Nya ǹ dín 8
8
1Itian dɛ a gã kɛ lɛ kɔɔ̃n kɔ Sooli dɔ ganaa.
Sooli n fuu nyɛɛ Lawa a sɔmɔ nɛ
A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ. 2Nyɛ́ɛbaa Lawa yii-n wolen nə́ Itian gere saa ǹ nə́ bĩ, ǹ ná a gɛ̀ wuu pɛ parsiini.
3 #
NDS 22.4-5; 26.9-11. Sooli sɛ, asɛ na á goã n doɛ, mà asɛ Lawa a sɔmɔ kɛ nya. A na á goã we kionən ne, a giĩn laanka lɔn baã a soo ǹ ne, bɛ̀ a wo ǹ zũ kòso-n.
Lawa a boo a wɔ Samarii gána-n boo
4Sɛnɛ, ǹ minin mɛnɛn sasawaa ke, bɛn ma nə́ goã n bibiĩ, bɛ̀ ǹ nə́ Yezu a boo kɔɔ̃n kɛ pii.
5Bɛa gɔn kɛ lɛ la, Filipi woo Samarii kiwi. Á pɛ bɛa kiwi lɛ a minin manɛ, mà Lawa bɛ́ mà á re Minin Nyin-sili mɛn diɛ, mà Yezu lɛ n bɛ lɛa. 6Zaman lɛ tumaa kɔn bɔlɔ ma, ǹ nə́ n too kɔ Filipi a boo li sɔnbɔraanɛ. Maǹ nə n too koe a lon, bɛ̀ ǹ tá giɛ a kaãbaa ǹ sii zɛnaan kɛn dɔn ganaa. 7Sonbore, nɔ̀ɔn babaraa gigiã na á goã n boe nɔ̀ɔndɛnan ganaa, bɛ̀ ǹ nə́ n lɛ dii parsiini. Bɔlɔka gigiã laanka siməə wole gigiã dɔ a busu nya. 8Nyɛnyɛɛ gole yɛ bɛa kiwi lɛ nɛ.
9Á daa yaa, giĩ goon dɔ na á goã bɛa kiwi lɛ nɛ, a tɔ n Simɔn. A na á goã koe siin zɛnɛɛ, á n kaãbaa diɛ Samarii minin ganaa parsiini. 10A na á goã n din biɛ màn gole lɛa, min tumaa goã n foo doɛ a ganaa, a kũ nɛnyaanan ganaa a wo min golen yaa. Maǹ nə́ goã pii: «Lawa kɔ́n pàã n giĩ kɛ nɛ, Lawa mɛn tɔ bɛ́ "Pàã Gole".» 11Ǹ tumaa na á goã n foo doɛ giĩ lɛ ganaa, a giala, haalɛ bibi a na á goã kaãbaa diɛ ǹ ganaa ka a koe siin zɛnaa kɛ nɛ. 12Sɛnɛ, Filipi na á goã *Lawa a kiibaa ǹ Boo Tii Kɔɔ̃n kɛ pii Yezu *Krita wɔ gɔn la, á nyaa, mà Lawa a kiibaa ǹ dí lɛ na á n giala kɔ kanaa ka a din ni. Ǹ bɛ́ ǹ nə́ golee li, ǹ nə́ lɛ kɔ, lɔn laanka giĩn ni, ǹ nə́ *batɛmu kɛ si. 13Simɔn lɛ dɔ́ Lawa-nyankɔle baa, á lɛ kɔ batɛmu kɛ ganaa. A goã n boe Filipi kio doo wa. A bɛ́ á sii-nyaa ǹ siin laanka kaãbaa ǹ sii dadaran kɛn yɛ n zɛnɛɛ, sonbore, a dɔ nə́ n kaãbaa parsiini.
14Dia dí-a wolen lɛn Zeruzalɛmu kiwi, ǹ bɛ́ ǹ nə́ ma, mà Samarii minin nə́ lɛ kɔ Lawa a boo lɛ ganaa, ǹ nə́ Piɛrɛ laanka ZAÃ dia bɛa kiwi lɛ nɛ. 15Ǹ bɛ́ ǹ nə́ dɔ lɔn gɔrɔ, bɛa min paa lɛ Lawa nyankɔ Samarii minin lɛn manɛ, màn mɛn bɛ́ toɛ Lawa a Yiri Fu gisĩ ǹ dɔn la. 16Sonbore, Lawa a Yiri Fu goã á gisĩ ǹ kɔn la bɔrɔ wa, maǹ nə́ goã ǹ nə́ batɛmu dinsɔɔ̃ yɛ ka Dɛnaa Yezu tɔ nɛ. 17Piɛrɛ laanka ZAÃ tɔ́n mɛ la, ǹ nə́ n gɔnɔn da Samarii minin lɛn mìi ni, ǹ nə́ Lawa nyankɔ, yǎa Yiri Fu gisĩ ǹ la. 18Sɛnɛ, Simɔn bɛ́ á yɛ mà bɛ̀ dia dí-a wolen lɛn nə́ n gɔn da min la, mà Yiri Fu n gisĩ la, á pɛ ǹ nɛ: «Masɛ n die wɔrɔ koe ka la. 19Ka bɛa pàã kɛ lɛ kɔ masɛ dɔ la, màn mɛn bɛ́ toɛ, bɛ̀ masɛ dɔ́ nə́ n gɔn da minin mɛnɛn la, Yiri Fu gisĩ bɛn la.»
20Sɛnɛ, Piɛrɛ ná a lɛ si: «N bɛ́ ń taasɛ mà n tá boe la, n Lawa a bǐɛ̃ sonbore kɛ pii ka wɔrɔ nɛ, n laanka n wɔrɔ tumaa bɔ̀n baa kun. 21Màn mɛn bɛ́ n zɛnɛɛ kànaa, n wɔ gii kɔ́n ba bɛ-n wa, a giala n foo a tele-n Lawa yɔrɔ-a wa. 22N taasɛ n golee n sii baraan li, n wusoo n baraabaa kɛ kio, n Dɛnaa nyankɔ. Taasiɛ naarɛ mɛn wɔ n foo-n ke, kɔntan Lawa á re bɛ toɛ n nɛ. 23Má yɛ máa busii baraa tá n foo ne, sii baraa dɔ́ nə n kũ á n baa bɛ̀rɛ lɛa.»
24Simɔn pɛ: «Ka dininmaan nə Dɛnaa lɛ nyankɔ masɛ a lɛa, màn mɛn bɛ́ toɛ, ka sii mɛn boo da masɛ wɔ gɔn la, bɛ kɔ́n baran n zɛnaa masɛ-n wa.»
25Piɛrɛ laanka ZAÃ tɔ́n nyaa ka Lawa a boo ne, siin mɛnɛn nə n zɛnaa Dɛnaa Yezu lɛ nɛ, mà bɛn tá kiɛ̃-n sɛ́wɔ-n gɔrɔ. Bɛ kio, ǹ nə́ wusoo ǹ nə́ woo Zeruzalɛmu. Ǹ nə́ goã Boo Tii Kɔɔ̃n kɛ pii Samarii gána kiwi gigiã nɛ.
Filipi laanka Etiopii gána a goledɛnaa goon
26Dɛnaa a lon a dia dí-a wole boo da ka Filipi ni: «Zii saa n wo Ezipti gána paǹ li, zii mɛn bɛ́ boe Zeruzalɛmu á woe Gaazaa kiwi, minin nə́ ǹ ba koe lɛ wa, wo bɛ saa.»
27Filipi bɛ́ á bɛ ma lɔn gɔrɔ, á yoo fufuu á woo. Á daa yaa, giĩ goon dɔ na á goã bɛa zii lɛ la, Etiopii gána a kii lɔ dɛnaa kɛ a dí-nyali gole goon ne. Giĩ lɛ n kii lɛ a kion sii yɔrɔ-bɔle lɛa, á koa a naforo din tumaa mìi la. Bɛa Etiopii gána min kɛ lɛ na á woo Lawa guguru kɔ Zeruzalɛmu, 28a na á wusoo á woe a gána nɛ. A bɛ́ giã nɛ a wotoro ne, a na á goã Lawa a boo gii-dali Izayii a sɛ́wɔ kɛ pii. 29Yiri Fu pɛ Filipi ni: «N zɔ̃ n dɔ wotoro kɛ li.»
30Filipi baa si á n mɔrɔ a ganaa, á giĩ lɛ lɛ ma Lawa a boo gii-dali Izayii a sɛ́wɔ pii, yǎa a pɛ nɛ: «N bɛ́ màn mɛn pii, n tá bɛ giala miɛ taãn-taãnɛ?»
31Giĩ lɛ Filipi lɛ si: «Man siɛ lɔn ma a giala ma, bɛ̀ min na a yɔrɔ pɛ ma-n wa?»
Á lɛ dia Filipi la, á wɔ wotoro lɛ nɛ á giã a li. 32#IZA 53.7-8. Giĩ lɛ bɛ́ á goã bǎã mɛn pii sɛ́wɔ lɛ nɛ, bɛ n ka kɛ nɛ:
«Ká sère bɛ́ lɔn ǹ nə́ woe a bɔlɔ kuri,
ka sère nɛ mɛn bɛ́ kiĩni a ka-kuruli gɔn,
a dɔ n miɛ̃ a ba n lɛ buĩ á boo diɛ wa.
33 Ǹ ná a puusə kɔ, ǹ nə́ n piã ǹ sonbore kɔ la wa.
Ǹ ná a nyin bɔ, ǹ nə́ bɔ kanaa minin li.
Bɛ lɛ tɔ ganaa, a bɛ́ a re nɛyaanan yii, min tɔn bɛn boo da wa.»
34Giĩ lɛ pɛ Filipi ni: «Ma nə n nyankoe máa n pɛ ma nɛ, Lawa a boo gii-dali kɛ lɛ n boo diɛ die wɔ gɔn la? A n boo diɛ a din wɔ gɔn la, hinlaa a n boo diɛ min kɔsɔ wɔ gɔn la?»
35Filipi tɔ́n nə́ n lɛ bũ, á saa sɛ́wɔ kɛ lɛ a boo ganaa, á Yezu boo kɔɔ̃n kɛ pɛ giĩ lɛ nɛ. 36Ǹ bɛ́ zii lɛ la woe, ǹ nə́ woo dɔ mu bǎã goon ne, yǎa Etiopiin giĩ lɛ pɛ: «Mu á ke. Wàa n nə masɛ kurii batɛmu lɛ a yɛ ganaa?»
37[Filipi pɛ nɛ: «Bɛ̀ ń golee Lawa li ka n foo din tumaa nɛ, n tá boe la n bɛa batɛmu lɛ yɛ.»
Giĩ lɛ ná a lɛ si: «Masɛ golee li máa Yezu Krita lɛ n Lawa a Nɛgiĩ lɛa.»]
38Bɛ kio, giĩ lɛ pɛ mà ǹ wotoro lɛ kurəə. A din dí-nyali gole kɛ lɛ, a laanka Filipi wɔ mu lɛ li, ǹ dinin min paa, yǎa Filipi batɛmu lɛ da a ganaa. 39Ǹ bɛ́ ǹ nə́ soo ǹ nə́ n bɔ mu lɛ li, Yiri Fu Filipi saa. Giĩ lɛ yɛ a yii-n doo wa, sɛnɛ, a ná a zii gialakun kɛ tɔ wɔ ka nyɛnyɛɛ nɛ.
40Filipi sɛ́ woo n din yaa Azɔti kiwi. Á soo walan á zii kũ, bɛ̀ a n Yezu boo pii kiwin tumaa nɛ, yǎa á woo dɔ Sezaaree kiwi.
Currently Selected:
Nya ǹ dín 8: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
Nya ǹ dín 8
8
1Itian dɛ a gã kɛ lɛ kɔɔ̃n kɔ Sooli dɔ ganaa.
Sooli n fuu nyɛɛ Lawa a sɔmɔ nɛ
A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ. 2Nyɛ́ɛbaa Lawa yii-n wolen nə́ Itian gere saa ǹ nə́ bĩ, ǹ ná a gɛ̀ wuu pɛ parsiini.
3 #
NDS 22.4-5; 26.9-11. Sooli sɛ, asɛ na á goã n doɛ, mà asɛ Lawa a sɔmɔ kɛ nya. A na á goã we kionən ne, a giĩn laanka lɔn baã a soo ǹ ne, bɛ̀ a wo ǹ zũ kòso-n.
Lawa a boo a wɔ Samarii gána-n boo
4Sɛnɛ, ǹ minin mɛnɛn sasawaa ke, bɛn ma nə́ goã n bibiĩ, bɛ̀ ǹ nə́ Yezu a boo kɔɔ̃n kɛ pii.
5Bɛa gɔn kɛ lɛ la, Filipi woo Samarii kiwi. Á pɛ bɛa kiwi lɛ a minin manɛ, mà Lawa bɛ́ mà á re Minin Nyin-sili mɛn diɛ, mà Yezu lɛ n bɛ lɛa. 6Zaman lɛ tumaa kɔn bɔlɔ ma, ǹ nə́ n too kɔ Filipi a boo li sɔnbɔraanɛ. Maǹ nə n too koe a lon, bɛ̀ ǹ tá giɛ a kaãbaa ǹ sii zɛnaan kɛn dɔn ganaa. 7Sonbore, nɔ̀ɔn babaraa gigiã na á goã n boe nɔ̀ɔndɛnan ganaa, bɛ̀ ǹ nə́ n lɛ dii parsiini. Bɔlɔka gigiã laanka siməə wole gigiã dɔ a busu nya. 8Nyɛnyɛɛ gole yɛ bɛa kiwi lɛ nɛ.
9Á daa yaa, giĩ goon dɔ na á goã bɛa kiwi lɛ nɛ, a tɔ n Simɔn. A na á goã koe siin zɛnɛɛ, á n kaãbaa diɛ Samarii minin ganaa parsiini. 10A na á goã n din biɛ màn gole lɛa, min tumaa goã n foo doɛ a ganaa, a kũ nɛnyaanan ganaa a wo min golen yaa. Maǹ nə́ goã pii: «Lawa kɔ́n pàã n giĩ kɛ nɛ, Lawa mɛn tɔ bɛ́ "Pàã Gole".» 11Ǹ tumaa na á goã n foo doɛ giĩ lɛ ganaa, a giala, haalɛ bibi a na á goã kaãbaa diɛ ǹ ganaa ka a koe siin zɛnaa kɛ nɛ. 12Sɛnɛ, Filipi na á goã *Lawa a kiibaa ǹ Boo Tii Kɔɔ̃n kɛ pii Yezu *Krita wɔ gɔn la, á nyaa, mà Lawa a kiibaa ǹ dí lɛ na á n giala kɔ kanaa ka a din ni. Ǹ bɛ́ ǹ nə́ golee li, ǹ nə́ lɛ kɔ, lɔn laanka giĩn ni, ǹ nə́ *batɛmu kɛ si. 13Simɔn lɛ dɔ́ Lawa-nyankɔle baa, á lɛ kɔ batɛmu kɛ ganaa. A goã n boe Filipi kio doo wa. A bɛ́ á sii-nyaa ǹ siin laanka kaãbaa ǹ sii dadaran kɛn yɛ n zɛnɛɛ, sonbore, a dɔ nə́ n kaãbaa parsiini.
14Dia dí-a wolen lɛn Zeruzalɛmu kiwi, ǹ bɛ́ ǹ nə́ ma, mà Samarii minin nə́ lɛ kɔ Lawa a boo lɛ ganaa, ǹ nə́ Piɛrɛ laanka ZAÃ dia bɛa kiwi lɛ nɛ. 15Ǹ bɛ́ ǹ nə́ dɔ lɔn gɔrɔ, bɛa min paa lɛ Lawa nyankɔ Samarii minin lɛn manɛ, màn mɛn bɛ́ toɛ Lawa a Yiri Fu gisĩ ǹ dɔn la. 16Sonbore, Lawa a Yiri Fu goã á gisĩ ǹ kɔn la bɔrɔ wa, maǹ nə́ goã ǹ nə́ batɛmu dinsɔɔ̃ yɛ ka Dɛnaa Yezu tɔ nɛ. 17Piɛrɛ laanka ZAÃ tɔ́n mɛ la, ǹ nə́ n gɔnɔn da Samarii minin lɛn mìi ni, ǹ nə́ Lawa nyankɔ, yǎa Yiri Fu gisĩ ǹ la. 18Sɛnɛ, Simɔn bɛ́ á yɛ mà bɛ̀ dia dí-a wolen lɛn nə́ n gɔn da min la, mà Yiri Fu n gisĩ la, á pɛ ǹ nɛ: «Masɛ n die wɔrɔ koe ka la. 19Ka bɛa pàã kɛ lɛ kɔ masɛ dɔ la, màn mɛn bɛ́ toɛ, bɛ̀ masɛ dɔ́ nə́ n gɔn da minin mɛnɛn la, Yiri Fu gisĩ bɛn la.»
20Sɛnɛ, Piɛrɛ ná a lɛ si: «N bɛ́ ń taasɛ mà n tá boe la, n Lawa a bǐɛ̃ sonbore kɛ pii ka wɔrɔ nɛ, n laanka n wɔrɔ tumaa bɔ̀n baa kun. 21Màn mɛn bɛ́ n zɛnɛɛ kànaa, n wɔ gii kɔ́n ba bɛ-n wa, a giala n foo a tele-n Lawa yɔrɔ-a wa. 22N taasɛ n golee n sii baraan li, n wusoo n baraabaa kɛ kio, n Dɛnaa nyankɔ. Taasiɛ naarɛ mɛn wɔ n foo-n ke, kɔntan Lawa á re bɛ toɛ n nɛ. 23Má yɛ máa busii baraa tá n foo ne, sii baraa dɔ́ nə n kũ á n baa bɛ̀rɛ lɛa.»
24Simɔn pɛ: «Ka dininmaan nə Dɛnaa lɛ nyankɔ masɛ a lɛa, màn mɛn bɛ́ toɛ, ka sii mɛn boo da masɛ wɔ gɔn la, bɛ kɔ́n baran n zɛnaa masɛ-n wa.»
25Piɛrɛ laanka ZAÃ tɔ́n nyaa ka Lawa a boo ne, siin mɛnɛn nə n zɛnaa Dɛnaa Yezu lɛ nɛ, mà bɛn tá kiɛ̃-n sɛ́wɔ-n gɔrɔ. Bɛ kio, ǹ nə́ wusoo ǹ nə́ woo Zeruzalɛmu. Ǹ nə́ goã Boo Tii Kɔɔ̃n kɛ pii Samarii gána kiwi gigiã nɛ.
Filipi laanka Etiopii gána a goledɛnaa goon
26Dɛnaa a lon a dia dí-a wole boo da ka Filipi ni: «Zii saa n wo Ezipti gána paǹ li, zii mɛn bɛ́ boe Zeruzalɛmu á woe Gaazaa kiwi, minin nə́ ǹ ba koe lɛ wa, wo bɛ saa.»
27Filipi bɛ́ á bɛ ma lɔn gɔrɔ, á yoo fufuu á woo. Á daa yaa, giĩ goon dɔ na á goã bɛa zii lɛ la, Etiopii gána a kii lɔ dɛnaa kɛ a dí-nyali gole goon ne. Giĩ lɛ n kii lɛ a kion sii yɔrɔ-bɔle lɛa, á koa a naforo din tumaa mìi la. Bɛa Etiopii gána min kɛ lɛ na á woo Lawa guguru kɔ Zeruzalɛmu, 28a na á wusoo á woe a gána nɛ. A bɛ́ giã nɛ a wotoro ne, a na á goã Lawa a boo gii-dali Izayii a sɛ́wɔ kɛ pii. 29Yiri Fu pɛ Filipi ni: «N zɔ̃ n dɔ wotoro kɛ li.»
30Filipi baa si á n mɔrɔ a ganaa, á giĩ lɛ lɛ ma Lawa a boo gii-dali Izayii a sɛ́wɔ pii, yǎa a pɛ nɛ: «N bɛ́ màn mɛn pii, n tá bɛ giala miɛ taãn-taãnɛ?»
31Giĩ lɛ Filipi lɛ si: «Man siɛ lɔn ma a giala ma, bɛ̀ min na a yɔrɔ pɛ ma-n wa?»
Á lɛ dia Filipi la, á wɔ wotoro lɛ nɛ á giã a li. 32#IZA 53.7-8. Giĩ lɛ bɛ́ á goã bǎã mɛn pii sɛ́wɔ lɛ nɛ, bɛ n ka kɛ nɛ:
«Ká sère bɛ́ lɔn ǹ nə́ woe a bɔlɔ kuri,
ka sère nɛ mɛn bɛ́ kiĩni a ka-kuruli gɔn,
a dɔ n miɛ̃ a ba n lɛ buĩ á boo diɛ wa.
33 Ǹ ná a puusə kɔ, ǹ nə́ n piã ǹ sonbore kɔ la wa.
Ǹ ná a nyin bɔ, ǹ nə́ bɔ kanaa minin li.
Bɛ lɛ tɔ ganaa, a bɛ́ a re nɛyaanan yii, min tɔn bɛn boo da wa.»
34Giĩ lɛ pɛ Filipi ni: «Ma nə n nyankoe máa n pɛ ma nɛ, Lawa a boo gii-dali kɛ lɛ n boo diɛ die wɔ gɔn la? A n boo diɛ a din wɔ gɔn la, hinlaa a n boo diɛ min kɔsɔ wɔ gɔn la?»
35Filipi tɔ́n nə́ n lɛ bũ, á saa sɛ́wɔ kɛ lɛ a boo ganaa, á Yezu boo kɔɔ̃n kɛ pɛ giĩ lɛ nɛ. 36Ǹ bɛ́ zii lɛ la woe, ǹ nə́ woo dɔ mu bǎã goon ne, yǎa Etiopiin giĩ lɛ pɛ: «Mu á ke. Wàa n nə masɛ kurii batɛmu lɛ a yɛ ganaa?»
37[Filipi pɛ nɛ: «Bɛ̀ ń golee Lawa li ka n foo din tumaa nɛ, n tá boe la n bɛa batɛmu lɛ yɛ.»
Giĩ lɛ ná a lɛ si: «Masɛ golee li máa Yezu Krita lɛ n Lawa a Nɛgiĩ lɛa.»]
38Bɛ kio, giĩ lɛ pɛ mà ǹ wotoro lɛ kurəə. A din dí-nyali gole kɛ lɛ, a laanka Filipi wɔ mu lɛ li, ǹ dinin min paa, yǎa Filipi batɛmu lɛ da a ganaa. 39Ǹ bɛ́ ǹ nə́ soo ǹ nə́ n bɔ mu lɛ li, Yiri Fu Filipi saa. Giĩ lɛ yɛ a yii-n doo wa, sɛnɛ, a ná a zii gialakun kɛ tɔ wɔ ka nyɛnyɛɛ nɛ.
40Filipi sɛ́ woo n din yaa Azɔti kiwi. Á soo walan á zii kũ, bɛ̀ a n Yezu boo pii kiwin tumaa nɛ, yǎa á woo dɔ Sezaaree kiwi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.