu pɛ lɛlɛ a wɔ gɔn la: «Dɛnaa Lawa á die a din a boo gii-dali diɛ kaa lɛa ka masɛ bɛ́ lɔn. A n die boe ka tɔrɔn bii. A bɛ́ re màn mɛn yii pii ka nɛ, ka n too kɔ a lon. 23#TDP 18.19. Min woo min ba re n too koe bɛa Lawa a boo gii-dali kɛ lɛ lon wa, bɛ á re n boe a n bɔ zaman lɛ bii.»
24Piɛrɛ pɛ: «Lawa a boo gii-dalin lɛn, a kũ Samayeli ganaa, a wo a kiodɛnan yaa, ǹ tumaa boo da pelo a biikoo kɛ lɛ a siin lɛn zɛnaa wɔ gɔn la. 25#SGK 22.18. Kaa wɔ nə́ n zɛnaa, a giala, ka dinin lɛn man Lawa a boo gii-dalin lɛn nɛnyaanan lɛa. Lawa na á lɛ kɔ kɔn la wɔ ka ka dinin lɛn digolon ne. Á pɛ Abrahamu-n dinin, mà asɛ Lawa n die barka diɛ kanaa minin tɔrɔ tumaa ganaa ka a din a nɛnyaanan barka nɛ. 26Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.